Blog number 1036. ಕುಟ್ಟಿಚಾತನ್ ಕೇರಳದ ಪ್ರಸಿದ್ಧ ದೈವ,ಸಾಗರ ತಾಲ್ಲೂಕಿನ ಇಡುವಾಣಿಯಲ್ಲಿ ಸಾರ್ವಜನಿಕರ ಎದುರೇ ನಡೆದ ಕುಟ್ಟಿಚಾತನ್ ಕೈ ಚಳಕ, 1984 ರಲ್ಲಿ ಭಾರತದ ಮೊದಲ 3D ಸಿನಿಮಾ ಮಲೆಯಾಳಂನ ಮೈ ಡಿಯರ್ ಕುಟ್ಟಿಚಾತನ್ ಬ್ಲಾಕ್ ಬಸ್ಟರ್ ಸಿನಿಮಾ ಆಗಿತ್ತು.

#ಮೈ_ಡಿಯರ್_ಕುಟ್ಟಿಚಾತನ್_1984ರ_ಬ್ಲಾಕ್_ಬಸ್ಟರ್_ಸಿನಿಮಾ

#ಭಾರತದ_ಮೊದಲ_3D_ಸಿನಿಮಾ

#ಸಾಗರ_ತಾಲ್ಲೂಕಿನ_ಇಡುವಾಣಿಯಲ್ಲಿ_ನಡೆದ_ಸತ್ಯ_ಘಟನೆ

#ಕುಟ್ಟಿ_ಚಾತನ್_ಆರಾದಕರಾದ_ಇಡುವಾಣಿ_ಪಂಡಿತರು

#ಈ_ಘಟನೆಯಿಂದ_ಪ್ರಸಿದ್ದರಾದ_ಇಡುವಾಣಿ_ಪಂಡಿತರು

#ಅರಣ್ಯ_ಇಲಾಖೆ_ರೇಂಜರ್_ಅನುಭವ_ಸಾಕ್ಷಿ_ಆದ_ಸಿಬ್ಬಂದಿ_ಗ್ರಾಮಸ್ಥರು.

  ಕಾಂತಾರ ಸಿನಿಮಾದ ಯಶಸ್ಸಿನಿಂದ ಕರಾವಳಿಯ ದೈವಗಳ ಬಗ್ಗೆ ಎಲ್ಲೆಲ್ಲೂ ಚರ್ಚೆ ನಡೆಯುತ್ತಿದೆ ಇದು ಸಂಪ್ರದಾಯಿಕ ದೈವ ಆರಾದಕರಿಗೆ ಹೆಮ್ಮೆ ಅನ್ನಿಸಿದೆ.

   ಕಾಂತಾರ ಹೊಗಳುವ ಭರದಲ್ಲಿ ಇದು ದೈವಗಳ ಬಗ್ಗೆ ಭಾರತೀಯ ಮೊದಲ ಚಲನಚಿತ್ರ ಅನ್ನುತ್ತಿದ್ದಾರೆ ಆದರೆ 1984 ರಲ್ಲಿ ಭಾರತೀಯ ಮೊದಲ 3D ಸಿನೆಮಾ ಮಲೆಯಾಳಂನಲ್ಲಿ #ಮೈ_ಡಿಯರ್_ಕುಟ್ಟಿಚಾತನ್ ನಿರ್ದೇಶಕ ಜಿಜೋ ಪುನ್ನಾಸ್ ಆ ಕಾಲದಲ್ಲಿ 45 ಲಕ್ಷ ವೆಚ್ಚದಲ್ಲಿ ನಿರ್ಮಿಸಿ ಹಲವು ಕೋಟಿಗಳಿಸಿದ ಕೇರಳದ ದೈವ ಕುಟ್ಟಿಚಾತನ್ ಮೇಲೆ ನಿರ್ಮಿಸಿದ ಸಿನಿಮಾ ಆಗಿತ್ತು.

