Blog number 2197. ಹಲಸಿನ ಕಡಿಯ ಟೇಸ್ಟೀ ಬಿರಿಯಾನಿ

#ಮಲೆನಾಡಿನಲ್ಲಿನ_ಸೀಮಿತ_ಸಂಪ್ರದಾಯಿಕ_ಅಡಿಗೆಗೆ

#ಚಿಪ್ಸ್_ಹಪ್ಪಳಕ್ಕೆ_ಹೆಚ್ಚು_ಬಳಕೆ_ಮಾಡುತ್ತಿದ್ದ_ಹಲಸಿನ_ಕಡಿ

#ತನ್ನ_ರೆಸಿಪಿ_ವಿಸ್ತಾರಗೊಂಡು_ಅಂತರಾಷ್ಟ್ರೀಯ_ಮಟ್ಟದಲ್ಲಿ_ಬೇಡಿಕೆ_ಪಡೆದಿದೆ.

#ವಿಶ್ವದಾದ್ಯಂತ_ಪ್ರೋಜನ್‌_ಟೆಂಡರ್_ಜಾಕ್_ಪ್ರೊಟ್_ಹೊಸ_ಶಕೆ_ಪ್ರಾರಂಭ_ಆಗಿದೆ.

#ಹಲಸಿಗೆ_ವಿಶ್ವ_ಮಾನ್ಯತೆ_ಇದೆ.

#ಹಲಸಿನ_ಕಡಿಯಿಂದ_ತಯಾರಿಸಿದ_ಬಿರಿಯಾನಿ

#ಸಸ್ಯಹಾರಿ_ಮಾಂಸಹಾರಿಗಳೂ_ಪ್ರಿಯ

#ಅಮೇಜಾನ್_300_ಗ್ರಾಂ_ಹಲಸಿನ_ಕಡಿ_ಹೋಳು_180_ರೂಪಾಯಿಗೆ_ಮಾರುತ್ತಿದೆ.

#ವೀಗನ್_ನವರಿಗೆ_ಮಾಂಸದ_ಪರ್ಯಾಯ.

#ವಿಶ್ವದಲ್ಲಿ_ಅತಿ_ಹೆಚ್ಚು_ಹಲಸು_ಬೆಳೆಯುವ_ದೇಶ_ಭಾರತ.

  ಇದರಿಂದ ಮಾಡಿದ ಬಿರಿಯಾನಿ ಮಾತ್ರ ಸೂಪರ್, ಮಟನ್ ಬಿರಿಯಾನಿ ಮೀರಿಸುವಂತಾ ರುಚಿ, ಸ್ವಾದ ಮತ್ತು ಆರೋಮ ಹಲಸಿನ ಕಡಿಯಲ್ಲಿದೆ.

 . ಮಾಂಸಹಾರದ ಬಿರಿಯಾನಿ ಮಾಡಿದಂತೆಯೇ ಹಲಸಿನ ಕಡಿ ಕತ್ತರಿಸಿ ಮೊಸರು, ಬೆಳ್ಳುಳ್ಳಿ ಶುಂಠಿ ಪೇಸ್ಟ್, ಅರಿಶಿಣ ಪುಡಿ ಮತ್ತು ಉಪ್ಪಿನೊಂದಿಗೆ ಅರ್ದ ಗಂಟೆ ಮ್ಯಾರಿನೇಟ್ ಮಾಡಿ ನಂತರ ತುಪ್ಪದಲ್ಲಿ ಚೆನ್ನಾಗಿ ರೋಸ್ಟ್ ಆಗಿ ಹುರಿದು ನಂತರ ನಿಮ್ಮದೇ ರೀತಿಯಲ್ಲಿ ಬಿರಿಯಾನಿ ಮಾಡದರೆ ಆಯಿತು ಇದು ಸುಲಭ ಕೂಡ.   

 ಇದರಲ್ಲೇ ದಂ ಬಿರಿಯಾನಿ, ಹೈದರಾಬಾದ್ ಬಿರಿಯಾನಿ, ಲಕ್ನೋ ಬಿರಿಯಾನಿ, ಸಿಂಪಲ್ ಬಿರಿಯಾನಿ ಎಲ್ಲಾ ಮಾಡಬಹುದು.

  ವಿಶ್ವದಾದ್ಯಂತ ವೀಗನ್ ಬಳಗದವರು (ಪ್ರಾಣಿಜನ್ಯ ಯಾವುದೇ ವಸ್ತು ಹಾಲು ಕೂಡ ಬಳಸದವರು) ಮಾಂಸದ ರುಚಿಯ ಈ ಪರ್ಯಾಯ ಎಳೆ ಹಲಸು ಹೆಚ್ಚು ಬಳಸಲು ಪ್ರಾರಂಬಿಸಿದ್ದರು ಇವರಿಂದ ಪ್ರೇರೇಪಣೆ ಪಡೆದು ಸಸ್ಯಹಾರಿಗಳೂ ಇದನ್ನು ಬಳಸುತ್ತಿದ್ದಾರೆ ಈಗ ಮಾಂಸಹಾರಿಗಳೂ ಇದನ್ನು ಇಷ್ಟ ಪಡುತ್ತಿದ್ದಾರೆ.

 

ಆದ್ದರಿಂದಲೇ ಇದು ಪಟ್ಟಣ ವಾಸಿಗಳಿಗೆ, ಹಲಸು ಬೆಳೆಯದ ದೇಶಗಳಲ್ಲೂ ಸುಲಭವಾಗಿ ಸಿಗುವಂತೆ ಸಾವಿರಾರು ಆಹಾರ ಉತ್ಪಾದನಾ ಕಂಪನಿಗಳು ತಮ್ಮ ತಮ್ಮ ಬ್ರಾಂಡ್ ಗಳಲ್ಲಿ ಮಾರುಕಟ್ಟೆ ಪ್ರವೇಶಿಸಿದೆ.

  ವಿಶ್ವದಲ್ಲೇ ಅತ್ಯಂತ ಹೆಚ್ಚು ಹಲಸು ಬೆಳೆಯುವ ದೇಶ ಭಾರತ ಅದರಲ್ಲಿ ಕೇರಳ, ತಮಿಳುನಾಡು ಮತ್ತು ಒರಿಸ್ಸಾ ರಾಜ್ಯ ಅಗ್ರ ಸ್ಥಾನದಲ್ಲಿದೆ.

  ಹಲಸಿನ ಹಣ್ಣು ಮಾತ್ರ ಬಳಕೆಯಲ್ಲಿದ್ದ ಸಂಪ್ರದಾಯದ ಕಾಲ ಬದಲಾಗಿದೆ, ಹಲಸಿನ ಬೀಜ ಕೂಡ ವಿವಿದ ಬಳಕೆ ಪ್ರಾರಂಭ ಆಗಿದೆ ಈಗ ಹಲಸಿನ ಕಡಿ (Tender Jack Fruit) ವಿಶ್ವ ಮಾನ್ಯತೆ ಪಡೆಯುತ್ತಿರುವುದರಿಂದ ಹಲಸು ಜನಪ್ರಿಯ.

 

 ನಮ್ಮ ಮನೆಯ ಹಲಸಿನ ಕಡಿಯಿಂದ ತಯಾರಿಸಿದ ಬಿರಿಯಾನಿ ನೋಡಿ.