Blog number 1885. ಪೆಬ್ರುವರಿ 16 ಶನಿವಾರ 1980ರಂದು ಭಾರತದಲ್ಲಿ ನಡೆದ ಪೂರ್ಣ ಸೂಯ೯ಗ್ರಹಣ ಬರಿಗಣ್ಣಿನಲ್ಲಿ ನೋಡಬಾರದೆಂದರೂ ನೋಡಿ ನನ್ನ ಬಲಗಣ್ಣಿನ ಅಕ್ಷಿಪಟಲ ಹರಿದು ಹೋದದ್ದು.

#1980ರ_ಪೆಬ್ರವರಿ_16ರಲ್ಲಿ_ನಡೆದ_ಪೂಣ೯_ಸೂಯ೯_ಗ್ರಹಣ 

#ನಾನು_ಜೀವಮಾನದಲ್ಲಿ_ಮರೆಯುವುದಿಲ್ಲ.

#ಗ್ರಹಣದಲ್ಲಿ_ಸೂರ್ಯನ_ಡೈಮಂಡ್_ರಿಂಗ್_ಬರಿಗಣ್ಣಲ್ಲಿ_ನೋಡಿದ್ದೆ

#ಬರಿಗಣ್ಣಲ್ಲಿ_ಸೂಯ೯_ಗ್ರಹಣ_ನೋಡಿ_ನನ್ನ_ಬಲಗಣ್ಣ_ಅಕ್ಷಿ_ಪಟಲ_ಹರಿದು_ಹೋಗಿತ್ತು.

#ಅವತ್ತು .....

 #ಬೆಳಕು_ಮಬ್ಬಾಯಿತು_ಗಾಳಿ_ತಂಪಾಯಿತು_ಆಕಾಶದಲ್ಲಿ_ನಕ್ಷತ್ರ_ಗೋಚರಿಸಿತು.

#ಪಕ್ಷಿಗಳು_ವಿಚಲಿತ_ನಡುವಳಿಕೆಗಳು

#ಗೋವುಗಳು_ಮಧ್ಯಾಹ್ನಕ್ಕೆ_ಕೊಟ್ಟಿಗೆಗೆ_ಬಂದವು.

   ಸೂಯ೯ ಗ್ರಹಣದ ಬಗ್ಗೆ ಇತ್ತೀಚಿನ ದಿನಗಳಲ್ಲಿ ಜನರಲ್ಲಿ ಭಯ ಹೆಚ್ಚಾಗುತ್ತಿದೆ, ಟಿವಿ, ಮೊಬೈಲ್ಗಳ ಈ ಮುಂದುವರಿದ ಆದುನಿಕ ಭಾರತದಲ್ಲಿ ವಿಜ್ಞಾನದ ಹೆಚ್ಚಿನ ತಿಳುವಳಿಕೆ ಉ೦ಟಾಗುತ್ತದೆ ಮತ್ತು ಮೂಡನಂಬಿಕೆಗಳು ನಶಿಸುತ್ತದೆ ಎಂಬ ಭರವಸೆ ಸುಳ್ಳಾಗಿದೆ.

   ಟಿವಿಗಳ ಚಾನಲ್ ಗಳ ಜೋತಿಷಿಗಳು ಹುಟ್ಟು ಹಾಕುವ ವಿವಿದ ಆಚರಣೆಯ ಹೆಸರಲ್ಲಿ ಜನ ಸಾಮಾನ್ಯರ ಜೀವನ ಕ್ರಮದಲ್ಲಿ ಭಯ ಬೀತಿ ಬಿತ್ತುವುದರಿಂದ ಅನೇಕ ಮೌಡ್ಯಕ್ಕೆ ಕಾರಣವಾಗಿದೆ.

   1980ರ ಪೆಬ್ರುವರಿ 16ರOದು ನಡೆದ ಖಗ್ರಾಸ ಸೂಯ೯ಗ್ರಹಣದ ದಿನ ನೆನಪಿಗೆ ಬಂತು ಅವತ್ತು ಶನಿವಾರ ಆದರೂ ಖುಗ್ರಾಸ ಸೂರ್ಯಗ್ರಹಣದ ಕಾರಣದಿಂದ ಶಾಲಾ ಕಾಲೇಜುಗಳಿಗೆ ರಜಾ ನೀಡಿದ್ದರು.

