Arun Prasad Hombuja Residency

ಹನುಮಾನ್_ಅಂಶ್_ಸಿನಿಮಾ_ಅಭೂತಪೂವ೯_ಯಶಸ್ಸನಲ್ಲಿ ನೀಮ್_ಕರೋಲಿಬಾಬಾ_ಪವಾಡ...   ನೀಮ್ ಕರೋಲಿ ಬಾಬಾ ಅವರ ಶಿಷ್ಯರು ವಿಶ್ವ ವಿಖ್ಯಾತರಾದ #ಸ್ಟೀವ್_ಜಾಬ್ಸ್ (Apple),  #ಮಾರ್ಕ್_ಜುಕರ್‌ಬರ್ಗ್ #ವಿರಾಟ್_ಕೊಹ್ಲಿ ಮತ್ತು ಅವರ ಪತ್ನಿ #ಅನುಷ್ಕಾ_ಶರ್ಮಾ ಮುಂತಾದವರು.  ಈಗ ಪವಾಡದಂತೆ ಬಾಕ್ಸ್ ಆಫೀಸ್ ನಲ್ಲಿ ಯಶಸ್ವಿ ಆಗಿರುವ #ಹನುಮಾನ್_ಅಂಶ್ ನೀಮ್ ಕರೋಲಿ ಭಾಬಾರದ್ದೇ ಆತ್ಮಕಥೆ.   Hanuman Ansh ಹಿಂದಿ ಸಿನಿಮಾದ ಪ್ರಮುಖ ನಿರ್ಮಾಪಕಿ #ರಾಗಿಣಿ_ಸೋನಾ  ಇವರೊಂದಿಗೆ ಅನುಪ್ರಿಯಾ ನಗರ್ ಮತ್ತು ನಮ್ರತಾ ಜಿ. ಸಿಂಗ್ ಕೂಡ ಈ ಚಿತ್ರವನ್ನು ಜಂಟಿಯಾಗಿ ನಿರ್ಮಿಸಿದ್ದಾರೆ.   ಕೇವಲ 2 ಕೋಟಿ ರೂಪಾಯಿ ಬಜೆಟ್‌ನಲ್ಲಿ ತಯಾರಾದ, ಆಧ್ಯಾತ್ಮಿಕ ಗುರು #ನೀಮ್_ಕರೋಲಿ_ಬಾಬಾ ಅವರ ಜೀವನ ಆಧಾರಿತ ಈ ಹಿಂದಿ ಚಲನಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ಭಾರಿ ಯಶಸ್ಸು ಕಂಡು 360 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡುವ ಮೂಲಕ ಜಾಗತಿಕ ಮಟ್ಟದಲ್ಲಿ ದೊಡ್ಡ ದಾಖಲೆ ಬರೆದಿದೆ.   21 ವರ್ಷದ ಯುವತಿ ರಾಗಿಣಿ ಸೋನಾ ಅವರು ಇಂಗ್ಲೆಂಡ್‌ನಿಂದ ಭಾರತಕ್ಕೆ ಬಂದು ಈ ಚಿತ್ರವನ್ನು ನಿರ್ಮಿಸಿ ದೊಡ್ಡ ಮಟ್ಟದ ಯಶಸ್ಸು ಗಳಿಸಿದ್ದಾರೆ.  ಈ ಯಶಸ್ವಿ ಚಿತ್ರವನ್ನು #ವಿಶಾಲ್_ಚತುರ್ವೇದಿ ಅವರು ನಿರ್ದೇಶಿಸಿದ್ದಾರೆ.   ನೀಮ್ ಕರೋಲಿ ಬಾಬಾರನ್ನು ಭಕ್ತರು ಪ್ರೀತಿಯಿಂದ 'ಮಹಾರಾಜ್ ಜಿ' ಎಂದು ಕರೆಯುತ್ತಾರೆ, 20ನೇ ಶತಮಾನದ ಭಾರತದ ಅತ್ಯ...

ಶಿವಶರಣ_ಹರಳಯ್ಯರಿಗೆ ಮರಣದಂಡನೆ_ನೀಡಿದ_ಬಿಜ್ಜಳರಿಂದ ಕಲ್ಯಾಣ_ಕ್ರಾಂತಿಗೆ_ಮತ್ತು_ಶರಣರ_ಚದುರುವಿಕೆಗೆ_ಕಾರಣವಾಯಿತು.  ಬಲ್ಲಿರಾ ನಿಮ್ಮ ಇತಿಹಾಸ?... ನನ್ನ ಮಾಧ್ಯಮಿಕ ಶಾಲಾ ಸಹಪಾಠಿ ದಾಸಕೊಪ್ಪದ ನಾಗರಾಜ್ ಕೆ.ಎಸ್.ಎಪ್.ಸಿಯಲ್ಲಿ ಸೇವೆ ಮಾಡಿ ನಿವೃತ್ತ ಅಧಿಕಾರಿ ಆಗಿದ್ದಾರೆ ಇವರು ಈಗ #ಮೋಚಿ_ಸಮುದಾಯದ #ಶಿವಮೊಗ್ಗ_ಜಿಲ್ಲಾ_ಅಧ್ಯಕ್ಷರಾಗಿದ್ದಾರೆ.   ಇವರ ಸಮಾಜದ #ವದು_ವರರ ಸಮಾವೇಶ ಮತ್ತು ಅವರ ಸಮಾಜ ಬಂದುಗಳ ಸಭೆಗಾಗಿ ನಮ್ಮ ಶ್ರೀಕೃಷ್ಣ_ಸರಸ_ಕನ್ವೆನ್ಷನ್_ ಹಾಲ್ ಕಲ್ಯಾಣ ಮಂಟಪದ ದಿನಾಂಕ ನಿಗದಿ ಮಾಡಲು ಬಂದಿದ್ದರು.   ಶರಣ ಚಳವಳಿಯ ಪ್ರಮುಖರು, ಕ್ರಾಂತಿಕಾರಿ ಶಿವ ಶರಣ ಹರಳಯ್ಯರ ಬಗ್ಗೆ ಉಲ್ಲೇಖಿಸಿ ನಾವಿಬ್ಬರೂ ಮಾತನ್ನಾಡಿದ್ದನ್ನ ವಿಸ್ತರಿಸಿ ಇಲ್ಲಿ ಬರೆದಿದ್ದೇನೆ.    12ನೇ ಶತಮಾನದ ಬಸವೇಶ್ವರರ ಸಮಕಾಲೀನ ಶರಣ ಚಳವಳಿಯ ಪ್ರಮುಖ ವಚನಕಾರ ಹಾಗೂ ಕ್ರಾಂತಿಕಾರಿ ಶಿವಶರಣ ಹರಳಯ್ಯನವರ ವಚನಗಳ ಅಂಕಿತನಾಮ "ಬಿಜ್ಜಳೇಶ್ವರ" ಅಥವಾ "ಹಮ್ಮೀರ ಬಿಜ್ಜಳೇಶ್ವರ".    ಅವರು ಶ್ರಮ, ಕಾಯಕ ನಿಷ್ಠೆ ಮತ್ತು ಶಿವಭಕ್ತಿಯನ್ನು ಪ್ರತಿಪಾದಿಸುವ ಕೆಲವೇ ವಚನಗಳನ್ನು ರಚಿಸಿದ್ದಾರೆ.  ​ಅವರ ಒಂದು ಪ್ರಖ್ಯಾತ ವಚನ: ​"ಅಂಗದ ಮೇಲಣ ಲಿಂಗಕ್ಕೆ ಅಂಗವೇ ಪೀಠವಾಯಿತ್ತು. ಪ್ರಾಣದ ಮೇಲಣ ಲಿಂಗಕ್ಕೆ ಪ್ರಾಣವೇ ಆಶ್ರಯವಾಯಿತ್ತು. ಭಾವದ ಮೇಲಣ ಲಿಂಗಕ್ಕೆ ಭಾವವೇ ಆವಾಸವಾಯಿತ್ತು. ಬಿಜ್ಜಳೇಶ್ವರಾ, ನಿಮ್ಮ ಶರಣರ ಪಾ...

