Blog number 3339.. ಹಾವು ಗೊಲ್ಲರ ಕತ್ತೆ ಪುರಾಣ

#ಹಾವುಗೊಲ್ಲರು

ನನ್ನ_ಹಾವುಗೊಲ್ಲರ_ಪುರಾಣ_ಎಂಬ_ಕಥೆಯ_ಕಥಾನಾಯಕ_ಕೃಷ್ಣಪ್ಪ​.

......ಅದಕ್ಕೆ ಅವರೆಲ್ಲರ ಸಮರ್ಥನೆ ಏನೆಂದರೆ ಬೇರೆ ಕತ್ತೆ ಆಗಿದ್ದರೆ ಅದು ರಾಮಸ್ವಾಮಿಗೆ ಹೊಟ್ಟೆ ಸವರಲು ಯಾವ ಕಾರಣಕ್ಕೂ ಬಿಡುತ್ತಿರಲಿಲ್ಲ ಲಾತಾ ಕೊಟ್ಟು ರಾಮಸ್ವಾಮಿ ಹಲ್ಲು ಉದುರಿಸುತ್ತಿತ್ತು ಅಂದರು....

.....ಒಂದೆರೆಡು ದಿನದಲ್ಲಿ ಈ ಕತ್ತೆಯ ಅಸಲಿ ಮಾಲಿಕ ಬಂದು "ಸ್ವಾಮಿ ನನ್ನ ಕತ್ತೆ ರಾಮಸ್ವಾಮಿ ಕಟ್ಟಿಹಾಕಿದ್ದಾನೆ " ಅಂತ ದೂರಿದಾಗಲೇ  ನಾನು ಸಾಧ್ಯನೇ ಇಲ್ಲ ಅದು ನನ್ನ ಕತ್ತೆ ಅಂದೆ.." "ಸ್ವಾಮಿ ನಿನ್ನ ಕತ್ತೆ ತಿರುಗಲು ಹೋಗಿದ್ದು ವಾಪಾಸ್ ರಾಮ ಸ್ವಾಮಿ ಮನೇಗೆ ನಿನ್ನೆ ಬಂದಿದೆ ಅಲ್ಲಿ ಎರಡು ಕತ್ತೆ ಇದೆ" ಅಂದಾಗ ನಿಜಕ್ಕೂ ನನಗೆ ಗಾಭರಿ ಆಯಿತು....

....ಅವತ್ತು ರಾಮಸ್ವಾಮಿ ನಮ್ಮದಲ್ಲದ ಬೇರೆ ಕತ್ತೆ ಹೊಟ್ಟೆ ಒಳಗೆಲ್ಲ ಸವರಿನೂ ಹಲ್ಲು ಮುರಿಸಿಕೊಂಡಿಲ್ಲಲ್ಲ ಅಂತ !?....

#snakerescue #snakes #election #shiravanthe #halugudde #ripponpet #hosanagara #sagar #shivamogga #congressgovernment #nagaprathishte #nagaradane #Anandapuram #hebbodi #bilalibilli #SmallStories 

   ಸುಮಾರು ವರ್ಷದ ನಂತರ ರಿಪ್ಪನ್ ಪೇಟೆ ಸಮೀಪದ ಹಾಲುಗುಡ್ಡೆ ಹಾವುಗೊಲ್ಲರ ಕ್ಯಾಂಪಿನ ಕೃಷ್ಣಪ್ಪ ಅವತ್ತು ಸಿಕ್ಕಿದ್ದು ಇಬ್ಬರಿಗೂ ಸಂತೋಷ ಆಯಿತು.

  1990ರ ದಶಕದ ತನಕ ಇವರೆಲ್ಲರದ್ದು ಅಲೆಮಾರಿ ಜೀವನ, ಹೊಟ್ಟೆಪಾಡಿಗೆ ಹಾವು ಹಿಡಿಯುವುದು, ಹಾವು ಆಡಿಸಿ ಬಿಕ್ಷೆ ಬೇಡುವುದು ಇವರ ನಿತ್ಯ ಕಾಯಕ ಆಗಿತ್ತು.