  97 ನಿಮಿಷದ ಈ ಸಿನೆಮಾ ನೋಡುವವರಿಗೆ ವಿಶೇಷ ಕನ್ನಡಕ ನೀಡುತ್ತಿದ್ದರು ಇದನ್ನು ಹಾಕಿಕೊಂಡರೆ ಮಾತ್ರ 3D ಅನುಭವ ಗೊತ್ತಾಗುತ್ತಿತ್ತು ನಂತರ 1997 ರಲ್ಲಿ ಹಿಂದಿಯಲ್ಲಿ ಚೋಟಾ ಚೇತನ್ ಅಂತ, 2010 ರಲ್ಲಿ ತಮಿಳಿನಲ್ಲಿ ಚುಟ್ಟಿ ಚಾಚನ್ ಅಂತ ಈ ಸಿನಿಮಾ ಬಾಕ್ಸ್ ಆಫೀಸ್ ದೂಳಿ ಪಟ ಮಾಡಿತ್ತು. 1984ರಲ್ಲಿ ಹೈದ್ರಾಬಾದ್ ನಲ್ಲಿ NTR ನಿರ್ಮಿಸಿದ್ದ ಅವರ ಪ್ರಸಿದ್ದ ಸಿನಿಮಾ ಮಂದಿರದಲ್ಲಿ ಈ ಸಿನೆಮಾ ನೋಡಿದ್ದೆ.

  ಆಗ ಇಡೀ ದೇಶದಲ್ಲಿ ಕುಟ್ಟಿಚಾತನ್ ಎಂಬ ದೈವ ಪ್ರಸಿದ್ದಿ ಪಡೆದಿತ್ತು, 2001 ಅಥವ 2002ರಲ್ಲಿ ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲ್ಲೂಕಿನಲ್ಲಿ ನಡೆದ ಘಟನೆಯೊಂದು ಇದೇ ಕುಟ್ಟಿಚಾತನ್ ಹೆಸರಲ್ಲಿ ಪ್ರಸಿದ್ದಿ ಆಗಿತ್ತು ಅವತ್ತಿನ ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈ ಸುದ್ದಿ ಹೆಚ್ಚು ಪ್ರಚಾರ ಆಗಿತ್ತು.

   ಶರಾವತಿ ಸಂರಕ್ಷಿತ ಅರಣ್ಯದಲ್ಲಿ ಕಡಿತಲೆ ಮಾಡಿದ ಕಳ್ಳನಾಟ ಸಾಗಣಿಕೆಯ ಲಾರಿಯನ್ನು ಅರಣ್ಯ ಇಲಾಖಾ ರೇ೦ಜರ್ ಮತ್ತು ಸಿಬ್ಬಂದಿ ಹಿಡಿದು ವಶಪಡಿಸಿಕೊಂಡಾಗ ನಡೆದ ವಿಸ್ಮಯ ಘಟನೆ ಇದು.

   ಸಾಗರ ತಾಲ್ಲೂಕಿನ ಇಡುವಾಣಿಯ ಕಾಡಿನಿಂದ ಕಳ್ಳನಾಟ ತರುತ್ತಿದ್ದ ಲಾರಿಯನ್ನು ಸ್ಥಳಿಯ ಮಾಂತ್ರಿಕ ಇಡುವಾಣಿ ಪಂಡಿತರ ಮನೆ ಎದರು ಆಗಿನ ರೇಂಜರ್ ತಮ್ಮ ಸಿಬ್ಬಂದಿ ಜೊತೆ ಹಿಡಿಯುತ್ತಾರೆ, ತಪ್ಪು ಗ್ರಹಿಕೆಯಿಂದ ಪಂಡಿತರನ್ನು ನಿಂದಿಸುತ್ತಾರೆ ನಂತರ ಕೆಲವೇ ಕ್ಷಣದಲ್ಲಿ ರೇಂಜರ್ ಪ್ರಜ್ಞೆ ತಪ್ಪಿ ಕುಸಿಯುತ್ತಾರೆ ತಕ್ಷಣ ಅವರನ್ನು ಇಲಾಖಾ ಜೀಪಿನಲ್ಲಿ ಸಾಗರಕ್ಕೆ ಕರೆದೊಯ್ದು ಅಲ್ಲಿನ ವೈದ್ಯರ ಶಿಪಾರಸ್ಸಿನಿಂದ ಹೆಚ್ಚಿನ ಚಿಕಿತ್ಸೆಗೆ ಶಿವಮೊಗ್ಗಕ್ಕೆ ಒಯ್ಯುತ್ತಾರೆ.