   ದಕ್ಷಿಣ ಭಾರತದಲ್ಲಿ ಸಂಪೂಣ೯ ಗ್ರಹಣ ಗೋಚರ ಆಗುವುದರಿಂದ ದೇಶ ವಿದೇಶದ ಖಗೋಳ ವಿಜ್ಞಾನಿಗಳು ಬಂದಿದ್ದರು ಅವತ್ತಿನ ನಿತ್ಯ ಪತ್ರಿಕೆ ಮತ್ತು ರೇಡಿಯೋಗಳಲ್ಲಿ ಸೂಯ೯ ಗ್ರಹಣದ ಬಗ್ಗೆ ವೈಜ್ಞಾನಿಕ ಸಲಹೆ ಸಂವಾದಗಳು ಸುದ್ದಿ ಆಗುತ್ತಿತ್ತು.

  ಬರಿಗಣ್ಣಲ್ಲಿ ನೋಡಿದರೆ ಅನಾಹುತ ಎಂಬ ಎಚ್ಚರಿಕೆ ನೀಡಲಾಗಿತ್ತು, ಅವತ್ತು ಮಧ್ಯಾಹ್ನ ಸುಮಾರು 12 ಗಂಟೆಯಿ೦ದ ಸ೦ಜೆ 5ರ ತನಕ ನಡೆದ ಗ್ರಹಣದಲ್ಲಿ ಬೆಳಕು ಮಬ್ಬಾಯಿತು ... ಗಾಳಿ ತಂಪಾಯಿತು ..... ಆಕಾಶದಲ್ಲಿ ನಕ್ಷತ್ರ ಗೋಚರಿಸಿತು .... ಪಕ್ಷಿಗಳ ವಿಚಲಿತ ನಡುವಳಿಕೆಗಳು.... ಮೇಯಲು ಕಾಡಿಗೆ ಹೋಗಿದ್ದ ಗೋವುಗಳು ಮಧ್ಯಾಹ್ನವೇ ಬೆಳಕು ಮಬ್ಬಾಗುವುದು ನೋಡಿ ಕೊಟ್ಟಿಗೆಗಳಿಗೆ ದೌಡಾಯಿಸಿದವು.

 ಮಧ್ಯಾಹ್ನ 2.23ರಿಂದ 2.30 ಸಂಪೂಣ೯ ಕತ್ತಲಾಯಿತು,

ಅದೇ ಸಂದಭ೯ದಲ್ಲಿ ಅಲೆಗಳ ಉಪಾದಿಯಲ್ಲಿ ನೆರಳು ಭೂಮಿಯ ಮೇಲೆ ವೇಗವಾಗಿ ಸಾಗಿದ್ದು ಎಲ್ಲಾ 15 -16 ವಷ೯ ಪ್ರಾಯದ ನಮಗೆ ಕುತೂಹಲ ಮತ್ತು ರೋಮಾಂಚನ ದ ಘಟನೆ ಆಗಿತ್ತು.

 

  6 ತಿಂಗಳಿಂದ ಸುದ್ದಿ ಮಾಧ್ಯಮಗಳು, ವಿಜ್ಞಾನಿಗಳು ಖಗ್ರಾಸ ಸೂರ್ಯಗ್ರಹಣದಈ ಅಪೂವ೯ ಘಟನೆಗಾಗಿ ಕಾದಿದ್ದರು.

  ನಮ್ಮ ತಂದೆ ನಮ್ಮ ಕಣ್ಣುಗಳ ರಕ್ಷಣೆ ಬಗ್ಗೆ   ವಿಶೇಷ ಕಾಳಜಿವಹಿಸಿದ್ದರು, ಕಪ್ಪು ಎಕ್ಸ್ ರೇ ಶೀಟುಗಳ ಅನೇಕ ಹೊದಿಕೆ ಮಾಡಿ ಅದರ  ಮೂಲಕ ಸೂಯ೯ ಗ್ರಹಣದ ಸೂರ್ಯನನ್ನು ನೋಡಲು ಅನುಮತಿ ನೀಡಿದ್ದರು ಆದರೂ ನಾನು ಎಡಗಣ್ಣು ಕೈಯಲ್ಲಿ ಮುಚ್ಚಿ ಬರಿ ಬಲಗಣ್ಣಿ೦ದ ಸೂಯ೯ಗ್ರಹಣ ನೋಡಿದ್ದೆ, ಆಗ ಗ್ರಹಣದ ಸೂರ್ಯ ಡೈಮಂಡ್ ರಿಂಗ್ ನಂತೆ ಕಂಗೋಳಿಸುತ್ತಿದ್ದ.

