Blog number 1259. ದಿನದ 24 ಗಂಟೆಯೂ ಎಚ್ಚರವಾಗಿರುವ ರಾಜ್ಯದ ಏಕೈಕ ಪುಟ್ಟ ಊರು ಮಾವಿನಗುಂಡಿ ಜೋಗ್ ಜಲಪಾತದ ಪಕ್ಕದಲ್ಲಿದೆ.

#ಮಾವಿನಗುಂಡಿ_ಎಂಬ_ಮಾಯಾ_ಜಗತ್ತು

#ಶಿವಮೊಗ್ಗ_ಜಿಲ್ಲೆಯ_ಅಂಚು_ಉತ್ತರಕನ್ನಡ_ಜಿಲ್ಲೆ

#ಇದು_ಪಶ್ಚಿಮಘಟ್ಟದ_ಉತ್ತರ_ದಕ್ಷಿಣ_ಪೂರ್ವ_ಪಶ್ಚಿಮ_ಸಂಪರ್ಕಿಸುವ_ಹೆಬ್ಬಾಗಿಲು

#ಮಹಿಳಾ_ಸತ್ಯಾಗ್ರಹಿಗಳ_ಊರು

#ಮಳೆಗಾಲದ_ಮಾವಿನಗುಂಡಿ_ಪಾಲ್ಸ್

#ಜೋಗಜಲಪಾತದಿಂದ_ಕೇವಲ_ಮೂರು_ಕಿಮಿ

#ಅನಾನಸ್_ಹಣ್ಣಿನ_ಮೌಲ್ಯವರ್ಧನೆ_ಮೊದಲು_ಮಾಡಿದ_ಐನಕೈ_ಅಶೋಕಹೆಗಡೆ_ಊರು

#ದಿನದ_ಇಪ್ಪತ್ನಾಲ್ಕು_ಗಂಟೆಯೂ_ಎಚ್ಚರವಾಗಿರುವ_ಪುಟ್ಟ_ಊರು.

 

 ಮಾವಿನಗುಂಡಿ ಅನ್ನುವ ಊರೇ ಒಂದು ವಿಸ್ಮಯ ಅಲ್ಲಿ ಮೂರು ರಸ್ತೆ ಸೇರುತ್ತದೆ, ಪಶ್ಚಿಮ ಘಟ್ಟದ ಮಧ್ಯದ ಈ ಪುಟ್ಟ ಊರಿ೦ದ ಜೋಗ ಜಲಪಾತ 3 ಕಿ.ಮಿ ಮಾತ್ರ.

  ಈ ಊರಿನ ಹೆಸರಿನದ್ದೇ 292 ಮೀಟರ್ ಎತ್ತರದ ಜಲಪಾತ ಮಳೆಗಾಲದ ಜೂನ್ ನಿಂದ ನವೆಂಬರ್ ತನಕ ವೀಕ್ಷಿಸಬಹುದು.

  ಈ ಊರಿಗೆ ಕೇರಳ - ಗೋವಾ ಮತ್ತು ಕರಾವಳಿಯ ಸಂಪರ್ಕದ ಹೊನ್ನಾವರ - ಬೆಂಗಳೂರು ಘಾಟಿ ರಸ್ತೆಗೆ ನೂರಾರು ವರ್ಷದ ಇತಿಹಾಸ ಇದೆ ಕಾಳು ಮೆಣಸಿನ ರಾಣಿ ಚೆನ್ನಬೈರಾದೇವಿ ಆಳಿದ ಗೇರುಸೊಪ್ಪೆಗೆ ಸಿರ್ಸಿ - ಸಿದ್ಧಾಪುರ - ಸಾಗರಗಳಿಂದ ಇದೇ ಮಾರ್ಗದಲ್ಲಿ ಸಾಗಬೇಕಾಗಿತ್ತು.

  ಇಲ್ಲಿಂದ ಸಿದ್ದಾಪುರ - ಸಿರ್ಸಿ - ಹುಬ್ಬಳ್ಳಿಗೂ ಒಂದು ರಸ್ತೆ ಇದೆ.

