Blog number 1053. ಕಾಮಗಾರಿ ಎಸ್ಪಿಮೇಟ್ ಗೆ ಗ್ರಾಮಸ್ಥರು ಕೈ ಹಾಕಿದರೆ ಗುಣಮಟ್ಟದ ಕಾಮಗಾರಿ ಸಾಧ್ಯವಿದೆ, ಗುದ್ದಲಿ ಪೂಜೆ ಗುಣಮಟ್ಟದ ಕಾಮಗಾರಿಯ ಜನಜಾಗೃತಿ ವೇದಿಕೆ ಆಗಲಿ

#ಸಮಸ್ಯೆ_ಪರಿಹಾರ_ಮಾರ್ಗ_ಯೋಚಿಸಬೇಕು.

#ಸರ್ಕಾರಿ_ಕಾಮಗಾರಿ_ಗುಣಮಟ್ಟ_ಕಾಪಾಡುವ_ಸುಲಭ_ಉಪಾಯವಿದೆ

#ಪ್ರತಿ_ಸರ್ಕಾರಿ_ಕಾಮಗಾರಿ_ಎಸ್ಟಿಮೇಟ್_ಗ್ರಾಮಸ್ಥರಿಗೆ_ನೀಡುವುದು

#ಗುದ್ದಲಿ_ಪೂಜೆ_ಕೈಬಿಟ್ಟು_ಕಾಮಗಾರಿ_ಎಸ್ಟಿಮೇಟ್_ಗ್ರಾಮಸ್ಥರ_ಕೈಗಿಡುವ_ಮೂಲಕ_ಕಾಮಗಾರಿ_ಉಧ್ಘಾಟನೆ.

#ಮಾಹಿತಿ_ಹಕ್ಕಿನಲ್ಲಿ_ಎಸ್ಟಿಮೇಟ್_ಪಡೆಯ_ಬಹುದು.

#ನನ್ನ_ಜಿಲ್ಲಾಪಂಚಾಯಿತಿ_ಆವದಿಯಲ್ಲಿ_14_ಇಂಜಿನಿಯರ್_ನನ್ನ_ಕ್ಷೇತ್ರದಿಂದ_ಹೊರಹೋಗಿದ್ದರು.

#ಕಳಪೆ_ಕಾಮಗಾರಿ_ಮಾಡುವ_ದುರಾಸೆಯ_ಗುತ್ತಿಗೆದಾರರು_ನನ್ನ_ವಿರುದ್ಧ_ಕತ್ತಿ_ಮಸೆಯುತ್ತಿದ್ದರು. '

#ರಾಜಕಾರಣಿ_ಕಂ_ಗುತ್ತಿಗೆದಾರರು_ಆಗಿನ_ಮಂತ್ರಿ_ಕಾಗೋಡು_ತಿಮ್ಮಪ್ಪರಿಗೆ_ದೂರು_ನೀಡಿದ್ದರು.

 

 ಜನಪ್ರತಿನಿದಿಗಳು ಆಯ್ಕೆ ಆಗಿ ಶಾಸನ ಸಭೆಯಲ್ಲಿ ಶಾಸನ ಮಾಡುವ ಕಾಲ ಈಗಿಲ್ಲ, ವಿವಿದ ಯೋಜನೆಗಳಲ್ಲಿ ತಾವು ಪ್ರತಿನಿಧಿಸುವ ಕ್ಷೇತ್ರಕ್ಕೆ ಹೆಚ್ಚು ಕಾಮಗಾರಿ ಮಾಡಿಸಬೇಕು ಇದಕ್ಕಾಗಿ ಹೆಚ್ಚು ಅನುದಾನ ತರಬೇಕು ಈ ಮೂಲಕ ತಮ್ಮ ಜನಪ್ರಿಯತೆ ಉಳಿಸಿಕೊಳ್ಳುವ ಪ್ರಯತ್ನ ಈಗಿನ ಎಲ್ಲಾ ಜನಪ್ರತಿನಿದಿಗಳದ್ದು.

