Blog number 1345. ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪರ ಶಿಕಾರಿಪುರದ ಮನೆ ಮೇಲೆ ಕಲ್ಲು ತೂರಾಟ (27-ಮಾರ್ಚ್ -2023) 43 ವಷ೯ದ ಹಿಂದೆ ಮಂತ್ರಿ ಯ೦ಕಟಪ್ಪರ ಮನೆ ಮೇಲಿನ ದಾಳಿ ನೆನಪಿಸಿತು.

#ಶಿಕಾರಿಪುರದಲ್ಲಿ_ಯಡೂರಪ್ಪರ_ಮನೆ_ಮೇಲೆ_ಕಲ್ಲು_ತೂರಾಟ

#ತಪ್ಪು_ಮಾಡಿದವರನ್ನು_ಬಂದಿಸದಂತೆ_ಕ್ಷಮಿಸಿದ_ಯಡೂರಪ್ಪರ_ಮತ್ಸದ್ಧಿ_ರಾಜಕಾರಣ

#ಮರುಕಳಿಸಿದ_ಶಿಕಾರಿಪುರ_ರಾಜಕೀಯ_ಚರಿತ್ರೆ

#ಗುಂಡೂರಾವ್_ಸಂಪುಟದಲ್ಲಿ_ತೋಟಗಾರಿಕಾ_ಮತ್ತು_ಬಂದಿಖಾನೆ_ಮಂತ್ರಿ_ಆಗಿದ್ದ_ಶಿಕಾರಿಪುರದಿಂದ

#ಎರೆಡು_ಬಾರಿ_ಶಾಸಕರಾಗಿದ್ದ_ಕೆ_ಯ೦ಕಟಪ್ಪರ_ಮನೆ_ಮೇಲೂ_ದಾಳಿ_ಆಗಿತ್ತು

#ಶಿಕಾರಿಪುರ_ವಿದಾನ_ಸಭಾ_ಕ್ಷೇತ್ರದ_ನಿಜ_ಚಾಣಕ್ಯ_ಪದ್ಮನಾಭ_ಭಟ್ಟರು.

#ದುರಂತ_ನಾಯಕ_ನಗರದ_ಮಹಾದೇವಪ್ಪ

 ನಿನ್ನೆ ಇದ್ದಕ್ಕಿದ್ದಂತೆ ಶಿಕಾರಿಪುರದಲ್ಲಿ ಒಳ ಮೀಸಲಾತಿ ವಿರೋದಿಸಿ ನಡೆಯುತ್ತಿದ್ದ ಮೆರವಣಿಗೆ ದಿಕ್ಕು ಬದಲಿಸಿ ಮಾಜಿ ಮುಖ್ಯಮಂತ್ರಿ ಮತ್ತು ಹಾಲಿ ಶಿಕಾರಿಪುರ ಶಾಸಕರಾದ ಯಡೂರಪ್ಪರ ಮನೆ ಮೇಲೆ ಕಲ್ಲು ತೂರಾಟವಾಯಿತು, ಅವರ ಹುಟ್ಟು ಹಬ್ಬದ ಕೊಡುಗೆ ಆಗಿ ನೀಡಿದ್ದ ಸೀರೆಗಳನ್ನು ತಂದು ಸುಡಲಾಯಿತು, ಮನೆಯ ಮೇಲಿದ್ದ ಅವರ ಬಾವ ಚಿತ್ರದ ಪ್ಲೆಕ್ಸ್ ಮತ್ತು ಬಿಜೆಪಿ ದ್ವಜ ಕೂಡ ದ್ವಂಸ, ಲಾಠಿ ಚಾರ್ಚ್ ಮಾಡಲಾಯಿತು ಅನೇಕರನ್ನು ಬಂದಿಸಲಾಗಿದೆ ಎಂಬ ಸುದ್ದಿ ಕೇಳಿದವರಿಗೆ ದಿಗ್ಭ್ರಮೆ ಉಂಟಾಗಿದ್ದು ಸುಳ್ಳಲ್ಲ.

