Skip to main content

4097.ಭಾಗ_15_ಘಟ್ಟಕ್ಕೆ_ಕರಾವಳಿಗರ_ವಲಸೆ ಕರಾವಳಿ ವಲಸಿಗರಿಗೆ ಮಳೆ ಮತ್ತು ಚಳಿಗೆ ಕುರುಬರ ಕುರಿ ಕಂಬಳಿಗಳು ಬೇಕೇ ಬೇಕಿತ್ತು.


ಭಾಗ_15_ಘಟ್ಟಕ್ಕೆ_ಕರಾವಳಿಗರ_ವಲಸೆ

 ಕರಾವಳಿ ವಲಸಿಗರಿಗೆ ಮಳೆ ಮತ್ತು ಚಳಿಗೆ ಕುರುಬರ ಕುರಿ ಕಂಬಳಿಗಳು ಬೇಕೇ ಬೇಕಿತ್ತು.

  ನಿಮ್ಮ ಪೂರ್ವಜರು ಈ ರೀತಿ ಘಟ್ಟಕ್ಕೆ ವಲಸೆ ಬಂದವರಾಗಿದ್ದರೆ ನೀವು ಈ ಲೇಖನ ಪೂರ್ಣ ಓದಿ ಮತ್ತು ನಿಮ್ಮ ಕುಟುಂಬದವರಿಗೆ ಶೇರ್ ಮಾಡಿ.

 ಆ ಕಾಲದಲ್ಲಿ ಕರಾವಳಿ ಮತ್ತು ಮಲೆನಾಡು ಭಾಗಗಳಲ್ಲಿ ಕುರಿಗಳನ್ನು ಸಾಕುವುದು ತೀರಾ ಅಪರೂಪವಾಗಿದ್ದರಿಂದ ವಲಸಿಗರಿಗೆ ಅತ್ಯಂತ ಅನಿವಾರ್ಯವಾಗಿದ್ದ ಈ ಕಪ್ಪು ಕಂಬಳಿಗಳ ಖರೀದಿ ಮತ್ತು ವ್ಯಾಪಾರದ ಹಿಂದೆ ಒಂದು ವಿಶಿಷ್ಟವಾದ ವ್ಯವಸ್ಥೆಯಿತ್ತು.

  ​ವಲಸಿಗರು ಈ ಕಂಬಳಿಯನ್ನು ಎಲ್ಲಿ, ಯಾರಿಂದ ಮತ್ತು ಹೇಗೆ ಖರೀದಿಸುತ್ತಿದ್ದರು ಎಂಬ ಆಸಕ್ತಿದಾಯಕ ವಿವರಗಳು ಇಲ್ಲಿವೆ.

​ ಬಯಲುಸೀಮೆಯ ವಲಸೆ ವ್ಯಾಪಾರಿಗಳಲ್ಲಿ ಕುರುಬ ಸಮುದಾಯದವರು ಈ ಕಂಬಳಿಗಳನ್ನ ತಂದು ಮಾರಾಟ ಮಾಡುವ ವ್ಯಾಪಾರಿಗಳಾಗಿದ್ದರು.

  ಅವರು​ ಈ ಕಂಬಳಿಗಳನ್ನು ಬಯಲುಸೀಮೆ ಜಿಲ್ಲೆಗಳಾದ ಚಿತ್ರದುರ್ಗ, ದಾವಣಗೆರೆ, ತುಮಕೂರು, ಹಾವೇರಿ ಭಾಗಗಳಿಂದ ಘಟ್ಟದ ಮೇಲೆ ಬರುತ್ತಿದ್ದ ಕುರುಬ ಸಮುದಾಯದ ನೇಯ್ಗೆಕಾರರ ಮತ್ತು ವ್ಯಾಪಾರಿಗಳ
​ಸಂತೆ ಮತ್ತು ಜಾತ್ರೆಗಳಲ್ಲಿ ಈ ಕಂಬಳಿ ಖರೀದಿಸುತ್ತಿದ್ದರು.

