Skip to main content

4251.ನವರಾತ್ರಿ_ಕೇವಲ_ಹಬ್ಬವಲ್ಲ. ಒಳಮನಸ್ಸಿನ_ಕತ್ತಲೆಯನ್ನುಗೆಲ್ಲುವ_ಒಂಬತ್ತು_ರಾತ್ರಿಗಳಮಹಾಪಯಣ!..

ನವರಾತ್ರಿ_ಕೇವಲ_ಹಬ್ಬವಲ್ಲ. ಒಳಮನಸ್ಸಿನ_ಕತ್ತಲೆಯನ್ನು
ಗೆಲ್ಲುವ_ಒಂಬತ್ತು_ರಾತ್ರಿಗಳ
ಮಹಾಪಯಣ!..

 ಮೈಸೂರು ದಸರಾ ದೇಶ ವಿದೇಶಗಳಲ್ಲಿ ಪ್ರಸಿದ್ಧಿ ಪಡೆದಿದೆ.

  ​ಶರತ್ಕಾಲದ ತಂಗಾಳಿ ಬೀಸತೊಡಗುತ್ತಿದ್ದಂತೆ ಪ್ರಕೃತಿಯಲ್ಲೂ, ಮನಸ್ಸಿನಲ್ಲೂ ಒಂದು ಹೊಸ ಸಂಭ್ರಮ ಗರಿಗೆದರುತ್ತದೆ. 

 ಭಾರತೀಯ ಸಂಸ್ಕೃತಿಯಲ್ಲಿ ‘ನವರಾತ್ರಿ’ ಕೇವಲ ಆಚರಣೆಯಲ್ಲ ಅದು ಶಕ್ತಿ, ಭಕ್ತಿ, ಸಂಯಮ ಮತ್ತು ಅಂತರಂಗದ ಶುದ್ಧೀಕರಣದ ಮಹಾಪರ್ವ.

​ಒಂಬತ್ತು ರಾತ್ರಿಗಳು ಹಾಗೂ ಹತ್ತನೆಯ ದಿನದ ‘ವಿಜಯದಶಮಿ’ಯ ಆಳವಾದ ಸಾಂಕೇತಿಕತೆ, ತತ್ವ ಮತ್ತು ವೈಶಿಷ್ಟ್ಯಗಳ ಕುರಿತು ಇಲ್ಲಿದೆ ಒಂದು ವಿಶೇಷ ನೋಟ.

​#ನವ_ರಾತ್ರಿ_ಎಂದರೇನು?..   
#ರಾತ್ರಿಯ_ಆರಾಧನೆ_ಏಕೆ?..

​ನಮ್ಮ ಹಬ್ಬಗಳಲ್ಲಿ ಹಗಲನ್ನು ಆಚರಿಸುವುದು ಸಾಮಾನ್ಯ ಆದರೆ ನವರಾತ್ರಿಯಲ್ಲಿ ‘ರಾತ್ರಿ’ಗಳಿಗೆ ವಿಶೇಷ ಮಹತ್ವವಿದೆ.

​ರಾತ್ರಿ ವಿಶ್ರಾಂತಿ, ನವೀಕರಣ ಮತ್ತು ಅಂತರಂಗದ ಅವಲೋಕನದ ಸಮಯ.

​ಪ್ರಕೃತಿಯಲ್ಲಿ ಬೀಜ ಮಣ್ಣಿನ ಕತ್ತಲೆಯಲ್ಲಿ ಹುದುಗಿದಾಗ ಮಾತ್ರ ಮೊಳಕೆಯೊಡೆಯುವಂತೆ, ಜೀವಿಯು ತನ್ನೊಳಗಿನ ಅಜ್ಞಾನವೆಂಬ ಕತ್ತಲೆಯನ್ನು ಕಳೆದು ಹೊಸ ಬೆಳಕಿನತ್ತ ಹೆಜ್ಜೆಯಿಡುವ ಸಂಕೇತವೇ ಈ ಒಂಬತ್ತು ರಾತ್ರಿಗಳ ಸಾಧನೆ.
 #ಮೂರು_ಶಕ್ತಿಗಳ_ತ್ರಿವೇಣಿ_ಸಂಗಮ.
 ​ನವರಾತ್ರಿಯ ಒಂಬತ್ತು ದಿನಗಳನ್ನು ತಲಾ ಮೂರು ದಿನಗಳಂತೆ ವಿಭಾಗಿಸಿ ಮೂರು ಮೂಲಭೂತ ಶಕ್ತಿಗಳನ್ನು ಆರಾಧಿಸಲಾಗುತ್ತದೆ.

