Blog number 1262. ಸಾಗರ ತಾಲ್ಲೂಕ್ ಕೃಷಿಕ ಸಮಾಜದ ಉದ್ದೇಶವನ್ನೆ ಬುಡಮೇಲು ಮಾಡುವ ಸದಾ ಅವರ ಗುಂಪು ಆಡಳಿತ ಮಂಡಳಿಯಲ್ಲಿರುವಂತೆ, ಬೇರಾರು ಹೊಸ ರೈತರು ಕೃಷಿಕ ಸಮಾಜದ ಸದಸ್ಯರಾಗದಂತೆ ನೋಡಿಕೊಳ್ಳುವ ಪಟ್ಟಭದ್ರರಿದ್ದಾರೆ ಈಗ ಸಾಗರ ತಾಲ್ಲೂಕಿನಲ್ಲಿ ಕೃಷಿ ವಿಶ್ವವಿದ್ಯಾಲಯ ಕಾಯಾ೯ರಂಭ ಮಾಡಿದೆ.

# ಸಾಗರ ತಾಲ್ಲೂಕಿನ ಕೃಷಿಕ ಸಮಾಜಕ್ಕೆ ಹೊಸದಾಗಿ ಸದಸ್ಯರಾಗದಂತೆ ನೋಡಿಕೊಂಡು ಅವರವರೇ ಅವಿರೋಧವಾಗಿ ಆಯ್ಕೆ ಆಗುವ ಅಯೋಗ್ಯ ಪದ್ದತಿ.

    

  ಸಾಗರ ತಾಲ್ಲೂಕಿನ ಕೃಷಿ ಇಲಾಖೆ ಅವ್ಯವಹಾರ ಬೆಳಕಿಗೆ ತಂದು ಆಗಿನ ಕೃಷಿ ಸಚಿವರಾದ ಬೈರೇ ಗೌಡರನ್ನ ಸ್ಥಳ ಪರಿಶೀಲನೆಗೆ ಕರೆತಂದು 8 ಜನ ಕೃಷಿ ಇಲಾಖೆ ಅಧಿಕಾರಿಗಳನ್ನ ಜೈಲಿಗೆ ಕಳಿಸಿದ ಹೋರಾಟದಿಂದ ಮುಂದಿನ ದಿನದಲ್ಲಿ ಪಡಬಾರದಷ್ಟು ಕಷ್ಟ ಪ್ರತಿಫಲವಾಗಿ ಪಡೆದೆ.

 ಆ ದಿನದಲ್ಲಿ ಸಾಗರ ತಾಲ್ಲೂಕ್ ಕೃಷಿಕ ಸಮಾಜದ ಅಧ್ಯಕ್ಷರಾದವರೆ ಈಗಲೂ ಅದ್ಯಕ್ಷರು ಅಂದರೆ ಸುಮಾರು 23 ವಷ೯ದಿಂದ ಒಬ್ಬರೆ ಹೇಗೆ ಅಧ್ಯಕ್ಷರು? ಎಂದು ಕೇಳಿದರೆ ಕಾಲ ಕಾಲಕ್ಕೆ ಚುನಾವಣೆ ನಡೆದು ಆಯ್ಕೆ ಆಗಿದ್ದಾರೆ ಎಂಬ ಸಿದ್ದ ಉತ್ತರ ಇದೆ ಆದರೆ ಸುಮಾರು 50 ವಷ೯ದಿಂದ ಮತದಾರರ ಪಟ್ಟಿ ಪರಿಷ್ಕೃತ ಆಗಿಲ್ಲ.

  ಸಾಗರ ತಾಲ್ಲೂಕಿನಲ್ಲಿ ಅನೇಕ ಪ್ರಗತಿ ಪರ ರೈತರಿದ್ದಾರೆ, ಹೊಸ ಪ್ರಯೋಗ ಮಾಡಿ ಕೃಷಿ ಮತ್ತು ತೋಟಗಾರಿಕೆಯಲ್ಲಿ ಸಾದನೆ ಮಾಡಿದ್ದಾರೆ ಅವರ ಸಂಖ್ಯೆ 10 ಸಾವಿರಕ್ಕೂ ಹೆಚ್ಚಿರ ಬಹುದು ಆದರೆ 230 ಜನರ ಹಳೆ ಪಟ್ಟಿ ಇಟ್ಟುಕೊಂಡಿದ್ದಾರೆ ಇದರಲ್ಲಿ ಅನೇಕರು ಮೃತ ಪಟ್ಟಿದ್ದಾರೆ.

