Blog number 1233. ಜನಪರ ಹೋರಾಟಗಾರ ಟಿ.ಆರ್. ಕೃಷ್ಣಪ್ಪರ ಹೋರಾಟದ ಹಾದಿಯಲ್ಲಿ ಭಾಗ-2

#https://youtu.be/IBhXHYPqZBU ?

#ಹೋರಾಟಗಾರರನ್ನು_ಅನುಮಾನದಲ್ಲಿ_ನೋಡುವ_ಕಾಲವಿದು

#ತತ್ವ_ಸಿದ್ಧಾಂತದ_ಹೆಸರಲ್ಲಿ_ಭ್ರಷ್ಟಾಚಾರ_ವಿರೋದಿಸುವವರ_ಅಂತಿಮ_ಜೀವನ_ಏನಾಗಿದೆ?

#ವ್ಯವಸ್ಥೆ_ಬದಲಾಗಲೂ_ಇಲ್ಲ_ನಿಜವಾದ_ಹೋರಾಟಗಾರ_ಮನೆಯಲ್ಲೂ_ಸಮಾಜದಲ್ಲೂ_ಕಡೆಗಾಣಿಸಲ್ಪಡುವುದು_ಸುಳ್ಳಾ?

#ರಿಪ್ಪನಪೇಟೆಯ_ಟಿ_ಆರ್_ಕೃಷ್ಣಪ್ಪರ_ಹೋರಾಟದ_ಹಾದಿಯ_ಭಾಗ_2 

 

1981-82 ರ ಕಾಲದಲ್ಲಿ ಶಿವಮೊಗ್ಗದ ಡಿವಿಎಸ್ ಕಾಲೇಜಿನ ರಾಚಪ್ಪನವರು ಸಾಗರ್ ಹೋಟೆಲ್ ಸರ್ಕಲ್ ನ ಸರ್ಕಾರಿ ಬಾಲಕಿಯರ ಪ್ರಾಥಮಿಕ ಶಾಲೆಯ ಕೊಠಡಿಯಲ್ಲಿ ರಾತ್ರಿ 7 ರ ಸಮಯದಲ್ಲಿ ಕಪ್ಪು ಹಲಗೆಯ ಮೇಲೆ ಸೀಮೆ ಸುಣ್ಣದಲ್ಲಿ ಜೇಡರ ಬಲೆ ಚಿತ್ರ ಬರೆದು ಅದನ್ನು ನಮ್ಮ ಆಡಳಿತ ವ್ಯವಸ್ಥೆ ಅಂತ ಬಿಂಬಿಸಿ ಅದರಲ್ಲಿ ಸಣ್ಣ ಸಣ್ಣ ಕೀಟಗಳು ಸಿಕ್ಕಿಬಿದ್ದು ತಪ್ಪಿಸಿಕೊಳ್ಳಲಾರದ ಬಗ್ಗೆ ಮತ್ತು ದೊಡ್ಡ ಹಕ್ಕಿಗಳು ಜೇಡರ ಬಲೆ ಛೇದಿಸಿಕೊಂಡು ಹೋಗುವ ಸಾಮರ್ಥ್ಯ ವಿವರಿಸುತ್ತಿದ್ದರು.

  ಅಂದರೆ ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ದುರ್ಬಲರು ದೀನ ದಲಿತರು ಬದುಕುವುದು ಕಷ್ಟ ಆದರೆ ಹಣವಂತರು ಅವ್ಯವಹಾರಿಗಳು ಎಲ್ಲವನ್ನೂ ಛೇದಿಸಿ ಬದಕುತ್ತಾರೆ ಅನ್ನುತ್ತಾ ಇದಕ್ಕಾಗಿ ಜನಸಂಘಟನೆ - ಪ್ರತಿಭಟನೆ - ಅನ್ಯಾಯದ ವಿರುದ್ದ ಆಂದೋಲನ ನಡೆಯಬೇಕು ಈ ಮೂಲಕ ಸಮಾಜ ಸೇವೆ ಮಾಡಬೇಕೆಂಬ ಸಂದೇಶದ ಜೊತೆ ಎ.ಕೆ.ಗೋಪಾಲನ್ ಆತ್ಮಚರಿತ್ರೆ, ಮ್ಯಾಕ್ಸಿಂ ಗೋರ್ಕಿಯ ತಾಯಿ ಪುಸ್ತಕಗಳನ್ನು ಓದಲು ನೀಡಿದ್ದರಿಂದ ನಾನು ಸಾಗರದ ಆಗಿನ ಹೋರಾಟಗಾರರಾದ ತೀ.ನಾ. ಶ್ರೀನಿವಾಸ್, ಶಿವಾನಂದ ಕುಗ್ವೆ, ಸಿಗರೇಟು ನಾಗರಾಜ್, ಅದರಂತೆ ವಿಶ್ವನಾಥ ಗೌಡ, ಆಟೋ ಮೋಹನ್, ಪೆಡರಿಕ್, ಮಂಡಗಳಲೆ ನಾರಾಯಣ ಮುಂತಾದವರ ಜೊತೆ ಆಗಿ ಸ್ಥಳಿಯ ಹೋರಾಟಗಳ ಭಾಗ ಆದೆ ಮುಂದೆ ಲಾಠಿ ಏಟು- ಜೈಲು-ಮು೦ತಾದನ್ನು ಅನುಭವಿಸಿದೆ.

