Blog number 1696.ಆನಂದಪುರಂನಲ್ಲಿ ಬೈಪಾಸ್‌ ರಾ.ಹೆ. 766 C ರಾಣಿಬೆನ್ನೂರು ಬೈಂದೂರು ರಾಷ್ಟ್ರೀಯ ಹೆದ್ದಾರಿಗೆ .

#ಆನಂದಪುರಂನಲ್ಲಿ_ರಾಣಿಬೆನ್ನೂರು_ಬೈಂದೂರು_ರಾಷ್ಟ್ರೀಯ_ಹೆದ್ದಾರಿ_ಬೈಪಾಸ್ 

#ದಾಸಕೊಪ್ಪ_ವೃತ್ತದಿಂದ_ಯಡೇಹಳ್ಳಿ_ಗಣಪತಿ_ದೇವಸ್ಥಾನ_ಸಮೀಪಕ್ಕೆ.

#ಎರೆಡು_ಸಾವಿರದ_ಏಳು_ನೂರು_ಮೀಟರ್_ಜೋಡಿ_ರಸ್ತೆ

#ರಾ_ಹೆ_766C_ರಾಣಿಬೆನ್ನೂರು_ಬೈಂದೂರು.

#ತುಮಕೂರು_ಹೊನ್ನಾವರ_ಸೇರುವ_ರಾ_ಹೆ_69_ಕೂಡ_ಆನಂದಪುರಂನಲ್ಲಿ_ಹಾದು_ಹೋಗಲಿದೆ.

#ಕನಾ೯ಟಕದಲ್ಲಿ_14_ರಾ_ಹೆ_ಹಾದು_ಹೋಗಿದೆ 

#ಐದು_ಸ್ಥಳದಲ್ಲಿ_ಮಾತ್ರ_ಎರೆಡು_ರಾ_ಹೆ_ಹಾದು_ಹೋಗಿದೆ.

  ನ್ಯಾಷನಲ್ ಹೈವೇ ಅಥಾರಿಟಿ ಆನಂದಪುರಂನಲ್ಲಿ ಹಾದು ಹೋಗುವ NH 766 C (ರಾಣಿಬೆನ್ನೂರು ಬೈಂದೂರು) ರಾಷ್ಟ್ರೀಯ ಹೆದ್ದಾರಿಗೆ ಬೈಪಾಸ್ ನಿರ್ಮಿಸಲು ಎಲ್ಲಾ ರೀತಿಯ ತಯಾರಿ ನಡೆಸಿದೆ.

  ಈ ಬೈಪಾಸ್ ಜೋಡಿ ರಸ್ತೆ ದಾಸಕೊಪ್ಪ ವೃತ್ತದ ಕಮಲಾಕ್ಷ ನಾಯಕರ ಜಾಗದಿಂದ ಗೌರಿಕೆರೆ ಕೆಳಗಿನ ಗುಂಡಿಬೈಲು ಜಮೀನಿನಲ್ಲಿ ಸಾಗಿ, ರಂಗನಾಥ ಸ್ವಾಮಿ ದೇವಾಲಯದ ಕೆಳಗಿನ ಕೆ.ಎಂ.ಎಸ್ ಲೇಔಟ್ ಗೆ ತಾಗಿ ಯಡೇಹಳ್ಳಿ ಕೆರೆ ಕೆಳಗಿನ ಗುಂಡಿಬೈಲು ಜಮೀನಿನ ಮುಖಾಂತರ ಯಡೇಹಳ್ಳಿ ಆಚಾಪುರ NH 69ರ ರಾಷ್ಟ್ರೀಯ ಹೆದ್ದಾರಿಯಲ್ಲಿರುವ ಪೂವಪ್ಪಣ್ಣರ ಬಾವನ ವರ್ಕ್ ಶಾಪ್ ಪಕ್ಕದಲ್ಲಿ ರಾಷ್ಟ್ರೀಯ ಹೆದ್ದಾರಿ NH 69 ಕ್ರಾಸ್ ಮಾಡಿ RR ರೈಸ್ ಮಿಲ್ ಗಿಂತ ಮೊದಲೇ ರಿಪ್ಟನ್ ಪೇಟೆ ರಸ್ತೆ ಕ್ರಾಸ್ ಮಾಡಿ ಸಲಿಂ ಗ್ಯಾರೇಜ್ ಮತ್ತು ಉದ್ದ ನೂರು ಜಾಗದ ಮದ್ಯದಲ್ಲಿ ಹಾದು ರೈಲ್ವೆ ರಸ್ತೆ ಕ್ರಾಸ್ ಮಾಡಿ ಶಾಂತಬೈಲು ಮಧ್ಯದಿಂದ ಹೊಸನಗರ ರಸ್ತೆಯಲ್ಲಿ ಗಣಪತಿ ದೇವಸ್ಥಾನದ ನಂತರ ಇರುವ ದಿವಂಗತ ಗಣಪತಿ ಮಾಸ್ತರ್ ಅವರ ಜಾಗದಲ್ಲಿ ಸೇರುತ್ತದೆ.

  2700 ಮೀಟರ್ ಅಂದರೆ 2.7 ಕಿ.ಮೀಟರ್ ರಸ್ತೆ ನಿರ್ಮಾಣಕ್ಕಾಗಿ ಹಣ ಮಂಜೂರಾಗಿದೆ, ರಸ್ತೆ ನಿರ್ಮಾಣಕ್ಕೆ ಭೂಮಿ ಗುರುತಿಸಿದ್ದಾರೆ, ಭೂ ಸ್ವಾದೀನ ಪಡಿಸಿಕೊಳ್ಳಲು ಅಧಿಸೂಚನೆ ಹೊರಡಿಸಿದೆ.

