4152.ಶಿವಮೊಗ್ಗ_ಮ್ಯಾಮ್_ಕೋಸ್_ಚರಿತ್ರೆMAMCOS.

ಶಿವಮೊಗ್ಗ_ಮ್ಯಾಮ್_ಕೋಸ್_ಚರಿತ್ರೆ

MAMCOS.

   ಶಿವಮೊಗ್ಗ ಜಿಲ್ಲೆಯ #ತೀರ್ಥಹಳ್ಳಿಯ ಆ ಕಾಲದ 1930ರ ದಶಕದ ಪ್ರಮುಖ ನಾಯಕರು ಮತ್ತು ವಿದ್ಯಾಭ್ಯಾಸ ಹೊಂದಿದ್ದ ತೀರ್ಥಹಳ್ಳಿ ಅಡಿಕೆ ಕೃಷಿಕರು ಸಹಕಾರ ತತ್ವದ ಅಗತ್ಯವನ್ನು ಮೊದಲು ಮನಗಂಡು ಪ್ರಾರಂಬಿಸಿದ ಈ ಸಂಸ್ಥೆ 87 ವರ್ಷದಲ್ಲಿ ಬೆಳೆದ ಪರಿ ಸಾಮಾನ್ಯದ್ದಲ್ಲ.

 #ಪ್ರಾರಂಭ_ಕೇವಲ_ನಾಲ್ಕು_ಸಾವಿರ_ರೂಪಾಯಿಯಿಂದ ಇಂದು ಮ್ಯಾಮ್‌ಕೋಸ್ 30,000ಕ್ಕೂ ಹೆಚ್ಚು ಸದಸ್ಯ ರೈತರನ್ನು ಹೊಂದಿದ್ದು, ಸಾವಿರಾರು ಕೋಟಿ ರೂಪಾಯಿ ವಹಿವಾಟು ನಡೆಸುವ ಬಲಿಷ್ಠ ಸಹಕಾರಿ ಸಂಸ್ಥೆಯಾಗಿ ಬೆಳೆದುನಿಂತಿದೆ.

  ಮಲೆನಾಡು ಅರೇಕಾ ಮಾರ್ಕೆಟಿಂಗ್ ಕೋ ಆಪರೇಟೀವ್ ಸೊಸೈಟಿ ಲಿಮಿಟೆಡ್ ಈಗ ದೊಡ್ಡ ಕಾರ್ಪೊರೇಟ್ ಕಂಪನಿ ಆಗಿದೆ ಶತಮಾನದ ಹೊಸ್ತಿಲಲ್ಲಿದೆ, ಇದರ ಪ್ರಾರಂಭದ ಇತಿಹಾಸ ಇಲ್ಲಿದೆ ಓದಿ.

  ನೀವು ಅಡಿಕೆ ಬೆಳೆಗಾರರಾಗಿದ್ದರೆ, ಈ ಸಂಸ್ಥೆಯ ಶೇರುದಾರರಾಗಿದ್ದರೆ ಇದನ್ನು ಹೆಚ್ಚು ಶೇರ್ ಮಾಡಿ.

  1930ರ ದಶಕದಲ್ಲಿ #ಮಲೆನಾಡು ಭಾಗದ ಅಡಿಕೆ ಬೆಳೆಗಾರರು ಎದುರಿಸುತ್ತಿದ್ದ ತೀವ್ರ ಶೋಷಣೆ ಮತ್ತು ಆರ್ಥಿಕ ಸಂಕಷ್ಟವೇ ಮ್ಯಾಮ್‌ಕೋಸ್ (MAMCOS) ಸ್ಥಾಪನೆಗೆ ಮುಖ್ಯ ಕಾರಣ.

   ಅಂದಿನ ಕಾಲದಲ್ಲಿ ಅಡಿಕೆ ವ್ಯಾಪಾರ ಸಂಪೂರ್ಣವಾಗಿ ಖಾಸಗಿ ವರ್ತಕರು ಮತ್ತು ದಲ್ಲಾಳಿಗಳ ಹಿಡಿತದಲ್ಲಿತ್ತು.