  ವ್ಯವಸ್ಥೆ ಬದಲಾಯಿತಾ? ಲಂಚ ನಿಮೂ೯ಲನೆ ಆಯಿತಾ? ಅಂತ ತಿರುಗಿ ನೋಡಿದರೆ ಯಾವುದೂ ಬದಲಾಗಲಿಲ್ಲ ವ್ಯವಸ್ಥೆ ಜೊತೆ ಹೊಂದಾಣಿಕೆಯಿಂದ ಅನಿವಾರ್ಯವಾಗಿ ಬಾಳುವುದನ್ನು ಜನ ಸಮೂದಾಯ ಸುಲಭವಾಗಿ ಕಲಿತಿದೆ. ಪುನಃ ಪುನಃ ಚುನಾವಣೆಗಳು ಅದರಲ್ಲಿ ಲಂಚ ಮುಕ್ತ ಆಡಳಿತದ ಅಶ್ವಾಸನೆಗಳು ಯಥಾ ಪ್ರಕಾರ ಹೊಸ ಮುಖ, ಹೊಸ ಪಕ್ಷಗಳಿಂದ ಕೇಳುತ್ತಲೇ ಇದೀವಿ.

  ಈ ರೀತಿ ವ್ಯವಸ್ಥೆಯ ಲೋಪ ದೋಷಗಳನ್ನು ನಿವಾರಣೆಗೆ ಹೋರಾಟದ ಮಾರ್ಗವಾದ ಪ್ರತಿಭಟನೆ - ಸತ್ಯಾಗ್ರಹಗಳು ಸವಕಲಾಯಿತಾ? ಗೊತ್ತಿಲ್ಲ.. ಆದರೆ ಪರಿಣಾಮ ಶೂನ್ಯ.

  ಸರಕಾರಿ ಕೆಲಸ ಪಡೆಯಲು ಅಹ೯ತಾ ಸುತ್ತಿನ ಪರೀಕ್ಷೆಯಲ್ಲಿ ತೇರ್ಗಡೆ ಆದ ಮೆರಿಟ್ ಅಭ್ಯರ್ಥಿಗಳಲ್ಲಿ ಒಂದು ಹುದ್ದೆಗೆ ಹತ್ತು ಜನರನ್ನು (1:10) ಸಂದರ್ಶನಕ್ಕೆ ಕರೆದು 10 ವರ್ಷಗಳ ಅವನ ವೇತನದಷ್ಟು ಹಣ ನೀಡುವವರು ಸರ್ಕಾರಿ ಕೆಲಸ ಪಡೆಯುವುದು ರಹಸ್ಯವೇನಲ್ಲ ಹಾಗಾಗಿ 10 ವರ್ಷ ಸಂಬಳದಷ್ಟು ಹಣ ಕೊಟ್ಟು ಬಂದವ ಅದರ ನೂರು ಪಟ್ಟು ಹಣ ಗಳಿಸಲು ಇರುವ ಮಾರ್ಗ ಲಂಚವೇ ಆದ್ದರಿಂದ ಅದು ನಿರ್ಮೂಲನೆ ಸಾಧ್ಯವಾ? ಎಂಬ ಪ್ರಶ್ನೆಗೆ ಉತ್ತರ ಎಲ್ಲರಿಗೂ ಗೊತ್ತಿರುವುದೆ.

  ಅದ್ದರಿಂದ ಮುಂದಿನ ದಿನಗಳಲ್ಲಿ ನಮ್ಮ ಮಕ್ಕಳನ್ನು ವ್ಯವಸ್ಥೆ ವಿರುದ್ದ ಹೋರಾಡದಂತೆ ಬದುಕು ಕಲಿಸಬೇಕು ಇಲ್ಲದಿದ್ದರೆ ಬದುಕುವುದು ಕಷ್ಟವೆ.

   ಇಂತಹ ಹೋರಾಟವೇ ಜೀವನ ಮಾಡಿಕೊಂಡವರ ಪರಿಸ್ಥಿತಿ ಕೂಡ ಕಷ್ಟದ್ದೇ ಸ್ವತಃ ಮನೆಯಲ್ಲೂ ಸಮಾಜದಲ್ಲೂ ಇವರ ಹೋರಾಟಗಳಿಂದ ತಿರಸ್ಕಾರವೇ ಬಳುವಳಿ ಆಗಿದೆ.

  ಇದಕ್ಕೆ ಕಾರಣ ಭ್ರಷ್ಟಾಚಾರ ಸರ್ವಾಂತರ್ಯಾಮಿ ಆಗಿರುವುದು.

   ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲ್ಲೂಕಿನ ರಿಪ್ಪನ್ ಪೇಟೆಯ ಏಕಾಂಗಿ ಜನಪರ ಹೋರಾಟಗಾರ ಟಿ.ಆರ್.ಕೃಷ್ಣಪ್ಪ ತಮ್ಮ 72 ನೇ ವಯಸ್ಸಿನಲ್ಲೂ ತಮ್ಮ ಹೋರಾಟಗಳಿಂದ ನಂಬಿಕೆ ಕಳೆದುಕೊಂಡಿಲ್ಲ ಅವರ ಹೋರಾಟದ ಸರಣಿಯ ಭಾಗ - 2 ಇಲ್ಲಿದೆ.