ಬ್ಲ್ಯಾಕ್_ಡಾಗ್_ಸ್ಕಾಚ್_ವಿಸ್ಕಿ_ಬ್ರಾಂಡ್_ಇತಿಹಾಸ
ಪ್ರಸಿದ್ಧವಾದ ಅಂತಾರಾಷ್ಟ್ರೀಯ ಬ್ರಾಂಡ್ ಆಗಿರುವ ಈ ಸ್ಕಾಚ್ ವಿಸ್ಕಿ ಇತಿಹಾಸ ತುಂಬಾ ರೋಚಕವಾಗಿದೆ,
ಇದು ಸ್ಕಾಟ್ಲ್ಯಾಂಡ್ನಲ್ಲಿ ಹುಟ್ಟಿ, ಭಾರತದಲ್ಲಿ ಅತ್ಯಂತ ಜನಪ್ರಿಯ ಹಾಗೂ ಪ್ರತಿಷ್ಠಿತ ಬ್ರ್ಯಾಂಡ್ ಆಗಿ ಬೆಳೆದ ಕಥೆ ಇಲ್ಲಿದೆ.
ಈ ಬ್ಲಾಕ್ ಡಾಗ್ ಬ್ರಾಂಡ್ ನಾಯಿ ಹೆಸರಲ್ಲ ಮೀನಿನ ಗಾಣಕ್ಕೆ ಸುರಿಯುವ ಕೃತಕ ಆಹಾರ ವಸ್ತುವಿನ ಹೆಸರು ಬ್ಲಾಕ್ ಡಾಗ್ ಈ ಸ್ಕಾಚ್ ವಿಸ್ಕಿಗೆ ಇಡುತ್ತಾರೆ.
ಬ್ರಿಟಿಷ್ ಭಾರತಕ್ಕಾಗಿ ಸಿದ್ಧವಾದ ಈ ಕಥೆ ಆರಂಭವಾಗುವುದು 1883 ರಲ್ಲಿ ಸ್ಕಾಟ್ಲ್ಯಾಂಡ್ನ ಲೀತ್ ಎಂಬಲ್ಲಿ.
ಬೊಂಬಾಯಿಯಲ್ಲಿ 'ಫಿಪ್ಸನ್ ಅಂಡ್ ಕಂಪನಿ' ಎಂಬ ಮದ್ಯದ ವ್ಯಾಪಾರ ಸಂಸ್ಥೆಯನ್ನು ನಡೆಸುತ್ತಿದ್ದ ಬ್ರಿಟಿಷ್ ಉದ್ಯಮಿ ಹರ್ಬರ್ಟ್ ಮುಸ್ಗ್ರೇವ್ ಫಿಪ್ಸನ್ ಭಾರತದಲ್ಲಿದ್ದ ಬ್ರಿಟಿಷ್ ಅಧಿಕಾರಿಗಳು ಮತ್ತು ಭಾರತೀಯ ಗಣ್ಯರಿಗಾಗಿ ಒಂದು ಪ್ರೀಮಿಯಂ ಸ್ಕಾಚ್ ವಿಸ್ಕಿಯನ್ನು ಆಮದು ಮಾಡಿಕೊಳ್ಳಲು ಬಯಸಿದರು.
ಅದಕ್ಕಾಗಿ ಅವರು ಸ್ಕಾಟ್ಲ್ಯಾಂಡ್ನ ಪ್ರಸಿದ್ಧ ಮಾಸ್ಟರ್ ಬ್ಲೆಂಡರ್ ಆದ #ಜೇಮ್ಸ್_ಮ್ಯಾಕಿನ್ಲೇ ಅವರಿಗೆ ಆರ್ಡರ್ ನೀಡಿದರು.
