Skip to main content

4045. ಬ್ಲಾಕ್ & ವೈಟ್ ಸ್ಕ್ಯಾಚ್ ಬ್ರಾಂಡ್ ಕಥೆ


ಬ್ಲಾಕ್_ಆಂಡ್_ವೈಟ್ 
#Black_and_White

 ಬ್ಲಾಕ್ & ವೈಟ್ ಸ್ಕಾಚ್ ವಿಸ್ಕಿಯ ಇತಿಹಾಸವು ಅತ್ಯಂತ ಜನಪ್ರಿಯ ಹಾಗೂ ಜಗತ್ತಿನಾದ್ಯಂತ ಲಕ್ಷಾಂತರ ಮದ್ಯಪ್ರಿಯರನ್ನು ಸೆಳೆದ ವಿಶಿಷ್ಟ ಕಥೆಯಾಗಿದೆ. 

  ಎರಡು ಮುದ್ದಾದ ನಾಯಿಗಳ ಲೋಗೋ ಹೊಂದಿರುವ ಈ ಬ್ರ್ಯಾಂಡ್ ಹುಟ್ಟಿಕೊಂಡಿದ್ದು ಹೇಗೆ ಎಂಬ ಸಂಪೂರ್ಣ ವಿವರ ಇಲ್ಲಿದೆ.

  ​ಈ ಬ್ರ್ಯಾಂಡ್‌ನ ಸೃಷ್ಟಿಕರ್ತ #ಜೇಮ್ಸ್_ಬುಕಾನನ್ ಕೆನಡಾದಲ್ಲಿ ಹುಟ್ಟಿ ಸ್ಕಾಟ್‌ಲ್ಯಾಂಡ್‌ನಲ್ಲಿ ಬೆಳೆದವರು.

  ಇವರು 1879ರಲ್ಲಿ ಲಂಡನ್‌ಗೆ ಬಂದು ಮದ್ಯದ ವ್ಯವಹಾರದಲ್ಲಿ ತೊಡಗಿಸಿಕೊಂಡರು.

   ಅಂದಿನ ಕಾಲದಲ್ಲಿದ್ದ ಸ್ಕಾಚ್ ವಿಸ್ಕಿಗಳು ಸಾಮಾನ್ಯ ಜನರಿಗೆ ಕುಡಿಯಲು ತುಂಬಾ ಕಟುವಾಗಿರುತ್ತಿದ್ದವು
​ಇದನ್ನು ಗಮನಿಸಿದ ಬುಕಾನನ್, ಜನರಿಗೆ ಸುಲಭವಾಗಿ ಇಷ್ಟವಾಗುವಂತಹ, ಮೃದುವಾದ ಮತ್ತು ಹಗುರವಾದ  ಹೊಸ ಬ್ಲೆಂಡೆಡ್ ವಿಸ್ಕಿಯನ್ನು ಸಿದ್ಧಪಡಿಸಿ 1884 ರಲ್ಲಿ ಮಾರುಕಟ್ಟೆಗೆ ತಂದರು.

 ಇದಕ್ಕೆ ಅವರು ಮೊದಲು ಇಟ್ಟ ಹೆಸರು #ಬುಕಾನನ್ಸ್_ಬ್ಲೆಂಡ್" Buchanan's Blend.

  ​ಜೇಮ್ಸ್ ಬುಕಾನನ್ ತಮ್ಮ ವಿಸ್ಕಿಯನ್ನು ಬಿಳಿ ಬಣ್ಣದ ಲೇಬಲ್ ಹೊಂದಿದ್ದ ಕಪ್ಪು ಬಾಟಲಿಗಳಲ್ಲಿ ಮಾರಾಟ ಮಾಡುತ್ತಿದ್ದರು.

   ಅಂಗಡಿಗಳಿಗೆ ಬರುವ ಗ್ರಾಹಕರು ಇದರ ಅಸಲಿ ಹೆಸರನ್ನು ಕರೆಯುವ ಬದಲು, ಸುಲಭವಾಗಿ ಗುರುತಿಸಲು ಆ ಕಪ್ಪು ಮತ್ತು ಬಿಳಿ ಬಾಟಲಿ ಕೊಡಿ That black and white bottle ಎಂದು ಕೇಳಲು ಆರಂಭಿಸಿದರು.

