Skip to main content

4173.ಸ್ವಾಮಿರಾವ್_ಆತ್ಮಚರಿತ್ರೆ_ಓದುಗರಿಂದಓದುಗರ_ಅಭಿಪ್ರಾಯಗಳ_ಸ್ವತಂತ್ರ_ಕೃತಿಪತ್ರಕರ್ತ_ಶ್ರೀಕಂಠರಿಗೆ_ಅಭಿನಂದನೆ.


ಸ್ವಾಮಿರಾವ್_ಆತ್ಮಚರಿತ್ರೆ_ಓದುಗರಿಂದ
ಓದುಗರ_ಅಭಿಪ್ರಾಯಗಳ_ಸ್ವತಂತ್ರ_ಕೃತಿ
ಪತ್ರಕರ್ತ_ಶ್ರೀಕಂಠರಿಗೆ_ಅಭಿನಂದನೆ.

   ಸ್ವಾಮಿ ರಾವ್ ಅವರ ಆತ್ಮ ಚರಿತ್ರೆ ಪ್ರಕಟವಾದ ಎರಡು ವರ್ಷದೊಳಗೆ ಓದುಗರ ಅಭಿಪ್ರಾಯಗಳನ್ನೇ ಒಂದು ಸ್ವತಂತ್ರ ಕೃತಿಯನ್ನಾಗಿ ಸಂಗ್ರಹಿಸಿ ತಂದಿರುವುದು ಸ್ವಾಮಿರಾವ್ ಅವರ ಕೃತಿಯ ವಿಷಯದಲ್ಲಿ ಅತ್ಯಂತ ಅಪರೂಪದ ಹಾಗೂ ವಿಶೇಷ ಗೌರವದ ಸಂಗತಿ ಇದಕ್ಕೆ ಕಾರಣರಾದ ಲೇಖಕ ಪತ್ರಕರ್ತ ಹೊಸನಗರದ ಶ್ರೀಕಂಠರಿಗೆ ಅಭಿನಂದಿಸುತ್ತೇನೆ.

   ನನ್ನ ಅಭಿಪ್ರಾಯ ಕೇಳಿದ್ದರು ಕಳಿಸಿದ್ದೆ, ನಿನ್ನೆ ಆ ಪುಸ್ತಕ #ಓದಿದವರು_ಹೇಳಿದ್ದು_ಅಜೇಯ_96 ನನ್ನ ಆಫೀಸಿನ ಟೇಬಲ್ ಮೇಲೆ ಇಟ್ಟು ಹೋಗಿದ್ದಾರೆ ಶ್ರೀಕಂಠ.

  ಶಿವಮೊಗ್ಗ ಜಿಲ್ಲೆಯ ಹೊಸನಗರ ವಿಧಾನಸಭಾ ಕ್ಷೇತ್ರದ ಮಾಜಿ ಶಾಸಕರಾದ ಬಿ. ಸ್ವಾಮಿ ರಾವ್,1983ರಲ್ಲಿ ಜನತಾ ಪಕ್ಷದಿಂದ ಸ್ಪರ್ಧಿಸಿ ಜಯಗಳಿಸಿದ್ದರು,1985 ಮತ್ತು 1989ರ ಸಾರ್ವತ್ರಿಕ ಚುನಾವಣೆಗಳಲ್ಲಿ ಕಾಂಗ್ರೆಸ್ ಪಕ್ಷದಿಂದ ಸ್ಪರ್ಧಿಸಿ ಶಾಸಕರಾಗಿ ಆಯ್ಕೆಯಾಗಿದ್ದರು.

​ "#ನಾನು_ಹೇಳುವುದೆಲ್ಲ_ಸತ್ಯ"  ಇದು ಅವರ ಜೀವನ, ಸಾರ್ವಜನಿಕ ಅನುಭವಗಳು ಹಾಗೂ ಒಡನಾಟಗಳನ್ನು ಒಳಗೊಂಡ ಸಂಕಲನವಾಗಿದೆ.