ರಾಜ್ಯ_ಸರ್ಕಾರದಿಂದ_ಕಸ್ತೂರಿರಂಗನ್_ವರದಿ_ಬಗ್ಗೆ ಸರ್ವಾನುಮತದ_ತೀರ್ಮಾನ #ಪಶ್ಚಿಮ_ಘಟ್ಟದ_ಉಳಿವು_ಹಾಗೂ_ಜನರ_ಬದುಕಿನ_ನಡುವೆ_ಸಮತೋಲನ_ಅಗತ್ಯ! ... ಪಶ್ಚಿಮ ಘಟ್ಟದ ಜನರ ಬದುಕಿಗೆ ಬೆಂಬಲವಾಗಿ ನಿಂತ ರಾಜ್ಯ ಸರ್ಕಾರ!. ​ಪಶ್ಚಿಮ ಘಟ್ಟಗಳ ಸಂರಕ್ಷಣೆ ಹೆಸರಿನಲ್ಲಿ ಸಲ್ಲಿಕೆಯಾಗಿರುವ 'ಕಸ್ತೂರಿ ರಂಗನ್ ವರದಿ'ಯನ್ನು ಈಗಿರುವ ಸ್ವರೂಪದಲ್ಲಿ ಜಾರಿಗೊಳಿಸಲು ಸಾಧ್ಯವಿಲ್ಲವೆಂದು ಕರ್ನಾಟಕ ವಿಧಾನಮಂಡಲವು ಸರ್ವಾನುಮತದಿಂದ ನಿರ್ಣಯ ಕೈಗೊಂಡು ತಿರಸ್ಕರಿಸಿದೆ.    ಪರಿಸರ ಸೂಕ್ಷ್ಮ ಪ್ರದೇಶ (ESA) ವ್ಯಾಪ್ತಿಯಲ್ಲಿ ಕೇವಲ ಅಧಿಸೂಚಿತ ಅರಣ್ಯ ಪ್ರದೇಶಗಳು, ಇತರೆ ಅರಣ್ಯ ಪ್ರದೇಶಗಳು ಮಾತ್ರ ಸೇರಿಸಬೇಕು.    ಕೃಷಿ ಭೂಮಿ, ತೋಟಗಾರಿಕೆ/ಪ್ಲಾಂಟೇಶನ್ ಪ್ರದೇಶಗಳು, ಜನವಸತಿ ಮತ್ತು ಸಾರ್ವಜನಿಕ ಚಟುವಟಿಕೆ ಪ್ರದೇಶಗಳನ್ನು ಸೇರಿಸಬಾರದು.   ಬಗ‌ರ್ ಹುಕುಂ, ಅರಣ್ಯ ಹಕ್ಕು, ಡೀಮ್ಸ್ ಫಾರೆಸ್ಟ್, ಭೂ ಮಂಜೂರಾತಿ, ಮೇಲ್ಮನವಿ ಮತ್ತು ನ್ಯಾಯಾಂಗ ಪ್ರಕರಣಗಳನ್ನು ಪರಿಗಣಿಸಬೇಕು.    ತಜ್ಞ ಸಮಿತಿಯಿಂದ ಭೌತಿಕವಾಗಿ ಅರಣ್ಯಗಡಿ, ಜನವಸತಿ, ಪರಿಸರ ಸೂಕ್ಷ್ಮ ಪ್ರದೇಶಗಳನ್ನು, ಜನವಸತಿ ಕೃಷಿ ಚಟುವಟಿಕೆ ಪ್ರದೇಶಗಳನ್ನು ಸರ್ವೆ ನಂಬರ್‌ವಾರು ಅಳತೆ ಮಾಡಿ ಪ್ರತ್ಯೇಕವಾಗಿ ಗುರುತಿಸಬೇಕು.   ESA ನಿಂದಾಗಿ ರೈತರ ಹಾಗೂ ಕಾರ್ಮಿಕರ ಪರ್ಯಾಯ ಜೀವನೋಪಾಯ ಮತ್ತು ಆರ್ಥಿಕ ನೆರವನ್ನು ನೀಡಲು ಸೂಕ್ತ ಮಾರ್ಗಸೂಚಿ ...

ಕಸ್ತೂರಿ_ರಂಗನ್_ವರದಿ ಕೇರಳ_ಮಾದರಿ_ಏನಾಗಿದೆ ... ಕೇಂದ್ರ_ಪರಿಸರ_ಸಚಿವಾಲಯ_ಒಪ್ಪಿಲ್ಲ.   ಕಸ್ತೂರಿ ರಂಗನ್ ವರದಿ ವಿರೋದಿಸುವ ಭರದಲ್ಲಿ ಎಲ್ಲರೂ ಕೇರಳ ರಾಜ್ಯವನ್ನ ಹೊಗಳಿದ್ದಾರೆ, ಕೇರಳ ಮಾದರಿ ಅನುಕರಣನೀಯ ಎಂದಿದ್ದಾರೆ ಆದರೆ ವಾಸ್ತವದಲ್ಲಿ ಕೇರಳ ರಾಜ್ಯ ಸರ್ಕಾರದ ಗ್ರಾಮ ಮಟ್ಟದ ಪರಿಶೀಲನೆ ಮಾಡಿ 13108 ಚದರ ಕಿಲೋ ಮೀಟರ್ ಪ್ರದೇಶವನ್ನ 9993 ಚದರ ಕಿಲೋ ಮೀಟರ್ ವ್ಯಾಪ್ತಿಗೆ ಇಳಿಸಿದ್ದನ್ನು ಕೇಂದ್ರ ಪರಿಸರ ಸಚಿವಾಲಯ ಅಂತಿಮ ಮುದ್ರೆ ಒತ್ತಲಿಲ್ಲ.   7 ನೇ ಕರಡು ಅಧಿಸೂಚನೆಯಲ್ಲಿ ಯಥಾವತ್ತಾಗಿ 13108 ಚದರ ಕಿಲೋ ಮೀಟರ್ ವ್ಯಾಪ್ತಿಯನ್ನ ಉಳಿಸಿಕೊಂಡಿದೆ ಇದರಿಂದ ಕೇರಳ ರಾಜ್ಯ ಕೂಡ ಕಸ್ತೂರಿ ರಂಗನ್ ವರದಿಯ 7 ನೇ ಕರಡು ಅಧಿಸೂಚನೆ ಕನಾಟಕ ರಾಜ್ಯದಂತೆಯೇ ತಿರಸ್ಕರಿಸಿದೆ.  ಮೂಲ ಕಸ್ತೂರಿ ರಂಗನ್ ವರದಿಯಲ್ಲಿ ಕೇರಳದ 13,108 ಚದರ ಕಿಲೋಮೀಟರ್ ಪ್ರದೇಶವನ್ನು ಪರಿಸರ ಸೂಕ್ಷ್ಮ ವಲಯ (ESA) ಎಂದು ಗುರುತಿಸಲಾಗಿತ್ತು.   ಕೇರಳ ಸರ್ಕಾರವು ಗ್ರಾಮ ಮಟ್ಟದಲ್ಲಿ ಭೌತಿಕ ಪರಿಶೀಲನೆ (Ground Verification) ನಡೆಸಿ ಸುಮಾರು 9,993 ಚದರ ಕಿ.ಮೀ.ಪ್ರದೇಶವನ್ನು ಮಾತ್ರ ಪರಿಸರ ಸೂಕ್ಷ್ಮ ವಲಯ (ESA) ಎಂದು ಗುರುತಿಸಿ ಕೇಂದ್ರಕ್ಕೆ ಕಳುಹಿಸಿತ್ತು.   ​ಆದರೆ ಕೇಂದ್ರ ಪರಿಸರ ಸಚಿವಾಲಯವು ಹೊರಡಿಸಿದ 7ನೇ ಕರಡು ಅಧಿಸೂಚನೆಯಲ್ಲಿ ಹಳೆಯ ಉಪಗ್ರಹ ಡೇಟಾವನ್ನೇ ಹೆಚ್ಚಾಗಿ ಆಧರಿಸಿ ಸುಮಾರು 13,108 ಚದರ ಕಿ.ಮೀ. ಗೂ ಹೆಚ್...