#ಮೊದಲ_3_ದಿನಗಳು #ಮಹಾಕಾಳಿ (ದುರ್ಗೆ). #ತಮೋಗುಣನಾಶ.
 ನಮ್ಮಲ್ಲಿರುವ ಆಲಸ್ಯ, ಕೋಪ, ಅಹಂಕಾರ ಮತ್ತು ನಕಾರಾತ್ಮಕ ಭಾವನೆಗಳನ್ನು ಕಿತ್ತೊಗೆಯುವ ಶುದ್ಧೀಕರಣದ ಹಂತ.

#ನಡುವಿನ_3_ದಿನಗಳು_ಮಹಾಲಕ್ಷ್ಮಿ.
#ರಜೋಗುಣ_ಪರಿವರ್ತನೆ.   
  ಕೇವಲ ಹಣ-ಆಸ್ತಿಯಷ್ಟೇ ಅಲ್ಲ ಸದ್ಗುಣ, ಶಾಂತಿ, ಪ್ರೀತಿ ಮತ್ತು ಸಕಾರಾತ್ಮಕ ಶಕ್ತಿಯ ಸಮೃದ್ಧಿಯನ್ನು ತುಂಬಿಕೊಳ್ಳುವ ಹಂತ.

#ಕೊನೆಯ_3_ದಿನಗಳು_ಮಹಾಸರಸ್ವತಿ.
#ಸತ್ತ್ವಗುಣ_ಜಾಗೃತಿ. 
  ಸತ್ಯ, ವಿವೇಕ, ಜ್ಞಾನ ಮತ್ತು ಆತ್ಮಸಾಕ್ಷಾತ್ಕಾರದ ಬೆಳಕನ್ನು ಪಡೆಯುವ ಹಂತ.

​ದುರ್ಗೆಯಿಂದ ಕಲ್ಮಷ ಕಳೆದು, ಲಕ್ಷ್ಮಿಯಿಂದ ಸದ್ಗುಣ ತುಂಬಿ, ಸರಸ್ವತಿಯಿಂದ ಜ್ಞಾನ ಪಡೆದಾಗಷ್ಟೇ ಮನುಷ್ಯ ಪರಿಪೂರ್ಣನಾಗುತ್ತಾನೆ ಎಂಬ ಅದ್ಭುತ ಜೀವನ ಮೌಲ್ಯ ಇಲ್ಲಿದೆ.

​ ನವದುರ್ಗೆಯರು ಮತ್ತು ಪ್ರಕೃತಿಯ ವಿಕಾಸ.
​ಪ್ರತಿ ದಿನವೂ ದೇವಿಯ ಒಂದೊಂದು ರೂಪದ ಆರಾಧನೆ ನಡೆಯುತ್ತದೆ.

#ಶೈಲಪುತ್ರಿ 
 ದೃಢ ಸಂಕಲ್ಪದ ಪ್ರತೀಕ.

#ಬ್ರಹ್ಮಚಾರಿಣಿ 
ತಪಸ್ಸು ಮತ್ತು ನಿಷ್ಠೆಯ ಸಂಕೇತ.

#ಚಂದ್ರಘಂಟಾ
 ಶಾಂತಿ ಮತ್ತು ಶೌರ್ಯದ ಸಮತೋಲನ.

#ಕೂಷ್ಮಾಂಡಾ .
ಸೃಷ್ಟಿಯ ಉಗಮ ಮತ್ತು ಶಕ್ತಿ.

#ಸ್ಕಂದಮಾತಾ.
 ವಾತ್ಸಲ್ಯ ಮತ್ತು ರಕ್ಷಣಾ ಶಕ್ತಿ.

