Blog number 2084. ನೂರಾ ಹದಿನಾರು ಬಾರಿ ರಕ್ತದಾನ ಮಾಡಿರುವ ತಮ್ಮ ಜೀವಮಾನವನ್ನೇ ಸೇವೆಗೆ ಮುಡಿಪಾಗಿಟ್ಟಿರುವ ಶಿವಮೊಗ್ಗದ ರೆಡ್ ಕ್ರಾಸ್ ಸಂಸ್ಥೆಯ ಸಂಜೀವಿನಿ ಬ್ಲಡ್ ಬ್ಯಾಂಕ್ ಮುಖ್ಯಸ್ಥ ಧರಣೇಂದ್ರ ದಿನಕರ್

#ನನ್ನ_ಇವತ್ತಿನ_ಅತಿಥಿ_ಶಿವಮೊಗ್ಗದ_ದರಣೇಂದ್ರ_ದಿನಕರ್

#ಶಿವಮೊಗ್ಗ_ಜಿಲ್ಲೆಯ_ರಕ್ತದಾನದ_ಶತಕ_ವೀರರು

#ಶಿವಮೊಗ್ಗದ_ರೆಡ್_ಕ್ರಾಸ್_ಸಂಸ್ಥೆಯ_ಸಂಜೀವಿನಿ_ಬ್ಲಡ್_ಬ್ಯಾಂಕ್_ಉಸ್ತುವಾರಿ

#ಇವತ್ತಿಗೆ_116_ಬಾರಿ_ರಕ್ತದಾನ_ಮಾಡಿ_ಜಿಲ್ಲೆಯ_ಮೊದಲ_ಸ್ಥಾನದಲ್ಲಿದ್ದಾರೆ

#ನಮ್ಮ_ಊರಲ್ಲಿರುವ_ಕೃಷಿ_ವಿಶ್ವವಿದ್ಯಾಲಯದಲ್ಲಿ_9_ಮೇ_2024ರ_ರಕ್ತದಾನ_ಶಿಬಿರದ_ತಯಾರಿಗೆ_ಬಂದಿದ್ದರು.

#ಎಂಟು_ನೂರಾ_ತೊಂಬತ್ತೆರುಡು_ಯುನಿಟ್_ರಕ್ತ_ಸಂಗ್ರಹಿಸಿದ_ನಮ್ಮ_ಕಲ್ಯಾಣ_ಮಂಟಪದಲ್ಲಿ

#ನಡೆದ_2016ರ_ರಕ್ತದಾನ_ಶಿಬಿರದ_ದಾಖಲೆ_ಇವತ್ತಿಗೂ_ಯಾರೂ_ಮುರಿದಿಲ್ಲ

#ಇದು_ನಮ್ಮ_ರಾಜ್ಯದಲ್ಲಿಯೇ_ಎರಡನೆ_ಸ್ಥಾನ_ನಮ್ಮದು_ಎಂದು_ಅವರು_ನೀಡಿದ_ಮಾಹಿತಿ

#ನನಗೇ_ಆಶ್ಚಯ೯.

  ಶಿವಮೊಗ್ಗದ ಗಾಂಧಿ ಬಜಾರಿನ ಬಸವಣ್ಣ ದೇವಸ್ಥಾನದ ಎದುರಿನ ದಿನಕರ್ ಮೆಟಲ್ ಸ್ಟೋರ್ ಎಂಬ ಪಾತ್ರೆ ಅಂಗಡಿ ಸ್ವಾತಂತ್ರ್ಯ ಪೂರ್ವದ್ದು ಅದು ದರಣೇಂದ್ರ ದಿನಕರ್ ಅವರ ಮೂರನೇ ತಲೆಮಾರಿನ ಅಂಗಡಿ.

  ಇವರ ದೊಡ್ಡಪ್ಪ ಸ್ವಾತಂತ್ರ್ಯ ಹೋರಾಟಗಾರರು ಮತ್ತು ಶಿವಮೊಗ್ಗದಲ್ಲಿ ನಾಗಪ್ಪ ಶೆಟ್ಟರ ಸಾರಥ್ಯದಲ್ಲಿ ಪ್ರತಿಷ್ಠಿತ NES ವಿದ್ಯಾಸಂಸ್ಥೆ ಸ್ಥಾಪಕರಲ್ಲಿ ಒಬ್ಬರು.

  ಶಿವಮೊಗ್ಗದ ಜೈನ ಸಮಾಜದ ಗೌರವಾನ್ವಿತ ಕುಟುಂಬ ಇವರ ಹಿನ್ನೆಲೆ.