  ಕೃಷಿಕ ಸಮಾಜ ಕೃಷಿ ಇಲಾಖೆಗೆ ಸಮಾನಾ೦ತರವಾಗಿ ಕಾಯ೯ ನಿವ೯ಹಿಸುವ ಜನಪ್ರತಿನಿಧಿ ಸಂಸ್ಥೆ, ತಾಲ್ಲೂಕ್, ಜಿಲ್ಲಾ ಮತ್ತು ರಾಜ್ಯ ಮಟ್ಟದಲ್ಲಿದೆ ಮಾಸಿಕ ಪತ್ರಿಕೆ ಇದೆ, ತಾಲ್ಲೂಕ್ ಪಂಚಾಯತ್ ನಂತೆಯೆ ಕೃಷಿ ಇಲಾಖೆ ಪರಿಶೀಲನೆ ಸಲಹೆ ನೀಡಬಹುದಾದ ಈ ಸಂಸ್ಥೆ ರಾಜ್ಯದ ಉತ್ತರ ಕನಾ೯ಟಕ ಬಾಗದಲ್ಲಿ, ಮೈಸೂರು, ಮಂಡ್ಯ, ಹಾಸನ ಮತ್ತು ಕೋಲಾರ ಭಾಗದಲ್ಲಿ ಕ್ರಿಯಾ ಶೀಲವಾಗಿದೆ ಆದರೆ ಶಿವಮೊಗ್ಗ ಜಿಲ್ಲೆಯಲ್ಲಿ ಅದರಲ್ಲೂ ಸಾಗರ ತಾಲ್ಲೂಕಿನಲ್ಲಿ ಎಕ್ಕುಟ್ಟಿದೆ.

  ಇಡೀ ರಾಜ್ಯದಲ್ಲೇ ಸಾಗರ ತಾಲ್ಲೂಕ್ನಲ್ಲಿ ನ ಕೃಷಿ ಇಲಾಖೆ ಅವ್ಯವಹಾರದ ಬಗ್ಗೆ ಸಾಗರದ ಕೃಷಿ ಸಮಾಜ ಇವತ್ತಿನವರೆಗೆ ಚಕಾರ ಎತ್ತಿಲ್ಲ ಹಾಗಾಗಿ ಕಳೆದ ಬಾರಿ ಇದನ್ನ ಸರಿ ಮಾಡಲು ಹೋದ ನನ್ನ ಅನುಭವ  ನೀವ್ಯಾರಾದರು ಮು೦ದಿನ ದಿನದಲ್ಲಿ ಇಲ್ಲಿ ಸರಿ ಮಾಡಲು ಪ್ರಯತ್ನ ಮಾಡೋದಾದರೆ ಅನುಕೂಲವಾಗಲಿ ಅಂತ ಇಲ್ಲಿ ನನ್ನ ಅನುಭವ ಹಂಚಿಕೊ೦ಡಿದ್ದೇನೆ.

  ಕಳೆದ ಅವಧಿಯಲ್ಲಿ ಕೃಷಿಕ ಸಮಾಜದ ಚುನಾವಣೆ ಘೋಷಣೆ ಆಗಿತ್ತು ಇದು ಕೃಷಿಕ ಸಮಾಜದ ಪತ್ರಿಕೆಯಲ್ಲಿ ಮಾತ್ರ ಇತ್ತು ಸ್ಥಳಿಯ ಪತ್ರಿಕೆಯಲ್ಲಿ ಚುನಾವಣಾ ಅಧಿಕಾರಿ ಆಗಿದ್ದ ಸಹಾಯಕ ನಿದೇ೯ಶಕರು ಪ್ರಕಟನೆ ಮಾಡಬಹುದಿತ್ತು ಮಾಡಿರಲಿಲ್ಲ ಅವತ್ತೆ ಅಂತಿಮ ದಿನ ಅಜಿ೯ ಹಾಕಲು ನಾನು ಹೋದಾಗ 3 ಗಂಟೆ ಆಗಿತ್ತು 5 ಗಂಟೆಗೆ ಸಮಯ ಮುಗಿಯುತ್ತಿತ್ತು, ಅಜಿ೯ ಪಾರಂ ಪಡೆದು ಭತಿ೯ ಮಾಡಿದ ನಂತರ ಅನುಮೊದಕರು ಬೇಕಿತ್ತು ಅಲ್ಲಿದ್ದವರಾರು ಒಪ್ಪಲಿಲ್ಲ ಕಾರಣ ಅವಿರೋಧ ಆಯ್ಕೆಗಾಗಿ ಅವರೆಲ್ಲ ನನ್ನ ಅಜಿ೯ಸಲ್ಲಿಕೆ ಆದರೆ ಚುನಾವಣೆ ಮಾಡಬೇಕಲ್ಲ ಅಂತ, ಸರಿ ಅಂತ ಸೀದಾ ಒಡನಾಳದ ಕಾಗೋಡು ಹೋರಾಟದ ನೇತಾರರಾದ ಗಣಪತಿಯಪ್ಪರ ಸೂಚಕರ ಸಹಿ ಪಡೆದೆ, ಅವರು ಕೃಷಿಕ ಸಮಾಜದ ಹಿರಿಯ ಸದಸ್ಯರಾದರೂ ಅವರಿಗೆ ಒಮ್ಮೆಯೂ ಯಾವುದೇ ಮಾಹಿತಿ ಬಂದಿರಲಿಲ್ಲ.