#ಕಾತ್ಯಾಯನಿ .
ಅನ್ಯಾಯವನ್ನು ಎದುರಿಸುವ ಧೈರ್ಯ.

#ಕಾಳರಾತ್ರಿ.
 ಅಜ್ಞಾನ ಹಾಗೂ ಭಯದ ಸಂಹಾರ.

#ಮಹಾಗೌರಿ.
 ಶಾಂತಿ, ಪಾವಿತ್ರ್ಯ ಮತ್ತು ಕರುಣೆ.

#ಸಿದ್ಧಿಧಾತ್ರಿ.
ಪರಿಪೂರ್ಣತೆ ಮತ್ತು ಸಿದ್ಧಿ.

​#ವಿಜಯದಶಮಿ.
ಅಂತಿಮ ವಿಜಯ.

#ಹತ್ತನೆಯ_ದಿನ ‘ವಿಜಯದಶಮಿ’, ಮಹಿಷಾಸುರನನ್ನು ದುರ್ಗೆ ಸಂಹರಿಸಿದ, ಶ್ರೀರಾಮನು ರಾವಣನನ್ನು ಗೆದ್ದ ಪುಣ್ಯದಿನ.

 ಹೊರಗಿನ ಅಸುರರು ಇತಿಹಾಸದ ಕತೆಯಾದರೆ, ನಮ್ಮೊಳಗಿನ ಕಾಮ, ಕ್ರೋಧ, ಮದ, ಮತ್ಸರಗಳೆಂಬ ‘ಮಹಿಷಾಸುರ ಪ್ರವೃತ್ತಿ’ಯನ್ನು ಕೊಲ್ಲುವುದೇ ಈ ದಿನದ ನಿಜವಾದ ಸಂದೇಶ.

 ​ಕರ್ನಾಟಕದಲ್ಲಿ ಮೈಸೂರು ದಸರಾದ ವೈಭವ, ಬನ್ನಿ ಮುಡಿಯುವ ಸೌಹಾರ್ದತೆ, ಆಯುಧ ಪೂಜೆ ಹಾಗೂ ಪುಸ್ತಕ ಪೂಜೆಯ ಮೂಲಕ ಕರ್ಮ ಮತ್ತು ವಿದ್ಯೆಗೆ ಗೌರವ ಸಲ್ಲಿಸುವ ಪರಂಪರೆ ಜಗತ್ತಿಗೇ ಮಾದರಿ.

ನವರಾತ್ರಿ ಕೇವಲ ಗೊಂಬೆ ಕೂರಿಸುವುದಕ್ಕೋ, ಉಪವಾಸ ಮಾಡುವುದಕ್ಕೋ ಸೀಮಿತವಲ್ಲ.

 ನಮ್ಮೊಳಗಿರುವ ಕತ್ತಲೆಯನ್ನು ಕಳೆದು, ವಿವೇಕದ ಹಣತೆ ಹಚ್ಚಿ, ನವಚೈತನ್ಯದೊಂದಿಗೆ ಬದುಕನ್ನು ಎದುರಿಸುವ ಸಂಕಲ್ಪವಿದು.

​ನಿಮಗೂ ಹಾಗೂ ನಿಮ್ಮ ಕುಟುಂಬಕ್ಕೂ ನವರಾತ್ರಿ ಹಾಗೂ ವಿಜಯದಶಮಿ ಹಬ್ಬದ ಹಾರ್ದಿಕ ಶುಭಾಶಯಗಳು.

​#Navaratri #Dussehra #Vijayadashami #IndianCulture #MysoreDasara #Shakti #Devi #ಕನ್ನಡ #ನವರಾತ್ರಿ
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
1 comment
Read more

ರಿಪ್ಪನ್ ಪೇಟೆ ( ಶಿವಮೊಗ್ಗ ಜಿಲ್ಲೆ) ಹೆಸರು ಬಂದಿದ್ದಾದರು ಹೇಗೆ?