ಮ್ಯಾಕಿನ್ಲೇ ಅವರು ಸುದೀರ್ಘ ಸಮುದ್ರ ಪ್ರಯಾಣದಲ್ಲೂ ತನ್ನ ಗುಣಮಟ್ಟವನ್ನು ಕಳೆದುಕೊಳ್ಳದ, ಕುಡಿಯಲು ಅತ್ಯಂತ ಮೃದುವಾದ ಒಂದು ವಿಸ್ಕಿಯನ್ನು ಸಿದ್ಧಪಡಿಸಿದರು.
#ಬ್ಲ್ಯಾಕ್_ಡಾಗ್ ಎಂಬ ಹೆಸರು ಬರಲು ಕಾರಣವೇನೆಂದರೆ
ಈ ಹೆಸರಿನ ಹಿಂದೆ ಯಾವುದೇ ನಾಯಿಯ ಕಥೆಯಿಲ್ಲ, ಬದಲಿಗೆ ಇದಕ್ಕೊಂದು ಮೀನುಗಾರಿಕೆಯ ನಂಟಿದೆ!.
ಫಿಪ್ಸನ್ ಕಂಪನಿಯ 19 ವರ್ಷದ ಬ್ರಿಟಿಷ್ ಉದ್ಯೋಗಿ #ವಾಲ್ಟರ್_ಸ್ಯಾಮ್ಯುಯೆಲ್_ಮಿಲಾರ್ಡ್ ಎಂಬಾತನನ್ನು ಈ ವಿಸ್ಕಿಯ ತಯಾರಿಕೆಯನ್ನು ನೋಡಿಕೊಳ್ಳಲು 1884 ರಲ್ಲಿ #ಸ್ಕಾಟ್ಲ್ಯಾಂಡ್ಗೆ ಕಳುಹಿಸಲಾಯಿತು.
ಮಿಲಾರ್ಡ್ಗೆ ಗೂಳ ಮತ್ತು ಗಾಳ ಹಾಕಿ ಮೀನು ಹಿಡಿಯುವ ಹವ್ಯಾಸವಿತ್ತು, ನಮ್ಮಲ್ಲಿ ಗಾಳದಲ್ಲಿ ಮೀನು ಹಿಡಿಯಿಲು ಎರೆಹುಳ ಇತ್ಯಾದಿ ಸುರಿಯುವಂತೆ ಸ್ಕಾಟ್ಲ್ಯಾಂಡ್ನ ನದಿಗಳಲ್ಲಿ ಸಾಲ್ಮನ್ ಮೀನುಗಳನ್ನು ಹಿಡಿಯಲು ಗಾಳಕ್ಕೆ ಬಳಸುತ್ತಿದ್ದ Fly (ಕೃತಕ ಮೀನಿನ ಆಹಾರ) ವಸ್ತುವಿಗೆ ಬ್ಲ್ಯಾಕ್ ಡಾಗ್ ಎಂದು ಹೆಸರಿತ್ತು.
ಜೇಮ್ಸ್ ಮ್ಯಾಕಿನ್ಲೇ ತಯಾರಿಸಿದ ವಿಸ್ಕಿಯ ರುಚಿಗೆ ಮನಸೋತ ಮಿಲಾರ್ಡ್ ತನಗೆ ಅತ್ಯಂತ ಪ್ರಿಯವಾದ ಆ ಮೀನು ಹಿಡಿಯುವ ಗಾಳದ Fly ನೆನಪಿಗಾಗಿ ಈ ವಿಸ್ಕಿಗೆ #ಮಿಲಾರ್ಡ್_ಬ್ಲ್ಯಾಕ್_ಡಾಗ್"ಎಂದು ಹೆಸರಿಟ್ಟರು.
