Blog number 1939. ಮಹಾನ್ ರೈತ ನಾಯಕ ನಂಜುಂಡ ಸ್ವಾಮಿ ಅವರ 20 ನೇ ಪುಣ್ಯ ತಿಥಿಯ ಸ್ಮರಣೆಗಳು

#ಇವತ್ತು_ಪ್ರೋಫೆಸರ್_ನಂಜು೦ಡಸ್ವಾಮಿಯವರ_20ನೇ_ಪುಣ್ಯತಿಥಿ

#ಪ್ರೊ_ಮಹಾಂತ_ದೇವರು_ನಂಜುಂಡಸ್ವಾಮಿ_ಜನನ_13_ಫೆಬ್ರವರಿ_1936_ಮರಣ_3_ಫೆಬ್ರವರಿ_2004

 #ಒಬ್ಬ_ಗಾಂಧಿವಾದಿ_ನಾಯಕ_ರೈತ_ಮುಖಂಡ,

#ಬಂಡಿ_ಯಾತ್ರೆಯಲ್ಲಿ_ಆವಿನಳ್ಳಿಯಲ್ಲಿ_ಎತ್ತಿನಗಾಡಿಯಲ್ಲಿ_ಒಟ್ಟಿಗೆ_ಕುಳಿತಿದ್ದು

#ಕೊನೆಯ_ಬೇಟಿಯಲ್ಲಿ_ಅವರು_ನನಗೆ_ನೀಡಿದ_ಬೀಡಿ_ಕಟ್ಟು

#ಇವತ್ತಿಗೆ_20_ವರ್ಷದ_ಹಿಂದೆ_ಮಧ್ಯರಾತ್ರಿ_ಅವರ_ಅಂತಿಮ_ದರ್ಶನಕ್ಕೆ

 #ಸಾಗರದಿಂದ_ಬೆಂಗಳೂರಿನ_ರಾಜರಾಜೇಶ್ವರಿ_ನಗರದ_ಅವರ_ಮನೆ_ತಲುಪಿದ್ದೆವು.

#ನಮ್ಮ_ತಂದೆ_ಇವರ_ಜೈಲ್_ಭರೋ_ಕರೆಯಿಂದ_ಜೈಲಿಗೆ_ಹೋದವರು.

#ಅಗ್ನಿ_ಶ್ರೀಧರ್_ಬೆಂಗಳೂರಿನ_ಅಂಬೇಡ್ಕರ್_ಭವನದಲ್ಲಿ_ಪ್ರೋಪೆಸರ್_ನಡಿನಮನ_ಕಾರ್ಯಕ್ರಮದಲ್ಲಿ

#ನನಗೆ_ನುಡಿ_ನಮನ_ಅರ್ಪಿಸುವ_ಅವಕಾಶ_ನೀಡಿದ್ದರು.

#ಇವತ್ತು_ಪ್ರೋಫೆಸರ್_ನಂಜು೦ಡಸ್ವಾಮಿಯವರ_20ನೇ_ಪುಣ್ಯತಿಥಿ

#ಪ್ರೊ_ಮಹಾಂತ_ದೇವರು_ನಂಜುಂಡಸ್ವಾಮಿ_ಜನನ_13_ಫೆಬ್ರವರಿ_1936_ಮರಣ_3_ಫೆಬ್ರವರಿ_2004

 #ಒಬ್ಬ_ಗಾಂಧಿವಾದಿ_ನಾಯಕ_ರೈತ_ಮುಖಂಡ,

#ಬಂಡಿ_ಯಾತ್ರೆಯಲ್ಲಿ_ಆವಿನಳ್ಳಿಯಲ್ಲಿ_ಎತ್ತಿನಗಾಡಿಯಲ್ಲಿ_ಒಟ್ಟಿಗೆ_ಕುಳಿತಿದ್ದು

#ಕೊನೆಯ_ಬೇಟಿಯಲ್ಲಿ_ಅವರು_ನನಗೆ_ನೀಡಿದ_ಬೀಡಿ_ಕಟ್ಟು

#ಇವತ್ತಿಗೆ_20_ವರ್ಷದ_ಹಿಂದೆ_ಮಧ್ಯರಾತ್ರಿ_ಅವರ_ಅಂತಿಮ_ದರ್ಶನಕ್ಕೆ

 #ಸಾಗರದಿಂದ_ಬೆಂಗಳೂರಿನ_ರಾಜರಾಜೇಶ್ವರಿ_ನಗರದ_ಅವರ_ಮನೆ_ತಲುಪಿದ್ದೆವು.