  

   ಒಂದೂರಿಂದ ಇನ್ನೊಂದು ಊರಿಗೆ ಇವರ ಕ್ಯಾಂಪ್ ಹೋಗಲು ಕತ್ತೆಗಳೇ ಇವರಿಗೆ ವಾಹನ, ಹೆಚ್ಚು ಕತ್ತೆ ಹೊಂದಿದವ ಶ್ರೀಮಂತ ಅಂತ ನಂಬಿಕೆಯು ಇವರಲ್ಲಿ ಇತ್ತು.

 ಇವರನ್ನೆಲ್ಲ ಕಾಗೋಡು ತಿಮ್ಮಪ್ಪನವರು ಮಂತ್ರಿಗಳಾಗಿದ್ದಾಗ  ಹೊಸನಗರ ತಾಲ್ಲೂಕಿನ ಹಾಲುಗುಡ್ಡೆ ಮತ್ತು ಸಾಗರ ತಾಲ್ಲೂಕಿನ ಶಿರವಂತೆ ಎಂಬ ಊರುಗಳಲ್ಲಿ ಇವರಿಗೆ ಜಾಗ ನೀಡಿ ಮನೆ ಮಾಡಿಸಿದ್ದರಿಂದ ಈಗ ಇವರ ಜೀವನ ಶೈಲಿ ಬದಲಾಗುತ್ತಿದೆ.

  ಹಾವು ಹಿಡಿಯುವುದು ಇವರೆಲ್ಲ ಈಗ  ಬಿಟ್ಟಿದ್ದಾರೆ (ಕೆಲವೇ ಕೆಲವರು ಮಾತ್ರ ಮುಂದುವರಿಸಿದ್ದಾರೆ) ಹಾವು ನೋಡಿದರೆ ಇವರ ಈಗಿನ ಕಾಲದ ಮಕ್ಕಳು ಹೆದರಿ ಓಡುತ್ತಾರೆ ಅಂತ ಕೃಷ್ಣಪ್ಪ ಹೇಳುತ್ತಿದ್ದ.

     ಇನ್ನೊಂದು ಆಶ್ಚಯ೯ ಅಂದರೆ ಈಗ ಇವರ ಕ್ಯಾಂಪಿನಲ್ಲಿ ನಾಗ ದೇವರ ಪ್ರತಿಷ್ಠಾಪನೆ ಮಾಡಿಸಿದ್ದಾರಂತೆ ತಲೆತಲಾಂತರದಿಂದ ಹಾವು ಗೊಲ್ಲರಿಗೆ ಬಂದಿಯವ ನಾಗ ಶಾಪ ಕಳೆದು ಕೊಳ್ಳಲಿಕ್ಕಾಗಿ!?.

   ಕೃಷ್ಣಪ್ಪ ಮತ್ತು ಇವನ ಬಾವನೆಂಟ ವೆಂಕಟೇಶ ನನಗೆ ಒತ್ತಾಯ ಮಾಡಿ ಒಂದು ಕತ್ತೆ ಮಾರಿದ್ದರು (ಅವರಿಗೆ ಹಣಕಾಸಿನ ತುರ್ತು ಇದ್ದಿರ ಬೇಕು) ಅದನ್ನ ನಮ್ಮ ಜಮೀನಿನಲ್ಲಿ ಸಾಕಲು ಕಳಿಸಿದೆ.

    ಅದೇ ದಿನ ಸಂಜೆಯೇ ಅಲ್ಲಿನ ಉಸ್ತುವಾರಿ ತಂಗಚ್ಚನ್ ಕುಟುಂಬ ಕುಂಟು ನೆಪ ಹೇಳಿ ಕೆಲಸ ಬಿಟ್ಟು ಹೋಗಿದ್ದ.

  

   ಅವನಿಗೆ ಅವನು ಆರಾದಿಸುವ ಅವರ ದೇವರು ಏಸು ಕ್ರಿಸ್ತ ಮತ್ತು ಕತ್ತೆ ಕಥೆ ಹೇಳಿದರೂ ನನ್ನ ಮಾತು ಕೇಳಲಿಲ್ಲ.