 

 ಹೆಚ್ಚಾಗಿ ತಮ್ಮ ಪರವಾಗಿ ಚುನಾವಣೆಯಲ್ಲಿ ಸಹಾಯ ಮಾಡುತ್ತಾರೆಂಬ ನಿರೀಕ್ಷೆಯಲ್ಲಿ ತಮ್ಮ ಪಕ್ಷದ ಕಾರ್ಯಕರ್ತರಿಗೆ ಕಾಮಗಾರಿ ಗುತ್ತಿಗೆ ಕೊಡಿಸುತ್ತಾರೆ.

  ಹೆಚ್ಚು ಲಾಭದ ನಿರೀಕ್ಷೆಯಲ್ಲಿ ಮತ್ತು ಮದ್ಯವರ್ತಿಗಳ ಕಮೀಷನ್ ಗಳು, ರಾಜಕೀಯ ಪಕ್ಷದ ಸ್ಥಳಿಯರಿಗೆ ದೇಣಿಗೆ ಇತ್ಯಾದಿಗಳು ನೀಡಬೇಕಾದ್ದರಿಂದ ಕಾಮಗಾರಿ ಕಳಪೆ ಅನ್ನುತ್ತಾರೆ.

  ಆದರೆ ಕಾಮಗಾರಿಗೆ ಹಣ ತರುವುದು ಜನಪ್ರತಿನಿದಿ ಆದರೆ ಅನೂಷ್ಟಾನ ಮಾಡುವ ಇಲಾಖೆ ಇಂಜಿನಿಯರ್ ವಿಭಾಗ ಗುಣಮಟ್ಟದ ಕಾಮಗಾರಿ ಮಾಡಿಸಬೇಕು ಆದರೆ ಕಡಿಮೆ ಇಲಾಖಾ ಸಿಬ್ಬಂದಿ ಮಿತಿ ಮೀರಿದ ಕಾಮಗಾರಿಗಳ ಸಂಖ್ಯೆಯಿಂದ ಅಪರಾತಪರಾಗಳು ಆಗುತ್ತದೆ.

  ನಾನು ಜಿಲ್ಲಾ ಪಂಚಾಯತ್ ಸದಸ್ಯನಾಗಿದ್ದಾಗ ಕಳಪೆ ಕಾಮಗಾರಿ ನಿವಾರಿಸಲು ಕಂಡುಕೊಂಡ ಮಾರ್ಗ ಪ್ರತಿ ಕಾಮಗಾರಿ ಎಸ್ಟಿಮೇಟ್ ನಕಲು ಗ್ರಾಮಸ್ಥರ ಕೈಗೆ ನೀಡುವುದು ಇದರಿಂದ ನನ್ನ ಕ್ಷೇತ್ರದಲ್ಲಿ ಕಾಮಗಾರಿ ಗುಣಮಟ್ಟ ಕಾಪಾಡಿಕೊಂಡಿದ್ದರಿಂದ 22 ವರ್ಷ ಆದರೂ ಆಗಿನ ಕಾಮಗಾರಿ ಈಗಲೂ ಇದೆ.

   ಎರೆಡು ಘಟನೆಗಳು ಇಲ್ಲಿ ನಮೂದಿಸಿದ್ದೇನೆ ಆನಂದಪುರಂ ಜಿಲ್ಲಾ ಪಂಚಾಯತ್ ಕ್ಷೇತ್ರದ ಎಲ್ಲಾ ಪರಿಶಿಷ್ಟ ಜಾತಿ ಕಾಲೋನಿ ರಸ್ತೆ ಡಾಂಬರಿಕರಣ ಮಾಡುವಾಗ ಗುತ್ತಿಗೆದಾರರೂ ಮತ್ತು ಇಂಜಿನಿಯರ್ ಗಳಿಗೆ ಪರಿಶಿಷ್ಟ ಕಾಲೋನಿಯಲ್ಲಿ ಹೇಗಾದರೂ ಕಾಮಗಾರಿ ಮಾಡಿದರಾಯಿತೆಂಬ ಅಸಡ್ಡೆ ಇತ್ತು.