#ನಮ್ಮ_ತಂದೆ_ಇವರ_ಜೈಲ್_ಭರೋ_ಕರೆಯಿಂದ_ಜೈಲಿಗೆ_ಹೋದವರು.

#ಅಗ್ನಿ_ಶ್ರೀಧರ್_ಬೆಂಗಳೂರಿನ_ಅಂಬೇಡ್ಕರ್_ಭವನದಲ್ಲಿ_ಪ್ರೋಪೆಸರ್_ನಡಿನಮನ_ಕಾರ್ಯಕ್ರಮದಲ್ಲಿ

#ನನಗೆ_ನುಡಿ_ನಮನ_ಅರ್ಪಿಸುವ_ಅವಕಾಶ_ನೀಡಿದ್ದರು.

   ಮಹಾನ್ ರೈತ ನಾಯಕರಾದ ಪ್ರೋಪೆಸರ್ ಎನ್. ಡಿ. ನಂಜುಂಡ ಸ್ವಾಮಿ ಅವರು 1999 ರಲ್ಲಿ ನನ್ನ ಮನೆಗೆ  ಬಂದದ್ದು ನನಗಿOತ ನನ್ನ ತಂದೆಗೆ ತುಂಬಾ ಸಂತೋಷ ಆಗಿತ್ತು, ಪ್ರೋಪೆಸರ್ ನಂಜುಂಡ ಸ್ವಾಮಿ ಮತ್ತು ಕೋಡಿಹಳ್ಳಿ ಚಂದ್ರಶೇಖರ್ ಇವರನ್ನು ಅವತ್ತು ಕರೆ ತಂದವರು ಗೆಳೆಯರಾದ ರೈತ ಹೋರಾಟ ದಿನಪತ್ರಿಕೆ ಸಂಪಾದಕರಾಗಿದ್ದ ಎನ್ ಡಿ ವಸಂತ ಕುಮಾರ್.

 ಇವರ ಬಾಷಣ ಜಿಲ್ಲೆಯಲ್ಲಿ ಎಲ್ಲೇ ಇದ್ದರೂ ನಮ್ಮ ತಂದೆ ಹೋಗುತ್ತಿದ್ದರು, ಇವರ ಜೈಲ್ ಬರೋ ಕರೆಯಿಂದ ನಮ್ಮ ತಂದೆ ಜೈಲಿಗೂ ಹೋಗಿ ಬಂದವರು.

 

 ಅವತ್ತು ಪ್ರೋಫೆಸರ್ ಗೆ ನಮ್ಮ ತಂದೆ ಹೂವಿನ ಹಾರ ಹಾಕಿದರು ಯಾರಿಂದಲೂ ಹಾರ ಸ್ವೀಕರಿಸದ ಅವರು ನಮ್ಮ ತಂದೆಯ ಅನಾರೋಗ್ಯ, ವಯಸ್ಸು ಮತ್ತು ಅಭಿಮಾನಕ್ಕಾಗಿ ಹಾರ ಹಾಕಿಸಿಕೊಂಡೆ ಎಂದು ನಗು ಬೀರಿದರು ಅವರಿಗೆ ಕಾಫಿ ಸಿಗರೇಟಿನ ಆತಿಥ್ಯ ನೀಡಿದ್ದು ನಮ್ಮ ಮನೆಯ ಸೌಭಾಗ್ಯ.

