Blog number 1983. ಸಾಗರ ರೈಲು ನಿಲ್ದಾಣದ ಮರುನಾಮಕರಣಕ್ಕೆ ಆಗಿನ ಉಪ ಪ್ರಧಾನಿ ಲಾಲ್ ಕೃಷ್ಣ ಅಡ್ವಾನಿ ಅನುಮೋದಿಸಿದರೂ ಕಾಣದ ಕೈಗಳು ತಡೆ ಹಿಡಿದದ್ದು ಯಾಕೆ?

#ಇಪ್ಪತ್ನಾಲ್ಕು_ವರ್ಷದಿಂದ_ಸಾಗರ_ಜಂಬಗಾರು_ರೈಲು_ನಿಲ್ದಾಣದ_ಮರುನಾಮಕರಣ_ವಿಳಂಬ

#ಸಾಗರ_ಜಂಬಗಾರು_ರೈಲುನಿಲ್ದಾಣದ_ಮರುನಾಮಕರಣ_ವಿಳಂಭ_ಏಕೆ?

#ಡಾ_ರಾಮಮನೋಹರ_ಲೋಹಿಯ_ರೈಲುನಿಲ್ದಾಣ

#ದಿನಾಂಕ_12_ಜೂನ್_2000ದಂದು_ನಾಮಪಲಕ_ಅನಾವರಣಗೊಳಿಸಲಾಗಿತ್ತು.

#ಆಗಿನ_ಉಪಪ್ರಧಾನಿ_ಲಾಲ್_ಕೃಷ್ಣ_ಅಡ್ವಾನಿ_ವಿಶೇಷ_ಕಾಳಜಿಯಿಂದ_ಮರುನಾಮಕರಣಕ್ಕೆ_ಅನುಮೋದನೆ_ನೀಡಿದ್ದರು.

#ಶಿವಮೊಗ್ಗ_ಸಂಸದರಾದ_ರಾಘವೇಂದ್ರ_ಮಾಜಿಮುಖ್ಯಮಂತ್ರಿ_ಯಡೂರಪ್ಪ

#ಮಾಜಿ_ವಿದಾನಸಭಾ_ಸದಸ್ಯರಾದ_ಹರತಾಳು_ಹಾಲಪ್ಪರಿಗೆ_ಮನವಿ

  ಸಂಸದರಾದ ಶ್ರೀ ಬಿ.ವೈ.ರಾಘವೇಂದ್ರರಿಗೆ,ಮಾಜಿ ಮುಖ್ಯಮಂತ್ರಿ ಯಡೂರಪ್ಪನವರಿಗೆ ಮತ್ತು ರಾಜ್ಯ ಬಿಜೆಪಿ ಉಪಾಧ್ಯಕ್ಷರಾದ ಹರತಾಳು ಹಾಲಪ್ಪನವರಿಗೆ ಮನವಿ.

 ಇತ್ತೀಚಿಗೆ ತಾವು ಹೊಸನಗರ ತಾಲ್ಲೂಕಿನ ಅರಸಾಳು ರೈಲ್ ನಿಲ್ದಾಣಕ್ಕೆ ಶಂಕರ್ ನಾಗ್ ರು ಮಾಲ್ಗುಡಿ ಡೇಸ್ ಸಿರೀಯಲ್ ಶೂಟಿಂಗ್ ಮಾಡಿದ ನೆನಪಿಗಾಗಿ ಮಾಲ್ಗುಡಿ ರೈಲು ನಿಲ್ದಾಣವಾಗಿ ಮರುನಾಮಕರಣ ಮಾಡಿದ್ದೀರಿ ಸ್ವಾಗತ.

  ಸಾಗರ ರೈಲು ನಿಲ್ದಾಣದ ಪುನರ್ ನಾಮಕರಣಕ್ಕೆ ಆಗಿನ ಉಪ ಪ್ರದಾನ ಮಂತ್ರಿಯಾದ ಶ್ರೀ ಲಾಲ್ ಕೃಷ್ಣ ಅಡ್ವಾನಿಯವರಿಂದ ಅನುಮೋದಿಸಲ್ಪಟ್ಟ #ಡಾII_ರಾಮ್_ಮನೋಹರ್_ಲೋಹಿಯಾ ರೈಲು ನಿಲ್ದಾಣ ಕಾಯ೯ಕ್ರಮ ಕೂಡ ನೆರವೇರಿಸಲು ಒತ್ತಾಯಿಸುತ್ತೇನೆ.

