Blog number 1017. ಶಿಕಾರಿಪುರದ ಸಮಾಜವಾದಿ, ರೈತ ಮುಖಂಡ ಅಂಗಡಿ ಷಣ್ಮುಖಪ್ಪ 86 ರ ವಯೋಮಾನದಲ್ಲಿ ಬರೆದ ಪುಸ್ತಕದಲ್ಲಿ ಶಿವಮೊಗ್ಗ ಜಿಲ್ಲೆಯ 1960 ರ ದಶಕದ ನಂತರದ ಅನೇಕ ಹೋರಾಟಗಳ ಮಾಹಿತಿ ಅಡಗಿದೆ

#ನಮ್ಮ_ಜಿಲ್ಲೆಯ_ರೈತ_ಮುಂದಾಳು_ಶಿಕಾರಿಪುರದ_ಷಣ್ಮುಖಪ್ಪರ_ಪುಸ್ತಕ

#ಮೌನಿ_ಸಮಾಜವಾದಿಯ_ಅಂತರಾಳ

#ಜಿಲ್ಲೆಯ_ಅನೇಕ_ಹೋರಾಟ_ಚಳವಳಿಯಲ್ಲಿ_ಭಾಗವಹಿಸಿದ_ಷಣ್ಮುಖಪ್ಪರ_ಜೀವನ_ಚರಿತ್ರೆ.

#ಶಿಕಾರಿಪುರದಲ್ಲಿ_ಪ್ರಥಮ_ಗ್ರಂಥಾಲಯ_ತೆರೆದವರು.

#ಜಿಲ್ಲೆಯ_ಹೋರಾಟದ_ಅನೇಕ_ಮಾಹಿತಿಗಳು_ಈ_ಪುಸ್ತಕದಲ್ಲಿದೆ.

  ಸಾಗರದ ರೈತ ಮುಖಂಡರಾದ ವಸಂತ ಕುಮಾರರ ಸಲಹೆಯಂತೆ ಶಿಕಾರಿಪುರದ ರೈತ ಮುಖಂಡರಾದ A.ಷಣ್ಮುಖಪ್ಪ ನವರು ಇತ್ತೀಚೆಗೆ ಪ್ರಕಟಿಸಿರುವ ಡಾ.ರಾಮಮನೋಹರ ಲೋಹಿಯ ಚಿಂತನೆಯ #ಮೌನಿ_ಸಮಾಜವಾದಿಯ_ಅಂತರಾಳ ಪುಸ್ತಕ ಕಳಿಸಿದ್ದರು ಅದರಲ್ಲಿ ಪೂರ್ತಿ ಓದಿ ಪ್ರತಿಕ್ರಿಯೆ ನೀಡಿ ಎಂಬ ಠಸ್ಸೆ ಕೂಡ ಒತ್ತಿದ್ದಾರೆ.

   

ಹಿಂಬುಟದಲ್ಲಿ ತಮ್ಮ 86ನೆ ವಯಸ್ಸಲ್ಲಿ ಅವರಿಗೆ ಅವರ ಜೀವನದ ನಿಸ್ವಾರ್ಥ ಸಾಮಾಜಿಕ ಸೇವೆ ಬರೆಯುವ ತವಕ ಉಂಟಾಯಿತಂತೆ ಆದ್ದರಿಂದ ಈ ಪುಸ್ತಕ ಬರೆದು ಪ್ರಕಟಿಸಿದ್ದಾರೆ.

   ಅವರ ಬಲಗಣ್ಣು ಆಪರೇಷನ್ ಆಗಿದ್ದು ಮತ್ತು ಅವರ ಸಮಕಾಲಿನವರು ಯಾರೂ ಬದುಕಿಲ್ಲ, ಪ್ರಯಾಣ ಮಾಡುವಂತಿಲ್ಲ ಆದ್ದರಿಂದ ಆದಷ್ಟು ಮಟ್ಟಿಗೆ ಬರೆದಿದ್ದೇನೆ ಎಂದಿದ್ದು ನೋಡಿ ಅವರ ಪುಸ್ತಕ ಓದಲು ಹೆಚ್ಚು ಆಸಕ್ತಿ ಉಂಟಾಯಿತು.

