Blog number 1965. ಪುರಾತನ ಶಿಲಾಶಾಸನದ ಹೊಸಗನ್ನಡದ ವಿವರದ ಫಲಕ ಆಯಾ ಊರಿನ ಶಿಲಾಶಾಸನದ ಪಕ್ಕದಲ್ಲಿ ಆಳವಡಿಸುವ ಅಭಿಯಾನ ಆಯಾ ಊರವರೇ ಪ್ರಾರಂಬಿಸಲಿ

#ಪುರಾತನ_ಶಿಲಾಶಾಸನದ_ಹೊಸಗನ್ನಡದ_ವಿವರದ_ಫಲಕ_ಅಳವಡಿಸುವ_ಅಭಿಯಾನ_ಆಯಾ_ಊರವರೇ_ಪ್ರಾರಂಭಿಸಲಿ

#ಪ್ರತಿ_ಊರಿಗೂ_ಒಂದು_ಹೆಸರಿದೆ_ಅದಕೊಂದು_ಹಿನ್ನೆಲೆ_ಇದೆ

#ಊರಿಗೆ_ಇತಿಹಾಸವೂ_ಇದೆ_ಊರಲ್ಲಿನ_ಗುಡಿ_ಗೋಪುರಗಳು

#ಶಿಲಾಶಾಸನಗಳು_ರಾಜರ_ಕಾಲದ_ದಾನ_ದತ್ತಿಯ_ಕಥೆ_ಹೇಳುತ್ತದೆ

#ಶಿಲಾಶಾಸನದಲ್ಲಿ_ಕೆತ್ತಿರುವ_ಹಳೆಗನ್ನಡ_ಅರ್ಥ_ಆಗದೆ

#ಕೆಲವು_ಶಿಲಾಶಾಸನ_ಊರವರು_ಪೂಜಿಸಿದರೆ_ಕೆಲವು_ಬಟ್ಟೆ_ಒಗೆಯುವ_ಚಪ್ಪಡಿ_ಆಗಿದೆ

#ಆಚಾಪುರ_ಸಮೀಪದ_ರಾಷ್ಟ್ರೀಯ_ಹೆದ್ದಾರಿ_ಪಕ್ಕದಲ್ಲಿರುವ_ಬೃಹತ್_ಶಿಲಾ_ಶಾಸನ.

 #ಕ್ರಿಶ_1042ರಲ್ಲಿ_ಸಮೀಪದ_ಅಂದಾಸುರದಲ್ಲಿ_ಗೋನೇಶ್ವರ_ಮತ್ತು_ಸೂರ್ಯಮಾರ್ತಾಂಡ_ದೇವಾಲಯ_ನಿಮಿ೯ಸಿದ

 #ಬನವಾಸಿ_ನಾಡಿನ_ರಾಜ್ಯಪಾಲ_ಬಿಜ್ಜಳನ_ಸಾಮಂತ_ಗೋರರಸ

#ದೇವಾಲಯ_ನಿರ್ಮಿಸಿದ_ಕಮ್ಮಾರಚಿಕ್ಕನಿಗೆ_ಭೂದಾನ_ನೀಡಿದ_ಶಿಲಾಶಾಸನ

#ಎಂಟು_ಅಡಿ_ಎತ್ತರ_ನಾಲ್ಕು_ಅಡಿ_ಅಗಲದ_71_ಸಾಲುಗಳ_ಬೃಹತ್_ಶಿಲಾಶಾಸನ

#ಈ_ಶಾಸನದಲ್ಲಿ_ಉಲ್ಲೇಖಿಸಿರುವ_ಆ_ಕಾಲದ_ರಾಜದಾನಿ_ಅಂದಾಸುರ_ಈಗ_ಒಂದು_ಹಳ್ಳಿ

#ಶಾಸನದಲ್ಲಿರುವ_ಗೋನೇಶ್ವರ_ಮತ್ತು_ಸೂರ್ಯಮಾರ್ತಾಂಡ_ದೇವಸ್ಥಾನದ_ಕುರುಹು_ಇಲ್ಲಿಲ್ಲ.

  ಆನಂದಪುರಂನಿಂದ ಶಿವಮೊಗ್ಗ ಮಾರ್ಗದಲ್ಲಿ ಆಚಾಪುರದಿಂದ ಒಂದು ಕಿ.ಮಿ ಹಿಂದೆ ರಾಷ್ಟ್ರೀಯ ಹೆದ್ದಾರಿ 206 ರಲ್ಲಿ ರಸ್ತೆಯ ಎಡಬಾಗದಲ್ಲಿ  ಸುಮಾರು 980 ವಷ೯ದಿಂದ ಈ ಬೃಹತ್ ಶಿಲಾ ಶಾಸನ ಬಿಸಿಲು ಮಳೆಗೆ ಎದೆ ಒಡ್ಡಿ ನಿಂತಿದೆ.

   ರಾಜ್ಯ ಹೆದ್ದಾರಿ ರಾಷ್ಟ್ರೀಯ ಹೆದ್ದಾರಿ ಆಗಿ ಮೇಲ್ದರ್ಜೆಗೆ ಏರಿದೆ, ವಾಹನ ಸಂಚಾರ ಹೆಚ್ಚು, ರಸ್ತೆಯೂ ವಿಸ್ತಾರ ಆಗುತ್ತಿರುವುದರಿಂದ ಈ ಶಾಸನ ತುರ್ತಾಗಿ ಸಂರಕ್ಷಿಸಬೇಕಾಗಿದೆ.

