ಫೈರ್_ಪ್ರೂಪ್_ವಸ್ತುಗಳಿಂದ_ಮಾತ್ರ_ಇಂಟಿರಿಯರ್_ಡೆಕೋರೇಷನ್_ಮಾಡಿಸಿ.
ನೀವು ಯಾವುದೇ ಹೋಟೆಲ್ - ರೆಸ್ಟೋರೆಂಟ್ ಅಥವ ಮನೆ ಪ್ರವೇಶಿಸುವ ಮುನ್ನ ಅಲ್ಲಿನ ಇಂಟೀರಿಯರ್ ಗಮನಿಸಿ ಅದು ಅಗ್ನಿ ನಿರೋಧಕ ಆಗಿಲ್ಲದಿದ್ದರೆ ಪ್ರವೇಶ ಮಾಡಲೇ ಬೇಡಿ.
ಹೋಟಲ್ ರೆಸ್ಟೋರೆಂಟ್ ತೆರೆಯುವ ಉದ್ಯಮಿಗಳಲ್ಲಿ ನನ್ನ ವಿನಂತಿ ದಯಮಾಡಿ ಅಗ್ನಿ ಸುರಕ್ಷತೆ ಇಲ್ಲದ ಒಳಾಂಗಣ ವಿನ್ಯಾಸ ಮಾಡಿಸಲೇ ಬೇಡಿ.
ಹೋಟೆಲ್ - ರೆಸ್ಟೋರೆಂಟ್ - ಮಾಲ್ ಅಥವ ಮನೆಗಳಲ್ಲಿ ಅದರ ಮಾಲಿಕರುಗಳೇ ಈ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಿ ಇಂತಹ ದುರಂತಗಳು ಸಂಭವಿಸಿದಂತೆ ನೋಡಿಕೊಳ್ಳಬೇಕು.
ಆದರೆ ಒಳಾಂಗಣ ವಿನ್ಯಾಸಗಾರರು ಮತ್ತು ಪಾಲ್ ಸೀಲಿಂಗ್ ಮಾಡಿಸುವ ಹೆಚ್ಚಿನ ಜನರು ಈ ಬಗ್ಗೆ ಜಾಗ್ರತೆ ವಹಿಸುವುದಿಲ್ಲ.
ಕೋಟ್ಯಾಂತರ ರೂಪಾಯಿ ವೆಚ್ಚ ಮಾಡಿ ಮನೆ ಕಟ್ಟುತ್ತಾರೆ ಆದರೆ ಅಗ್ನಿ ನಿರೋಧಕ ಅಲ್ಲದ ವಸ್ತುವಿನಿಂದ ಒಳಾಂಗಣ ವಿನ್ಯಾಸ ಮತ್ತು ಪಾಲ್ ಸೀಲಿಂಗ್ ಗಳನ್ನ ಮಾಡಿಸುತ್ತಾರೆ.
ಕಳೆದೆ ವರ್ಷ ಉಡುಪಿಯ ಬಾರ್ ಮಾಲಿಕ ದಂಪತಿಗಳು ಇಂತಹ ಅಗ್ನಿ ದುರಂತದಲ್ಲಿ ಬಲಿ ಆಗಿದ್ದರು.
ನಿನ್ನೆ 2026ರ ಜೂನ್ 15ರ ಸೋಮವಾರ ಸಂಜೆ #ಮೈಸೂರಿನ ದಟ್ಟಗಳ್ಳಿ ರಿಂಗ್ ರಸ್ತೆ (ನಟರಾಜ್ ಸರ್ಕಲ್ ಬಳಿ) ಇರುವ 'ಫಾಕ್ಸ್ ಡೆನ್ ಲಿಕ್ಕರ್ ಗ್ಯಾರೇಜ್' #ರೆಸ್ಟೋ_ಪಬ್ನಲ್ಲಿ ಸಂಭವಿಸಿದ ಭೀಕರ ಅಗ್ನಿ ಅವಘಡದಲ್ಲಿ ಇಬ್ಬರು ದುರ್ಮರಣಕ್ಕೀಡಾಗಿದ್ದಾರೆ
ಮಾಲೀಕರು ಸೇರಿದಂತೆ ಹಲವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಅಡುಗೆ ಮನೆಯಲ್ಲಿ ಶಾರ್ಟ್ ಸರ್ಕ್ಯೂಟ್ ಅಥವಾ ಗ್ಯಾಸ್ ಸಿಲಿಂಡರ್ ಸೋರಿಕೆಯಿಂದಾಗಿ ಈ ಘಟನೆ ನಡೆದಿದೆ ಎಂದು ಶಂಕಿಸಲಾಗಿದೆ.
ಅಲ್ಲಿ ಆಫ್ರಿಕಾದ ಬುಡಕಟ್ಟು ಮಾದರಿಯ ಹುಲ್ಲಿನ ಗುಡಿಸಲು ಮಾದರಿಯ ಇಂಟೀರಿಯರ್ ಡೆಕೋರೇಷನ್ ಮಾಡಿಸಿದ್ದೇ ತಕ್ಷಣಕ್ಕೆ ಅಗ್ನಿ ಜ್ವಾಲೆ ಹರಡಲು ಕಾರಣ ಆಗಿದೆ.
