Skip to main content

4269.ಬನ್ನಿ_ಮರಬನ್ನಿ_ಮುಡಿದು_ಬಂಗಾರವಾಗೋಣ.ವಿಜಯದಶಮಿಯಂದು_ಬನ್ನಿ_ಎಲೆ_ವಿನಿಮಯದ_ಹಿಂದಿರುವ_ಇತಿಹಾಸ_ಮತ್ತು_ಮಹತ್ವ.

ಬನ್ನಿ_ಮರ
ಬನ್ನಿ_ಮುಡಿದು_ಬಂಗಾರವಾಗೋಣ.
ವಿಜಯದಶಮಿಯಂದು_ಬನ್ನಿ_ಎಲೆ_ವಿನಿಮಯದ_ಹಿಂದಿರುವ_ಇತಿಹಾಸ_ಮತ್ತು_ಮಹತ್ವ.

​"ಬನ್ನಿ ಮುಡಿಯಿರಿ, ಬಂಗಾರದಂತೆ ಬಾಳಿರಿ..."

  ಈ ಲೇಖನ ಓದಿದರೆ ಈ ವರ್ಷ ವಿಜಯ ದಶಮಿ ದಿನ ಬನ್ನಿ ಸ್ವೀಕರಿಸುವಾಗ ಅಥವ ಅದನ್ನು ನೀಡುವಾಗ ಬನ್ನಿಯ ಬಗ್ಗೆ ನಿಮ್ಮ ಭಾವನೆಯೇ ಬದಲಾಗಲಿದೆ.

  ​ವಿಜಯದಶಮಿಯ ಸಂಜೆ ನಾಡಿನ ಹಳ್ಳಿ-ನಗರಗಳಲ್ಲಿ ಪರಸ್ಪರ ಬನ್ನಿ ಎಲೆಗಳನ್ನು ಹಂಚಿಕೊಳ್ಳುತ್ತಾ, ಹಿರಿಯರ ಕಾಲಿಗೆ ಬಿದ್ದು ಆಶೀರ್ವಾದ ಪಡೆಯುವ ದೃಶ್ಯ ಅತ್ಯಂತ ಸುಂದರ ಹಾಗೂ ಭಾವನಾತ್ಮಕ.  

   ಆದರೆ ಇದಕ್ಕೊಂದು #ಇತಿಹಾಸ ಇದೆ ಎನ್ನುವುದು ಹೊಸ ತಲೆಮಾರಿಗೆ ತಿಳಿಸಿ ಹೇಳುವ ಪ್ರಯತ್ನ ಈ ಲೇಖನ ಆಗಿದೆ.

  ನವರಾತ್ರಿಯ ಒಂಬತ್ತು ದಿನಗಳ ಸಂಭ್ರಮದ ನಂತರ ಬರುವ ವಿಜಯದಶಮಿಯಂದು ಈ ಸಣ್ಣ ಎಲೆಯನ್ನು ಬಂಗಾರವೆಂದು ಪರಿಗಣಿಸಿ ಪರಸ್ಪರ ವಿನಿಮಯ ಮಾಡಿಕೊಳ್ಳುವ ಪರಂಪರೆ ಹೇಗೆ ಬಂತು? ಇದರ ಹಿಂದಿರುವ ಪೌರಾಣಿಕ, ಐತಿಹಾಸಿಕ ಮತ್ತು ಸಾಮಾಜಿಕ ಕಾರಣಗಳ ವಿವರ ಇಲ್ಲಿದೆ.

​  #ಪಾಂಡವರು ಹನ್ನೆರಡು ವರ್ಷಗಳ ವನವಾಸ ಮುಗಿಸಿ ಒಂದು ವರ್ಷದ ಅಜ್ಞಾತವಾಸವನ್ನು ವಿರಾಟ ನಗರದಲ್ಲಿ ಕಳೆಯಬೇಕಾಗಿ ಬರುತ್ತದೆ. 