  ನೋಡಬಾರದು ಮಾಡಬಾರದು ಎಂಬುದನ್ನ ಮಕ್ಕಳಾಟಿಕೆ ಆಗಿ ಉಲ್ಲಂಘನೆ ಮಾಡಿದ್ದೆ, ಏನೂ ಆಗಿಲ್ಲವಲ್ಲ ಅಂತ ಸಂಭ್ರಮ ಪಟ್ಟಿದ್ದೆ.

    10 ವಷ೯ದ ನಂತರ ದೃಷ್ಟಿ ದೋಷಕ್ಕೆ ಪರೀಕ್ಷೆ ಮಾಡಿಸಿಕೊಂಡಾಗ,ಕಣ್ಣಿನ ವೈದ್ಯರು ನಿಮ್ಮ ಕಣ್ಣಿನ ಅಕ್ಷಿ ಪಟಲ ಹರಿದಿದೆ,ಬರಿಗಣ್ಣಲ್ಲಿ ಸೂಯ೯ ಗ್ರಹಣ ನೋಡಿದೀರಾ?  ಅಂದಾಗ.... 1980ರ ಖಗ್ರಾಸ ಸೂಯ೯ ಗ್ರಹಣ ನೆನಪಾಯಿತು ಮತ್ತು ನಮ್ಮ ತಂದೆಯು ನಮ್ಮ ಕಣ್ಣುಗಳನ್ನು ರಕ್ಷಿಸಲು ಎಕ್ಸ್ ರೇ ಶೀಟ್ ಗಳನ್ನು ಬಳಸಿದ್ದು ಎಲ್ಲಾ ನೆನಪು ಎಲ್ಲಾ ಆಯಿತು.

 

ಸೂಯ೯ ಗ್ರಹಣದ ಬಗ್ಗೆ ಅವತ್ತು ಜನರಲ್ಲಿ ಇವತ್ತಿನ ರೀತಿಯ ಭಯ ಇರಲಿಲ್ಲ,ಅವತ್ತಿನ ಸುದ್ದಿ ಮಾಧ್ಯಮಗಳಾದ ಪತ್ರಿಕೆಗಳು, ರೇಡಿಯೋಗಳು ಜನರಿಗೆ ಬೇಕಾದ ಮಾಹಿತಿ ವೈಜ್ಞಾನಿಕ ದೃಷ್ಟಿಕೊನದಲ್ಲಿ ನೀಡುತ್ತಿತ್ತು, ಖಗೋಳ ವಿಜ್ಞಾನಿಗಳ ಸಂಶೋದನ ವರದಿ ಮತ್ತು ಸಂದಶ೯ನಕ್ಕೆ ಅವತ್ತಿನ ಪತ್ರಿಕೋದ್ಯಮ ಮೊದಲ ಪ್ರಾಶಸ್ತ್ಯ ನೀಡುತ್ತಿತ್ತು ಈಗ ಆ ಸ್ಥಾನಗಳು ಜ್ಯೋತಿಷಿಗಳಿಗೆ ಮೀಸಲಾಗಿದೆ.

   ಆದರೆ ಇವತ್ತಿನ ಸುದ್ದಿ ಮಾಧ್ಯಮ ಟೀವಿ ಚಾನಲ್ ಗಳಿ೦ದ ಏನೇನು ಮಾಹಿತಿ ಪಡೆದವೆಂದು ತಮಗೆಲ್ಲ ತಿಳಿದಿದೆ ಇವರಿಗೆಲ್ಲ ಖಗೋಳ ವಿಜ್ಞಾನಿಗಳು ಸಿಗಲಿಲ್ಲ ಸಿಕ್ಕವರೆಲ್ಲ ಅರೆ ಬರೆ ಕಲಿತ ಜೊತಿಷಿಗಳು ಸುದ್ದಿ ಪ್ರಸಾರಕ್ಕೆ ಹುಲುಸಾದ ಟೀವಿ ಮಾಧ್ಯಮ!

   ನನ್ನ ಬಲಗಣ್ಣಿನ ಅಕ್ಷಿಪಟಲ 43 ವಷ೯ದ ಹಿಂದೆ ಈ ರೀತಿ ಡ್ಯಾಮೇಜ್ ಆಗಿದ್ದರಿಂದ ನಾನು 1980 ಪ್ರೆಬ್ರುವರಿ 16ರ ಶನಿವಾರ ಮಧ್ಯಾಹ್ನ ನಡೆದ ಖಗ್ರಾಸ ಸೂರ್ಯಗ್ರಹಣ ನನ್ನ ಜೀವಿತಾವಧಿ ಪೂರ್ತಿ ಮರೆಯಲಾರೆ.