Skip to main content

4252.ಹನಿಟ್ರಾಪ್_ಪುರಾಣ.ಮನ್ಮಥನ_ಬಾಣದಿಂದ_ಹಿಡಿದು_ಕ್ಯಾಮೆರಾ_ಕಣ್ಣಿನವರೆಗೆ.

ಹನಿಟ್ರಾಪ್_ಪುರಾಣ.
ಮನ್ಮಥನ_ಬಾಣದಿಂದ_ಹಿಡಿದು_ಕ್ಯಾಮೆರಾ_ಕಣ್ಣಿನವರೆಗೆ.

 ಅಧಿಕಾರ, ಕಾಮ ಮತ್ತು ಬ್ಲ್ಯಾಕ್‌ಮೇಲ್‌ನ ಇತಿಹಾಸ!...

ಇದು ಇವತ್ತಿನ ಕಥೆಯಲ್ಲ ಇದು ಪುರಾಣ ಮತ್ತು ಇತಿಹಾಸದುದ್ದಕ್ಕೂ ಹರಿದು ಬಂದಿರುವ ತಂತ್ರ.

ಹೆಸರು "ವಿಷಕನ್ಯೆ"ಯಿಂದ "ಹನಿಟ್ರ್ಯಾಪ್" ಎಂದು ಬದಲಾಗಿರಬಹುದು ಆದರೆ ಆಡುತ್ತಿರುವ ಆಟ ಮಾತ್ರ ಅದೇ ಹಳೆಯದು.
 
  ​ಇವತ್ತಿನ ಟಿವಿ ನ್ಯೂಸ್‌ಗಳಲ್ಲಿ, ಪತ್ರಿಕೆಗಳಲ್ಲಿ "ಹನಿಟ್ರ್ಯಾಪ್", "ಸಿಡಿ ಸ್ಫೋಟ", "ಬ್ಲ್ಯಾಕ್‌ಮೇಲ್" ಎಂಬ ಪದಗಳು ರಾರಾಜಿಸುತ್ತಿವೆ.

  ಅಧಿಕಾರದಲ್ಲಿರುವ ನಾಯಕರೊಬ್ಬರು ಬೆಡ್‌ರೂಮ್ ರಹಸ್ಯದಲ್ಲಿ ಸಿಕ್ಕಿಬಿದ್ದು ಕುರ್ಚಿ ಕಳೆದುಕೊಂಡ ಸುದ್ದಿ ಕೇಳಿದಾಗ, ಇವೆಲ್ಲವೂ ಕೇವಲ ಇಂಟರ್ನೆಟ್ ಅಥವಾ ಡಿಜಿಟಲ್ ಕಾಲದ ಆವಿಷ್ಕಾರ ಎಂದು ಹಲವರು ಭಾವಿಸುತ್ತಾರೆ.

 ಆದರೆ ವಾಸ್ತವವೇನೆಂದರೆ, ಅಧಿಕಾರವನ್ನು ಉರುಳಿಸಲು ಮನುಷ್ಯನ ಮೂಲಭೂತ ದೌರ್ಬಲ್ಯವಾದ "ಕಾಮ" ಮತ್ತು "ಆಕರ್ಷಣೆ"ಯನ್ನು ಅಸ್ತ್ರವಾಗಿ ಬಳಸಿಕೊಳ್ಳುವುದು ಇವತ್ತಿನ ಕಥೆಯಲ್ಲ ಇದು ಪುರಾಣ ಮತ್ತು ಇತಿಹಾಸದುದ್ದಕ್ಕೂ ಹರಿದು ಬಂದಿರುವ ತಂತ್ರ.