  ಅವರು ತೂಕದಲ್ಲಿ ಮೋಸ ಮಾಡುವುದು, ಅಡಿಕೆಗೆ ಅತಿ ಕಡಿಮೆ ಬೆಲೆ ನೀಡುವುದು ಮತ್ತು ಹೆಚ್ಚಿನ ಕಮಿಷನ್ ಪಡೆಯುವ ಮೂಲಕ ಬೆಳೆಗಾರರನ್ನು ವಂಚಿಸುತ್ತಿದ್ದರು.

​  ಫಸಲು ಬರುವ ಮುನ್ನವೇ ರೈತರು ತಮ್ಮ ದಿನನಿತ್ಯದ ಖರ್ಚಿಗಾಗಿ ವರ್ತಕರಿಂದ ದುಬಾರಿ ಬಡ್ಡಿಗೆ ಸಾಲ ಪಡೆಯುತ್ತಿದ್ದರು.ಸಾಲ ತೀರಿಸಲು ತಾವು ಬೆಳೆದ ಅಡಿಕೆಯನ್ನು ಅನಿವಾರ್ಯವಾಗಿ ಅದೇ ವರ್ತಕರಿಗೆ ಅವರು ಹೇಳಿದ ಬೆಲೆಗೆ ಮಾರಬೇಕಾದ ವಿಷವರ್ತುಲ ನಿರ್ಮಾಣವಾಗಿತ್ತು.

 ​  ಮಾರುಕಟ್ಟೆಯಲ್ಲಿ ಅಡಿಕೆಯ ದರ ಎಷ್ಟಿದೆ ಎಂಬ ನಿಖರ ಮಾಹಿತಿ ಬೆಳೆಗಾರರಿಗೆ ಸಿಗುತ್ತಿರಲಿಲ್ಲ.

  ಬೆಲೆ ಕುಸಿದಾಗ ನಷ್ಟ ಸಂಪೂರ್ಣವಾಗಿ ರೈತರ ಮೇಲೆಯೇ ಬೀಳುತ್ತಿತ್ತು.

  ​ ಬೆಲೆ ಕಡಿಮೆ ಇದ್ದಾಗ ಅಡಿಕೆಯನ್ನು ಕಾಪಾಡಿಟ್ಟುಕೊಳ್ಳಲು ರೈತರಿಗೆ ಸುರಕ್ಷಿತ ಗೋದಾಮುಗಳು ಇರಲಿಲ್ಲ.

 ಈ ಎಲ್ಲ ಅನ್ಯಾಯಗಳಿಗೆ ಶಾಶ್ವತ ಪರಿಹಾರ ಕಂಡುಕೊಳ್ಳಲು ರೈತರೇ ಒಗ್ಗೂಡಿ ತಮ್ಮದೇ ಆದ ಮಾರಾಟ ವ್ಯವಸ್ಥೆ ರೂಪಿಸಿಕೊಳ್ಳಲು ನಿರ್ಧರಿಸಿದರು.

  ಇದರ ಫಲವಾಗಿ 1939 ರಲ್ಲಿ ಮಲೆನಾಡಿನ ಪ್ರಮುಖ ರೈತ ಮುಖಂಡರು ಮತ್ತು ಸಹಕಾರ ಧುರೀಣರ ನೇತೃತ್ವದಲ್ಲಿ ಶಿವಮೊಗ್ಗದಲ್ಲಿ ಮ್ಯಾಮ್‌ಕೋಸ್ ಸ್ಥಾಪನೆಯಾಯಿತು.

  ಮ್ಯಾಮ್‌ಕೋಸ್ (MAMCOS) 1939 ರಲ್ಲಿ ಆರಂಭವಾದಾಗ ಅದರ ಮುಖ್ಯ ಕಚೇರಿಯು #ಶಿವಮೊಗ್ಗ ನಗರದಲ್ಲಿಯೇ ಕಾರ್ಯಾರಂಭ ಮಾಡಿತು.