  ಓದುತ್ತಾ ಇವರು ಸಾಮಾನ್ಯರಲ್ಲ ಅನ್ನುವುದು ಗೊತ್ತಾಯಿತು.

 

 ಆ ಕಾಲದಲ್ಲಿ ಅವರ ಸುತ್ತಮುತ್ತ ಬಡ್ಡಿ ವ್ಯಾಪರಸ್ಥರೆ ತುಂಬಿದ್ದರು ಆದರೆ ಇವರಿಗೆ ಅದರ ಬಗ್ಗೆ ಆಸಕ್ತಿ ಉಂಟಾಗದೇ ಜ್ಞಾನ ಪ್ರಸರಣದ ಉದ್ದೇಶದಿಂದ ಗೆಳೆಯರ ಬಳಗ ಹೆಸರಲ್ಲಿ ಶಿಕಾರಿಪುರದಲ್ಲಿ ಪ್ರಥಮ ಗ್ರಂಥಾಲಯ ಸ್ಥಾಪಿಸುತ್ತಾರೆ.

 

ಮಲ್ಲಾಡಿಹಳ್ಳಿ ರಾಘವೇಂದ್ರ ಸ್ವಾಮಿಗಳು ರಚಿಸಿದ ತಿರುಕ ನಾಟಕ ಮಾಡಿಸಿದ್ದು, ಹೆಸರಾಂತ ಸಾಹಿತಿ ಬೀಚಿ, ರಾಮ ಮನೋಹರ ಲೋಹಿಯಾ ಮುಂತಾದವರನ್ನ ಕರೆಸಿ ಶಿಕಾರಿಪುರದಲ್ಲಿ ಸನ್ಮಾನ ಕಾಯ೯ಕ್ರಮ ನಡೆಸಿದ ವಿವರಣೆ ನೀಡಿದ್ದಾರೆ.

 1962 ರಲ್ಲ ಸಮಾಜವಾದಿ ಪಕ್ಷದಿಂದ ಜಿ.ಬಸವಣ್ಯಪ್ಪರನ್ನು ಶಿಕಾರಿಪುರ ವಿದಾನ ಸಭಾ ಚುನಾವಣೆಗೆ ನಿಲ್ಲಿಸಿ ಗೆಲ್ಲಿಸಿದ ಸಂದರ್ಭ ಆಗ ಪ್ರಚಾರಕ್ಕೆ ಶಾಂತವೇರಿ ಗೋಪಾಲಗೌಡ, ಜೆ.ಹೆಚ್.ಪಟೇಲರು, ಸಾಗರದಿಂದ ಎಸ್.ಎಸ್. ಕುಮಟಾ, ಕೋಣಂದೂರು ಲಿಂಗಪ್ಪರನ್ನು ಕರೆಯಿಸಿ ಚುನಾವಣಾ ಪ್ರಚಾರ ನಡೆಸಿದ ಘಟನೆಗಳ ವಿವರವಿದೆ.

  1960 ರಲ್ಲಿ ಶಿಕಾರಿಪುರದಲ್ಲಿ ನಡೆದ ಡಾ.ರಾಮಮನೋಹರ ಲೋಹಿಯಾ ಸಿದ್ಧಾಂತದ ಬಗರ್ ಹುಕುಂ ಚಳವಳಿ ಬಹುಶಃ ರಾಜ್ಯದ ಮೊದಲ ಬಗರ್ ಹುಕುಂ ಚಳವಳಿ.

  ಆ ಕಾಲದ ಶಿಕಾರಿಪುರದ ಸಮಾಜವಾದಿಗಳ ವಿವರ ಈ ಪುಸ್ತಕದಲ್ಲಿರುವುದು ಒಂದು ಮಹತ್ವದ ದಾಖಲೆ ಆಗಿದೆ.