  ಇದೇ ಸಮಯದಲ್ಲಿ ನಾಟಾ ತುಂಬಿದ ಲಾರಿಯನ್ನು ಅರಣ್ಯ ಇಲಾಖೆ ಸಿಬ್ಬಂದಿ ಅರಣ್ಯ ಇಲಾಖೆ ಕಛೇರಿಗೆ ಸಾಗಿಸಲು ಲಾರಿ ಸ್ಟಾರ್ಟ್ ಮಾಡಿದಾಗ ಇಂಜಿನ್ ಗೆ ಬೆಂಕಿ ಬಿದ್ದು ಅವರೆಲ್ಲ ತಪ್ಪಿಸಿಕೊಳ್ಳುತ್ತಾರೆ ಇದೆಲ್ಲ ಅಲ್ಲಿ ನೆರೆದಿದ್ದ ನೂರಾರು ಜನ ಗ್ರಾಮಸ್ಥರ ಎದರು ನಡೆದ ಘಟನೆ.

  ನಂತರ ಅರಣ್ಯ ಸಿಬ್ಬಂದಿ ಮತ್ತು ರೇಂಜರ್ ಪತ್ನಿ ಪಂಡಿತರ ಹತ್ತಿರ ಕ್ಷಮೆ ಯಾಚಿಸಿ ಪಂಡಿತರ ದೈವಕ್ಕೆ ಪೂಜೆ ಸಲ್ಲಿಸಿದ ಮೇಲೆ ರೇಂಜರ್ ಗೆ ಪ್ರಜ್ಞೆ ಬಂತು ಅಂತ ಸುದ್ದಿ ಪತ್ರಿಕೆಯಲ್ಲಿ ಬಂದಾಗ ಓದಿದ್ದೆ.

  ಈ ಘಟನೆ ನಡೆದ ಒಂದೆರೆಡು ವರ್ಷದ ನಂತರ ನನ್ನ ಕಛೇರಿಗೆ ಬಂದಿದ್ದ ಇಡುವಾಣಿ ಪಂಡಿತರು ಮತ್ತು ನನ್ನ ಬೇಟಿಯಲ್ಲಿ ಈ ಘಟನೆ ಬಗ್ಗೆ ಚರ್ಚೆ ಆಯಿತು, ಆಗ ಪಂಡಿತರು ಹೇಳಿದ್ದು ಆಗೆಲ್ಲ ಜೋಗ ಕಾರ್ಗಲ್ ಬಾಗದಲ್ಲಿ ಅರಣ್ಯದಲ್ಲಿ ನಾಟಾ ಕಡಿದು ಕೈ ಗರಗಸದಲ್ಲಿ ಹಲಗೆ,ಪಕಾಸಿ ಮತ್ತು ರೀಪು ಕೊಯ್ದು ಮಾರಾಟ ಮಾಡುವ ಅನೇಕ ತಂಡಗಳಿದ್ದವಂತೆ ಅವರುಗಳು ಇದನ್ನು ಸ್ಥಳಿಯ ಮನೆ ನಿರ್ಮಿಸುವವರಿಗೆ, ಶಾಲಾ ಕಟ್ಟಡ ನಿರ್ಮಿಸುವ ಗುತ್ತಿಗೆದಾರರಿಗೆ ಮಾರಾಟ ಮಾಡುತ್ತಿದ್ದರಂತೆ.

