Skip to main content

Blog number 1968. ಗಿಣ್ಣ ಎಂಬ ಅಮೃತ ಸಮಾನ ಸ್ವಾದಿಷ್ಟ ಸಿಹಿ.

#ನಿನ್ನೆ_ಭಾರತ್_ಹುಣ್ಣಿಮೆ

#ಸವದತ್ತಿ_ಎಲ್ಲಮ್ಮ_ದೇವಾಲಯದಲ್ಲಿ

#ಭಕ್ತರಿಗೆ_ಗಿಣ್ಣ_ಉಣಬಡಿಸುತ್ತಾರೆ

#ನಿನ್ನೆ_ರಾತ್ರಿ_ಹೊಟ್ಟೆ_ತುಂಬಾ_ಗಿಣ್ಣ_ತಿಂದೆ.

#ಗಿಣ್ಣ_ಕನ್ನಡದಲ್ಲಿ

#ಜನ್ನುಪಾಲು_ತೆಲುಗಿನಲ್ಲಿ

#ಕಾವಾ೯_ಮರಾಠಿ_ಮತ್ತು_ಹಿಂದಿಯಲ್ಲಿ

#ಕೌವ್_ಕೊಲಸ್ಟ್ರಮ್_ಇಂಗ್ಲೀಷನಲ್ಲಿ.

#ಗಿಣ್ಣದಲ್ಲಿ_ಏನೇನೆಲ್ಲ_ಇದೆ.

#ಆತ್ಮಹತ್ಯೆಯೆ೦ಬ_ಹತಾಷೆ_ಮನಸ್ಸಿಂದ_ದೂರ_ಮಾಡುವ_ಶಕ್ತಿ_ಗಿಣ್ಣಕ್ಕಿದೆ.