  ಖರೀದಿಸಿದ ಈ ಕಂಬಳಿಗಳನ್ನ ಮಲೆನಾಡಿನ ಪ್ರಮುಖ ಟೌನ್‌ಗಳಾದ ಸಾಗರ, ಹೊಸನಗರ, ತೀರ್ಥಹಳ್ಳಿ, ಮೂಡಿಗೆರೆ ಅಥವಾ ಶೃಂಗೇರಿಯ ದೇವಸ್ಥಾನಗಳ ವಾರ್ಷಿಕ ಜಾತ್ರೆ ಹಾಗೂ ವಾರದ ಸಂತೆಗಳಿಗೆ ಈ ಬಯಲುಸೀಮೆಯ ವ್ಯಾಪಾರಿಗಳು ನೂರಾರು ಕಂಬಳಿಗಳನ್ನು ಎತ್ತು ಅಥವಾ ಕತ್ತೆಗಳ ಮೇಲೆ ಹೇರಿಕೊಂಡು ಮಾರಾಟಕ್ಕೆ ಬರುತ್ತಿದ್ದರು.

​ ಕೆಲವು ವ್ಯಾಪಾರಿಗಳು ಕಂಬಳಿಗಳನ್ನು ತಾವೇ ಹೆಗಲ ಮೇಲೆ ಹೊತ್ತುಕೊಂಡು ತೋಟದ ಲೈನ್‌ಮನೆಗಳಿಗೂ, ಒಂಟಿ ಮನೆಗಳಿಗೂ ನೇರವಾಗಿ ಮಾರಾಟ ಮಾಡಲು ಬರುತ್ತಿದ್ದರು.

​  ಕರಾವಳಿ ವಲಸಿಗರು ಈ ಕಂಬಳಿ ಖರೀದಿಸುತ್ತಿದ್ದರು, 
​ಘಟ್ಟಕ್ಕೆ ಹೊಸದಾಗಿ ವಲಸೆ ಬರುವವರು ಅಥವಾ ಈಗಾಗಲೇ ಅಲ್ಲಿ ನೆಲೆಸಿದ್ದ ಕಾರ್ಮಿಕರು ಕಂಬಳಿಯನ್ನು ಪ್ರಾಣಕ್ಕಿಂತ ಹೆಚ್ಚಾಗಿ ನೋಡಿಕೊಳ್ಳುತ್ತಿದ್ದರು.

 ಅವರು ​ಘಟ್ಟ ಹತ್ತುವ ಮುನ್ನ ಅಥವ ಕರಾವಳಿಯಿಂದ ಹೊರಡುವಾಗಲೇ ಕಂಬಳಿ ಜೊತೆಯಾಗಿ ಹೊರಡುತ್ತಿದ್ದರು.

 "#ಘಟ್ಟದ_ಚಳಿಗೆ_ಕಂಬಳಿ_ಬೇಕೇ_ಬೇಕು" ಎಂದು ಗೊತ್ತಿರುತ್ತಿದ್ದರಿಂದ, ಘಟ್ಟದ ಬುಡದ ಪ್ರಮುಖ ಪೇಟೆಗಳಾದ ಪುತ್ತೂರು, ಬೆಳ್ತಂಗಡಿ ಅಥವಾ ಕುಂದಾಪುರದ ಹಳೆಯ ಬಜಾರ್‌ಗಳಲ್ಲಿ ಮುಂಚಿತವಾಗಿಯೇ ಕಂಬಳಿ ಖರೀದಿಸುತ್ತಿದ್ದರು.

   ಅಂದಿನ ದಿನಗಳಲ್ಲಿ ಕಾರ್ಮಿಕರಲ್ಲಿ ಸದಾ ನಗದು ಹಣ ಇರುತ್ತಿರಲಿಲ್ಲ ಅಂತಹ ಸಂದರ್ಭಗಳಲ್ಲಿ ಕರಾವಳಿಯ ವಲಸಿಗರು ತೋಟದ ಮಾಲೀಕರಿಂದ ಮುಂಗಡವಾಗಿ (ಅಡ್ವಾನ್ಸ್) ಹಣ ಪಡೆದು ಕಂಬಳಿ ಖರೀದಿಸುತ್ತಿದ್ದರು. 

 ತಾವು ತಂದಿದ್ದ ಒಣಮೀನು, ತೆಂಗಿನಕಾಯಿ ಅಥವ ತೋಟದ ಕೆಲಸದ ಸಂಪಾದನೆಯ ಅಕ್ಕಿಯನ್ನು ಕೊಟ್ಟು ಬಯಲುಸೀಮೆಯ ವ್ಯಾಪಾರಿಗಳಿಂದ ಕಂಬಳಿಗಳನ್ನು ವಿನಿಮಯ ಮಾಡಿಕೊಳ್ಳುತ್ತಿದ್ದರು.