  1985 ರಲ್ಲಿ ಇವರ ತಾಯಿಯ ಅನಾರೋಗ್ಯದ ಸಂದರ್ಭದಲ್ಲಿ ಐದಾರು ಯುನಿಟ್ ರಕ್ತ ಬೇಕಾದಾಗ ಆಗಿನ ಕಾಲದಲ್ಲಿ ಗೋಪಿ ಸರ್ಕಲ್ಲಿನ ಶ್ರೀನಿಧಿ ಬಟ್ಟೆ ಅಂಗಡಿಗೆ ಎಲ್ಲರೂ ಹೋಗಿ ಅವರು ಅಲ್ಲಿಟ್ಟಿದ್ದ ರಕ್ತದಾನಿಗಳ ರಿಜಿಸ್ಟರ್ ನಲ್ಲಿ ರಕ್ತದಾನಿಗಳ ಮಾಹಿತಿ ಪಡೆಯುವ ಸಂಪ್ರದಾಯದಂತೆ ಹೋಗುತ್ತಾರೆ ಮಾಲಿಕರ ಪ್ರೇರಣೆಯಿಂದ ದಿನಕರ್ ರಕ್ತದಾನಿಗಳಾಗುತ್ತಾರೆ.

  ಅವತ್ತಿನಿಂದ ಇವತ್ತಿನವರೆಗೆ ರಕ್ತ ಬೇಕಾದವರಿಗಾಗಿ ಜೀವನ ಮುಡುಪಾಗಿಟ್ಟಿದ್ದಾರೆ ಸ್ವತಃ 116 ಬಾರಿ ರಕ್ತದಾನ ಮಾಡಿದ್ದಾರೆ ಈ ದಾಖಲೆ ಇವರೊಬ್ಬರದೇ.

   ಬರುವ ಮೇ ತಿಂಗಳ 9 ರಂದು ನಮ್ಮ ಊರಿನ ಕೃಷಿ ವಿಶ್ವವಿದ್ಯಾಲಯದಲ್ಲಿ ರಕ್ತದಾನ ಶಿಬಿರ ನಡೆಯಲಿದೆ ಅದಕ್ಕಾಗಿ ರೆಡ್ ಕ್ರಾಸ್ ಸಂಸ್ಥೆವತಿಯಿಂದ ತಯಾರಿಗಾಗಿ ಬಂದವರು ನನ್ನಲ್ಲಿಗೆ ಬಂದಿದ್ದರು.

   ಎಂಟು ವರ್ಷಗಳ ನಂತರದ ಬೇಟಿ "ನಾನ್ಯಾರು ಗೊತ್ತಾಯಿತಾ" ಎನ್ನುತ್ತಾ ನನ್ನ ಕಛೇರಿ ಒಳಬಂದರು ನನ್ನ ತಟಸ್ಥವಾಗಿದ್ದ ಮೆದುಳಿನಿ ಮೆಮೋರಿ ಕಾರ್ಡ್ ಆಕ್ಟೀವ್ ಆಗಿ #ದಿನಕರ್_ರಕ್ತದಾನದ_ಶತಕ_ವೀರರು ಅಂದಾಗ ಅವರಿಗೇ ಆಶ್ಚರ್ಯ ಆಯಿತಂತೆ.

  ನಮ್ಮ ಸಂಸ್ಥೆ ನಿಯಮದಂತೆ ರಕ್ತದಾನದ ಶತಕ ವೀರರಿಗೆ ಶಾಲು ಹೊದಿಸಿ ಗೌರವಿಸಿದೆ.

  2016ರಲ್ಲಿ ನಮ್ಮ ಕಲ್ಯಾಣ ಮಂಟಪದಲ್ಲಿ ನಡೆಸಿದ ರಕ್ತದಾನ ಶಿಬಿರದಲ್ಲಿ ಒಂದೇ ಸ್ಥಳದಲ್ಲಿ 892 ಯುನಿಟ್ ರಕ್ತ ಸಂಗ್ರಹಿದ ದಾಖಲೆ ಈವರೆಗೆ ಯಾರೂ ಮುರಿದಿಲ್ಲವಂತೆ.... ಮಂಗಳೂರಿನಲ್ಲಿ ಒಂದು ಸಾವಿರ ರಕ್ತ ಸಂಗ್ರಹ ಮೊದಲ ಸ್ಥಾನವಾದರೆ ನಮ್ಮದು ಎರಡನೆ ಸ್ಥಾನ ರಾಜ್ಯಮಟ್ಟದ ದಾಖಲೆ ಅಂತೆ ಇದೆಲ್ಲ ಅವರ ಜೊತೆ ಮಾತುಕತೆ ಆಯಿತು.

  ಅವರ ಸಂದರ್ಶನ ಕೂಡ ಮಾಡಿದ್ದೇನೆ ಅದನ್ನು ಮುಂದಿನ ದಿನಗಳಲ್ಲಿ ಫೋಸ್ಟ್ ಮಾಡುತ್ತೇನೆ.

