Blog number 2242. ಮಂಗಳೂರಿನಲ್ಲಿ ಪ್ರಮುಖ ರಸ್ತೆಗೆ ಜಾರ್ಜ್ ಪರ್ನಾಂಡಿಸ್ ಹೆಸರಿನ ನಾಮಕರಣ

#ಜಾರ್ಜ್_ಪರ್ನಾಂಡೀಸರ_ಮಂಗಳೂರಿನ_ಕಡೆಯ_ರಾತ್ರಿ

#ದೇಶದ_ರಕ್ಷಣಾ_ಮಂತ್ರಿ_ಸ್ವತಃ_ಮೆಲಕು_ಹಾಕಿದ_ನೆನಪು

#ಮಂಗಳೂರಿನ_ಸರ್ಕಿಟ್_ಹೌಸ್_ಬಿಜೈ_ಸರ್ಕಲ್_ರಸ್ತೆಗೆ

#ಜಾರ್ಜ್_ಪರ್ನಾಂಡೀಸ್_ರಸ್ತೆ_ಎಂದು_ನಾಮಕರಣ_ಮಾಡಲಾಗಿದೆ.

  ನಿನ್ನೆ (6 - ಜುಲೈ-2024 ಶನಿವಾರ) ಮಂಗಳೂರು ಮಹಾ ನಗರ ಪಾಲಿಕೆ ಮಂಗಳೂರಿನ ಸರ್ಕಿಟ್ ಹೌಸ್ ನಿಂದ ಬಿಜೈ ವೃತ್ತದ ರಸ್ತೆಗೆ #ಜಾರ್ಜ್_ಪರ್ನಾಂಡಿಸ್_ರಸ್ತೆ ಎಂದು ನಾಮಕರಣ ಮಾಡಿದೆ.

  ಮೇಯರ್ ಸುದೀರ್ ಶೆಟ್ಟಿ ಕಣ್ಣೂರು, ಶಾಸಕರಾದ ವೇದ ವ್ಯಾಸ್ ಕಾಮತ್ ಮತ್ತು ಜಾರ್ಜ್ ರ ಸಹೋದರ ಮೈಕಲ್ ಪರ್ನಾಂಡಿಸ್ ಉದ್ಘಾಟನೆ ನೆರವೇರಿಸಿದರು.

  ಮಂಗಳೂರು ಮೂಲದ ಜಾರ್ಜ್ ಪರ್ನಾಂಡೀಸರಿಗೆ ಮಂಗಳೂರು ನಾಗರೀಕರು ನೀಡಿದ ಈ ಗೌರವ ಅಭಿನಂದನೀಯ, ಈ ಭಾಗದ ರೈಲು ಮಾರ್ಗ ಕೊಂಕಣ್ ರೈಲ್ವೆ ಜಾರ್ಜ್ ರ ಕೊಡುಗೆ.

  ಜಾರ್ಜ್ ಪರ್ನಾಂಡೀಸರು ಮಂಗಳೂರಿನಲ್ಲಿನ ಕೊನೆಯ ರಾತ್ರಿಯ ಕಥೆ ಅವರೇ ಹೇಳಿದ್ದು ಈ ಸಂದರ್ಭದಲ್ಲಿ ನೆನಪಾಯಿತು. . . . . .

  ಸ್ವತಃ ಜಾರ್ಜ್ ಪನಾ೯೦ಡೀಸರೆ ಹೇಳಿದ್ದು, ಇವರ ಸಮಾಜ ಸೇವೆ ಹೋರಾಟದಿಂದ ಇವರ ತಂದೆ ಇವರನ್ನು ಒಂದು ರಾತ್ರಿ ಮಂಗಳೂರಿನ ಮನೆಯಿಂದ ಹೊರ ಹಾಕುತ್ತಾರೆ.     

