Blog number 1040. ಸಾಗರದ ಜೀವವಿಮಾ ಕ್ಷೇತ್ರದಲ್ಲಿ ದಾಖಲೆ ಮಾಡಿದ್ದ ಗಂಗಾದರ್ ನಾಯಕರಿಗೆ ಅಶ್ರುತರ್ಪಣಗಳು.

#ಸಾಗರದ_ಜೀವವಿಮಾ_ಗಂಗಾಧರ್_ನಾಯಕರಿಗೆ_ಅಶ್ರು_ತರ್ಪಣಗಳು.

#ಅವರ_ಕೊನೆಯ_ಆಸೆ_ಈಡೇರಿಸದ_ಅಸಾಹಯಕತೆ_ನನ್ನದು.

#ಕುಂದಾಪುರದ_ಬಸ್ರೂರಿನಿಂದ_ಸಾಗರಕ್ಕೆ_ಬಂದು_ಜೀವನ_ಕಟ್ಟಿಕೊಂಡ_ಶ್ರಮಿಕರು.

#ಪೇಸ್_ಬುಕ್_ಮೂಲಕ_ಸಾಮಾಜಿಕ_ಜಾಲತಾಣದಲ್ಲಿ_ಸಕ್ರಿಯರಾಗಿದ್ದರು.

  

   ಕರಾವಳಿಯಿಂದ ಘಟ್ಟ ಪ್ರದೇಶವಾದ ಶಿವಮೊಗ್ಗ ಜಿಲ್ಲೆಯ ಸಾಗರ, ಹೊಸನಗರ ಮತ್ತು ತೀರ್ಥಹಳ್ಳಿಯಲ್ಲಿ ನೆಲೆಸಿ ಉದ್ಯೋಗ ಮತ್ತು ವ್ಯವಹಾರದಿಂದ ಸ್ಥಳಿಯರೇ ಆದ ಸಾವಿರಾರು ಜನರಿದ್ದಾರೆ.

    ಇದರಲ್ಲಿ  LIC ಗ೦ಗಾಧರ್ ನಾಯಕ್ ಅಂದರೆ ಸಾಗರ ಪೇಟೆ ಮತ್ತು ಸಾಗರ ಗ್ರಾಮಾಂತರದಲ್ಲಿ ಪ್ರಸಿದ್ಧರು, ಗ್ರಾಮೀಣ ಪ್ರದೇಶದ ದೊಡ್ಡ ದೊಡ್ಡ ಅಡಿಕೆ ಬೆಳೆಗಾರರಿಗೆ ಗಂಗಾದರ್ ನಾಯಕ್ ರು ಜೀವ ವಿಮಾ ಯೋಜನೆಗಳಿಂದ ಚಿರಪರಿಚಿತರು, LIC ಚೇರ್ಮನ್ ಕ್ಲಬ್ ಸದಸ್ಯರು.

  ಯಕ್ಷಗಾನ - ಕೃಷಿ- ಉಳಿತಾಯದ ಕ್ಷೇತ್ರದಲ್ಲಿ ಆಸಕ್ತಿ ಹೊಂದಿದ್ದ ಗಂಗಾದರ್ ನಾಯಕ್ ರು ಕನ್ನಡ ಸಾಹಿತ್ಯಾಸಕ್ತರು ಇವರಿಗೆ ಓದುವ ಹವ್ಯಾಸ ಜಾಸ್ತಿ, ಸಾಮಾಜಿಕ ಜಾಲ ತಾಣದಲ್ಲಿ ತರ್ಕಬದ್ದ ಚರ್ಚೆಯಲ್ಲಿ ಯಾವತ್ತೂ ಮುಂದಿದ್ದರು.

  ಎರೆಡು ಬಾರಿ ನನ್ನ ಕಛೇರಿಗೆ ದಂಪತಿ ಸಮೇತ ಬಂದು ಕುಶಲೋಪರಿ ಜೊತೆ ಅನೇಕ ವಿಚಾರ ವಿನಿಮಯ ಮಾಡಿದ್ದರು.

