Blog number 1106. ಭಾಗ - 2 , ಜೋಗ್ ಕಾರ್ಗಲ್ ಪಟ್ಟಣ ಪಂಚಾಯಿತಿ ಚುನಾವಣೆಯ ಪ್ರಚಾರಕ್ಕೆ ಬಂದಿದ್ದ ಕೇಂದ್ರ ಸಚಿವರಾದ ಶ್ರೀನಿವಾಸ್ ಪ್ರಸಾದರ ಪ್ರಶ್ನೆಗಳು ಮತ್ತು ನನ್ನ ಉತ್ತರ.

#ಭಾಗ_2

#ಜೋಗ್_ಕಾಗ೯ಲ್_ಪಟ್ಟಣ_ಪಂಚಾಯಿತಿ_ಚುನಾವಣೆ.

#ಪ್ರಚಾರದಲ್ಲಿ_ಭಾಗವಹಿಸಿದ_ಕೇಂದ್ರ_ಸರ್ಕಾರದ_ಮಂತ್ರಿ_ಶ್ರೀನಿವಾಸಪ್ರಸಾದ್.

#ಕಾರ್ಮಿಕ_ಮುಖಂಡ_ಜಾರ್ಜ್_ಸಹೋದರ_ಮೈಕಲ್_ಪರ್ನಾಂಡೀಸರು_ಪ್ರಚಾರಕ್ಕೆ_ಬಂದಿದ್ದರು.

#ಸಂಯುಕ್ತ_ಜನತಾದಳದ_ಪ್ರಚಾರದಲ್ಲಿ__ಜೆ_ಹೆಚ್_ಪಟೇಲರ_ಮಗ_ಮಹೀಮ_ಪಟೇಲರು.

#ಶ್ರೀನಿವಾಸ್_ಪ್ರಸಾದರ_ಆ_ಒಂದು_ಪ್ರಶ್ನೆಗೆ_ನನ್ನ_ಉತ್ತರದಿಂದ_ಪ್ರಶಂಸೆ

#ಶೂದ್ರ_ದಲಿತರಿಗೆ_ದೇವರ_ಆರಾದಿಸುವ_ಪೂಜಾ_ವಿಧಾನದ_ತರಬೇತಿ_ಮಠ_ಮಂದಿರ_ಇವತ್ತೂ_ನೀಡಲಾಗಲಿಲ್ಲ.

   ಜೋಗ್ ಪಾಲ್ಸ್ ನ ಎನಕೋಡ ಎರಮಯ್ಯ ಮನೆಯಲ್ಲಿ ಕೇಂದ್ರ ಸಚಿವರ ರಾತ್ರಿ ಊಟ ನಡೆಯದಂತೆ ತಡೆಯಲು ಪ್ರಯತ್ನಿಸಿದ ಅಧಿಕಾರಿಗಳ ಪ್ರಯತ್ನ ವಿಫಲವಾಗಿದ್ದು ನಮ್ಮ ಕಾಯ೯ಕರ್ತರಿಗೆ  ಚುನಾವಣೆಯ ಕಣದಲ್ಲಿ ಹುರುಪು ತಂದಿತು.

  ದಲಿತರಾಗಿದ್ದ ಎನಕೋಡರ ಪೋಷಕರು ಅಸ್ಪೃಶ್ಯತೆಯ ಅವಮಾನದಿಂದ ಮಾತೃಧರ್ಮ ತೊರೆದು ಕ್ರಿಸ್ತ ಧರ್ಮ ಸೇರಿದವರಾದ ಕುಟುಂಬದವರು ಇಂತಹ ಅನೇಕ ಕುಟುಂಬ ಜೋಗ್ ಕಾಗ೯ಲ್ ಪ್ರಾಜೆಕ್ಟ್ ಪ್ರದೇಶದಲ್ಲಿ ನೆಲೆಸಿದ್ದಾರೆ.

 

 ಶ್ರೀನಿವಾಸ ಪ್ರಸಾದರ ಬೆಳಗಿನ ಓದಿಗಾಗಿ ಎಲ್ಲಾ ಪತ್ರಿಕೆಗಳು ಬೇಕ೦ತ ಹೇಳಿದ್ದರಿಂದ ಎಲ್ಲಾ ಪತ್ರಿಕೆ ಒಟ್ಟು ಮಾಡಿ ಜೋಗ ಜಲಪಾತದ ಎದುರಿನ ಸರ್ಕಾರಿ ಪ್ರವಾಸಿ ಮಂದಿರಕ್ಕೆ ಹೋದರೆ ಮಂತ್ರಿಗಳು ಅವರ ಮದುಮೇಹದ ಕಾಯಿಲೆಯ ತೊಂದರೆಗಳಿಂದ 11 ಕ್ಕೆ ಎದ್ದಿದ್ದರು.

