Blog number 1839. ಮಲೆನಾಡು ಪ್ರಾಂತ್ಯದಲ್ಲಿ ಕಂಬಳ ಓಟದ ತಯಾರಿಯಲ್ಲಿ ವಕೀಲರಾದ ಕುಬಟಳ್ಳಿ ರಾಮಚಂದ್ರ ಮತ್ತು ಅವರ ತಂಡ.

#ಕಾಂತಾರ_ಸಿನಿಮಾದಿಂದ_ಜನಪ್ರಿಯವಾದ_ಕರಾವಳಿ_ಕಂಬಳ

#ಈಗ_ಬೆಂಗಳೂರು_ಕಂಬಳದಿಂದ_ಶಿವಮೊಗ್ಗ_ಜಿಲ್ಲೆಯಲ್ಲಿ_ಕಂಬಳ

#ರಿಪ್ಪನಪೇಟೆಯಲ್ಲಿ_ಕಂಬಳ_ಯಶಸ್ವಿ_ಆದೀತಾ?

#ಹಿಂದಿನ_ಆಲೆಮನೆ_ಕಾಲದಲ್ಲಿ_ಘಟ್ಟ_ಹತ್ತಿ_ಬರುತ್ತಿದ್ದ_ಆಲೆ_ಕೋಣ_ಈಗಿಲ್ಲ

#ಬೆಂಗಳೂರು_ಕಂಬಳಕ್ಕಾಗಿ_ಸಕಲೇಶಪುರ_ಘಟ್ಟ_ಹತ್ತಿದ_ಕಂಬಳ_ಕೋಣಗಳು .

#ದೇಶದ_ರಕ್ಷಣಾಸಚಿವ_ಜಾಜ್೯ಪರ್ನಾಂಡೀಸರು_ಬಸ್ರೂರಿನ_ಐ_ಎಂ_ಜಯರಾಂಶೆಟ್ಟರ_ಮನೆಯ_ಕಂಬಳದಲ್ಲಿ_ಬಾಗಿ_ಆಗಿದ್ದರು.

#ತೀರ್ಥಹಳ್ಳಿ_ಹೊಸನಗರ_ಸಾಗರದ_ಮಲೆನಾಡಿನಲ್ಲಿ_ಕಂಬಳ_ತಯಾರಿಯಲ್ಲಿ_ಕುಬಟಳ್ಳಿ_ರಾಮಚಂದ್ರ_ವಕೀಲರ_ತಂಡ

#ಮೊದಲ_ದೇಣಿಗೆಯಾಗಿ_ನನ್ನ_ಹತ್ತು_ಸಾವಿರ_ಘೋಷಿಸಿದ್ದೇನೆ.

#ಪ್ರೋಕಬ್ಬಡಿಯಂತೆ_ಕಂಬಳ_ಪ್ರಸಿದ್ಧಿ_ಪಡೆಯಲಿದೆ.

#ಕಂಬಳದ_ಕೋಣ_ಓಡಿಸುವವರು_ಸ್ಟಾರ್_ಆಟಗಾರರಾಗಲಿದ್ದಾರೆ.

     ಇವತ್ತು ಬೆಳಿಗ್ಗೆ ವಾಕಿಂಗ್ ಮಾಡುವಾಗ ಶಿವಮೊಗ್ಗದಿಂದ ವಕೀಲರಾದ ಕುಬಟಳ್ಳಿ ರಾಮಚಂದ್ರ ಪೋನ್ ಮಾಡಿದ್ದರು ಇವರು ಶಿವಮೊಗ್ಗ ಜಿಲ್ಲಾ ಈಡಿಗ ಸಮಾಜದ ಉಪಾಧ್ಯಕ್ಷರು, ಇರುವಕ್ಕಿ ಕೃಷಿ ವಿಶ್ವವಿದ್ಯಾಲಯದ ಕಾನೂನು ಸಲಹೆಗಾರರು .

