4258.ಇದು_ವಿಶೇಷ_ಕುಂಕುಮ ಮದುರೈ_ಮೀನಾಕ್ಷಿ_ಅಮ್ಮ-ಕೇದಿಗೆ_ಕುಂಕುಮ.

ಇದು_ವಿಶೇಷ_ಕುಂಕುಮ

ಮದುರೈ_ಮೀನಾಕ್ಷಿ_ಅಮ್ಮ

ಕೇದಿಗೆ_ಕುಂಕುಮ.

ಮದುರೈ ಮೀನಾಕ್ಷಿ ದೇವಿ ಪೂಜೆಗೆ ಬಳಸುವ ನೈಸರ್ಗಿಕ ಕೇದಿಗೆ ಹೂವಿನ ತಾಳಂಪೂ ಕುಂಕುಮದ ಬಗ್ಗೆ ಮಾಹಿತಿಯ ಈ ಲೇಖನ ಓದಿ.

ಮದುರೈ ಮೀನಾಕ್ಷಿ ದೇವರ ತಾಳಂಪೂ ಕುಂಕುಮವು ಯಾವುದೇ ಒಬ್ಬ ನಿರ್ದಿಷ್ಟ ವ್ಯಕ್ತಿಯ ಏಕಸ್ವಾಮ್ಯದ  ಆವಿಷ್ಕಾರವಲ್ಲ ಇದು ರಾಜ ತಿರು ಮಲೈ ನಾಯಕರ ಕಾಲದಿಂದ ಸುಮಾರು 400 ವರ್ಷಗಳ ಹಿಂದೆ ಮದುರೈನ ದೇವಾಲಯ ಸಂಸ್ಕೃತಿಯ ಭಾಗವಾಗಿ, ಸ್ಥಳೀಯ ಗಿಡಮೂಲಿಕೆ ತಜ್ಞರ ಮೂಲಕ ರೂಪುಗೊಂಡು ಪರಂಪರೆಯಾಗಿ ಉಳಿದುಕೊಂಡು ಬಂದಿದೆ.

  ಈಗ ಎಲ್ಲಾ ದೇವಾಲಯಗಳಲ್ಲಿ ರಾಸಾಯನಿಕ ಕುಂಕುಮ ಬಳಕೆ ಹೆಚ್ಚಾಗಿದೆ ಆದ್ದರಿಂದ ಹಣೆಗೆ ಕುಂಕುಮ ಪ್ರಸಾದ ಬಳಸುವವರೂ ಕಡಿಮೆ ಆಗುತ್ತಿದ್ದಾರೆ.

   ತಮಿಳುನಾಡಿನ ಮದುರೈ ಮೀನಾಕ್ಷಿ ದೇವರ ಪೂಜೆಗೆ ಬಳಸುವ ಕುಂಕುಮ ಪ್ರಾಚೀನ ಕಾಲದಿಂದಲೂ ನೈಸರ್ಗಿಕವಾಗಿ ತಯಾರಿಸುವ ಕುಂಕುಮ ಮಾತ್ರ ಬಳಸುತ್ತಾರೆ.

   ಅದರಲ್ಲೂ ಈ ಕುಂಕುಮಕ್ಕೆ #ಕೇದಿಗೆ ಹೂವಿನ ಸಾರ ಬಳಸುತ್ತಾರೆ ಅದರಿಂದ ಈ ಕುಂಕುಮಕ್ಕೆ ವಿಶೇಷ ಪರಿಮಳ ಇದೆ.

   ದೇಶ ವಿದೇಶದಲ್ಲಿ ನೆಲೆಸಿದ ಭಾರತೀಯರು ಮದುರೈ ಮೀನಾಕ್ಷಿ ದೇವರ ತಾಳಂಪೂ ಕುಂಕುಮ ತರಿಸಿಕೊಳ್ಳುತ್ತಾರೆ ನೀವು ಮದುರೈ ಮೀನಾಕ್ಷಿ ದೇವರ ದರ್ಶನಕ್ಕೆ ಹೋದಾಗ ತಪ್ಪದೇ ಈ ಕುಂಕುಮ ಖರೀದಿಸಿ ಬಳಸಿ ನೋಡಿ.

    ನಮ್ಮ ರಾಜ್ಯದ ದೇವಾಲಯಗಳು ರಾಸಾಯನಿಕ ಕುಂಕುಮದ ಬಳಕೆ ನಿಷೇದ ಮಾಡಲು ಮುಂದಾಗಬೇಕು.