 ​ಪುರಾಣಗಳನ್ನೇ ನೋಡಿ #ಶಿವನ ಕಠಿಣ ತಪಸ್ಸನ್ನು ಭಂಗ ಮಾಡಿ, ಆತನನ್ನು ಎಚ್ಚರಗೊಳಿಸಲು ದೇವತೆಗಳು ಆರಿಸಿಕೊಂಡಿದ್ದು ಬ್ರಹ್ಮಾಸ್ತ್ರವನ್ನಲ್ಲ, #ಮನ್ಮಥ ಮತ್ತು #ರತಿಯ ಪ್ರೇಮ ಬಾಣಗಳನ್ನು.

   ದೇವಲೋಕದ ಅಧಿಪತಿ #ಇಂದ್ರನಿಗೆ ಯಾರಾದರೂ ಋಷಿ ಅಥವಾ ರಾಜ ತಪಸ್ಸು ಮಾಡಿ ತನ್ನ ಸಿಂಹಾಸನ ಕಿತ್ತುಕೊಳ್ಳುತ್ತಾನೋ ಎಂಬ ಭಯ ಶುರುವಾದಾಗಲೆಲ್ಲ ಆತ ಪ್ರಯೋಗಿಸುತ್ತಿದ್ದದ್ದು ರಂಭೆ, ಮೇನಕೆಯರ ಸೌಂದರ್ಯವನ್ನು. ತಪಸ್ಸಿನ ಶಕ್ತಿಯನ್ನೇ ಬುಡಮೇಲು ಮಾಡಲು ರೂಪದ ಮೋಹ ಬೇಕಾಗಿತ್ತು.

​ಇನ್ನು ಇತಿಹಾಸಕ್ಕೆ ಬಂದರೆ #ಕೌಟಿಲ್ಯನ 'ಅರ್ಥಶಾಸ್ತ್ರ'ದಲ್ಲಿ ರಾಜಕೀಯ ವೈರಿಗಳನ್ನು ಸದೆಬಡಿಯಲು ಬಳಸುತ್ತಿದ್ದ "#ವಿಷಕನ್ಯೆಯರ ಇಲ್ಲೇಖವಿದೆ.

    ಶತ್ರು ರಾಜನನ್ನು ಯುದ್ಧಭೂಮಿಯಲ್ಲಿ ಸೋಲಿಸುವುದಕ್ಕಿಂತ ಆತನ ಕಾಮದ ಹಪಾಹಪಿಯನ್ನು ಬಳಸಿಕೊಂಡು ಆತನ ಅಂತಃಪುರದಲ್ಲೇ ಬಲಿಪಶು ಮಾಡುವುದು ಸುಲಭದ ಹಾದಿಯಾಗಿತ್ತು.

   ಸುಂದರ ನಾರಿಯೊಬ್ಬಳ ಅಪ್ಪುಗೆಯಲ್ಲೇ ಸಾವಿನ ವಿಷ ಅಡಗಿರುತ್ತಿತ್ತು.

 ​ಹಿಂದೆ ವಿಷಕನ್ಯೆಯರಿದ್ದ ಜಾಗದಲ್ಲಿ ಇಂದು ಹೈ-ಡೆಫಿನಿಷನ್ #ಹಿಡನ್_ಕ್ಯಾಮೆರಾಗಳಿವೆ.

 ರತಿ-ಮನ್ಮಥರ ಪ್ರೇಮಬಾಣಗಳ ಜಾಗದಲ್ಲಿ ವಾಟ್ಸಾಪ್ ವಿಡಿಯೋ ಕಾಲ್ ರೆಕಾರ್ಡಿಂಗ್‌ಗಳು ಮತ್ತು #ಪೆನ್_ಡ್ರೈವ್‌ಗಳು ಬಂದಿವೆ.

  ಹೆಸರು "ವಿಷಕನ್ಯೆ"ಯಿಂದ "ಹನಿಟ್ರ್ಯಾಪ್" ಎಂದು ಬದಲಾಗಿರಬಹುದು ಆದರೆ ಆಡುತ್ತಿರುವ ಆಟ ಮಾತ್ರ ಅದೇ ಹಳೆಯದು.