   ಗ್ರಾಹಕರ ಈ ಮೌಖಿಕ ಜನಪ್ರಿಯತೆಯನ್ನು ಗೌರವಿಸಿದ ಜೇಮ್ಸ್ ಬುಕಾನನ್, ಅಧಿಕೃತವಾಗಿಯೇ ಈ ಬ್ರ್ಯಾಂಡ್‌ಗೆ #Black_and_White" ಎಂದು ಮರುನಾಮಕರಣ ಮಾಡಿದರು.

​  #ಲೋಗೋದಲ್ಲಿರುವ_ಆ_ಎರಡು_ನಾಯಿಗಳು  ..
​ಬ್ಲಾಕ್ ಆಂಡ್ ವೈಟ್ ವಿಸ್ಕಿ ಎಂದ ತಕ್ಷಣ ನೆನಪಾಗುವುದು ಅದರ ಲೇಬಲ್ ಮೇಲಿರುವ ಎರಡು ಸಣ್ಣ ನಾಯಿಗಳು. 

  ಈ ಐಡಿಯಾ ಬಂದಿದ್ದು ​1890ರ ದಶಕದಲ್ಲಿ ಲಂಡನ್‌ನಲ್ಲಿ ನಡೆದ ಪ್ರಸಿದ್ಧ ನಾಯಿಗಳ ಪ್ರದರ್ಶನವೊಂದಕ್ಕೆ ಹೋಗಿದ್ದ ಜೇಮ್ಸ್ ಬುಕಾನನ್ ಅವರಿಗೆ ಅಲ್ಲಿನ ಎರಡು ಸ್ಕಾಟಿಷ್ ತಳಿಯ ನಾಯಿಗಳು ತುಂಬಾ ಇಷ್ಟವಾದವು.

  ​ಸ್ಕಾಟಿಷ್ ಟೆರಿಯರ್ Scottish Terrier ಕಪ್ಪು ಬಣ್ಣದ ನಾಯಿ ಮತ್ತು ​ವೆಸ್ಟ್ ಹೈಲ್ಯಾಂಡ್ ವೈಟ್ ಟೆರಿಯರ್ West Highland White Terrier ಬಿಳಿ ಬಣ್ಣದ ನಾಯಿ.

​ತಮ್ಮ ಬ್ರ್ಯಾಂಡ್‌ನ ಹೆಸರಿಗೆ ಕಪ್ಪು ಮತ್ತು ಬಿಳಿ ಈ ಎರಡು ನಾಯಿಗಳು ಸೂಕ್ತವಾಗಿ ಹೊಂದಿಕೊಳ್ಳುತ್ತವೆ ಎಂದು ಭಾವಿಸುತ್ತಾರೆ ಅವರು.

 1892ರಲ್ಲಿ ಇವುಗಳನ್ನು ಬ್ರ್ಯಾಂಡ್‌ನ ಅಧಿಕೃತ ಲೋಗೋ ಆಗಿ ಬಳಸಲು ಆರಂಭಿಸಿದರು.

   ಇಂದಿಗೂ ಜಗತ್ತಿನಾದ್ಯಂತ ಈ ಎರಡು ನಾಯಿಗಳ ಚಿತ್ರವೇ ಈ ಸ್ಕಾಚ್‌ನ ಅತಿ ದೊಡ್ಡ ಗುರುತಾಗಿದೆ.

​   ​ಜೇಮ್ಸ್ ಬುಕಾನನ್ ಅವರ ಅದ್ಭುತ ಮಾರ್ಕೆಟಿಂಗ್ ಚಾತುರ್ಯದಿಂದಾಗಿ ಬಿಡುಗಡೆಯಾದ ಕೆಲವೇ ವರ್ಷಗಳಲ್ಲಿ 1885 ರಲ್ಲೇ ಬ್ರಿಟಿಷ್ ಸಂಸತ್ತಿಗೆ House of Commons ವಿಸ್ಕಿ ಸರಬರಾಜು ಮಾಡುವ ಅಧಿಕೃತ ಗುತ್ತಿಗೆಯನ್ನು ಈ ಬ್ರ್ಯಾಂಡ್ ಪಡೆದುಕೊಂಡಿತು. 