  ಇಡೀ ರಾಜ್ಯದಲ್ಲಿ ಒಳ ಮೀಸಲಾತಿ ಬಗ್ಗೆ ಈ ರೀತಿ ಆಕ್ರೋಷ ನಡೆದಿಲ್ಲ ಆದರೆ ಶಿಕಾರಿಪುರದಲ್ಲಿ ಯಾಕೆ? ಎಂಬುದು ಮುಂದಿನ ದಿನಗಳಲ್ಲಿ ಗೊತ್ತಾಗಬೇಕಷ್ಟೆ.

   ಯಾರೇ ಆದರೂ ಈ ವಾಮ ಮಾರ್ಗದಲ್ಲಿ ಪ್ರಚೋದನೆ ನೀಡಿದ್ದರೆ ಅದು ಖಂಡನೀಯವಾದದ್ದು.

   ಈ ಬಗ್ಗೆ ಹಾಲಿ ಶಾಸಕರಾದ ಯಡೂರಪ್ಪರ ಪ್ರತಿಕ್ರಿಯೆ ಏನು? ಎಂಬ ಕುತೂಹಲಕ್ಕೆ ನಿನ್ನೆ ಸಂಜೆ ಬೆಂಗಳೂರಿಂದ ಯಡೂರಪ್ಪ ನೀಡಿದ ಹೇಳಿಕೆ " ಯಾರದೋ ಪ್ರಚೋದನೆಯಿಂದ ಈ ಘಟನೆ ನಡೆದಿದೆ.. ಯಾರನ್ನೂ ಬಂದಿಸಬಾರದು ಎಂದು ಜಿಲ್ಲಾ ರಕ್ಷಣಾಧಿಕಾರಿಗಳಿಗೆ ತಿಳಿಸಿದ್ದೇನೆ." ಎಂದಿದ್ದು ಅವರ ಪ್ರಭುದ್ಧ ಅನುಭವಿ ರಾಜಕಾರಣಕ್ಕೆ ಕನ್ನಡಿ ಆಗಿದೆ.

  ಶಿಕಾರಿಪುರದ 43 ವಷ೯ಗಳ ಹಿಂದಿನ ರಾಜಕಾರಣದ ಕೆಲ ಘಟನಾವಳಿಗಳನ್ನು ಹಿಂದುರಿಗೆ ನೋಡಿದರೆ ಇಂತದೇ ಒಂದು ಘಟನೆ ನೆನಪಾಗುತ್ತದೆ...

   ಶಿಕಾರಿಪುರ ವಿಧಾನಸಭಾ ಕ್ಷೇತ್ರದಿಂದ 1972 ಮತ್ತು 1978 ರಲ್ಲಿ ಎರೆಡು ಬಾರಿ ಶಾಸಕರಾಗಿದ್ದವರು ಪರಿಶಿಷ್ಟ ಜಾತಿಯ ಕೆ.ಯಂಕಟಪ್ಪ ಇವರು 1978ರಿಂದ 1982ರವರೆಗೆ ಗುಂಡೂರಾವ್ ಸರ್ಕಾರದಲ್ಲಿ ತೋಟಗಾರಿಕಾ ಮತ್ತು ಬಂದಿಖಾನೆ ಮಂತ್ರಿಗಳಾಗಿದ್ದರು.

   ಶಿಕಾರಿಪುರದ ಮಂತ್ರಿ ಯಂಕಟಪ್ಪರ ಮನೆ ಮೇಲೆ ಇದ್ದಕ್ಕಿದ್ದಂತೆ ಯುವಕರ ಪಡೆ ದಾಳಿ ನಡೆಸಿದ್ದು ಆಗಿನ ರೇಡಿಯೋ ಪತ್ರಿಕೆಗಳಲ್ಲಿ ದೊಡ್ಡ ಸುದ್ದಿ ತಕ್ಷಣ ಇದಕ್ಕೆ ಕಾರಣರಾದವರನ್ನು ಬಂದಿಸಿ ಪೋಲಿಸರ ಟ್ರೀಟ್ಮೆಂಟ್ ನೀಡಿ ಬಳ್ಳಾರಿ ಜೈಲಿಗೆ ಹಾಕಿದ್ದರು.