  ಸಾಗರ ಜಂಬಗಾರು ರೈಲು ನಿಲ್ದಾಣದ ಹೆಸರನ್ನ ಹೆಸರಾಂತ ಸಮಾಜವಾದಿ ಡಾII ರಾಮ ಮನೋಹರ ಲೋಹಿಯಾ ರೈಲು ನಿಲ್ದಾಣ ಎಂದು ಮರು ನಾಮಕರಣಕ್ಕಾಗಿ 2000ನೇ ಇಸವಿಯಿ೦ದ ಪ್ರಯತ್ನಿಸುತ್ತಿದ್ದು ಇದಕ್ಕೆ ಆಗಿನ ಉಪ ಪ್ರದಾನಿ ಲಾಲ್ ಕೃಷ್ಣ ಅಡ್ವಾನಿಯವರಿಗೆ ಮಾಡಿದ ಮನವಿ ಕನಾ೯ಟಕ ಸಕಾ೯ರಕ್ಕೆ, ಅಲ್ಲಿಂದ ಶಿವಮೊಗ್ಗ ಜಿಲ್ಲಾ ಆಡಳಿತಕ್ಕೆ ಅಲ್ಲಿ೦ದ ಸಾಗರ ಸಾಗರ ಪುರಸಭೆಗೆ ಅನುಮೋದನೆಗೆ ಬಂದು ಅನುಮೋದನೆ ಪಡೆದು ಪುನಃ  ಉಪ ಪ್ರದಾನಿಗಳಿಂದ ಸಂಬಂದಪಟ್ಟ ಇಲಾಖೆಗೆ ಸಾಗರ ರೈಲು ನಿಲ್ದಾಣದ ಹಾಲಿ ಹೆಸರು ಬದಲಿಸಿ ಡಾII ರಾಮಮನೋಹರ ಲೋಹಿಯ ಎಂದು ಪುನರ್ ನಾಮಕರಣ ಮಾಡಬಹುದೆಂದು ಸಂಬಂದಪಟ್ಟ ಇಲಾಖೆಗೆ ಅನುಮತಿ ನೀಡಿ 24 ವಷ೯ ಆದರೂ ರೈಲ್ವೆ ಇಲಾಖೆ ಮರು ನಾಮಕರಣ ಮಾಡಿರುವುದಿಲ್ಲ ಎಂದು ನಿಮ್ಮ ಗಮನಕ್ಕೆ ತರುತ್ತೇನೆ.

    ತಕ್ಷಣ ಸಾಗರ ಜOಬಗಾರ್ ಎಂಬ ಸಾಗರ ರೈಲು ನಿಲ್ದಾಣವನ್ನ ಎಲ್ಲಾ ಅನುಮತಿ ಪಡೆದಿರುವ ಡಾII ರಾಮ ಮನೋಹರ್ ಲೋಹಿಯಾ ಎಂದು ಪುನರ್ ನಾಮಕರಣ ಮಾಡಬೇಕೆಂದು ಮನವಿ ಮಾಡುತ್ತೇನೆ.

  ಈ ಹೆಸರು ಇಡಬೇಕೆಂದು ಕಾಗೋಡು ಹೋರಾಟದ ನೇತಾರ ಗಣಪತಿಯಪ್ಪಾ, ಸಾಹಿತಿ ದೀ.ಕೋಣಂದೂರು ವೆಂಕಪ್ಪ ಗೌಡರು, ಮಾಜಿ ವಿದಾನ ಪರಿಷತ್ ಸದಸ್ಯರಾದ ಜಿ.ಮಾದಪ್ಪ, ಆಗಿನ ರಾಜ್ಯಸಭಾ ಸದಸ್ಯ ಜವರೇಗೌಡರು, ಆಗಿನ ಕೇಂದ್ರ ಮಂತ್ರಿ ಜಾಜ್೯ ಪನಾ೯೦ಡಿಸ್, ಶ್ರೀನಿವಾಸ ಪ್ರಸಾದ್, ನಿತೀಶ್ ಕುಮಾರ್ ಕೇಂದ್ರ ಸಕಾ೯ರವನ್ನ ಒತ್ತಾಯಿಸಿದ್ದರು.