   ಅರಬ್ಬೀ ಸಮುದ್ರದಿಂದ ಶರಾವತಿ ನದಿಯಲ್ಲಿ ಇಲ್ಲಿಯವರೆಗೆ ನದಿ ಮಾರ್ಗವೂ ಒಂದು ಕಾಲದಲ್ಲಿ ಬಳಕೆಯಲ್ಲಿತ್ತು ಈಗ ಮಧ್ಯದಲ್ಲಿ ಗೇರುಸೊಪ್ಪೆಯಲ್ಲಿ ಆಣೆಕಟ್ಟು ನಿರ್ಮಾಣವಾಗಿದೆ.

   ಬ್ರಿಟಿಷರ ಕಾಲದಲ್ಲಿ ಇದು ಬಾಂಬೆ ಪ್ರಾವಿನ್ಸಿಸ್ ಗೆ ಸೇರಿದ ಅಂಚಿನ ಊರು ಇದು, ಪಕ್ಕದ ಜೋಗದಿಂದ ಮೈಸೂರು ರಾಜ್ಯಕ್ಕೆ ಸೇರಿತ್ತು.

   ಬ್ರಿಟಿಷರ ಆಡಳಿತದಲ್ಲಿ ದೊಡ್ಡ ಮಟ್ಟದಲ್ಲಿ ಕರನಿರಾಕರಣಾ ಚಳವಳಿಯಲ್ಲಿ ಈ ಭಾಗದ ಜನರು ಭಾಗವಹಿಸಿದ್ದರು ಈ ರೀತಿ ಕರನಿರಾಕರಣೆ ಚಳವಳಿಯಲ್ಲಿ ಭಾಗವಹಿಸಿದ್ದ ಸ್ವಾತಂತ್ರ್ಯ ಹೋರಾಟಗಾರರ ಚರ-ಸ್ಥಿರ ವಸ್ತು ಆಸ್ತಿಗಳನ್ನು ಬ್ರಿಟೀಷರು ವಶಪಡಿಸಿಕೊಂಡು ಹರಾಜು ಹಾಕುತ್ತಿದ್ದರು ಇದನ್ನು ವಿರೋದಿಸಿದ ಮಹಿಳೆಯರು ಹರಾಜು ಹಿಡಿದವರ ಮನೆ ಎದರು ಆ ಎಲ್ಲಾ ವಸ್ತು ವಾಪಾಸು ಮಾಡುವ ತನಕ ಸತ್ಯಾಗ್ರಹ ಮಾಡುತ್ತಿದ್ದರು.

   ಈ ದೀರ ಮಹಿಳಾ ಸತ್ಯಾಗ್ರಹಿಗಳಲ್ಲಿ ಪ್ರಮುಖರು ತ್ಯಾಗಲಿ ಭುವನೇಶ್ವರಮ್ಮ, ಕಲ್ಲಾಳ ಲಕ್ಷ್ಮಮ್ಮ, ದೊಡ್ಮನೆ ಮಹಾದೇವಮ್ಮ, ಕುಳೀಬೀಡು ಗಣಪಮ್ಮ, ಹಣಜಿಬೈಲು ದುಗ್ಗಮ್ಮ, ಕುಳೀಬೀಡು ಭಾಗಿರಥಮ್ಮ, ಕಲ್ಲಾಳ ಕಾವೇರಮ್ಮ, ಹೊಸಕೊಪ್ಪ ಸೀತಮ್ಮ, ಗುಂಜಗೋಡು ಮಹಾದೇವಮ್ಮ, ಹೆಗ್ಗಾರ ದೇವಮ್ಮ ಮತ್ತಿತರರು 1932ರಲ್ಲಿ ನಿರಂತರ ಸತ್ಯಾಗ್ರಹ ನಡೆಸಿದ್ದ ಮಹಾನ್ ಮಹಿಳಾ ಸ್ವಾತಂತ್ರ್ಯ ಹೋರಾಟಗಾರರ ಸ್ಮಾರಕವನ್ನು ಇಲ್ಲಿ ನಿರ್ಮಿಸಿದ್ದಾರೆ ಈ ಸ್ಮಾರಕದ ಹೆಸರು #ಮಾವಿನಗುಂಡಿ_ಮಹಿಳಾ_ಸತ್ಯಾಗ್ರಹ_ಸ್ಮಾರಕ.