   ಅವರು ಕುಂದಾಪುರ ಸಮೀಪದ ಬಸ್ರೂರಿನವರು, ತಂದೆ ತಾಯಿಗಳು ನಡೆಸುತ್ತಿದ್ದ ಸಣ್ಣ ಹೋಟೆಲ್, ವಿಧ್ಯಾಬ್ಯಾಸದ ನಂತರ ತಾಯಿ ಒತ್ತಾಯದಿಂದ ಅವರು ನೀಡಿದ ಸ್ವಲ್ಪ ಹಣದಲ್ಲಿ ಸಾಗರ ತಲುಪಿ ತಮ್ಮ ಭವಿಷ್ಯ ರೂಪಿಸಿಕೊಂಡವರು.

   ಮೊದಲು ಸಾಗರದ ಪ್ರತಿಷ್ಟಿತ ಗಜಾನನ ಕಂಪನಿಯಲ್ಲಿ ಉದ್ಯೋಗ ಪ್ರಾರಂಬಿಸಿ ನಂತರ ಜೀವ ವಿಮಾದಲ್ಲಿ ಯಶಸ್ವಿಯಾಗಿ ನಂತರ ಸಹಕಾರಿ ಸೌಹಾರ್ದ ಬ್ಯಾಂಕ್ ಪ್ರಾರಂಬಿಸಿ ಅನೇಕರಿಗೆ ಸ್ವಯ೦ ಉದ್ಯೋಗದ ಮಾರ್ಗದರ್ಶಕರಾಗಿದ್ದರು.

  ಅವರ ಕನಸಿನ ತಾಯಿ ಹೆಸರಿನ ಕಾಂಪ್ಲೆಕ್ಸ್ ಒಂದನ್ನು ಸಾಗರದ ನೂತನ ಖಾಸಾಗಿ ಬಸ್ ನಿಲ್ದಾಣದ ಎದರು ನಿರ್ಮಿಸಿದ್ದಾಗಿ ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿದ್ದರು.

    ನನ್ನ ಬರವಣಿಗೆ ಬಗ್ಗೆ, ಪ್ರಕಟಿಸಿದ ಪುಸ್ತಕದ ಬಗ್ಗೆ, ನನ್ನ ಹೋಟೆಲ್ ಲಾಡ್ಜ್ ಉಧ್ಯಮದ ಬಗ್ಗೆ ಸಲಹೆ ಸಹಕಾರ ನೀಡುತ್ತಿದ್ದರು.

  ಅವರ ಮಗಳ ಮಗ ಅನಂತನ ಬಗ್ಗೆ, ಮಗ ಆಯುರ್ವೇದ ವೈದ್ಯನಾಗುತ್ತಿರುವ ಬಗ್ಗೆ ಅನೇಕ ಬಾರಿ ಹೇಳಿಕೊಂಡಿದ್ದರು.

   ಕಳೆದ ಮೂರು ವರ್ಷಗಳಿಂದ ಅವರಿಗೆ ಮಾನಸಿಕವಾಗಿ ಡಿಪ್ರೆಷನ್ ಲಕ್ಷಣಗಳಿದ್ದವು, ಅನೇಕ ವೈದ್ಯರನ್ನು ಬದಲಿಸುತ್ತಿದ್ದರು ಯಾವುದೇ ಅಂತಹ ದೈಹಿಕ ಸಮಸ್ಯೆ ಕಂಡು ಬಂದಿಲ್ಲ ಆದರೆ ಒ0ದು ರೀತಿಯ ನರ ದೌರ್ಬಲ್ಯ ಅನ್ನಿಸುತ್ತೆ ಅನ್ನುತ್ತಿದ್ದರು.

   ಕಳೆದ ವರ್ಷ ಒಳ್ಳೆಯ ಅನಾಥ ಆಶ್ರಮ ಸಜೆಸ್ಟ್ ಮಾಡಿ ಅಂದಾಗ ನಾನು ಅವರೊಂದಿಗೆ ಆಪ್ತ ಸಮಾಲೋಚನೆ ನಡೆಸಿದ್ದೆ ಅದು ಪ್ರಾರಂಭದ ಡಿಪ್ರೆಷನ್.