  ​ಇಲ್ಲಿ ದುರಂತವೆಂದರೆ ಅಧಿಕಾರದ ಮದದಲ್ಲಿ ತೇಲುವ ರಾಜಕಾರಣಿಗಳು ಇತಿಹಾಸದಿಂದ ಪಾಠ ಕಲಿಯುವುದೇ ಇಲ್ಲ.

 ಸಾವಿರಾರು ಜನರ ಭವಿಷ್ಯವನ್ನು ನಿರ್ಧರಿಸಬೇಕಾದ ಜನನಾಯಕರು, ಕೇವಲ ಕ್ಷಣಿಕ ಆಕರ್ಷಣೆಗೆ ಮರುಳಾಗಿ, ಇಡೀ ಆಡಳಿತ ವ್ಯವಸ್ಥೆಯನ್ನೇ ಬ್ಲ್ಯಾಕ್‌ಮೇಲ್‌ ಜಾಲಕ್ಕೆ ಒತ್ತೆ ಇಡುತ್ತಾರೆ.

   ಕ್ಯಾಮೆರಾ ಕಣ್ಣುಗಳು ಕಾಯುತ್ತಿವೆ ಎಂದು ತಿಳಿದಿದ್ದರೂ, ಮನುಷ್ಯನ ಅಹಂ ಮತ್ತು ವಾಂಛೆ ಆತನ ಬುದ್ಧಿಯನ್ನು ಮಂಕಾಗಿಸುತ್ತದೆ.

​ಯುಗಗಳು ಬದಲಾಗಬಹುದು, ರಾಜಪ್ರಭುತ್ವ ಹೋಗಿ ಪ್ರಜಾಪ್ರಭುತ್ವ ಬರಬಹುದು ಆದರೆ ಮನುಷ್ಯನ ಕಾಮ, ಅಧಿಕಾರದ ದುರಾಶೆ ಮತ್ತು ಅದನ್ನು ಬಂಡವಾಳವಾಗಿಸಿಕೊಂಡು ಆಡುವ ವಂಚನೆಯ ಆಟ ಎಂದಿಗೂ ಹಳೆಯದಾಗುವುದಿಲ್ಲ.

  ಪುರಾಣದ ಇಂದ್ರನಿಗಿದ್ದ ಭಯವೇ ಇಂದಿನ ರಾಜಕಾರಣಿಗಳಿಗೆ ಇದ "ಯಾವ ರೂಪದಲ್ಲಿ ಸಿಂಹಾಸನ ಕಳಚುವುದೋ" ಎಂಬ ಭೀತಿ!
​ಕ್ಷಣಿಕ ಸುಖಕ್ಕೆ ಬೀಳುವ ಮರುಳು, ಇತಿಹಾಸದುದ್ದಕ್ಕೂ ಸಾಮ್ರಾಜ್ಯಗಳನ್ನೇ ಮುಳುಗಿಸಿದೆ.

 ಇನ್ನು ಇಂದಿನ ಕುರ್ಚಿಗಳು ಎಷ್ಟು ದಿನ ಉಳಿದಾವು?...

#honeyrtrap #politics #power #koutilya #trap
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
1 comment
Read more

ರಿಪ್ಪನ್ ಪೇಟೆ ( ಶಿವಮೊಗ್ಗ ಜಿಲ್ಲೆ) ಹೆಸರು ಬಂದಿದ್ದಾದರು ಹೇಗೆ?

