Blog number 2214. ಆನಂದಪುರಂನಲ್ಲಿ ಎರೆಡು ರಾಷ್ಟ್ರೀಯ ಹೆದ್ದಾರಿಗಳು, ಬೈಪಾಸ್, ಪ್ಲೈಒವರ್ ನಿರ್ಮಾಣ ಆಗಲಿದೆ.

#ಆನಂದಪುರಂನಲ್ಲಿ_ಎರೆಡು_ರಾಷ್ಟ್ರೀಯ_ಹೆದ್ದಾರಿಗೆ_ಬೈಪಾಸ್

#ಎರೆಡೂ_ರಾಹೆ_ವಿಂಗಡಿಸುವ_ಬೃಹತ್_ಪ್ಲೈಒವರ್

#ರಾಣಿಬೆನ್ನೂರು_ಬೈಂದೂರು_ರಾಹೆ_766ಸಿಗೆ_ಬೈಪಾಸ್ 

#ಹೊನ್ನಾವರ_ಚಿತ್ತೂರು_ರಾಹೆ_69ಕ್ಕೆ_ಬೈಪಾಸ್

#ಕನಾ೯ಟಕದಲ್ಲಿ_14_ರಾಷ್ಟ್ರೀಯ_ಹೆದ್ದಾರಿ_ಹಾದು_ಹೋಗಿದೆ 

#ಐದು_ಸ್ಥಳದಲ್ಲಿ_ಮಾತ್ರ_ಎರೆಡು_ರಾಷ್ಟ್ರೀಯ_ಹೆದ್ದಾರಿ_ಹಾದು_ಹೋಗಿದೆ.

#ಅದರಲ್ಲಿ_ನಮ್ಮ_ಆನಂದಪುರಂ_ಒಂದು

 ನ್ಯಾಷನಲ್ ಹೈವೇ ಅಥಾರಿಟಿ ಆನಂದಪುರಂನಲ್ಲಿ ಹಾದು ಹೋಗುವ NH 766 C (ರಾಣಿಬೆನ್ನೂರು ಬೈಂದೂರು) ಮತ್ತು NH 69 (ಹೊನ್ನಾವರ ಚಿತ್ತೂರು) ರಾಷ್ಟ್ರೀಯ ಹೆದ್ದಾರಿಗೆ ಬೈಪಾಸ್ ನಿರ್ಮಿಸಲು ಎಲ್ಲಾ ರೀತಿಯ ತಯಾರಿ ನಡೆಸಿ ಈಗ ಡಿಪಿಆರ್ ಆಗಿದೆ.

     ಡಿಟೈಲ್ ಪ್ರಾಜೆಕ್ಟ್ ರಿಪೋರ್ಟ್ (DPR) ನನ್ನ ಟೀಬಲ್ ಮೇಲೆ ಇದೆ ಇದನ್ನ ವಿವರವಾಗಿ ನೋಡಿದ್ದೇನೆ ಅದರ ಫೋಟೋಗಳನ್ನ ಲಗತ್ತಿಸಿದ್ದೇನೆ ನೋಡಿ.

   ಈ ಬೈಪಾಸ್ ಜೋಡಿ ರಸ್ತೆ ದಾಸಕೊಪ್ಪ ವೃತ್ತದ ಕಮಲಾಕ್ಷ ನಾಯಕರ ಜಾಗದಿಂದ ಗೌರಿಕೆರೆ ಕೆಳಗಿನ ಗುಂಡಿಬೈಲು ಜಮೀನಿನಲ್ಲಿ ಸಾಗಿ, ರಂಗನಾಥ ಸ್ವಾಮಿ ದೇವಾಲಯದ ಕೆಳಗಿನ ಕೆ.ಎಂ.ಎಸ್ ಲೇಔಟ್ ಗೆ ತಾಗಿ ಯಡೇಹಳ್ಳಿ ಕೆರೆ ಕೆಳಗಿನ ಗುಂಡಿಬೈಲು ಜಮೀನಿನ ಮುಖಾಂತರ ಯಡೇಹಳ್ಳಿ ಆಚಾಪುರ NH 69ರ ರಾಷ್ಟ್ರೀಯ ಹೆದ್ದಾರಿಯಲ್ಲಿರುವ ಪೂವಪ್ಪಣ್ಣರ ಬಾವನ ವರ್ಕ್ ಶಾಪ್ ಪಕ್ಕದಲ್ಲಿ ರಾಷ್ಟ್ರೀಯ ಹೆದ್ದಾರಿ NH 69 ಕ್ರಾಸ್ ಮಾಡಿ RR ರೈಸ್ ಮಿಲ್ ಗಿಂತ ಮೊದಲೇ ರಿಪ್ಟನ್ ಪೇಟೆ ರಸ್ತೆ ಕ್ರಾಸ್ ಮಾಡಿ ಸಲಿಂ ಗ್ಯಾರೇಜ್ ಮತ್ತು ಉದ್ದ ನೂರು ಜಾಗದ ಮದ್ಯದಲ್ಲಿ ಹಾದು ರೈಲ್ವೆ ರಸ್ತೆ ಕ್ರಾಸ್ ಮಾಡಿ ಶಾಂತಬೈಲು ಮಧ್ಯದಿಂದ ಹೊಸನಗರ ರಸ್ತೆಯಲ್ಲಿ ಗಣಪತಿ ದೇವಸ್ಥಾನದ ನಂತರ ಇರುವ ದಿವಂಗತ ಗಣಪತಿ ಮಾಸ್ತರ್ ಅವರ ಜಾಗದಲ್ಲಿ ಸೇರುತ್ತದೆ.