ಮಧುರೈ ಮೀನಾಕ್ಷಿ ಅಮ್ಮನವರ ಸನ್ನಿಧಿಯಲ್ಲಿ ಬಳಸುವ ಮತ್ತು ಭಕ್ತರಿಗೆ ಪ್ರಸಾದವಾಗಿ ನೀಡುವ ಕುಂಕುಮಕ್ಕೆ ತನ್ನದೇ ಆದ ವೈಶಿಷ್ಟ್ಯ ಮತ್ತು ದೈವಿಕ ಪ್ರಾಮುಖ್ಯತೆಯಿದೆ. 

ಇದು ಸಾಮಾನ್ಯ ರಾಸಾಯನಿಕಯುಕ್ತ ಕುಂಕುಮಗಳಂತಿರದೆ, ಸಾಂಪ್ರದಾಯಿಕ ಆಯುರ್ವೇದ ಪದ್ಧತಿಯಂತೆ ತಯಾರಾಗುವ ಶುದ್ಧ ನೈಸರ್ಗಿಕ ಕುಂಕುಮ.

​ತಯಾರಿಕೆಯ ವಿಧಾನ ...

  ​#ಶುದ್ಧ_ಅರಶಿಣ, ಉತ್ತಮ ಗುಣಮಟ್ಟದ ನಾಟಿ ಅರಶಿಣದ ಕೊಂಬುಗಳನ್ನು ಒಣಗಿಸಿ ಪುಡಿಮಾಡಿ ಮೂಲ ವಸ್ತುವಾಗಿ ಬಳಸುತ್ತಾರೆ.

  ​ ಅರಶಿಣಕ್ಕೆ ನಿರ್ದಿಷ್ಟ ಪ್ರಮಾಣದ ಶುದ್ಧ ಸುಣ್ಣ (ವೀಳ್ಯದೆಲೆಗೆ ಬಳಸುವಂಥದ್ದು) ಹಾಗೂ ನಿಂಬೆಹಣ್ಣಿನ ರಸ ಅಥವಾ ದಾಳಿಂಬೆ ಸಿಪ್ಪೆಯ ಕಷಾಯವನ್ನು ಬೆರೆಸಿ ಸಾಂಪ್ರದಾಯಿಕ ವಿಧಾನದಲ್ಲಿ ನೈಸರ್ಗಿಕ ಕೆಂಪು/ಕಡು ಕೆಂಪು ಬಣ್ಣ ತರಲಾಗುತ್ತದೆ.

​ ಕುಂಕುಮದ ವಿಶೇಷ ಸುವಾಸನೆಗಾಗಿ ಇದಕ್ಕೆ ಕೇದಿಗೆ,ಕಸ್ತೂರಿ, ಜವ್ವಾದಿ, ಪಚ್ಚಕರ್ಪೂರ, ಕೇಸರಿ ಮತ್ತು ಶುದ್ಧ ಗಂಧದ ಪುಡಿ ಹಾಗೂ ಗಂಧದ ಎಣ್ಣೆಯನ್ನು ಹದವಾಗಿ ಬೆರೆಸಲಾಗುತ್ತದೆ.

  ಮಧುರೈ ಮೀನಾಕ್ಷಿ ಅಮ್ಮನವರ ಸನ್ನಿಧಿಯ ಈ ವಿಶಿಷ್ಟ ಕುಂಕುಮವನ್ನು ಮುಖ್ಯವಾಗಿ 'ತಾಳಂಪೂ ಕುಂಕುಮ' / ಕೇದಿಗೆ ಕುಂಕುಮ ಎಂದು ಕರೆಯುತ್ತಾರೆ.

 ​ ಈ ಕುಂಕುಮಕ್ಕೆ ​ತಾಳಂಪೂ ಕುಂಕುಮ ಎಂದು ಈ ಹೆಸರು ಬರಲು ಕಾರಣ ತಮಿಳಿನಲ್ಲಿ '#ತಾಳಂಪೂ' ಎಂದರೆ ಕೇದಿಗೆ ಹೂವು. 

 ಈ ಕುಂಕುಮ ತಯಾರಿಕೆಯಲ್ಲಿ ಅರಶಿಣದ ಜೊತೆಗೆ ನೈಸರ್ಗಿಕ ಕೇದಿಗೆ ಹೂವಿನ ಸಾರ ಅಥವಾ ತೈಲವನ್ನು ಪ್ರಮುಖ ಸುಗಂಧವಾಗಿ ಬೆರೆಸುವುದರಿಂದ ಇದಕ್ಕೆ ಈ ಹೆಸರು ಬಂದಿದೆ.

