Skip to main content

4246.ವೈದ್ಯರು_NMC_ನಿಯಮಾವಳಿ_ಪ್ರಕಾರ#ಔಷದಿ_ಚೀಟಿಯಲ್ಲಿ_ಜನರಿಕ್_ಹೆಸರನ್ನ#ಸ್ಪಷ್ಟವಾಗಿ_ದೊಡ್ಡ_ಅಕ್ಷರಗಳಲ್ಲಿ_ಓದಲು#ಸುಲಭವಾಗುವಂತೆ_ಬರೆಯಬೇಕು_ಎಂಬ_ನಿರ್ದೇಶನವಿದೆ.

ವೈದ್ಯರು_NMC_ನಿಯಮಾವಳಿ_ಪ್ರಕಾರ
#ಔಷದಿ_ಚೀಟಿಯಲ್ಲಿ_ಜನರಿಕ್_ಹೆಸರನ್ನ
#ಸ್ಪಷ್ಟವಾಗಿ_ದೊಡ್ಡ_ಅಕ್ಷರಗಳಲ್ಲಿ_ಓದಲು
#ಸುಲಭವಾಗುವಂತೆ_ಬರೆಯಬೇಕು_ಎಂಬ_ನಿರ್ದೇಶನವಿದೆ.

  ಪ್ರತಿಯೊಂದು ನರ್ಸಿಂಗ್  ಹೋಂಗಳಲ್ಲಿ ವೈದ್ಯರದ್ದೇ ಔಷಧಿ ಅಂಗಡಿ ಇರುತ್ತದೆ ಅಲ್ಲಿನ ದುಬಾರಿ ಬ್ರಾಂಡಿನ ಔಷಧಿ ಮಾತ್ರ ವೈದ್ಯರು ಬರೆಯುವ ಪದ್ದತಿ ಇದೆ.

  ಕೇವಲ ನೂರು ರೂಪಾಯಿಯಲ್ಲಿ ಸಿಗುವ ಜನರಿಕ್ ಔಷಧಿ ಸರ್ಕಾರ ವ್ಯವಸ್ಥೆಗೊಳಿಸಿದ್ದರೂ ವೈದ್ಯರು ಸಾವಿರ ರೂಪಾಯಿ ವೆಚ್ಚ ಮಾಡಿಸುತ್ತಾರೆ.

  ಜನರಿಕ್ ಔಷದಿ ವಿರುದ್ಧ ಮಾತಾಡುವ ವೈದ್ಯರ ಮತ್ತು ರೋಗಿ ಜನರಿಕ್ ಔಷಧಿ ಬರೆಯಿರಿ ಎಂದು ಒತ್ತಾಯಿಸಿದರೆ ಸಿಡುಕುವ ವೈದ್ಯರ ಹಿಂದಿನ ಉದ್ದೇಶ ಎಲ್ಲರಿಗೂ ತಿಳಿದದ್ದೇ.

  ಆದ್ದರಿಂದಲೇ ಭಾರತದಲ್ಲಿ ರಾಷ್ಟ್ರೀಯ ವೈದ್ಯಕೀಯ ಆಯೋಗ (National Medical Commission - #NMC) ಮತ್ತು ಭಾರತೀಯ ವೈದ್ಯಕೀಯ ಮಂಡಳಿಯ (#MCI) ನಿಯಮಾವಳಿಗಳ ಪ್ರಕಾರ ವೈದ್ಯರು ಪ್ರಿಸ್ಕ್ರಿಪಪ್ಷನ್‌ನಲ್ಲಿ ಜನರಿಕ್ ಹೆಸರುಗಳನ್ನು ಕಡ್ಡಾಯವಾಗಿ ಬರೆಯುವ ನಿಯಮದ ಮಾಡಿದ್ದಾರೆ.

​ ಪ್ರತಿಯೊಬ್ಬ ನೋಂದಾಯಿತ ವೈದ್ಯರು ಪ್ರಿಸ್ಕ್ರಿಪ್ಷನ್ ಬರೆಯುವಾಗ ಔಷಧಿಗಳ ಜನರಿಕ್ ಹೆಸರನ್ನು (Generic Name) ಸ್ಪಷ್ಟವಾಗಿ, ದೊಡ್ಡ ಅಕ್ಷರಗಳಲ್ಲಿ (#Capital_letters) ಮತ್ತು ಓದಲು ಸುಲಭವಾಗುವಂತೆ ಬರೆಯಬೇಕು ಎಂಬ ನಿರ್ದೇಶನವಿದೆ.