    ಒಮ್ಮೆ ಮೈಸೂರಿಗೆ ಹೋಗುವಾಗ ರೈತ ಹೋರಾಟ ಪತ್ರಿಕೆ ಸಂಪಾದಕರಾದ ವಸಂತ ಕುಮಾರ್ ಮತ್ತು ನಾನು ಪ್ರೊಫೆಸರ್ ವಾಸಿಸುತ್ತಿದ್ದ ರಾಜರಾಜೇಶ್ವರಿ ನಗರದ ಅವರ ಮನೆಗೆ ಹೋಗಿದ್ದೆವು, ತುಂಬಾ ಕೆಮ್ಮು ಕಾಡುತ್ತಿತ್ತು ಅವರಿಗೆ ಟೀಪಾಯಿ ಮೇಲೆ ಬೀಡಿ ಕಟ್ಟು ಇಟ್ಟುಕೊಂಡಿದ್ದರು, ಸಿಗರೇಟು ಬಿಟ್ಟಿರಾ?....ಎಂದೆ ಅದಕ್ಕೆ ಅವರು ತುಂಬಾ ಕೆಮ್ಮು ಅದಕ್ಕೆ ಈ ತಂಬಾಕು ಇಲ್ಲದ ನೀಲಗಿರಿ ಸೊಪ್ಪಿನ ಬೀಡಿ ಸೇಯುತ್ತಾ ಇದ್ದೇನೆ ಅಂದರು.

   ವಾಪಾಸು ನಾವು ಹೊರಟಾಗ ನನಗೆ ಒಂದು ಕಟ್ಟು ಬೀಡಿ ಕೊಟ್ಟರು, ನಾನು ದೂಮಪಾನ ಮಾಡುವುದಿಲ್ಲ ಆದರೆ ಅದೇನು ಹೇಳದೆ ಅವರು ನೀಡಿದ ಬೀಡಿ ಕಟ್ಟು ಸಂತೋಷದಿಂದ ಸ್ಟೀಕರಿಸಿದೆ, ಆ ಬೀಡಿ ಹೆಸರು #ವದ೯ಮಾನ_ಬೀಡಿ ಎಂದು ನೆನಪು.

 

 ಅವರ ಬಂಡಿ ಯಾತ್ರೆ (ಕನ್ಯಾಕುಮಾರಿಯಿ೦ದ ಮು೦ಬೈ ವರೆಗೆ ಗ್ಯಾಟ್ ಒಪ್ಪಂದ ವಿರೋದದ ಜನ ಜಾಗೃತಿ ಯಾತ್ರೆ) ಸಾಗರ ತಾಲ್ಲೂಕಿಗೆ ಬಂದಾಗ ನನ್ನ ಮನೆ ಯಡೇಹಳ್ಳಿಯ ವೃತ್ತದಿಂದ ಸ್ವಾಗತಿಸಿ,ಸಭೆ ನಡೆಸಿ ಸಾಗರದವರೆಗೆ ನಾನು, ಕಾಗೋಡು ಹೋರಾಟದ ನೇತಾರ ಗಣಪತಿಯಪ್ಪ, ಸಾಗರದ ಹಿರಿಯ ರೈತ ನಾಯಕ ಚೆನ್ನಬಸಪ್ಪ ಗೌಡರ ಜೀಪಿನಲ್ಲಿ ಆವಿನಳ್ಳಿ ಸಭೆ ಮುಗಿಸಿ ಸಾಗರದ ಸಭೆಗೆ ಹೋಗಿದ್ದು ಒಂದು ನೆನಪು.

 

  ಅವತ್ತು ಆವಿನಳ್ಳಿಯಲ್ಲಿ ಎತ್ತಿನ ಗಾಡಿ ಮೆರವಣಿಗೆ, ರೈತ ನಾಯಕ ಪ್ರೊಪೆಸರ್ ನಂಜುಂಡ ಸ್ವಾಮಿ, ನಾನು ಮತ್ತು ಗಣಪತಿಯಪ್ಪ ಒಂದೇ ಗಾಡಿಯಲ್ಲಿ ಕುಳಿತು ಮೆರವಣಿಗೆಯಲ್ಲಿ ಆವಿನಳ್ಳಿಯಲ್ಲಿ ಬೀದಿಯಲ್ಲಿ ಸಾಗಿದ್ದು ಜೀವಮಾನದಲ್ಲಿ ಮರೆಯದ ನೆನಪು ಅದನ್ನು ಇವತ್ತು ನೆನಪಿಸಿಕೊಂಡರೂ ಸಂತೋಷ ಉಂಟು ಮಾಡುತ್ತದೆ.