ಭಾಗ_25 ಘಟ್ಟಕ್ಕೆ_ಕರಾವಳಿಗರ_ವಲಸೆ ವಿಶ್ವದ_ವಲಸೆ_ಇತಿಹಾಸ.   ಪ್ರಪಂಚದ ಇತಿಹಾಸವನ್ನು ಗಮನಿಸಿದರೆ ಮಾನವನ ವಲಸೆಗಳು ನಾಗರಿಕತೆಗಳ ಬೆಳವಣಿಗೆ, ಸಂಸ್ಕೃತಿಗಳ ಮಿಶ್ರಣ ಮತ್ತು ಆಧುನಿಕ ಜಗತ್ತಿನ ರಚನೆಯಲ್ಲಿ ಪ್ರಮುಖ ಪಾತ್ರ ವಹಿಸಿವೆ.    ಜಾಗತಿಕ ಇತಿಹಾಸದಲ್ಲಿ ನಡೆದಿರುವ ಕೆಲವು ಮುಖ್ಯ ವಲಸೆಗಳನ್ನು (Major Migrations of the World) ಈ ಕೆಳಗಿನಂತೆ ಪಟ್ಟಿ ಮಾಡಬಹುದು: ​ 1.#ಇತಿಹಾಸಪೂರ್ವ_ಮತ್ತು_ಪ್ರಾಚೀನ_ವಲಸೆಗಳು ​'ಆಫ್ರಿಕಾದಿಂದ ಹೊರಗೆ' ವಲಸೆ (Out of Africa Migration):    ಇದು ಮಾನವ ಇತಿಹಾಸದ ಅತ್ಯಂತ ಮೊದಲ ಮತ್ತು ಪ್ರಮುಖ ವಲಸೆ. ಸುಮಾರು 60 ಸಾವಿರ ವರ್ಷಗಳ ಹಿಂದೆ ಆಧುನಿಕ ಮಾನವರು (ಹೋಮೋ ಸೇಪಿಯನ್ಸ್) ಆಫ್ರಿಕಾದಿಂದ ಹೊರಟು ಏಷ್ಯಾ, ಯುರೋಪ್ ಮತ್ತು ಆಸ್ಟ್ರೇಲಿಯಾ ಖಂಡಗಳಿಗೆ ವಲಸೆ ಹೋದರು. #ಇಂಡೋ_ಯುರೋಪಿಯನ್_ವಲಸೆ:    ಮಧ್ಯ ಏಷ್ಯಾದಿಂದ ಹೊರಟ ಇಂಡೋ-ಯುರೋಪಿಯನ್ ಭಾಷೆಗಳನ್ನಾಡುವ ಜನಾಂಗದವರು ಯುರೋಪ್ ಮತ್ತು ಭಾರತೀಯ ಉಪಖಂಡದ ಕಡೆಗೆ ವಲಸೆ ಬಂದರು ಇದು ಭಾಷೆ ಮತ್ತು ಸಂಸ್ಕೃತಿಯ ಮೇಲೆ ದೊಡ್ಡ ಪ್ರಭಾವ ಬೀರಿತು. #ಬಂಟು_ವಲಸೆ  (Bantu Migration): ಇದು ಆಫ್ರಿಕಾ ಖಂಡದಲ್ಲಿ ನಡೆದ ಅತಿ ದೊಡ್ಡ ವಲಸೆ, ಪಶ್ಚಿಮ ಆಫ್ರಿಕಾದಿಂದ ಬಂಟು ಭಾಷೆ ಮಾತನಾಡುವ ಜನರು ಇಡೀ ಮಧ್ಯ ಮತ್ತು ದಕ್ಷಿಣ ಆಫ್ರಿಕಾಕ್ಕೆ ವಲಸೆ ಹೋಗಿ ಅಲ್ಲಿ ಕೃಷಿ ಮತ್ತು ಕಬ್ಬಿಣದ ಬಳಕೆಯನ್ನು...

ಪರಿಸರ_ಹರಿವು_Environment_Flow. ಕಸ್ತೂರಿರಂಗನ್_ವರದಿ_ಮತ್ತು_ಗಾಡ್ಗೀಳ್_ವರದಿಯಲ್ಲಿ ಪಶ್ಚಿಮ_ಘಟ್ಟದ_ನದಿಗಳನ್ನ_ಜೀವಂತವಾಗಿಡಲು_ಶಿಪಾರಸ್ಸುಗಳು.   ರಾಜ್ಯ #ಸರ್ಕಾರ ಕಸ್ತೂರಿ ರಂಗನ್ ವರದಿಯ 7 ಕರಡು ಅಧಿಸೂಚನೆ ದಿನಾಂಕ 22 - ಸೆಪ್ಟೆಂಬರ್ -2026ರಂದು #ತಿರಸ್ಕರಿಸಿದೆ.  ಕಸ್ತೂರಿ ರಂಗನ್ ವರದಿ ಸಂಪೂರ್ಣ ರದ್ದು ಮಾಡಬೇಕು ಎಂಬ ಕೂಗು ರಾಜಕೀಯ ಪಕ್ಷಗಳ ಪಾದ ಯಾತ್ರೆ ಮತ್ತು ಪ್ರತಿಭಟನಾ ಸಭೆಗಳಲ್ಲಿ ಕೇಳಿ ಬಂದಿತ್ತು ಆದರೆ ಪ್ರತಿಭಟನೆಗಳ #ಆಯೋಜಕರು ಕಸ್ತೂರಿ ರಂಗನ್ ವರದಿಗೆ ನಮ್ಮ ಸಂಪೂರ್ಣ ವಿರೋದವಿಲ್ಲ ಆದರೆ ಪಶ್ಚಿಮ ಘಟ್ಟದ ನಿವಾಸಿಗಳ ಕೃಷಿಕರ ಹಿತ ಕಾಪಾಡಲು ವರದಿಯಲ್ಲಿನ ಕೆಲ ಮಾರ್ಪಾಡುಗಳು ಆಗ ಬೇಕೆಂದು ಒತ್ತಾಯಿಸಿದ್ದರು.   ಕಸ್ತೂರಿ ರಂಗನ್ ವರದಿ ಸಂಪೂರ್ಣ ಕನ್ನಡದಲ್ಲಿ ತರ್ಜಿಮೆ ಮಾಡಿ ಈ ಪ್ರದೇಶದ ಜನತೆಯ ಕೈಗೆ ಇಡದೇ ಇರುವುದರಿಂದ ಕಸ್ತೂರಿ ರಂಗನ್ ವರದಿ ಕತ್ತಲಲ್ಲಿಟ್ಟು ಚರ್ಚೆ ಮಾಡಿದಂತೆ ಆಗಿದೆ.   ಈ ಕೆಳಗಿನ ಪಶ್ಚಿಮ ಘಟ್ಟದನದಿಗಳನ್ನ ಜೀವಂತವಾಗಿಡಲು ಈ ವರದಿಯ ಶಿಪಾರಸ್ಸು ಏನಿದೆ ಓದಿ ನೋಡಿ ಅಭಿಪ್ರಾಯ ವ್ಯಕ್ತಪಡಿಸಲು ವಿನಂತಿ. #ಕಸ್ತೂರಿರಂಗನ್ ವರದಿಯಲ್ಲಿ ಹಾಗೂ ಅದಕ್ಕೂ ಮುನ್ನ ಬಂದ #ಮಾಧವ್_ಗಾಡ್ಗೀಳ್ ವರದಿಯಲ್ಲಿ ಪಶ್ಚಿಮ ಘಟ್ಟಗಳ ನದಿಗಳ ಸಂರಕ್ಷಣೆಗಾಗಿ ‘ಪರಿಸರ ಹರಿವು’ (Environmental Flow ಅಥವಾ E-Flow) ಕುರಿತು ಈ ಪ್ರಮುಖ ಶಿಫಾರಸು ಮಾಡಲಾಗಿದೆ. ​ಈ ನಿಯಮದಲ್ಲಿ ಪಶ್ಚಿಮ ...