  2700 ಮೀಟರ್ ಅಂದರೆ 2.7 ಕಿ.ಮೀಟರ್ ರಸ್ತೆ ನಿರ್ಮಾಣಕ್ಕಾಗಿ ಹಣ ಮಂಜೂರಾಗಿದೆ, ರಸ್ತೆ ನಿರ್ಮಾಣಕ್ಕೆ ಭೂಮಿ ಗುರುತಿಸಿದ್ದಾರೆ, ಭೂ ಸ್ವಾದೀನ ಪಡಿಸಿಕೊಳ್ಳಲು ಅಧಿಸೂಚನೆ ಹೊರಡಿಸಿದೆ.

 

 ಇದರ ಜೊತೆಗೆ ತುಮಕೂರು ಹೊನ್ನಾವರ ಸೇರುವ ರಾಷ್ರೀಯ ಹೆದ್ದಾರಿ 69 ಕೂಡ ಆನಂದಪುರಂ ಹಾದು ಹೋಗಲಿದೆ ಇದಕ್ಕೂ ಬೈಪಾಸ್ ನಿರ್ಮಾಣಕ್ಕೆ ಸರ್ವೇ ಮಾಡಿ DPR ಆಗಿದೆ.

   

ಎರೆಡು ರಾಷ್ಟ್ರೀಯ ಹೆದ್ದಾರಿ ವಿಭಜಿಸುವ ಬೃಹತ್ ಪ್ಲೈಒವರ್ ಯಡೇಹಳ್ಳಿ ವೃತ್ತ ಮತ್ತು ಆಚಾಪುರ ನಡುವೆ ನಿರ್ಮಾಣ ಆಗಲಿದೆ.

 

ಒಂದೇ ಊರಿನಲ್ಲಿ ಎರೆಡು ರಾ.ಹೆ. ಹಾದು ಹೋಗುವ ರಾಜ್ಯದ ಐದು ಸ್ಥಳಗಳಲ್ಲಿ ಆನಂದಪುರಂ ಕೂಡ ಒಂದು (ಕರ್ನಾಟಕದಲ್ಲಿ 14 ರಾಷ್ಟ್ರೀಯ ಹೆದ್ದಾರಿ ಹಾದು ಹೋಗಿದೆ).

 

ಒಂದು ಕಾಲದಲ್ಲಿ ಎರಡು ಬಾರಿ ಆನಂದಪುರಂ ತಾಲ್ಲೂಕ್ ಕೇಂದ್ರ ಆಗಿತ್ತು, ಸಾಗರ ತಾಲೂಕಿನ ಮೊದಲ ನ್ಯಾಯಾಲಯ ಪ್ರಾರಂಭ ಆಗಿದ್ದು ಆನಂದಪುರಂನ ಯಡೇಹಳ್ಳಿ ಪ್ರವಾಸಿ ಮಂದಿರದಲ್ಲಿ.

 

ಈಗ ಈ ಎರೆಡೂ ರಾಷ್ಟ್ರೀಯ ಹೆದ್ದಾರಿ ಸಂದಿಸುವ ಸ್ಥಳದಲ್ಲಿ ಬೃಹತ್ ಪ್ಲೈಒವರ್ ನಿಮಾ೯ಣ, ರೈಲು ನಿಲ್ದಾಣ, ಕೃಷಿ ವಿಶ್ವವಿದ್ಯಾಲಯಗಳಿರುವ ನಮ್ಮ ಊರು ಮುಂದಿನ ದಿನಗಳಲ್ಲಿ ದೊಡ್ಡ ನಗರವಾಗಿ ಬದಲಾಗಲಿದೆ.

 

ರಾಷ್ಟ್ರೀಯ ಹೆದ್ದಾರಿ ಅಲ್ಲಿ ಹೋಗುತ್ತೆ.... ಇಲ್ಲಿ ಹೋಗುತ್ತದೆ ಎಂಬ ಗಾಳಿ ಸುದ್ದಿಗೆ ವಿರಾಮ ನೀಡುವಂತೆ ಸಂಬಂದ ಪಟ್ಟ ಇಲಾಖೆ ಅಂತಿಮ DPR ಪ್ರಕಟಿಸಿದೆ.

(ನಾಳೆ ತುಪ್ಪೂರು - ಚೋರಡಿ- ಕುಂಸಿ - ಅಯನೂರು ಮಾಹಿತಿ)