 

ಪ್ರೊ.ಎಂ.ಡಿ.ನಂಜುಂಡ ಸ್ವಾಮಿಯವರ ಅನುಯಾಯಿ ಆಗಿ  ಜೈಲ್ ಭರೋ , ರೈತ ಸಮಾವೇಶ, ಅಧ್ಯಯನ ಶಿಭಿರ ಮತ್ತು ಯುರೋಪು ಪ್ರವಾಸ ಮಾಡಿ ಜಿನಿವಾದ ಶೃಂಗ ಸಭೆಯ ಸ್ಥಳದಲ್ಲಿ ಪ್ರತಿಭಟನೆ ನಡೆಸಿದವರು ಈ ಅಂಗಡಿ ಷಣ್ಮುಖಪ್ಪರೆಂದರೆ ಇವರ ರೈತ ಪರ ಕಾಳಜಿ ಅಥ೯ವಾಗುತ್ತದೆ.

  ಸ್ವತಃ ಕೃಷಿಯಲ್ಲಿ ಇವರ ಪ್ರಯೋಗ ಅದರಲ್ಲಿ ಯಶಸ್ಸು ಪಡೆದ, ಸಾವಯವ ಕೃಷಿಯ ಬಗ್ಗೆ ಇವರ ಒಲವು ಇದರಲ್ಲಿ ನೆನಪಿಸಿದ್ದಾರೆ.

  ಕಾಗೋಡು ಹೋರಾಟದ ರೂವಾರಿ ಗಣಪತಿಯಪ್ಪರ ಹೋರಾಟದ ಬಗ್ಗೆ, ಬೆತ್ತಲೆ ಸೇವೆ ನಿಷೇದದ ಬಗ್ಗೆ, ದೆವ್ವ ಬಿಡಿಸುವ ಮೂಡನಂಬಿಕೆ, ಆ ಕಾಲದ ಮೋಡಿ ಆಟದ ಸ್ಪರ್ದೆ, ಕೋಡಿಹಳ್ಳಿ ಚಂದ್ರಶೇಖರ್ ಬಗ್ಗೆ, ಕನಾ೯ಟಕ ರಾಜ್ಯ ರೈತ ಸಂಘದ ಶಿಕಾರಿಪುರ ತಾಲ್ಲೂಕು ಶಾಖೆ ಸಂಘಟನೆ ಬಗ್ಗೆ, ವಿದ್ಯುತ್ ಚಳವಳಿ, ದಾರವಾಡದ ಉಪ ಚುನಾವಣೆಯಲ್ಲಿ ಪ್ರೊ.ಎಂ.ಡಿ.ನಂಜುಂಡ ಸ್ವಾಮಿಯವರ ಪರ ಪ್ರಚಾರ. ರೈತರ ಆಸ್ತಿ ಜಪ್ತಿ ನಿಷೇದ ಕಾನೂನು ಜಾರಿ, ಕೆಲವು ಲೇಖನಗಳನ್ನು ಅನುವಾದಿಸಿ ಕೂಡ ಈ ಪುಸ್ತಕದಲ್ಲಿ ಪ್ರಕಟಿಸಿದ್ದಾರೆ.

   ಜೊತೆಗೆ ರೈತ ಸಂಘದ ಶಿಕಾರಿಪುರದ ಸಭೆಗಳ ಚಿತ್ರಗಳೂ ಸೇರಿಸಿದ್ದಾರೆ.

   86ನೆಯ ಇಳಿ ವಯಸ್ಸಿನಲ್ಲಿ ರೈತ ಮುಖಂಡ ಶಿಕಾರಿಪುರದ ಅಂಗಡಿ ಷಣ್ಮುಖಪ್ಪರ ಈ ಸಾಹಸ ಅಭಿನಂದನೀಯ.

     ಈ ಪುಸ್ತಕದಲ್ಲಿ ಕನಾ೯ಟಕ ರಾಜ್ಯ ರೈತ ಸಂಘದ ಹುಟ್ಟಿಗೆ ಕಾರಣವಾದ ಘಟನೆಗಳು ತುಂಬಾ ಮಹತ್ವದ ಮಾಹಿತಿಗಳು ದೊರೆಯುತ್ತದೆ.

   ಈ ಪುಸ್ತಕ ಬೇಕಾದವರು ಲೇಖಕರಾದ ಶಿಕಾರಿಪುರದ ಅಂಗಡಿ ಷಣ್ಮುಖಪ್ಪರ ಪೋನಿನಲ್ಲಿ ಸಂಪರ್ಕಿಸಬಹುದು ಅವರ ಸೆಲ್ ಫೋನ್ ನಂಬರ್ 9845709048.