Blog number 1021. ರಾಜ್ಯದಲ್ಲಿ ಬಡವರ ಕೈಗೆ ಎಟುಕುತ್ತಿದ್ದ ಕಡಿಮೆ ದರದ ಸರಾಯಿ ರದ್ದು ಮಾಡಿ ಸರ್ಕಾರ ಸಾದಿಸಿದ್ದೇನು?

#ಸರಾಯಿ_ರದ್ದು_ಮಾಡಿ_ಸಾದಿಸಿದ್ದೇನು?

#ಸರಾಯಿ_ವಿರುದ್ದ_ಚಳವಳಿ_ಮಾಡಿದವರು_ಈಗ_ಮನೆಮನೆಯಲ್ಲಿ_ಅಕ್ರಮ_ಮದ್ಯ_ಮಾರಾಟಕ್ಕೆ_ಮೌನ.

#ಸರಾಯಿ_ರದ್ದಿಗೆ_ಬಡವರ_ಆರೋಗ್ಯದ_ನಿಜ_ಕಾಳಜಿಯಾ?

#ಕಡಿಮೆ_ಆರ್ಥಿಕ_ಆದಾಯದ_ಕೂಲಿ_ಕಾರ್ಮಿಕರ_ಜೇಬಿಗೆ_ಹಾಕಿದ_ಕತ್ತರಿ

#ರಾಜ್ಯದ_ಸುಮಾರು_ಹತ್ತು_ಸಾವಿರ_ಜನರ_ಉದ್ಯೋಗಕ್ಕೆ_ಕತ್ತರಿ

#ಸರಾಯಿ_ಇದ್ದಾಗ_ಈಗಿನಂತೆ_ಹಳ್ಳಿಗಳಲ್ಲಿ_ಅಕ್ರಮ_ಮದ್ಯ_ಮಾರಾಟ_ಇರಲಿಲ್ಲ

#ಮಧ್ಯ_ಮಾರಾಟಗಾರರ_ಲಾಬಿ_ಅಬಕಾರಿ_ಇಲಾಖೆ_ಮರ್ಜಿ_ಇದಕ್ಕೆ_ಕಾರಣ.

#ಸರಾಯಿ_ಎಂದು_ಮೂಗು_ಮುರಿಯದಿರಿ_ಇದರಲ್ಲಿನ_ಸೋಷಿಯಲ್_ಸ್ಯೆನ್ಸ್‌_ಗಮನಿಸಬೇಕು

   ರಾಜ್ಯದಲ್ಲಿ ಸರಾಯಿ ರದ್ದು ಮಾಡಿದ ಸರ್ಕಾರ ಅದಕ್ಕೆ ಘೋಷಿಸಿದ ಕಾರಣ ಕಡಿಮೆ ದರದ ಸರಾಯಿ ( ಸರ್ಕಾರದ್ದೆ ) ಕಲಬೆರಕೆ ಆಗುತ್ತಿದೆ ಇದರಿಂದ ಅನೇಕ ಬಡ ಕೂಲಿ ಕಾಮಿ೯ಕರು ಕಿಡ್ನಿ ಇತ್ಯಾದಿ ವೈಪಲ್ಯದಿಂದ ಸಾವು ಕಾಣುತ್ತಿದ್ದಾರೆ ಆದ್ದರಿಂದ ಸರಾಯಿ ರದ್ದು ಮಾಡಿ ಚಿಲ್ಲರೆ ಬ್ರಾಂಡಿ ಮಾರಾಟದ ಅಂಗಡಿಯಲ್ಲಿ ಗುಣಮಟ್ಟದ ಕಡಿಮೆ ಬೆಲೆಯ ಬ್ರಾಂಡಿ ಜನರಿಗೆ ಸಿಗುವಂತೆ ಮಾಡುವುದಾಗಿ ಘೋಷಿಸಿತ್ತು.

 

ಆಗ ಹಳ್ಳಿ ಹಳ್ಳಿಗಳಲ್ಲಿ ಸರಾಯಿ ವಿರುದ್ಧ ಚಳವಳಿಗಳು ಮತ್ತು ಆ ಚಳವಳಿಗಳಿಗೆ ದಮ೯ಸ್ಥಳದ ಸ್ವಸಹಾಯ ಸಂಘಗಳ ಬೆಂಬಲ, ಮದ್ಯಪಾನ ವರ್ಜ್ಯ ಶಿಭಿರಗಳು ಕಾರಣವಾಗಿತ್ತು ಆದರೆ ಸರಾಯಿ ರದ್ದಾದ ನಂತರ ಹಳ್ಳಿ ಹಳ್ಳಿಗಳಲ್ಲಿ ಅಕ್ರಮ ಮಧ್ಯಮಾರಾಟ ವಿಪರೀತವಾಗಿದೆ ಆದರೆ ಇದರ ವಿರುದ್ಧ ಯಾವುದೇ ವಿರೋದದ ಚಳವಳಿಗಳು ನಡೆಯದಿರುವುದಕ್ಕೆ ಕಾರಣ ತಿಳಿದಿಲ್ಲ.