   ಇವರು ಕಾಗೋಡು ಹೋರಾಟದ ನೇತಾರ ಗಣಪತಿಯಪ್ಪ, ಮಾಜಿ ಶಾಸಕರಾದ ಸ್ವಾಮಿ ರಾವ್, ಪಟಮಕ್ಕಿ ರತ್ನಾಕರ್, ಜಿ.ಮಾದಪ್ಪ, ಸಾಹಿತಿ ಕೋಣಂದೂರು ವೆಂಕಪ್ಪಗೌಡರ, ಹಿರಿಯ ಸಮಾಜವಾದಿಗಳಾದ ಪಿ.ಪುಟ್ಟಯ್ಯರ ನಿಕಟವರ್ತಿಗಳು ಮತ್ತು ಮಲೆನಾಡಿನ ಬಗರ್ ಹುಕುಂ ರೈತರ ಅರಣ್ಯ ಒತ್ತುವರಿದಾರ ಸಮಸ್ಯೆ ಪರಿಹಾರದ ಬಗ್ಗೆ ಯಾವಾಗಲು ಶ್ರಮಿಸುವ ಜನಾನುರಾಗಿ ಇವರು.

   

ಇವರೂ ಮತ್ತು ಇವರ ಗೆಳೆಯರು ಸೇರಿ ಶಿವಮೊಗ್ಗ ಜಿಲ್ಲೆಯ ತೀರ್ಥಹಳ್ಳಿ, ಹೊಸನಗರ ಮತ್ತು ಸಾಗರ ತಾಲ್ಲೂಕು ಪ್ರಾಂತ್ಯದ ಕಂಬಳ ಸ್ಪರ್ದೆ ಒ0ದನ್ನು ಆಯೋಜಿಸಲು ತೀರ್ಮಾನಿಸಿದ್ದಾರೆಂದು ಇದಕ್ಕಾಗಿ ಈ ಮೂರು ತಾಲ್ಲೂಕಿಗೆ ಕೇಂದ್ರ ಆಗುವ ರಿಪ್ಪನ್ ಪೇಟೆಯ ಮುಖ್ಯ ರಸ್ತೆಯಲ್ಲಿ ಕಂಬಳ ನಡೆಸಲು ಬೋರ್ ವೆಲ್ ನೀರಿನ ವ್ಯವಸ್ಥೆ ಇರುವ ವಿಶಾಲವಾದ ಗದ್ದೆ ಬಯಲಿನ ಜಾಗದ ಮಾಹಿತಿ ಬಯಸಿದ್ದರು ಇದಕ್ಕೆ ಸೂಕ್ತ ವ್ಯಕ್ತಿ ಹುಡುಕಿ ಕೊಡಲು ತಿಳಿಸಿದ್ದಾರೆ.

   ಎಮ್ಮೆ ಮತ್ತು ಕೋಣಗಳ ಬಗ್ಗೆ ಜನರಲ್ಲಿ ತಾತ್ಸಾರವಿದೆ, ಎಮ್ಮೆ ಹಾಲು ತುಪ್ಪಕ್ಕೆ ಬೇಡಿಕೆ ಇದೆ ಗೋ ಸಮ್ಮೇಳನಗಳು ನಡೆಯುತ್ತದೆ ಆದರೆ ಎಮ್ಮೆ ಕೋಣದ ಸಮ್ಮೇಳನ ನಡೆದಿಲ್ಲ ಇಂತಹ ಕಂಬಳಗಳು ಕೋಣಗಳಿಗೆ ವಿಶೇಷ ಸ್ಥಾನಮಾನ ನೀಡುವ ಸಮಾವೇಶಗಳಾಗಿದೆ.

 

  ಉಡುಪಿ ಮಾಜಿ ಸಂಸದರಾಗಿದ್ದ ಐ.ಎಂ. ಜಯರಾಂ ಶೆಟ್ಟರ ಕುಂದಾಪುರ ತಾಲ್ಲೂಕಿನ ಬಸ್ರೂರಿನ ಅವರ ಮನೆಯಲ್ಲಿ ಪ್ರತಿ ವರ್ಷ ಕಂಬಳ ನಡೆಸುತ್ತಾರೆ ಅವರು ಜಾರ್ಜ್ ಪರ್ನಾಂಡಿಸರ #ಸಮತಾ_ಪಾರ್ಟಿ ಕರ್ನಾಟಕ ರಾಜ್ಯ ಅಧ್ಯಕ್ಷರಾಗಿದ್ದರು ಆದ್ದರಿಂದ 2002ರಲ್ಲಿ ರಕ್ಷಣಾ ಸಚಿವರಾದ ಜಾರ್ಜ್ ಪರ್ನಾಂಡೀಸರನ್ನು ಉಧ್ಘಾಟನೆಗೆ ಆಮಂತ್ರಿಸಿದ್ದರು.