   ನಾನು ಎಲ್ಲಾ ಇಂತಹ ಕಾಲೋನಿಯ ಅಕ್ಷರ ಜ್ಞಾನ ಪಡೆದ ಯುವಕರ ಕೈಗೆ ಎಸ್ಟಿಮೇಟ್ ನೀಡಿ ಅವರ ಕಾಲೋನಿ ರಸ್ತೆ ಕಾಮಗಾರಿ ಪರಿಶೀಲನೆಗೆ ತಯಾರು ಮಾಡಿದ್ದು ಗುತ್ತಿಗೆದಾರರಿಗೆ ಇಂಜಿನಿಯರ್ ಗೆ ಇದು ಗೊತ್ತಿರಲಿಲ್ಲ.

  ಆಚಾಪುರದ ಪರಿಶಿಷ್ಟ ಕಾಲೋನಿ ರಸ್ತೆಗೆ ಕಾಟಾಚಾರಕ್ಕೆ ಡಾಂಬಾರು ಮಾಡಿ ಸಾಗರಕ್ಕೆ ಹೋಗಿದ್ದ ಗುತ್ತಿಗೆದಾರ ಮರುದಿನ ಇಂಜಿನಿಯರ್ ಜೊತೆ ಬಿಲ್ ಬರೆಸಲು ಬಂದಾಗ ಕಾಲೋನಿಯ ಇಡಿ ರಸ್ತೆಯ ಡಾಂಬಾರು ಪದರ ಕಾಲೋನಿಯವರು ಚಾಪೆಯಂತೆ ಸುತ್ತಿ ಮಡಚಿ ಇಟ್ಟಿದ್ದರು!!.

  ಗೇರುಬೀಸಿನಲ್ಲಿ ಸಣ್ಣ ಪಿಕ್ ಅಪ್ ಕಾಮಗಾರಿಗೆ ಕಾಂಕ್ರಿಟ್ ಪ್ರೋಪಷನ್ ಬೇಕಾಬಿಟ್ಟಿ ಮಾಡಲು ಗುತ್ತಿಗೆದಾರರು ಪ್ರಯತ್ನಿಸಿದಾಗ ಊರವರೆಲ್ಲ ಸೇರಿ ಎಸ್ಟಿಮೇಟ್ ತೋರಿಸಿದಾಗ ಗುತ್ತಿಗೆದಾರ ಕಂಗಾಲು!!.

 

  ಇದರಿಂದ ಇಂಜಿನಿಯರ್ ಗಳು 5 ವಷ೯ದಲ್ಲಿ 14 ಜನ ಓಡಿ ಹೋದರು, ಗುತ್ತಿಗೆದಾರ ಕಂ ರಾಜಕೀಯ ಕಾರ್ಯಕರ್ತರು ನನ್ನ ಮೇಲೆ ಸಿಟ್ಟಾದರು ಇದೆಲ್ಲ ಆಗ ಮಂತ್ರಿಗಳಾಗಿದ್ದ ಸಾಗರದ ವಿದಾನ ಸಭಾ ಕ್ಷೇತ್ರದ ಕಾಗೋಡು ತಿಮ್ಮಪ್ಪರ ಹತ್ತಿರ ಅವರ ದೂರಿಗೆ ಕಾಲು ಬಾಲು ಸೇರಿಸಿ ದೂರಿದರು.

     ಕಾಗೋಡು ಇಂಜಿನಿಯರ್ ನ್ನು ಕರೆಸಿ ಪ್ರತ್ಯೇಕವಾಗಿ ನನ್ನ ಬಗ್ಗೆ ವಿಚಾರಿಸಿದರಂತೆ ಆಗ ಅವರಿಗೆ ಪರ್ಸೆಂಟೇಜ್ ತೆಗೆದುಕೊಳ್ಳದ ಜಿಲ್ಲಾ ಪಂಚಾಯತ್ ಸದಸ್ಯ ಅನ್ನುವುದು ಮನವರಿಕೆ ಆದ್ದರಿಂದ ನನ್ನ ಕ್ಷೇತ್ರದ ಗುಣಮಟ್ಟದ ಕಾಮಗಾರಿಗೆ ಅವರೂ ಬೆಂಬಲಿಸಿದರು.