   ಮಾವಿನಗುಂಡಿ ಊರಿನಲ್ಲಿ ಅರಣ್ಯ ಇಲಾಖೆಯ ತಪಾಸಣ ಗೇಟ್ ಒಂದಿದೆ ಇದರ ಎದರು ಅಶೋಕ ಹೆಗ್ಗಡೆ ಎಂಬ ನನ್ನ ಸನ್ಮಿತ್ರರ ಜಮೀನು ತೋಟವಿದೆ, ಅಶೋಕ ಹೆಗ್ಗಡೆ ತಂದೆ ಅನಾನಸ್ ಹಣ್ಣನ್ನು ಮೌಲ್ಯವರ್ಧನೆ ಮಾಡಿದ ಮೊದಲ ವ್ಯಕ್ತಿ, ಅವರ ಪ್ರೇರಣೆಯಿಂದ ತಮ್ಮ ಕುಟುಂಬದ ಹೆಸರಾದ #ಐನಾಕೈ ಬ್ರಾಂಡ್ ನಲ್ಲಿ ಅನಾನಸ್ ಹಣ್ಣಿನ ಸಿರಪ್ - ಜ್ಯೂಸ್ - ಜಾಮ್ ತಯಾರಿಸಿ ಮಾರುಕಟ್ಟೆಗೆ ತಲುಪಿಸಿದವರು ಅಶೋಕ್ ಹೆಗ್ಗಡೆ ಇವರು ವಿದ್ಯಾವಂತರು ಇವರ ಇಂಗ್ಲೀಷ್ ಭಾಷಾ ಪ್ರಾವಿಣ್ಯ ಕೂಡ.

  ಇವರ ಪುತ್ರ ಅಳಿಯ ಕೆನಡಾದ ಸಿಟಿಜನ್ ಗಳಾಗಿದ್ದಾರೆ, ಮಗಳು ಸಾಗರದ ಕಾನಲೆಯ ಸೊಸೆ.

   

ಜೋಗಜಲಪಾತದ ಸೆರಗಿನಲ್ಲಿರುವ ಅಶೋಕ್ ಹೆಗಡೆ ಜೋಗ್ ನ ಸಂಪೂರ್ಣ ಮಾಹಿತಿಯ ಖಜಾನೆ ಆದ್ದರಿಂದ ಈಗಲೂ ಇವರನ್ನು ಎಲ್ಲರೂ ಸಂಪರ್ಕಿಸುತ್ತಾರೆ.

     ಇವರ ಸ್ವಂತ ಜಮೀನಿನಲ್ಲಿ ಐನಕೈ ಔಟ್ ಲೆಟ್ ಕೂಡ ತೆರೆದಿದ್ದರು ಇದನ್ನು ಹೊರತು ಪಡಿಸಿ 1980ರ ತನಕ ಇಲ್ಲಿ ಬೇರೆ ರೀತಿಯ ಪ್ರವಾಸೋದ್ಯಮಕ್ಕೆ ಪೂರಕವಾದ ವಾತಾವರಣ ಇರಲಿಲ್ಲ.

   

ಹೊಸತನ್ನ ಬೆಂಬಲಿಸುವ, ಸ್ವಯಂ ಉದ್ಯೋಗಕ್ಕೆ ಸಹಕರಿಸುವ ಅಶೋಕ್ ಹೆಗ್ಗಡೆ ಮಾವಿನಗುಂಡಿಯ ಮುಖ್ಯ ರಸ್ತೆಯಲ್ಲಿ ಹೋಟೆಲ್ ಅಂಗಡಿ ತೆರೆಯಲು ಜಾಗ ನೀಡಿದರು ಆಗ ಅಲ್ಲಿ ಹೋಟೆಲ್ ಅಂಗಡಿ ತೆರೆದವರು ಈ ಊರನ್ನು ಇವತ್ತಿನ ಅತ್ಯಂತ ಚಟುವಟಿಕೆಯ ಕೇಂದ್ರವಾಗಿಸಿದರು.