    ಮಂಗಳೂರಿನ ಪಾರ್ಕ್ ನಲ್ಲಿ ಕಲ್ಲು ಬೆಂಚಿನ ಮೇಲೆ ಮಲಗಿರುತ್ತಾರೆ... ಆಗ ಒಳ್ಳೆಯ ನಿದ್ದೆಯ ಮಧ್ಯರಾತ್ರಿ ಪೋಲಿಸರು ಬೆನ್ನಿನ ಮೇಲೆ ಲಾಠಿ ರುಚಿ ತೋರಿಸಿ ಎಬ್ಬಿಸುತ್ತಾರೆ, ಆಗ ಜಾರ್ಜ್ ರು ತಮ್ಮ ಸಮಸ್ಯೆ ಹೇಳಿ ಕೊಳ್ಳುತ್ತಾರೆ ಆದರೆ ಪೋಲಿಸರು ಕೇಳುವುದಿಲ್ಲ ತಮ್ಮ ಬೀಟಿನ ಪ್ರದೇಶದಲ್ಲಿ ಇದಕ್ಕೆಲ್ಲ ಅವಕಾಶವೇ ಇಲ್ಲ ಅನ್ನುತ್ತಾರೆ.

   ಅನಿವಾರ್ಯವಾಗಿ ಜಾರ್ಜ್ ರು ಮಂಗಳೂರಿನ ಹಂಪನಕಟ್ಟೆ ಸಮೀಪದ ಬಸ್ ಶೆಲ್ಟರ್ ಗೆ ಹೋಗಿ ಮಲಗುತ್ತಾರೆ..... ಅಲ್ಲೂ ಇನ್ನಿಬ್ಬರು ಪೋಲಿಸರು ಬಂದು ಪಾರ್ಕ್ ನಲ್ಲಿ ಎಬ್ಬಿಸಿ ಕಳಿಸಿದಂತೆ ಎಬ್ಬಿಸುತ್ತಾರೆ.

   ಇನ್ನು ಎಲ್ಲಿಗೆ ಹೋಗಲಿ? ಅಂತ ಸ್ವಲ್ಪ ಮಾತು ನಿಲ್ಲಿಸಿದ ಜಾರ್ಜ್ "ಆಗಷ್ಟೆ ಬೆಳಗು ಬೆಳಗು ಆಗುತ್ತಿತ್ತು, ಆ ಸಮಯದಲ್ಲಿ ಆ ಮಾರ್ಗದಲ್ಲಿ ಬಂದ ಲಾರಿಗೆ ಕೈ ತೋರಿಸಿದೆ, ಲಾರಿಯಲ್ಲಿದ್ದ ಕ್ಲೀನರ್ ಎಲ್ಲಿಗೆ? ಎಂದಾಗ ನನಗೇ ಎಲ್ಲಿಗೆ ಅಂತ ಗೊತ್ತಿಲ್ಲವಾದ್ದರಿಂದ ಅವನಿಗೆ ಕೇಳಿದೆ ನಿಮ್ಮ ಲಾರಿ ಎಲ್ಲಿಗೆ ಹೋಗುತ್ತೆ? ಅಂತ, ಆತ ಬೊಂಬಾಯಿ ಅಂದಾಗ ನಾನೂ ಅಲ್ಲಿಗೇ" ಅಂತ ಲಾರಿ ಹತ್ತಿದೆ.

    ಮುಂಬಾಯಿ ಸೇರಿ ಮಾಡಿದ ಹೋರಾಟಗಳು ನನ್ನನ್ನು ರಾಜಕಾರಣಿ ಮಾಡಿತು... ಅಂದಾಗ ಅಲ್ಲಿದ್ದ ನಾವೇ ಕೆಲವೇ ಕೆಲವು ಜನರಿಗೆ ಏನನ್ನಿಸಿರಬೇಡ?... ಇದು ದೇಶದ ಅವತ್ತಿನ ರಕ್ಷಣಾ ಸಚಿವ ಜಾರ್ಜ್ ಪರ್ನಾಂಡೀಸ್ ಬೆಂಗಳೂರಿನ ಬಸವೇಶ್ವರ ನಗರದಲ್ಲಿನ ಉಡುಪಿ ಲೋಕಸಭಾ ಮಾಜಿ ಸದಸ್ಯರಾದ #ಐಎಂ_ಜಯರಾಂ_ಶೆಟ್ಟರ ಮನೆಯಲ್ಲಿ (ಆಗ ಐ.ಎಂ.ಜಯರಾಂ ಶೆಟ್ಟರು ಜಾರ್ಜರ ಸಮತಾ ಪಾರ್ಟಿ ರಾಜ್ಯದ್ಯಕ್ಷರಾಗಿದ್ದರು) ಹೇಳಿದ್ದು ಇನ್ನೂ ಕಿವಿಯಲ್ಲಿ ಗುಣುಗುಣುಗುತ್ತಿದೆ.