  ಇದು ಬ್ರ್ಯಾಂಡ್‌ನ ಪ್ರತಿಷ್ಠೆಯನ್ನು ಆ ಕಾಲದಲ್ಲೇ ದುಪ್ಪಟ್ಟು ಮಾಡಿತು.

​  ಇಂದಿನ ಜಾಗತಿಕ ಸ್ಥಾನಮಾನ
​ಕಾಲಾನಂತರದಲ್ಲಿ ಜೇಮ್ಸ್ ಬುಕಾನನ್ ಅವರ ಸಂಸ್ಥೆಯು #ಡಿಸ್ಟಿಲರ್ಸ್_ಕಂಪನಿ'ಯೊಂದಿಗೆ ವಿಲೀನವಾಯಿತು. 

  ಸದ್ಯ ಬ್ಲಾಕ್ ಆಂಡ್ ವೈಟ್ ಬ್ರ್ಯಾಂಡ್ ಜಗತ್ತಿನ ಅತಿ ದೊಡ್ಡ ಮದ್ಯ ತಯಾರಿಕಾ ದೈತ್ಯ ಸಂಸ್ಥೆಯಾದ ಡಿಯಾಜಿಯೊ #Diageo ಒಡೆತನದಲ್ಲಿದೆ.

   ಭಾರತ, ಬ್ರೆಜಿಲ್, ವೆನೆಜುವೆಲಾ ಸೇರಿದಂತೆ ವಿಶ್ವದ ನೂರಾರು ದೇಶಗಳಲ್ಲಿ ಇದು ಅತ್ಯಂತ ಹೆಚ್ಚು ಮಾರಾಟವಾಗುವ ಟಾಪ್ ಸ್ಕಾಚ್ ವಿಸ್ಕಿಗಳಲ್ಲಿ ಒಂದಾಗಿದೆ.

  ​ದಲ್ವಿನಿ #Dalwhinnie ಮತ್ತು ಕ್ಲೈನೆಲಿಶ್ #Clynelish ನಂತಹ ಪ್ರಸಿದ್ಧ ಸ್ಕಾಟಿಷ್ ಡಿಸ್ಟಿಲರಿಗಳ ಸಿಂಗಲ್ ಮಾಲ್ಟ್‌ಗಳನ್ನು ಬಳಸಿ ಇದನ್ನು ತಯಾರಿಸಲಾಗುತ್ತಿದ್ದು ಇಂದಿಗೂ ಇದರ ಹಳೆಯ ಸಾಂಪ್ರದಾಯಿಕ ಮತ್ತು ಮೃದುವಾದ ರುಚಿಯನ್ನು ಕಾಪಾಡಿಕೊಂಡು ಬರಲಾಗಿದೆ.

#Disclaimer.
"ಮದ್ಯಪಾನ ಆರೋಗ್ಯಕ್ಕೆ ಹಾನಿಕರ" (Alcohol consumption is injurious to health) ಅಥವಾ "ಇದು ಕೇವಲ ಮಾಹಿತಿ ಉದ್ದೇಶದ ಲೇಖನವಾಗಿದ್ದು, ಮದ್ಯಪಾನವನ್ನು ಪ್ರೋತ್ಸಾಹಿಸುವುದಿಲ್ಲ"

#brand #history #liquor #scotch #jamesbachanan
#blackandwhite #logo #dogs #scotishtertier
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
1 comment
Read more

ರಿಪ್ಪನ್ ಪೇಟೆ ( ಶಿವಮೊಗ್ಗ ಜಿಲ್ಲೆ) ಹೆಸರು ಬಂದಿದ್ದಾದರು ಹೇಗೆ?