 1950ರ ದಶಕದ ಪ್ರಾರಂಭದಲ್ಲಿ ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲ್ಲೂಕಿನ ಕಾಗೋಡಿನಲ್ಲಿ ಪ್ರಾರಂಭವಾದ ಗೇಣಿ ರೈತರ ಹೋರಾಟ ಕಾಗೋಡು ಹೋರಾಟಕ್ಕೆ ಬೆಂಬಲಿಸಲು ಬಂದ ಲೋಹಿಯರನ್ನ ಅವರು ತಂಗಿದ್ದ ಸಾಗರ ರೈಲು ನಿಲ್ದಾಣದ ವಿಶ್ರಾಂತಿ ಕೋಣೆಯಲ್ಲಿ ಬಂದಿಸುತ್ತಾರೆ, ಇದು ದೊಡ್ಡ ಸುದ್ದಿ ಆಗುತ್ತದೆ ರಷ್ಯಾದ ರೇಡಿಯೋ ಮಾಸ್ಕೋದಲ್ಲೂ, ಪ್ರಾವ್ಡಾ ಪತ್ರಿಕೆಯಲ್ಲಿ ಪ್ರಮುಖ ಸುದ್ದಿ ಆಗಿ ಬಿತ್ತರ ಆಗುತ್ತೆ.

 

  ಈ ಚಳವಳಿಯ ಮೂಸೆಯಲ್ಲಿ ಸಮಾಜವಾದಿ ಪಕ್ಷದಿಂದ ಶಾಂತವೇರಿ ಗೋಪಾಲಗೌಡರು ಸಾಗರದಿ೦ದ ಮೊದಲ ಶಾಸಕರಾಗಿ ಆಯ್ಕೆ ಆಗುತ್ತಾರೆ, ಕಾಗೋಡು ಚಳವಳಿ ದೇಶದ ಪ್ರಮುಖ ಭೂ ಹೋರಾಟ ಎಂದು ಇತಿಹಾಸದಲ್ಲಿ ದಾಖಲಾಯಿತು, ಜೆ.ಪಿಯವರು ಬರುತ್ತಾರೆ ಈ ಎಲ್ಲಾ ಕಾರಣದಿಂದ ಜಾಜ್೯, ನಿತೀಶ್ ಮತ್ತು ಅಡ್ವಾನಿಯವರು ಕಾಳಜಿ ವಹಿಸುತ್ತಾರೆ.

 ಇದರ ನೇತೃತ್ವ ನಾನು ಕಲ್ಲೂರು ಮೇಘರಾಜ್ ಮತ್ತು ಅನೇಕ ಸಮಾನ ಮನಸ್ಕರ ಸಹಯೋಗದಿಂದ ನಿವ೯ಹಿಸಿದ್ದೆವು.

  12 - ಜೂನ್ -2000 ದಂದು  ಸಾಗರ ರೈಲು ನಿಲ್ದಾಣದ ಸಮೀಪದ ಜೋಗ ರಸ್ತೆಯ ಪೋಲಿಸ್ ಠಾಣೆ ವೃತ್ತದಲ್ಲಿ #ಡಾ_ರಾಮಮನೋಹರ್_ಲೋಹಿಯ_ರೈಲು_ನಿಲ್ದಾಣ ಎಂಬ ನಾಮ ಫಲಕವನ್ನ ವಿದಾನ ಪರಿಷತ್ ಸದಸ್ಯೆ ಶ್ರೀಮತಿ #ಪ್ರಪುಲ್ಲಾಮದುಕರ್ ಅನಾವರಣ ಮಾಡಿದ್ದರು, ನಾಮ ಘೋಷಣೆ ನನ್ನಿಂದ, ಸಭೆಯ ಅಧ್ಯಕ್ಷತೆ ಕಾಗೋಡು ಹೋರಾಟದ ನೇತಾರ #ಗಣಪತಿಯಪ್ಪ ನೆರವೇರಿಸಿದ್ದರು.