   ಈ ಮಾರ್ಗದಲ್ಲಿ ಸಂಚರಿಸುವ ವಾಹನಗಳು ಇಲ್ಲಿ ವಾಹನ ನಿಲ್ಲಿಸಿ ಇಲ್ಲಿನ ವೃತ್ತದಲ್ಲಿನ ಅಬ್ಬಿ ನೀರಿನ ಕೊಳವೆಯಲ್ಲಿ ವರ್ಷ ಪೂರ್ತಿ ಹರಿಯುತ್ತಿದ್ದ ನೈಸರ್ಗಿಕ ನೀರು ಕುಡಿದು ಅಥವ ಲಾರಿ ಚಾಲಕರು ತಮ್ಮ ಬಟ್ಟೆ ತೊಳೆದು ಸ್ನಾನ ಮಾಡಿ ಹೋಗುವ ಕೇಂದ್ರವಾಗಿತ್ತು, ಈ ಅಭ್ಭಿ ನೀರಿನ ಕೊಳಾಯಿಗೂ ಒಂದು ಕಥೆ ಇದೆ ...ಬ್ರಿಟೀಶ್ ಅಧಿಕಾರಿಯ ಪತ್ನಿ ಇಲ್ಲಿ ನಿರಂತರವಾಗಿ ರಸ್ತೆ ಮೇಲೆ ಹರಿದು ಹೋಗುತ್ತಿದ್ದ ಅಬ್ಬಿ ನೀರಿಗೆ ಕೊಳವೆಗಳ ಅಳವಡಿಸಿ ಸಾರ್ವಜನಿಕರು ಬಳಸುವಂತೆ ಮಾಡಿದ್ದರಂತೆ.

   ಈಗ ಮಾವಿನಗುಂಡಿ ಉತ್ತರ ಕನ್ನಡ ಜಿಲ್ಲೆಯ ಸಿದ್ದಾಪುರ ತಾಲ್ಲೂಕಿನ ಕೊಡಕಣಿ ಗ್ರಾಮ ಪಂಚಾಯತ್ ಈ ನೀರನ್ನು ಊರಿನ ಕುಡಿಯುವ ನೀರಿಗಾಗಿ ಬಳಸುತ್ತಿದೆ ಆದ್ದರಿಂದ ಮಾವಿನಗುಂಡಿಯ ಲ್ಯಾಂಡ್ ಮಾರ್ಕ್ ಆಗಿದ್ದ ಅಬ್ಬಿ ನೀರಿನ ಕೊಳಾಯಿ ಇಲ್ಲಿಲ್ಲ.

  ಹೊನ್ನಾವರದ ಶರಾವತಿ ನದಿಯ ಬೃಹತ್ ಸೇತುವೆ ಶಿಥಿಲವಾಗಿ ವಾಹನ ಸಂಚಾರ ಸ್ಥಗಿತವಾದಾಗ ಈ ಮಾವಿನಗುಂಡಿ ಮಾರ್ಗ ಬದಲಿ ಮಾರ್ಗವಾಗಿ ಹೆಚ್ಚು ಬಳಕೆಯಾಗಲು ಪ್ರಾರಂಭವಾಗಿ ಈ ಮಾರ್ಗ ಪ್ರಸಿದ್ದಿ ಪಡೆದಿದ್ದೂ ಕೂಡ ಮಾವಿನಗುಂಡಿ ಜಂಕ್ಷನ್ ಪ್ರಸಿದ್ಧಿಗೆ ಕಾರಣವಾಯಿತು.

