Blog number 2009. ಕೆಳದಿ ಅರಸರ ಕಾಲದಿಂದ ತೆರಿಗೆ ಇಲ್ಲದ ಗೋಕರ್ಣದ ಉಪ್ಪು... ಸಾಣೆ ಕಟ್ಟಾ ಉಪ್ಪು ಎಂಬ ಹೆಸರು ಬರಲು ಕಾರಣವಾದ ಸಾನು ನಾಯಕ ನಿರ್ಮಿಸಿದ ಒಡ್ಡು

#ಗೋಕರ್ಣದ_ಸಾಣಿಕಟ್ಟಾ_ಉಪ್ಪಿನ_ಕಥೆ.

#ಸಾನು_ನಾಯ್ಕ_ಕಟ್ಟಿದ_ಒಡ್ಡು_ಈ_ಉಪ್ಪಿಗೆ_ಈ_ಹೆಸರು_ಬರಲು_ಕಾರಣ

#ಈ_ಹೆಸರು_ಬರಲು_ಕಾರಣ_ಪುರುಷನ_ಗೌರವಿಸೋಣ.

#ಗೇರುಸೊಪ್ಪೆಯ_ಜೈನಕುಲದ_ಕಾಳುಮೆಣಸಿನ

ರಾಣಿ_ಚೆನ್ನಬೈರಾದೇವಿ_ಆಡಳಿತದಲ್ಲಿ

#ಕೆಳದಿ_ಅರಸರ_ಕಾಲದಲ್ಲಿ_ಗೋಕರ್ಣದ_ಉಪ್ಪಿಗೆ_ಯಾವುದೇ_ತೆರಿಗೆ_ಇರಲಿಲ್ಲ 

#ಆದರೆ_ನಂತರ_ಮೈಸೂರು_ಸಂಸ್ಥಾನ_ಗೋಕರ್ಣ_ಉಪ್ಪಿಗೆ_ತೆರಿಗೆ_ಪ್ರಾರಂಭಿಸಿತ್ತು

#ಪ್ರೆಂಚ್_ಕ್ರಾಂತಿ_ಮಹಾತ್ಮಗಾಂಧಿ_ಅವರ_ಉಪ್ಪಿನ_ಸತ್ಯಾಗ್ರಹ_ಇತಿಹಾಸದ_ಅನೇಕ_ಯುದ್ದಗಳು_ಉಪ್ಪಿಗಾಗಿ

#ವಾರ್ಷಿಕ_10ರಿಂದ_15ಸಾವಿರ_ಟನ್_ಉಪ್ಪು_ಉತ್ಪಾದಿಸುವ

#ದಿ_ನಾಗರಬೈಲು_ಸಾಲ್ಟ್_ಕೋಆಪರೇಟಿವ್_ಸೊಸೈಟಿ

#ಸಾಣಿಕಟ್ಟಾ_ಅಯೋಡಿನ್_ಯುಕ್ತ_ಒಂದು_ಕೇಜಿ_ಉಪ್ಪಿನ_ಬೆಲೆ_20_ರೂಪಾಯಿ.

   ಎಂಟು ಸಾವಿರ ವರ್ಷಗಳಿಂದ ಉಪ್ಪಿನ ಉಲ್ಲೇಖ ದಾಖಲೆ ಆಗಿದೆ,  ಉಪ್ಪಿನ ಗಣಿಯಿಂದ, ಉಪ್ಪುನೀರಿನ ಸರೋವರ ಮತ್ತು ಸಮುದ್ರದಿಂದ ಉಪ್ಪು ಸಂಸ್ಕರಿಸಿ ಬಳಸುವ ಪದ್ಧತಿಗಳು ಇದೆ.

  ಪುರಾತನ ಕಾಲದಲ್ಲಿ ಉಪ್ಪು ಕರೆನ್ಸಿ ರೀತಿ ವಿನಿಮಯ ಆಗುತ್ತಿತ್ತಂತೆ, ಉಪ್ಪಿಗಾಗಿ ಯುದ್ಧಗಳಾಗಿದೆ, ಪ್ರೆಂಚ್ ಕ್ರಾಂತಿಗೆ ಉಪ್ಪು ಕಾರಣವಾಗಿದೆ.

