4094.ಅಡಿಕೆ_ಗುಟ್ಕಾ_ತಪ್ಪು_ಗ್ರಹಿಕೆ_ಪ್ರಚಾರಇದರಿಂದ_ಅಡಿಕೆ_ಬೆಳೆಗಾರ_ಬಲಿಪಶು

ಅಡಿಕೆ_ಗುಟ್ಕಾ_ತಪ್ಪು_ಗ್ರಹಿಕೆ_ಪ್ರಚಾರ

ಇದರಿಂದ_ಅಡಿಕೆ_ಬೆಳೆಗಾರ_ಬಲಿಪಶು.

 ವಿಶ್ವ ಆರೋಗ್ಯ ಸಂಸ್ಥೆ (WHO) ಅಥವಾ ಅದರ ಅಂಗಸಂಸ್ಥೆಯಾದ IARC (International Agency for Research on Cancer) ಅಡಿಕೆಯನ್ನು ಕ್ಯಾನ್ಸರ್‌ಕಾರಕ (Carcinogenic) ಪಟ್ಟಿಯಲ್ಲಿ ಸೇರಿಸಿದೆ.

  2003ರಲ್ಲಿ IARC ಅಡಿಕೆಯನ್ನು ತಂಬಾಕು ಸೇರಿಸದಿದ್ದರೂ ಸಹ ಮಾನವರಲ್ಲಿ ಬಾಯಿಯ ಕ್ಯಾನ್ಸರ್ ಉಂಟುಮಾಡುವ 'ಗ್ರೂಪ್ 1 ಕ್ಯಾನ್ಸರ್‌ಕಾರಕ' (Group 1 Carcinogen) ಎಂದು ವರ್ಗೀಕರಿಸಿದೆ ಇದು ಅಡಿಕೆ ಬೆಳೆಗಾರರಿಗೆ ಆತಂಕದ ಸಂಗತಿ.

  ಭಾರತದ ಎಲ್ಲಾ 28 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿಯೂ  ಗುಟ್ಕಾ ಮತ್ತು ತಂಬಾಕು/ನಿಕೋಟಿನ್ ಬೆರೆಸಿದ ಪಾನ್ ಮಸಾಲಾದ ಉತ್ಪಾದನೆ, ಶೇಖರಣೆ, ಮಾರಾಟ ಮತ್ತು ವಿತರಣೆಯನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ.

  ಕೇಂದ್ರ ಸರ್ಕಾರದ ಆಹಾರ ಭದ್ರತೆ ಮತ್ತು ಗುಣಮಟ್ಟ ಕಾಯ್ದೆ (FSSAI - Food Safety and Standards Act, 2006) ನಿಯಮಾವಳಿಗಳ ಪ್ರಕಾರ, ಯಾವುದೇ ಆಹಾರ ಪದಾರ್ಥಗಳಲ್ಲಿ 'ತಂಬಾಕು ಅಥವಾ ನಿಕೋಟಿನ್' ಅನ್ನು ವಸ್ತುವಾಗಿ ಬಳಸುವುದನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ.  

​ ಭಾರತದಲ್ಲೇ ಮೊದಲ ಬಾರಿಗೆ 2012ರಲ್ಲಿ ಮಧ್ಯಪ್ರದೇಶ ರಾಜ್ಯವು ಗುಟ್ಕಾವನ್ನು ಸಂಪೂರ್ಣವಾಗಿ ನಿಷೇಧಿಸಿತು ತದನಂತರ ಎಲ್ಲಾ ರಾಜ್ಯಗಳು ಒಂದೊಂದಾಗಿ ಈ ನಿಷೇಧವನ್ನು ಜಾರಿಗೆ ತಂದವು.  

  ​ವಾರ್ಷಿಕ ನವೀಕರಣ (Notification Extension): FSSAI ಕಾಯ್ದೆಯಡಿ ರಾಜ್ಯ ಆಹಾರ ಸುರಕ್ಷತಾ ಆಯುಕ್ತರು (Food Safety Commissioners) ಪ್ರತಿ ವರ್ಷ ಈ ನಿಷೇಧದ ಅಧಿಸೂಚನೆಯನ್ನು ನಿಯಮಿತವಾಗಿ ನವೀಕರಿಸುತ್ತಾರೆ (ಉದಾಹರಣೆಗೆ, ಕರ್ನಾಟಕದಲ್ಲೂ ಸಹ ಪ್ರತಿ ವರ್ಷ ಈ ನಿಷೇಧವನ್ನು ನವೀಕರಿಸಿ ಜಾರಿಯಲ್ಲಿಡಲಾಗುತ್ತದೆ).  

