Blog number 1316.ಸೋನಿಯಾ ಗಾಂಧಿ ಅವರು ಪಿ.ಎಂ. ಕೇರ್ ನಿಧಿಯನ್ನು ನಕಲಿ ಅಂತ ಏಐಸಿಸಿ ಟ್ಟೆಟರ್ ಸಂದೇಶ ವಿರೋದಿಸಿ ನ್ಯಾಯಾಲಯದಿಂದ ಎಪ್.ಐ.ಆರ್ ದಾಖಲಿಸಿದ ನಮ್ಮ ಊರಿನ ವಕೀಲರಾದ ಕೆ.ವಿ.ಪ್ರವೀಣ್.

https://youtu.be/ohpBAO3mr1c

#ಸೋನಿಯಾ_ಗಾಂಧಿ_ಮೇಲೆ_FIR_ದಾಖಲಿಸಿದ್ದ_ಸಾಗರದ_ವಕೀಲರು.

#ಕೆ_ವಿ_ಪ್ರವೀಣ್_ನಮ್ಮ_ಊರಿನವರು

#ಶರಾವತಿ_ಮುಳುಗಡೆ_ರೈತ_ಕುಟುಂಬದವರು

#ಅಸಾದಾರಣ_ಬುದ್ದಿಮತ್ತೆ_ಮನುಷ್ಯತ್ವ_ಮತ್ತು_ಸರಳತೆಯ_ಯುವಕ.

   

ಕಾಂಗ್ರೇಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರ AICC ಟ್ವೀಟರ್ ನಿಂದ ಕೊರಾನಾ ಕಾಲದ ಸಂಕಷ್ಟದಲ್ಲಿ ಪ್ರದಾನಿ ಮೋದಿ ಅವರು ಸಾರ್ವಜನಿಕ ದೇಣಿಗೆಗಾಗಿ ಪ್ರಾರಂಬಿಸಿದ ಪಿ.ಎಮ್. ಕೇರ್ ಪಂಡ್ ಪೇಕ್ ಎಂದು ಬರೆದದ್ದು ನೋಡಿ ಅದರಿಂದ ನೊ೦ದ ಸಾಗರದ ವಕೀಲರಾದ ಕೆ.ವಿ.ಪ್ರವೀಣ್ ಸಾಗರದ ನ್ಯಾಯಾಲಯದಲ್ಲಿ ಖಾಸಾಗಿ ದೂರು ದಾಖಲಿಸಿ FIR ಹಾಕಿಸಿದ್ದು ಇಡೀ ದೇಶದಲ್ಲೇ ಸುದ್ಧಿ ಆಗಿತ್ತು.

  ನಂತರ ಈ ಪ್ರಕರಣ ತನಿಖೆ ಮಾಡಿ ಪೋಲಿಸರು ಬಿ. ರಿಪೋರ್ಟ್ ನ್ಯಾಯಲಯಕ್ಕೆ ಸಲ್ಲಿಸಿ ಮುಕ್ತಾಯ ಮಾಡಿದ್ದನ್ನು ವಕೀಲರಾದ ಕೆ.ವಿ.ಪ್ರವೀಣ್ ನ್ಯಾಯಾಲಯದಲ್ಲಿ ಚಾಲೆಂಜ್ ಮಾಡಿದ್ದಾರೆ.

  ಸಾರ್ವಜನಿಕರ ಹಿತಕ್ಕಾಗಿ ಇಂತಹ ನೂರಾರು ಹೋರಾಟಗಳನ್ನು ನ್ಯಾಯಾಲಯದಲ್ಲಿ ಸದಾ ನಡೆಸುತ್ತಿರುವ  ಸಾಗರ ತಾಲ್ಲೂಕಿನ ಆನಂದಪುರಂ ಹೋಬಳಿಯ ಯಡೇಹಳ್ಳಿ ಗ್ರಾಮ ಪಂಚಾಯತ್ ನ ಕಲ್ಲುಕೊಪ್ಪದ ಶರಾವತಿ ಮುಳುಗಡೆ ರೈತರಾದ ವೀರಭದ್ರಪ್ಪರ ಎರಡನೆ ಪುತ್ರರು ಈ ಪ್ರವೀಣ್.

   

ನಮ್ಮ ಕಣ್ಣೆದುರೇ ನಡೆದುಕೊಂಡು ನಮ್ಮ ಮನೆ ಎದುರಿನಿಂದ ಆನಂದಪುರಂನಲ್ಲಿ ಪ್ರಾಥಮಿಕ ಶಾಲೆಯಿಂದ ಪ್ರೌಡ ಶಾಲೆವರೆಗೆ ವಿದ್ಯಾಬ್ಯಾಸ ಮಾಡಿದ ಪ್ರವೀಣ್ ರಲ್ಲಿ ನಾನು ಗಮನಿಸಿದ್ದು ಅವರಲ್ಲಿರುವ ವಿಶೇಷ ಎನರ್ಜ,ಸದಾ ನಗುತ್ತಾ ಚೇಷ್ಟೆ ಮಾಡುತ್ತಾ ಸಹ ವಿದ್ಯಾರ್ಥಿಗಳ ಜೊತೆ ಶಾಲೆಗೆ ಹೋಗಿ ಬರುತ್ತಿದ್ದರು.