 ​ಆರಂಭಿಕ ದಿನಗಳಲ್ಲಿ ಶಿವಮೊಗ್ಗದ ಬಾಡಿಗೆ ಕಟ್ಟಡದಲ್ಲಿ ತನ್ನ ಆಡಳಿತ ಕಚೇರಿ ಮತ್ತು ಅಡಿಕೆ ಹರಾಜು ಕೇಂದ್ರವನ್ನು ನಡೆಸಲಾಗುತ್ತಿತ್ತು.

   ನಂತರ ಸಂಸ್ಥೆ ಬೆಳೆದಂತೆ ಶಿವಮೊಗ್ಗ ನಗರದಲ್ಲೇ ಸ್ವಂತ ಕಟ್ಟಡ ಹಾಗೂ ಪ್ರಸ್ತುತ ಎ.ಪಿ.ಎಂ.ಸಿ (APMC) ಯಾರ್ಡ್ ಆವರಣದಲ್ಲಿ ಸುಸಜ್ಜಿತ ಮುಖ್ಯ ಕಚೇರಿಯನ್ನು ನಿರ್ಮಿಸಲಾಯಿತು.

 ಮ್ಯಾಮ್‌ಕೋಸ್ (MAMCOS) ಸಂಸ್ಥಾಪನೆಯು ಮಲೆನಾಡಿನ ರೈತರ ಒಗ್ಗಟ್ಟು ಮತ್ತು ಸಹಕಾರ ತತ್ವದ ಪ್ರಮುಖ ಮೈಲಿಗಲ್ಲು.  

​  ನವೆಂಬರ್ 8, 1939 ರಲ್ಲಿ ಸಂಘವು ನೋಂದಣಿಯಾದಾಗ ಅಂದಿನ ಶಿವಮೊಗ್ಗ ಜಿಲ್ಲಾಧಿಕಾರಿಗಳಾಗಿದ್ದ  #ಶೇಷಾದ್ರಿ ಅವರು ಸಂಸ್ಥಾಪಕ ಅಧ್ಯಕ್ಷರಾಗಿ ಮಾರ್ಗದರ್ಶನ ನೀಡಿದರು.  

  ತೀರ್ಥಹಳ್ಳಿ, ಸಾಗರ, ಹೊಸನಗರ ಭಾಗದ ಪ್ರಮುಖ ಅಡಿಕೆ ಬೆಳೆಗಾರರು ಸಂಘದ ಸ್ಥಾಪಕ ನಿರ್ದೇಶಕರಾಗಿ ಕೈಜೋಡಿಸಿದರು.

 ​ ಮ್ಯಾಮ್ ಕೋಸ್ ಪ್ರಾರಂಭದ ಸಂಸ್ಥಾಪಕ ನಿರ್ದೇಶಕರು 

ಶ್ರೀ ಆರ್. #ಅಪ್ಪಣ್ಣ_ಹೆಗಡೆ (ಮೇಗರವಳ್ಳಿ)  

​ಶ್ರೀ ಕೆ. ಎಲ್. #ನಾಗಭೂಷಣ ಭಟ್ (ಕೊತ್ತಗೊಡು)  

​ಶ್ರೀ ಎಂ. ಜೆ. #ರಾಮಕೃಷ್ಣ (ತೀರ್ಥಹಳ್ಳಿ)  

​ಶ್ರೀ ಕೂಡಿಗೆ #ಭರಮಯ್ಯಗೌಡ್ರು  

​ಶ್ರೀ ಬಿ. ಟಿ. #ಪೀತಾಂಬರ_ರಾವ್, ಎಂ.ಎ.  