ಹೀಗೂ_ಉಂಟಾ ... ಆಸ್ಪತ್ರೆಗಳಲ್ಲಿ_ರೋಗಿಗಳಿಗೆ_ಬ್ರಾಂಡಿ_ನೀಡುವ_ಕಾಲ_ಇತ್ತು ... ಈಗ_ಹೇಳಿದರೆ_ನಂಬುವುದಿಲ್ಲ_ಯಾರು.  ಬ್ರಿಟಿಷರ ಆಡಳಿತಾವಧಿಯಲ್ಲಿ ಮತ್ತು ಸ್ವಾತಂತ್ರ್ಯಾನಂತರದ ಆರಂಭಿಕ ದಶಕಗಳಲ್ಲಿ ಭಾರತದ ಸರ್ಕಾರಿ ಆಸ್ಪತ್ರೆಗಳು ಹಾಗೂ ಮಿಲಿಟರಿ ಆಸ್ಪತ್ರೆಗಳಲ್ಲಿ ವೈದ್ಯಕೀಯ ಕಾರಣಗಳಿಗಾಗಿ ಆಲ್ಕೋಹಾಲ್ (ಮುಖ್ಯವಾಗಿ ಬ್ರಾಂಡಿ ಅಥವಾ ರಮ್) ಅನ್ನು ಅಧಿಕೃತವಾಗಿ ನೀಡುವ ಪದ್ಧತಿ ಇತ್ತು. ​  ಅತಿಯಾದ ಚಳಿ, ಶ್ವಾಸಕೋಶದ ಸೋಂಕುಗಳು (ನ್ಯುಮೋನಿಯಾ), ಶಸ್ತ್ರಚಿಕಿತ್ಸೆಯ ನಂತರದ ತೀವ್ರ ನಡುಕ, ಶಾಕ್  ಅಥವಾ ರಕ್ತದೊತ್ತಡ ತೀವ್ರವಾಗಿ ಕುಸಿದ ಸಂದರ್ಭಗಳಲ್ಲಿ ರಕ್ತನಾಳಗಳನ್ನು ವಿಸ್ತರಿಸಿ ರೋಗಿಯ ದೇಹವನ್ನು ಬೆಚ್ಚಗಾಗಿಸಲು 'ಸ್ಟಿಮ್ಯುಲೆಂಟ್' ಆಗಿ ಬಳಸಲಾಗುತ್ತಿತ್ತು. ​ ಸಾಮಾನ್ಯವಾಗಿ ವೈದ್ಯರ ಚೀಟಿಯಲ್ಲಿ  30 mL ನಿಂದ 60 mL ವರೆಗೆ "Medicinal Brandy" ಎಂದು ನಮೂದಿಸಲಾಗುತ್ತಿತ್ತು ಇದನ್ನು ಔಷಧಿಯಂತೆಯೇ ಅಳತೆ ಮಾಡಿ ರೋಗಿಗಳಿಗೆ ಕುಡಿಸಲಾಗುತ್ತಿತ್ತು. ಸರ್ಕಾರಿ ಆಸ್ಪತ್ರೆಗಳಲ್ಲಿ ದಾಖಲಾಗಿದ್ದ ಒಳರೋಗಿಗಳಿಗೆ  ಇದನ್ನು ಸಂಪೂರ್ಣವಾಗಿ ಉಚಿತವಾಗಿಯೇ ನೀಡಲಾಗುತ್ತಿತ್ತು. ಆ ಕಾಲದಲ್ಲಿ ಸರ್ಕಾರಿ ಆಸ್ಪತ್ರೆಗಳಲ್ಲಿ ರೋಗಿಗಳಿಗೆ ಮಾತ್ರೆ, ಇಂಜೆಕ್ಷನ್‌ಗಳನ್ನು ಹೇಗೆ ಉಚಿತವಾಗಿ ನೀಡುತ್ತಿದ್ದರೋ, ಹಾಗೆಯೇ ಇದನ್ನು ಆಸ್ಪತ್ರೆಯ ವೆಚ್ಚದಲ್ಲೇ ಔಷಧಿಯಾಗಿ Medicinal Brandy ಪೂರೈಸಲಾಗುತ್ತಿತ್ತು. ರೋ...

ಪುನಿತ್_ಅರಸ್_ನನ್ನ_ಅತಿಥಿ   ಬಹುಮುಖ ಆಸಕ್ತಿಯ ಪೇಸ್ ಬುಕ್ ಗೆಳೆಯರಾದ ಪುನಿತ್ ಅರಸ್ ಅವರ ಬೇಟಿ ಸಾಧ್ಯವೇ ಆಗಿರಲಿಲ್ಲ ಆದರೆ ಗುರುವಾರ 17- ಸೆಪ್ಟೆಂಬರ್-2026ರಲ್ಲಿ ಅವರು ನನ್ನ ಅತಿಥಿ ಆಗಿ ನನ್ನ ಆಫೀಸಿನಲ್ಲಿ ಬೇಟಿ ಆಗಿದ್ದು ಖುಷಿಯ ವಿಷಯ ಇವರ ಈ ಪ್ರವಾಸದಲ್ಲಿ ಇವರ ಜೊತೆ ಇತಿಹಾಸ ಆಸಕ್ತರಾದ ವೈದ್ಯಕೀಯ ಸ್ನಾತಕೋತ್ತರ ಪದವಿ ವ್ಯಾಸಂಗ ಮಾಡುತ್ತಿರುವ ಮಹಿಳಾ ವೈದ್ಯರೂ ಬಂದಿದ್ದರು ಅವರು ಕೆಳದಿ ರಾಜ ವೆಂಕಟಪ್ಟ ನಾಯಕರು ಮತ್ತು ಚಂಪಕ ರಾಣಿ ಬಗ್ಗೆ ನಾನು ಬರೆದ ಕಾದಂಬರಿ ಬೇಕೆಂದು ಪಡೆದರು.   ಪುನೀತ್  ಸ್ವಂತ ಊರು ಅರಸಿಕೆರೆ, ಇವರ ತಾಯಿ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲೂಕಿನಲ್ಲಿ ಶಿಕ್ಷಕ ವೃತ್ತಿಯಲ್ಲಿದ್ದಾರೆ ಅವರ ಜೊತೆ ಪುನಿತ್ ಇದ್ದಾರೆ.   MBBS ವ್ಯಾಸಂಗ ಮಾಡುವಾಗಲೇ ಕೆಲವು ವಿಚಾರಗಳಿಂದ ಪ್ರಭಾವಿತರಾಗಿ ಓದಿನಿಂದ ದೂರ ಸಾಗಿದ್ದವರು ಪುನಃ ವ್ಯಾಸಂಗ ಮುಂದುವರಿಸಿದ್ದಾರೆ.    ಅಡುಗೆ, ಛಾಯಾಗ್ರಹಣ, ಡ್ರೈವಿಂಗ್, ಸೈಕ್ಲಿಂಗ್, ಪ್ರವಾಸ, ಇತಿಹಾಸ ಸಂಶೋಧನೆ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಪುನೀತ್ ಸದಾ ಕ್ರಿಯಾಶೀಲರಾಗಿದ್ದಾರೆ.   ಇವರ ಅಡುಗೆಯ ಪೇಸ್ ಬುಕ್ ಲೇಖನಗಳಿಂದ ನಾನು ಇವರ ಅಭಿಮಾನಿ ಆಗಿದ್ದೇನೆ.    ಅತ್ಯುತ್ತಮ ಸೈಕ್ಲಿಸ್ಟ್ ಆಗಿರುವ ಪುನಿತ್ ದೂರ ದೂರದ ಸ್ಥಳಗಳಿಗೆ ತಮ್ಮ ದುಬಾರಿ ಸೈಕಲ್ ನಲ್ಲಿ ಸವಾರಿ ಮಾಡುತ್ತಾರೆ.    ಶಿವಮೊಗ್ಗ ಜಿಲ್ಲೆಯ ಎ...

ಭಾಗ_24 ಘಟ್ಟಕ್ಕೆ_ಕರಾವಳಿಗರ_ವಲಸೆ. ಹರಿಕಥೆ_ಯಕ್ಷಗಾನದಲ್ಲಿ_ವಲಸೆ_ಪ್ರಸಂಗ.  ಯಕ್ಷಗಾನದಂತೆಯೇ ಕರಾವಳಿಯ ಮತ್ತೊಂದು ಪ್ರಭಾವಶಾಲಿ ಕಲಾಪ್ರಕಾರವಾದ #ಹರಿಕಥೆ (ಕೀರ್ತನೆ) ಯಲ್ಲಿಯೂ ಕರಾವಳಿ ಜನರ ವಲಸೆಯ ಉಲ್ಲೇಖಗಳು ಅತ್ಯಂತ ಮಾರ್ಮಿಕವಾಗಿ ಮೂಡಿಬಂದಿವೆ.    ಹರಿಕಥೆಯು ಕೇವಲ ಪುರಾಣ ಕಥೆಗಳನ್ನು ಹೇಳುವುದಕ್ಕೆ ಸೀಮಿತವಾಗಿರದೆ ಕೀರ್ತನಕಾರರ (ದಾಸರ) ಸಮಯಪ್ರಜ್ಞೆ ಮತ್ತು ಲೌಕಿಕ ಜ್ಞಾನದ ಮೂಲಕ ಸಮಕಾಲೀನ ಸಮಾಜಕ್ಕೆ ಕನ್ನಡಿ ಹಿಡಿಯುತ್ತದೆ.   ​ಕರಾವಳಿಯ ಹರಿಕಥೆಗಳಲ್ಲಿ #ಮುಂಬೈ, #ಗಲ್ಫ್ ಹಾಗೂ ಇತ್ತೀಚಿನ #ಬೆಂಗಳೂರು ವಲಸೆಯ ಚಿತ್ರಣ ಹೇಗೆ ಮೂಡಿಬರುತ್ತದೆ ನೋಡಿ... ​      ಲೌಕಿಕ ವರ್ಣನೆಯಲ್ಲಿ ಮುಂಬೈ ವಲಸೆಯ ಕಷ್ಟಗಳು ​ಹರಿಕಥೆಯಲ್ಲಿ ಪುರಾಣದ ಕಥೆಗಳನ್ನು ಹೇಳುವಾಗ ಮಧ್ಯೆ ಮಧ್ಯೆ ಜನಸಾಮಾನ್ಯರಿಗೆ ಅರ್ಥವಾಗುವಂತೆ ಇಂದಿನ ಉದಾಹರಣೆಗಳನ್ನು (ದೃಷ್ಟಾಂತಗಳನ್ನು) ನೀಡಲಾಗುತ್ತದೆ.     ಕರಾವಳಿಯ ಕೀರ್ತನಕಾರರು ಮುಂಬೈ ವಲಸೆಯನ್ನು ಹೆಚ್ಚಾಗಿ ಭವಬಂಧನ ಅಥವಾ ಕಷ್ಟದ ಬದುಕಿಗೆ ಹೋಲಿಸುತ್ತಾರೆ. ​ಮುಂಬೈ ಹೋಟೆಲ್ ಚಾಕರಿ ಮತ್ತು ಸಂಸಾರ ಚಕ್ರವನ್ನು ಸಂಸಾರದ ಜಂಜಾಟವನ್ನು ವಿವರಿಸುವಾಗ, "ಊರಿನಲ್ಲಿ ನೆಮ್ಮದಿಯಾಗಿರದೆ ಹೊಟ್ಟೆಪಾಡಿಗಾಗಿ ಬಾಂಬೆಗೆ ಹೋಗಿ, ಅಲ್ಲಿನ ಶೆಟ್ಟಿ ಹೋಟೆಲ್‌ಗಳಲ್ಲಿ ಹಗಲಿರುಳು ಕಪ್- ಸಾಸ್ ತೊಳೆದು, ಲೋಕಲ್ ಟ್ರೈನ್‌ನಲ್ಲಿ ನೇತಾಡಿ, ಕಷ್ಟಪಟ್ಟು ಹಣ ಗಳ...