#  ರಿಪ್ಪನ್ ಪೇಟೆ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲ್ಲೂಕಿನ ಪ್ರಮುಖ ಹೋಬಳಿ ಕೇಂದ್ರ ಈ ಆಂಗ್ಲ ಅಧಿಕಾರಿಯ ಹೆಸರು ಇಡಲು ಕಾರಣವಾದ ಘಟನೆ ತುಂಬಾ ಕುತೂಹಲಕಾರಿ# ಸ್ವಲ್ಪ ಕಾಲ ನೀವು ಈ ಲೇಖನ ಓದಿದರೆ ಕಾರಣ ಗೊತ್ತಾಗುತ್ತೆ.    ಆಗ ಬ್ರಿಟಿಷ್ ಸಕಾ೯ರರಕ್ಕೆ ಆಡಳಿತ ಸುಗುಮಕ್ಕೆ ರೈಲು ಮಾಗ೯ ಅತ್ಯಗತ್ಯ ಎಂಬ ಸಕಾರಣ ಮನವರಿಕೆ ಆದ ಕಾಲ ಏಕೆಂದರೆ ಬ್ರಿಟಿಷರು ಅಮೆರಿಕಾ ವಲಸೆಯಲ್ಲಿ ಇದನ್ನ ಮನಗOಡಿದ್ದರು, ಬೆಂಗಳೂಳಿ ರಿಂದ ಶಿವಮೊಗ್ಗ ತಲುಪುವ ರೈಲು ಮಾಗ೯ ತಾಳಗುಪ್ಪಾ ತಲುಪಿದರೆ ಜೋಗ ಜಲಪಾತ ವೀಕ್ಷಣೆಗೆ ಅನುಕೂಲ ಎಂಬುದು ಹಾಗೆ ಮತ್ತೊಂದು ಮ್ಯಸೂರು ಸಕಾ೯ರ ಶರಾವತಿ ನದಿಗೆ ಆಣೆಕಟ್ಟು ಕಟ್ಟಿ.ಜಲ ವಿದ್ಯುತ್ ತಯಾರಿಸಲು ಸಾಮಗ್ರಿ ಸಾಗಾಣಿಕೆಗೆ ಅನುಕೂಲ ಎಂಬ ಕಾರಣದಿಂದ ಶಿವಮೊಗ್ಗದಿಂದ ತಾಳಗುಪ್ಪ ರೈಲು ಮಾಗ೯ ಯೋಜನೆ ಮಾಡಲಾಯಿತು.    ಆಗ ಪ್ಲೇಗ್ ಮಾರಿಯ ಕಾಲ, ಎಲ್ಲೆಲ್ಲೂ ಜನ ಸಾಯುತ್ತಿದ್ದರು ಆಗಲೇ ಈ ರೈಲು ಮಾಗ೯ ಶಿವಮೊಗ್ಗ ಆರಸಾಳಿOದ ದೊಡ್ಡಿನ ಕೊಪ್ಪ (ಈಗಿನ ರಿಪ್ಪನ್ ಪೇಟೆ) ಆನಂದಪುರಂ ಮಾಗ೯ ನಿಗದಿ ಆಗಿತ್ತು ಆದರೆ ಈ ಭಾಗದಲ್ಲಿ ಒಂದು  ವದಂತಿ ಈ ಬಾಗದಲ್ಲಿ ಹರಡಿತ್ತು ಅದೇನೆಂದರೆ ರೈಲು ಬಂದರೆ ಪ್ಲೇ ಗು ಬರುತ್ತೆ  ಅಂತ.    ಹಾಗಾಗಿ ಈ ಭಾಗದಲ್ಲಿನ ಜಾಗೃತ ಜನ ನಾಯಕರುಗಳು ಹೇಗಾದರು ಮಾಡಿ ರೈಲು ಬರದಂತೆ ಮಾಡಲು ಎಲ್ಲಾ ರೀತಿಯ ಪ್ರಯತ್ನ ಮಾಡಲು ಪ್ರಾರಂಭಿಸಿದರು.     ಇದೇ ಸಂದಭ೯ದಲ್ಲ...
5 comments
Read more