​  ​ಖರೀದಿಸುವಾಗ ಹಿರಿಯರು ಕಂಬಳಿಯ ಗುಣಮಟ್ಟವನ್ನು ಅತ್ಯಂತ ಕಟ್ಟುನಿಟ್ಟಾಗಿ ಪರೀಕ್ಷಿಸುತ್ತಿದ್ದರು ಏಕೆಂದರೆ ಅದು ಮಳೆಯನ್ನು ತಡೆಯಬೇಕಾಗಿತ್ತು.

​ ಕಂಬಳಿ ಎಷ್ಟು ಭಾರವಿದೆಯೋ ಅಷ್ಟು ಒಳ್ಳೆಯದು ಎಂದು ಪರಿಣಾಮ ಕಲ್ಪಿಸಲಾಗುತ್ತಿತ್ತು.

​ ಅಪ್ಪಟ ಕುರಿ ಉಣ್ಣೆಯಿಂದ ಮಾಡಿದ ಕಂಬಳಿಗಳಿಗೆ ಸ್ವಾಭಾವಿಕವಾಗಿಯೇ ಒಂಥರಾ ಕುರಿಯ ಚರ್ಮದ ತೇವಭರಿತ ವಾಸನೆ ಇರುತ್ತಿತ್ತು ಆ ವಾಸನೆ ಬಂದರೆ ಮಾತ್ರ ಅದು ನಕಲಿ ಅಲ್ಲ ಅಸಲಿ ಕಂಬಳಿ ಎಂದು ಒಪ್ಪಿಕೊಳ್ಳುತ್ತಿದ್ದರು.

​ ಕಂಬಳಿಯನ್ನು ಗಟ್ಟಿಯಾಗಿ ಹಿಡಿದು ಅದರ ಮೇಲೆ ಸ್ವಲ್ಪ ನೀರು ಸುರಿದು ನೋಡುತ್ತಿದ್ದರು. ನೀರು ತಕ್ಷಣವೇ ಒಳಗಿಳಿಯದೆ ಜಾರಿ ಹೋದರೆ ಅದು ಮಳೆಗೆ ಉತ್ತಮ ಕವಚ ಎಂದು ತೀರ್ಮಾನಿಸುತ್ತಿದ್ದರು.

 ​ಖರೀದಿಸಿದ ತಕ್ಷಣ ಹೊಸ ಕಂಬಳಿಯನ್ನು ಬಳಸುತ್ತಿರಲಿಲ್ಲ. ಹೊಸದರಲ್ಲಿ ಅದು ತುಂಬಾ ಒರಟಾಗಿ ಮತ್ತು ಚುಚ್ಚುವಂತೆ ಇರುತ್ತಿತ್ತು.

​ಅದನ್ನು ಮೊದಲು ಹಳ್ಳದ ನೀರಿನಲ್ಲಿ ಚೆನ್ನಾಗಿ ನೆನೆಸಿ, ಬಂಡೆ ಕಲ್ಲಿಗೆ ಅಪ್ಪಳಿಸಿ ತೊಳೆದು, ಬಿಸಿಲಿನಲ್ಲಿ ಒಣಗಿಸುತ್ತಿದ್ದರು.

  ಹೀಗೆ ಎರಡೂ ಮೂರು ಬಾರಿ ಮಾಡಿದಾಗ ಉಣ್ಣೆಯ ನಾರುಗಳು ಹದವಾಗಿ, ಮೃದುವಾಗಿ ದೇಹಕ್ಕೆ ಒಗ್ಗಿಕೊಳ್ಳುತ್ತಿದ್ದವು.

 ​ಒಂದು ಬಾರಿ ಕಷ್ಟಪಟ್ಟು ಖರೀದಿಸಿದ ಕಂಬಳಿ ಕನಿಷ್ಠ 10 ರಿಂದ 15 ವರ್ಷಗಳ ಕಾಲ ಬಾಳಿಕೆ ಬರುತ್ತಿತ್ತು.
 
 ತಂದೆ ಬಳಸಿದ ಕಂಬಳಿಯನ್ನು ಮಗನಿಗೆ ಆಸ್ತಿಯಂತೆ ಹಸ್ತಾಂತರಿಸಿದ ಉದಾಹರಣೆಗಳೂ ಅಂದಿನ ವಲಸಿಗರ ಬದುಕಿನಲ್ಲಿದ್ದವು.

 ​ನಿಮ್ಮ ಹಿರಿಯರು ತಂದಿದ್ದ ಅಂತಹ ಯಾವುದಾದರೂ ಹಳೆಯ ಕಾಲದ ಕಪ್ಪು ಕಂಬಳಿ ಕಥೆ ನಿಮಗೆ ಹೇಳಿದ್ದರಾ? ..

