Blog number 1889. ಕುವೆಂಪು 119ನೆ ಜನ್ಮ ದಿನಾಚರಣೆ ನೆನಪುಗಳು.

#ಕುವೆಂಪು_119ನೇ_ಜನ್ಮದಿನಾಚಾರಣೆ

#ಅವರ_ಜನ್ಮದಿನಾಚಾರಣೆ_29_ಡಿಸೆಂಬರ್

#ಅವರ_ಹೆಸರಿನ_ಮೈಸೂರು_ತಾಳಗುಪ್ಪ_ಎಕ್ಸ್_ಪ್ರೆಸ್_ರೈಲು

#ಶಿವಮೊಗ್ಗ_ವಿಮಾನ_ನಿಲ್ದಾಣ

#ಅವರು_ಹುಟ್ಟಿದ_ಕುಪ್ಪಳ್ಳಿ_ಮನೆ_ಅವರ_ಸಮಾದಿ_ದರ್ಶನ_ಅವರ_ಸಾಹಿತ್ಯದ_ಓದು_ಲಭ್ಯ

#ಕುವೆಂಪು_ಅವರನ್ನು_ಕುಹಕವಾಡುವ_ಕನ್ನಡಿಗರು_ಅವರ_ಸಾಹಿತ್ಯ_ಓದಿದ್ದಾರ_ಎಂಬ_ಅನುಮಾನ.

#ಅವರು_ಕೆಳದಿ_ಸಂಸ್ಥಾನದ_ನಿಜ_ಕಥೆಯನ್ನು_ಶೇಕ್ಸಪಿಯರ್_ಹ್ಯಾಮ್ಲೆಟ್_ನಾಟಕದ_ಜೊತೆ_ಸಮೀಕರಿಸಿದ_ರಕ್ತಾಕ್ಷಿ_ನಾಟಕ.

#ಕುವೆಂಪು_ನುಡಿ_ನಡೆ_ಕೃತಿ_ಬಿನ್ನವಾಗಿಲ್ಲದ_ನಮ್ಮ_ಹೆಮ್ಮೆಯ_ರಾಷ್ಟ್ರಕವಿ 

#ಕುವೆಂಪು_ಅಂತಿಮ_ಸಂಸ್ಕಾರದಲ್ಲಿ_ಭಾಗವಹಿಸುವ_ಅವಕಾಶ_ನನಗೆ_ತಪ್ಪಿದ್ದು.

#ಕವಿಶೈಲ_ಲೋಕಾರ್ಪಣೆಯಲ್ಲಿ_ಭಾಗವಹಿಸಿದ್ದು.

#ಮೈಸೂರು_ತಾಳಗುಪ_ಎಕ್ಸಪ್ರೆಸ್_ರೈಲಿಗೆ_ಕುವೆಂಪು_ನಾಮಕರಣಕ್ಕೆ_ಕಾರಣರಾದ_ಖ್ಯಾತ_ಪತ್ರಕರ್ತ_ಡಿ_ಪಿ_ಸತೀಶ್

#ಕವಿಶೈಲದ_ಗೈಡ್_ಮಾನಪ್ಪರ_ನೆನಪುಗಳು.

   ಕುವೆಂಪು ಅವರ 119ನೇ ಜನ್ಮ ದಿನಾಚಾರಣೆ ಇವತ್ತು (29- ಡಿಸೆಂಬರ್ -1904) ಇಡೀ ಕನ್ನಡಿಗರಲ್ಲಿ ಕುವೆಂಪು ಪದ್ಯ, ಹಾಡು, ನಾಟಕ, ಕಥೆ, ಕಾದಂಬರಿಯ ಮೂಲಕ ಅವರು ಜೀವಂತ ಇರುವ ಏಕೈಕ ಕನ್ನಡಿಗರ ಕಣ್ಮಣಿ ಕವಿಗಳು.

   ಪ್ರಾಥಮಿಕ ಶಿಕ್ಷಣದ ಪಠ್ಯದಿಂದ ಪ್ರಾರಂಭ ಆಗಿ ಈಗಿನ 58 ವಷ೯ದ ನನ್ನ ಜೀವನದಲ್ಲಿ ಅವರ ಎಲ್ಲಾ ಸಾಹಿತ್ಯಗಳ ಸಂಗ್ರಹ ಓದು ಮತ್ತೆ ಮತ್ತೆ ಮಾಡುತ್ತಲೇ ಇರುತ್ತೇನೆ.