  ನೀರಾ ಚಳವಳಿಯಲ್ಲಿ ರಿಪ್ಪನ್ ಪೇಟೆಯಲ್ಲಿ ಪ್ರೋಪೆಸರ್ ಸಭೆಯಲ್ಲಿ ಕಾಗೋಡು ಹೋರಾಟದ ನೇತಾರ ಗಣಪತಿಯಪ್ಪ, ಸಮಾಜವಾದಿ ಲೇಖಕ ಕೋಣಂದೂರು ವೆಂಕಪ್ಪ ಗೌಡರ ಜೊತೆ ಭಾಗವಹಿಸಿದ್ದು ಎಲ್ಲಾ ಈಗ ನೆನಪುಗಳು.

    3 ಪೆಬ್ರುವರಿ 2004ರ ಮಧ್ಯಾಹ್ನ ಮಹಾನ್ ರೈತ ನಾಯಕ ಪ್ರೋಪೆಸರ್ ಎಂ. ಡಿ. ನಂಜುಂಡ ಸ್ವಾಮಿ ಇಹ ಲೋಕ ತ್ಯಜಿಸಿದ ಸುದ್ದಿ ಕೇಳಿ ಸಾಗರದ ರೈತ ಮುಖಂಡರಾದ ಚೆನ್ನಬಸಪ್ಪ ಗೌಡರು, ವಸಂತ ಕುಮಾರ್, ಗುಳಳ್ಳಿ ಬಸವರಾಜ ಗೌಡರು,ಸೇನಾಪತಿಗೌಡರು ಮತ್ತು ಅನೇಕರು ನನ್ನ ಮನೆಗೆ ಬಂದು ನಾವೆಲ್ಲರೂ ಒಂದಾಗಿ ತರಾತುರಿಯಿಂದ ಹೊರಟು ಮಧ್ಯರಾತ್ರಿ ಬೆಂಗಳೂರು ತಲುಪಿ ಅಲ್ಲಿ ಗೆಳೆಯರು ತಂಗಿದ್ದ ಲಾಡ್ಜ್ ನಲ್ಲಿ ಸ್ನಾನ ಇತ್ಯಾದಿ ಪೂರೈಸಿ  ಬೆಳಗಿನ ಜಾವವೇ ಬೆಂಗಳೂರಿನ ರಾಜರಾಜೇಶ್ವರಿ ನಗರದ ಪ್ರೋಸೆಸರ್ ರ ಮನೆ ತಲುಪಿದ್ದೆವು.

   ಅಲ್ಲಿ ಕೆಲವರು ರೈತಗೀತೆ ಹಾಡುತ್ತಿದ್ದರು, ಮಹಾನ್ ರೈತ ನಾಯಕರ ಚೇತನ ಚಿರನಿದ್ರೆಯಲ್ಲಿ ಮಲಗಿತ್ತು ರಾಜ ರಾಜೇಶ್ವರಿ ನಗರದ ಮುಖ್ಯ ರಸ್ತೆಯ ನೀರವ ಮಧ್ಯರಾತ್ರಿಯಲ್ಲಿ ನಾವೆಲ್ಲ ಅವರ ಸುತ್ತ ಕುಳಿತು ಅವರ ಮತ್ತು ನಮ್ಮ ಒಡನಾಟದ ಹಳೆಯ ನೆನಪುಗಳ ಸ್ಮರಿಸುತಾ ಇದ್ದೆವು.