  ಭಾರತದ ಸ್ವಾತಂತ್ರ ಸಂಗ್ರಾಮದಲ್ಲಿ ಉಪ್ಪಿನ ಕರ ನಿರಾಕರಣೆಯ ಉಪ್ಪಿನ ಸತ್ಯಾಗ್ರಹ ದೇಶದಾದ್ಯಂತ ಸ್ವಾತಂತ್ರ್ಯ ಚಳವಳಿಗೆ ಬಿರುಸು ತಂದಿತ್ತು.

  ಕೆಳದಿ ಅರಸರ ಕಾಲದಲ್ಲಿ ಗೋಕರ್ಣದ ಉಪ್ಪು ತಯಾರಿಕಾ ಕೇಂದ್ರಕ್ಕೆ ಯಾವುದೇ ತೆರಿಗೆ ಇರಲಿಲ್ಲ ಆದರೆ ಕೆಳದಿ ರಾಜ್ಯ ಅವಸಾನದ ನಂತರ ಮೈಸೂರು ಸಂಸ್ಥಾನ ಗೋಕರ್ಣ ಉಪ್ಪಿಗೆ ತೆರಿಗೆ ವಿದಿಸಲು ಪ್ರಾರಂಬಿಸಿತ್ತು.

 

ನವ ಶಿಲಾಯುಗದಿಂದ ಮಾನವ ಉಪ್ಪು ಬಳಸಲು ಪ್ರಾರಂಬಿಸಿರಬೇಕು ಪ್ರತಿ ನಿತ್ಯ ದೇಹಕ್ಕೆ ಉಪ್ಪು ಬೇಕೇ ಬೇಕು ಅದು ಹೆಚ್ಚಾದರೂ ಅನಾರೋಗ್ಯ ಮತ್ತು ಉಪ್ಪು ಬಳಸದಿದ್ದರೂ ಅನಾರೋಗ್ಯಕ್ಕೆ ಕಾರಣ ಆಗುತ್ತದೆ.

 ಸಾಣಿಕಟ್ಟಾ ಉಪ್ಪು ಸದ್ಯದಲ್ಲೇ ಬರಲಿರುವ ಮಾವಿನ ಅಪ್ಪೆ ಮಿಡಿ ಉಪ್ಪಿನಕಾಯಿ ತಯಾರಿಗಾಗಿ ಹೆಚ್ಚು ಬೇಡಿಕೆ ಪ್ರಾರಂಭ ಆಗಿದೆ.

 

ಸಾಣೆ ಕಟ್ಟಾ ಉಪ್ಪಿಗೆ ಕರ್ನಾಟಕ ಮಾತ್ರವಲ್ಲ ಗೋವಾ ರಾಜ್ಯದಲ್ಲೂ ಅಪಾರ ಬೇಡಿಕೆ ಇದೆ ಕಾರಣ ಈ ಉಪ್ಪು ಪ್ರಕೃತಿ ದತ್ತವಾದ ಬೌಗೋಳಿಕ ಪರಿಸರವನ್ನು ಬಳಸಿ #ಆಘನಾಶಿನಿ ನದಿ ಅರಬ್ಬಿ ಸಮುದ್ರ ಸೇರುವ ಗೋಕರ್ಣದಲ್ಲಿ ತಯಾರು ಆಗುವುದು ಒಂದು ಕಾರಣ ಇರಬಹುದು.