#  ರಿಪ್ಪನ್ ಪೇಟೆ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲ್ಲೂಕಿನ ಪ್ರಮುಖ ಹೋಬಳಿ ಕೇಂದ್ರ ಈ ಆಂಗ್ಲ ಅಧಿಕಾರಿಯ ಹೆಸರು ಇಡಲು ಕಾರಣವಾದ ಘಟನೆ ತುಂಬಾ ಕುತೂಹಲಕಾರಿ# ಸ್ವಲ್ಪ ಕಾಲ ನೀವು ಈ ಲೇಖನ ಓದಿದರೆ ಕಾರಣ ಗೊತ್ತಾಗುತ್ತೆ.    ಆಗ ಬ್ರಿಟಿಷ್ ಸಕಾ೯ರರಕ್ಕೆ ಆಡಳಿತ ಸುಗುಮಕ್ಕೆ ರೈಲು ಮಾಗ೯ ಅತ್ಯಗತ್ಯ ಎಂಬ ಸಕಾರಣ ಮನವರಿಕೆ ಆದ ಕಾಲ ಏಕೆಂದರೆ ಬ್ರಿಟಿಷರು ಅಮೆರಿಕಾ ವಲಸೆಯಲ್ಲಿ ಇದನ್ನ ಮನಗOಡಿದ್ದರು, ಬೆಂಗಳೂಳಿ ರಿಂದ ಶಿವಮೊಗ್ಗ ತಲುಪುವ ರೈಲು ಮಾಗ೯ ತಾಳಗುಪ್ಪಾ ತಲುಪಿದರೆ ಜೋಗ ಜಲಪಾತ ವೀಕ್ಷಣೆಗೆ ಅನುಕೂಲ ಎಂಬುದು ಹಾಗೆ ಮತ್ತೊಂದು ಮ್ಯಸೂರು ಸಕಾ೯ರ ಶರಾವತಿ ನದಿಗೆ ಆಣೆಕಟ್ಟು ಕಟ್ಟಿ.ಜಲ ವಿದ್ಯುತ್ ತಯಾರಿಸಲು ಸಾಮಗ್ರಿ ಸಾಗಾಣಿಕೆಗೆ ಅನುಕೂಲ ಎಂಬ ಕಾರಣದಿಂದ ಶಿವಮೊಗ್ಗದಿಂದ ತಾಳಗುಪ್ಪ ರೈಲು ಮಾಗ೯ ಯೋಜನೆ ಮಾಡಲಾಯಿತು.    ಆಗ ಪ್ಲೇಗ್ ಮಾರಿಯ ಕಾಲ, ಎಲ್ಲೆಲ್ಲೂ ಜನ ಸಾಯುತ್ತಿದ್ದರು ಆಗಲೇ ಈ ರೈಲು ಮಾಗ೯ ಶಿವಮೊಗ್ಗ ಆರಸಾಳಿOದ ದೊಡ್ಡಿನ ಕೊಪ್ಪ (ಈಗಿನ ರಿಪ್ಪನ್ ಪೇಟೆ) ಆನಂದಪುರಂ ಮಾಗ೯ ನಿಗದಿ ಆಗಿತ್ತು ಆದರೆ ಈ ಭಾಗದಲ್ಲಿ ಒಂದು  ವದಂತಿ ಈ ಬಾಗದಲ್ಲಿ ಹರಡಿತ್ತು ಅದೇನೆಂದರೆ ರೈಲು ಬಂದರೆ ಪ್ಲೇ ಗು ಬರುತ್ತೆ  ಅಂತ.    ಹಾಗಾಗಿ ಈ ಭಾಗದಲ್ಲಿನ ಜಾಗೃತ ಜನ ನಾಯಕರುಗಳು ಹೇಗಾದರು ಮಾಡಿ ರೈಲು ಬರದಂತೆ ಮಾಡಲು ಎಲ್ಲಾ ರೀತಿಯ ಪ್ರಯತ್ನ ಮಾಡಲು ಪ್ರಾರಂಭಿಸಿದರು.     ಇದೇ ಸಂದಭ೯ದಲ್ಲ...
5 comments
Read more