   ಕತ್ತೆ ಇರುವ ಜಾಗದಲ್ಲಿ ತಾನು ತನ್ನ ಕುಟುಂಬ ಇರಲು ಸಾಧ್ಯವೇ ಇಲ್ಲ ಇದು ಅವರ ಕುಟುಂಬದ ರಿವಾಜು ಅಂತ ಕೆಲಸ ಬಿಟ್ಟು ನಾಪತ್ತೆ ಆದ ಇದಕ್ಕೆ ಅವನು ನನ್ನಿಂದ ಹೆಚ್ಚು ಅಡ್ವಾನ್ಸ್  ತಗೊಂಡಿದ್ದೂ ಒಂದು ಕಾರಣವಾಗಿತ್ತು ಈ ಕಾರಣದಿಂದ ಅದು ಮನ್ನಾ ಆಯಿತು.

ನಂತರ ಆ ಕತ್ತೆಯನ್ನು ಕಷ್ಟ ಪಟ್ಟು ಗೆಳೆಯ ಹೆಬ್ಬೋಡಿ ರಾಮಸ್ವಾಮಿ ಮನೇಲಿ ಆಶ್ರಯ ನೀಡಲು ಒಪ್ಪಿಸಿದ್ದೆ.

  ಅಲ್ಲಿ೦ದಲೂ ಒಂದು ದಿನ ನನ್ನ ಕತ್ತೆ ನಾಪತ್ತೆ ಆಗಿತ್ತು ಕೆಲ ದಿನಗಳಾದರೂ ವಾಪಾಸು ಬರಲೇ ಇಲ್ಲ, ನಾನು ಕೂಡ ಕತ್ತೆ ಕಳೆದು ಹೋಯಿತೆಂದು ತೀರ್ಮಾನಿಸಿ ಬಿಟ್ಟಿದ್ದೆ.

   ಒ0ದು ದಿನ ನಮ್ಮ ಊರಲ್ಲಿ ಪ್ರತಿಭಟನಾ ಮೆರವಣಿಗೆ ಇಟ್ಟುಕೊಂಡಾಗ ನನ್ನ ಕಳೆದು ಹೋಗಿದ್ದ ಕತ್ತೆ ಅದು ಎಲ್ಲಿಗೋ ಹೋಗಿದ್ದು ವಾಪಾಸು ಬಂತು ಅಂತ ನನ್ನ ಶಿಷ್ಯರು ಮತ್ತು ಅದನ್ನು ತಾತ್ಕಾಲಿಕವಾಗಿ ಸಾಕಿದ್ದ ಗೆಳೆಯ ರಾಮಸ್ವಾಮಿ ನನ್ನ ಮನೆ ಎದರು ತಂದು ಕಟ್ಟಿ ಹಾಕಿದ್ದರು.

ಅವತ್ತಿನ ಪ್ರತಿಭಟನಾ ಮೆರವಣಿಗೆ ಮತ್ತು ಸಭೆ ಮುಗಿಯುವ ತರಾತುರಿಯಲ್ಲಿ ಕತ್ತೆ ಬಗ್ಗೆ ಯೋಚಿಸಲು ನಮಗಾರಿಗೂ ಸಮಯ ಇರಲಿಲ್ಲ.

  ನನ್ನ ಮಗ ಚಿಕ್ಕವನಿದ್ದ ಅವನು ಇದು ನಮ್ಮ ಕತ್ತೆ ಅಲ್ಲ ಅಂತ ಅನುಮಾನ ಪಟ್ಟಿದ್ದಕ್ಕೆ ಸ್ವಲ್ಪ ಚಾಜ್೯ ಆಗಿದ್ದ ರಾಮಸ್ವಾಮಿ ಈ ಮಾತು ಒಪ್ಪಲಿಲ್ಲ... ನಮ್ಮದೇ ಕತ್ತೆ ಅಂತ ಹಸುವಿನ ಕೆಚ್ಚಲು ಸವರುವಂತೆ ಆ ಕತ್ತೆ ಹೊಟ್ಟೆ ಅಡಿ ಕೈಸವರಿದಾಗ ನೆರೆದವರೆಲ್ಲ ಇದು ಅಣ್ಣನವರದ್ದೇ ಕತ್ತೆ ಅಂತ ದೃಡೀಕರಿಸಿ ಬಿಟ್ಟರು.

