Blog number 1877. ಹಳೇ ಬೇರು ಹೊಸ ಚಿಗುರಿನ ಜುಗಲ್ಬಂದಿಯ ಗೆಳೆತನದ ಜಿಗಳೆಮನೆ ಗಣಪತಿ ಭಟ್ಟರು ಮತ್ತು ಚಿತ್ರ ಕಲಾವಿದ ನಿರಂಜನ ಕುಗ್ವೆ ಅವರನ್ನು ಜೈಲಿಗೆ ಕಳಿಸಿ ಹೆದರಿಸುವ ಪ್ರಯತ್ನದ ಪ್ರಕರಣಕ್ಕೆ ಆರು ವರ್ಷ ಆಯಿತು ಆದರೆ ಇವರಿಬ್ಬರೂ ಹೆದರಲೇ ಇಲ್ಲ....

#ಸುದ್ದಿಯನ್ನ_ಸುದ್ದಿ_ಮಾಡದ_ಈ_ಸುದ್ದಿ

#ಆರು_ವರ್ಷದ_ಹಿಂದಿನ_ನೆನಪು

#ಜಿಗಳೆಮನೆ_ಗಣಪತಿಭಟ್ಟರು_ಮತ್ತು_ನಿರಂಜನಕುಗ್ವೆ_ಜೈಲಿಗೆ_ಕಳಿಸಿದ_ಪ್ರಕರಣ

#ಇವರದ್ದೇ_ಜಾತಿಯ_ಮಠದವರು_ಇವರಿಗೆ_ಜೈಲಿಗೆ_ಕಳಿಸಿದ್ದು

#ಇವರು_ಮಾಡಿದ_ತಪ್ಪು_ಮಠದ_ಅತ್ಯಾಚಾರ_ಅನಾಚಾರ_ವಿರೋದಿಸುವ_ಕೆಲಸ.

#ಇವರ_ವಿರುದ್ದ_ಹಾಕಿದ_ಕೇಸು_ನಿಲ್ಲುವುದಿಲ್ಲ_ಅಂತ_ಅವರಿಗೂ_ಗೊತ್ತು

#ಆದರೆ_ವಿಚಾರಣೆಗೆ_ಮುನ್ನ_ಜೈಲಿಗೆ_ಕಳಿಸಿ_ಸೇಡು_ತೀರಿಸಿ_ಕೊಳ್ಳುವುದು.

   ಇವರಿಬ್ಬರ ಹೆಸರು ಗಣಪತಿ ಭಟ್ಟರು ಜಿಗಳೆಮನೆ ಮತ್ತು ನಿರಂಜನ ಕುಗ್ವೆ ಹಳೆ ಬೇರು ಹೊಸ ಚಿಗುರಿನಂತ ಇವರಿಬ್ಬರ ಜುಗಲ್ ಬಂದಿ.

   ಇವರಿಬ್ಬರನ್ನ ಪೇಸ್ ಬುಕ್ನಲ್ಲಿ ಮಾನಹಾನಿ ಮಾಡಿದ್ದಾರಂತ ದೂರು ನೀಡಿಸಿ, ಒಂದು ಶನಿವಾರ ಬಂದಿಸಿ ಭಾನುವಾರದ ಕೋಟ್೯ ರಜಾ ದಿನದ ಲಾಭ ಪಡೆದು ಜೈಲಿಗೆ ಕಳಿಸಿ ತಮ್ಮ ದುರುದ್ದೇಶ ಈಡೇರಿಸಿಕೊಂಡ ಈ ಪ್ರಕರಣದ ಹಿಂದೆ ಇವರ ಸಮಾಜದ ಮಠ ಒಂದರ ಕಾಣದ ಕೈಗಳು ಎನ್ನುವುದು ಬಹಿರಂಗ ಸತ್ಯ.

  ಹಿರಿಯರಾದ ಗಣಪತಿ ಭಟ್ಟರು RSS ಪ್ರಚಾರಕರಾಗಿದ್ದವರು, ತುತು೯ ಪರಿಸ್ಥಿತಿ ವಿರೋದಿಸಿ ಜೈಲಿಗೆ ಹೋದವರು, ಇವತ್ತಿನವರೆಗೆ ರಾಜಕೀಯಕ್ಕೆ ಬರದವರು, ಸಾತ್ವಿಕರು, ವರದಳ್ಳಿಯ ಪವಾಡ ಪುರುಷ ಶ್ರೀಧರ ಸ್ವಾಮಿಯವರ ಶಿಷ್ಯರು ಮತ್ತು ವರದಳ್ಳಿ ಶ್ರೀದರ ಆಶ್ರಮದ ಅತೀ ಸಮೀಪದ ಜಿಗಳೆ ಮನೆಯವರು.

  ನಿರಂಜನ ಕುಗ್ವೆ ಉದಯೋನ್ಮುಖ ವ್ಯಂಗ್ಯಚಿತ್ರಗಾರರು, ಕಲಾ ಶಿಕ್ಷಕರು ಸಾಗರ ಸಮೀಪದ ಕುಗ್ವೆಯವರು ಇವರ ಊರಿನ ದೇವಾಲಯದ ಪ್ರಮುಖರು, ಇವರ ವ್ಯಂಗ್ಯಚಿತ್ರಗಳನ್ನ ಖ್ಯಾತ ಚಿತ್ರ ಕಲಾವಿದ ಪಂಜು ಗಂಗೋಲೀಯವರು ಅಭಿನಂದಿಸಿದ್ದಾರೆ.