 ​NMC ಈ ನಿಯಮವನ್ನು ಉಲ್ಲಂಘಿಸಿದ ವೈದ್ಯರ ಮೇಲೆ ಶಿಸ್ತು ಕ್ರಮ ಕೈಗೊಳ್ಳುವಂತೆ ಕಟ್ಟುನಿಟ್ಟಿನ ನಿಯಮ ಹೊರಡಿಸಿತ್ತಾದರೂ, ವೈದ್ಯರ ಸಂಘಟನೆಗಳು ಉದಾಹರಣೆಗೆ #IMA ವಿರೋಧ ಮತ್ತು ಕೆಲವು ಪ್ರಾಯೋಗಿಕ ತೊಂದರೆಗಳ ಹಿನ್ನೆಲೆಯಲ್ಲಿ ಕಡ್ಡಾಯ ದಂಡನಾ ಕ್ರಮಗಳನ್ನು ತಾತ್ಕಾಲಿಕವಾಗಿ ತಡೆಹಿಡಿದಿತ್ತು.

  ಆದರೂ ವೈದ್ಯರು ಜನರಿಕ್ ಹೆಸರುಗಳನ್ನು ಬಳಸುವಂತೆ ವೈದ್ಯರಿಗೆ ನಿರಂತರ ಸೂಚನೆ ನೀಡಲಾಗುತ್ತಿದೆ.

​ ಸರ್ಕಾರಿ ಆಸ್ಪತ್ರೆಗಳಲ್ಲಿ ಕಾರ್ಯನಿರ್ವಹಿಸುವ ವೈದ್ಯರಿಗೆ  ಜನರಿಕ್ ಹೆಸರುಗಳಲ್ಲೇ ಔಷಧಿ ಬರೆಯುವುದು ಬಹುತೇಕ ಕಡ್ಡಾಯವಾಗಿದೆ.

 ​ಜನರಿಕ್ ಔಷಧಿಗಳನ್ನು ಬರೆಯುವುದರಿಂದ ರೋಗಿಗಳಿಗೆ ಬ್ರಾಂಡೆಡ್ ಔಷಧಿಗಳ ದುಬಾರಿ ವೆಚ್ಚ ತಪ್ಪಿ, ಕಡಿಮೆ ದರದಲ್ಲಿ ಚಿಕಿತ್ಸೆ ಲಭ್ಯವಾಗುತ್ತದೆ.

 ನೋಂದಾಯಿತ ವೈದ್ಯರು ಚೀಟಿಯಲ್ಲಿ ಜನರಿಕ್ ಔಷಧಿ ಬರೆಯಲು ನಿರಾಕರಿಸಿದರೆ, ರೋಗಿ ಅಥವ ಅವರ ಕುಟುಂಬದವರು ​ವೈದ್ಯರೊಂದಿಗೆ ಮುಕ್ತವಾಗಿ ಮಾತನಾಡಿ
ಬ್ರಾಂಡೆಡ್ ಔಷಧಿಯ ಬದಲಿಗೆ ಅದೇ ಸಾಲ್ಟ್/ಘಟಕ (#Generic_Salt) ಹೊಂದಿರುವ ಕೈಗೆಟುಕುವ ಜನರಿಕ್ ಔಷಧಿ ಬರೆಯುವಂತೆ ವೈದ್ಯರಲ್ಲಿ ನೇರವಾಗಿ ವಿನಂತಿಸಬೇಕು.

 ರೋಗಿಯ ಆರ್ಥಿಕ ಸ್ಥಿತಿಯನ್ನು ಪರಿಗಣಿಸಿ ಮಾನವೀಯತೆ ಇರುವ ಹೆಚ್ಚಿನ ವೈದ್ಯರು ಜನರಿಕ್ ಪರ್ಯಾಯವನ್ನು ಸೂಚಿಸುತ್ತಾರೆ ಆದರೆ ಹಣದ ದುರಾಸೆಯ ವೈದ್ಯರು ಮಾತ್ರ ದುಬಾರಿ ಬ್ರಾಂಡೆಡ್ ಮತ್ತು ತಮ್ಮ ಆಸ್ಪತ್ರೆಯಲ್ಲಿ ಮಾರಾಟಕ್ಕೆ ಇರುವ ಔಷಧಿ ಮಾತ್ರ ಬರೆಯುತ್ತಾರೆ.