  ಅವತ್ತು ಅವರ ಕಾರ್ಯಕ್ರಮ ಕೆಲ ಅಭ್ಯರ್ಥಿ ಮತ್ತು ಕಾರ್ಯಕರ್ತರ ಮನೆ ಬೇಟಿ ಮಾಡಿ ಅವರು ಬೆಂಗಳೂರು ಪ್ರಯಾಣ ಮಾಡುವುದಾಗಿತ್ತು.

  ಜೋಗ್ ಪಾಲ್ಸ್ ಮತ್ತು ಕಾರ್ಗಲ್ ಹಿರೇ ಬಾಸ್ಕರ ಡ್ಯಾಂ ನಿಮಾ೯ಣ ಕಾಲದಿಂದ ಡ್ಯಾಂ ನಿರ್ಮಾಣದ ಕೆಲಸಗಾರರಿ೦ದ ಕಿಕ್ಕಿರಿದು ತುಂಬಿದ್ದ ಪ್ರಾಜೆಕ್ಟ್ ಕಾಲೋನಿಗಳು ನಂತರ ವಿದ್ಯುತ್ ಉತ್ಪಾದನೆ ಪ್ರಾರಂಭವಾಗಿ ಅಲ್ಲಿಗೆ ಸರ್ಕಾರಿ ನೌಕರರಾಗಿ ಬೇರೆ ಬೇರೆ ರಾಜ್ಯದಿಂದ ಉದ್ಯೋಗಿಗಳು ಬಂದರು ನಂತರ ಹೆಚ್ಚುವರಿ ವಿದ್ಯುತ್ ಉತ್ಪಾದನೆಗಾಗಿ ಲಿಂಗನಮಕ್ಕಿಯಲ್ಲಿ ಎರಡನೇ ಡ್ಯಾಂ ನಿರ್ಮಾಣದಿಂದ ಇವರುಗಳ ಸಂಖ್ಯೆ ದುಪ್ಪಟ್ಟಾಯಿತು.

   ಇವರಿಗಾಗಿ ಲಿಂಗನಮಕ್ಕಿ, ಜೋಗ್ ಫಾಲ್ಸ್ ನಲ್ಲಿ ಆಸ್ಪತ್ರೆಗಳು, ಕ್ವಾರ್ಟರ್ಸ್ ಗಳು, ಶಾಲೆಗಳು, ದೇವಸ್ಥಾನ, ಮಸೀದಿ ಚರ್ಚ್ ಗಳು ನಿರ್ಮಾಣವಾಯಿತು.

 

ರಂಗ ಮಂದಿರಗಳು, ಆಟದ ಮೈದಾನ, ಕ್ಲಬ್ ಗಳು, ಸರ್ಕಾರಿ ಪ್ರವಾಸಿ ಮಂದಿರಗಳೂ ಪ್ರಾರಂಭವಾಯಿತು, ಜನರ ಅನುಕಾಲಕ್ಕಾಗಿ ಬಜಾರ್ ಲೈನ್, ಬ್ಯಾಂಕ್, ಸೆಲೂನ್, ಹಿಟ್ಟಿನ ಗಿರಣಿಗಳಿಂದ ಈ ಪ್ರಾಜೆಕ್ಟ್ ಪ್ರದೇಶ ಮಿನಿ ಭಾರತವೇ ಆಯಿತು ಈಗ ಆಗಿನ ಜನಸಂಖ್ಯೆ ಇಲ್ಲವಾದರೂ ಈ ಪ್ರದೇಶ ಸಾಗರ ತಾಲ್ಲೂಕಿನ ಪ್ರೇಕ್ಷಣೀಯ ಸ್ಥಳ ಮಾತ್ರವಲ್ಲದೆ ಜಾತ್ಯಾತೀತ ದರ್ಮ ಸಹಿಷ್ಣುತೆಯ ಜೊತೆಯಲ್ಲಿ ದೇಶದ ಎಲ್ಲಾ ಭಾಷೆಗಳ, ಎಲ್ಲಾ ದರ್ಮದ, ಎಲ್ಲಾ ಜಾತಿಯ ಮತ್ತು ಎಲ್ಲಾ ರಾಜ್ಯದ ಜನ ಇಲ್ಲಿ ಸಾಮರಸ್ಯದಿಂದ ಬದುಕು ಮಾಡುತ್ತಿದ್ದಾರೆ.