   ನಂತರ ಸಂಸಾರ ತ್ಯಜಿಸಿ ಬೇರೆಲ್ಲಾದರೂ ಆಶ್ರಯ ಬೇಕೆಂದು ಹಠ ಹಿಡಿದಾಗಲೂ ಅವರಿಗೆ ಆ ರೀತಿ ಮಾಡದಂತೆ ವಿನಂತಿಸಿದ್ದೆ.

  ಅಂತಿಮವಾಗಿ ಆತ್ಮಹತ್ಯಾ ಅಂತ ಯೋಚನೆ ವ್ಯಕ್ತಪಡಿಸಿದಾಗ ಅವರಿಗೂ ಸಾಮಾಜಿಕ ಜಾಲ ತಾಣದಲ್ಲಿ ಮಿತ್ರರಾಗಿದ್ದ ತುಮರಿಯ GT ಸತ್ಯನಾರಾಯಣರಿಗೆ ಇದನ್ನೆಲ್ಲ ತಿಳಿಸಿದ್ದೆ,ಗಂಗಾಧರ್ ನಾಯಕರ ಜೊತೆ GT ಸತ್ಯನಾರಾಯಣರು ಕೌನ್ಸೆಲಿಂಗ್ ಮಾಡಿ "ನಾಯಕರೆ ನಿಮಗೆ ಸ್ವಲ್ಪ ಕಾಲ ಹವೆ ಬದಲಾಗಬೇಕಾದರೆ ನನ್ನ ಮನೆಗೆ ಬಂದು ಕೆಲ ಕಾಲ ತಂಗಿರಿ " ಎಂದಿದ್ದರೆಂದು ನಾಯಕರು GT ಯವರ ಒಳ್ಳೆತನ ಹೊಗಳಿದ್ದರು.

   ನಂತರ ನನಗೆ ನಿಮ್ಮ ಲಾಡ್ಜ್ ನಲ್ಲಿ ಖಾಯಂ ಉಳಿಯುತ್ತೇನೆ ವಸತಿ - ಊಟೋಪಚಾರದ ಹಣ ಪ್ರತಿ ತಿಂಗಳೂ ಪಾವತಿಸುತ್ತೇನೆ ಅಂತ ಒತ್ತಾಯಿಸಿದ್ದರು ಆದರೆ ಅವರನ್ನು ಈ ಡಿಪ್ರೆಶನ್ ಕಾರಣದಿಂದ ಅವರ ಪ್ರೀತಿಯ ಪತ್ನಿ - ಮಗ - ಮಗಳು ಅಳಿಯ - ಮೊಮ್ಮಗನಿಂದ ದೂರ ಮಾಡಲು ನನ್ನ ಅಸಹಾಯಕತೆ ವ್ಯಕ್ತಪಡಿಸಿದ್ದೆ ಅದಕ್ಕೆ ಕಟು ಮಾತಿನಿಂದ ಅವರ ಪ್ರತಿಕ್ರಿಯೆ ನೀಡಿದ್ದರು.

  ನಂತರ ಪೋನಿಗೆ ಸಿಗಲಿಲ್ಲ, ಕಳೆದ ಡಿಸೆಂಬರ್ ನಂತರ ಸಾಮಾಜಿಕ ಜಾಲ ತಾಣದಲ್ಲೂ ಕಾಣಲಿಲ್ಲ ನನಗೆ ಅವರ ಕುಟುಂಬದವರಾರು ಸಂಪರ್ಕದಲ್ಲಿಲ್ಲದ ಕಾರಣ ಗಂಗಾಧರ್ ನಾಯಕ್ ಸರಿ ಆಗಿರಬಹುದು ಎಂದೇ ಬಾವಿಸಿದ್ದೆ ಆದರೆ ಇವತ್ತು ಅವರು ಬೆಂಗಳೂರಿನಲ್ಲಿ ಇಹಲೋಕ ತ್ಯಜಿಸಿದ ಸುದ್ದಿ ಕೇಳಿ ಬೇಸರ ಅನ್ನಿಸಿತು.

  ಅವರ ಆತ್ಮಕ್ಕೆ ಶಾಂತಿ ಸದ್ಗತಿ ಸ್ವಗ೯ ಪ್ರಾಪ್ತಿ ಸಿಗಲೆಂದು ದೇವರಲ್ಲಿ ಪ್ರಾರ್ಥಿಸುತ್ತೇನೆ.