  ತಮ್ಮ ಅಸ್ತ್ರ-ಶಸ್ತ್ರಗಳನ್ನು ವಿಶೇಷವಾಗಿ ಅರ್ಜುನನ ಗಾಂಡೀವವನ್ನು ಹಿಡಿದು ಅಜ್ಞಾತವಾಸಕ್ಕೆ ಹೋದರೆ ಗುರುತು ಸಿಗುವ ಅಪಾಯವಿದ್ದ ಕಾರಣ ಅವೆಲ್ಲವನ್ನೂ ಊರ ಹೊರಗಿದ್ದ ಬೃಹತ್ ಶಮಿ (ಬನ್ನಿ) ವೃಕ್ಷದ ರಂಧ್ರದಲ್ಲಿ ಬಚ್ಚಿಡುತ್ತಾರೆ.

  ​ಒಂದು ವರ್ಷದ ಅಜ್ಞಾತವಾಸ ಯಶಸ್ವಿಯಾಗಿ ಪೂರ್ಣಗೊಂಡ ದಿನವೇ ‘#ವಿಜಯದಶಮಿ’.

  ಅಂದು ಪಾಂಡವರು ಶಮಿ ವೃಕ್ಷಕ್ಕೆ ಪೂಜೆ ಸಲ್ಲಿಸಿ ತಮ್ಮ ಶಸ್ತ್ರಗಳನ್ನು ಮರಳಿ ಪಡೆದು ಕೌರವರ ಸೈನ್ಯದ ವಿರುದ್ಧ ವಿಜಯ ಸಾಧಿಸುತ್ತಾರೆ. 

  "ಯಾವ ಮರ ನಮ್ಮ ಶಸ್ತ್ರಗಳನ್ನು ರಕ್ಷಿಸಿ ನಮಗೆ ವಿಜಯವನ್ನು ತಂದುಕೊಟ್ಟಿತೋ, ಆ ಶಮಿ ವೃಕ್ಷವು ಸದಾ ಪೂಜನೀಯ" ಎಂದು ಪಾಂಡವರು ನಮಸ್ಕರಿಸುತ್ತಾರೆ.

  ಅಂದಿನಿಂದ ದುಷ್ಟ ಶಕ್ತಿಗಳ ಮೇಲೆ ಶಿಷ್ಟರ ವಿಜಯದ ಸಂಕೇತವಾಗಿ ಶಮಿ (ಬನ್ನಿ) ಪೂಜೆ ಆರಂಭವಾಯಿತು.

  #ಬನ್ನಿ_ಎಲೆ_ಬಂಗಾರವಾದದ್ದು_ಹೇಗೆ? 
#ಕೌತ್ಸನ_ಕಥೆ...
 
  ​ಪುರಾಣಗಳಲ್ಲಿ ಮತ್ತೊಂದು ರೋಚಕ ಕಥೆಯಿದೆ,ವರತಂತು ಎಂಬ ಋಷಿಯ ಬಳಿ ಶಿಕ್ಷಣ ಮುಗಿಸಿದ ಕೌತ್ಸ ಎಂಬ ಶಿಷ್ಯ, ಗುರುದಕ್ಷಿಣೆ ನೀಡಲು ಬಯಸುತ್ತಾನೆ. 

   ಶಿಷ್ಯನ ಹಠಕ್ಕೆ ಮಣಿದ ಗುರುಗಳು 14 ಕೋಟಿ ಚಿನ್ನದ ನಾಣ್ಯಗಳನ್ನು ಕೇಳುತ್ತಾರೆ ಅಷ್ಟು ದೊಡ್ಡ ಮೊತ್ತವನ್ನು ತರಲು ಕೌತ್ಸನು #ರಘು_ಮಹಾರಾಜನ (ಶ್ರೀರಾಮನ ಪೂರ್ವಜ) ಬಳಿ ಸಹಾಯ ಕೇಳುತ್ತಾನೆ.