   ಕವಿಶೈಲದ ಬೇಟಿ ಮಾಡಿದಾಗೆಲ್ಲ ಹೊಸದಾಗಿ ಅಲ್ಲಿನ ದರ್ಶನ ಮಾಡಿದ೦ತೆ ಅನ್ನಿಸುತ್ತಲೇ ಇರುತ್ತದೆ.

   ಅವರ ಸಮಾದಿ ಸ್ಥಳದಲ್ಲಿದ್ದ ಗೈಡ್ ಮಾನಪ್ಪರ ಬಾಯಲ್ಲಿ ಕುವೆಂಪು ಬರೆದ ಸಾಹಿತ್ಯದ ತುಣುಕಗಳ ಜೊತೆ ಕುವೆಂಪು ಅವರಿಗೆ ಜೋಗುಳ ಹಾಡಿ ಮಲಗಿಸುವಂತ ಅನುಭೂತಿ ಆಗದೇ ಇರುತ್ತಿರಲಿಲ್ಲ, ಮೂರು ವರ್ಷದ ಹಿಂದೆ ನನಗೆ ಅಚ್ಚುಮೆಚ್ಚಾದ ಗೈಡ್ ಮಾನಪ್ಪ ಇಹಲೋಕ ತ್ಯಜಿಸಿದ್ದಾರೆ.

  ಅಲ್ಲಿಗೆ ಸಮೀಪದಲ್ಲೇ ಅವರ ಪುತ್ರ ಕನ್ನಡಿಗರ ಹೆಮ್ಮೆಯ ಪೂಣ೯ಚಂದ್ರ ತೇಜಸ್ವಿ ಸಮಾದಿ ಇದೆ ಹಾಗಂತ ಇವರಾರು ತಮ್ಮ ಸ್ಮಾರಕ ಬಯಸಿದವರಲ್ಲ, ಕೀರ್ತಿ ಶನಿಯ ಬೆನ್ನುಬಿದ್ದವರಲ್ಲ ಅವರ ಸಾಹಿತ್ಯದಿಂದಲೇ ಅವರನ್ನು ಆರಾದಿಸಿದ ಸಮಸ್ತ ಕನ್ನಡಿಗರು ಇವರನ್ನು ಸ್ಮಾರಕವಾಗಿ ಉಳಿಸಿದ್ದಾರೆ.

   ಬಿಜೆಪಿಯ ಅಮಿತ್ ಶಾ ಕೂಡ ಸಮಾದಿಗೆ ನಮಿಸಿದ್ದಾರೆ.

  1994 ರ ನವೆಂಬರ್ 11 ಕ್ಕೆ ಮೈಸೂರಲ್ಲಿ ಕುವೆಂಪುರವರು ಅಸ್ತಂಗತರಾದಾಗ ಅವರ ಪಾರ್ಥಿವ ಶರೀರವನ್ನು ಕುಪ್ಪಳ್ಳಿಗೆ ತ೦ದು ಸಮಾಧಿ ಮಾಡುವ ಸರ್ಕಾರದ ತೀರ್ಮಾನದಲ್ಲಿ ಆಗಿನ ಮಾಜಿ ಜಿಲ್ಲಾ ಮಂತ್ರಿ ಕಾಗೋಡು ತಿಮ್ಮಪ್ಪನವರ ಪಾತ್ರವೂ ದೊಡ್ಡದೆ. 