  

ಅನಾರೋಗ್ಯದ ಕಾರಣದಿಂದ ಸಭೆಗೆ ಭಾಗವಹಿಸಲಾಗದೆ ಸಂದೇಶ ಕಳಿಸಿದ ಮ್ಯಾಗ್‌ಸೇಸೆ ಪ್ರಶಸ್ತಿ ವಿಜೇತ ರಂಗ ಕಮಿ೯ #ಕೆ_ವಿ_ಸುಬ್ಬಣ,ರೈತ ಮುಖಂಡರಾದ #ಕೆ_ಟಿ_ಗಂಗಾದರ್,ನಮ್ಮೆಲ್ಲರ ಜೊತೆ ಸಾಹಿತಿ #ನಾ_ಡಿಸೋಜ, #ಬಿ_ಆರ್_ಜಯ೦ತ್,

 #ಜಿಆರ್_ಜಿ_ನಗರ್ ದಂಪತಿಗಳು, ರೈತ ಸಂಘದ ಅನೇಕ ಪ್ರಮುಖರು ಇದ್ದರು.

 

ಈ ಕಾರ್ಯಕ್ರಮದ ಆಹ್ವಾನ ಪತ್ರಿಕೆ ಶಿವಮೊಗ್ಗದ

" ಜನವಾರ್ತೆ "ದಿನ ಪತ್ರಿಕೆಯಲ್ಲಿ ಪ್ರಕಟ ಆಗಿದ್ದ ಪೋಟೋ, ಕಾಯ೯ಕ್ರಮದ ಪೋಟೋ ಮತ್ತು 24 ವರ್ಷದ ನಂತರ ಶಿಥಿಲಾವಸ್ಥೆಯ ಬೋರ್ಡ್ ಪೋಟೋ ಇಲ್ಲಿ ಆಸಕ್ತರಿಗಾಗಿ ಪೋಸ್ಟ್ ಮಾಡಿದ್ದೇನೆ.

 

 2004ರಲ್ಲಿ ಆಗಿನ ರೈಲ್ವೆ ಮಂತ್ರಿ #ನಿತೀಶ್_ಕುಮಾರರಿಗೆ ಬ್ರಾಡ್ ಗೇಜ್ ಪರಿವರ್ತನೆಗೆ ಹಣ ಬಿಡುಗಡೆಗೆ ಮತ್ತು ರೈಲು ನಿಲ್ದಾಣಕ್ಕೆ ಡಾ. ರಾಮ ಮನೋಹರ ಲೋಹಿಯ ಎ೦ದು ಪುನರ್ ನಾಮಕರಣಕ್ಕೆ ಮನವಿ ನೀಡಿದ ಪೋಟೋ ಪತ್ರಿಕೆಯಲ್ಲಿ ಪ್ರಕಟವಾಗಿದ್ದು ಕೂಡ ಇಲ್ಲಿ ಹಾಕಿದ್ದೇನೆ.

 

ಇದೇ ಸ್ಥಳದಲ್ಲಿ ಕನ್ಯಾಕುಮಾರಿಯಿಂದ ಮುಂಬೈ ಬಂದರ್ ತನಕ ರೈತಸಂಘದ ನಾಯಕ #ಪ್ರೋಪೆಸರ್_ನಂಜುಂಡಸ್ವಾಮಿ ಅವರು #ಬಂಡಿಯಾತ್ರೆ ಹಮ್ಮಿಕೊಂಡಾಗ ಯಾತ್ರೆ ಸಾಗರಕ್ಕೆ ಬಂದಾಗ ಇದೇ ಡಾ.ರಾಮಮನೋಹರ್ ಲೋಹಿಯಾ ರೈಲು ನಿಲ್ದಾಣ ನಾಮಫಲಕದ ಸ್ಥಳದಲ್ಲೇ ಸ್ವಾಗತಿಸಲಾಗಿತ್ತು.

 

ಪ್ರೋ ನಂಜುಂಡ ಸ್ವಾಮಿಯವರನ್ನ ಕಾಗೋಡು ಹೋರಾಟದ ನೇತಾರ ಗಣಪತಿಯಪ್ಪ ಅಡಿಕೆ ಸಿಂಗಾರ ನೀಡಿ ಸ್ವಾಗತಿಸಿದ್ದು, ರೈತ ಮುಖಂಡರಾದ ಕೆ.ಟಿ.ಗಂಗಾಧರ್, #ವಸಂತ್_ಕುಮಾರ್, #ಸೇನಾಪತಿಗೌಡರು, #ಚೆನ್ನಬಸಪ್ಪಗೌಡರು ಮತ್ತು ಅನೇಕ ಪ್ರಗತಿ ಪರ ಮಿತ್ರರು ಭಾಗವಹಿಸಿದ್ದು ಈಗ ನೆನಪು.