​ಶ್ರೀ ದೇವಲೆಕೊಪ್ಪದ #ಸುಬ್ಬಯ್ಯ_ಗೌಡ್ರು  

​ಶ್ರೀ #ನಾಗಭೂಷಣರಾಯರು (ಕಾಸರವಳ್ಳಿ)  

​ಶ್ರೀ ಜಿ. ಎಂ. #ದುಗ್ಗಪ್ಪಾ_ಹೆಗಡೆ (ಗುಡ್ಡೆಕೇರಿ) ಕಾಯ೯ನಿರ್ವಹಿಸಿದ್ದರು.

  ಮ್ಯಾಮ್‌ಕೋಸ್ ಆರಂಭವಾದಾಗ ಹೆಚ್ಚಿನ ಸಂಸ್ಥಾಪಕ ನಿರ್ದೇಶಕರು #ತೀರ್ಥಹಳ್ಳಿ ತಾಲೂಕಿನವರೇ ಆಗಿರಲು ಪ್ರಮುಖ ಐತಿಹಾಸಿಕ, ಭೌಗೋಳಿಕ ಮತ್ತು ಸಾಮಾಜಿಕ ಕಾರಣಗಳಿವೆ.

 ​ 1930-40ರ ದಶಕದಲ್ಲಿ ತೀರ್ಥಹಳ್ಳಿ ತಾಲೂಕು ಮಲೆನಾಡಿನ ಅತ್ಯಂತ ಗುಣಮಟ್ಟದ ಮತ್ತು ಅತಿ ಹೆಚ್ಚು ಅಡಿಕೆ ಉತ್ಪಾದಿಸುವ ಪ್ರಮುಖ ಕೇಂದ್ರವಾಗಿತ್ತು (ವಿಶೇಷವಾಗಿ 'ತೀರ್ಥಹಳ್ಳಿ ಕೆಂಪಡಿಕೆ/ರಾಶಿ ಚಾಲಿ' ರಾಜ್ಯದಲ್ಲೇ ಹೆಸರುವಾಸಿ).

 

​  ಆಗ ತೀರ್ಥಹಳ್ಳಿಯ ಅಡಿಕೆ ಮಾರುಕಟ್ಟೆ ಸಂಪೂರ್ಣವಾಗಿ ಖಾಸಗಿ ಮಂಡಿ ವರ್ತಕರ ಹಿಡಿತದಲ್ಲಿತ್ತು, ಅಡಿಕೆಯನ್ನು ಶಿವಮೊಗ್ಗ, ಮುಂಬೈ ಅಥವಾ ಮದ್ರಾಸ್‌ಗೆ ಸಾಗಿಸುವ ಮುನ್ನ ತೀರ್ಥಹಳ್ಳಿಯಲ್ಲೇ ಮಧ್ಯವರ್ತಿಗಳು ತೂಕ ಹಾಗೂ ಬೆಲೆಯಲ್ಲಿ ಸ್ಥಳೀಯ ರೈತರಿಗೆ ತೀವ್ರ ಶೋಷಣೆ ಮಾಡುತ್ತಿದ್ದರು. ಇದರಿಂದ ತೀರ್ಥಹಳ್ಳಿಯ ಬೆಳೆಗಾರರಲ್ಲಿ ಅಸಮಾಧಾನ ಮತ್ತು ಒಗ್ಗಟ್ಟಿನ ಕಿಚ್ಚು ಹೆಚ್ಚಾಗಿತ್ತು.

​ ತೀರ್ಥಹಳ್ಳಿಯ #ಅಪ್ಪಣ್ಣ_ಹೆಗಡೆ, #ನಾಗಭೂಷಣಭಟ್ಟರು, #ಎಂ_ಜೆ_ರಾಮಕೃಷ್ಣ ಅವರಂತಹ ಪ್ರಮುಖ ನಾಯಕರು ಮತ್ತು ವಿದ್ಯಾಭ್ಯಾಸ ಹೊಂದಿದ್ದ ಕೃಷಿಕರು ಸಹಕಾರ ತತ್ವದ ಅಗತ್ಯವನ್ನು ಮೊದಲು ಮನಗಂಡು, ರೈತರನ್ನು ಸಂಘಟಿಸಲು ಮನೆ-ಮನೆಗೆ ತೆರಳಿ ಸಭೆಗಳನ್ನು ನಡೆಸಿದರು.