   ಆಗ ವಿಧಾನ ಸಭಾ ಚುನಾವಣೆ ಘೋಷಣೆ ಆಗಿ ಪ್ರಚಾರದ ಸಭೆಗಳ ಮದ್ಯದಲ್ಲಿ ಕಾಗೋಡು ಕುಪ್ಪಳ್ಳಿಗೆ ಹೋಗಲು ನನ್ನ ಕರೆದದ್ದು ನನ್ನ ಭಾಗ್ಯ ಅನ್ನಿಸಿತ್ತು ಆದರೆ ಎಲ್ಲಾ ಕಾಲದಲ್ಲೂ ಅಧಿಕಾರಸ್ಥರ ಮತ್ತು ರಾಜಕಾರಣಿಗಳ ಸುತ್ತುವರಿದಿರುವ ಪಾಪಾನು ಕಳ್ಳಿಯ ಮುಳ್ಳಿನ ಕಳೆಗಳಂತ ವ್ಯಕ್ತಿ ಒರ್ವ ಕುವೆಂಪು ಸಾಹಿತ್ಯವೇ ಓದದವ ಕಾಗೋಡರ ಕಿವಿ ಕಚ್ಚಿ "ಅರುಣ್ ಸಾಗರ್ ಪ್ರಸಾದ್ ಗೆ ಇಲ್ಲಿ ಪ್ರಚಾರದ ಜವಾಬ್ದಾರಿ ಜಾಸ್ತಿ ಇದೆ ಇಲ್ಲೇ ಇರಬೇಕಾಗಿದೆ" ಎಂದು ಕಾಗೋಡರಿಂದ ಆ ಪರ್ಮಾನು ಹೊರಡಿಸಿ ತಾನು ಅವರ ಜೊತೆ ಹೋದಾಗ ನಿರಾಸೆ ಆಗಿತ್ತು.

  ನಂತರ ಕುಪ್ಪಳ್ಳಿ ಕವಿ ಮನೆಯ ಕವಿಶೈಲ ಸ್ಮಾರಕವಾಗಿಸಿ ಲೋಕಾರ್ಪಣೆ ಸಮಾರಂಭಕ್ಕೆ ಶಿವಮೊಗ್ಗ ಜಿಲ್ಲಾ ಪಂಚಾಯಿತಿ ಸದಸ್ಯರಾಗಿದ್ದ ನಾವೆಲ್ಲ ವಿಶೇಷ ಆಹ್ವಾನಿತ ರೆಂಬ ಪಾಸ್ ನೀಡಿದ್ದರು ಆದರೆ ಅವತ್ತಿನ ಜಿಲ್ಲಾ ಪಂಚಾಯತ್ ಸದಸ್ಯರುಗಳು ಈ ಐತಿಹಾಸಿಕ ಘಟನೆಗೆ ಸಾಕ್ಷಿ ಆಗಬಹುದಾದ ಅಪೂರ್ವ ಅವಕಾಶ ಬಳಸಿಕೊಳ್ಳಲಿಲ್ಲ.

  ನಾನು ಕಾಗೋಡು ಸತ್ಯಾಗ್ರಹದ ರೂವಾರಿ ಹೆಚ್.ಗಣಪತಿಯಪ್ಪ ಮತ್ತು ಖ್ಯಾತ ಸಮಾಜವಾದಿ ಸಾಹಿತಿ ಕೋಣಂದೂರು ವೆಂಕಪ್ಪ ಗೌಡರನ್ನು ಅಲ್ಲಿಗೆ ಕರೆದೊಯ್ದು ಅವರನ್ನು ಮೊದಲ ಸಾಲಲ್ಲಿ ಕುಳ್ಳಿರಿಸಿ ಹಿಂದಿನ ಕೊನೆಯ ಸಾಲಿನಲ್ಲಿ ಕುಳಿತವನು ಅಚಾನಕ್ಕಾಗಿ ಪಕ್ಕದಲ್ಲಿ ಬಂದು ಎರೆಡೂ ಕೈ ಅವರ ತಲೆಯ ಹಿಂದಕ್ಕೆ ಕಟ್ಟಿ  ಕುಳಿತ ಜೀನ್ಸ್ ದಾರಿ - ಗಡ್ಡದಾರಿ- ಕವಳದ ರಸಗ್ರಾಹಿ ಯಾರು ಅಂತ ನೋಡಿದರೆ ಎಂತಹ ಆಶ್ಚರ್ಯ ಅದು ತೇಜಸ್ವಿ !!

ಇಲ್ಲಿ ಆ ಸಂದರ್ಭ ದಾಖಲಾದ ಬ್ಲಾಗ್ ಕ್ಲಿಕ್ ಮಾಡಿ ನೋಡಬಹುದು https://arunprasadhombuja.blogspot.com/2022/01/blog-post_30.html

  ಅವತ್ತಿನ ಮುಖ್ಯಮಂತ್ರಿ ಎಸ್.ಎಂ.ಕೃಷ್ಣ (ತೀರ್ಥಹಳ್ಳಿ ತಾಲ್ಲೂಕಿನ ಅಳಿಯರೂ ಹೌದು) ಕವಿಶೈಲ ಲೋಕಾರ್ಪಣೆ ಮಾಡಿದ ಕ್ಷಣಗಳು ನನ್ನ ಕಣ್ಣಿನಲ್ಲಿ ಸೆರೆ ಹಿಡಿದ ಸಾಕ್ಷಿ ಆದೆ.