  ​ಆಗಷ್ಟೇ ಮಹಾಯಾಗವೊಂದನ್ನು ಮಾಡಿ ತನ್ನ ಸಂಪತ್ತನ್ನೆಲ್ಲಾ ದಾನ ಮಾಡಿದ್ದ ರಘು ಮಹಾರಾಜನು, ಶಿಷ್ಯನ ಮಾತನ್ನು ಉಳಿಸಲು #ಕುಬೇರನ ಮೇಲೆ ಯುದ್ಧ ಸಾರಲು ಸಿದ್ಧನಾಗುತ್ತಾನೆ.

  ಹೆದರಿದ ಕುಬೇರನು ರಾಜನ ನಗರದ ಹೊರಗಿದ್ದ ಬನ್ನಿ ಮರಗಳ ಮೇಲೆ ಚಿನ್ನದ ನಾಣ್ಯಗಳ ಮಳೆಯನ್ನೇ ಸುರಿಸುತ್ತಾನೆ. 

   ರಘು ಮಹಾರಾಜ ಆ ಬಂಗಾರವನ್ನೆಲ್ಲ ಕೌತ್ಸನಿಗೆ ನೀಡಲು ಮುಂದಾಗುತ್ತಾನೆ.

 ಆದರೆ ಕೌತ್ಸ ತನಗೆ ಬೇಕಾದ 14 ಕೋಟಿ ನಾಣ್ಯಗಳನ್ನು ಮಾತ್ರ ತೆಗೆದುಕೊಂಡು ಉಳಿದದ್ದನ್ನು ಊರಿನ ಜನರಿಗೆ ಹಂಚುತ್ತಾನೆ.

  ಜನರು ಅತ್ಯಂತ ಸಂತಸದಿಂದ ಆ ಬಂಗಾರವನ್ನು ಪರಸ್ಪರ ಹಂಚಿಕೊಂಡ ದಿನವೇ ವಿಜಯದಶಮಿ. 

  ಈ ಘಟನೆಯ ನೆನಪಿಗಾಗಿ ಬನ್ನಿ ಎಲೆಯನ್ನು ಬಂಗಾರವೆಂದು ಭಾವಿಸಿ ವಿನಿಮಯ ಮಾಡಿಕೊಳ್ಳುವ ಸಂಪ್ರದಾಯ ಬೆಳೆದುಬಂತು.

​ ವಿಜಯನಗರ ಹಾಗೂ ಮೈಸೂರು ಅರಸರ ವಿಜಯಯಾತ್ರೆ
​ದಕ್ಷಿಣ ಭಾರತದಲ್ಲಿ ವಿಜಯನಗರ ಸಾಮ್ರಾಜ್ಯದ ಕಾಲದಲ್ಲಿ ಬನ್ನಿ ಪೂಜೆಗೆ ರಾಜಮನ್ನಣೆ ದೊರೆಯಿತು.

   ರಾಜರು ಯುದ್ಧಕ್ಕೆ ಹೊರಡುವ ಮುನ್ನ ಶಮಿ ವೃಕ್ಷಕ್ಕೆ ಪೂಜೆ ಸಲ್ಲಿಸಿ, ‘ಸೀಮೋಲ್ಲಂಘನ’ (ಗಡಿ ದಾಟಿ ಹೋಗುವುದು) ಮಾಡುತ್ತಿದ್ದರು. 

 ನಂತರ ಮೈಸೂರು ಒಡೆಯರು ಈ ಪರಂಪರೆಯನ್ನು ಮುಂದುವರಿಸಿದರು. 

  ಇಂದಿಗೂ ಮೈಸೂರು ದಸರಾದಲ್ಲಿ ಜಂಬೂಸವಾರಿಯ ನಂತರ ಬನ್ನಿಮಂಟಪದಲ್ಲಿ ಶಮಿ ಪೂಜೆ ನಡೆಯುವುದೇ ಈ ವಿಜಯದ ಸಂಕೇತ. 

 ರಾಜರು ಯುದ್ಧ ಜಯಿಸಿ ಬಂದ ಸಂತೋಷದಲ್ಲಿ ಪ್ರಜೆಗಳಿಗೆ ಕಾಣಿಕೆಗಳನ್ನು, ಬನ್ನಿ ಎಲೆಗಳನ್ನು ಹಂಚುತ್ತಿದ್ದರು.

