Blog number 1117. ಮೂರನೆ ರಾಜ್ಯ ಮಟ್ಟದ ಆ ದಿವಾಸಿಗಳ ಸಮ್ಮಿಲನ - ಸಾಂಸ್ಕೃತಿಕ ಸಂಭ್ರಮ 21-22 ಡಿಸೆಂಬರ್ 2019 ರಂದು ಶಿವಮೊಗ್ಗ ಜಿಲ್ಲೆಯ ಹೊಸನಗರದಲ್ಲಿ ನಡೆಯಲಿದ್ದು ಆಹ್ವಾನ ಪತ್ರಿಕೆ ನೀಡಲು ಬಂದ ಗೆಳೆಯರು.

ಕನಾ೯ಟಕರಾಜ್ಯ ಮಟ್ಟದ ಮೂರನೆ ಆದಿವಾಸಿಗಳ ಸಮ್ಮೇಳನ 21-22 ಡಿಸೆಂಬರ್ 2019 ರಂದು

  ಶಿವಮೊಗ್ಗ  ಜಿಲ್ಲೆಯ ಹೊಸನಗರದಲ್ಲಿ ನಡೆಯಲಿದ್ದು ಇದರ ಆಹ್ವಾನ ನೀಡಲು ಬಂದವರು ರಾಜ್ಯ ಆದಿವಾಸಿ ಹಕ್ಕುಗಳ ಸಂಚಾಲಕರಾದ ಗುರುಶಾಂತ್ S.Y.

  ಮೊನ್ನೆ ನನ್ನ ಕ್ಲಾಸ್ ಮೇಟ್ ಪುರಪ್ಪೆಮನೆ ಗ್ರಾಮ ಪಂಚಾಯತ್ ಮಾಜಿ ಸದಸ್ಯ ಪ್ರಕಾಶ್ ಮತ್ತು ಬಟ್ಟೆಮಲ್ಲಪ್ಪದಲ್ಲಿ ಸಾಹಸದಿಂದ ವ್ಯಾಸ ವಿದ್ಯಾಲಯ ಶಾಲೆ ನಡೆಸುತ್ತಿರುವ ಗ್ರಾಮ ಪಂಚಾಯತ್ ಸದಸ್ಯ ಮಂಜುನಾಥ ಸತ್ಯನಾರಾಯಣ್ ಬ್ಯಾಣದ್ ಕನಾ೯ಟಕ ಆದಿವಾಸಿ ಹಕ್ಕುಗಳ ಸಮನ್ವಯ ಸಮಿತಿ ಸಂಚಾಲಕರಾದ ಬೆಂಗಳೂರಿನ SY ಗುರುಶಾ೦ತ್ ಜೊತೆ ಬಂದು ಕರಪತ್ರ ನೀಡಿದರು.

  ಈ ಸಮ್ಮೇಳನದ ಗೌರವಾಧ್ಯಕ್ಷರು ಚರಕ ಪ್ರಸನ್ನ,ಅಧ್ಯಕ್ಷರು ಕುಣುಬಿ ಸಮಾಜದ ಸಾಗರದ ವಕೀಲರಾದ ಕೊಂಗನಾಸಳ್ಳಿ ಮಂಜಪ್ಪ, ಇವರು ನನ್ನ ಶಿಷ್ಯ ಇವರ ನೇತೃತ್ವದಲ್ಲಿ 1995 ರಲ್ಲಿ ಆನಂದಪುರದಲ್ಲಿ ಮತ್ತು 1996ರಲ್ಲಿ ಭಟ್ಕಳ ಸಮೀಪದ ಕೊಗಾರಿನ ದೇವಗಾರು ಎಂಬ ಹಳ್ಳಿಯಲ್ಲಿ ಜಾನು ಎನ್ನುವವರ ಜಾಗದಲ್ಲಿ ಶಿವಮೊಗ್ಗ ಜಿಲ್ಲಾ ಮಟ್ಟದ ಕುಣುಬಿ ಜನಾ೦ಗದ ಎರೆಡು ಸಮಾವೇಶ ಮಾಡಿದ್ದು, ನಾನು ಭಾಗವಹಿಸಿದ್ದು ನೆನಪಾಯಿತು.