 ಕನ್ನಡ ಸಾರಸ್ವತ ಲೋಕದಲ್ಲಿ ಮತ್ತು ಸಾರ್ವಜನಿಕ ಬದುಕಿನಲ್ಲಿ ಆತ್ಮಚರಿತ್ರೆ ಪ್ರಕಟವಾದ ಕೇವಲ ಒಂದೆರಡು ವರ್ಷಗಳಲ್ಲೇ ಅದಕ್ಕೆ ಓದುಗರು, ಒಡನಾಡಿಗಳು ಮತ್ತು ವಿಮರ್ಶಕರು ವ್ಯಕ್ತಪಡಿಸಿದ ಪ್ರತಿಕ್ರಿಯೆಗಳನ್ನೇ ಒಗ್ಗೂಡಿಸಿ ಪ್ರತ್ಯೇಕ ಪುಸ್ತಕ ತಂದ ಅಪರೂಪದ ನಿದರ್ಶನಗಳು ಕೆಲವೇ ಕೆಲವು.

 ​ ಶಿವಮೊಗ್ಗ-ಹೊಸನಗರ ಭಾಗದ ಹಿರಿಯ ಸಮಾಜವಾದಿ ನಾಯಕ ಬಿ. ಸ್ವಾಮಿರಾವ್ ಅವರ ಆತ್ಮಕಥನ ಪ್ರಕಟವಾದ ಕೆಲವೇ ವರ್ಷಗಳಲ್ಲಿ ಅದಕ್ಕೆ ನಾಡಿನ ಚಿಂತಕರು ಮತ್ತು ಒಡನಾಡಿಗಳು ಬರೆದ ಪ್ರತಿಕ್ರಿಯೆಗಳನ್ನು ಶ್ರೀಕಂಠ ಹೆಚ್.ಆರ್. ಅವರು '#ಓದಿದವರು_ಹೇಳಿದ್ದು...' ಎಂಬ ಹೆಸರಿನಲ್ಲಿಯೇ ಪ್ರತ್ಯೇಕ ಕೃತಿಯಾಗಿ ಹೊರತಂದಿದ್ದಾರೆ.

 ಇಷ್ಟು ಅಲ್ಪಾವಧಿಯಲ್ಲಿ ಇಡೀ ಕೃತಿಗೆ ಬಂದ ಪ್ರತಿಕ್ರಿಯೆಗಳೇ ಪ್ರತ್ಯೇಕ ದಾಖಲೆಯಾಗಿ ಹೊರಬಂದದ್ದು ವಿಶಿಷ್ಟ.

    ಇಂತಹ ಪ್ರಯತ್ನ ಅಥವ ಉದಾಹರಣೆ ಅಪರೂಪ ಅದರಲ್ಲಿ ಡಾ. ಯು.ಆರ್. #ಅನಂತಮೂರ್ತಿ ಅವರ '#ಸುರಗಿ' ಆತ್ಮಕಥನ ಬಿಡುಗಡೆಯಾದ ತಕ್ಷಣ ಸಾಹಿತ್ಯ ವಲಯದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಯಿತು. 

  ಕೇವಲ ವರ್ಷ-ಎರಡು ವರ್ಷಗಳ ಅಂತರದಲ್ಲೇ 'ಸುರಗಿ ಸುತ್ತಮುತ್ತ' ಎಂಬ ಚರ್ಚಾ-ಸಂವಾದ ಬರಹಗಳನ್ನೊಳಗೊಂಡ ವಿಮರ್ಶಾ ಸಂಕಲನ ಹೊರಬಂತು.

​ #ಲಂಕೇಶರ '#ಹುಳಿಮಾವಿನ ಮರ' ಪ್ರಕಟವಾದಾಗ ಸಾಹಿತ್ಯ ವಲಯದಲ್ಲಿ ದೊಡ್ಡ ಸಂಚಲನ ಸೃಷ್ಟಿಸಿತು.