   ಇವರ ತಂದೆಯವರಿಗೆ ಸ್ಥಳಿಯ ಜನ ಕರೆಯುವುದು ಮರಿಗೌಡ ರೆಂದೇ, ಆ ಕಾಲದಲ್ಲಿ ವಿದ್ಯಾವಂತರಾಗಿದ್ದ ಮರಿ ಗೌಡರು ಸ್ವಂತ ಪರಿಶ್ರಮದಲ್ಲಿ ಕೃಷಿ ಮಾಡಿ ಉತ್ತಮ ಆದಾಯ ಪಡೆಯುವ ಮಾದರಿ ರೈತರು, ಇವರ ಜಮೀನಿನಲ್ಲಿ ಕೆಲಸ ಮಾಡುವ  ಕೃಷಿ ಕಾರ್ಮಿಕರು ಇವರನ್ನು ಸದಾ ಹೊಗಳುತ್ತಾರೆ.

  ಸಂಘ ಪರಿವಾರದಲ್ಲಿರುವ ಇವರು ಬಿಜೆಪಿ ಪಕ್ಷದ ಲೀಗಲ್ ಸೆಲ್ ನಲ್ಲಿದ್ದಾರೆ, ಈಗಿನ ಬಿಜೆಪಿ ಸರ್ಕಾರದ ಅವಧಿಯಲ್ಲಿ ನಡೆದಿರುವ ಅನೇಕ ಹಗರಣ - ಭ್ರಷ್ಟಾಚಾರದ ಬಗ್ಗೆ ಇವರು ವಿರೋದಿಸುತ್ತಾರೆ, ಬಡವರ ಬಗ್ಗೆ ನ್ಯಾಯ ಕೊಡಿಸಲು ಸದಾ ಮುಂದು, ಸರಳ ಜೀವನಕ್ಕೆ - ಪ್ರಾಮಾಣಿಕತೆಗೆ ಮೊದಲ ಆಧ್ಯತೆ ನೀಡುತ್ತಾರೆ ಅದರಿಂದ ಇವರು ಬೇರೆಯವರಿಗಿಂತ ಭಿನ್ನವಾಗಿ ಕಾಣುತ್ತಾರೆ.

  ಆಡಳಿತಾರೂಢ ಬಿಜೆಪಿ ಪಕ್ಷದ ಜನಪ್ರತಿನಿಧಿಗಳು ಇವರಿಂದ ಅಂತರ ಕಾಪಾಡುತ್ತಾರೆ ಆದರೆ ಅದಕ್ಕೆಲ್ಲ ಇವರು ಕೇರ್ ಮಾಡುವುದಿಲ್ಲ ಕಾರಣ ದೆಹಲಿವರೆಗೆ ಸ೦ಘ ಪರಿವಾರದ ಸಂಪರ್ಕ ಇವರಿಗಿದೆ.

   ಹಣ ಇಲ್ಲದಿರಬಹುದು ಆದರೆ ಬಿಜೆಪಿ ಪಕ್ಷದಿಂದ ಸಾಗರ ವಿಧಾನಸಭಾ ಚುನಾವಣೆಗೆ ಸ್ಪರ್ಧಿಸಲು ನನಗೆ ಅರ್ಹತೆ ಇದೆ ಎನ್ನುವ ಇವರೂ ಈ ಭಾರಿಯ ಚುನಾವಣೆಗೆ ಟಿಕೇಟ್ ಆಕಾಂಕ್ಷಿ ಆಗಿದ್ದಾರೆ, ಭ್ರಷ್ಟಾಚಾರ ಇಲ್ಲದ ಸುವ್ಯವಸ್ಥೆಯ ಸಾಗರ ನಿಮಾ೯ಣದ ಕನಸು ಇವರದ್ದು.

  ಹಾಗಂತ ಪಕ್ಷ ಅವಕಾಶ ನೀಡದಿದ್ದರೂ ಇವರು ಬಿಜೆಪಿ ಬಿಡುವುದಿಲ್ಲ ಎನ್ನುತ್ತಾರೆ.

   ಇವರ ಮಾತು ನಡತೆ ಕೆಲವರಿಗೆ ಅರ್ಥವಾಗಲಾರದು ಆದರೆ ಕೆ.ವಿ.ಪ್ರವೀಣ್ ರಲ್ಲಿ ವಿಶೇಷವಾದ ಜ್ಞಾನ ಇದೆ ಇವರನ್ನು ಬಿಜೆಪಿ ಪಕ್ಷ ಸರಿಯಾಗಿ ಬಳಸಿಕೊಂಡಿಲ್ಲ ಮತ್ತು ಬಿಜೆಪಿ ಪಕ್ಷದ ತಪ್ಪುಗಳನ್ನು ನೇರಾ ನೇರಾ ಖಂಡಿಸುವ ಇವರ ನಡತೆ ಬಿಜೆಪಿ ಪಕ್ಷದವರಿಗೆ ಬಿಸಿ ತುಪ್ಪವಾಗಿದೆ.

   ಮುಂದಿನ ದಿನಗಳಲ್ಲಿ ನಮ್ಮ ಊರಿನ ಈ ರೈತ ಯುವ ವಕೀಲರು ವಿದಾನ ಪರಿಷತ್ತಿನ ಸದಸ್ಯರಾಗಲಿ ಎ೦ದು ಹಾರೈಸುತ್ತೇನೆ.

https://photos.app.goo.gl/UdP3z48WErhpeDCR6