 

 ನಮ್ಮ ರಾಜ್ಯದ ಏಕ್ಯೆಕ ಉಪ್ಪು ತಯಾರಾಗುವ ಈ ಕೇಂದ್ರಕ್ಕೆ ಗೇರುಸೊಪ್ಪೆಯ ಕಾಳುಮೆಣಸಿನ ರಾಣಿ ಎಂದೇ ಪ್ರಖ್ಯಾತಳಾಗಿದ್ದ ಜೈನ ಕುಲದ ಚೆನ್ನಬೈರಾದೇವಿ ಆಡಳಿತ ಕಾಲದಲ್ಲಿ ಮತ್ತು ಅದರ ನಂತರ ಆಡಳಿತ ಮಾಡಿದ ಕೆಳದಿ ಅರಸರ ಕಾಲದಲ್ಲಿ ಪ್ರೋತ್ಸಾಹವಿತ್ತು ಮತ್ರು ತೆರಿಗೆ ಇರಲಿಲ್ಲ ಆದರೆ ಕೆಳದಿ ಸಂಸ್ಥಾನ ಟಿಪ್ಪು ಸುಲ್ತಾನರ ಆಳ್ವಿಕೆ ವಶಕ್ಕೆ ಬಂದ ನಂತರದಲ್ಲಿ ಮೈಸೂರು ಸಂಸ್ಥಾನ ಉಪ್ಪು ಸರ್ಕಾರದ ಆದಾಯದ ಮೂಲವಾಗಿ ಕರ ವಿದಿಸಿದ ದಾಖಲೆಗಳು ಇದೆ.

   1720 ರಲ್ಲಿ ಕೇವಲ 50 ಎಕರೆ ಪ್ರದೇಶದಲ್ಲಿ ಕೆಲವೇ ಕುಟುಂಬಗಳು ವಂಶ ಪಾರಂಪರ್ಯ ವೃತ್ತಿಯಾಗಿ ಗೋಕರ್ಣದ ಅಘನಾಶಿನಿ ಜಲಾನಯನ ಪ್ರದೇಶದಲ್ಲಿ ಉತ್ಪಾದಿಸಿ ಮಾರಾಟ ಮಾಡುತ್ತಿದ್ದ ಉಪ್ಪು 1975ರಲ್ಲಿ ಸಮುದ್ರದ ಹಿನ್ನೀರು ಅಘನಾಶಿನಿ ನದಿಯ ಅಳಿವೆ ಮೂಲಕ ಒಳನುಸುಳುವ ಕೊಲ್ಲಿಗೆ ಗೋಕರ್ಣ ಮತ್ತು ತೊರ್ಕೆ ಗುಡ್ಡ ಜೋಡಿಸುವ ಒಂದು ಒಡ್ಡು ನಿರ್ಮಿಸಿದ್ದರಿಂದ ಉಪ್ಪು ಉತ್ಪಾದನಾ ಪ್ರದೇಶ 50 ಎಕರೆಯಿಂದ 500 ಎಕರೆಗೆ ವಿಸ್ತಾರವಾಗಿ ಈಗ ವಾರ್ಷಿಕ 15 ಸಾವಿರ ಟನ್ ಉಪ್ಪು ಉತ್ಪಾದನೆಗೆ ಕಾರಣವಾಗಿದೆ.

  ಸ್ಥಳಿಯ ಹಿಂದುಳಿದ ವರ್ಗದ #ಅಗೇರ ಎಂಬ ಜನಾಂಗದವರು ಇಲ್ಲಿನ ಸಂಪ್ರದಾಯಿಕ ಉಪ್ಪು ತಯಾರಕರು ಈಗ ಇತರರೂ ಉಪ್ಪು ಸಂಸ್ಕರಣದ ಕೆಲಸ ಮಾಡುತ್ತಿದ್ದಾರೆ.