   ಅದು ನೆನಪಾಗಿ ಉಳಿದಿದೆಯೇ?..

#Woolen #sheep #westernghats #coastalliving 
#seasonalmigration #history #raincoat #KAMBAL
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
1 comment
Read more

ರಿಪ್ಪನ್ ಪೇಟೆ ( ಶಿವಮೊಗ್ಗ ಜಿಲ್ಲೆ) ಹೆಸರು ಬಂದಿದ್ದಾದರು ಹೇಗೆ?

#  ರಿಪ್ಪನ್ ಪೇಟೆ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲ್ಲೂಕಿನ ಪ್ರಮುಖ ಹೋಬಳಿ ಕೇಂದ್ರ ಈ ಆಂಗ್ಲ ಅಧಿಕಾರಿಯ ಹೆಸರು ಇಡಲು ಕಾರಣವಾದ ಘಟನೆ ತುಂಬಾ ಕುತೂಹಲಕಾರಿ# ಸ್ವಲ್ಪ ಕಾಲ ನೀವು ಈ ಲೇಖನ ಓದಿದರೆ ಕಾರಣ ಗೊತ್ತಾಗುತ್ತೆ.    ಆಗ ಬ್ರಿಟಿಷ್ ಸಕಾ೯ರರಕ್ಕೆ ಆಡಳಿತ ಸುಗುಮಕ್ಕೆ ರೈಲು ಮಾಗ೯ ಅತ್ಯಗತ್ಯ ಎಂಬ ಸಕಾರಣ ಮನವರಿಕೆ ಆದ ಕಾಲ ಏಕೆಂದರೆ ಬ್ರಿಟಿಷರು ಅಮೆರಿಕಾ ವಲಸೆಯಲ್ಲಿ ಇದನ್ನ ಮನಗOಡಿದ್ದರು, ಬೆಂಗಳೂಳಿ ರಿಂದ ಶಿವಮೊಗ್ಗ ತಲುಪುವ ರೈಲು ಮಾಗ೯ ತಾಳಗುಪ್ಪಾ ತಲುಪಿದರೆ ಜೋಗ ಜಲಪಾತ ವೀಕ್ಷಣೆಗೆ ಅನುಕೂಲ ಎಂಬುದು ಹಾಗೆ ಮತ್ತೊಂದು ಮ್ಯಸೂರು ಸಕಾ೯ರ ಶರಾವತಿ ನದಿಗೆ ಆಣೆಕಟ್ಟು ಕಟ್ಟಿ.ಜಲ ವಿದ್ಯುತ್ ತಯಾರಿಸಲು ಸಾಮಗ್ರಿ ಸಾಗಾಣಿಕೆಗೆ ಅನುಕೂಲ ಎಂಬ ಕಾರಣದಿಂದ ಶಿವಮೊಗ್ಗದಿಂದ ತಾಳಗುಪ್ಪ ರೈಲು ಮಾಗ೯ ಯೋಜನೆ ಮಾಡಲಾಯಿತು.    ಆಗ ಪ್ಲೇಗ್ ಮಾರಿಯ ಕಾಲ, ಎಲ್ಲೆಲ್ಲೂ ಜನ ಸಾಯುತ್ತಿದ್ದರು ಆಗಲೇ ಈ ರೈಲು ಮಾಗ೯ ಶಿವಮೊಗ್ಗ ಆರಸಾಳಿOದ ದೊಡ್ಡಿನ ಕೊಪ್ಪ (ಈಗಿನ ರಿಪ್ಪನ್ ಪೇಟೆ) ಆನಂದಪುರಂ ಮಾಗ೯ ನಿಗದಿ ಆಗಿತ್ತು ಆದರೆ ಈ ಭಾಗದಲ್ಲಿ ಒಂದು  ವದಂತಿ ಈ ಬಾಗದಲ್ಲಿ ಹರಡಿತ್ತು ಅದೇನೆಂದರೆ ರೈಲು ಬಂದರೆ ಪ್ಲೇ ಗು ಬರುತ್ತೆ  ಅಂತ.    ಹಾಗಾಗಿ ಈ ಭಾಗದಲ್ಲಿನ ಜಾಗೃತ ಜನ ನಾಯಕರುಗಳು ಹೇಗಾದರು ಮಾಡಿ ರೈಲು ಬರದಂತೆ ಮಾಡಲು ಎಲ್ಲಾ ರೀತಿಯ ಪ್ರಯತ್ನ ಮಾಡಲು ಪ್ರಾರಂಭಿಸಿದರು.     ಇದೇ ಸಂದಭ೯ದಲ್ಲ...
5 comments
Read more