 

 ಈಗ ಮಾವಿನಗುಂಡಿ ಜಂಕ್ಷನ್ ಅತ್ಯಂತ ಚಟುವಟಿಕೆಯ ಕೇಂದ್ರವಾಗಿದೆ ಇಲ್ಲಿನ ಬಹುತೇಕ ಮನೆಯವರ ಆದಾಯ ವ್ಯಾಪಾರ ಆಗಿದೆ, ದಿನದ 24 ಗಂಟೆ ಈ ಊರು ಎಚ್ಚರವಾಗಿರುತ್ತದೆ.

   ಮಾವಿನಗುಂಡಿಗೆ ಸಂಪರ್ಕಿಸುವ ಮೂರು ರಸ್ತೆಯಲ್ಲಿ ರಾತ್ರಿಯಿಡಿ ಸಂಚರಿಸುವ ವಾಹನಗಳು ಇಲ್ಲಿ ನಿಲ್ಲುತ್ತದೆ ಅವರ ಹಸಿವು ತಣಿಸುವ ಊಟ-ಉಪಹಾರ ಮತ್ತು ಅವರ ತಲುಬುಗಳಾದ ದೂಮಪಾನ - ತಂಬಾಕುಗಳ ಮಾರಾಟ ಇಲ್ಲಿದೆ ಈ ಮಾರ್ಗದ ಮೂಲಕ ಸಂಚರಿಸುವ ವಾಹನಗಳನ್ನು ಕೇಂದ್ರವಾಗಿರಿಸಿ ರಾತ್ರಿ ಪೂರ ವಿದ್ಯುತ್ ದೀಪದಲ್ಲಿ ಜಗಮಗಿಸುತ್ತದೆ ಆದರೆ ಪ್ರಯಾಣಿಕರು ಸುರಿಸುವ ತ್ಯಾಜ್ಯ ಮತ್ತು ಎಲ್ಲೆಂದರಲ್ಲಿ ಮಾಡುವ ಮೂತ್ರಗಳಿಂದ ಊರು ಕುಲಷಿತವೂ ಆಗುತ್ತಿದೆ.

 

ಮೊನ್ನೆ ಸಂಜೆ ಮಾವಿನಗುಂಡಿಗೆ ಹಿರಿಯ ಗೆಳೆಯರಾದ ಅನೇಕ ರೀತಿಯ ಆಹಾರ ಉದ್ಯಮದಲ್ಲಿ ಸಲಹೆ ನೀಡುವ ಅಶೋಕ್ ಹೆಗ್ಗಡೆ ಅವರನ್ನು ಬೇಟಿ ಮಾಡಲು ಹೋಗಿದ್ದೆ ಅವರನ್ನ ಮಾವಿನಗುಂಡಿ ಪೇಟೆಯಲ್ಲಿ ಬೇಟಿ ಮಾಡಿ ಪಕ್ಕದಲ್ಲೇ ಇದ್ದ ಹೋಟೆಲ್ ನಲ್ಲಿ ಕಾಫಿ ಕುಡಿದು ಅವರ ಮನೆಗೆ ಹೋಗಿ ಅಲ್ಲಿ ಅನಾನಸ್ ಜ್ಯೂಸ್ ಕುಡಿದು ದಂಪತಿಗಳ ಜೊತೆ ಸೆಲ್ಪಿ ತೆಗೆದುಕೊಳ್ಳುವಾಗ ಅವರ ಪತ್ನಿ ಹೇಳಿದರು ಅವರು ಶಿವಮೊಗ್ಗ ಮಾರ್ಗದಲ್ಲಿ ಪ್ರಯಾಣಿಸುವಾಗೆಲ್ಲಾ ನನ್ನ #ಮಲ್ಲಿಕಾ_ವೆಜ್ ರೆಸ್ಟೋರೆಂಟ್ ನಲ್ಲಿ ಕಾಫಿ ಬ್ರೇಕ್ ಅಂದರು ಮುಂದಿನ ಸಾರಿ ಬಂದಾಗ ನನ್ನ ಲಾಡ್ಜ್ ಆಫೀಸಿಗೆ ಬರಲೇ ಬೇಕೆಂದು ಒತ್ತಾಯಿಸಿ ವಾಪಾಸು ಬಂದೆ.