 

ಆ ಸಂದರ್ಭದಲ್ಲಿ ಸರ್ಕಾರದ ಸರಾಯಿ ಮಾರಾಟದ ಉದ್ಯಮದಲ್ಲಿ ಉದ್ಯೋಗ ಕಂಡುಕೊಂಡಿದ್ದ ಸುಮಾರು 10 ಸಾವಿರ ಕುಟುಂಬ ಉದ್ಯೋಗ ವಂಚಿತವಾಯಿತು ಆದರೂ ಜನತೆ ಬಾವಿಸಿದ್ದು ಸರ್ಕಾರ ಅಬಕಾರಿ ಆದಾಯಕ್ಕೆ ಆಸೆ ಪಡದೆ ಬಡವರ ಬಗ್ಗೆ ಕಾಳಜಿ ವಹಿಸಿದೆ ಎಂಬುದು ತಪ್ಪು ಕಲ್ಪನೆ ಅಂತ ಗೊತ್ತಾಗಲು ಅನೇಕ ವರ್ಷಗಳು ಬೇಕಾಯಿತು.

  ಈಗ ಸರ್ಕಾರದ ರಿಟೈಲ್ ಶಾಪುಗಳಲ್ಲಿ ಕಡಿಮೆ ದರದ ಮದ್ಯದ ಬೆಲೆ 180 ಎಂ ಎಲ್ ಗೆ ರೂ 80 ರೂಪಾಯಿ ಸರ್ಕಾರಿ ಸರಾಯಿಯ ಆರು ಪಟ್ಟು ಹೆಚ್ಚು ಹಾಗಂತ ಅದರ ಗುಣಮಟ್ಟ? ಸರಾಯಿಗಿಂತ ಉತ್ಕೃಷ್ಟವಾಗಿಲ್ಲ ಇದಕ್ಕೆ ಉದಾಹರಣೆ ಮೊದಲಿಗಿಂತ ಈಗ ಕಿಡ್ನಿ ವೈಪಲ್ಯ ಜಾಸ್ತಿ ಆಗಿದೆ.

 

ಸರಾಯಿ ಗುತ್ತಿಗೆದಾರರಿದ್ದಾಗ ಅವರ ಕಾವಲು ಪಡೆ (ರೈಡಿಂಗ್ ಟೇಮ್) ಹಳ್ಳಿಗಳಲ್ಲಿ ಅಕ್ರಮ ಮದ್ಯ ಮಾರಾಟಕ್ಕೆ ಅವಕಾಶ ನೀಡುತ್ತಿರಲಿಲ್ಲ ಆದರೆ ಸರಾಯಿ ರದ್ದು ಮಾಡಿದ ಮೇಲೆ ಹಳ್ಳಿಯ ಮೂಲೆ ಮೂಲೆಯಲ್ಲಿ ಅಕ್ರಮ ಮದ್ಯ ಮಾರಾಟ ಆಗುತ್ತಿದೆ.

   ಬಡ ಕೂಲಿ ಕಾಮಿ೯ಕ ದಿನಕ್ಕೆ ಕನಿಷ್ಠ 300 ರೂಪಾಯಿ ಗಳಿಸಿದರೆ ಅದರಲ್ಲಿ 200 ರೂಪಾಯಿ ಮದ್ಯಕ್ಕೆ ಉಳಿದದ್ದು ಬೀಡಿ, ಎಲೆ ಅಡಿಕೆ ತಲುಬಿಗೆ ಬಳಸಿ ಮನೆಗೆ ಬರಿ ಕೈಯಲ್ಲಿ ಮನೆ ತಲುಪುತ್ತಾನೆ! ಇದು ಸರ್ಕಾರ ಸರಾಯಿ ರದ್ದು ಮಾಡಿದ ನಂತರದ ಬಡವರ ಕುಟುಂಬದ ಕಥೆ.