#  ರಿಪ್ಪನ್ ಪೇಟೆ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲ್ಲೂಕಿನ ಪ್ರಮುಖ ಹೋಬಳಿ ಕೇಂದ್ರ ಈ ಆಂಗ್ಲ ಅಧಿಕಾರಿಯ ಹೆಸರು ಇಡಲು ಕಾರಣವಾದ ಘಟನೆ ತುಂಬಾ ಕುತೂಹಲಕಾರಿ# ಸ್ವಲ್ಪ ಕಾಲ ನೀವು ಈ ಲೇಖನ ಓದಿದರೆ ಕಾರಣ ಗೊತ್ತಾಗುತ್ತೆ.    ಆಗ ಬ್ರಿಟಿಷ್ ಸಕಾ೯ರರಕ್ಕೆ ಆಡಳಿತ ಸುಗುಮಕ್ಕೆ ರೈಲು ಮಾಗ೯ ಅತ್ಯಗತ್ಯ ಎಂಬ ಸಕಾರಣ ಮನವರಿಕೆ ಆದ ಕಾಲ ಏಕೆಂದರೆ ಬ್ರಿಟಿಷರು ಅಮೆರಿಕಾ ವಲಸೆಯಲ್ಲಿ ಇದನ್ನ ಮನಗOಡಿದ್ದರು, ಬೆಂಗಳೂಳಿ ರಿಂದ ಶಿವಮೊಗ್ಗ ತಲುಪುವ ರೈಲು ಮಾಗ೯ ತಾಳಗುಪ್ಪಾ ತಲುಪಿದರೆ ಜೋಗ ಜಲಪಾತ ವೀಕ್ಷಣೆಗೆ ಅನುಕೂಲ ಎಂಬುದು ಹಾಗೆ ಮತ್ತೊಂದು ಮ್ಯಸೂರು ಸಕಾ೯ರ ಶರಾವತಿ ನದಿಗೆ ಆಣೆಕಟ್ಟು ಕಟ್ಟಿ.ಜಲ ವಿದ್ಯುತ್ ತಯಾರಿಸಲು ಸಾಮಗ್ರಿ ಸಾಗಾಣಿಕೆಗೆ ಅನುಕೂಲ ಎಂಬ ಕಾರಣದಿಂದ ಶಿವಮೊಗ್ಗದಿಂದ ತಾಳಗುಪ್ಪ ರೈಲು ಮಾಗ೯ ಯೋಜನೆ ಮಾಡಲಾಯಿತು.    ಆಗ ಪ್ಲೇಗ್ ಮಾರಿಯ ಕಾಲ, ಎಲ್ಲೆಲ್ಲೂ ಜನ ಸಾಯುತ್ತಿದ್ದರು ಆಗಲೇ ಈ ರೈಲು ಮಾಗ೯ ಶಿವಮೊಗ್ಗ ಆರಸಾಳಿOದ ದೊಡ್ಡಿನ ಕೊಪ್ಪ (ಈಗಿನ ರಿಪ್ಪನ್ ಪೇಟೆ) ಆನಂದಪುರಂ ಮಾಗ೯ ನಿಗದಿ ಆಗಿತ್ತು ಆದರೆ ಈ ಭಾಗದಲ್ಲಿ ಒಂದು  ವದಂತಿ ಈ ಬಾಗದಲ್ಲಿ ಹರಡಿತ್ತು ಅದೇನೆಂದರೆ ರೈಲು ಬಂದರೆ ಪ್ಲೇ ಗು ಬರುತ್ತೆ  ಅಂತ.    ಹಾಗಾಗಿ ಈ ಭಾಗದಲ್ಲಿನ ಜಾಗೃತ ಜನ ನಾಯಕರುಗಳು ಹೇಗಾದರು ಮಾಡಿ ರೈಲು ಬರದಂತೆ ಮಾಡಲು ಎಲ್ಲಾ ರೀತಿಯ ಪ್ರಯತ್ನ ಮಾಡಲು ಪ್ರಾರಂಭಿಸಿದರು.     ಇದೇ ಸಂದಭ೯ದಲ್ಲ...
5 comments
Read more