​ ತೀರ್ಥಹಳ್ಳಿಯಿಂದ ಬೆಳೆದ ಅಡಿಕೆಯನ್ನು ಮಾರಾಟ ಮಾಡಲು ಅಂದು ಹತ್ತಿರದ ಪ್ರಮುಖ ವಾಣಿಜ್ಯ ಮಾರುಕಟ್ಟೆ ಮತ್ತು #ರೈಲ್ವೆ ಸಂಪರ್ಕವಿದ್ದದ್ದು ಶಿವಮೊಗ್ಗಕ್ಕೆ ಮಾತ್ರ ಹೀಗಾಗಿ ತೀರ್ಥಹಳ್ಳಿಯ ಮುಖಂಡರೇ ಮುಂದಾಳತ್ವ ವಹಿಸಿ ಶಿವಮೊಗ್ಗವನ್ನು ಕೇಂದ್ರವಾಗಿಸಿಕೊಂಡು ಸಂಘವನ್ನು ಕಟ್ಟಿದರು.

 ​ಈ ಕಾರಣಗಳಿಂದಾಗಿ ಸಂಘದ ನೋಂದಣಿ, ಷೇರು ಬಂಡವಾಳ ಸಂಗ್ರಹ ಮತ್ತು ನೇತೃತ್ವದಲ್ಲಿ ತೀರ್ಥಹಳ್ಳಿಯ ಪ್ರಮುಖ ಬೆಳೆಗಾರರೇ ಮುಂಚೂಣಿಯಲ್ಲಿದ್ದು ಮೊದಲ ನಿರ್ದೇಶಕರಾಗಿ ಜವಾಬ್ದಾರಿ ವಹಿಸಿಕೊಂಡರು.

  ಕೆಲವೇ ನೂರು ಬೆಳೆಗಾರರು ಹಾಗೂ ಸೀಮಿತ ಬಂಡವಾಳದೊಂದಿಗೆ ಶಿವಮೊಗ್ಗ ನಗರದಲ್ಲಿ ಕಚೇರಿ ಆರಂಭವಾಯಿತು.

 ಆರಂಭದಲ್ಲಿ ರೈತರು ತಂದ ಅಡಿಕೆಯನ್ನು ನೇರವಾಗಿ ಪರಿಶೀಲಿಸಿ, ನಿಖರ ತೂಕ ಮತ್ತು ಮುಕ್ತ #ಹರಾಜು ಪ್ರಕ್ರಿಯೆಯ ಮೂಲಕ ಮಾರಾಟ ಮಾಡುವ ಪದ್ಧತಿಯನ್ನು ಜಾರಿಗೆ ತರಲಾಯಿತು ಇದರಿಂದ ಖಾಸಗಿ ವರ್ತಕರ ಕಮಿಷನ್ ದಂಧೆಗೆ ಕಡಿವಾಣ ಬಿತ್ತು.  

​  ಶಿವಮೊಗ್ಗದಿಂದ ಆರಂಭವಾದ ಸಂಘವು ಕ್ರಮೇಣ ಸಾಗರ, ತೀರ್ಥಹಳ್ಳಿ, ಹೊಸನಗರ, ಶಿಕಾರಿಪುರ ಹಾಗೂ ಚಿಕ್ಕಮಗಳೂರು ಭಾಗಗಳಿಗೂ ತನ್ನ ಶಾಖೆ ಮತ್ತು ಸಂಗ್ರಹಣಾ ಕೇಂದ್ರಗಳನ್ನು ವಿಸ್ತರಿಸಿತು.