   ಬೆಳಗಾಗುತ್ತಿದ್ದ೦ತೆ ಸಾವಿರಾರು ರೈತರು, ಅವರ ಅಭಿಮಾನಿಗಳು ರಾಜ್ಯದ ಮೂಲೆ ಮೂಲೆಯಿಂದ ಅಲ್ಲಿಗೆ ಬಂದು ಸೇರಿದರು, ರೈತ ಮುಖ೦ಡ ಪುಟ್ಟಣ್ಣಯ್ಯನವರು ಅಂತಿಮ ದಶ೯ನಕ್ಕೆ ಬಂದಾಗ ಪ್ರೊಫೆಸರರ ಮಗ ವಿರೋದ ವ್ಯಕ್ತಪಡಿಸಿದ್ದು ಮಾತ್ರ ಆ ಕ್ಷಣದಲ್ಲಿ ನಮಗೆಲ್ಲ ಸರಿ ಅನ್ನಿಸಲಿಲ್ಲ.

   ರಾಜ್ಯ ಸಕಾ೯ರದ ಪರವಾಗಿ ಮಂತ್ರಿ ಕಾಗೋಡು ತಿಮ್ಮಪ್ಪ ಅಂತಿಮ ಗೌರವ ಸಲ್ಲಿಸಿದರು ನಂತರ ರೈತ ನಾಯಕರ ಅಂತ್ಯ ಸಂಸ್ಕಾರ ನಡೆಯುವ ಸ್ಥಳ ಮೈಸೂರಿಗೆ ರೈತ ನಾಯಕ ಪ್ರೋಪೆಸರ್ ನಂಜುಂಡ ಸ್ವಾಮಿ ಅವರ ಅಂತಿಮ ಯಾತ್ರೆ ಪ್ರಾರಂಭವಾಯಿತು.

   ಕೆಲ ದಿನದ ನಂತರ ಬೆಂಗಳೂರಿನ ಅಂಬೇಡ್ಕರ್ ಭವನದಲ್ಲಿ ಅಗ್ನಿ ಶ್ರೀಧರ್ ಪ್ರೋಪೆಸರ್ ನಂಜುಂಡಸ್ವಾಮಿ ಅವರಿಗೆ ನುಡಿ ನಮನ ಕಾರ್ಯಕ್ರಮ ವ್ಯವಸ್ಥೆ ಮಾಡಿದ್ದರು, ಆ ಸಭೆಯಲ್ಲಿ ನನಗೂ ನುಡಿ ನಮನ ಅರ್ಪಿಸುವ ಅವಕಾಶ ನೀಡಿದ್ದರು ನಾನು ಅಲ್ಲಿ ನನ್ನ ಮತ್ತು ಪ್ರೋಪೆಸರ್ ಅವರ ಬೇಟಿಯ ನೆನಪುಗಳ ಜೊತೆ ಅವರು ಅವತ್ತು ಅವರ ರಾಜ ರಾಜೇಶ್ವರಿ ನಗರದ ಮನೆಯಲ್ಲಿ ನೀಡಿದ ನೀಲಗಿರಿ ಸೊಪ್ಪಿನ ಬೀಡಿ ಕಟ್ಟು ನೀಡಿದ ವಿಚಾರ ನುಡಿ ನಮನದಲ್ಲಿ ನುಡಿದಿದ್ದೆ.

   

20 ವಷ೯ ಕಳೆದರೂ ಪ್ರೊಪೆಸರರ ವಿಚಾರಗಳು ರಾಜ್ಯದ ಜನ ಮನದಿಂದ ಮಾಸಿಲ್ಲ ಆದರೆ ಅದರ ನವೀಕರಣ ಆಗುತ್ತಿದ್ದರೆ ಮಾತ್ರ ಮುಂದಿನ ಜನಾಂಗಕ್ಕೆ ತಲುಪಬಹುದು.

 ನೆನಪು/ಬರಹ: ಕೆ.ಅರುಣ್ ಪ್ರಸಾದ್.

ಮಾಜಿ ಜಿ.ಪಂ ಸದಸ್ಯ.

ಆನಂದಪುರಂ.