ದಶಕಗಳ ಕಾಲ ಈ ಬಾಟಲಿಯ ಮೇಲಿನ ಲೇಬಲ್ನಲ್ಲಿ "ಸರ್ ವಾಲ್ಟರ್ ಮಿಲಾರ್ಡ್" ಎಂದು ಬರೆಯಲಾಗಿತ್ತು ಆದರೆ ನಿಜ ಏನೆಂದರೆ ವಾಲ್ಟರ್ ಮಿಲಾರ್ಡ್ಗೆ ಬ್ರಿಟಿಷ್ ಸರ್ಕಾರ ಎಂದಿಗೂ "ಸರ್" (Knighthood) ಪದವಿ ನೀಡಿರಲಿಲ್ಲ!
ಬ್ರ್ಯಾಂಡ್ಗೆ ಒಂದು ರಾಜಮನೆತನದ ಅಥವಾ ಗಾಂಭೀರ್ಯದ ಲುಕ್ ಕೊಡಲು ಮಾರ್ಕೆಟಿಂಗ್ಗಾಗಿ ಹಾಗೆ ಬಳಸಲಾಗಿತ್ತು.
ಮೊದಮೊದಲು ಈ ವಿಸ್ಕಿಯನ್ನು ಸ್ಕಾಟ್ಲ್ಯಾಂಡ್ನಲ್ಲೇ ಬಾಟಲಿಂಗ್ ಮಾಡಿ ಭಾರತಕ್ಕೆ ತರಲಾಗುತ್ತಿತ್ತು ಆದರೆ ನಂತರದ ದಿನಗಳಲ್ಲಿ ಭಾರತದ ಮಾರುಕಟ್ಟೆ ಇದನ್ನು ಸಂಪೂರ್ಣವಾಗಿ ಬದಲಾಯಿಸಿತು.
1992 ರ ಬದಲಾವಣೆ ಭಾರತದಲ್ಲಿದ್ದ ಭಾರಿ ಆಮದು ಸುಂಕವನ್ನು ತಪ್ಪಿಸಲು, ಯುನಿಟೆಡ್ ಸ್ಪಿರಿಟ್ಸ್ ಲಿಮಿಟೆಡ್ ಸಂಸ್ಥೆಯು ಸ್ಕಾಟ್ಲ್ಯಾಂಡ್ನಿಂದ ವಿಸ್ಕಿಯ ಮೂಲ ದ್ರವವನ್ನು ನೇರವಾಗಿ ತರಿಸಿ ಮಹಾರಾಷ್ಟ್ರದ ನಾಸಿಕ್ನಲ್ಲಿ ಇಲ್ಲೇ ಬಾಟಲಿಂಗ್ ಮಾಡಲು ಆರಂಭಿಸಿತು.
ಇದರಿಂದಾಗಿ ಇದರ ಬೆಲೆ ಭಾರತೀಯರಿಗೆ ಕೈಗೆಟುಕುವಂತಾಯಿತು.
ಪ್ರಸ್ತುತ ಈ ಬ್ರ್ಯಾಂಡ್ ವಿಶ್ವದ ಅತಿ ದೊಡ್ಡ ಮದ್ಯ ತಯಾರಿಕಾ ಸಂಸ್ಥೆಯಾದ 'ಡಿಯಾಜಿಯೊ' ಒಡೆತನದಲ್ಲಿದೆ.
ಬಾಲಿವುಡ್ ಸಿನಿಮಾ ಕನೆಕ್ಷನ್
ಭಾರತದಲ್ಲಿ ಬ್ಲ್ಯಾಕ್ ಡಾಗ್ ಬೆಳೆಯಲು 70 ಮತ್ತು 80ರ ದಶಕದ ಬಾಲಿವುಡ್ ಸಿನಿಮಾಗಳು ದೊಡ್ಡ ಕಾರಣ.
ಸಿನಿಮಾಗಳಲ್ಲಿ ದೊಡ್ಡ ಡಾನ್ ಅಥವಾ ವಿಲನ್ ಆಗಿರುವವರು ಬ್ಲ್ಯಾಕ್ ಡಾಗ್ ವಿಸ್ಕಿ ಕುಡಿಯುವುದೇ ಒಂದು ಟ್ರೆಂಡ್ ಆಗಿತ್ತು.