ಪಬ್ನ ಒಳಾಂಗಣ ವಿನ್ಯಾಸಕ್ಕೆ ಹುಲ್ಲು, ಮರ ಹಾಗೂ ಅಲಂಕಾರಿಕ ವಸ್ತುಗಳನ್ನು ಹೆಚ್ಚಾಗಿ ಬಳಸಿದ್ದರಿಂದ ಬೆಂಕಿ ಕ್ಷಣಾರ್ಧದಲ್ಲಿ ಇಡೀ ಕಟ್ಟಡಕ್ಕೆ ಆವರಿಸಿಕೊಂಡಿದೆ.
ವಾಣಿಜ್ಯ ಉದ್ದೇಶದ ಅನೇಕ ರೆಸ್ಟೋರೆಂಟ್ ಗಳು ಈ ರೀತಿ ಹುಲ್ಲು ಬಿದಿರು ಬಳಸಿ ಒಳಾಂಗಣ ವಿನ್ಯಾಸ ಮಾಡಿದ್ದು ಬೆಂಗಳೂರಿನ ಅನೇಕ ಪ್ರತಿಷ್ಠಿತ ಬಡಾವಣೆಗಳಲ್ಲಿ ನೋಡ ಬಹುದು.
ಇವತ್ತಲ್ಲ ನಾಳೆ ಅಲ್ಲಿ ಇಂತಹ ಅವಘಡ ಸಂಭವಿಸುವ ಮೊದಲೇ ಇದನ್ನು ಬದಲಿಸಬೇಕು.
ರೆಸ್ಟೋ ಪಬ್ ಅಥವಾ ಯಾವುದೇ ವಾಣಿಜ್ಯ ಕಟ್ಟಡಗಳಲ್ಲಿ ಇಂತಹ ಭೀಕರ ಅಗ್ನಿ ದುರಂತಗಳನ್ನು ತಡೆಯಲು ಮತ್ತು ಪ್ರಾಣಹಾನಿಯನ್ನು ಕಡಿಮೆ ಮಾಡಲು ಅಗ್ನಿ ನಿರೋಧಕ ಒಳಾಂಗಣ ವಿನ್ಯಾಸ ಅತ್ಯಂತ ಅವಶ್ಯಕವಾಗಿದೆ.
ಸಾಮಾನ್ಯವಾಗಿ ಒಳಾಂಗಣ ಅಲಂಕಾರಕ್ಕೆ ಬಳಸುವ ಪ್ಲಾಸ್ಟಿಕ್, ಸಾಧಾರಣ ಪ್ಲೈವುಡ್ ಮತ್ತು ಫೋಮ್ಗಳು ಬೆಂಕಿಯನ್ನು ಬೇಗನೆ ಹೀರಿಕೊಂಡು ದಟ್ಟವಾದ ವಿಷಕಾರಿ ಹೊಗೆಯನ್ನು ಸೂಸುತ್ತವೆ.
ಇದಕ್ಕೆ ಪರ್ಯಾಯವಾಗಿ ಬಳಸಬಹುದಾದ ಸುರಕ್ಷಿತ ಅಗ್ನಿ ನಿರೋಧಕ ವಸ್ತುಗಳನ್ನು ಬಳಸಬೇಕು.
ಗೋಡೆ ಮತ್ತು ಸೀಲಿಂಗ್ಗೆ ಸುರಕ್ಷಿತ ವಸ್ತುಗಳು
ಫೈರ್-ರೇಟೆಡ್ ಡ್ರೈವಾಲ್ ಇವುಗಳಲ್ಲಿ ವಿಶೇಷವಾದ ಫೈಬರ್ಗ್ಲಾಸ್ ಇರುವುದರಿಂದ ಬೆಂಕಿ ಬೇಗನೆ ಹರಡುವುದಿಲ್ಲ
ಇವುಗಳನ್ನು 'ಟೈಪ್ ಎಕ್ಸ್' ಬೋರ್ಡ್ಗಳೆಂದು ಕರೆಯಲಾಗುತ್ತದೆ.
ಒಳಾಂಗಣದ ವುಡ್ ವರ್ಕ್ ಅಥವಾ ಪೀಠೋಪಕರಣಗಳಿಗೆ ಸಾಮಾನ್ಯ ಪ್ಲೈವುಡ್ ಬದಲಿಗೆ 'ಫೈರ್ ರಿಟಾರ್ಡಂಟ್' ಪ್ಲೈವುಡ್ ಬಳಸಬೇಕು.
ಸೌಂಡ್ ಪ್ರೂಫಿಂಗ್ ಶಬ್ದ ನಿಯಂತ್ರಣ ಮಾಡಲು ಗೋಡೆಗಳ ನಡುವೆ ಬಳಸುವ ಥರ್ಮಕೋಲ್ ಬದಲಿಗೆ ಬೆಂಕಿ ನಿರೋಧಕ ಗ್ಲಾಸ್ ಉಣ್ಣೆ ಅಥವಾ ರಾಕ್ ವೂಲ್ ಬಳಸಬೇಕು.