  ಪಕ್ಕದ ಗೋವಾ ರಾಜ್ಯದಲ್ಲಿ ಇವರ ಜಾತಿ ST ನಮ್ಮ ರಾಜ್ಯದಲ್ಲಿ BCM - B, ಮೀಸಲಾತಿಗಾಗಿ ಅವರ ಹೋರಾಟ ನಡೆದೇ ಇದೆ.

 ಶಿವಮೊಗ್ಗ ಜಿಲ್ಲೆಯ ಕುಣುಬಿ, ಹಸಲರು, ಗೌಳಿ, ಸಿಳ್ಳೆಕ್ಯಾತರರನ್ನ ಆದಿವಾಸಿ ಸಮಾವೇಶದಲ್ಲಿ ಸೇರಿಸಿಕೊಂಡಿರುವುದು ಸ್ವಾಗತಾಹ೯ ಇವರಿಗೆ ಬೆಂಬಲಿಸಿ ಇವರ ಸಮ್ಮೇಳನ ಯಶಸ್ವಿಗೆ ಪ್ರಕಾಶ್ ಮತ್ತು ಮಂಜುನಾಥ ಸತ್ಯನಾರಾಯಣ್ ಬ್ಯಾಣದ್ ಬೆಂಬಲಿಸುತ್ತಿರುವುದು ಖುಷಿ ಆಯಿತು ಇವರ ರಾಜ್ಯ ಮಟ್ಟದ ಸಮಾವೇಶಕ್ಕೆ ತಯಾರಿ ಹೇಗೆ ಎಂದೆ? ಬಂದವರಿಗೆ ಹೊಸನಗರದ 2 ಕಲ್ಯಾಣ ಮಂಟಪದಲ್ಲಿ ವ್ಯವಸ್ಥೆ ಮಾಡಿದ್ದೇವೆ ನಮ್ಮ ಆಥಿ೯ಕ ಲಭ್ಯತೆ ನೋಡಿ ಅದಕ್ಕೆ ತಕ್ಕ ಹಾಗೆ ಸರಳ ಊಟ ವ್ಯವಸ್ಥೆ ಮಾಡಲಾಗುವುದು ಅಂತ ಗುರುಶಾಂತ್ ಹೇಳಿದರು.

   ರಾಜಕೀಯ ಸಮಾವೇಶಗಳು ಅದರ ಡಾಂ ಡೂo ವ್ಯವಸ್ಥೆ ಮುಂದೆ ಆದಿವಾಸಿಗಳ ಸಮಾವೇಶ ಬಡವಾಗಿ ಕಂಡರೂ ಇಲ್ಲಿ ವೈಚಾರಿಕ ಶ್ರೀಮಂತಿಕೆ ಇದೆ, ಈ ಸಮಾವೇಶ ಅವರ ಸಂಘಟನೆ ಮತ್ತು ಹಕ್ಕುಗಳಿಗಾಗಿ ಜನ ಜಾಗೃತಿ ಆಗಲಿದೆ.