   ಅದಕ್ಕೆ ಅವರೆಲ್ಲರ ಸಮರ್ಥನೆ ಏನೆಂದರೆ ಬೇರೆ ಕತ್ತೆ ಆಗಿದ್ದರೆ ಅದು ರಾಮಸ್ವಾಮಿಗೆ ಹೊಟ್ಟೆ ಸವರಲು ಯಾವ ಕಾರಣಕ್ಕೂ ಬಿಡುತ್ತಿರಲಿಲ್ಲ ಲಾತಾ ಕೊಟ್ಟು ರಾಮಸ್ವಾಮಿ ಹಲ್ಲು ಉದುರಿಸುತ್ತಿತ್ತು ಅಂದರು.

 ಅವರೆಲ್ಲ ಅವತ್ತಿನ ಮೆರವಣಿಗೆ ಮತ್ತು ಸಭೆಯ ಹೋರಾಟಗಾರರು ಆದ್ದರಿಂದ ಯಾರೂ ವಿರೋದ ನುಡಿಯಲಿಲ್ಲ.

ನಂತರ ನನ್ನ ಕತ್ತೆ ರಾಮಸ್ವಾಮಿ ಮನೆಗೆ ಕರೆದು ಕೊಂಡು ಹೋದ.

  ಒಂದೆರೆಡು ದಿನದಲ್ಲಿ ಈ ಕತ್ತೆಯ ಅಸಲಿ ಮಾಲಿಕ ಬಂದು "ಸ್ವಾಮಿ ನನ್ನ ಕತ್ತೆ ರಾಮಸ್ವಾಮಿ ಕಟ್ಟಿಹಾಕಿದ್ದಾನೆ " ಅಂತ ದೂರಿದಾಗಲೇ  ನಾನು ಸಾಧ್ಯನೇ ಇಲ್ಲ ಅದು ನನ್ನ ಕತ್ತೆ ಅಂದೆ.." "ಸ್ವಾಮಿ ನಿನ್ನ ಕತ್ತೆ ತಿರುಗಲು ಹೋಗಿದ್ದು ವಾಪಾಸ್ ರಾಮ ಸ್ವಾಮಿ ಮನೇಗೆ ನಿನ್ನೆ ಬಂದಿದೆ ಅಲ್ಲಿ ಎರಡು ಕತ್ತೆ ಇದೆ" ಅಂದಾಗ ನಿಜಕ್ಕೂ ನನಗೆ ಗಾಭರಿ ಆಯಿತು.

 ಅವತ್ತು ರಾಮಸ್ವಾಮಿ ನಮ್ಮದಲ್ಲದ ಬೇರೆ ಕತ್ತೆ ಹೊಟ್ಟೆ ಒಳಗೆಲ್ಲ ಸವರಿನೂ ಹಲ್ಲು ಮುರಿಸಿಕೊಂಡಿಲ್ಲಲ್ಲ ಅಂತ !?....

   ನಂತರ ನಾನು ನನ್ನ ಈ ಕತ್ತೆಯನ್ನ ಕೃಷ್ಣಪ್ಪ ಮತ್ತು ಅವನ ಬಾವನೆಂಟನಿಗೆ ಸಾಕಲು ವಾಪಾಸ್ ಕೊಟ್ಟೆ.

 ನಂತರ ವರದಕ್ಷಿಣೆ ಆಗಿ ನನ್ನ ಕತ್ತೆ ಇವನ ಹೊಸ ಅಳಿಯನಿಗೆ  ಕೊಟ್ಟು ನನಗೆ ನಿಮ್ಮ ಕತ್ತೆ ಸತ್ತು ಹೋಯಿತು ಅಂತ ಕತೆ ಕಟ್ಟಿ ಹೇಳಿದ್ದರು.