 

ಒ0ದು ವಿಶೇಷವೆಂದರೆ ಕ್ರಿಶ್ಚಿಯನ್ ಪಂಗಡಗಳಾದ ಕ್ಯಾಥೋಲಿಕ್, ಪಾಟೆಸ್ಟಂಟ್, ಸಿರಿಯಾ, ಜೀಸ್ಯೂಟ್ಸ್ ಅಲ್ಲದೆ ಇನ್ನೂ ಹತ್ತಾರು ಕ್ರಿಶ್ಚಿಯನ್ ಪಂಗಡಗಳು ಪ್ರತ್ಯೇಕ ಚರ್ಚ್ ಗಳನ್ನು ಮಾಡಿಕೊಂಡು ಅವರು ನಂಬಿದ ದೇವರು ಆರಾದಿಸುತ್ತಾರೆ.

   ಕೇಂದ್ರದ ಮಂತ್ರಿಗಳ ಜೊತೆ ಇಂತಹ ಒಂದು ಕ್ರಿಶ್ಚಿಯನ್ ಪಂಗಡದ ಮನೆಗೆ ಚಹಾ ಸೇವಿಸುವ ಕಾರ್ಯಕ್ರಮವಾಗಿ ಹೋಗಿದ್ದೆವು ಆಗ ಶ್ರೀನಿವಾಸ ಪ್ರಸಾದರು ಒಂದು ಪ್ರಶ್ನೆ ಕೇಳಿದರು ಅದೇನೆಂದರೆ "ಇವರೆಲ್ಲ ತಮ್ಮ ಮಾತೃ ದರ್ಮದಲ್ಲಿದ್ದಾಗ ಇಷ್ಟು ಶಿಸ್ತಿನಲ್ಲಿ ಇರುವುದಿಲ್ಲ ಆದರೆ ಮತಾಂತರ ಆದ ನಂತರ ಇಷ್ಟೆಲ್ಲ ಬದಲಾಗುವುದು ಹೇಗೆ?" ಅಂತ ಕಾರಣ ಮನೆಯ ಪರಿಸರ, ಅತಿಥಿ ಸತ್ಕಾರ, ಅತಿಥಿಗಳು ಕುಳಿತುಕೊಳ್ಳಲು ಪೀಠೊಪಕರಣ, ಚಹಾ ನೀಡಲು ಕಪ್ಪು ಸಾಸರ್, ನೀರಿನ ಗ್ಲಾಸ್, ಅದನ್ನೆಲ್ಲ ಇಡಲು ಟೀಪಾಯಿ, ಗಡಿಯಾರ, ಸ್ಟಚ್ಚವಾದ ಬಟ್ಟೆ ತೊಡುವುದು, ಮುಖ ಕ್ಷೌರ ಇತ್ಯಾದಿ....ನೋಡಿ ಮಂತ್ರಿಗಳು ಈ ಪ್ರಶ್ನೆ ಮಾಡಿದ್ದರು.

   

ಅಲ್ಲಿದ್ದ ಮುಖಂಡರುಗಳು ಯಾರು ಈ ಪ್ರಶ್ನೆಗೆ ಉತ್ತರಿಸದಿಂದ ನಾನು ಉತ್ತರಿಸಿದೆ.. "ಹಿಂದೂ ಧರ್ಮದಲ್ಲಿ ದೇವಾಲಯಗಳು ಮತ್ತು ಮಠಗಳು ಶೂದ್ರ ದಲಿತರಿಗೆ ಕನಿಷ್ಟ ಪೂಜಾ ವಿಧಾನ, ಅತಿಥಿ ಸತ್ಕಾರ, ಶಿಸ್ತಿನ ವೇಷ ಭೂಷಣ, ಜೀವನಕ್ರಮಗಳನ್ನು ಬೋದಿಸುವ ಪದ್ದತಿ ಇಲ್ಲ ಅವರವರೇ ಕಲಿತು ಬದುಕಬೇಕು ಆದರೆ ಚರ್ಚ್ ಗಳಲ್ಲಿ ಪ್ರತಿವಾರ ಇದನ್ನೆಲ್ಲ ಗಮನಿಸುವ, ಅದನ್ನು ಸರಿಪಡಿಸಿ ಕಲಿಸುವ ಬೋದಿಸುವ ಪಾದ್ರಿಗಳ ವ್ಯವಸ್ಥೆ ಇರುವುದು ಮತ್ತು ಪಾದ್ರಿಗಳು ತಿಂಗಳಿಗೊಮ್ಮೆ ಭಕ್ತರ ಮನೆಗೆ ಪ್ರಾರ್ಥನೆಯ ಕಾರಣದಿಂದ ಬೇಟಿ ಮಾಡಿ ಆಚರಣೆಯ ಲೋಪದೋಶಗಳ ಪರೀಕ್ಷೆಯೂ ಮಾಡುವುದರಿಂದ ಮತಾಂತರವಾದ ಕುಟುಂಬಗಳಲ್ಲಿ ಇಂತಹ ಪರಿಣಾಮಕಾರಿ ಬದಲಾವಣೆ ಕಾಣುತ್ತೇವೆ ಇದರಿಂದ ಮಾತೃಧರ್ಮದಲ್ಲಿ ಅಸ್ಪೃಶ್ಯತೆಯ ಅವಮಾನದಿಂದ ನೊಂದು ಬಂದವರು ಈ ಹೊಸ ಧರ್ಮದಲ್ಲಿ ಸುಖಿಗಳೆಂದು ಜೀವಿಸುತ್ತಾರೆ" ಅಂತ ಅಂದಾಗ ಶ್ರೀನಿವಾಸ್ ಪ್ರಸಾದರು ನನ್ನ ಕೈ ಕುಲುಕಿ ಸರಿಯಾಗಿ ಅನಾಲೈಸ್ ಮಾಡಿದ್ದೀರಿ ಎಂದು ಪ್ರಶಂಸಿದರು.