​ಮದುರೈ ಮೀನಾಕ್ಷಿ ಅಮ್ಮನ್ ಪ್ರಸಾದ ಕುಂಕುಮವು ದೇವಾಲಯದ ಆವರಣ ಮತ್ತು ಮದುರೈನ ಪುದು ಮಂಟಪದ ಸಾಂಪ್ರದಾಯಿಕ ಮಳಿಗೆಗಳಲ್ಲಿ ಇದು ಸಾಮಾನ್ಯವಾಗಿ 'ಮೀನಾಕ್ಷಿ ಅಮ್ಮನ್ ತಿರುನೀರು-ಕುಂಕುಮಂ' ಅಥವಾ 'ಮದುರೈ ಸ್ಪೆಷಲ್ ಪ್ರಸಾದ ಕುಂಕುಮ' ಎಂದೇ ಚಿರಪರಿಚಿತ.

  ಜವ್ವಾದಿ, ಕೇಸರಿ, ಪಚ್ಚಕರ್ಪೂರ ಮತ್ತು ಕೇದಿಗೆಯ ಸುವಾಸನೆ ಇರುವುದರಿಂದ ಸ್ಥಳೀಯ ವ್ಯಾಪಾರಿಗಳು ಇದನ್ನು 'ಪರಿಮಳ ಕುಂಕುಮ' ಎಂದೂ ಕರೆಯುತ್ತಾರೆ.

 ​ಇದು ಅತಿಯಾದ ಗಾಢ ಕೆಂಪಾಗಿರದೆ (ಕೆಮಿಕಲ್ ಕೆಂಪು ಅಲ್ಲ), ನೈಸರ್ಗಿಕವಾದ ಕಡುಗೆಂಪು ಅಥವಾ ಮರೂನ್ ಛಾಯೆಯನ್ನು ಹೊಂದಿರುತ್ತದೆ.

​ಮುಟ್ಟಿದಾಗ ನುಣುಪಾಗಿದ್ದು, ಹಣೆಗೆ ಇಟ್ಟಾಗ ಆಹ್ಲಾದಕರ ತಂಪು ಮತ್ತು ದೀರ್ಘಕಾಲ ಉಳಿಯುವ ದೈವಿಕ ಸುಗಂಧವನ್ನು ನೀಡುತ್ತದೆ.

 ಚರ್ಮಕ್ಕೆ ಯಾವುದೇ ರೀತಿಯ ಉರಿ ಅಥವಾ ಅಲರ್ಜಿ ಉಂಟುಮಾಡುವುದಿಲ್ಲ.

 ಮೀನಾಕ್ಷಿ ದೇವಿಯು ಸಾಕ್ಷಾತ್ ರಾಜರಾಜೇಶ್ವರಿ, ಲಲಿತಾ ಪರಮೇಶ್ವರಿಯ ಸ್ವರೂಪ, ದೇವಿಯ ಶ್ರೀಚಕ್ರ ಹಾಗೂ ಮೂಲ ಮೂರ್ತಿಗೆ ನಿತ್ಯವೂ ಅರ್ಚನೆಯಾಗುವ ಈ ಕುಂಕುಮ ಮಂಗಳಕರತೆ ಮತ್ತು ಸೌಭಾಗ್ಯದ ಪ್ರತೀಕ.

​ ಹುಬ್ಬುಗಳ ಮಧ್ಯಭಾಗದಲ್ಲಿ (ಆಜ್ಞಾ ಚಕ್ರ) ನೈಸರ್ಗಿಕ ಸುಗಂಧಭರಿತ ಈ ಕುಂಕುಮವನ್ನು ಧಾರಣೆ ಮಾಡುವುದರಿಂದ ಮನಸ್ಸಿನ ಏಕಾಗ್ರತೆ, ಶಾಂತಿ ಮತ್ತು ಸಕಾರಾತ್ಮಕ ಶಕ್ತಿ ವೃದ್ಧಿಯಾಗುತ್ತದೆ ಎಂಬ ನಂಬಿಕೆಯಿದೆ.

​ದೇವಾಲಯದ ಆವರಣದಲ್ಲಿ ಹಾಗೂ ಮದುರೈನ ಪುರಾತನ ಅಂಗಡಿಗಳಲ್ಲಿ (ವಿಶೇಷವಾಗಿ 'ಪುದು ಮಂಟಪ'ದ ಸಾಂಪ್ರದಾಯಿಕ ಅಂಗಡಿಗಳಲ್ಲಿ) ಈ ಸಾಂಪ್ರದಾಯಿಕ ತಾಯಿಯ ಪ್ರಸಾದದ ಕುಂಕುಮ ಲಭ್ಯವಿರುತ್ತದೆ.

   ತಾಳಂಪೂ ಕುಂಕುಮ #ಕೇದಿಗೆ_ಸುವಾಸನೆಯ ಸಾಂಪ್ರದಾಯಿಕ ಕುಂಕುಮದ ಮೂಲವು ಪ್ರಾಚೀನ ದೇವಾಲಯ ಪರಂಪರೆ ಮತ್ತು ಆಗಮಶಾಸ್ತ್ರದ ಆಚರಣೆಗಳಲ್ಲಿ ಬೇರೂರಿದೆ ಆದ್ದರಿಂದ ಇಂತಹ ನಿರ್ದಿಷ್ಟ ವ್ಯಕ್ತಿಯೇ ಮೊದಲ ಬಾರಿಗೆ ಇದನ್ನು ಆವಿಷ್ಕರಿಸಿದರು ಎಂಬ ಲಿಖಿತ ಇತಿಹಾಸ ದಾಖಲಾಗಿಲ್ಲ.