ಮುಖ್ಯವಾಗಿ 1988 ರ ಅಮಿತಾಭ್ ಬಚ್ಚನ್ ಅವರ ಶಹನ್ಶಾ ಸಿನಿಮಾದಲ್ಲಿ ಖ್ಯಾತ ವಿಲನ್ ಅಮರೀಶ್ ಪುರಿ (ಜೆ.ಕೆ. ಪಾತ್ರದಲ್ಲಿ) ಈ ವಿಸ್ಕಿಯನ್ನು ಆರ್ಡರ್ ಮಾಡುತ್ತಾ ಹೇಳುವ ಡೈಲಾಗ್ ಇಂದಿಗೂ ಫೇಮಸ್ ಆಗಿದೆ ಅದು "ಜಬ್ ಭೀ ಮೇನ್ ಗೋರಿ ಹಸೀನೋ ಕೊ ದೇಖ್ತಾ ಹೂಂ, ಮೇರೆ ದಿಲ್ ಮೇ ಕಾಲೇ ಕುತ್ತೇ ಭೌಂಕನೇ ಲಗ್ತೇ ಹೈಂ,ತಬ್ ಮೇನ್ ಬ್ಲ್ಯಾಕ್ ಡಾಗ್ ವಿಸ್ಕಿ ಪೀತಾ ಹೂಂ."
ಇಂದಿನ ಬ್ಲ್ಯಾಕ್ ಡಾಗ್
ಇತ್ತೀಚಿನ ವರ್ಷಗಳಲ್ಲಿ ಈ ಬ್ರ್ಯಾಂಡ್ ತನ್ನ ಹಳೆಯ ಶೈಲಿಯನ್ನು ಬದಲಾಯಿಸಿ ಇಂದಿನ ಯುವ ಪೀಳಿಗೆಗೆ ತಕ್ಕಂತೆ ಹೊಸ ರೂಪ ಪಡೆದಿದೆ.
ಇದರ ಲೇಬಲ್ ಮೇಲೆ ಈಗ ಮೀನು ಹಿಡಿಯುವ ಆ Fishing Fly ಚಿತ್ರವನ್ನು ಮತ್ತು ಒಬ್ಬ ಮನುಷ್ಯನ ಚಿತ್ರವನ್ನು ಆಧುನಿಕವಾಗಿ ವಿನ್ಯಾಸಗೊಳಿಸಲಾಗಿದೆ.
ಸ್ಕಾಟ್ಲ್ಯಾಂಡ್ನ ಪ್ರಸಿದ್ಧ ಲಿಂಕ್ವುಡ್ ಡಿಸ್ಟಿಲರಿಯಿಂದ ಬರುವ ಸಿಂಗಲ್ ಮಾಲ್ಟ್ಗಳನ್ನು ಬಳಸಿ ಇದನ್ನು ತಯಾರಿಸಲಾಗುವುದರಿಂದ ಇಂದಿಗೂ ಇದು ತನ್ನ ಹಳೆಯ ಮರದ ಪರಿಮಳ ಹಾಗೂ ಜೇನುತುಪ್ಪದಂತಹ ಸೌಮ್ಯ ಸಿಹಿಯ ರುಚಿಯನ್ನು ಉಳಿಸಿಕೊಂಡಿದೆ.
#Disclaimer "ಮದ್ಯಪಾನ ಆರೋಗ್ಯಕ್ಕೆ ಹಾನಿಕರ"/ "ಇದು ಕೇವಲ ಮಾಹಿತಿ ಉದ್ದೇಶದ ಲೇಖನವಾಗಿದ್ದು, ಮದ್ಯಪಾನವನ್ನು ಪ್ರೋತ್ಸಾಹಿಸುವುದಿಲ್ಲ".
#BrandBuilding #internationa #storytelling
#scoth #fishingfly #name #labels
Comments
Post a Comment