   ನನ್ನ ಅಜಿ೯ಯಿ೦ದ ಖಾಯಂ ಪದಾದಿಕಾರಿಗಳಿಗೆ ಇರಸು ಮುರುಸು ಆಯಿತು ಮುಂದಿನ  ನಾಮಪತ್ರ ವಾಪಾಸು ಪಡೆಯವ ದಿನ ಆಸಲಿಯತ್ತು ಪ್ರಾರಂಭವಾಯಿತು ನನ್ನ ಆಪ್ತರಿಂದ ಪೋನ್ ಮಾಡಿಸಿದರು ನೀವು ಗೆಲ್ಲಲು ಸಾಧ್ಯವಿಲ್ಲ ಯಾಕೆಂದರೆ 230 ಮತದಾರಲ್ಲಿ 50 ಜನ ಬೇರೆ ಜಾತಿಯವರು ಇಲ್ಲ ಅವರೂ ಕೂಡ ಬದುಕಿಲ್ಲ ... ಉಳಿದವರಲ್ಲಿ ಎಲ್ಲರೂ ಬ್ರಾಹಮಣರು ಹಾಗೇ, ಹೀಗೆ ಅಂತ.

   ಅವರಿಗೆಲ್ಲ ನಾನು ನೀಡಿದ ಸಮಜಾಯಿಸಿ ಏನೇoದರೆ ನಾನು ಈ ಚುನಾವಣೆ ಗೆಲ್ಲಲು ಸ್ಪದೆ೯ ಅಲ್ಲ ಜಡ್ಡುಗಟ್ಟಿದ ಈ ಇಲಾಖೆ ವ್ಯಾಪ್ತಿಯ ಕೃಷಿಕ ಸಮಾಜ ಇದೇ ಅಂತ ಗೊತ್ತಾಗಲಿ.. ಮುಂದೆ ಹೆಚ್ಚು ಜನ ಸದಸ್ಯರಾಗಲಿ ಅಂತ ಅಂದೆ.

  ನಾಮಪತ್ರ ವಾಪಾಸು ಪಡೆಯೋ ದಿನ ನಾವೆಲ್ಲ ಸೇರಿ ಒಂದು ತೀಮಾ೯ನಕ್ಕೆ ಬರೋಣ ಅಂತ ಆಗಿನ ಸಾಗರ ಪಿ.ಎಲ್.ಡಿ.ಅಧ್ಯಕ್ಷರಾಗಿದ್ದ ಸುಬ್ರಾವ್, ವರದ ಮೂಲದ ಶ್ರೀದರ್, ಕಣ್ಣುರು ಟಾಕಪ್ಪಾ ಕರೆದಿದ್ದರು, ಅಲ್ಲಿ RSS ಮೂಖಂಡರು ಅಂತ ಒಬ್ಬರು ಅವರ ಸಲಹೆ ಸಹಕಾರದಲ್ಲಿ ಮುಂದುವರಿಯೋಣ ಅಂದರು.

   ಅವರು ಒಬ್ಬರಾದ ಮೇಲೆ ಒಬ್ಬರನ್ನ ಕರೆದು ಅಭಿಪ್ರಾಯ ತಿಳಿದರು ನಾನು ನಾಮಪತ್ರ ವಾಪಾಸು ಪಡೆಯುವುದಿಲ್ಲ ಚುನಾವಣೆ ಆಗಲಿ ಅಂದೆ ಪುನಃ ಸುಬ್ರಾವ್ ಬದಿಗೆ ಕರೆದೊಯ್ದವರು ಪುನಃ ಅದೇ ರಾಗ ಗೆಲ್ಲಲು ಸಾಧ್ಯವೇ ಇಲ್ಲ ಒಂದೇ ಜಾತಿಯ ಮತದಾರರಿದ್ದಾರೆ, ನೀವು ಜಿಲ್ಲಾ ಪಂಚಾಯತ್ ಸದಸ್ಯರಾದವರು, ಶಾಸಕ ಚುನಾವಣೆಗೆ ನಿಂತವರು ನೀವು ಈ ಸಣ್ಣ ಚುನಾವಣೆಗೆ ನಿಂತು ಸೋಲಬಾರದಾಗಿ ನನ್ನ ಮೇಲಿನ ಕಾಳಜಿ ವ್ಯಕ್ತಪಡಿಸಿದರು.