  ಇಲ್ಲಿ ಪ್ರಕಾಶ್ ಬಗ್ಗೆ ಎರೆಡು ಮಾತು ಬರೆಯಲೆ ಬೇಕು, ಸಾಗರದಲ್ಲಿ 8ನೇ ತರಗತಿ ಓದುವಾಗ ಇವರ ಮನೆ ಸಾಗರ ಆಸ್ಪತ್ರೆ ಹಿಂಬಾಗದ ಕ್ವಾಟ೯ರ್ಸ್ ನಲ್ಲಿ ಇತ್ತು ಇವರ ತಾಯಿ ಲೀಲಾವತಿ ಸಿಸ್ಟರ್ ನನಗೆ ತಾಯಿಯ೦ತೆ ಒಂದು ವಷ೯ ಮದ್ಯಾಹನ ಊಟ ಬಡಿಸಿದ್ದಾರೆ, ನಾನು ಹುಟ್ಟಿದಾಗ ಪ್ರಕಾಶ್ ಅಜ್ಜಿ ನನಗೆ ಬಂಗಾರದ ಉoಗುರ ತೊಡಿಸಿದ್ದರಂತೆ, ಈಗ ಪ್ರಕಾಶ್ ಪುರಪ್ಪೆ ಮನೆ ಪಂಚಾಯಿತಿ ಮಾಜಿ ಸದಸ್ಯರು, ನೀನಾಸಂನಲ್ಲಿ ನುರಿತವರು ನಾಟಕ, ಟಿವಿ ದಾರಾವಾಹಿ ಮತ್ತು ಸಿನಿಮಾದಲ್ಲೂ ಅಭಿನಯಿಸುತ್ತಾರೆ, ಪರಿಸರ ಹೋರಾಟ ಮತ್ತು ಇಂತಹ ಜನಪರ ಕಾಯ೯ಕ್ರಮದಲ್ಲೂ ಮುಂದೆ ಇದ್ದಾರೆ.

  ಇನ್ನೊಬ್ಬರು ಮಂಜುನಾಥ ಸತ್ಯನಾರಾಯಣ್ ಬ್ಯಾಣದ್ ಪತ್ರಕತ೯ರಾಗಿ ಟಿವಿ ರಿಪೋಟ್೯ರ್ ಆಗಿ ಕಾರವಾರ ಜಿಲ್ಲೆಯಲ್ಲಿದ್ದವರು ಅದನ್ನ ಬಿಟ್ಟು ಹಳ್ಳಿಯಲ್ಲಿ ವ್ಯಾಸ ವಿದ್ಯಾಸಂಸ್ಥೆ ಕಟ್ಟಿ ಬೆಳೆಸುತ್ತಿದ್ದಾರೆ, ಇವರದ್ದು ಹತ್ತು ಹಲವಾರು ಆದಶ೯ದ ಕಾಯ೯ಕ್ರಮ ಇದರ ಮಧ್ಯೆ ದೆಹಲಿಯ ಆಮ್ ಆದ್ಮಿ ಪಾಟಿ೯ ಚಿಂತನೆಯಲ್ಲಿ ಯುವಕರ ಪಡೆ ಆಲಗೇರಿ ಮOಡ್ರಿ ಗ್ರಾಮ ಪoಚಾಯತನಲ್ಲಿ ಅಧಿಕಾರ ನಡೆಸುತ್ತಿದೆ ಬಹುಶಃ ರಾಜ್ಯದಲ್ಲಿ ಇದೊಂದೆ ಗ್ರಾಮ ಪಂಚಾಯತ್ ಆಮ್ ಆದ್ಮಿ ಪಾಟಿ೯ಯದು ಇರಬೇಕು ಅಲ್ಲಿ ಇವರೂ ಗ್ರಾಮ ಪಂಚಾಯತ ಸದಸ್ಯರು.

  ಇವತ್ತಿನ ದಿನದಲ್ಲಿ ಅಧಿಕಾರದ ರಾಜಕಾರಣ ಪಕ್ಷ ಅಂತ ಯುವಕರು ಆಕಡೆ ಆಕಷಿ೯ತರಾಗಿದ್ದರೆ ಈ ಇಬ್ಬರು ಬಿನ್ನವಾಗಿ ಆದಿವಾಸಿ ಸಮ್ಮೇಳನಕ್ಕೆ ಸಹಕರಿಸುತ್ತಿರಲಿಕ್ಕೆ ಇವರಿಬ್ಬರ ವೈಚಾರಿಕ ಹಿನ್ನೆಲೆ ಕೂಡ ಕಾರಣ.

  ಇವರ ಪ್ರಯತ್ನಕ್ಕೆ ಸರಿಯಾದ ಪ್ರತಿಫಲ ಸಿಗಲಿ ಎಂದು ಹಾರೈಸುತ್ತೇನೆ.