  ​ಬನ್ನಿ ವಿನಿಮಯ ಕೇವಲ ಒಂದು ಧಾರ್ಮಿಕ ಆಚರಣೆಯಷ್ಟೇ ಅಲ್ಲ, ಅದೊಂದು ಸೌಹಾರ್ದತೆಯ ಬೆಸುಗೆ.

​ ವರ್ಷಪೂರ್ತಿ ಎಷ್ಟೇ ಮನಸ್ತಾಪ, ಸಿಟ್ಟು-ಸೆಡವುಗಳಿದ್ದರೂ, ವಿಜಯದಶಮಿಯಂದು "ಬನ್ನಿ ತಗೋ, ಬಂಗಾರದಂಗ ಇರು" ಎಂದು ಕೈಕುಲುಕಿದಾಗ ಹಳೆಯ ಕಹಿ ಮಾಯವಾಗಿ ಹೊಸ ಸ್ನೇಹ ಚಿಗುರುತ್ತದೆ.

​ ಬಡವ-ಶ್ರೀಮಂತ ಎಂಬ ಭೇದವಿಲ್ಲದೆ ಎಲ್ಲರೂ ಒಂದೇ ಎಲೆಯನ್ನು ಬಂಗಾರವೆಂದು ಸ್ವೀಕರಿಸುತ್ತಾರೆ. 

  ನಿಸರ್ಗದ ಸಣ್ಣ ಎಲೆಯೂ ಪ್ರೀತಿ-ವಿಶ್ವಾಸದಿಂದ ಕೂಡಿದಾಗ ಬಂಗಾರಕ್ಕಿಂತ ಮಿಗಿಲು ಎಂಬ ಸಂದೇಶ ಇದರಲ್ಲಿದೆ.

​ ಕಿರಿಯರು ಬನ್ನಿ ಎಲೆ ಕೊಟ್ಟು ಹಿರಿಯರ ಕಾಲಿಗೆ ನಮಸ್ಕರಿಸುವುದು ಸಂಸ್ಕಾರ ಮತ್ತು ವಿನಯದ ಪ್ರತೀಕವಾಗಿದೆ.

​ಬನ್ನಿ ಎಂದರೆ ಕೇವಲ ಹಸಿರೆಲೆಯಲ್ಲ ಅದು ಶುದ್ಧ ಮನಸ್ಸು, ಶಾಂತಿ, ಹಾಗೂ ಎಲ್ಲರ ಬದುಕು ಬಂಗಾರವಾಗಲಿ ಎಂಬ ಹಾರೈಕೆ. 

  ಈ ವಿಜಯದಶಮಿಯಂದು ನಾವೂ ಮನಸ್ಸಿನ ಕಲ್ಮಶಗಳನ್ನು ದೂರವಿಟ್ಟು, ಪರಸ್ಪರ ಪ್ರೀತಿ-ವಿಶ್ವಾಸದ ಬಂಗಾರವನ್ನು ಹಂಚೋಣ.

​ಎಲ್ಲರಿಗೂ ವಿಜಯದಶಮಿಯ ಹಾರ್ದಿಕ ಶುಭಾಶಯಗಳು!

​#Vijayadashami #BanniPuja #Dasara #KarnatakaTradition #IndianCulture #MysuruDasara
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
1 comment
Read more

ರಿಪ್ಪನ್ ಪೇಟೆ ( ಶಿವಮೊಗ್ಗ ಜಿಲ್ಲೆ) ಹೆಸರು ಬಂದಿದ್ದಾದರು ಹೇಗೆ?

