Blog number 1822. ಭ್ರಷ್ಟಾಚಾರಿಗಳಿಗೆ ಸಿಂಹ ಸ್ವಪ್ನ ಆಗಿದ್ದ ರವಿ ಬೆಳೆಗೆರೆ ನಮ್ಮನ್ನಗಲಿ ಮೂರು ವರ್ಷ ಆಯಿತು ಅವರಂತಹ ಇನ್ನೊಬ್ಬ ಪತ್ರಕರ್ತ ಹುಟ್ಟಿ ಬರಲಿಲ್ಲ ಮತ್ತು ಹಾಯ್ ಬೆಂಗಳೂರ್ ಅಂತ ಪತ್ರಿಕೆಯೂ ಇನ್ನೊಂದು ಬರಲಿಲ್ಲ.

#ಮತ್ತೆ_ಮತ್ತೆ_ನೆನಪಾಗುವ_ರವಿಬೆಳೆಗೆರೆ.

#ಕನ್ನಡ_ಪತ್ರಿಕೋದ್ಯಮದಲ್ಲಿ_ಸಂಚಲನ_ಮೂಡಿಸಿದ್ದ.

#ನ್ಯಾಯದ_ಪರವಾಗಿದ್ದ_ಭ್ರಷ್ಟಾಚಾರಿಗಳಿಗೆ_ಸಿಂಹಸ್ವಪ್ನವಾಗಿದ್ದ.

#ರವಿಬೆಳೆಗೆರೆ_ಮತ್ತು_ಹಾಯ್_ಬೆಂಗಳೂರು_ವಾರಪತ್ರಿಕೆ

#ಇವತ್ತು_ಅವರ_ಮೂರನೆ_ಸಂಸ್ಮರಣ_ದಿನ

#ಜನವರಿ_21_2020ರಲ್ಲಿ_ಆನಂದಪುರಂನ_ನಮ್ಮ_ಸಂಸ್ಥೆಯಲ್ಲಿ_ಕೊನೆಯ_ಬೇಟಿ.

#ಹಾಯ್_ಬೆಂಗಳೂರಿನಂತ_ಪತ್ರಿಕೆ

#ರವಿಬೆಳೆಗೆರೆಯಂತ_ಬರಹಗಾರ_ಮತ್ತೊಮ್ಮೆ_ಹುಟ್ಟಿ_ಬರಲು_ಸಾಧ್ಯವಾ?

  ಹಾಯ್ ಬೆಂಗಳೂರ್ ಗೆ ಕಾಯುವವರೆಷ್ಟು ಮಂದಿ, ಓದಿ ಮುಷ್ಟಿ ಕಟ್ಟಿ "ವಾವ್ ರವಿಬೆಳೆಗೆರೆ " ಅನ್ನುವವರು, ಅಂಕಣ ಓದಿ ಕಣ್ಣೀರಾಗುವವರು, ಈ ಪತ್ರಿಕೆ ಅಂದರೆ ಬೆಚ್ಚಿ ಬೀಳುವವರು... ಹಾಯ್ ಬೆಂಗಳೂರ್ ಸೃಷ್ಟಿಸಿದ ಸಂಚಲನ ಇದರ ಸಂಪಾದಕರಾದ ರವಿಬೆಳೆಗೆರೆ ಎರಡು ದಶಕ ಕರ್ನಾಟಕ ರಾಜ್ಯದಲ್ಲಿ ಗಳಿಸಿದ ಕೀರ್ತಿ ಪತಾಕೆಗಳು ಈ ಹಿಂದೆ ಮತ್ತು ಮುಂದೆ ಬೇರಾವ ಪತ್ರಿಕೆ ಅಥವ ಬರಹಗಾರನೂ ಸೃಷ್ಟಿಯಾಗಿ ಬರಲು ಸಾಧ್ಯವೇ ಇಲ್ಲ ಅನ್ನಿಸುತ್ತದೆ.

 

 ಹಾಯ್ ಬೆಂಗಳೂರು ಪತ್ರಿಕೆಯಲ್ಲಿ ನನ್ನನ್ನು ಮುಖಪುಟದಲ್ಲಿ ಪ್ರಕಟಿಸಿ ನನ್ನ ಹೋರಾಟಕ್ಕೆ ಬೆಂಬಲಿಸಿದ್ದರು, ಪಕ್ಷೇತರನಾಗಿ 1999 ರಲ್ಲಿ ಸಾಗರ ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ದಿಸಿದ್ದೆ ಕಾಂಗ್ರೇಸ್ ಕಾಗೋಡು ತಿಮ್ಮಪ್ಪ ಮತ್ತು ಬಿಜೆಪಿ ಎಲ್.ಟಿ.ತಿಮ್ಮಪ್ಪ ಹೆಗ್ಗಡೆ ವಿರುದ್ದ ಆಗ ಅವರು ಹಾಯ್ ಬೆಂಗಳೂರ್ ಮುಖ ಪುಟದಲ್ಲಿ ನೀಡಿದ ಹೆಡ್ಡಿಂಗ್ #ಎರೆಡು_ತಿಮ್ಸ್_ಮಧ್ಯ_ಒಬ್ಬ_ಆರುಣಪ್ರಸಾದ್.