  1902 ರಲ್ಲಿ ರೈಸ್ ರವರು ಪ್ರಕಟಿಸಿದ ಎಪಿಗ್ರಾಫಿ ಕರ್ನಾಟಕದ ಸಂಪುಟದಲ್ಲಿ ಇದು ನಮೂದಾಗಿದೆ ಇನ್ನೊಂದು ವಿಶೇಷ ಅಂದರೆ ಸ್ವತಃ ರೈಸ್ ರವರೇ ಆನಂದಪುರಂಗೆ ಬೇಟಿ ನೀಡಿ ಇದನ್ನೆಲ್ಲ ದಾಖಲಿಸಿದ್ದಾರೆ.

   ಆನಂದಪುರಂ ಸುತ್ತಮುತ್ತಲಿನ ಶಿಲಾಶಾಸನ ಮತ್ತು ತಾಮ್ರಪತ್ರಗಳ ದಾಖಲೆಯಲ್ಲಿ

  4) ಎಪಿಗ್ರಾಫಿಯ ಕ್ರ.ಸಂ. 109. ಕ್ರಿಶ 1042 AD.

ಆಚಾಪುರ ರಾ.ಹೆ. 206.8 ಅಡಿ ಎತ್ತರ X 4 ಅಡಿ ಅಗಲದ ಶಿಲಾ ಶಾಸನ.

ಆನಂದಪುರಂನಿಂದ ಶಿವಮೊಗ ಮಾರ್ಗದಲ್ಲಿ  ರಾಷ್ಟ್ರಿಯ ಹೆದ್ದಾರಿ 206 ರಲ್ಲಿ ಆಚಾಪುರಕ್ಕಿಂತ ಹಿಂದೆ ಎಡಬಾಗದಲ್ಲಿರುವ ಬೃಹತ್ ಶಿಲಾ ಶಾಸನ ಮುಂದಿನ ಪೀಳಿಗೆಗಾಗಿ ಈಗಲೇ ಸಂರಕ್ಷಿಸಿಕೊಳ್ಳಬೇಕಾಗಿದೆ ಇದು ಆನಂದಪುರಂ ಇತಿಹಾಸವನ್ನು ಕ್ರಿಸ್ತ ಶಕ 10 ನೇ ಶತಮಾನಕ್ಕೆ ಒಯ್ಯುವ ಅತ್ಯಂತ ಪುರಾತನ ದಾಖಲೆ ಕೂಡ.

ಕ್ರಿ.ಶ. 25- ಏಪ್ರಿಲ್ -1042 ರಲ್ಲಿ ಬನವಾಸಿ ನಾಡಿನ ರಾಜ್ಯಪಾಲ ಬಿಜ್ಜಳನ ಸಾಮಂತ ಗೋರರಸನು ಅಂದಾಸುರದಲ್ಲಿ ನಿರ್ಮಿಸಿದ ಗೋನೇಶ್ವರ ಮತ್ತು ಸೂಯ೯ ಮಾತಾ೯೦ಡೇಶ್ವರ ದೇವಾಲಯ ನಿರ್ಮಾಣದಲ್ಲಿ ಇಟ್ಟಿಗೆ ಶಿಲೆಯ ಕಾಮಗಾರಿ ನಿರ್ವಹಿಸಿದ ಚಿಕ್ಕ ಎಂಬ ವಿಶ್ವಕರ್ಮಿಗೆ ಭೂದಾನ ಮಾಡಿದ ಶಾಸನ ಇದು, ಈಗ ಅಂದಾಸುರದಲ್ಲಿ ಈ ಶಾಸನದಲ್ಲಿ ತಿಳಿಸಿದ ದೇವಾಲಯಗಳು ಯಾವುದೂ ಇಲ್ಲ, ಗೋನೇಶ್ವರ ಮತ್ತು ಸೂರ್ಯಮಾರ್ತಾಂಡೇಶ್ವರ ಎಂಬ ದೇವಾಲಯಗಳು ಈ ಒಂದು ಸಾವಿರ ವಷ೯ದಲ್ಲಿ ನಶಿಸಿ ಹೋಗಿರಬೇಕು.

 

ಈ ಶಾಸನ ರಾಷ್ಟ್ರೀಯ ಹೆದ್ದಾರಿ ಪಕ್ಕದಲ್ಲೇ ಇದ್ದು ವಾಹನ ಸಂಚಾರ ದಟ್ಟಣೆಯಿಂದ ಯಾವುದೇ ಅವಘಡ ಸಂಭವಿಸಿದರೆ ಈ ಪ್ರಾಚಿನ ಶಾಸನ ಕಳೆದುಕೊಳ್ಳುವ ಅಪಾಯ ಇದೆ.

   ಇಲ್ಲಿ ಕ್ಲಿಕ್ ಮಾಡಿ ಶಾಸನದ ವಿವರ ಓದಿ

https://arunprasadhombuja.blogspot.com/2022/02/72-206-1042.html