#  ರಿಪ್ಪನ್ ಪೇಟೆ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲ್ಲೂಕಿನ ಪ್ರಮುಖ ಹೋಬಳಿ ಕೇಂದ್ರ ಈ ಆಂಗ್ಲ ಅಧಿಕಾರಿಯ ಹೆಸರು ಇಡಲು ಕಾರಣವಾದ ಘಟನೆ ತುಂಬಾ ಕುತೂಹಲಕಾರಿ# ಸ್ವಲ್ಪ ಕಾಲ ನೀವು ಈ ಲೇಖನ ಓದಿದರೆ ಕಾರಣ ಗೊತ್ತಾಗುತ್ತೆ.    ಆಗ ಬ್ರಿಟಿಷ್ ಸಕಾ೯ರರಕ್ಕೆ ಆಡಳಿತ ಸುಗುಮಕ್ಕೆ ರೈಲು ಮಾಗ೯ ಅತ್ಯಗತ್ಯ ಎಂಬ ಸಕಾರಣ ಮನವರಿಕೆ ಆದ ಕಾಲ ಏಕೆಂದರೆ ಬ್ರಿಟಿಷರು ಅಮೆರಿಕಾ ವಲಸೆಯಲ್ಲಿ ಇದನ್ನ ಮನಗOಡಿದ್ದರು, ಬೆಂಗಳೂಳಿ ರಿಂದ ಶಿವಮೊಗ್ಗ ತಲುಪುವ ರೈಲು ಮಾಗ೯ ತಾಳಗುಪ್ಪಾ ತಲುಪಿದರೆ ಜೋಗ ಜಲಪಾತ ವೀಕ್ಷಣೆಗೆ ಅನುಕೂಲ ಎಂಬುದು ಹಾಗೆ ಮತ್ತೊಂದು ಮ್ಯಸೂರು ಸಕಾ೯ರ ಶರಾವತಿ ನದಿಗೆ ಆಣೆಕಟ್ಟು ಕಟ್ಟಿ.ಜಲ ವಿದ್ಯುತ್ ತಯಾರಿಸಲು ಸಾಮಗ್ರಿ ಸಾಗಾಣಿಕೆಗೆ ಅನುಕೂಲ ಎಂಬ ಕಾರಣದಿಂದ ಶಿವಮೊಗ್ಗದಿಂದ ತಾಳಗುಪ್ಪ ರೈಲು ಮಾಗ೯ ಯೋಜನೆ ಮಾಡಲಾಯಿತು.    ಆಗ ಪ್ಲೇಗ್ ಮಾರಿಯ ಕಾಲ, ಎಲ್ಲೆಲ್ಲೂ ಜನ ಸಾಯುತ್ತಿದ್ದರು ಆಗಲೇ ಈ ರೈಲು ಮಾಗ೯ ಶಿವಮೊಗ್ಗ ಆರಸಾಳಿOದ ದೊಡ್ಡಿನ ಕೊಪ್ಪ (ಈಗಿನ ರಿಪ್ಪನ್ ಪೇಟೆ) ಆನಂದಪುರಂ ಮಾಗ೯ ನಿಗದಿ ಆಗಿತ್ತು ಆದರೆ ಈ ಭಾಗದಲ್ಲಿ ಒಂದು  ವದಂತಿ ಈ ಬಾಗದಲ್ಲಿ ಹರಡಿತ್ತು ಅದೇನೆಂದರೆ ರೈಲು ಬಂದರೆ ಪ್ಲೇ ಗು ಬರುತ್ತೆ  ಅಂತ.    ಹಾಗಾಗಿ ಈ ಭಾಗದಲ್ಲಿನ ಜಾಗೃತ ಜನ ನಾಯಕರುಗಳು ಹೇಗಾದರು ಮಾಡಿ ರೈಲು ಬರದಂತೆ ಮಾಡಲು ಎಲ್ಲಾ ರೀತಿಯ ಪ್ರಯತ್ನ ಮಾಡಲು ಪ್ರಾರಂಭಿಸಿದರು.     ಇದೇ ಸಂದಭ೯ದಲ್ಲ...
5 comments
Read more