  ಇವರಿಬ್ಬರು ಮಾಡಿದ ಅಪರಾದ ಇವರ ಜಾತಿಗೆ ಸಂಬಂದಪಟ್ಟ ಸ್ವಾಮಿ ಒಬ್ಬರ  ಅತ್ಯಾಚಾರ ಪ್ರಕರಣ ಮತ್ತು ಆ ಮಠದಲ್ಲಿ ಆ ಸಮಾಜದ ಹೆಣ್ಣು ಮಕ್ಕಳಿಗೆ ದೇವರ ಹೆಸರಲ್ಲಿ ಭಕ್ತಿ ಮತ್ತು ಸಂಸ್ಕಾರದ ಭಯ ಬಿತ್ತಿ ಕನ್ಯಾ ಸಂಸ್ಕಾರ ಎಂಬ ಸ್ವಾಮಿಗಳ ಏಕಾಂತಕ್ಕೆ ಅಪ್ರಾಪ್ತ ಹೆಣ್ಣು ಮಕ್ಕಳನ್ನ ಕಳಿಸುವ ಕಾಯ೯ಕ್ರಮ ವಿರೋದಿಸಿ ಪೇಸ್ ಬುಕ್ ನಲ್ಲಿ ಅಭಿಯಾನ ಪ್ರಾರಂಭಿಸಿದ್ದರು.

  ಇವರಿಗೆ ಸುಮಾರು 10 ಸಾವಿರಕ್ಕೂ ಹೆಚ್ಚು ಜನ ಬೆಂಬಲಿಸಿದ್ದಾರೆ ಆದರೆ ಪ್ರತ್ಯಕ್ಷವಾಗಿ ಬೆಂಬಲಿಸಲು ಅವರಿಗೆಲ್ಲ ಮಠದ ಕಾಳ ಹಸ್ತದ ಭಯ.

   ನಿರಪರಾಧಿಗಳನ್ನ ಸಮಾಜ ಕಂಠಕರಲ್ಲದವರನ್ನ ಅವಮಾನಿಸುವ ಶಿಕ್ಷಿಸುವ ಈ ಪ್ರಕರಣ ಪ್ರಜಾಪ್ರಭುತ್ವದಲ್ಲಿ ಸುದ್ದಿ ಮಾಡಿ ವಿರೋದಿಸುವ ಸುದ್ದಿ ಯಾವ ಪತ್ರಿಕೆ ಅಥವ ಮಾಧ್ಯಮದಲ್ಲೂ ಅವತ್ತು ಪ್ರಕಟವಾಗಲಿಲ್ಲ ಈ ಬಗ್ಗೆ ಆಶ್ಚಯ೯ ಮತ್ತು ಅನುಮಾನ ಸಾವ೯ಜನಿಕ ವಲಯದಲ್ಲಿ ವ್ಯಕ್ತವಾಗಿತ್ತು, ಇದು ದೂರದಾರರ ಪ್ರಭಾವವಲ್ಲದೆ ಬೇರೆನಲ್ಲ.

  ಅತ್ಯಾಚಾರ, ಮೂಡನಂಬಿಕೆಯ ಕನ್ಯಾ ಸಂಸ್ಕಾರ ನಡೆಸುತ್ತಿರುವವರ ಹಣ ಮತ್ತು ಅಧಿಕಾರಗಳು ಅವರ ವಿರೋಧ ಮಾಡುವವರ ಧ್ವನಿ ಅಡಗಿಸುವಲ್ಲಿ ಯಶಸ್ವಿಯಾಗುತ್ತಿರುವುದು ವಿಷಾದನೀಯ.

    ಜಿಗಳೆಮನೆ ಗಣಪತಿ ಭಟ್ಟರು ಮತ್ತು ನಿರಂಜನ ಕುಗ್ವೆ ಈ ಜೈಲಿಗೆ ಹೆದರಿ ತಮ್ಮ ವಿರುದ್ಧ ಧ್ವನಿ ಎತ್ತಬಾರದೆಂಬ ಅವರ ಉದ್ದೇಶ ಈಡೇರಲೇ ಇಲ್ಲ ಇವರಿಬ್ಬರೂ ಇನ್ನೂ ಹೆಚ್ಚು ಲೇಖನ -ವ್ಯಂಗ್ಯ ಚಿತ್ರಗಳನ್ನು ಪೇಸ್ ಬುಕ್ ಗಳಲ್ಲಿ ಬರೆಯುತ್ತಿದ್ದಾರೆ ಮತ್ತು ಉಚ್ಚ ನ್ಯಾಯಾಲಯ ಸಾಮಾಜಿಕ ಜಾಲ ತಾಣದ ಲೇಖನಗಳ ಮೇಲೆ ಅಪರಾದ ಮೊಕದ್ದಮೆ ದಾಖಲು ಮಾಡುವುದು ಸರಿಯಲ್ಲ ಎಂಬ ತೀರ್ಪು ದಾಖಲಿಸಿದ್ದ ಈ ಕೇಸ್ ಬಿದ್ದು ಹೋಗಿರ ಬಹುದು.