HISTORICAL SAGAR MARIKAMBA JATRA.ಐತಿಹಾಸಿಕ ಸಾಗರದ ಮಾರಿಕಾಂಬಾ ಜಾತ್ರೆ

     ಸಾಗರದ ಮಾರಿಕಾಂಬಾ ಜಾತ್ರೆ ಐತಿಹಾಸಿಕ ಚರಿತ್ರೆಯಲ್ಲಿ ದಾಖಲೆ.        ಕನಾ೯ಟಕ ರಾಜ್ಯದಲ್ಲಿ ಎರೆಡು ಮಾರಿಕಾಂಬಾ ಜಾತ್ರೆಗಳು ಪ್ರಸಿದ್ಧಿ ಪಡೆದಿದೆ ಅದು ಉತ್ತರ ಕನ್ನಡ ಜಿಲ್ಲೆಯ ಸಿಸಿ೯ಯದ್ದು ಮತ್ತು ಶಿವಮೊಗ್ಗ ಜಿಲ್ಲೆಯ ಸಾಗರದ್ದು.    ಪ್ರತಿ ಮೂರು ವಷ೯ಕೆ ಈ ಜಾತ್ರೆ ಆಚರಿಸಲಾಗುತ್ತೆ ಶೂದ್ರ ವಗ೯ದವರು ಭಯ ಮತ್ತು ಭಕ್ತಿಯಿಂದ ಕುರಿ ಕೋಳಿ ಬಲಿ ನೀಡುವ ಪರಂಪರೆ ಇದೆ.ಮಂಗಳವಾರ ಮೇಲು ಜಾತಿಯ ಜನರ ಪೂಜೆ ದೇವಿಯ ತವರು ಮನೆಯಲ್ಲಿ ನಡೆಯುತ್ತದೆ ನಂತರ ರಾತ್ರಿ ಗಂಡನ ಸೇರುವ ಮಾರಿಗೆ ಶೂದ್ರರ ಪೂಜೆ, ಬಲಿ ಮೀಸಲು.    ಮೊದಲೆಲ್ಲ ಮಾರಿಯಮ್ಮನಿಗೆ ಕೊಣನ ಬಲಿ ನೀಡುತ್ತಿದ್ದರು ಈಗ ಇದು ಕಾನೂನು ಪ್ರಕಾರ ನಿಷಿದ್ಧ ಆದರೆ ಈ ಆಚಾರಣೆ ಗುಪ್ತವಾಗಿ ಬೇರೆ ಕಡೆ ನಡೆಸಲಾಗುತ್ತೆ ಅನ್ನುತ್ತಾರೆ.    ಸಾಗರದ ಮಾರಿಕಾ0ಬಾ ಜಾತ್ರೆ ಜಾತ್ರೆಯಿ೦ದ ಜಾತ್ರೆಗೆ ಅದೂರಿಯಾಗಿ ನಡೆಯುತ್ತದೆ, ಕೋಟ್ಯಾoತರ ಹಣದ ವಹಿವಾಟು ಕೂಡ, ಮೊದಲೆಲ್ಲ ಹಣದ ಅಪರಾ ತಪರ ಆಗುತ್ತಿದೆ ಎಂಬ ಗುಲ್ಲು ಇತ್ತು ಆದರೆ ಈಗೆಲ್ಲ ಪಾರದಶ೯ಕವಾಗಿದೆ ಆದರೂ ಈ ಬಾರಿಯ 2017ರ ಜಾತ್ರೆಯಲ್ಲಿ ಅವ್ಯವಹಾರದ ಆರೋಪ ಮಾಡಲಾಗಿದೆ ಈ ವಿಚಾರ ಇಲ್ಲಿ ಅಪ್ರಸ್ತುತ ಆದರೂ ಈ ಬಗ್ಗೆ ಬರೆಯಲು ಕಾರಣ ಕೆಳದಿ ಅರಸರ ಕಾಲದಲ್ಲಿ ಅಂದರೆ 350 ವಷ೯ದ ಹಿಂದೆಯೂ ರಾಜರಿಗೆ ಸಾಗರದ ಮಾರಿಕಾಂಬಾ ಜಾತ್ರೆಯಲ್ಲಿ ಸಾವ೯ಜನಿಕರಿಂದ ಸಂಗ್ರಹಿಸಿದ ಜಾತ...
Post a Comment
Read more