   ಇದಕ್ಕೆ ಕಾರಣವಾದವರು ಪಾರಂಪಾರಿಕ ಉಪ್ಪು ಉತ್ಪಾದಿಸುವ ಹಿಂದುಳಿದ ಸಮಾಜದ ಅವಿದ್ಯಾವಂತ ಹಳ್ಳಿಯ ಯುವಕ #ಸಾನು_ನಾಯ್ಕ,ಈತ ತಾಂತ್ರಿಕ ಕೌಶಲ್ಯ ಹೊಂದಿದ್ದ ಯುವಕನಾಗಿದ್ದರಿಂದ ಉಪ್ಪಿನ ಘಟಕಗಳ ಮಾಲಿಕರುಗಳು ಸಾನು ನಾಯ್ಕನ ನೇತೃತ್ವದಲ್ಲಿ ಒಡ್ಡು ಕಟ್ಟಿದ್ದರಿಂದ ಸ್ಥಳಿಯ ಉಪ್ಪು ಉತ್ಪಾದನೆ ಹೆಚ್ಚಾಗಲು ಕಾರಣವಾದ ಸಾನು ನಾಯಕರ ಕೌಶಲ್ಯಕ್ಕಾಗಿ ಈ ಒಡ್ಡಿಗೆ #ಸಾಣಿಕಟ್ಟು (ಪ್ರಾರಂಭದಲ್ಲಿ ಸಾಣು ಕಟ್ಟೆ ನಂತರ ಜನರ ಬಾಯಿoದ ಬಾಯಿಗೆ ಸಾಣಿ ಕಟ್ಟಾ ಆಗಿರಬೇಕು) ಹೆಸರಾಯಿತು,ಈ ಹೆಸರಲ್ಲೇ ಇಲ್ಲಿನ ಉಪ್ಪಿಗೆ ಸಾಣಿಕಟ್ಟಾ ಉಪ್ಪು ಎಂದು ಪ್ರಸಿದ್ಧಿ ಆಯಿತು.

  1952 ರಲ್ಲಿ ಉಪ್ಪು ಉತ್ಪಾದಕರ ಸಹಕಾರ ಸಂಘ ನೊ೦ದಾವಣೆ ಆಯಿತು, 1993 ರಲ್ಲಿ ಸರ್ಕಾರದ ನಿಯಮಾವಳಿಯಂತೆ ಅಯೋಡಿನ್ ಯುಕ್ತ ಉಪ್ಪು ಉತ್ಪಾದಿಸುತ್ತಿದೆ.

 

 ಈಗ 350 ಸದಸ್ಯರ ಈ ಸಾಣೆಕಟ್ಟಾ ಉಪ್ಪು ಉತ್ಪಾದಕರ ಸಹಕಾರ ಸಂಘ 500 ಎಕರೆ ಪ್ರದೇಶದಲ್ಲಿ 300 ಕುಟುಂಬಗಳ ಸಹಬಾಗಿತ್ವದ ಶ್ರಮದಲ್ಲಿ ವಾರ್ಷಿಕ 15 ಸಾವಿರ ಟನ್ ಉಪ್ಪು ಉತ್ಪಾದಿಸಿದರೂ ಅದರ ಬೇಡಿಕೆಯ ಗುರಿ ಮುಟ್ಟಲಾಗುತ್ತಿಲ್ಲ.

 

 ದೇಶದಲ್ಲಿ ಗುಜರಾತ್, ತಮಿಳುನಾಡುಗಳು ಮತ್ತು ರಾಜಸ್ತಾನ ಉಪ್ಪು ಉತ್ಪಾದನೆಯಲ್ಲಿ ಮುಂದಿರುವ ರಾಜ್ಯಗಳು ಮತ್ತು ದೇಶದ ಉಪ್ಪು ಉತ್ಪಾದನೆ ಮತ್ತು ಮಾರಾಟದಲ್ಲಿ ಬಹುಪಾಲು ಹೊ೦ದಿರುವ ಟಾಟಾ ಸಾಲ್ಟ್ ಗಳ ಮದ್ಯೆ ಕನಾ೯ಟಕದ ಸಾಣಿಕಟ್ಟಾ ಉಪ್ಪು ಬಹು ಬೇಡಿಕೆ ಪಡೆದಿದೆ.

  ರಾಜ್ಯ ಮತ್ತು ಕೇಂದ್ರ ಸರ್ಕಾರ ಈ ಸಂಪ್ರದಾಯಿಕ ಉಪ್ಪಿಗೆ ಜೀಯೋ ಗ್ರಾಪಿಕಲ್ ಇಂಡಿಕೇಶನ್ ಟ್ಯಾಗ್ (G I Tag ) ನೀಡಿ ಪ್ರೋತ್ಸಾಹಿಸಲು ವಿಳಂಬ ಮಾಡುತ್ತಿರುವುದು ವಿಷಾದನೀಯ ಆಗಿದೆ..