    ರೋಗಿಗಳ ಕಡೆಯವರಿಗೆ ಜನರಿಕ್ ಔಷಧಿ ತೆಗೆದುಕೊಂಡರೆ ನನ್ನ ಜವಾಬ್ದಾರಿ ಇಲ್ಲ ಎನ್ನುವ ವೈದ್ಯರೂ ಇದ್ದಾರೆ.

  ವೈದ್ಯರು ಬ್ರಾಂಡೆಡ್ ಹೆಸರು ಬರೆದಿದ್ದರೂ ಔಷಧಾಲಯದಲ್ಲಿ  ಅಥವಾ ಪ್ರಧಾನಮಂತ್ರಿ ಭಾರತೀಯ ಜನೌಷಧಿ ಪರಿಯೋಜನಾ (#PMBJP) ಕೇಂದ್ರಗಳಲ್ಲಿ ಆ ಚೀಟಿಯನ್ನು ತೋರಿಸಿ "ಇದರಲ್ಲಿರುವ ಅದೇ ಸಾಲ್ಟ್‌ನ ಜನರಿಕ್ ಔಷಧಿ ಕೊಡಿ" ಎಂದು ಕೇಳಬಹುದು.

 ಅರ್ಹ ಜನೌಷದಾ ಫಾರ್ಮಸಿಸ್ಟ್‌ಗಳು ಅದೇ ಸಂಯೋಜನೆಯ ಕಡಿಮೆ ಬೆಲೆಯ ಜನರಿಕ್ ಔಷಧಿಯನ್ನು ನೀಡಲು ಸಾಧ್ಯವಿದೆ.

 ಸರ್ಕಾರಿ ಅಥವಾ ದೊಡ್ಡ ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರೆ ಅಲ್ಲಿನ  ವೈದ್ಯಕೀಯ ಅಧೀಕ್ಷಕರು (#Medical_Superintendent) ಅಥವಾ ಆಡಳಿತ ಮಂಡಳಿಗೆ ಈ ಬಗ್ಗೆ ಲಿಖಿತ ಅಥವಾ ಮೌಖಿಕವಾಗಿ ಮನವಿ ಸಲ್ಲಿಸಬಹುದು.

​ ವೈದ್ಯರು NMC ಮಾರ್ಗಸೂಚಿಗಳನ್ನು ಪಾಲಿಸದಿದ್ದರೆ ಆಯಾ ರಾಜ್ಯದ ವೈದ್ಯಕೀಯ ಮಂಡಳಿಗೆ ದೂರು ನೀಡಲು ಅವಕಾಶವಿದೆ.

​ ಅಧಿಕೃತ ವೆಬ್‌ಸೈಟ್ ಮೂಲಕ ವೈದ್ಯರ ನಿರ್ಲಕ್ಷ್ಯ ಅಥವಾ ನಿಯಮ ಉಲ್ಲಂಘನೆ ಬಗ್ಗೆ ಆನ್‌ಲೈನ್ ದೂರು ಸಲ್ಲಿಸಬಹುದು.

 ​ವೈದ್ಯರ ಈ ನಿರ್ಧಾರದಿಂದ ಅತಿಯಾದ ಆರ್ಥಿಕ ಹೊರೆ ಅಥವಾ ಸೇವಾ ನ್ಯೂನತೆ ಉಂಟಾಗಿದೆ ಎಂದೆನಿಸಿದರೆ ಗ್ರಾಹಕ ನ್ಯಾಯಾಲಯದ ಮೊರೆ ಹೋಗಬಹುದು.

 ​ವೈದ್ಯರು ಕೆಲವೊಮ್ಮೆ ರೋಗಿಯ ಗಂಭೀರ ಸ್ಥಿತಿ, ಔಷಧಿಯ ನಿಖರ ಹೀರಿಕೊಳ್ಳುವಿಕೆ (#Bioavailability) ಅಥವಾ ನಿರ್ದಿಷ್ಟ ಗುಣಮಟ್ಟದ ದೃಷ್ಟಿಯಿಂದ ಬ್ರಾಂಡೆಡ್ ಔಷಧಿಗೆ ಆದ್ಯತೆ ನೀಡಿರಬಹುದು ಆದ್ದರಿಂದ ಕಾರಣವೇನೆಂದು ವೈದ್ಯರ ಬಳಿಯೇ ಸ್ಪಷ್ಟಪಡಿಸಿಕೊಳ್ಳುವುದು ಮೊದಲ ಉತ್ತಮ ಹೆಜ್ಜೆ.