   ಕೋಟೇಶ್ವರದ ಸರ್ಕಾರಿ ಕಾಲೇಜು ಆವರಣದಲ್ಲಿ ಹೆಲಿಕಾಪ್ಟರ್ ನಲ್ಲಿ ಇಳಿದು ಬಸ್ರೂರಿನ ಐ.ಎಂ.ಜಯರಾಂ ಶೆಟ್ಟರ ಮೂಲ ಮನೆಗೆ ಬಂದು ಊಟ ಮಾಡಿ ನಂತರ ಕಂಬಳದ ಗದ್ದೆಯ ಎದುರಿನ ವೇದಿಕೆಯಲ್ಲಿ ದೀಪ ಬೆಳಗಿಸಿ ಕಂಬಳ ಉದ್ಘಾಟನೆ ಮಾಡಿ ಜಾರ್ಜ್ ಅವರು ಕನ್ನಡದಲ್ಲಿ ಕರಾವಳಿಯ ಕಂಬಳದ ಬಗ್ಗೆ ಅಭಿಮಾನದಿಂದ ಮಾತಾಡಿದ್ದರು ಪಕ್ಕದಲ್ಲೇ ಅವರ ಕನಸಿನ ಕೊಂಕಣ ರೈಲು ಮಾರ್ಗ ನೋಡಿ ಅವರು ಖುಷಿ ಆಗಿದ್ದರು.

   ನಾನು ರಾಜ್ಯ ಸಮತಾ ಪಾರ್ಟಿ ಪ್ರಧಾನ ಕಾರ್ಯದರ್ಶಿ ಆಗಿದ್ದರಿಂದ ರಾಜ್ಯ ಅಧ್ಯಕ್ಷರಾದ ಜಯರಾಂ ಶೆಟ್ಟರ ಆಹ್ವಾನದ ಮೇಲೆ ಭಾಗವಹಿಸಿದ್ದೆ, ಜಾರ್ಜ್ ಫರ್ನಾಂಡೀಸರು ನನ್ನನ್ನು ಕರೆದು ಜೋಗ್ ಕಾರ್ಗಲ್ ಪಟ್ಟಣ ಪಂಚಾಯಿತಿಯ ಮೊದಲ ಚುನಾವಣೆಯಲ್ಲಿ ಸಮತಾ ಪಾರ್ಟಿ ಅಭ್ಯಥಿ೯ಗಳು ಸ್ಪರ್ಧೆ ಮಾಡಿದ ಬಗ್ಗೆ ವಿಚಾರಿಸಿದ್ದರು.

 ಆಗ ಉಡುಪಿ ಜಿಲ್ಲೆಯ ಜಿಲ್ಲಾಧಿಕಾರಿ ಆಗಿದ್ದವರು ಉಮಾಶಂಕರ್, ಅವರು ಶಿವಮೊಗ್ಗದ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಆಗಿದ್ದಾಗ ನಾನು ಜಿಲ್ಲಾ ಪಂಚಾಯತ್ ಸದಸ್ಯನಾಗಿದ್ದೆ ಆಗ ಶಿವಮೊಗ್ಗ ಜಿಲ್ಲಾ ಪಂಚಾಯತ್ ಔಷದಿ ಹಗರಣದಲ್ಲಿ ಔಷದಿ ಗೋದಾಮು ಸುಟ್ಟು ಹಾಕಿದ ಪ್ರಕರಣದಲ್ಲಿ ನನ್ನ ಪ್ರತಿಭಟನೆ ದೊಡ್ಡ ಸುದ್ದಿ ಆಗಿತ್ತು ಉಮಾ ಶಂಕರ್ ನನ್ನ ಮೇಲೆ ಸುಳ್ಳು ದೂರು ದಾಖಲಿಸಿ ಜೈಲಿಗೆ ಕಳಿಸಿದ್ದರು ಆಗ ಮುಖ್ಯಮಂತ್ರಿ ಆಗಿದ್ದ ಜೆ.ಹೆಚ್. ಪಾಟೇಲರು ಇವರನ್ನು ರಜೆ ಮೇಲೆ ಕಳಿಸಿ ವರ್ಗಾವಣೆ ಮಾಡಿದ್ದರು, ಆಗಿನ ಜಿಲ್ಲಾ ರಕ್ಷಣಾಧಿಕಾರಿಯನ್ನು ವರ್ಗಾಯಿಸಿದ್ದರು.