   ನಾನು ಅವರಿಗೆ ನಿಂತ ನೀರಾದ ಈ ವ್ಯವಸ್ಥೆ ಸ್ವಚ್ಚವಾಗಲು ಈ ಚುನಾವಣೆ ಅನಿವಾಯ೯ ಅಂದೆ, ಆಗ ವರದಾ ಮೂಲದ ಶ್ರೀದರ್ ಚುನಾವಣೆ ಆದರೆ ನಮ್ಮ ಜಾತಿ ಓಟು ಜಾಸ್ತಿ ಇದೆ ನೋಡೇ ಬಿಡೋಣ ಎಂಬಂತೆ ದಮಕಿಯ೦ತ ಮಾತು ನನಗೆ ಕೇಳಲಿ ಅಂತ ಮಾತಾಡುತ್ತಿದ್ದರು.

   ಇಂತವರೆಲ್ಲ ಸೇರಿ ತಾಲ್ಲೂಕಿನ ಅನೇಕ ಸಂಘ ಸಂಸ್ಥೆಗಳಲ್ಲಿ ಚುನಾವಣೆ ಬೇಡ ಎಂಬ ಪೋಸು ನೀಡಿ ಒಂದಲ್ಲ ಒಂದು ಸಂಸ್ಥೆಗೆ ಅವಿರೋದ ಆಯ್ಕೆ ಆಗುವುದಷ್ಟೆ ಇವರ ಉದ್ದೇಶ.

   ಸದರಿ ಸಂಘ ಸಂಸ್ಥೆ ವಿಸ್ತರಿಸುವ ಉದ್ದೇಶ ಮಾತ್ರ ಇರುವುದಿಲ್ಲ, ತಮ್ಮ ಬಿಟ್ಟು ಬೇರೆಯವರು ಬರಬಾರದು, ಇದೇ ರೀತಿ ಡಿಸಿಸಿ ಬ್ಯಾಂಕ್, ಹಾಲು ಉತ್ಪಾದಕರ ಸಂಘ, ಪಿಎಲ್ಡಿ ಬ್ಯಾಂಕ್, ಸಹಕಾರಿ ಸಂಘ ಕೂಡ ಆದರೆ ಅಲ್ಲಿ ಸಾಲ ಸೌಲಭ್ಯ ನೀಡಲು ಸದಸ್ಯರ ನೋಂದಾವಣೆ ಕಡ್ಡಾಯ ಆದರೆ ಇಲ್ಲಿ ಯಾವುದೇ ಕಾರಣಕ್ಕೂ ಹೊಸ ನೊಂದಾವಣೆ ಆಗದಂತೆ ನೋಡಿಕೊಳ್ಳುತ್ತಾರೆ ಅವರಿಗೆ ಕೃಷಿ ಇಲಾಖೆ ಅಧಿಕಾರಿಗಳು ಪರೋಕ್ಷವಾಗಿ ಸಹಕರಿಸುತ್ತಾರೆ.

  ನಂತರ ಚುನಾವಣೆಯಾಗಬಾರದು ಆದರೆ ಅವರ ಹುನಾರಗಳು ಜಗಜ್ಜಾಹಿರವಾಗಿ ಇತರ ರೈತರು ನೂರಾರು ಸಂಖ್ಯೆಯಲ್ಲಿ ಕೃಷಿಕ ಸಮಾಜದ ಸದಸ್ಯರಾದರೆ ತಮ್ಮ ಬೇಳೆ ಬೇಯುವುದಿಲ್ಲ ಅಂತ ನನ್ನನ್ನ ಅವಿರೋಧ ಆಯ್ಕ ಮಾಡಲು ಅವರಲ್ಲೇ ಯಾರೋ ಒಬ್ಬರ ನಾಮ ಪತ್ರ ವಾಪಾಸು ಮಾಡಿಸಿದರು.