#ಆಯುರ್ವೇದದಲ್ಲಿ_ಪೀಯುಷ್_ಅಂದರೆ_ಅಮೃತ_ಎಂಬ_ಹೆಸರು_ಗಿಣ್ಣಕ್ಕೆ 

https://youtu.be/vTQE5XjtY2Y?feature=shared


   ಸಾಗರದ #ಜೈಹಿಂದ್_ಬೇಕರಿಯಿಂದ ಕಾಮದೇನು ಗಿಣ್ಣದ ಪುಡಿ ನಾಲ್ಕು ಪ್ಯಾಕೆಟ್ ತರಿಸಿದ್ದೆ, 100 ಗ್ರಾಮ್ ನ ಒಂದು ಪ್ಯಾಕೆಟ್ ಗೆ ರೂ 75.
   ಅರ್ದ ಲೀಟರ್ ಗಟ್ಟಿ ಹಸಿ ಹಾಲಿಗೆ ಒಂದು ಪ್ಯಾಕೆಟ್ ಕಾಮದೇನು ಗಿಣ್ಣದ ಪುಡಿ ಹಾಗೂ 150 ಗ್ರಾಂ ಬೆಲ್ಲ ಅಥವ ಸಕ್ಕರೆ ಮತ್ತು ಏಲಕ್ಕಿ ಪುಡಿ ಮಿಶ್ರಮಾಡಿ (ಗಂಟಾಗದಂತೆ) ಅದನ್ನ ಇಡ್ಲಿ ಪಾತ್ರೆ ಅಥವ ಕುಕರ್ ನಲ್ಲಿ 10 ರಿಂದ 15 ನಿಮಿಷ ಬೇಯಿಸಿ ತಣ್ಣಗಾದ ನಂತರ ಸೇವಿಸಬಹುದು ಇನ್ನೂ ಹೆಚ್ಚಿನ ಸ್ವಾದಕ್ಕೆ 30 ನಿಮಿಷ ಪ್ರಿಜ್ ನಲ್ಲಿಟ್ಟು ತಿನ್ನಬಹುದು.
 ನಿನ್ನೆ ಬಾರತ್ ಹುಣ್ಣಿಮೆ ಈ ದಿನ ಪ್ರತಿ ವರ್ಷ ಪ್ರಖ್ಯಾತವಾದ ಸವದತ್ತಿಯ ಎಲ್ಲಮ್ಮ ದೇವಿಯ ದೇವಾಲಯದಲ್ಲಿ ಭಕ್ತರಿಗೆ ಗಿಣ್ಣ ಸಂತರ್ಪಣೆ ನಡೆಯುತ್ತದೆ ಆದ್ದರಿಂದ ನಿನ್ನೆ ಗಿಣ್ಣ ತಿನ್ನಲೇ ಬೇಕೆಂಬ ಆಸೆ ಈಡೇರಿಸಲು ಮಗ ಒಂದು ಲೀಟರ್ ಹಾಲಿಂದ ಗಿಣ್ಣ ತಯಾರಿಸಿದ್ದ ಇದು ಐದಾರು ಜನ ತಿನ್ನ ಬಹುದು ಆದರೆ ನಾವಿಬ್ಬರೇ ಖಾಲಿ ಮಾಡಿದೆವು.
ಈ ರೀತಿ ಬಾರತ್ ಹುಣ್ಣಿಮೆ ರಸವತ್ತಾಗಿ ಆಚರಿಸಿ ಗಿಣ್ಣದ ಸಮಾರಾಧನೆ ನಡೆಸಿದೆ, ಗಿಣ್ಣದ ಬಗ್ಗೆ ಇರುವ ಮಾಹಿತಿಗಳು ಇಲ್ಲಿವೆ....
    ಭಾರತೀಯ ಆಯುರ್ವೇದದಲ್ಲಿ ಇದಕ್ಕೆ ಅಮೃತ ಎಂಬ ಸಂಸ್ಕೃತದ #ಪೀಯೂಷ್ ಎಂಬ ಹೆಸರಿದೆ.