  ವಾಪಾಸು ಬರುವಾಗ ಇದನ್ನು ಮಾತೃ ಧರ್ಮದಲ್ಲೇ ಸರಿಪಡಿಸುವುವ ವಿದಾನ ಏನು? ಅಂತ ಪುನಃ ಪ್ರಶ್ನಿಸಿದರು ಅದಕೆ ನನ್ನ ಉತ್ತರ ಹಿಂದೂ ದಮ೯ದ ಮಠ ಮಂದಿರಗಳು ಅಲ್ಲಿನ ಪ್ರಮುಖರು ಹಿಂದೂ ದರ್ಮದಲ್ಲಿರುವ ಶೂದ್ರ ದಲಿತರಿಗೆ ಹಿಂದೂ ದಮ೯ದ ಪ್ರಾಥಮಿಕ ಪೂಜಾ ವಿಧಾನ, ಪ್ರಾರ್ಥನೆಗಳನ್ನು ಕಲಿಸಲು ಪ್ರಾರಂಬಿಸಬೇಕು, ಹಿಂದೂ ದರ್ಮದ ಪವಿತ್ರ ಗ್ರಂಥಗಳನ್ನು ಅವರರವರ ಭಾಷೆಯಲ್ಲಿ ಅವರ ಓದಿಗೆ ಅವಕಾಶ, ಮಂತ್ರಗಳನ್ನು ಸ್ಥಳಿಯ ಭಾಷೆಯಲ್ಲಿ ಪಠಿಸಬೇಕು, ಅವರ ನಿತ್ಯ ಜೀವನ ಕ್ರಮ, ವೇಷಭೂಷಣ, ವಾಸಿಸುವ ಪರಿಸರದಲ್ಲಿನ ಬದಲಾವಣೆ, ಅತಿಥಿ ಸತ್ಕಾರದ ಕ್ರಮ ಸುದಾರಣೆಯ ತರಬೇತಿ, ಅವರಿಗೆ ಹಿಂದೂ ದರ್ಮದ ಪೂಜಾ ಮಂದಿರಗಳಲ್ಲಿ ಸಾಮೂಹಿಕ ಬೋಜನಗಳ ಮೂಲಕ ಅವರಲ್ಲಿನ ಕೀಳರಿಮೆ ತೆಗೆಯುವ ಕೆಲಸ ಮಾಡಬೇಕೆಂದೆ.....ಶ್ರೀನಿವಾಸ ಪ್ರಸಾದರು ನನ್ನ ಭುಜ ತಡವಿ ಅವರ ಸಮ್ಮತಿ ವ್ಯಕ್ತಪಡಿಸಿದರು.

  ಈ ಘಟನೆ ನಡೆದು 22 ವರ್ಷವಾಯಿತು ಆದರೆ ಇಂತಹ ವ್ಯವಸ್ಥೆಯನ್ನು ಬದಲಿಸುವ ಯಾವುದೆ ದರ್ಮ ಸುದಾರಣೆಗಳ ಪ್ರಯೋಗ ಹಿಂದೂ ದರ್ಮದಲ್ಲಿ ಆಗಲಿಲ್ಲ.

  ಈಗ ಶ್ರೀನಿವಾಸ ಪ್ರಸಾದರು ಭಾರತೀಯ ಜನತಾ ಪಕ್ಷದಿಂದ ಸಂಸದರಾಗಿದ್ದಾರೆ.

ನಾಳೆ : ಮುಂದಿನ ಭಾಗ.