   ​ನಿಷೇಧಕ್ಕೊಳಗಾದದ್ದು: ಅಡಿಕೆಯೊಂದಿಗೆ ತಂಬಾಕು/ನಿಕೋಟಿನ್ ಬೆರೆಸಿದ ಗುಟ್ಕಾ ಹಾಗೂ ಪಾನ್ ಮಸಾಲಾ.

  

  ​ನಿಷೇಧವಿಲ್ಲದ್ದು: ಸಾಮಾನ್ಯ/ಶುದ್ಧ ಅಡಿಕೆ ಮಾರಾಟ ಹಾಗೂ ತಂಬಾಕಿಲ್ಲದ ಸಾಂಪ್ರದಾಯಿಕ ವಿಳ್ಯದೆಲೆ/ಅಡಿಕೆಗೆ ಯಾವುದೇ ನಿಷೇಧವಿಲ್ಲ.

   ಆದರೆ ಅಡಿಕೆ ಸೇವನೆ ಒಳ್ಳೆಯದು ಇದು ಶತಮಾನಗಳಿಂದ ಭಾರತೀಯರು ಬಳಸುತ್ತಾ ಬಂದಿದ್ದಾರೆ, ದೇವತಾ ಕಾರ್ಯಕ್ರಮಗಳಲ್ಲಿ ಪೂಜ್ಯ ಸ್ಥಾನ ನೀಡಿದ್ದೇವೆ ಈಗೇಕೆ ಹೀಗೆ... ನಾವು ನಂಬುವುದಿಲ್ಲ ಎಂದು ಬೆಳೆಗಾರರು ವಾದ ಮಾಡುತ್ತಾರೆ.

   ಭಾರತೀಯ ಟಾಟ ರೀಸರ್ಚ್ ಸಂಸ್ಥೆ ಸಂಶೋಧನೆಯಲ್ಲಿ ಕೂಡ ಅಡಿಕೆಯಲ್ಲಿ ಕ್ಯಾನ್ಸರ್ ಕಾರಕ ಅಂಶ ಇದೆ ಅಂತ ವರದಿ ನೀಡಿದೆ.

   ಇದರ ಬಗ್ಗೆ ಅಡಿಕೆ ಬೆಳೆಗಾರರಿಗೆ ಸರಿಯಾದ ಮಾಹಿತಿ ನೀಡಿ, ವಿಶ್ವ ಆರೋಗ್ಯ ಸಂಸ್ಥೆಗೆ ಅಡಿಕೆ ಆರೋಗ್ಯಕ್ಕೆ ಹಾನಿಕಾರಕವಲ್ಲ ಎಂಬ ಕ್ಲಿನಿಕಲ್ ಟ್ರಯಲ್ ಅನ್ನು ವಿಶ್ವ ಆರೋಗ್ಯ ಸಂಸ್ಥೆಯ ಅನುಮೋದಿತ ಲ್ಯಾಬ್ ಮೂಲಕ ಮಾಡಿಸಿ ವರದಿ ನೀಡಿ ಈ ಹಿಂದಿನ ವಿಶ್ವ ಆರೋಗ್ಯ ಸಂಸ್ಥೆಯ ಅಡಿಕೆ ಕ್ಯಾನ್ಸರಸ್ ಎಂಬ ಆದೇಶ ವಾಪಾಸು ಪಡೆಯುವ ಕೆಲಸ ಆಗಲೇ ಪ್ರಾರಂಭ ಆಗ ಬೇಕಾಗಿತ್ತು.

   ಭಾರತೀಯ ಅಡಿಕೆ ಬಗ್ಗೆ ಕ್ಲಿನಿಕಲ್ ಟ್ರಯಲ್ ನಡೆಸಲು ಹತ್ತಾರು ಕೋಟಿ ಹಣ ಮತ್ತು ಹತ್ತು ವರ್ಷಗಳ ಕಾಲಾವದಿ ಬೇಕು.