  ಭಾರತೀಯರಲ್ಲಿ ಮೇಲ್ವರ್ಗದ ಕೆಲ ಜಾತಿಗಳು ಎಮ್ಮೆ ಮತ್ತು ದನದ ಗಿಣ್ಣದ ಹಾಲು ಬಳಕೆ ನಿಷೇದವಿದೆ, ಹನ್ನೊಂದು ದಿನದ ತನಕ ಆಮೆ (ಸೂತಕ ) ಎಂದು ಗಿಣ್ಣದ ಹಾಲು ಕರುಗಳಿಗೆ ಬಿಡುವ ಸಂಪ್ರದಾಯವಿದೆ, ಈ 11 ದಿನದ ಹಾಲು  ಹುಟ್ಟಿದ ಕರುಗಳಿಗೆ ತುಂಬಾ ಆರೋಗ್ಯ ವೃದ್ಧಿ ನೀಡುವ ಹಾಲು ಎಂಬುದು ಒಂದು ಕಾರಣ ಇರಬಹುದು.
   ವೀರಶೈವ ಲಿಂಗಾಯಿತರಲ್ಲಿ ಇದಕ್ಕೆ ವಿಶೇಷ ಸ್ಥಾನವಿದೆ ಅದಕ್ಕೆ ಗಾದೆಯೂ ಇದೆ ಗಿಣ್ಣ ಮಾಡಿದರೆ ಶತ್ರು ಕೂಡ ಮಿತ್ರನಾಗಿ ಬರುತ್ತಾನೆ ಎಂಬ ಅರ್ಥವಿದೆ.
   ಗಿಣ್ಣದ ಹಾಲನ್ನು ಯಾವ ಕಾರಣಕ್ಕೂ ಹಸಿಯಾಗಿ ಸೇವಿಸಬಾರದೆಂಬ ನಿಯಮಕ್ಕೆ ವೈಜ್ಞಾನಿಕ ಕಾರಣವೂ ಇದೆ, ಗಿಣ್ಣವನ್ನು ಸೇವಿಸಿದರೆ ಮನಸ್ಸಿನಲ್ಲಿನ ಆತ್ಮಹತ್ಯೆಯಂತ ಹತಾಶ ಭಾವನೆ ಮಾಯವಾಗುತ್ತೆ ಎಂಬ ನಂಬಿಕೆಯೂ ಇದೆ.
  ಹೆಚ್ಚು ಗಿಣ್ಣ ಸೇವಿಸಿದರೆ ನಂಜಾಗುತ್ತದೆ ಅದಕ್ಕೆ  ಕಹಿ ಜೀರಿಗೆ ಕಷಾಯ, ಕೊಡಸಿನ ಬೇರನ್ನು ಲಿಂಬೆ ರಸದಲಿ ತೇದಿ ಖಾಲಿ ಹೊಟ್ಟೆಯಲ್ಲಿ ಸೇವಿಸಬೇಕೆಂಬ ಪರಿಹಾರವೂ ಚಾಲ್ತಿಯಲ್ಲಿದೆ.
   ಹೈಪ್ರೋಟೀನ್, ರೋಗ ನಿರೋದಕ ಶಕ್ತಿ, ನರ ದೌರ್ಬಲ್ಯ ಸರಿಪಡಿಸುವ, ಎಳೆಯ ಮಕ್ಕಳು ಮತ್ತು ವೃದ್ಧಪ್ಯಾದಲ್ಲಿ ದೇಹಕ್ಕೆ ಬೇಕಾದ ಶಕ್ತಿ ವೃದ್ದಿಸುವ ಗಿಣ್ಣು ಸೇವನೆ ಒಳ್ಳೆಯದೆಂಬ ಸಂಶೋದನೆ ಆಗಿದೆ.
 ಗಿಣ್ಣು ರುಚಿಯಷ್ಟೆ ಶಕ್ತಿವರ್ಧಕ ಆದ್ದರಿಂದ ಈಗ ಮಾರುಕಟ್ಟೆಯಲ್ಲಿ ಆರ್ಗನಿಕ್ ಗಿರ್ ದನದ ಗಿಣ್ಣದ ಹಾಲಿನ ಪುಡಿ ಮತ್ತು ಮಾತ್ರೆ ಕೂಡ ಲಭ್ಯವಿದೆ.
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
Post a Comment
Read more