HISTORICAL SAGAR MARIKAMBA JATRA.ಐತಿಹಾಸಿಕ ಸಾಗರದ ಮಾರಿಕಾಂಬಾ ಜಾತ್ರೆ

     ಸಾಗರದ ಮಾರಿಕಾಂಬಾ ಜಾತ್ರೆ ಐತಿಹಾಸಿಕ ಚರಿತ್ರೆಯಲ್ಲಿ ದಾಖಲೆ.        ಕನಾ೯ಟಕ ರಾಜ್ಯದಲ್ಲಿ ಎರೆಡು ಮಾರಿಕಾಂಬಾ ಜಾತ್ರೆಗಳು ಪ್ರಸಿದ್ಧಿ ಪಡೆದಿದೆ ಅದು ಉತ್ತರ ಕನ್ನಡ ಜಿಲ್ಲೆಯ ಸಿಸಿ೯ಯದ್ದು ಮತ್ತು ಶಿವಮೊಗ್ಗ ಜಿಲ್ಲೆಯ ಸಾಗರದ್ದು.    ಪ್ರತಿ ಮೂರು ವಷ೯ಕೆ ಈ ಜಾತ್ರೆ ಆಚರಿಸಲಾಗುತ್ತೆ ಶೂದ್ರ ವಗ೯ದವರು ಭಯ ಮತ್ತು ಭಕ್ತಿಯಿಂದ ಕುರಿ ಕೋಳಿ ಬಲಿ ನೀಡುವ ಪರಂಪರೆ ಇದೆ.ಮಂಗಳವಾರ ಮೇಲು ಜಾತಿಯ ಜನರ ಪೂಜೆ ದೇವಿಯ ತವರು ಮನೆಯಲ್ಲಿ ನಡೆಯುತ್ತದೆ ನಂತರ ರಾತ್ರಿ ಗಂಡನ ಸೇರುವ ಮಾರಿಗೆ ಶೂದ್ರರ ಪೂಜೆ, ಬಲಿ ಮೀಸಲು.    ಮೊದಲೆಲ್ಲ ಮಾರಿಯಮ್ಮನಿಗೆ ಕೊಣನ ಬಲಿ ನೀಡುತ್ತಿದ್ದರು ಈಗ ಇದು ಕಾನೂನು ಪ್ರಕಾರ ನಿಷಿದ್ಧ ಆದರೆ ಈ ಆಚಾರಣೆ ಗುಪ್ತವಾಗಿ ಬೇರೆ ಕಡೆ ನಡೆಸಲಾಗುತ್ತೆ ಅನ್ನುತ್ತಾರೆ.    ಸಾಗರದ ಮಾರಿಕಾ0ಬಾ ಜಾತ್ರೆ ಜಾತ್ರೆಯಿ೦ದ ಜಾತ್ರೆಗೆ ಅದೂರಿಯಾಗಿ ನಡೆಯುತ್ತದೆ, ಕೋಟ್ಯಾoತರ ಹಣದ ವಹಿವಾಟು ಕೂಡ, ಮೊದಲೆಲ್ಲ ಹಣದ ಅಪರಾ ತಪರ ಆಗುತ್ತಿದೆ ಎಂಬ ಗುಲ್ಲು ಇತ್ತು ಆದರೆ ಈಗೆಲ್ಲ ಪಾರದಶ೯ಕವಾಗಿದೆ ಆದರೂ ಈ ಬಾರಿಯ 2017ರ ಜಾತ್ರೆಯಲ್ಲಿ ಅವ್ಯವಹಾರದ ಆರೋಪ ಮಾಡಲಾಗಿದೆ ಈ ವಿಚಾರ ಇಲ್ಲಿ ಅಪ್ರಸ್ತುತ ಆದರೂ ಈ ಬಗ್ಗೆ ಬರೆಯಲು ಕಾರಣ ಕೆಳದಿ ಅರಸರ ಕಾಲದಲ್ಲಿ ಅಂದರೆ 350 ವಷ೯ದ ಹಿಂದೆಯೂ ರಾಜರಿಗೆ ಸಾಗರದ ಮಾರಿಕಾಂಬಾ ಜಾತ್ರೆಯಲ್ಲಿ ಸಾವ೯ಜನಿಕರಿಂದ ಸಂಗ್ರಹಿಸಿದ ಜಾತ...
Post a Comment
Read more