   ಹೀಗೆ ಒಂದು ತಂಡ ಇವರ ಮನೆ ಮತ್ತು ದೇವಸ್ಥಾನದ ಮೇಲು ಭಾಗದಲ್ಲಿನ ಅರಣ್ಯದಲ್ಲಿ ಮರ ಕೊಯ್ತಲೆಗೆ ಬಂದಾಗ ಇವರು ತಾವು ಪೂಜಿಸುವ ದೈವದ ಮನೆಯ ಮಾಡು ಶಿಥಿಲವಾಗಿದೆ ಹತ್ತು ಪಕಾಸಿ ಮತ್ತು ಅದಕ್ಕೆ ಅವಶ್ಯವಿರುವಷ್ಟು ರೀಪು ಕೊಡಲು ವಿನಂತಿಸಿದ್ದಕ್ಕೆ ಅವರು ಒಪ್ಪಿ ಆದಿನ ಲಾರಿಯಲ್ಲಿ ಅರಣ್ಯದಿಂದ ತು೦ಬಿಕೊಂಡು ಹೊರಟವರು ಪಂಡಿತರ ದೇವಸ್ಥಾನದ ಎದರು ಪಕಾಸಿ ರೀಪು ಇಳಿಸುವಾಗ ಅರಣ್ಯ ಇಲಾಖಾ ಸಿಬ್ಬಂದಿ ಜೀಪು ಬಂದದ್ದು ನೋಡಿ ಕಳ್ಳ ನಾಟದ ತಂಡ ಮತ್ತು ಲಾರಿ ಸಿಬ್ಬಂದಿ ತಪ್ಪಿಸಿಕೊಂಡಿದ್ದಾರೆ.

  ತಪ್ಪಾಗಿ ಪಂಡಿತರೇ ಈ ನಾಟಾ ಕಳ್ಳ ಸಾಗಾಣಿಕೆದಾರರೆಂದು (ಅವರ ದೇವಸ್ಥಾನದ ಎದುರೇ ನಾಟದ ಲಾರಿ ನಿಂತಿದ್ದು ನೋಡಿ) ರೇ೦ಜರ್ ಕೆಂಡಾಮಂಡಲವಾಗಿದ್ದರು, ಪಂಡಿತರು ಎಷ್ಟೇ ವಿವರಣೆ ನೀಡಿದರೂ ರೇಂಜರ್ ಸಮಾಧಾನ ಆಗಲಿಲ್ಲವಂತೆ ಇನ್ನು ಅಲ್ಲೇ ಇದ್ದರೆ ತಮ್ಮನ್ನ ಕೇಸಿನಲ್ಲಿ ಸಿಕ್ಕಿಸಿಯಾರೆಂದು ಭಯ ಪಟ್ಟ ಪಂಡಿತರು ಅವರು ನಂಬಿ ಆರಾದಿಸುವ ದೈವ ಕುಟ್ಟಿಚಾತನ್ ಪ್ರಾರ್ಥಿಸಿ,ಅವರ ಯಜಡಿಬೈಕ್ ನಲ್ಲಿ ಸಾಗರಕ್ಕೆ ಹೋಗಿ ಕಾಗೋಡು ತಿಮ್ಮಪ್ಪರಿಂದ ರಕ್ಷಣೆ ಸಹಾಯ ಪಡೆಯಲು ಆ ಸ್ಥಳದಿಂದ ಪರಾರಿ ಆದರಂತೆ ಆದರೆ ಸಾಗರದಲ್ಲಿ ಕಾಗೋಡು ಸಿಗದಿದ್ದರಿಂದ ಅವರ ಗೆಳೆಯರ ರೂಮಿನಲ್ಲಿ ಅಡುಗಿದ್ದಾರೆ.

  ಅಷ್ಟರಲ್ಲಿ ಈ ಎಲ್ಲಾ ಘಟನೆಗಳು ನಡೆದು ರೇ೦ಜರ್ ಪತ್ನಿಗೆ ತಕ್ಷಣ ಪಂಡಿತರನ್ನು ಕಂಡು ಅವರ ಮುಖಾಂತರ ಕುಟ್ಟಿಚಾತನ್ ಗೆ ಪೂಜೆ ಹರಕೆ ಮಾಡಿಕೊಳ್ಳಲು ಪಂಡಿತರನ್ನು ಎಲ್ಲಿದ್ದರೂ ಕರೆತಂದು ತನ್ನ ಪತಿಯ ಜೀವ ಉಳಿಸಬೇಕೆಂದು ಪ್ರಾರ್ಥಿಸಲು ಪಂಡಿತರನ್ನ ಹುಡುಕಿಸಿ ಕರೆದೊಯ್ದಿದ್ದಾರೆ.