 

 ಜಾರ್ಜ್ ಅವರ ಒಡನಾಟ ನೋಡಿ ಜಿಲ್ಲಾಧಿಕಾರಿ ಉಮಾಶಂಕರ್ ನನ್ನನ್ನು ಬಂದು ಮಾತಾಡಿಸಿದ್ದರು ಇವೆಲ್ಲ ಬಸ್ರೂರಿನ ಜಯರಾಂ ಶೆಟ್ಟರ ಮನೆ ಕಂಬಳದ ನೆನಪುಗಳು.

  ನಿನ್ನೆ ಮತ್ತು ಇವತ್ತು (25 & 26 ನವೆಂಬರ್ 2023) ಬೆಂಗಳೂರಿನ ಅರಮನೆ ಆವರಣದಲ್ಲಿ ಇದೇ ಮೊದಲ ಬಾರಿಗೆ ಕರಾವಳಿ ಕಂಬಳ ಯಶಸ್ವಿ ಆಗಿ ಜನಾಕರ್ಷಕವಾಗಿ ನಡೆಯುತ್ತಿದೆ.

   ಮೊದಲೆಲ್ಲ ಆಲೆ ಶೆಟ್ಟರು ಘಟ್ಟಕ್ಕೆ ಆಲೆಮನೆಗಾಗಿ ಕರಾವಳಿಯ ಆಲೆ ಕೋಣಗಳನ್ನು ಘಟ್ಟ ಹತ್ತಿಸುತ್ತಿದ್ದರು ಈಗ ಕೋಣನ ಅಲೇ ಕಣೆಗಳು ವಿದ್ಯುತ್ ಆಲೇ ಕಣೆಗಳಾಗಿ ಬದಲಾಗಿದ್ದರಿಂದ ಕೋಣಗಳು ಬರುತ್ತಿಲ್ಲ.

  ಈಗ ಕಾಂತಾರ ಸಿನಿಮಾದ ದಣಿ ದೇವೇಂದ್ರ ಸುತ್ತೂರು ಇವರ ಶಿಷ್ಯ ಶಿವು ಕಂಬಳದಿಂದ ಕರಾವಳಿಯಿಂದ ಕಂಬಳದ ಕೋಣಗಳು ಬೆಂಗಳೂರು ಅರಮನೆ ಮೈದಾನಕ್ಕೆ ಸಕಲೇಶಪುರದ ಘಟ್ಟ ಹತ್ತಿ ಬಂದಿದೆ.

   ಮುಂದಿನ ದಿನಗಳಲ್ಲಿ ಪ್ರೋ ಕಬ್ಬಡಿಯಂತೆ ಕಂಬಳ ರಾಜ್ಯ ವ್ಯಾಪ್ತಿಯಲ್ಲಿ ಪ್ರಸಿದ್ಧಿ ಪಡೆಯಬಹುದು, ಕಂಬಳದಲ್ಲಿ ಕೋಣ ಓಡಿಸುವವರು ಸೂಪರ್ ಸ್ಟಾರ್ ಗಳಾಗಿ ಬಿಡುವ ಕಾಲ ಬರಲಿದೆ.

   ಕರಾವಳಿಯಿಂದ ಕೂಲಿಗಾಗಿ ಘಟ್ಟಕ್ಕೆ ವಲಸೆ ಬಂದು ಇಲ್ಲೇ ನೆಲೆಸಿರುವ ಸಾವಿರಾರು ಕುಟುಂಬಗಳು ತೀರ್ಥಹಳ್ಳಿ - ಹೊಸನಗರ - ಸಾಗರ ತಾಲೂಕಿನಲ್ಲಿ ಹೆಚ್ಚಾಗಿರುವುದರಿಂದ ಈ ಪ್ರಾಂತ್ಯದಲ್ಲಿ ನಡೆಯಲಿರುವ ಕಂಬಳ ಯಶಸ್ಸು ಕಾಣಲಿದೆ.

   ಈ ಕಂಬಳಕ್ಕೆ ಪ್ರೋತ್ಸಾಹ ಧನವಾಗಿ ಹತ್ತು ಸಾವಿರ ( 10,000) ನಾನು ದೇಣಿಗೆ ಘೋಷಿಸಿದ್ದೇನೆ.