 

​  ಬೆಳೆಗಾರರು ಅಡಿಕೆ ಮಾರಾಟವಾಗುವವರೆಗೆ ಕಾಯಲು ಅನುಕೂಲವಾಗುವಂತೆ ಗೋದಾಮು ವ್ಯವಸ್ಥೆ ಹಾಗೂ ದಾಸ್ತಾನಿನ ಆಧಾರದ ಮೇಲೆ ಮುಂಗಡ ಸಾಲ ನೀಡುವ ವ್ಯವಸ್ಥೆಯನ್ನು ರೂಪಿಸಲಾಯಿತು.

   1939 ರಲ್ಲಿ ಮ್ಯಾಮ್‌ಕೋಸ್  ನೋಂದಣಿಯಾದಾಗ ಅದರ ಆರಂಭಿಕ ಬಂಡವಾಳ ಮತ್ತು ಸದಸ್ಯತ್ವದ ವಿವರಗಳು ಹೀಗಿದ್ದವು.

 ​#ಆರಂಭಿಕ_ಪಾಲು_ಬಂಡವಾಳ #ಕೇವಲ_ರೂ_4_140 (ನಾಲ್ಕು ಸಾವಿರದ ಒಂದು ನೂರ ನಲವತ್ತು ರೂಪಾಯಿಗಳು).

 ​ಆರಂಭಿಕ ಸದಸ್ಯರ ಸಂಖ್ಯೆ 267 ಅಡಿಕೆ ಬೆಳೆಗಾರರು,​ಪ್ರತಿ ಪಾಲಿನ ಮುಖಬೆಲೆ ರೂ 10 ರಿಂದ ರೂ 20 ರ ಆಸುಪಾಸಿನಲ್ಲಿ ಷೇರುಗಳನ್ನು ವಿತರಿಸಲಾಗಿತ್ತು.

  ​ಕೇವಲ ನಾಲ್ಕು ಸಾವಿರ ರೂಪಾಯಿಗಳ ಅತ್ಯಲ್ಪ ಬಂಡವಾಳದೊಂದಿಗೆ ಆರಂಭವಾದ ಮ್ಯಾಮ್‌ಕೋಸ್, ಇಂದು ನೂರಾರು ಕೋಟಿ ರೂಪಾಯಿಗಳ ಷೇರು ಬಂಡವಾಳ ಮತ್ತು ಸಾವಿರಾರು ಕೋಟಿ ರೂಪಾಯಿಗಳ ವಾರ್ಷಿಕ ವಹಿವಾಟು ನಡೆಸುವ ಹೆಮ್ಮರವಾಗಿ ಬೆಳೆದಿದೆ.

 ಮ್ಯಾಮ್‌ಕೋಸ್ ಇತ್ತೀಚಿನ ವಾರ್ಷಿಕ ವರದಿಗಳ ಅನ್ವಯ ಹೊಂದಿರುವ ಆರ್ಥಿಕ ಸ್ಥಿತಿಗತಿಗಳು,

ಆರ್ಥಿಕ ವಿವರ,ಅಂದಾಜು ಪ್ರಮಾಣ ಇಲ್ಲಿದೆ ನೋಡಿ.

  ವಾರ್ಷಿಕ ಒಟ್ಟು ವಹಿವಾಟು  ರೂ 1,200 ರಿಂದ ರೂ 1,500 ಕೋಟಿಗೂ ಹೆಚ್ಚು (ಅಡಿಕೆ ಧಾರಣೆ ಮತ್ತು ಹರಾಜಿನ ಪ್ರಮಾಣವನ್ನು ಅವಲಂಬಿಸಿ).

  ಷೇರು ಬಂಡವಾಳ ರೂ 8.75 ಕೋಟಿಗೂ ಹೆಚ್ಚು 31,000ಕ್ಕೂ ಅಧಿಕ ಸದಸ್ಯ ಬೆಳೆಗಾರರಿದ್ದಾರೆ.

  ಕಾರ್ಯನಿರತ ಬಂಡವಾಳ ರೂ 200 ರಿಂದ ರೂ 300 ಕೋಟಿಗೂ ಅಧಿಕ (ಸದಸ್ಯರ ಠೇವಣಿ, ಕಾಯ್ದಿರಿಸಿದ ನಿಧಿ ಸೇರಿದಂತೆ).