  ಕೇಂದ್ರ ಸರ್ಕಾರದಿಂದ ಮತ್ತು ದೇಶದ ಸುಪ್ರಿಂ ಕೋರ್ಟ್ ಆದೇಶದಿಂದ ವಿಶ್ವ ಆರೋಗ್ಯ ಸಂಸ್ಥೆಯ ಆದೇಶ ಹಿಂಪಡೆಯುವಂತೆ ಮಾಡುತ್ತೇವೆ ಎಂಬ ರಾಜಕೀಯ ಪಕ್ಷಗಳು ಮತ್ತು ಜನ ಪ್ರತಿನಿದಿಗಳ ಅಶ್ವಾಸನೆಗಳು, ಸಮಾವೇಶಗಳನ್ನ ನಡೆಸುತ್ತಾ ಇದ್ದಾರೆ.

   ವಿಶ್ವ ಆರೋಗ್ಯ ಸಂಸ್ಥೆ ಭಾರತ ಸರ್ಕಾರ ಅಥವ ಭಾರತದ ಸುಪ್ರಿಂ ಕೋರ್ಟ್ ಆದೇಶ ಯಾವ ಕಾರಣಕ್ಕೂ ಒಪ್ಪಲು ಸಾಧ್ಯವೇ ಇಲ್ಲ ಅದೇನಿದ್ದರು ಅದರ ವ್ಯಾಪ್ತಿಯ ಲ್ಯಾಬ್ ಗಳಲ್ಲಿ ವೈಜ್ಞಾನಿಕವಾಗಿ ಅಧ್ಯಯನ ಮಾಡಿದ ಕ್ಲಿನಿಕಲ್ ಟ್ರಯಲ್ ಮೂಲಕ ಅಡಿಕೆ ಹಾನಿಕಾರಕ ಅಲ್ಲ ಎಂಬ ಸಂಶೋದನ ವರದಿ ಮಾತ್ರ ಮಾನ್ಯ ಮಾಡಬಹುದು.

  ವಿಶ್ವ ಆರೋಗ್ಯ ಸಂಸ್ಥೆ ಅಡಿಕೆ ಬಗ್ಗೆ ಈ ಘೋಷಣೆ ಮಾಡಿದ ತಕ್ಷಣ ಭಾರತೀಯ ಸರ್ಕಾರಗಳು, ಅಡಿಕೆ ಬೆಳೆಗಾರರ ಹಿತ ಕಾಪಾಡುವ ಸಂಘಟನೆಗಳು ಈ ಬಗ್ಗೆ ಸಕಾರಾತ್ಮಕವಾಗಿ ಪರಿಹಾರಕ್ಕೆ ಪ್ರಯತ್ನ ಮಾಡಿದ್ದರೆ ಇಷ್ಟರೊಳಗೆ ವಿಶ್ವ ಸಂಸ್ಥೆಯ ಆದೇಶ ಮಾರ್ಪಾಡು ಆಗುತ್ತಿತ್ತೇನೋ .

  ಆದರೆ ಅಡಿಕೆ ಬೆಳೆಗಾರರು ಗೋಲ್ಡನ್ ಅವರ್ ನಲ್ಲಿ ಈ ಪ್ರಯತ್ನ ಮಾಡದೆ  ಅಶ್ವಾಸನೆಗಳಲ್ಲೇ ಕಾಲ ಕಳೆದುಕೊಂಡಿದ್ದಾರೆ.

  ವಿಶ್ವ ಆರೋಗ್ಯ ಸಂಸ್ಥೆಯ ಘೋಷಣೆ ಎಲ್ಲಾ ದೇಶಗಳು ಪಾಲಿಸಲೇ ಬೇಕು,ಈಗಾಗಲೇ ಅಡಿಕೆ ಉತ್ಪನ್ನಗಳ ಪ್ಯಾಕ್ ಮೇಲೆ  #ಅಡಿಕೆ_ಆರೋಗ್ಯಕ್ಕೆ_ಹಾನಿಕಾರ ಎಂದು ಮುದ್ರಿಸುತ್ತಿದ್ದಾರೆ.

   ಪ್ರತಿಷ್ಟಿತ ಕ್ಯಾಂಪ್ಕೋ ಸಂಸ್ಥೆಯ ಅಡಿಕೆ ಉತ್ಪನ್ನಗಳ ಪ್ಯಾಕ್ ಮೇಲೆ ಕೂಡ ಇದನ್ನು ಮುದ್ರಿಸಲು ಪ್ರಾರಂಬಿಸಿದ್ದಾರೆ.