ಪಶ್ಚಿಮ_ಘಟ್ಟಗಳ_ಅಳಿವು_ಉಳಿವು. ಕಸ್ತೂರಿ_ರಂಗನ್_ವರದಿಯ_ಸುತ್ತಲಿನ  ಸುಳ್ಳು_ಮತ್ತು_ಸತ್ಯ'! ...   ಈ ಲೇಖನ #ನಾಗೇಶ_ಹೆಗಡೆ ಬರೆದು ಅವರ ಪೇಸ್ ಬುಕ್ ನಲ್ಲಿ ಪ್ರಕಟಿಸಿದ್ದನ್ನ ಇಲ್ಲಿ ಇನ್ನೊಮ್ಮೆ ಶೇರ್ ಮಾಡಿದ್ದೇನೆ.   ರಾಜ್ಯ ಸರ್ಕಾರ ಕಸ್ತೂರಿ ರಂಗನ್ ವರದಿ ಬಗ್ಗೆ ವಿಶೇಷ ಅಧಿವೇಶನ ನಡೆಸುವ ಹಿನ್ನೆಲೆಯಲ್ಲಿ ಎಲ್ಲರೂ ಈ ಲೇಖನ ಓದಬೇಕು ಮತ್ತು ಹೆಚ್ಚು ಜನರಿಗೆ ಈ ಬಗ್ಗೆ ಅರಿವು ಮೂಡಿಸುವ ಕೆಲಸ ಆಗಲಿ ಎಂಬ ಸದುದ್ದೇಶದಿಂದ.  ನಾಗೇಶ್ ಹೆಗಡೆ ಕನ್ನಡದ ಪ್ರಸಿದ್ಧ ವಿಜ್ಞಾನ ಬರಹಗಾರ, ಹಿರಿಯ ಪತ್ರಕರ್ತ ಮತ್ತು ಪರಿಸರವಾದಿ.   ಅವರ ಹಿನ್ನೆಲೆ ಫೆಬ್ರವರಿ 14, 1948 ರಂದು ಉತ್ತರ ಕನ್ನಡ ಜಿಲ್ಲೆಯ ಬಕ್ಕಮನೆಯಲ್ಲಿ ಜನನ, ಈಗ ಅವರಿಗೆ 78 ರ ಹರಯ.   ಅವರ ವಿದ್ಯಾಭ್ಯಾಸ ಖರಗ್‌ಪುರ ಐಐಟಿ (IIT Kharagpur) ಮತ್ತು ದೆಹಲಿಯ ಜೆಎನ್‌ಯು (JNU) ಮುಂತಾದ ಪ್ರತಿಷ್ಠಿತ ಸಂಸ್ಥೆಗಳಲ್ಲಿ ಶಿಕ್ಷಣ ಪಡೆದಿದ್ದಾರೆ.    ನೈನಿತಾಲ್ ವಿಶ್ವವಿದ್ಯಾಲಯದಲ್ಲಿ ಪರಿಸರ ಭೂವಿಜ್ಞಾನದ ಪ್ರಾಧ್ಯಾಪಕರಾಗಿಯೂ ಸೇವೆ ಸಲ್ಲಿಸಿದ್ದಾರೆ.    'ಪ್ರಜಾವಾಣಿ' ಹಾಗೂ 'ಸುಧಾ' ಪತ್ರಿಕೆಗಳಲ್ಲಿ ವಿಜ್ಞಾನ ಮತ್ತು ಅಭಿವೃದ್ಧಿ ಪತ್ರಿಕೋದ್ಯಮಿಯಾಗಿ ಕೆಲಸ ಮಾಡಿದ್ದಾರೆ.   ಕ್ಲಿಷ್ಟಕರವಾದ ವಿಜ್ಞಾನ ಮತ್ತು ಪರಿಸರ ಸಂಬಂಧಿ ವಿಷಯಗಳನ್ನು ಸಾಮಾನ್ಯರಿಗೂ ಅರ್ಥವಾಗುವಂತೆ ಸರಳ ಕನ್ನಡದಲ್ಲಿ ಬರೆಯುವುದರಲ್ಲಿ...

ಒಂದು_ಹಾಡು_ಸಾವಿರ_ಕಿಲೋಮೀಟರ್_ಪ್ರಯಾಣಕ್ಕೆ_ಕಾರಣವಾಯಿತು. ಆ ಹಾಡು ಕೇಳಿದ ನಂತರ ಅಲ್ಲಿಗೆ ಹೋಗಲೇ ಬೇಕೆಂದು ನಿರ್ದರಿಸಿದ್ದೆ,ಕಲಬುರ್ಗಿ ಜಿಲ್ಲೆಯ ಅಪ್ಜಲ್ಪುರ ತಾಲ್ಲೂಕಿನ ಘತ್ತರಗಿಯ ಬಾಗಮ್ಮ ದೇವಾಲಯಕ್ಕೆ. ವಿಜಯನಗರ ಪತನದ ನಂತರ ಕೃಷ್ಣದೇವರಾಯರ ಕುಲದೇವತೆ ಇಲ್ಲಿಗೆ ಬಂದು ನೆಲೆಸಿದಳೆಂಬ ಸ್ಥಳಪುರಾಣ,ಇಲ್ಲಿಗೆ ಬಂದು ಪ್ರಾರ್ಥಿಸಿದರೆ ಇಷ್ಟಾರ್ಥ ನೂರಕ್ಕೆ ನೂರು ಸಿದ್ಧಿ ಎಂಬ ನಂಬಿಕೆ.  ನಿತ್ಯ ಕನಿಷ್ಟ ಎರೆಡು ಸಾವಿರ ಭಕ್ತರಿಗೆ ದಾಸೋಹ ಇಲ್ಲಿ ದೇವರ ಅರ್ಚಕರು ಹಿಂದುಳಿದ ಮೀನುಗಾರ ಸಮೂದಾಯದ ಮಹಿಳೆಯರು.  ನಾನು ಈ ಚೌಡಿಕೆಯ ಪ್ರಕಾರದ ಸ್ಥಳ ಪುರಾಣದ ಹಾಡು ಒಂದು ಸಾವಿರಕ್ಕೂ ಹೆಚ್ಚು ಸಾರಿ ಕೇಳಿದ್ದೇನೆ, ಉತ್ತರ ಕರ್ನಾಟಕದ ಸೊಗಡಿನ ಕನ್ನಡದಲ್ಲಿ ತಮ್ಮದೇ ಸಂಪ್ರದಾಯಿಕ ವಾದ್ಯದೊಂದಿಗೆ ಕಲಬುರ್ಗಿ ಜಿಲ್ಲೆಯ ಅಪ್ಜಲ್ಪುರ ತಾಲ್ಲೂಕಿನ ಘತ್ತರಗ ಎಂಬ ಊರಿನ ಬಾಗಮ್ಮ ತಾಯಿಯ (ಭಾಗ್ಯವಂತೆ ದೇವಿಯ) ಸ್ಥಳ ಪುರಾಣದ ಕಥೆ ಹೇಳುವು ಹಾಡು ಇದು.  ವಿಜಯನಗರದ ಅರಸರ ಕುಲದೇವತೆ ಭಾಗ್ಯವತಿ ವಿಜಯನಗರದ ಸಿರಿ ಸಮೃದ್ಧಿಗೆ ಕಾರಣಳಾದವಳೆಂದು ಕೃಷ್ಣದೇವರಾಯರ ನಂತರ ಕೊನೆಯ ಅರಸ  ರಾಮರಾಯನು ಈ ದೇವಿಯ ವಚನ ಮಾನ್ಯ ಮಾಡದಾದನು ಇದರ ಪರಿಣಾಮ ವಿಜಯ ನಗರದ ಮಹಾ ಸಂಪತ್ತು ಕ್ಷೀಣಿಸ ತೊಡಗಿತ್ತು.   ಆ ಕಾಲದಲ್ಲಿ ದೇವಿಯ ಕಡೆಗಾಣಿಸಿದ್ದರಿಂದ ದೇವಿ ತುಂಗಾ ಭದ್ರಾ ನದಿಗೆ ಸರ್ಪದ ರೂಪದಲ್ಲಿ ಹಾರಿ ನಂತರ ಪ್ರವಾಹದಲ್ಲಿ ಸಾಗಿ ಕಲಬುರ್ಗಿ...