   ಇದರ ಜೊತೆಗೆ ತುಮಕೂರು ಹೊನ್ನಾವರ ಸೇರುವ ರಾಷ್ರೀಯ ಹೆದ್ದಾರಿ 69 ಕೂಡ ಆನಂದಪುರಂ ಹಾದು ಹೋಗಲಿದೆ ಇದಕ್ಕೂ ಬೈಪಾಸ್ ನಿರ್ಮಾಣಕ್ಕೆ ಸರ್ವೇ ಕೆಲಸ ಪ್ರಗತಿಯಲ್ಲಿದೆ.

  ಒಂದೇ ಊರಿನಲ್ಲಿ ಎರೆಡು ರಾ.ಹೆ. ಹಾದು ಹೋಗುವ ರಾಜ್ಯದ ಐದು ಸ್ಥಳಗಳಲ್ಲಿ ಆನಂದಪುರಂ ಕೂಡ ಒಂದು (ಕರ್ನಾಟಕದಲ್ಲಿ 14 ರಾಷ್ಟ್ರೀಯ ಹೆದ್ದಾರಿ ಹಾದು ಹೋಗಿದೆ).

  ಮುಂದಿನ ದಿನಗಳಲ್ಲಿ ಈ ಎರೆಡೂ ರಾಷ್ಟ್ರೀಯ ಹೆದ್ದಾರಿಯ ಬೃಹತ್ ಕಾಮಗಾರಿಗೆ ಆನಂದಪುರಂ ಸಾಕ್ಷಿ ಆಗಲಿದೆ, ಸ್ವಾದೀನ ಪಡಿಸಿಕೊಳ್ಳುವ ಭೂಮಿಗೆ ಸರ್ಕಾರ ಪರಿಹಾರ ನೀಡಲಿದೆ ಆದರೆ ಈ ಪರಿಹಾರ ಸಾಗರದ ಸಬ್ ರಿಜಿಸ್ಟ್ರಾರ್ ಕಛೇರಿಯಲ್ಲಿ ನಿಗದಿ ಆದ ಬೆಲೆಯ 3 ಪಟ್ಟು ನೀಡುತ್ತದೆ, ಇದು ಆನಂದಪುರಂನ ಕೃಷಿ ಭೂಮಿಗೆ ಹಾಲಿ ಬೇಡಿಕೆ ಇರುವ ಬೆಲೆಗಿಂತ ಹತ್ತನೇ ಒಂದು ಭಾಗ ಉದಾಹರಣೆ ಒಂದು ಎಕರೆಗೆ ಈಗಿನ ಬೆಲೆ 30 ಲಕ್ಷ ಇದೆ ಆ೦ದರೆ ಸಬ್ ರಿಜಿಸ್ಟ್ರಾರ್ ನಿಗದಿಯ ಬೆಲೆ 3 ಲಕ್ಷ ಆದರೆ ಅದರ ಮೂರು ಪಟ್ಟು ಅಂದರೆ 9 ಲಕ್ಷ .ಇದು ಭೂಮಿ ಕಳೆದುಕೊಳ್ಳುವ ರೈತರಿಗೆ ನಷ್ಟವೇ ಆದರೂ ರಾಷ್ಟ್ರೀಯ ಹೆದ್ದಾರಿ ಹಾದು ಹೋಗುವ ಅಕ್ಕ ಪಕ್ಕದ ಜಮೀನಿಗೆ ಬಂಗಾರದ ಬೆಲೆ ಬರಲಿದೆ ಎನ್ನುವುದು ಆಶಾ ಭಾವನೆ ಆಗಿದೆ.

   ಮನೆ ನಿವೇಶನಗಳು ಚದರ ಅಡಿಯ ಮೂರು ಪಟ್ಟು ಅಂದರೆ ಆನಂದಪುರಂನಲ್ಲಿ ಸಬ್ ರಿಜಿಸ್ಟ್ರಾರ್ ಬೆಲೆ ಮನೆ ನಿವೇಶನಕ್ಕೆ ಚದರ ಅಡಿಗೆ 350 ರೂಪಾಯಿ ಇದ್ದರೆ ಪ್ರತಿ ಚದರ ಅಡಿಗೆ ಸಾವಿರ ರೂಪಾಯಿ ಪರಿಹಾರ ನಿರೀಕ್ಷಿಸ ಬಹುದಾಗಿದೆ.

   ಈ ಬಗ್ಗೆ ನ್ಯಾಷನಲ್ ಹೈವೇ ಅಥಾರಿಟಿ ಬಿಡುಗಡೆ ಮಾಡಿದ ನಕಾಶೆ ಮತ್ತು ಭೂ ಸ್ವಾದೀನಕ್ಕೆ ಗುರುತಿಸಿರುವ ಭೂಮಿಗಳ ಪತ್ರಿಕಾ ಜಾಹಿರಾತು ಪ್ರತಿ ಮಾಹಿತಿಗಾಗಿ ಇಲ್ಲಿ ಪೋಸ್ಟ್ ಮಾಡಿದೆ ಜೂಂ ಮಾಡಿ ನೋಡಿ.