#genericmedicine #nmc 
#MedicalSuperintendent
#PMBJP #GenericSalt
#IMA #Capitalletters #NationalMedicalCommission
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
1 comment
Read more

ರಿಪ್ಪನ್ ಪೇಟೆ ( ಶಿವಮೊಗ್ಗ ಜಿಲ್ಲೆ) ಹೆಸರು ಬಂದಿದ್ದಾದರು ಹೇಗೆ?

#  ರಿಪ್ಪನ್ ಪೇಟೆ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲ್ಲೂಕಿನ ಪ್ರಮುಖ ಹೋಬಳಿ ಕೇಂದ್ರ ಈ ಆಂಗ್ಲ ಅಧಿಕಾರಿಯ ಹೆಸರು ಇಡಲು ಕಾರಣವಾದ ಘಟನೆ ತುಂಬಾ ಕುತೂಹಲಕಾರಿ# ಸ್ವಲ್ಪ ಕಾಲ ನೀವು ಈ ಲೇಖನ ಓದಿದರೆ ಕಾರಣ ಗೊತ್ತಾಗುತ್ತೆ.    ಆಗ ಬ್ರಿಟಿಷ್ ಸಕಾ೯ರರಕ್ಕೆ ಆಡಳಿತ ಸುಗುಮಕ್ಕೆ ರೈಲು ಮಾಗ೯ ಅತ್ಯಗತ್ಯ ಎಂಬ ಸಕಾರಣ ಮನವರಿಕೆ ಆದ ಕಾಲ ಏಕೆಂದರೆ ಬ್ರಿಟಿಷರು ಅಮೆರಿಕಾ ವಲಸೆಯಲ್ಲಿ ಇದನ್ನ ಮನಗOಡಿದ್ದರು, ಬೆಂಗಳೂಳಿ ರಿಂದ ಶಿವಮೊಗ್ಗ ತಲುಪುವ ರೈಲು ಮಾಗ೯ ತಾಳಗುಪ್ಪಾ ತಲುಪಿದರೆ ಜೋಗ ಜಲಪಾತ ವೀಕ್ಷಣೆಗೆ ಅನುಕೂಲ ಎಂಬುದು ಹಾಗೆ ಮತ್ತೊಂದು ಮ್ಯಸೂರು ಸಕಾ೯ರ ಶರಾವತಿ ನದಿಗೆ ಆಣೆಕಟ್ಟು ಕಟ್ಟಿ.ಜಲ ವಿದ್ಯುತ್ ತಯಾರಿಸಲು ಸಾಮಗ್ರಿ ಸಾಗಾಣಿಕೆಗೆ ಅನುಕೂಲ ಎಂಬ ಕಾರಣದಿಂದ ಶಿವಮೊಗ್ಗದಿಂದ ತಾಳಗುಪ್ಪ ರೈಲು ಮಾಗ೯ ಯೋಜನೆ ಮಾಡಲಾಯಿತು.    ಆಗ ಪ್ಲೇಗ್ ಮಾರಿಯ ಕಾಲ, ಎಲ್ಲೆಲ್ಲೂ ಜನ ಸಾಯುತ್ತಿದ್ದರು ಆಗಲೇ ಈ ರೈಲು ಮಾಗ೯ ಶಿವಮೊಗ್ಗ ಆರಸಾಳಿOದ ದೊಡ್ಡಿನ ಕೊಪ್ಪ (ಈಗಿನ ರಿಪ್ಪನ್ ಪೇಟೆ) ಆನಂದಪುರಂ ಮಾಗ೯ ನಿಗದಿ ಆಗಿತ್ತು ಆದರೆ ಈ ಭಾಗದಲ್ಲಿ ಒಂದು  ವದಂತಿ ಈ ಬಾಗದಲ್ಲಿ ಹರಡಿತ್ತು ಅದೇನೆಂದರೆ ರೈಲು ಬಂದರೆ ಪ್ಲೇ ಗು ಬರುತ್ತೆ  ಅಂತ.    ಹಾಗಾಗಿ ಈ ಭಾಗದಲ್ಲಿನ ಜಾಗೃತ ಜನ ನಾಯಕರುಗಳು ಹೇಗಾದರು ಮಾಡಿ ರೈಲು ಬರದಂತೆ ಮಾಡಲು ಎಲ್ಲಾ ರೀತಿಯ ಪ್ರಯತ್ನ ಮಾಡಲು ಪ್ರಾರಂಭಿಸಿದರು.     ಇದೇ ಸಂದಭ೯ದಲ್ಲ...
5 comments
Read more