   ಅದಿಕಾರಿ ವಗ೯ದಲ್ಲಿ ಅನೇಕರು ನಾನು ಅಲ್ಲಿ ಬಂದರೆ ಮುಂದೆ ತೊಂದರೆ ಅಂತ ಅವರೆಲ್ಲರ ಹತ್ತಿರ ಮಾತಾಡುತ್ತಿದ್ದರಂತ ನನ್ನ ಶಿಷ್ಯರು ಕೇಳಿಸಿ ಕೊಂಡವರು ಹೇಳಿದರು.

   ಮುಂದೆ ಅಧ್ಯಕ್ಷರಾಗಿ ಎಂ.ಕೆ.ತಿಮ್ಮಪ್ಪ ಪುನಃ  ಅವಿರೋದವಾಗಿ ಆಯ್ಕೆ ಆದದ್ದು ತಿಳಿಯಿತು ಈ ವರೆಗೆ ನಾನು ಸದರಿ ಕಚೇರಿಗೆ ಹೋಗಲಿಲ್ಲ, ಕೃಷಿ ಇಲಾಖೆ ಹೆಚ್ಚಿನ ಜನರಿಗೆ ಒಂದಲ್ಲ ಒಂದು ಯೋಜನೆಯಲ್ಲಿ ಸಹಾಯಧನ ನೀಡುತ್ತದೆ ಅಂತ ಹ ಫಲಾನುಭವಿಗಳನ್ನು ಕಡ್ದಾಯವಾಗಿ ಸದಸ್ಯರನ್ನ ಮಾಡಲು ಒತ್ತಾಯಿಸಿದೆ.       ತಾಲ್ಲೂಕ್ ಪಂಚಾಯತ್ ಅಧ್ಯಕ್ಷರಿಗೆ ಪತ್ರ ಬರೆದೆ ಆದರೆ ಯಾವುದೇ ಪ್ರಯೋಜನ ಆಗಲಿಲ್ಲ.

  ಮತ್ತೆ ಚುನಾವಣೆ ಬರುತ್ತೆ ಮತ್ತೆ ಇದೇ ಪ್ರಸಂಗದ ಪುನರಾವತ೯ನೆ ಇನ್ನು ದೇಶ ಉದ್ದಾರದ ಉದ್ದುದ್ದ ಬಾಷಣ.

  ಸಾಗರ ತಾಲ್ಲೂಕ್ ನ ಅಭಿವೃದ್ಧಿ ಕಾಳಜಿ ಇರುವ ಜನಪ್ರತಿನಿಧಿಗಳು, ರಾಜಕೀಯ ಪಕ್ಷದ ಕಾಯ೯ಕತ೯ರು ಸಾಗರದ ಕೃಷಿ ಇಲಾಖೆಗೆ ಹೋಗಿ ಕೃಷಿಕ ಸಮಾಜದ ಸದಸ್ಯರಾಗಿ ಹೊಸ ಬದಲಾವಣೆಗೆ ಕಾರಣಕತ೯ರಾಗಬಹುದು.

   ಈಗಲೂ ಅದೇ ಹಳೆಯ 230 ಸದಸ್ಯರ ಕೃಷಿಕ ಸಮಾಜದ ಮತದಾರರ ಪಟ್ಟಿಯ ಆದಾರದಲ್ಲಿ ಆರು ವರ್ಷದ ಅವದಿಗೆ ಅಧ್ಯಕ್ಷರು ಪದಾಧಿಕಾರಿಗಳು ಆಗುತ್ತಾರೆ ಅವರವರೇ ಕೃಷಿ ಉದ್ದೇಶದ ಪ್ರವಾಸ ಮಾಡುತ್ತಾರೆ ಅವರಿಗೇ ಎಲ್ಲಾ ಸರ್ಕಾರಿ ಸವಲತ್ತು ಮನೆ ಬಾಗಿಲಿಗೆ ತಲುಪಿಸುವ ಕೆಲಸ ಕೃಷಿ ಇಲಾಖಾ ಅಧಿಕಾರಿಗಳದ್ದು.

   ನಮ್ಮ ತಾಲ್ಲೂಕಿನಲ್ಲೆ ಕೃಷಿ ಮತ್ತು ತೋಟಗಾರಿಕಾ ವಿಶ್ವವಿದ್ಯಾಲಯ ಕಾಯಾ೯ರಂಭವೂ ಆಗಿದೆ ಆದರೆ ಕೃಷಿಕ್ ಸಮಾಜಕ್ಕೆ ಹೊಸ ರೈತರನ್ನು ಸದಸ್ಯರನ್ನಾಗಿ ಮಾತ್ರ ಮಾಡುವುದಿಲ್ಲ.