ಸಂಸದ_ರಾಘವೇಂದ್ರ_ಮಾತು_ಮಾತ್ರ_ಸಕಾಲಿಕವಾಗಿತ್ತು. ಶಿವಮೊಗ್ಗ_ಜಿಲ್ಲೆಯ_ತೀರ್ಥಹಳ್ಳಿಯಲ್ಲಿ_ನಡೆದ_ಮುಖ್ಯಮಂತ್ರಿಗಳ_ಕಸ್ತೂರಿ_ರಂಗನ್_ವರದಿ_ಸಂವಾದ_ಸಭೆ.   ತೀರ್ಥಹಳ್ಳಿಯ ಸಂವಾದದಲ್ಲಿ #ರಮೇಶ್_ಹೆಗ್ಡೆ, ರೈತ ಸಂಘದ #ರಾಜೇಂದ್ರ ಮತ್ತು #ಬಿ_ಆರ್_ಜಯಂತ್ ಮುಖ್ಯ ಮಂತ್ರಿಗಳ ಗಮನ ಸೆಳೆಯುವಂತೆ ವಿಚಾರಗಳ ಪ್ರಸ್ತಾವನೆ ಮಾಡಿದ್ದಾರೆ ಇವರಿಗೆ ಅವಕಾಶ ಕಲ್ಪಿಸಿದ್ದು ಸರಿಯಾದ ಆಯ್ಕೆ ಆಗಿತ್ತು.    ಮುಖ್ಯಮಂತ್ರಿ #ಡಿ_ಕೆ_ಶಿವಕುಮಾರ್ ತೀರ್ಥಹಳ್ಳಿಯಲ್ಲಿ ಇವತ್ತು (19- ಸೆಪ್ಟೆಂಬರ್ - 2026 ಶನಿವಾರ) ನಡೆಸಿದ ಕಸ್ತೂರಿ ರಂಗನ್ ವರದಿಯ ಪರಿಸರ ಸೂಕ್ಷ್ಮ ಪ್ರದೇಶದ ಗ್ರಾಮಗಳ ಸೇರ್ಪಡೆ ಬಗ್ಗೆ ನಡೆದ ಸಂವಾದ ಕಾರ್ಯಕ್ರಮದ ಬಗ್ಗೆ ಇಡೀ ರಾಜ್ಯದಲ್ಲಿ ಕುತೂಹಲ ಮೂಡಿಸಿತ್ತು.   ಇದಕ್ಕಾಗಿಯೇ ಎರೆಡು ದಿನಗಳ ವಿಶೇಷ ವಿದಾನ ಸಭಾ ಸಮಾವೇಶ ಮುಖ್ಯಮಂತ್ರಿ ಹಮ್ಮಿಕೊಂಡಿದ್ದಾರೆ ಅದರ ಪೂರ್ವ ಬಾವಿ ಆಗಿ ಈ ಸಂವಾದಗಳು ಎಂದು ಸರ್ಕಾರ ಹೇಳಿದ್ದರೂ ಅಲ್ಲಿನ ಕಾಲ ಮಿತಿಯಲ್ಲಿ ಯಾವ ರೀತಿ ಸಂವಾದ ಸಾಧ್ಯ ಎಂಬ ಪ್ರಶ್ನೆ ಸಹಜ.    ಮುಖ್ಯಮಂತ್ರಿಗಳ ಆಪ್ತರಾದ ಮಲೆನಾಡು ಅಭಿವೃದ್ಧಿ ಮಂಡಳಿ ಅಧ್ಯಕ್ಷರಾದ #ಆರ್_ಎಂ_ಮಂಜುನಾಥ_ಗೌಡರು ಹೊಸನಗರ - ಸಾಗರ ಮತ್ತು ತೀರ್ಥಹಳ್ಳಿಗಳಲ್ಲಿ ಅವರ ಸಹಕಾರಿ ಮಂಡಲಗಳ ಮೂಲಕ ಪಕ್ಷಾತೀತವಾಗಿವಾಗಿ ಪಾದ ಯಾತ್ರೆ ಮುಗಿಸಿದ್ದಾರೆ.   ಅವರ ಪ್ರಯತ್ನದಿಂದಲೇ ತೀರ್ಥಹಳ್ಳಿಯಲ್ಲಿ ಮುಖ್ಯಮಂತ್ರಿಗಳ ಈ ಸ...

ಭಾಗ_23. ಘಟ್ಟಕ್ಕೆ_ಕರಾವಳಿಗರ_ವಲಸೆ ಭಾರತೀಯರ_ದೇಶ_ವಿದೇಶದ_ವಲಸೆ.    ಭಾರತದ ಇತಿಹಾಸ ಮತ್ತು ಪ್ರಸ್ತುತ ಸಾಮಾಜಿಕ ವ್ಯವಸ್ಥೆಯನ್ನು ಗಮನಿಸಿದರೆ ವಲಸೆ ಎಂಬುದು ದೇಶದ ಒಳಗೆ ಮತ್ತು ಹೊರಗೆ ಶತಮಾನಗಳಿಂದಲೂ ನಿರಂತರವಾಗಿ ನಡೆಯುತ್ತಾ ಬಂದಿದೆ.    ಭಾರತದ ಇತಿಹಾಸವನ್ನು ಬದಲಾಯಿಸಿದ ಮತ್ತು ಇಂದಿನ ಆರ್ಥಿಕತೆಗೆ ಮುನ್ನುಡಿ ಬರೆದ ಭಾರತದ ಮುಖ್ಯ ವಲಸೆಗಳನ್ನು ಮೂರು ಪ್ರಮುಖ ವಿಭಾಗಗಳಾಗಿ ನೋಡಬಹುದು. ​ 1. #ಇತಿಹಾಸದಲ್ಲಿ_ನಡೆದ_ಪ್ರಮುಖ_ವಲಸೆಗಳು #​ಇಂಡೋ_ಆರ್ಯನ್_ವಲಸೆ (ಕ್ರಿ.ಪೂ. 1500 ರ ಸುಮಾರಿಗೆ):    ಇತಿಹಾಸಕಾರರ ಪ್ರಕಾರ, ಮಧ್ಯ ಏಷ್ಯಾದಿಂದ ಇಂಡೋ-ಆರ್ಯನ್ ಭಾಷೆಗಳನ್ನು ಮಾತನಾಡುವ ಜನಾಂಗದವರು ವಾಯುವ್ಯ ಭಾರತದ ಮೂಲಕ ಉಪಖಂಡಕ್ಕೆ ವಲಸೆ ಬಂದರು ಇದು ವೈದಿಕ ಸಂಸ್ಕೃತಿಯ ಆರಂಭಕ್ಕೆ ಕಾರಣವಾಯಿತು. #ಆಗ್ನೇಯ_ಏಷ್ಯಾಕ್ಕೆ_ಚೋಳರ_ಕಾಲದ_ವಲಸೆ.   ತಮಿಳುನಾಡಿನ ಚೋಳ ರಾಜರ ಕಾಲದಲ್ಲಿ ಮತ್ತು ಅದರ ನಂತರದ ಅವಧಿಯಲ್ಲಿ, ಭಾರತೀಯ ವ್ಯಾಪಾರಿಗಳು, ಕಲಾಪ್ರವೀಣರು ಮತ್ತು ಬೌದ್ಧ/ಹಿಂದೂ ಧರ್ಮ ಪ್ರಚಾರಕರು ಶ್ರೀಲಂಕಾ, ಮಲೇಷ್ಯಾ, ಇಂಡೋನೇಷ್ಯಾ ಮತ್ತು ಕಾಂಬೋಡಿಯಾ ದೇಶಗಳಿಗೆ ವಲಸೆ ಹೋಗಿ ಅಲ್ಲಿ ಭಾರತೀಯ ಸಂಸ್ಕೃತಿಯ ಪ್ರಭಾವ ಬೀರಿದರು. 2.#ವಸಾಹತುಶಾಹಿ_ಮತ್ತು_ಆಧುನಿಕ_ಕಾಲದ_ಮಹಾ_ವಲಸೆಗಳು.    #ಗಿರ್ಮಿಟಿಯಾ_ಕಾರ್ಮಿಕರ_ವಲಸೆ (Indentured Labour Migration - 19ನೇ ಶತಮಾನ)....