ಸೋಫಾ, ಪರದೆ ಮತ್ತು ಕುರ್ಚಿಗಳ ಮೇಲಣ ಅಲಂಕಾರಕ್ಕೆ ಉಣ್ಣೆ - ಚರ್ಮ ಅಥವಾ ವಿಶೇಷವಾಗಿ ಸಂಸ್ಕರಿಸಿದ ಅಗ್ನಿ ನಿರೋಧಕ ನೂಲಿನ ಬಟ್ಟೆಗಳನ್ನು ಬಳಸಬೇಕು.
ಸೋಫಾಗಳ ಒಳಗಿರುವ ಸಾಮಾನ್ಯ ಫೋಮ್ ಬೆಂಕಿಗೆ ತಕ್ಷಣ ಆಹುತಿಯಾಗುತ್ತದೆ ಅದಕ್ಕೆ ಬದಲಾಗಿ ಅಗ್ನಿ ನಿರೋಧಕ ಗುಣವಿರುವ ಫೋಮ್ ಬಳಸಬೇಕು.
ವುಡನ್ ಫ್ಲೋರಿಂಗ್ ಮರದ ನೆಲಹಾಸು ನೋಡಲು ಚಂದವಿದ್ದರೂ ಬೆಂಕಿಯ ಅಪಾಯ ಹೆಚ್ಚು ಅದಕ್ಕೆ ಪ್ರತಿಯಾಗಿ ಸೆರಾಮಿಕ್ ಟೈಲ್ಸ್, ಮಾರ್ಬಲ್ ಅಥವಾ ಗ್ರೆನೈಟ್ ಅತ್ಯಂತ ಸುರಕ್ಷಿತ.
ಕಾರ್ಪೆಟ್ ಬಳಸಲೇಬೇಕಾದಲ್ಲಿ ಅವುಗಳು 'ಫೈರ್ ರೆಸಿಸ್ಟೆಂಟ್' ಪ್ರಮಾಣೀಕರಣ ಹೊಂದಿರಬೇಕು.
ಸ್ಮೋಕ್ ಡಿಟೆಕ್ಟರ್ಸ್ ಹೊಗೆ ಕಾಣಿಸಿಕೊಂಡ ತಕ್ಷಣ ಸೈರನ್ ಮೊಳಗುವ ಸಿಸ್ಟಮ್ ಮತ್ತು ಬೆಂಕಿ ಆರಿಸಲು ಸ್ವಯಂಚಾಲಿತವಾಗಿ ನೀರು ಚಿಮುಕಿಸುವ ಸ್ಪ್ರಿಂಕ್ಲರ್'ಗಳನ್ನು ಕಡ್ಡಾಯವಾಗಿ ಅಳವಡಿಸಬೇಕು.
ತುರ್ತು ನಿರ್ಗಮನ ದಾರಿ ಯಾವುದೇ ಅಡೆತಡೆಗಳಿಲ್ಲದ, ಸ್ಪಷ್ಟವಾಗಿ ಕಾಣಿಸುವ ಕನಿಷ್ಠ ಎರಡು ತುರ್ತು ನಿರ್ಗಮನ ದಾರಿಗಳು ಇರಬೇಕು.
ಈ ದಾರಿಗಳ ಬಾಗಿಲುಗಳು ಅಗ್ನಿ ನಿರೋಧಕ ಸ್ಟೀಲ್ನಿಂದ ಮಾಡಲ್ಪಟ್ಟಿರಬೇಕು.
ಬೆಂಕಿ ಬಿದ್ದಾಗ ಹೊಗೆಯಿಂದಲೇ ಹೆಚ್ಚು ಜನ ಉಸಿರುಗಟ್ಟಿ ಸಾಯುತ್ತಾರೆ ಆದ್ದರಿಂದ ವಿಷಕಾರಿ ಹೊಗೆಯನ್ನು ತಕ್ಷಣ ಹೊರಹಾಕಲು ಪ್ರಬಲವಾದ ಎಕ್ಸಾಸ್ಟ್ ಫ್ಯಾನ್ ವ್ಯವಸ್ಥೆ ಇರಬೇಕು.
ಯಾವುದೇ ಪಬ್ ಅಥವಾ ರೆಸ್ಟೋರೆಂಟ್ಗಳನ್ನು ವಿನ್ಯಾಸಗೊಳಿಸುವಾಗ ಕೇವಲ ಸೌಂದರ್ಯಕ್ಕೆ ಆದ್ಯತೆ ನೀಡದೆ, ರಾಷ್ಟ್ರೀಯ ಕಟ್ಟಡ ಸಂಹಿತೆಯ (National Building Code - NBC) ಅಗ್ನಿ ಸುರಕ್ಷತಾ ನಿಯಮಗಳನ್ನು ಪಾಲಿಸುವುದು ಕಡ್ಡಾಯವಾಗಿದೆ.
#fireaccident #mysore #restopub #fireproof
#interiordecoration
Comments
Post a Comment