Blog number 1037. ರಾಜಕುಮಾರಿ ಶಾಂತವ್ವ ಮತ್ತು ದಲಿತ ಯುವಕ ಸಿದ್ದೇಶ್ವರರ ಅಮರ ಪ್ರೇಮದ ಸ್ಮಾರಕ, ಅನ್ಯ ಜಾತಿ ವಿವಾಹವಾದ್ದರಿಂದ ರಾಜಕುಮಾರಿಗೆ ಸೂಳೆ ಪಟ್ಟ ನೀಡಿದ ಸಮಾಜ. ಸಮಾಜದ ಒಳಿತಿಗಾಗಿ ಶಾಂತವ್ವ ಕಟ್ಟಿಸಿದ ಬೃಹತ್ ಕೆರೆಗೆ ಜನ ಕರೆದದ್ದು ಸೂಳೆ ಕಟ್ಟಿಸಿದ ಕೆರೆ ಅದೇ ಸೂಳೆಕೆರೆ / ಶಾಂತಿ ಸಾಗರ

# ಸೂಳೆಕೆರೆ (ಶಾಂತಿ ಸಾಗರ) ಅಂತರ್ ಜಾತಿ ಪ್ರೇಮ ವಿವಾಹದ ದುರOತ ಕಥೆ. #ಅಕ್ಟೋಬರ್ 2019 ರಲ್ಲಿ ತುಂಬಿ ತುಳುಕಿತ್ತು.  ಚಿತ್ರದುಗ೯, ದಾವಣಗೆರೆ ಬಳ್ಳಾರಿ ಮುಂತಾದ ಮಳೆ ಕಡಿಮೆ ಆಗುತ್ತಿದ್ದ ಜಿಲ್ಲೆಗಳಲ್ಲಿ ಅದೂ ಅಕ್ಟೋಬರ್ ತಿಂಗಳ 2019 ರಲ್ಲಿ  ಬಂದಿದ್ದ ಬಾರಿ ಮಳೆ ಎಲ್ಲಾ ಕೆರೆ, ಹೊಂಡಗಳು ತುಂಬಿ ತುಳುಕಿದೆ, ಸಾಮಾಜಿಕ ಜಾಲ ತಾಣದಲ್ಲಿ 40 ವಷ೯ದಲ್ಲಿ ಇಂತ ಮಳೆ ಬಂದಿಲ್ಲ ಅಂತ ಸುದ್ದಿ ಹರಿದಾಡುತ್ತಿತ್ತು ಮತ್ತು  ಸೂಳೆಕೆರೆ ತುಂಬಿ ಕೋಡಿ ಬಿದ್ದಿದೆ ಅಂತೆಲ್ಲ Post ನೋಡಿ ಬೆಂಗಳೂರಿಂದ ಬರುವಾಗ ಚಿತ್ರದುಗ೯ ಮಾಗ೯ವಾಗಿ ಚನ್ನಗಿರಿ ತಲುಪಿ ಸೂಳೆಕೆರೆ ನೋಡಲು ಹೋಗಿದ್ದೆ.  11ನೇ ಶತಮಾನದಲ್ಲಿ (1128ರಲ್ಲಿ)ಕೇವಲ 3 ವಷ೯ದಲ್ಲಿ ಈ ಕೆರೆ ನಿಮಾ೯ಣ ಮಾಡಿಸಿದ್ದು ಶಾಂತವ್ವ ಎಂಬ ರಾಜ ಕುಮಾರಿ ಅವಳು ಸ್ವಣ೯ವತಿ ಪಟ್ಟಣದ ದೊರೆ ವಿಕ್ರಮ ರಾಜನ ಮಗಳು, ಸಿದ್ದೇಶ್ವರ ಎಂಬ ಅನ್ಯ ಜಾತಿಯ ಯುವಕನೊ೦ದಿಗೆ ಗಾಂದವ೯ ವಿವಾಹ ಆಗುತ್ತಾಳೆ ಇದನ್ನ ಸಹಿಸದ ಮತ್ತು ಒಪ್ಪದ ಜನತೆ ಸೂಳೆ ಎಂದು ಮೂದಲಿಸುತ್ತಾರOತೆ ಈ ರೀತಿ ತನಗೆ ಬಂದ ಕಳಂಕ ಕಳೆಯಲು ಈ ಬೃಹತ್ ಕೆರೆ ತನ್ನ ಪತಿ ಸಿದ್ದೇಶ್ವರನ ಜೊತೆ ಸೇರಿ ನಿಮಿ೯ಸಿ ಕೆರೆಗೆ ಹಾರವಾದಳೆoಬ ಇತಿಹಾಸ ಇದೆ ಇದರಿಂದ ನೊಂದ ಪತಿ ಸಿದ್ಧೇಶ್ವರ ಕೂಡ ಎದುರಿನ ಗುಡ್ಡದಲ್ಲಿ ಜೀವ ತ್ಯಾಗ ಮಾಡುತ್ತಾನೆ ಈಗ ಅಲ್ಲಿ ಸಿದ್ದೇಶ್ವರ ದೇವಸ್ಥಾನವಿದೆ.   ಈ ಕೆರೆ ಈಗಲೂ ಸೂ...
Post a Comment
Read more

ಶ್ರೀಧರ ಸ್ವಾಮಿ ವರದಳ್ಳಿ ಪವಾಡ ಪುರುಷರು.