HISTORICAL SAGAR MARIKAMBA JATRA.ಐತಿಹಾಸಿಕ ಸಾಗರದ ಮಾರಿಕಾಂಬಾ ಜಾತ್ರೆ

     ಸಾಗರದ ಮಾರಿಕಾಂಬಾ ಜಾತ್ರೆ ಐತಿಹಾಸಿಕ ಚರಿತ್ರೆಯಲ್ಲಿ ದಾಖಲೆ.        ಕನಾ೯ಟಕ ರಾಜ್ಯದಲ್ಲಿ ಎರೆಡು ಮಾರಿಕಾಂಬಾ ಜಾತ್ರೆಗಳು ಪ್ರಸಿದ್ಧಿ ಪಡೆದಿದೆ ಅದು ಉತ್ತರ ಕನ್ನಡ ಜಿಲ್ಲೆಯ ಸಿಸಿ೯ಯದ್ದು ಮತ್ತು ಶಿವಮೊಗ್ಗ ಜಿಲ್ಲೆಯ ಸಾಗರದ್ದು.    ಪ್ರತಿ ಮೂರು ವಷ೯ಕೆ ಈ ಜಾತ್ರೆ ಆಚರಿಸಲಾಗುತ್ತೆ ಶೂದ್ರ ವಗ೯ದವರು ಭಯ ಮತ್ತು ಭಕ್ತಿಯಿಂದ ಕುರಿ ಕೋಳಿ ಬಲಿ ನೀಡುವ ಪರಂಪರೆ ಇದೆ.ಮಂಗಳವಾರ ಮೇಲು ಜಾತಿಯ ಜನರ ಪೂಜೆ ದೇವಿಯ ತವರು ಮನೆಯಲ್ಲಿ ನಡೆಯುತ್ತದೆ ನಂತರ ರಾತ್ರಿ ಗಂಡನ ಸೇರುವ ಮಾರಿಗೆ ಶೂದ್ರರ ಪೂಜೆ, ಬಲಿ ಮೀಸಲು.    ಮೊದಲೆಲ್ಲ ಮಾರಿಯಮ್ಮನಿಗೆ ಕೊಣನ ಬಲಿ ನೀಡುತ್ತಿದ್ದರು ಈಗ ಇದು ಕಾನೂನು ಪ್ರಕಾರ ನಿಷಿದ್ಧ ಆದರೆ ಈ ಆಚಾರಣೆ ಗುಪ್ತವಾಗಿ ಬೇರೆ ಕಡೆ ನಡೆಸಲಾಗುತ್ತೆ ಅನ್ನುತ್ತಾರೆ.    ಸಾಗರದ ಮಾರಿಕಾ0ಬಾ ಜಾತ್ರೆ ಜಾತ್ರೆಯಿ೦ದ ಜಾತ್ರೆಗೆ ಅದೂರಿಯಾಗಿ ನಡೆಯುತ್ತದೆ, ಕೋಟ್ಯಾoತರ ಹಣದ ವಹಿವಾಟು ಕೂಡ, ಮೊದಲೆಲ್ಲ ಹಣದ ಅಪರಾ ತಪರ ಆಗುತ್ತಿದೆ ಎಂಬ ಗುಲ್ಲು ಇತ್ತು ಆದರೆ ಈಗೆಲ್ಲ ಪಾರದಶ೯ಕವಾಗಿದೆ ಆದರೂ ಈ ಬಾರಿಯ 2017ರ ಜಾತ್ರೆಯಲ್ಲಿ ಅವ್ಯವಹಾರದ ಆರೋಪ ಮಾಡಲಾಗಿದೆ ಈ ವಿಚಾರ ಇಲ್ಲಿ ಅಪ್ರಸ್ತುತ ಆದರೂ ಈ ಬಗ್ಗೆ ಬರೆಯಲು ಕಾರಣ ಕೆಳದಿ ಅರಸರ ಕಾಲದಲ್ಲಿ ಅಂದರೆ 350 ವಷ೯ದ ಹಿಂದೆಯೂ ರಾಜರಿಗೆ ಸಾಗರದ ಮಾರಿಕಾಂಬಾ ಜಾತ್ರೆಯಲ್ಲಿ ಸಾವ೯ಜನಿಕರಿಂದ ಸಂಗ್ರಹಿಸಿದ ಜಾತ...
Post a Comment
Read more