HISTORICAL SAGAR MARIKAMBA JATRA.ಐತಿಹಾಸಿಕ ಸಾಗರದ ಮಾರಿಕಾಂಬಾ ಜಾತ್ರೆ

     ಸಾಗರದ ಮಾರಿಕಾಂಬಾ ಜಾತ್ರೆ ಐತಿಹಾಸಿಕ ಚರಿತ್ರೆಯಲ್ಲಿ ದಾಖಲೆ.        ಕನಾ೯ಟಕ ರಾಜ್ಯದಲ್ಲಿ ಎರೆಡು ಮಾರಿಕಾಂಬಾ ಜಾತ್ರೆಗಳು ಪ್ರಸಿದ್ಧಿ ಪಡೆದಿದೆ ಅದು ಉತ್ತರ ಕನ್ನಡ ಜಿಲ್ಲೆಯ ಸಿಸಿ೯ಯದ್ದು ಮತ್ತು ಶಿವಮೊಗ್ಗ ಜಿಲ್ಲೆಯ ಸಾಗರದ್ದು.    ಪ್ರತಿ ಮೂರು ವಷ೯ಕೆ ಈ ಜಾತ್ರೆ ಆಚರಿಸಲಾಗುತ್ತೆ ಶೂದ್ರ ವಗ೯ದವರು ಭಯ ಮತ್ತು ಭಕ್ತಿಯಿಂದ ಕುರಿ ಕೋಳಿ ಬಲಿ ನೀಡುವ ಪರಂಪರೆ ಇದೆ.ಮಂಗಳವಾರ ಮೇಲು ಜಾತಿಯ ಜನರ ಪೂಜೆ ದೇವಿಯ ತವರು ಮನೆಯಲ್ಲಿ ನಡೆಯುತ್ತದೆ ನಂತರ ರಾತ್ರಿ ಗಂಡನ ಸೇರುವ ಮಾರಿಗೆ ಶೂದ್ರರ ಪೂಜೆ, ಬಲಿ ಮೀಸಲು.    ಮೊದಲೆಲ್ಲ ಮಾರಿಯಮ್ಮನಿಗೆ ಕೊಣನ ಬಲಿ ನೀಡುತ್ತಿದ್ದರು ಈಗ ಇದು ಕಾನೂನು ಪ್ರಕಾರ ನಿಷಿದ್ಧ ಆದರೆ ಈ ಆಚಾರಣೆ ಗುಪ್ತವಾಗಿ ಬೇರೆ ಕಡೆ ನಡೆಸಲಾಗುತ್ತೆ ಅನ್ನುತ್ತಾರೆ.    ಸಾಗರದ ಮಾರಿಕಾ0ಬಾ ಜಾತ್ರೆ ಜಾತ್ರೆಯಿ೦ದ ಜಾತ್ರೆಗೆ ಅದೂರಿಯಾಗಿ ನಡೆಯುತ್ತದೆ, ಕೋಟ್ಯಾoತರ ಹಣದ ವಹಿವಾಟು ಕೂಡ, ಮೊದಲೆಲ್ಲ ಹಣದ ಅಪರಾ ತಪರ ಆಗುತ್ತಿದೆ ಎಂಬ ಗುಲ್ಲು ಇತ್ತು ಆದರೆ ಈಗೆಲ್ಲ ಪಾರದಶ೯ಕವಾಗಿದೆ ಆದರೂ ಈ ಬಾರಿಯ 2017ರ ಜಾತ್ರೆಯಲ್ಲಿ ಅವ್ಯವಹಾರದ ಆರೋಪ ಮಾಡಲಾಗಿದೆ ಈ ವಿಚಾರ ಇಲ್ಲಿ ಅಪ್ರಸ್ತುತ ಆದರೂ ಈ ಬಗ್ಗೆ ಬರೆಯಲು ಕಾರಣ ಕೆಳದಿ ಅರಸರ ಕಾಲದಲ್ಲಿ ಅಂದರೆ 350 ವಷ೯ದ ಹಿಂದೆಯೂ ರಾಜರಿಗೆ ಸಾಗರದ ಮಾರಿಕಾಂಬಾ ಜಾತ್ರೆಯಲ್ಲಿ ಸಾವ೯ಜನಿಕರಿಂದ ಸಂಗ್ರಹಿಸಿದ ಜಾತ...
Post a Comment
Read more