HISTORICAL SAGAR MARIKAMBA JATRA.ಐತಿಹಾಸಿಕ ಸಾಗರದ ಮಾರಿಕಾಂಬಾ ಜಾತ್ರೆ

     ಸಾಗರದ ಮಾರಿಕಾಂಬಾ ಜಾತ್ರೆ ಐತಿಹಾಸಿಕ ಚರಿತ್ರೆಯಲ್ಲಿ ದಾಖಲೆ.        ಕನಾ೯ಟಕ ರಾಜ್ಯದಲ್ಲಿ ಎರೆಡು ಮಾರಿಕಾಂಬಾ ಜಾತ್ರೆಗಳು ಪ್ರಸಿದ್ಧಿ ಪಡೆದಿದೆ ಅದು ಉತ್ತರ ಕನ್ನಡ ಜಿಲ್ಲೆಯ ಸಿಸಿ೯ಯದ್ದು ಮತ್ತು ಶಿವಮೊಗ್ಗ ಜಿಲ್ಲೆಯ ಸಾಗರದ್ದು.    ಪ್ರತಿ ಮೂರು ವಷ೯ಕೆ ಈ ಜಾತ್ರೆ ಆಚರಿಸಲಾಗುತ್ತೆ ಶೂದ್ರ ವಗ೯ದವರು ಭಯ ಮತ್ತು ಭಕ್ತಿಯಿಂದ ಕುರಿ ಕೋಳಿ ಬಲಿ ನೀಡುವ ಪರಂಪರೆ ಇದೆ.ಮಂಗಳವಾರ ಮೇಲು ಜಾತಿಯ ಜನರ ಪೂಜೆ ದೇವಿಯ ತವರು ಮನೆಯಲ್ಲಿ ನಡೆಯುತ್ತದೆ ನಂತರ ರಾತ್ರಿ ಗಂಡನ ಸೇರುವ ಮಾರಿಗೆ ಶೂದ್ರರ ಪೂಜೆ, ಬಲಿ ಮೀಸಲು.    ಮೊದಲೆಲ್ಲ ಮಾರಿಯಮ್ಮನಿಗೆ ಕೊಣನ ಬಲಿ ನೀಡುತ್ತಿದ್ದರು ಈಗ ಇದು ಕಾನೂನು ಪ್ರಕಾರ ನಿಷಿದ್ಧ ಆದರೆ ಈ ಆಚಾರಣೆ ಗುಪ್ತವಾಗಿ ಬೇರೆ ಕಡೆ ನಡೆಸಲಾಗುತ್ತೆ ಅನ್ನುತ್ತಾರೆ.    ಸಾಗರದ ಮಾರಿಕಾ0ಬಾ ಜಾತ್ರೆ ಜಾತ್ರೆಯಿ೦ದ ಜಾತ್ರೆಗೆ ಅದೂರಿಯಾಗಿ ನಡೆಯುತ್ತದೆ, ಕೋಟ್ಯಾoತರ ಹಣದ ವಹಿವಾಟು ಕೂಡ, ಮೊದಲೆಲ್ಲ ಹಣದ ಅಪರಾ ತಪರ ಆಗುತ್ತಿದೆ ಎಂಬ ಗುಲ್ಲು ಇತ್ತು ಆದರೆ ಈಗೆಲ್ಲ ಪಾರದಶ೯ಕವಾಗಿದೆ ಆದರೂ ಈ ಬಾರಿಯ 2017ರ ಜಾತ್ರೆಯಲ್ಲಿ ಅವ್ಯವಹಾರದ ಆರೋಪ ಮಾಡಲಾಗಿದೆ ಈ ವಿಚಾರ ಇಲ್ಲಿ ಅಪ್ರಸ್ತುತ ಆದರೂ ಈ ಬಗ್ಗೆ ಬರೆಯಲು ಕಾರಣ ಕೆಳದಿ ಅರಸರ ಕಾಲದಲ್ಲಿ ಅಂದರೆ 350 ವಷ೯ದ ಹಿಂದೆಯೂ ರಾಜರಿಗೆ ಸಾಗರದ ಮಾರಿಕಾಂಬಾ ಜಾತ್ರೆಯಲ್ಲಿ ಸಾವ೯ಜನಿಕರಿಂದ ಸಂಗ್ರಹಿಸಿದ ಜಾತ...
Post a Comment
Read more