 ವಾರ್ಷಿಕ ನಿವ್ವಳ ಲಾಭ ರೂ 9.53 ಕೋಟಿ (2025–26ನೇ ಸಾಲಿನ ವರದಿ).

ಸ್ಥಿರಾಸ್ತಿ ಮತ್ತು ಮೂಲಸೌಕರ್ಯ ರೂ 150 ಕೋಟಿಗೂ ಅಧಿಕ ಮೌಲ್ಯದ ಆಸ್ತಿ.

  

​  ಶಿವಮೊಗ್ಗ ಎ.ಪಿ.ಎಂ.ಸಿ ಯಾರ್ಡ್‌ನಲ್ಲಿ ಕೇಂದ್ರ ಕಚೇರಿ ಹಾಗೂ ವಿಶಾಲ ಹರಾಜು ಕಟ್ಟಡ ಸಂಕೀರ್ಣ ಹೊಂದಿದೆ.

  ಶಿವಮೊಗ್ಗ, ತೀರ್ಥಹಳ್ಳಿ, ಸಾಗರ, ಹೊಸನಗರ, ಶಿಕಾರಿಪುರ, ಕೊಪ್ಪ, ಶೃಂಗೇರಿ ಸೇರಿದಂತೆ ಮಲೆನಾಡಿನಾದ್ಯಂತ ಲಕ್ಷಾಂತರ ಕ್ವಿಂಟಾಲ್ ಅಡಿಕೆ ದಾಸ್ತಾನು ಸಾಮರ್ಥ್ಯವಿರುವ ಸ್ವಂತ ಸುಸಜ್ಜಿತ ಗೋದಾಮುಗಳಿದೆ.

 15ಕ್ಕೂ ಹೆಚ್ಚು ಸ್ವಂತ ಮತ್ತು ಸುಸಜ್ಜಿತ ಶಾಖಾ ಕಚೇರಿಗಳು ಹಾಗೂ ಕೃಷಿ ಪರಿಕರಗಳ ವಿತರಣಾ ಮಳಿಗೆಗಳು ಹೊಂದಿದೆ.

    ಇಂತಹದ್ದೊಂದು ಬೃಹತ್ ಯಶಸ್ವಿ ಅಡಿಕೆ ಬೆಳೆಗಾರರ ಸಹಕಾರಿ ಸಂಸ್ಥೆ ಶಿವಮೊಗ್ಗ ಜಿಲ್ಲೆಯಲ್ಲಿದೆ ಎಂಬುದು ಹೆಮ್ಮೆಯ ಸಂಗತಿ, ಇದನ್ನು ಹುಟ್ಟಿ ಹಾಕಿದ ನಮ್ಮ ಜಿಲ್ಲೆಯ ತೀರ್ಥಹಳ್ಳಿಯ ಆ ಕಾಲದ ನಾಯಕರಾದ ಅಪ್ಪಣ್ಣ ಹೆಗ್ಗಡೆ ಮತ್ತು ಅವರ ಜೊತೆಗಾರರ ದೂರದೃಷ್ಟಿಗೆ ಜಿಲ್ಲೆಯ ಅಡಿಕೆ ಬೆಳೆಗಾರರು  ತಲೆ ಬಾಗಿ ಗೌರವಿಸಲೇ ಬೇಕು.

   ಈ ಬಗ್ಗೆ ನಿಮ್ಮ ಅಭಿಪ್ರಾಯವೇನು ತಿಳಿಸಿ, ಮ್ಯಾಮ್ ಕೋಸ್ ಬಗ್ಗೆ ನಿಮಗೆ ಹೆಚ್ಚಿನ ಮಾಹಿತಿ ಇದ್ದರೆ ಹಂಚಿಕೊಳ್ಳಬೇಕಾಗಿ ವಿನಂತಿ.

#mamcos #shivamogga #malenadu #areca #thirthahall #appannaheggade #shivamogga