   ಮದ್ಯಪಾನ ಸಮಾಜದ ಬಡ ವರ್ಗದಲ್ಲಿ ಎಷ್ಟು ಸಹಜವೊ ಹಾಗೆ ಶ್ರೀಮಂತ ವರ್ಗದಲ್ಲಿ ಕೂಡ ಆದರೆ ಇಲ್ಲಿ ಸಮಸ್ಯೆ ಇರುವುದು ಬಡ ವರ್ಗದ ಜನರ ನಿತ್ಯ ಗಳಿಕೆಯ ಮಿತಿ ಮತ್ತು ಅದನ್ನು ಪೂರ್ತಿ ಮದ್ಯಕ್ಕೆ ವಿನಿಯೋಗಿಸಬೇಕಾದ ಕಷ್ಟ.

  ಪಶ್ಚಿಮ ಬಂಗಾಳದಲ್ಲಿ ಇದೇ ರೀತಿ ಸರಾಯಿ ರದ್ದು ಮಾಡುವ ಪ್ರಸ್ತಾವನೆಯನ್ನು ಅಲ್ಲಿನ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಸಾರ ಸಗಟಾಗಿ ನಿರಾಕರಿಸಿದ್ದಾರೆ ಕಾರಣ ಅಲ್ಲಿನ ಬಡವರ ಜೀವನ ವ್ಯವಸ್ಥೆ ಇದರಿಂದ ಸಮತೋಲನ ಕಳೆದುಕೊಳ್ಳುತ್ತದೆ ಮತ್ತು ಕೆಲವೇ ಕೆಲವು ಮದ್ಯ ವ್ಯಾಪಾರಿಗಳನ್ನು ಶ್ರೀಮಂತಗೊಳಿಸುತ್ತದೆ ಅಂತ.

 

ಸರಾಯಿ ರದ್ದು ಮಾಡಿದ್ದರಿಂದ ಅನಿವಾರ್ಯವಾಗಿ ರಿಟೈಲ್ ಮಧ್ಯಮಾರಾಟಗಾರರಿಗೆ ನಿತ್ಯದ ವ್ಯಾಪಾರ 20 ಪಟ್ಟು ಹೆಚ್ಚಾಯಿತು ಅವರೇ ಲಾಭಕ್ಕಾಗಿ ತಮ್ಮ ಏರಿಯ ನಿಗದಿ ಮಾಡಿ ಹಳ್ಳಿ ಹಳ್ಳಿಗಳಿಗೆ ಮದ್ಯ ಸರಬರಾಜು ಮಾಡಿ ಮದ್ಯ ಸೇವನೆ ಸುಲಭ ಮಾಡಿ ಪ್ರೋತ್ಸಾಹ ನೀಡುತ್ತಿರುವುದು ಮುಂದಿನ ದಿನಗಳಲ್ಲಿ ಹಳ್ಳಿಗಳ ಸಾಮಾಜಿಕ ಸ್ಥಿತಿಗತಿಗೆ ಮಾರಕವಾಗಲಿದೆ.

   ಇಲ್ಲಿ ಸರಾಯಿ ಅಂದಾಕ್ಷಣ ಕನಿಷ್ಟ ಅಂತ ನಿರ್ದಾರಕ್ಕೆ ಬಾರದೆ ಇದರಲ್ಲಿ ಸೋಷಿಯಲ್ ಸೈನ್ಸ್ ಗಮನಿಸಬೇಕು, ಮದ್ಯಪಾನ ನಿಶೇದ ಬೇಡ ಮದ್ಯಪಾನ ಸಂಯಮ ಇರಲಿ ಅಂತ ಗಾಂಧೀಜಿ ಹೇಳಿರುವುದು ಕೂಡ ಇದೇ ಕಾರಣ.

   ಸರ್ಕಾರ ಇಪ್ಪತ್ತೈದು ರೂಪಾಯಿಗೆ 180 ಎಂ.ಎಲ್. ಗುಣಮಟ್ಟದ ಖಾತ್ರಿ ಇರುವ ಮಧ್ಯ ಮಾರಾಟ ವ್ಯವಸ್ಥೆ ಮಾಡಬೇಕು ಸಾಧ್ಯವಾಗದಿದ್ದರೆ ಪುನಃ ಸರಾಯಿ ಮಾರಾಟ ಪ್ರಾರಂಬಿಸ ಬೇಕು.

  ಈಗ ರಿಟೈಲ್ ಮಧ್ಯ ಮಾರಾಟಗಾರರ ಲಾಭಿ ಮತ್ತು ಅಬಕಾರಿ ಇಲಾಖೆ ಮಜಿ೯ಯಲ್ಲಿ ಸರ್ಕಾರವಿದೆ.