HISTORICAL SAGAR MARIKAMBA JATRA.ಐತಿಹಾಸಿಕ ಸಾಗರದ ಮಾರಿಕಾಂಬಾ ಜಾತ್ರೆ

     ಸಾಗರದ ಮಾರಿಕಾಂಬಾ ಜಾತ್ರೆ ಐತಿಹಾಸಿಕ ಚರಿತ್ರೆಯಲ್ಲಿ ದಾಖಲೆ.        ಕನಾ೯ಟಕ ರಾಜ್ಯದಲ್ಲಿ ಎರೆಡು ಮಾರಿಕಾಂಬಾ ಜಾತ್ರೆಗಳು ಪ್ರಸಿದ್ಧಿ ಪಡೆದಿದೆ ಅದು ಉತ್ತರ ಕನ್ನಡ ಜಿಲ್ಲೆಯ ಸಿಸಿ೯ಯದ್ದು ಮತ್ತು ಶಿವಮೊಗ್ಗ ಜಿಲ್ಲೆಯ ಸಾಗರದ್ದು.    ಪ್ರತಿ ಮೂರು ವಷ೯ಕೆ ಈ ಜಾತ್ರೆ ಆಚರಿಸಲಾಗುತ್ತೆ ಶೂದ್ರ ವಗ೯ದವರು ಭಯ ಮತ್ತು ಭಕ್ತಿಯಿಂದ ಕುರಿ ಕೋಳಿ ಬಲಿ ನೀಡುವ ಪರಂಪರೆ ಇದೆ.ಮಂಗಳವಾರ ಮೇಲು ಜಾತಿಯ ಜನರ ಪೂಜೆ ದೇವಿಯ ತವರು ಮನೆಯಲ್ಲಿ ನಡೆಯುತ್ತದೆ ನಂತರ ರಾತ್ರಿ ಗಂಡನ ಸೇರುವ ಮಾರಿಗೆ ಶೂದ್ರರ ಪೂಜೆ, ಬಲಿ ಮೀಸಲು.    ಮೊದಲೆಲ್ಲ ಮಾರಿಯಮ್ಮನಿಗೆ ಕೊಣನ ಬಲಿ ನೀಡುತ್ತಿದ್ದರು ಈಗ ಇದು ಕಾನೂನು ಪ್ರಕಾರ ನಿಷಿದ್ಧ ಆದರೆ ಈ ಆಚಾರಣೆ ಗುಪ್ತವಾಗಿ ಬೇರೆ ಕಡೆ ನಡೆಸಲಾಗುತ್ತೆ ಅನ್ನುತ್ತಾರೆ.    ಸಾಗರದ ಮಾರಿಕಾ0ಬಾ ಜಾತ್ರೆ ಜಾತ್ರೆಯಿ೦ದ ಜಾತ್ರೆಗೆ ಅದೂರಿಯಾಗಿ ನಡೆಯುತ್ತದೆ, ಕೋಟ್ಯಾoತರ ಹಣದ ವಹಿವಾಟು ಕೂಡ, ಮೊದಲೆಲ್ಲ ಹಣದ ಅಪರಾ ತಪರ ಆಗುತ್ತಿದೆ ಎಂಬ ಗುಲ್ಲು ಇತ್ತು ಆದರೆ ಈಗೆಲ್ಲ ಪಾರದಶ೯ಕವಾಗಿದೆ ಆದರೂ ಈ ಬಾರಿಯ 2017ರ ಜಾತ್ರೆಯಲ್ಲಿ ಅವ್ಯವಹಾರದ ಆರೋಪ ಮಾಡಲಾಗಿದೆ ಈ ವಿಚಾರ ಇಲ್ಲಿ ಅಪ್ರಸ್ತುತ ಆದರೂ ಈ ಬಗ್ಗೆ ಬರೆಯಲು ಕಾರಣ ಕೆಳದಿ ಅರಸರ ಕಾಲದಲ್ಲಿ ಅಂದರೆ 350 ವಷ೯ದ ಹಿಂದೆಯೂ ರಾಜರಿಗೆ ಸಾಗರದ ಮಾರಿಕಾಂಬಾ ಜಾತ್ರೆಯಲ್ಲಿ ಸಾವ೯ಜನಿಕರಿಂದ ಸಂಗ್ರಹಿಸಿದ ಜಾತ...
Post a Comment
Read more