ತುಳು_ಪಾತೆರ್ಂಡ_ಮೈ_ಮನಸ್ಸ್_ತಂಪು" ಪಾತೆರ_ಪಂಡ_ತುಳುವೆ,  ಕೊರ್ಪಿನ_ದಾನೊಡು_ದಾನಿ"   ತುಳು ಭಾಷೆಯ ಮಾಧುರ್ಯ ಹಾಗೂ ಆಪ್ತತೆಯನ್ನು ಬಣ್ಣಿಸುವ ಮಾತು ಗಾದೆಗಳು ಇದು. ಈ ಹಿಂದೆ ಕೇಂದ್ರ ಸರ್ಕಾರಕ್ಕೆ ಶಿಫಾರಸು ಹೋದಾಗ "ನಿಮ್ಮದೇ ರಾಜ್ಯದಲ್ಲಿ ತುಳು ಭಾಷೆಗೆ ಅಧಿಕೃತ ಸ್ಥಾನಮಾನ ಕೊಟ್ಟಿಲ್ಲ, ಮೊದಲು ನೀವು ಮಾನ್ಯತೆ ನೀಡಿ" ಎಂಬ ತಾಂತ್ರಿಕ ಪ್ರಶ್ನೆ ಮತ್ತು ಹಿನ್ನಡೆ ಎದುರಾಗುತ್ತಿತ್ತು.    #ಕನ್ನಡ_ಭಾಷೆಗೆ ಶಾಸ್ತ್ರೀಯ ಸ್ಥಾನಮಾನ ಪ್ರಸ್ತಾವನೆ ಮಾಡಿದ 58 ವರ್ಷದ ನಂತರ ದೊರೆಯಿತು.   23 ವರ್ಷದ ಹಿಂದೆ #ಕೊಡುವ ಮತ್ತು #ತುಳು ಭಾಷೆಗೆ ಸಲ್ಲಿಸಿದ ಪ್ರಸ್ತಾವನೆ ಕೇಂದ್ರ ಸರ್ಕಾರದಲ್ಲೇ ಹಾಗೇ ಉಳಿದಿದೆ.   ಈಗ #ಮಂಗಳೂರಿನಲ್ಲಿ ನಡೆದ ಕರ್ನಾಟಕ ರಾಜ್ಯದ ಸಂಪುಟ ಸಭೆಯಲ್ಲಿ ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಗಳಲ್ಲಿ ತುಳು ಭಾಷೆಯನ್ನು ರಾಜ್ಯದ ಎರಡನೇ (ಹೆಚ್ಚುವರಿ) ಅಧಿಕೃತ ಆಡಳಿತ ಭಾಷೆಯನ್ನಾಗಿ ಮಾನ್ಯತೆ ನೀಡಲು ನಿರ್ಧರಿಸಿ ಪುನಃ ಕೇಂದ್ರ ಸರ್ಕಾರಕ್ಕೆ ಶಾಸ್ತ್ರೀಯ ಭಾಷಾ ಸ್ಥಾನಮಾನಕ್ಕೆ ಪ್ರಸ್ತಾವನೆ ಕಳಿಸಿದೆ.    ಸಂವಿಧಾನದ 345ನೇ ವಿಧಿಯಡಿ ರಾಜ್ಯ ಸರ್ಕಾರಕ್ಕೆ ಇರುವ ಅಧಿಕಾರವನ್ನು ಬಳಸಿ, ತುಳು ಭಾಷಿಕರು ಹೆಚ್ಚಾಗಿರುವ ಅವಿಭಜಿತ ದಕ್ಷಿಣ ಕನ್ನಡ (ದಕ್ಷಿಣ ಕನ್ನಡ ಮತ್ತು ಉಡುಪಿ) ಜಿಲ್ಲೆಗಳಲ್ಲಿ ಅಧಿಕೃತ ಆಡಳಿತಾತ್ಮಕ ಕಾರ್ಯಗಳಿಗೆ ತುಳು ಭಾಷೆಯನ್ನು ಹೆಚ್ಚುವರಿ ಭಾಷೆಯಾಗ...

ಜನರಿಕ್_ಔಷದ_ಬಳಕೆ_ವಿಶ್ವದ_ಯಾವ_ಯಾವ_ದೇಶದಲ್ಲಿದೆ?..  ಜೆನೆರಿಕ್ ಔಷಧಗಳ ಬಳಕೆ ಕೇವಲ ಭಾರತಕ್ಕೆ ಮಾತ್ರ ಸೀಮಿತವಾಗಿಲ್ಲ ವಿಶ್ವದ ಬಹುತೇಕ ಅಭಿವೃದ್ಧಿ ಹೊಂದಿದ ಮತ್ತು ಅಭಿವೃದ್ಧಿಶೀಲ ರಾಷ್ಟ್ರಗಳಲ್ಲಿ ಇದು ಅತ್ಯಂತ ವ್ಯಾಪಕವಾಗಿ ಜಾರಿಯಲ್ಲಿದೆ.   ಆರೋಗ್ಯ ವೆಚ್ಚವನ್ನು ಕಡಿಮೆ ಮಾಡಲು ಅನೇಕ ದೇಶಗಳ ಸರ್ಕಾರಗಳು ಜೆನೆರಿಕ್ ಔಷಧಗಳ ಬಳಕೆಯನ್ನು ಕಡ್ಡಾಯ ಅಥವಾ ಹೆಚ್ಚು ಪ್ರೋತ್ಸಾಹಿಸುತ್ತವೆ.     #ಅಮೆರಿಕ_ಸಂಯುಕ್ತ_ಸಂಸ್ಥಾನ (USA)...   ​ಜಗತ್ತಿನಲ್ಲೇ ಜೆನೆರಿಕ್ ಔಷಧಗಳನ್ನು ಅತಿ ಹೆಚ್ಚು ಬಳಸುವ ದೇಶಗಳಲ್ಲಿ ಅಮೆರಿಕ ಮುಂಚೂಣಿಯಲ್ಲಿದೆ.   ​ಅಲ್ಲಿ ಮಾರಾಟವಾಗುವ ಒಟ್ಟು ಪ್ರಿಸ್ಕ್ರಿಪ್ಷನ್ ಔಷಧಗಳಲ್ಲಿ ಸುಮಾರು ಶೇ. 90 ರಷ್ಟು ಜೆನೆರಿಕ್ ರೂಪದಲ್ಲೇ ಇರುತ್ತವೆ.  ಅಲ್ಲಿನ ಎಫ್‌ಡಿಎ (US FDA) ಇದಕ್ಕೆ ಕಟ್ಟುನಿಟ್ಟಿನ ನಿಯಮಾವಳಿಗಳನ್ನು ಹೊಂದಿದೆ.   #ಯುನೈಟೆಡ್_ಕಿಂಗ್‌ಡಮ್ (UK).... ​ಬ್ರಿಟನ್‌ನ ರಾಷ್ಟ್ರೀಯ ಆರೋಗ್ಯ ಸೇವೆ (NHS) ಅಡಿಯಲ್ಲಿ ವೈದ್ಯರು ಬ್ರಾಂಡ್ ಹೆಸರಿನ ಬದಲು ಕಡ್ಡಾಯವಾಗಿ ರಾಸಾಯನಿಕ ಸೂತ್ರದ (Generic name) ಹೆಸರನ್ನೇ ಬರೆಯಬೇಕೆಂಬ ನಿಯಮವಿದೆ ​ಇದರಿಂದಾಗಿ ಬ್ರಿಟನ್‌ನಲ್ಲಿ ಶೇ. 80 ಕ್ಕೂ ಹೆಚ್ಚು ಜೆನೆರಿಕ್ ಔಷಧಗಳು ಬಳಕೆಯಾಗುತ್ತವೆ.    #ಜರ್ಮನಿ_ಮತ್ತು_ಯೂರೋಪಿಯನ್_ಒಕ್ಕೂಟದ_ದೇಶಗಳು... ಜರ್ಮನಿ, ನೆದರ...