   ವಿಶ್ವ ಆರೋಗ್ಯ ಸಂಸ್ಥೆಯ ಆದೇಶ ಪಾಲನೆ ತಕ್ಷಣ ಆಗದಿದ್ದರೂ ಆಯಾ ದೇಶಗಳಲ್ಲಿ ಹಂತ ಹಂತವಾಗಿ ಜಾರಿ ಆಗಲಿದೆ.

  ಸರ್ಕಾರ ಸಹಾಯ ಧನ ನಿಲ್ಲಿಸುತ್ತದೆ, ರಪ್ತು ನಿಷೇದ, ಹೆಚ್ಚಿನ ತೆರಿಗೆ ಹೀಗೆ ಅನೇಕ ಸ್ಯಾಂಕ್ಷನ್ ಗಳಿಂದ ಅಡಿಕೆ ಬೆಳೆಗಾರರಿಗೆ ಅನಾನುಕೂಲವೇ ಆಗಲಿದೆ.

  ಆದರೂ ಸರ್ಕಾರಗಳು,ಜನ ಪ್ರತಿನಿಧಿಗಳು, ಅಡಿಕೆ ಬೆಳೆಗಾರರ ಸಂಘಗಳು ಅಡಿಕೆ ಬೆಳೆಗಾರರ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಇನ್ನೂ ಸಾಧ್ಯವಾಗಿಲ್ಲ ಹಾಗಂತ ಅಡಿಕೆ ಬೆಳೆಗಾರರೂ ಎಚ್ಚೆತ್ತುಕೊಂಡಿಲ್ಲ.

  ನಿನ್ನೆ ಮೊನ್ನೆಯಿಂದ ಕರ್ನಾಟಕ ಸರ್ಕಾರ ಗುಟ್ಕಾ ನಿಷೇದವನ್ನ ಒಂದು ವರ್ಷಕ್ಕೆ ನವೀಕರಿಸಿದ ಸುದ್ದಿ ಬಾರೀ ಸದ್ದು ಮಾಡುತ್ತಿದೆ.

 

 ಇದು ಪ್ರತಿ ವರ್ಷ ನಡೆಯುವ ನವೀಕರಣ ಆದರೆ ಕರ್ನಾಟಕ ರಾಜ್ಯ ಗುಟ್ಕಾ ರದ್ದು ಆದೇಶ 2013 ರಲ್ಲೇ ಮಾಡಿದೆ.

   ಅದನ್ನು ಪ್ರತಿ ವರ್ಷ ಸರ್ಕಾರ ನವೀಕರಣ ಮಾಡುತ್ತಾ ಬರುತ್ತಾರೆ ಕಾರಣ ಆಹಾರ ಸಂರಕ್ಷಣ ಇಲಾಖೆಗೆ ವರ್ಷಕ್ಕಿಂತ ಜಾಸ್ತಿ ನಿಷೇದ ಮಾಡಲು ಸಾಧ್ಯವಿಲ್ಲ.

    ಈ ನವೀಕರಣ ಪ್ರತಿ ವರ್ಷ 2013 ರಿಂದ  ಸರ್ಕಾರ ನಡೆಸುತ್ತಿದೆ ಆದರೆ ರಾಜ್ಯದಲ್ಲಿ ಇದೇ ಮೊದಲ ಬಾರಿಗೆ ರಾಜ್ಯದಲ್ಲಿ ಗುಟ್ಕಾ ನಿಷೇಧ ಎಂಬಂತೆ ಸುದ್ದಿ ಮಾಧ್ಯಮದ ಸುದ್ದಿ ಆಗುತ್ತಿದೆ.

  ಅದರ ಜೊತೆ ರಾಜಕಾರಣಿಗಳು ಸರಿಯಾದ ಮಾಹಿತಿ ತಿಳುವಳಿಕೆ ಇಲ್ಲದೆ ಗುಟ್ಕಾ ರದ್ದು ಮಾಡಬಾರದು ಇದರಿಂದ ಅಡಿಕೆ ಬೆಳೆಗಾರರಿಗೆ ನಷ್ಟ ಎಂಬ ಹೇಳಿಕೆ ನೀಡುತ್ತಿರುವುದು ತಮಾಷೆ ಅನ್ನಿಸಿದೆ, ಇಂತವರೇ ರಾಜ್ಯದ ಅಡಿಕೆ ಬೆಳೆಗಾರರ ಹಿತ ಕಾಪಾಡುವ ಮುಂಚೂಣಿ ನಾಯಕರಾಗಿದ್ದಾರೆ.

#arecanut #cancerious #who #iarc #cologian #clinicaltrail #campco