  ನಂತರ ನಾನು ಕಾಮಗಾರಿ ಪರಿಶೀಲನೆಗೆ ಹೋದಾಗ ಗುತ್ತಿಗೆದಾರರು ಭಯ ಬೀಳುತ್ತಿದ್ದರು ಆದರೆ ಪ್ರಾಮಾಣಿಕ ಗುತ್ತಿಗೆದಾರರಾಗಿದ್ದ ಸಾಗರದ ಬೇಬಿ ಕಂಟ್ರಾಕ್ಟರ್, ಇಕ್ಕೇರಿ ನಾರಾಯಣ ಶರ್ಮ ಇಂಜಿನಿಯರ್ ಗಳ ಹತ್ತಿರ ತಮ್ಮ ಬಿಲ್ಗಾಗಿ ಜಗಳ ಮಾಡುವಂತ ವ್ಯವಸ್ಥೆ ಉಂಟಾಗಿತ್ತು.

   ಗುಣಮಟ್ಟದ ಕಾಮಗಾರಿಗೆ ಜಿಲ್ಲೆಯಲ್ಲಿ ಸೊರಬ ವಿಧಾನಸಭಾ ಕ್ಷೇತ್ರದ ಕುಮಾರ್ ಬಂಗಾರಪ್ಪ ಹೆಚ್ಚು ಗಮನ ನೀಡುತ್ತಾರೆ, ಪ್ರತಿ ಕಾಮಗಾರಿಯನ್ನು ಎಸ್ಟಿಮೇಟ್ ಹಿಡಿದುಕೊಂಡೆ ಪರಿಶೀಲನೆ ಮಾಡುತ್ತಾರೆ, ಗುಣಮಟ್ಟ ಕಳಪೆ ಆದರೆ ಕಾಮಗಾರಿ ಉದ್ಘಾಟನೆ ಮಾಡದೆ ವಾಪಾಸ್ ಹೋಗುತ್ತಾರೆ ಇದರಿಂದ ಅವರದೇ ಪಕ್ಷದ ಗುತ್ತಿಗೆದಾರರು ಅವರ ವಿರುದ್ದ ಸಮರ ಸಾದಿಸುತ್ತಿದ್ದಾರೆ.

 

ಪ್ರತಿಯೊಬ್ಬ ಶಾಸಕ, ಜನಪ್ರತಿನಿದಿಗಳಿಗೆ ಗುಣಮಟ್ಟದ ಕಾಮಗಾರಿ ಮಾಡಿಸುವುದು ದೊಡ್ಡ ಸವಾಲು ಕೂಡ.

  ಕಳಪೆ ಕಾಮಗಾರಿ ಆದರೆ 40% ಕಮಿಷನ್ ಎಂಬ ಟ್ರೋಲ್ ಕೂಡ ಆಗುವುದು ರಾಜಕಾರಣಿಗಳ ಜನಪ್ರಿಯತೆಗೆ ಕುಂದೂ ಕೂಡ.

  ಇದನ್ನು ಸುಲಭವಾಗಿ ಪರಿಹರಿಸುವ ದಾರಿ ಸದರಿ ಕಾಮಗಾರಿ ಎಸ್ಟಿಮೇಟ್ ನಕಲು ಆಯಾ ಗ್ರಾಮದವರಿಗೆ ಕಾಮಗಾರಿ ಪ್ರಾರಂಬಿಸುವ ದಿನ ನೀಡುವ ಪಾರದರ್ಶಕ ಕ್ರಮ ಅಳವಡಿಸಿಕೊಳ್ಳಬೇಕು.

   ಫಲಾನುಭವಿ ಗ್ರಾಮಸ್ಥರೂ ಎಸ್ಟಿಮೇಟ್ ನಕಲು ನೀಡದಿದ್ದರೆ ಕಾಮಗಾರಿ ಪ್ರಾರಂಬಿಸಲು ಬಿಡಬಾರದು ಅಷ್ಟಕ್ಕೂ ಎಸ್ಟಿಮೇಟ್ ನೀಡದಿದ್ದರೆ RTI ಅಂದರೆ ಮಾಹಿತಿ ಹಕ್ಕಿನಲ್ಲಿ ಅರ್ಜಿ ನೀಡಿ ಎಸ್ಟಿಮೇಟ್ ಪಡೆಯಬಹುದು.