   ಶಿವಮೊಗ್ಗ ಜಿಲ್ಲೆ ಸಾಗರ ತಾಲ್ಲೂಕಿನ ವರದಳ್ಳಿಯ ತಪಸ್ವಿ ಶ್ರೀಧರ ಸ್ವಾಮಿಗಳು.   ವರದಳ್ಳಿ ಶ್ರೀಧರ ಸ್ವಾಮಿಗಳ ಬಗ್ಗೆ ಕೇಳಿದ್ದು, ಓದಿದ್ದು ಮತ್ತು ಅವರ ಒಡನಾಡಿಗಳನ್ನ ಭೇಟಿ ಮಾಡಿದ್ದು ಬಿಟ್ಟರೆ ಅವರನ್ನ ಪ್ರತ್ಯಕ್ಷವಾಗಿ ನೋಡಿಲ್ಲ.     ನಾವು ಚಿಕ್ಕವರಿದ್ದಾಗ ಪ್ರಾಥಮಿಕ ಶಾಲೆಯಲ್ಲಿ ವ್ಯಾಸಂಗ ಮಾಡುವಾಗ ಆಗಿನ ಕಾಲದ ಖ್ಯಾತ ಚಲನಚಿತ್ರ ನಟ ಉದಯ ಕುಮಾರ್ ಅರಳಿ ಮರದ ಗ್ಯಾರೇಜ್ ಹತ್ತಿರ ಬಂದಿದ್ದಾರೆ ಅಂತ ಊರಿನ ಜನರೆಲ್ಲ ಗುಂಪು ಗುಂಪಾಗಿ ಓಡುತ್ತಿದ್ದರು, ನಾವು ಚಿಕ್ಕ ಮಕ್ಕಳೆಲ್ಲ ಅವರನ್ನ ಹಿಂಬಾಲಿಸಿದೆವು.       ಅಲ್ಲಿ ಒಂದು ಬಿಳಿ ಅಂಬಾಸಡರ್ ಕಾರು ನಿಂತಿದ್ದು ಅದರ ಅಡಿಯಲ್ಲಿ ಮಲಗಿ ಮೆಕ್ಯಾನಿಕ್ ದುರಸ್ತಿ ಮಾಡುತ್ತಿದ್ದರೆ ಎತ್ತರದ ಮಣ್ಣು ದಿಬ್ಬದ ಮೇಲೆ ನಮ್ಮ ನಟ ಉದಯ ಕುಮಾರ್ ಸಿಗರೇಟು ಸೇದಿ ಹೊಗೆ ಬಿಡುತ್ತಿದ್ದರು. ಯಾರೂ ಅವರ ಹತ್ತಿರ ಮಾತಾಡುವ ದೈಯ೯ ವಹಿಸಲಿಲ್ಲ ಆದರೆ ನೆರೆದ ಜನ ಮಾತಾಡಿಕೊಳ್ಳುತ್ತಿದ್ದ ಮಾತಿನ ಸಾರಾಂಶವೆಂದರೆ ವರದಳ್ಳಿಯಲ್ಲಿ ತಪಸ್ಸು ಮಾಡುತ್ತಿದ್ದ ಶ್ರೀಧರ ಸ್ವಾಮಿಗಳು ದೇಹತ್ಯಾಗ ಮಾಡಿದ್ದಾರೆ ಅದನ್ನ ಕೇಳಿ ಅವರ ಭಕ್ತ ಮತ್ತು ಶಿಷ್ಯರಾದ ಖ್ಯಾತ ಚಿತ್ರ ನಟ ಉದಯ ಕುಮಾರ್ ಬರುವಾಗ ಕಾರು ಹಾಳಾಗಿ ದುರಸ್ತಿಗಾಗಿ ನಿಂತಿದ್ದಾರೆ, ದುಃಖದಲ್ಲಿ ಇರೋದರಿಂದ ಆ ರೀತಿ ಸಿಗರೇಟು ಸೇದಿ ಬೂದಿ ಮಾಡುತ್ತಿದ್ದಾರೆ ಅವರ ಹತ್ತಿರ ಯಾರೂ ಮಾತಾಡ ಬೇಡಿ ಅಂತ ...
1 comment
Read more