ಸಂಯುಕ್ತ_ಮನವಿ_ಪತ್ರ_ಅರ್ಪಣೆ_ಆಗಲಿ. #ಶಿವಮೊಗ್ಗ ಜಿಲ್ಲೆಯ ತೀರ್ಥಹಳ್ಳಿಗೆ ನಾಳೆ 19- ಸೆಫ್ಟೆಂಬರ್ - 2026 ಶನಿವಾರ ಆಗಮಿಸುವ ಮುಖ್ಯಮಂತ್ರಿಗಳಿಗೆ  ಜಿಲ್ಲೆಯ ಜನತೆ ಪರವಾಗಿ ಸಂಸದರು - ಶಾಸಕರೂ - ಪರಿಸರ ಸಂಘಟನೆಗಳು ಮತ್ತು ರೈತ ಸಂಘಟನೆಗಳು #ಸಂಯುಕ್ತ_ಮನವಿ ಪತ್ರ ಸಲ್ಲಿಸಬೇಕು.  ಕಸ್ತೂರಿ ರಂಗನ್ ವರದಿ ಬಗ್ಗೆ ವಿಶೇಷ ಅಧಿವೇಶನ ಕರೆದಿರುವ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಮಲೆನಾಡಿನ ಪಶ್ಚಿಮ ಘಟ್ಟದ ಜಿಲ್ಲೆಗಳ ಬೇಟಿ ಮಾಡುತ್ತಿದ್ದಾರೆ, ಇದಕ್ಕಾಗಿ ಅವರ ತೀರ್ಥಹಳ್ಳಿ ಬೇಟಿ ಬಗ್ಗೆ ಜನ ಸಾಮಾನ್ಯರಲ್ಲಿ ವಿಶೇಷ ಕುತೂಹಲ ಇದೆ. #ಕಸ್ತೂರಿ_ರಂಗನ್_ವರದಿ_ಬಗ್ಗೆ_ವಿಶೇಷ_ಅಧಿವೇಶನ_ಪೂರ್ವದ_ಮುಖ್ಯಮಂತ್ರಿಗಳ_ಮಲೆನಾಡಿನ_ಜನಾಭಿಪ್ರಾಯದ_ಬೇಟಿ_ಸಂದರ್ಭದ ಈ ಸಭೆಗಳು ಸಾಮಾನ್ಯವಾಗಿ ಕೆಲವೇ ನಿಮಿಷಗಳದ್ದಾಗಿರುತ್ತದೆ.  ಇದರ ಮಧ್ಯದಲ್ಲಿ ಅವರ ರಾಜಕೀಯ ಪಕ್ಷಗಳ ಶಕ್ತಿ ಪ್ರದರ್ಶನಗಳು ಇತ್ಯಾದಿಗಳಿಂದ ಮುಖ್ಯ ವಿಚಾರವೇ ಔಪಚಾರಿಕವಾಗಿ ಬದಲಾಗಿಬಿಡುತ್ತದೆ.   ಇದರಿಂದ ಅವರಿಗೆ ಜಿಲ್ಲೆಯ ಸಮಸ್ಯೆ ಅರಿಯಲು ಸಾಧ್ಯವಿರುವುದಿಲ್ಲ ಇದು ಕೇವಲ ಸಾಂಕೇತಿಕ ಬೇಟಿ ಆಗಿರುತ್ತದೆ.  ಇದನ್ನು ಸ್ಥಳೀಯ ಅವರ ಪಕ್ಷದ ಉಸ್ತುವಾರಿ ಮಂತ್ರಿ ಮತ್ತು ಜನಪ್ರತಿನಿದಿಗಳು ಹೇಗೆ ಪರಿಣಾಮಕಾರಿ ಆಗಿ ಹೇಗೆ ಆಯೋಜಿಸುತ್ತಾರೆ ಎಂದು ಕಾದು ನೋಡಬೇಕು.   ಮುಖ್ಯ ಮಂತ್ರಿಗಳ ಈ ಬೇಟಿ ಮುಖ್ಯ ಉದ್ದೇಶ ಕಸ್ತೂರಿ ರಂಗನ್ ವರದಿಯ ಪರಿಸರ ಸೂಕ್ಷ್ಮ ವ...

ಹಿಂಗು_ಸಸ್ಯ_ಮೂಲ  Asafoetida    ಹಿಂಗು ಅಡುಗೆಯಲ್ಲಿ ಬಳಸುವ ಪ್ರಮುಖ ಸಾಂಬಾರ ಪದಾರ್ಥ ಇದು ಫೆರುಲಾ /Ferula ಎಂಬ ಸಸ್ಯದ ಬೇರುಗಳಿಂದ ತೆಗೆಯಲಾಗುವ ನೈಸರ್ಗಿಕ ರಾಳ. ​ಮುಖ್ಯ ಉಪಯೋಗಗಳು ​ಅಡುಗೆಯಲ್ಲಿ ಸಾರು, ಸಾಂಬಾರು, ತಂಬುಳಿ, ಉಪ್ಪಿನಕಾಯಿ ಮತ್ತು ಒಗ್ಗರಣೆಗಳಿಗೆ ವಿಶಿಷ್ಟ ಪರಿಮಳ ಮತ್ತು ರುಚಿ ನೀಡುತ್ತದೆ.  ಈರುಳ್ಳಿ-ಬೆಳ್ಳುಳ್ಳಿ ಬಳಸದ ಅಡುಗೆಗಳಿಗೆ ಇದು ಉತ್ತಮ ಪರ್ಯಾಯ. ​ಜೀರ್ಣಕ್ರಿಯೆಯಲ್ಲಿ ಹೊಟ್ಟೆಯುಬ್ಬರ, ಗ್ಯಾಸ್ಟ್ರಿಕ್ ಮತ್ತು ಅಜೀರ್ಣ ಸಮಸ್ಯೆಯನ್ನು ಕಡಿಮೆ ಮಾಡಲು ಸಹಕಾರಿ. ​ಆಯುರ್ವೇದದಲ್ಲಿ,ಹೊಟ್ಟೆ ನೋವು, ಕೆಮ್ಮು ಮತ್ತು ಉಸಿರಾಟದ ತೊಂದರೆಗಳಿಗೆ ಮನೆಮದ್ದಾಗಿ ಬಳಕೆಯಾಗುತ್ತದೆ.  ​ಹಿಂಗು ಮೂಲತಃ ಇರಾನ್ ಮತ್ತು ಅಫ್ಘಾನಿಸ್ತಾನದಂತಹ ಶೀತ ಮತ್ತು ಒಣ ಮರುಭೂಮಿ ಪ್ರದೇಶಗಳ ಬೆಳೆ.    ಭಾರತದಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಹಿಮಾಚಲ ಪ್ರದೇಶ, ಲಡಾಖ್ ಮತ್ತು ಉತ್ತರಾಖಂಡದ ಎತ್ತರದ ಶೀತ ಪ್ರದೇಶಗಳಲ್ಲಿ ಇದರ ಪ್ರಾಯೋಗಿಕ ಕೃಷಿಯನ್ನು ಯಶಸ್ವಿಯಾಗಿ ಆರಂಭಿಸಲಾಗಿದೆ. ​ ಅತ್ಯಂತ ಶೀತ ಮತ್ತು ಕಡಿಮೆ ತೇವಾಂಶವಿರುವ ಶುಷ್ಕ ವಾತಾವರಣ ಅಗತ್ಯ ತಾಪಮಾನ ಮೈನಸ್ ಡಿಗ್ರಿಯಿಂದ ಹಿಡಿದು ಗರಿಷ್ಠ 25°C - 30°C ಒಳಗೆ ಇರಬೇಕು.  ನೀರು ನಿಲ್ಲದ ಸುಲಭವಾಗಿ ಬಸಿದು ಹೋಗುವ ಮರಳು ಮಿಶ್ರಿತ ಅಥವಾ ಕಲ್ಲು ಮಿಶ್ರಿತ ಒಣ ಮಣ್ಣು ಸೂಕ್ತ,ಮಣ್ಣಿನಲ್ಲಿ ತೇವಾಂಶ ಹೆಚ್ಚಿದ್ದರೆ ಬೇರುಗಳು ಕ...