  ಅದರಲ್ಲಿನ ವಿವರಗಳು ಹಾಗೂ ವ್ಯಕ್ತಿಚಿತ್ರಣಗಳ ಕುರಿತು ಪತ್ರಿಕೆಗಳಲ್ಲಿ, 'ಲಂಕೇಶ್ ಪತ್ರಿಕೆ'ಯಲ್ಲಿ ದೊಡ್ಡ ಚರ್ಚೆಗಳು ನಡೆದು ನಂತರ ಲಂಕೇಶರ ಸಮಗ್ರ ಬರಹಗಳು ಮತ್ತು ಅವರ ನೆನಪಿನ ಕುರಿತ ಪುಸ್ತಕಗಳಲ್ಲಿ ಓದುಗರ/ಮಿತ್ರರ ಆ ಪ್ರತಿಕ್ರಿಯೆಗಳು ಪ್ರತ್ಯೇಕ ಭಾಗವಾಗಿ ದಾಖಲಾದವು.

  ​ದೇವೇಂದ್ರಕುಮಾರ ಹಕಾರಿ 'ನೆನಪಿನ ನೆರಳುಗಳು'  ಆತ್ಮಚರಿತ್ರೆ ಪ್ರಕಟವಾದ ನಂತರ ಅವರ ಒಡನಾಡಿಗಳು ಹಾಗೂ ಶಿಷ್ಯವರ್ಗ ಆ ಕೃತಿಯ ಒಳನೋಟಗಳ ಕುರಿತು ಪ್ರತ್ಯೇಕ ಅಭಿನಂದನಾ/ವಿಮರ್ಶಾ ಕೃತಿಯನ್ನು ತಂದರು.

  ​ಸಾಮಾನ್ಯವಾಗಿ ಒಬ್ಬ ವ್ಯಕ್ತಿಯ ಶತಮಾನೋತ್ಸವ ಅಥವಾ ನಿಧನದ ನಂತರ ಇಂತಹ 'ಓದುಗರ ನೆನಪು/ಪ್ರತಿಕ್ರಿಯೆ' ಗ್ರಂಥಗಳು ಬರುವುದುಂಟು. ಆದರೆ ಬದುಕಿರುವಾಗಲೇ, ಅದೂ ಕೃತಿ ಪ್ರಕಟವಾದ ಎರಡು ವರ್ಷದೊಳಗೆ ಓದುಗರ ಅಭಿಪ್ರಾಯಗಳನ್ನೇ ಒಂದು ಸ್ವತಂತ್ರ ಕೃತಿಯನ್ನಾಗಿ ಸಂಗ್ರಹಿಸಿ ತಂದಿರುವುದು ಸ್ವಾಮಿರಾವ್ ಅವರ ಕೃತಿಯ ವಿಷಯದಲ್ಲಿ ಅತ್ಯಂತ ಅಪರೂಪದ ಹಾಗೂ ವಿಶೇಷ ಗೌರವದ ಸಂಗತಿ.

#swamirao #hosanagara #mla #autobiograpy #srikanta #shivamogga #socialist
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
1 comment
Read more

ರಿಪ್ಪನ್ ಪೇಟೆ ( ಶಿವಮೊಗ್ಗ ಜಿಲ್ಲೆ) ಹೆಸರು ಬಂದಿದ್ದಾದರು ಹೇಗೆ?