   

#ದಿನಾಂಕ_14_ಜೂನ್_2020_ರಂದು_ಬರೆದ_ಲೇಖನ

ರಕ್ತದಾನಕ್ಕೆ ಜನರನ್ನ ಸಂಘ ಸಂಸ್ಥೆಯನ್ನ ಪ್ರೇರೇಪಿಸಿ ರಕ್ತ ಸಂಗ್ರಹಿಸಿ ದಿನದ 24 ಗಂಟೆ ರಕ್ತ ಬೇಕಾದವರಿಗೆ ಆಪತ್ಕಾಲಕ್ಕೆ ಜೀವ ಉಳಿಸುವ ಸಾಥ೯ಕ ಸೇವೆ ಸುಮಾರು 35 ವಷ೯ದಿಂದ ನಡೆಸಿಕೊಂಡು ಬಂದಿರುವ ಸ್ಟತಃ ರಕ್ತದಾನಿ ಆಗಿರುವ ಜೈನ ಸಮುದಾಯದ ಶ್ರೀ ದರಣೇOದ್ರ ದಿನಕರ್ ಜಿಲ್ಲೆಯಲ್ಲಿ ಒಂದು ದಾಖಲೆ ಮಾಡಿದ್ದಾರೆ.

    ಅದು ದಿನಾಂಕ 14 ಜೂನ್ 2020 ರ ರಕ್ತದಾನಿಗಳ ದಿನಾಚಾರಣೆಯ೦ದು ಮತ್ತು ರೆಡ್ ಕ್ರಾಸ್ ಸಂಸ್ಥೆಯ ಶತಮಾನೋತ್ಸವದ ದಿನ ಇವರು ಮಾಡಿದ ರಕ್ತದಾನ 100 ನೇ ರಕ್ತದಾನ.

   ಶಿವಮೊಗ್ಗ ಜಿಲ್ಲೆಯ ರೆಡ್ ಕ್ರಾಸ್‌ ಸಂಸ್ಥೆ ನಿದೇ೯ಶಕರಾಗಿರುವ ಮತ್ತು ರೆಡ್ ಕ್ರಾಸ್ ಸಂಸ್ಥೆಯ ಸಂಜೀವಿನಿ ಬ್ಲಡ್ ಬ್ಯಾಂಕ್ ನ ಉಸ್ತುವಾರಿ ಹೊಂದಿರುವ ದಿನಕರ್ ಪರಿಚಯ ಇಲ್ಲದವರೆ ಇಲ್ಲ.

  ಮಧ್ಯರಾತ್ರಿಗೂ ಆಸ್ಪತ್ರೆಯಲ್ಲಿರುವವರ ರಕ್ತ ಬೇಕಾದವರ ಅಂದು ಬಂದುಗಳು ಇವರಿಗೆ ಪೋನಾಯಿಸಿ ಬೇಕಾದ ಗ್ರೂಪಿನ ರಕ್ತ ಪಡೆಯುತ್ತಾರೆ.

  ಸಂಜೀವಿನಿ ಬ್ಲಡ್ ಬ್ಯಾಂಕ್ ಗೋಪಿ ಸಕ೯ಲ್ ನಿಂದ ಜ್ಯೂವೆಲ್ ರಾಕ್ ಹೋಟೆಲ್ ರಸ್ತೆಯಲ್ಲಿರುವ ಆಭರಣ ಜ್ಯೂವೆಲ್ಸ್ ನ ಕೆಳ ಅಂತಸ್ತಿನಲ್ಲಿದೆ ಅಲ್ಲಿ ದಿನದ ಹೆಚ್ಚು ಹೊತ್ತು ದಿನಕರ್ ಇರುತ್ತಾರೆ.

  ದಿನಕರ್ ರಕ್ತದ ಗುಂಪು AB+ , ಇವರ ಸೆಲ್ ನಂಬರ್9844101866.

ಜಿಲ್ಲೆಯ ಜನರ ಜೀವ ಕಾಪಾಡುವ ರಕ್ತದಾನಕ್ಕೆ ಪ್ರೇರೇಪಿಸುವ ದರಣೇ೦ದ್ರ ದಿನಕರ್ ರ 100 ನೇ ವೈಯಕ್ತಿಕ ರಕ್ತದಾನದ ಸಂದರ್ಭದಲ್ಲಿ ಅವರನ್ನ ಅಭಿನಂದಿಸುತ್ತೇನೆ ಮತ್ತು ದೇವರು ಅವರಿಗೆ ಆಯುರಾರೋಗ್ಯ - ಆಯಸ್ಸು- ಯಶಸ್ಸು ದಯಪಾಲಿಸಲಿ ಎಂದು ಹಾರೈಸುತ್ತೇನೆ.