  ಮಾಜಿ ಮುಖ್ಯಮಂತ್ರಿ ಬಂಗಾರಪ್ಪ ಅವತ್ತು ಕುವೆಂಪು ಅವರ ಕಥೆ ಕವನಗಳ ಆಯ್ದ ಭಾಗಗಳನ್ನು ರಸವತ್ತಾಗಿ ಹೇಳುತ್ತಾ ಅವರು ಮಾಡಿದ ಸರ್ವಕಾಲಿಕವಾಗಿ ದಾಖಲೆಯ ಮಾತುಗಳು ಅಲ್ಲಿ ಕುವೆಂಪು ಅವರನ್ನು ಜೀವಂತಗೊಳಿಸಿದ್ದು ಸುಳ್ಳಲ್ಲ.

  ನಂತರ  ದೇವನೂರು ಅವರ ಜೊತೆ ಪೋನಿನಲ್ಲಿ ನಾನು ಕೇಳಿದ ಪ್ರಶ್ನೆ ಪ್ರಶಸ್ತಿ ಸ್ವೀಕರಿಸದ ನೀವು ಕುವೆಂಪು ಪ್ರಶಸ್ತಿ ಸ್ವೀಕರಿಸುತ್ತೀರಾ? ಎಂದಾಗ ಅವರ ಉತ್ತರ ಬೇರಾವುದೆ ಪ್ರಶಸ್ತಿ ಸ್ವೀಕರಿಸುವುದಿಲ್ಲ ಆದರೆ ಕುವೆಂಪು ಪ್ರಶಸ್ತಿ ನಿರಾಕರಿಸುವುದಿಲ್ಲ ಎಂದದ್ದು.

  ಕುವೆಂಪು ವಿಶ್ವವಿದ್ಯಾಲಯದ ಪ್ರಾರಂಭದ ದಿನಗಳಲ್ಲಿ ಸಾಕ್ಷಿ ಆದ ತೀರ್ಥಹಳ್ಳಿಯವರೇ ಆದ ಕುವೆಂಪು ಅಭಿಮಾನಿ ಸಾಹಿತಿ ಶ್ರೀಕಂಠ ಕೂಡಿಗೆ ಅವರ ಸಂದರ್ಶನದಲ್ಲಿ....

   ಇತ್ತೀಚಿಗೆ ನಮ್ಮ ಆನಂದಪುರಂನಲ್ಲಿ ಸಾಹಿತ್ಯ ಪರಿಷತ್ ವತಿಯಿಂದ ಮೈಸೂರು - ತಾಳಗುಪ್ಪ ಎಕ್ಸ್ ಪ್ರೆಸ್ ರೈಲಿಗೆ ಕುವೆಂಪು ನಾಮಕರಣಕ್ಕೆ ಕಾರಣರಾದ ಖ್ಯಾತ ಪತ್ರಕರ್ತ ಡಿ.ಪಿ. ಸತೀಶರಿಗೆ ಸನ್ಮಾನಿಸಿದಾಗ....

  ಶಿವಮೊಗ್ಗ ಮುನೀರ್ ನೆನಪಿನ ಸರಣಿ ಲೇಖನದಲ್ಲಿ  ಮೈಸೂರಲ್ಲಿ ರಕ್ತಾಕ್ಷಿ ನಾಟಕ ಪ್ರದರ್ಶನದಲ್ಲಿ ಅವರು ರಕ್ತಾಕ್ಷಿ ಪಾತ್ರ ಮಾಡಿದ್ದು, ಅದನ್ನು ನೋಡಲು ಬಂದ ಕುವೆಂಪು ಕೊನೆಯ ತನಕ ಕುಳಿತದ್ದು ಮುನೀರ್ ವಿವರಿಸಿದಾಗ ....

  ಇದೆಲ್ಲ ನಾನು ಬರೆದದ್ದು ನನ್ನ ಕುವೆಂಪು ಅವರ ನೆನಪಿನ ಸಾಂಗತ್ಯವಾಗಿ ಅವರ 119ನೇ ಹುಟ್ಟು ಹಬ್ಬದ ನೆನಪುಗಳಾಗಿದೆ.