#  ರಿಪ್ಪನ್ ಪೇಟೆ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲ್ಲೂಕಿನ ಪ್ರಮುಖ ಹೋಬಳಿ ಕೇಂದ್ರ ಈ ಆಂಗ್ಲ ಅಧಿಕಾರಿಯ ಹೆಸರು ಇಡಲು ಕಾರಣವಾದ ಘಟನೆ ತುಂಬಾ ಕುತೂಹಲಕಾರಿ# ಸ್ವಲ್ಪ ಕಾಲ ನೀವು ಈ ಲೇಖನ ಓದಿದರೆ ಕಾರಣ ಗೊತ್ತಾಗುತ್ತೆ.    ಆಗ ಬ್ರಿಟಿಷ್ ಸಕಾ೯ರರಕ್ಕೆ ಆಡಳಿತ ಸುಗುಮಕ್ಕೆ ರೈಲು ಮಾಗ೯ ಅತ್ಯಗತ್ಯ ಎಂಬ ಸಕಾರಣ ಮನವರಿಕೆ ಆದ ಕಾಲ ಏಕೆಂದರೆ ಬ್ರಿಟಿಷರು ಅಮೆರಿಕಾ ವಲಸೆಯಲ್ಲಿ ಇದನ್ನ ಮನಗOಡಿದ್ದರು, ಬೆಂಗಳೂಳಿ ರಿಂದ ಶಿವಮೊಗ್ಗ ತಲುಪುವ ರೈಲು ಮಾಗ೯ ತಾಳಗುಪ್ಪಾ ತಲುಪಿದರೆ ಜೋಗ ಜಲಪಾತ ವೀಕ್ಷಣೆಗೆ ಅನುಕೂಲ ಎಂಬುದು ಹಾಗೆ ಮತ್ತೊಂದು ಮ್ಯಸೂರು ಸಕಾ೯ರ ಶರಾವತಿ ನದಿಗೆ ಆಣೆಕಟ್ಟು ಕಟ್ಟಿ.ಜಲ ವಿದ್ಯುತ್ ತಯಾರಿಸಲು ಸಾಮಗ್ರಿ ಸಾಗಾಣಿಕೆಗೆ ಅನುಕೂಲ ಎಂಬ ಕಾರಣದಿಂದ ಶಿವಮೊಗ್ಗದಿಂದ ತಾಳಗುಪ್ಪ ರೈಲು ಮಾಗ೯ ಯೋಜನೆ ಮಾಡಲಾಯಿತು.    ಆಗ ಪ್ಲೇಗ್ ಮಾರಿಯ ಕಾಲ, ಎಲ್ಲೆಲ್ಲೂ ಜನ ಸಾಯುತ್ತಿದ್ದರು ಆಗಲೇ ಈ ರೈಲು ಮಾಗ೯ ಶಿವಮೊಗ್ಗ ಆರಸಾಳಿOದ ದೊಡ್ಡಿನ ಕೊಪ್ಪ (ಈಗಿನ ರಿಪ್ಪನ್ ಪೇಟೆ) ಆನಂದಪುರಂ ಮಾಗ೯ ನಿಗದಿ ಆಗಿತ್ತು ಆದರೆ ಈ ಭಾಗದಲ್ಲಿ ಒಂದು  ವದಂತಿ ಈ ಬಾಗದಲ್ಲಿ ಹರಡಿತ್ತು ಅದೇನೆಂದರೆ ರೈಲು ಬಂದರೆ ಪ್ಲೇ ಗು ಬರುತ್ತೆ  ಅಂತ.    ಹಾಗಾಗಿ ಈ ಭಾಗದಲ್ಲಿನ ಜಾಗೃತ ಜನ ನಾಯಕರುಗಳು ಹೇಗಾದರು ಮಾಡಿ ರೈಲು ಬರದಂತೆ ಮಾಡಲು ಎಲ್ಲಾ ರೀತಿಯ ಪ್ರಯತ್ನ ಮಾಡಲು ಪ್ರಾರಂಭಿಸಿದರು.     ಇದೇ ಸಂದಭ೯ದಲ್ಲ...
5 comments
Read more