  ಏನಾದರೂ ಹಾವುಗೊಲ್ಲರದ್ದು ಮತ್ತು ನನ್ನದು ಅವಿನಾಭಾವ ಸಂಬಂದ, ಅವರ ಹತ್ತಾರು ಕುಟುಂಬದ ಗ್ರೂಪ್ ಪೋಟೋ 90 ರ ದಶಕದಲ್ಲಿ ನನ್ನ ರೈಸ್ ಮಿಲ್ ನಲ್ಲಿ ತೆಗೆದದ್ದು ಸವಿ ನೆನಪಾಗಿ ಉಳಿದಿದೆ.

 ಅವರ ಒಂದು ಕೂಲಿಂಗ್ ಗ್ಲಾಸ್ ಮತ್ತು ಹಳೇ ಕೋಟ್ ಒಂದು ಮಾತ್ರ ಅವರ ಪ್ರತಿ ಕುಟುಂಬದ ಪೋಟೋದಲ್ಲಿ ಆ ಕುಟುಂಬದ  ಯಜಮಾನ ಧರಿಸಲು ಕಾಸ್ಟ್ಯೂಮ್ ಆಗಿತ್ತು.

 ಪ್ರತಿ ವಷ೯ ಹಾವು ಗೊಲ್ಲರ ಕ್ಯಾಂಪಿನಿಂದ ಕಾಡು ಗೆಣುಸು ತಂದು ಕೊಡುತ್ತಾರೆ.

  

   ಈ ಎಲ್ಲಾ ನೆನಪು ಸೇರಿ ನಾನು ಬರೆದ ಹಾವುಗೊಲ್ಲರ ಕತ್ತೆ ಪುರಾಣ ಕಥೆಯ ಕಥಾನಾಯಕ ಕೃಷ್ಣಪ್ಪನ  ದಶ೯ನಕ್ಕೆ ಅವತ್ತು ನೂರು ರೂಪಾಯಿ ಭಕ್ಷೀಸು ಕೊಡುವಂತಾಯಿತು.

    ಕೃಷ್ಣಪ್ಪನಿಗೆ ವಯಸ್ಸಾಗಿದೆ, ಅಪಘಾತದಲ್ಲಿ ಕಾಲು ಊನ ಆಗಿದೆ, ಹೆಂಡತಿ ಈತನ ಮಾತು ಕೇಳುತ್ತಿಲ್ಲ ದೂರದ ಕುಂದಾಪುರದಲ್ಲಿ ಬಿಕ್ಷೆ ಬೇಡಿ ಜೀವನ ಮಾಡುತ್ತಿರುವುದಾಗಿ ನೋವಿನಿಂದ ಹೇಳಿದ, ಆ ವರ್ಷದ ಮುಂದಿನ ವಾರದಲ್ಲಿ ನಡೆಯುವ ಗ್ರಾಮ ಪಂಚಾಯತ್ ಚುನಾವಣೆಗೆ ಪತ್ನಿ ಬರಬಹುದೆಂಬ ನಿರೀಕ್ಷೆ ಕೃಷ್ಣಪ್ಪನದ್ದು.

  ಕೃಷ್ಣಪ್ಪನ ಊರಿನ ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ನಿಂತ ಇಬ್ಬರೂ ಅಭ್ಯಥಿ೯ಯಿಂದ ಹಣ -ಕೋಳಿ -ಮಾಂಸ - ಬ್ರಾಂಡಿ ಪಡೆದೂ ಇಬ್ಬರಿಗೂ ಇವರ ಕ್ಯಾಂಪಿನ ಓಟು ಹೇಗೆ ಪಾಲು ಮಾಡಿ ನೀಡಬೇಕೆಂದು ಇವರ ಕ್ಯಾಂಪಿನಲ್ಲಿ ನಿದಾ೯ರ ಆಗಿದೆ ಎಂದು ಈ ಉದ್ದೇಶದ  ಹಿಂದೆ ಪಡೆದ ಹಣಕ್ಕೆ ಮೋಸ ಮಾಡಬಾರದೆಂಬ ಕಾಳಜಿಯನ್ನ ವಿವರಿಸಿದ ವಿಡಿಯೋ ಲಿಂಕ್ ಕೆಳಗಿದೆ ಕ್ಲಿಕ್ ಮಾಡಿ ನೋಡಿ.

https://youtu.be/Y0yNSAprCbs?si=xECruIpLtUYQsb-d