  ಪ್ರಚೋದನೆ ಮಾಡಿದವರು ಅವರನ್ನು ಬಿಡಿಸಲೇ ಇಲ್ಲ, ಅವರ ತಂದೆ ತಾಯಿಗಳ ರೋದನೆಯಿ೦ದ ನೊಂದ ಆಗಿನ ಕಾಂಗ್ರೇಸ್ ನ  ಯುವ ಮುಂದಾಳು ನಗರದ ಮಹಾದೇವಪ್ಪ ಜಾಮೀನು ನೀಡಿ ಬಿಡಿಸಿಕೊಂಡು ಬಂದರು.

  ನಂತರ ನಡೆದ ಚುನಾವಣೆಯಲ್ಲಿ ಯಡಿಯೂರಪ್ಪನವರು ಗೆದ್ದು ವಿದಾನ ಸಭೆಗೆ ಪ್ರವೇಶ ಪಡೆದರು, ಕಾಂಗ್ರೇಸ್ ಪಕ್ಷ ನಗರದ ಮಹಾದೇವಪ್ಪರಿಗೆ ಟಿಕೇಟು ನೀಡಲೇ ಇಲ್ಲ 1989 ರಲ್ಲಿ ನಗರದ ಮಹಾದೇವಪ್ಪ ಪಕ್ಷೇತರರಾಗಿ ನಿಂತು ಯಡೂರಪ್ಪರ ವಿರುದ್ದ ಕೆಲವೇ ನೂರು ಮತಗಳಿಂದ ಪರಾಭವಗೊ0ಡಿದ್ದು ಇತಿಹಾಸ.

   ಆ ದಿನಗಳಲ್ಲಿ ಮಂತ್ರಿ ಯಂಕಟಪ್ಪರ ಮನೆ ಮೇಲೆ ದಾಳಿ ಮಾಡಿದ್ದ ಆ ದಿನದ ಯ೦ಗ್ ಟರ್ಕ್ ನ ಒಬ್ಬರನ್ನು ಸಂದರ್ಶಿಸಿ ಜನ ಹೋರಾಟ ಪತ್ರಿಕೆಯ ನನ್ನ ಅಂಕಣದಲ್ಲಿ ಬರೆದಿದ್ದೆ ಅವರು ಲೋಕೋಪಯೋಗಿ ಇಲಾಖೆಯಲ್ಲಿ ಸೂಪರಿಡೆಂಟ್ ಆಗಿ ನಿವೃತ್ತಿ ಆಗಿದ್ದಾರೆ ಅವರ ಹೆಸರು ರಾಜು ಅಂತ.

   ಇವಾಗೆಲ್ಲ ಯಡೂರಪ್ಪರ ಪುತ್ರ ವಿಜೇಂದ್ರರಿಗೆ ಚಾಣಕ್ಯ ಎಂಬ ಬಿರುದು ನೀಡಿದ್ದಾರೆ ಆದರೆ ಶಿಕಾರಿಪುರ ವಿಧಾನಸಭಾ ಕ್ಷೇತ್ರದ ನಿಜ ಚಾಣಕ್ಯ ಮಾತ್ರ ಪದ್ದಣ್ಣ ಆಲಿಯಾಸ್ ಪದ್ಮನಾಭ ಭಟ್ರು ಅವರಿಲ್ಲದಿದ್ದರೆ ಶಿಕಾರಿಪುರ ವಿಧಾನಸಭಾ ಕ್ಷೇತ್ರ ಬಿಜೆಪಿ ಕ್ಷೇತ್ರ ಆಗುತ್ತಿರಲಿಲ್ಲ, ಯಡೂರಪ್ಪ ಅಲ್ಲಿಂದ ಗೆದ್ದು ಈವರೆಗೆ ತಲುಪುತ್ತಿರಲಿಲ್ಲ.

   ಇದೆಲ್ಲ ಈಗಾಗಲೇ ಜನ ಮಾನಸದಲ್ಲಿ ಮರೆತು ಹೋದ ವಿಚಾರಗಳು ನಿನ್ನೆಯ ಘಟನೆಯಿ೦ದ ನೆನಪಾಯಿತು.