   ತಮ್ಮನ್ನು ಅರಣ್ಯ ಇಲಾಖೆಯವರು ಹಿಡಿದೊಯ್ಯುತ್ತಾರೆಂದು ಪರಾರಿ ಆಗಿ ಅಡುಗಿ ಕೊಂಡಿದ್ದ ಪಂಡಿತರಿಗೇ ಇದನ್ನು ನಂಬಲಾಗಲಿಲ್ಲವಂತೆ ಗುಡ್ಡದಂತೆ ಬಂದ ಗಂಡಾಂತರ ಮಂಜಿನಂತೆ ಕರಗಿ ಹೋಯಿತು ಅಂದರು.

  ಆಮೇಲೆ ಏನು ಮಾಡಿದಿರಿ? ಅಂದೆ,ರೇಂಜರ್ ಪತ್ನಿಗೆ ದೇವರಲ್ಲಿ ಅವರ ಪತಿ ಗುಣವಾಗಿ ಬಂದ ಮೇಲೆ ಅವರನ್ನೂ ಜೊತೆಗೆ ಕರೆ ತಂದು ಪೂಜೆ ಮಾಡುತ್ತೇನೆಂದು ಪ್ರಾರ್ಥನೆ ಮಾಡಿಕೊಳ್ಳಲು ಹೇಳಿದೆ ಅದರಂತೆ ಪ್ರಾರ್ಥನೆ ಮಾಡಿಕೊಂಡು ನಂತರ ಅವರ ಪತಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆದ ಮೇಲೆ ದಂಪತಿಗಳು ಬಂದು ಪೂಜೆ ಸಲ್ಲಿಸಿದರು ಅಂದರು.

   ಪಂಡಿತರು ಸ್ಥಳಿಯರೇ ಆದರೂ ಅನೇಕ ವರ್ಷ ಕೇರಳದಲ್ಲಿದ್ದು ಮಂತ್ರವಾದ ಕಲಿತಿದ್ದಾರೆ, ಅವರು ಮಲೆಯಾಳಂ ಎಲ್ಲಾ ಚೆನ್ನಾಗಿ ಮಾತಾಡುತ್ತಾರೆ ಆದರೆ ಅವರು ಮಾತ್ರ ಇದನ್ನೆಲ್ಲ ಹೇಳಿಕೊಳ್ಳಲಿಲ್ಲ.

  ಈ ಘಟನೆ ಪತ್ರಿಕೆ ಸುದ್ದಿಯ ಬಗ್ಗೆ ಕೇಳಿದರೆ ಅವರು ಹೇಳುವುದು ಈ ಘಟನೆ ನಡೆದದ್ದು ಸತ್ಯ ಆದರೆ ನಾನು ಯಾವುದೇ ಮಂತ್ರ ತಂತ್ರ ಮಾಡಿದೀನಿ ಅನ್ನುವುದು ಸುಳ್ಳು ಆದರೆ ನಾನು ನಂಬಿದ ದೈವಕ್ಕೆ ಪ್ರಾರ್ಥನೆ ಮಾತ್ರ ಮಾಡಿದ್ದೆ "ನಿನ್ನ ಗುಡಿಯ ಮೇಲ್ಚಾವಣಿಗೆ ನಾಟ ಕೇಳಿದ್ದೆ ಈಗ ನನ್ನನ್ನೇ ಕಳ್ಳನನ್ನಾಗಿ ಮಾಡಬೇಡ" ಅಂತ ಅಂದಿದ್ದರು.

   ಕೆಲವೊಂದು ಘಟನೆಗಳು ವಿಸ್ಮಯ ಕೂಡ ಸ್ಥಳಿಯರು ಇದು ಕುಟ್ಟಿಚಾತನ್ ಕೈ ಚಳಕ ಎಂತಲೇ ಹೇಳುತ್ತಾರೆ ಈ ಪಂಡಿತರಿಂದ ಇಂತಹ ಅನೇಕ ಘಟನೆಗಳು ನಡೆದಿದೆ ಅನ್ನುತ್ತಾರೆ.

   ಇಡುವಾಣಿ ವಿಠಲ್ ಪಂಡಿತರ ಪೋನ್ ನಂಬರ್ 94487 54665.