   ಇದು ಶತಮಾನಗಳಿಂದ ದೇವಾಲಯದ ಪರಿಚಾರಕರು ಹಾಗೂ ಸಾಂಪ್ರದಾಯಿಕ ವೈದ್ಯ-ಸುಗಂಧ ತಜ್ಞರ (ಗಾಂಧಿಕರು) ವಂಶಪಾರಂಪರ್ಯ ಜ್ಞಾನವಾಗಿ ಬೆಳೆದುಬಂದಿದೆ.

 ​ಮದುರೈ ಮೀನಾಕ್ಷಿ ದೇವಾಲಯದ ಇಂದಿನ ಬೃಹತ್ ರಚನೆ, 'ಪುದು ಮಂಟಪ' ನಿರ್ಮಾಣ ಹಾಗೂ ದೈನಂದಿನ ಪೂಜಾ ಕೈಂಕರ್ಯಗಳ ವಿಸ್ತರಣೆ ನಡೆದದ್ದು ಮುಖ್ಯವಾಗಿ #ತಿರುಮಲೈ_ನಾಯಕರ ಕ್ರಿ.ಶ. 1523-1659ರ ಕಾಲದ ಆಳ್ವಿಕೆಯಲ್ಲಿ.

  ​ದೇವಾಲಯದಲ್ಲಿ ದೇವಿಗೆ ಕೇದಿಗೆ ಹೂವು, ಜವ್ವಾದಿ ಮತ್ತು ಪಚ್ಚಕರ್ಪೂರ ಬೆರೆಸಿ ನೈವೇದ್ಯ-ಅರ್ಚನೆ ಮಾಡುವ ಪದ್ಧತಿ ನಾಯಕರ ಕಾಲದಲ್ಲೇ ಕಟ್ಟುನಿಟ್ಟಾದ ವ್ಯವಸ್ಥಿತ ಸ್ವರೂಪ ಪಡೆಯಿತು. 

 ಆ ಕಾಲದಲ್ಲೇ ದೇವಾಲಯದ ಆವರಣದ ಕುಶಲಕರ್ಮಿಗಳು ಮತ್ತು ಗಿಡಮೂಲಿಕೆ ತಜ್ಞರು ದೇವಿಯ ಪೂಜೆಗಾಗಿ ಈ ನೈಸರ್ಗಿಕ ಸುಗಂಧ ಕುಂಕುಮವನ್ನು ರೂಪಿಸಿದರು.

 ​ಮದುರೈನ ಪುದು ಮಂಟಪ ಹಾಗೂ ಮೀನಾಕ್ಷಿ ಅಮ್ಮನವರ ದೇವಸ್ಥಾನದ ನಾಲ್ಕೂ ಗೋಪುರಗಳ ಬೀದಿಗಳಲ್ಲಿ ತಲೆಮಾರುಗಳಿಂದ ನೆಲೆಸಿರುವ ಸಾಂಪ್ರದಾಯಿಕ ಆಯುರ್ವೇದ-ನಾಟಿ ವೈದ್ಯ ಕುಟುಂಬಗಳಾದ ಚೆಟ್ಟಿಯಾರ್ ಮತ್ತು ಆಚಾರ್ಯ ಮನೆತನಗಳು ಇದನ್ನು ಕೈಯಿಂದಲೇ ತಯಾರಿಸುವ ಕಾಯಕವನ್ನು ಆರಂಭಿಸಿದವು.

​19ನೇ ಶತಮಾನದ ಉತ್ತರಾರ್ಧ ಮತ್ತು 20ನೇ ಶತಮಾನದ ಆರಂಭದಲ್ಲಿ ದೇವಾಲಯದ ಹೊರಗೆ ಈ ಕುಂಕುಮವನ್ನು ವ್ಯವಸ್ಥಿತವಾಗಿ ಸಣ್ಣ ಗೃಹ ಕೈಗಾರಿಕೆಯಂತೆ ತಯಾರಿಸಿ ಭಕ್ತರಿಗೆ ಒದಗಿಸುವ ಪದ್ಧತಿಯನ್ನು ಪುದು ಮಂಟಪದ ಅಂಗಡಿಕಾರರು ವಿಸ್ತರಿಸಿದರು.

#madurai #meenakshitemple #kunkum #kedige #suganda #talampukunkum