HISTORICAL SAGAR MARIKAMBA JATRA.ಐತಿಹಾಸಿಕ ಸಾಗರದ ಮಾರಿಕಾಂಬಾ ಜಾತ್ರೆ

     ಸಾಗರದ ಮಾರಿಕಾಂಬಾ ಜಾತ್ರೆ ಐತಿಹಾಸಿಕ ಚರಿತ್ರೆಯಲ್ಲಿ ದಾಖಲೆ.        ಕನಾ೯ಟಕ ರಾಜ್ಯದಲ್ಲಿ ಎರೆಡು ಮಾರಿಕಾಂಬಾ ಜಾತ್ರೆಗಳು ಪ್ರಸಿದ್ಧಿ ಪಡೆದಿದೆ ಅದು ಉತ್ತರ ಕನ್ನಡ ಜಿಲ್ಲೆಯ ಸಿಸಿ೯ಯದ್ದು ಮತ್ತು ಶಿವಮೊಗ್ಗ ಜಿಲ್ಲೆಯ ಸಾಗರದ್ದು.    ಪ್ರತಿ ಮೂರು ವಷ೯ಕೆ ಈ ಜಾತ್ರೆ ಆಚರಿಸಲಾಗುತ್ತೆ ಶೂದ್ರ ವಗ೯ದವರು ಭಯ ಮತ್ತು ಭಕ್ತಿಯಿಂದ ಕುರಿ ಕೋಳಿ ಬಲಿ ನೀಡುವ ಪರಂಪರೆ ಇದೆ.ಮಂಗಳವಾರ ಮೇಲು ಜಾತಿಯ ಜನರ ಪೂಜೆ ದೇವಿಯ ತವರು ಮನೆಯಲ್ಲಿ ನಡೆಯುತ್ತದೆ ನಂತರ ರಾತ್ರಿ ಗಂಡನ ಸೇರುವ ಮಾರಿಗೆ ಶೂದ್ರರ ಪೂಜೆ, ಬಲಿ ಮೀಸಲು.    ಮೊದಲೆಲ್ಲ ಮಾರಿಯಮ್ಮನಿಗೆ ಕೊಣನ ಬಲಿ ನೀಡುತ್ತಿದ್ದರು ಈಗ ಇದು ಕಾನೂನು ಪ್ರಕಾರ ನಿಷಿದ್ಧ ಆದರೆ ಈ ಆಚಾರಣೆ ಗುಪ್ತವಾಗಿ ಬೇರೆ ಕಡೆ ನಡೆಸಲಾಗುತ್ತೆ ಅನ್ನುತ್ತಾರೆ.    ಸಾಗರದ ಮಾರಿಕಾ0ಬಾ ಜಾತ್ರೆ ಜಾತ್ರೆಯಿ೦ದ ಜಾತ್ರೆಗೆ ಅದೂರಿಯಾಗಿ ನಡೆಯುತ್ತದೆ, ಕೋಟ್ಯಾoತರ ಹಣದ ವಹಿವಾಟು ಕೂಡ, ಮೊದಲೆಲ್ಲ ಹಣದ ಅಪರಾ ತಪರ ಆಗುತ್ತಿದೆ ಎಂಬ ಗುಲ್ಲು ಇತ್ತು ಆದರೆ ಈಗೆಲ್ಲ ಪಾರದಶ೯ಕವಾಗಿದೆ ಆದರೂ ಈ ಬಾರಿಯ 2017ರ ಜಾತ್ರೆಯಲ್ಲಿ ಅವ್ಯವಹಾರದ ಆರೋಪ ಮಾಡಲಾಗಿದೆ ಈ ವಿಚಾರ ಇಲ್ಲಿ ಅಪ್ರಸ್ತುತ ಆದರೂ ಈ ಬಗ್ಗೆ ಬರೆಯಲು ಕಾರಣ ಕೆಳದಿ ಅರಸರ ಕಾಲದಲ್ಲಿ ಅಂದರೆ 350 ವಷ೯ದ ಹಿಂದೆಯೂ ರಾಜರಿಗೆ ಸಾಗರದ ಮಾರಿಕಾಂಬಾ ಜಾತ್ರೆಯಲ್ಲಿ ಸಾವ೯ಜನಿಕರಿಂದ ಸಂಗ್ರಹಿಸಿದ ಜಾತ...
Post a Comment
Read more