 

ನನ್ನ ಮತ್ತು ಅವರ ಕೊನೆಯ ಬೇಟಿ ಅವರು ಮತ್ತು ಹಾಯ್ ಬೆಂಗಳೂರು ವರದಿಗಾರ ಶೃಂಗೇಶ್ ಸಾಗರದ ನ್ಯಾಯಾಲಯದಲ್ಲಿನ ಕೇಸಿಗೆ ಬಂದಾಗ ನಮ್ಮ ಲಾಡ್ಜ್ ನಲ್ಲಿ ಇಡ್ಲಿ- ವಡೆ - ಕಾಫಿ ಕುಡಿದು, ನನ್ನ ಗೆಳೆಯರು ಸಿಬ್ಬಂದಿಗಳ ಜೊತೆ ಮಾತಾಡಿ, ತಮಾಷೆ ಮಾಡಿ, ಪೋಟೋ ತೆಗೆಸಿ ಕೊಂಡಿದ್ದು 21- ಜನವರಿ - 2020 ರಂದು. ಇದೇ ವಷ೯ 13 - ನವೆಂಬರ್ -2020ರ ಬೆಳಗಿನ ಜಾವ ಅವರಿಲ್ಲ ಎಂಬ ಸುದ್ದಿ.

   ಪತ್ರಿಕೋದ್ಯಮದಲ್ಲಿ ಸಂಚಲನ ಮೂಡಿಸಿದ್ದ, ನ್ಯಾಯದ ಪರವಾಗಿದ್ದ, ಭ್ರಷ್ಟಾಚಾರಿಗಳಿಗೆ ಸಿಂಹ ಸ್ವಪ್ನ ಆಗಿದ್ದ ರವಿ ಬೆಳೆಗೆರೆ ಮರೆಯಲು ಸಾಧ್ಯವೇ ಇಲ್ಲ, ಇವತ್ತು ಅವರ ಮೂರನೆ ಸಂಸ್ಮರಣಾ ದಿನ.

    ಅವತ್ತು13 - ನವೆಂಬರ್ 2020ರ ಮಧ್ಯರಾತ್ರಿ.... ಪ್ರಜಾವಾಣಿ ವಿಭಾಗೀಯ ಪ್ರಸರಾಣಾಧಿಕಾರಿ ಸಂಗಣ್ಣ ಪ್ರಕಾಶ್ ವಾಟ್ಸ್ ಪ್ ನಲ್ಲಿ ರವಿ ಬೆಳೆಗೆರೆ ಅಸ್ತಂಗತ ಅಂತ ಸುದ್ದಿ ಕಳಿಸಿದ್ದು ನೋಡಿ ನನ್ನ ಮನಸ್ಸು ಸೂತಕದ ಮನೆ ಅಂತಾಯಿತು.

 ಮೊದಲು ಪ್ರಕಟವಾದ ಹಾಯ್ ಬೆಂಗಳೂರ್ ನ ಮೊದಲ ಪ್ರತಿಯಿಂದ ಶುರುವಾಗಿ ಸಾವಿರದ ಇನ್ನೂರು ದಾಟಿದ ಪ್ರತಿ ಪತ್ರಿಕೆ, ಅವರು ಬರೆದ ಅನುವಾದಿಸಿದ ಎಲ್ಲಾ ಪುಸ್ತಕ ಓದಿದ್ದೇನೆ.

  ನನ್ನ ಜೀವನದ ಎಲ್ಲಾ ಏಳು ಬೀಳಿನಲ್ಲಿ ರವಿ ಬೆಳೆಗೆರೆಯ ಬರಹಗಳು, ಅವರ ಜೀವನದ ಅನುಭವ ನನಗೆ ವಿಪರೀತ ಪ್ರಭಾವ ಉಂಟು ಮಾಡಿತ್ತು.

  ಇವರ ನನ್ನ ಮೊದಲ ಬೇಟಿ ಹೇಗಾಯಿತೆ೦ದರೆ ಶಿವಮೊಗ್ಗ ಜಿಲ್ಲಾ ಪಂಚಾಯತ್ ಕೋಟ್ಯಾಂತರ ರೂಪಾಯಿ ಹಣ ಕಳಪೆ ಔಷದಿ ಖರೀದಿಸಿ ಲಕ್ಷಾಂತರ ರೂಪಾಯಿ ಹೊಡೆದು ತಿಂದ ಕಥೆ ಅವತ್ತಿನ ಜಿಲ್ಲಾ ಸಜ೯ನ್ ರಹಸ್ಯವಾಗಿ ತಿಳಿಸಿದ್ದನ್ನ, ಜಿಲ್ಲಾ ಪಂಚಾಯತ್ ಸಭೆಯಲ್ಲಿ ಮಂಡಿಸಿ ತನಿಖೆಗೆ ಒತ್ತಾಯಿಸಿದ್ದರಿಂದ ಅವತ್ತು ರಾತ್ರಿಯೇ ಈ ಔಷದಿ ಗೋದಾಮ ವಿದ್ಯುತ್ ಅವಘಡದಿಂದ ಸುಟ್ಟು ಹೋಯಿತೆಂದು ಮಾಡಿ ಇದನ್ನು ಪ್ರತಿಭಟಿಸಿದ ನನ್ನ ಮೇಲೆ ಸುಳ್ಳು ಕೇಸ್ ಮಾಡಿ ಜೈಲಿಗೆ ಕಳಿಸಿದ ಪ್ರಕರಣದಲ್ಲಿ ಜಿಲ್ಲಾ ಮಟ್ಟದ ಎಲ್ಲಾ ಅಧಿಕಾರಿಗಳು,ಅಧಿಕಾರ ಹೊಂದಿದ್ದ ಎಲ್ಲಾ ರಾಜಕಾರಣಿಗಳು ಪಾಲುದಾರರಾಗಿದ್ದಾಗ ನಾನು ಒಬ್ಬಂಟಿ ಆಗಿದ್ದೆ.

   

ಆ ಸಂದಭ೯ದಲ್ಲಿ ಹಾಯ್ ಬೆಂಗಳೂರು ನನ್ನ ಪರವಾಗಿ ಪ್ರಕಟಿಸಿದ ವರದಿ ನನಗೆ ನನ್ನ ಹೋರಾಟದ ನೈತಿಕತೆಗೆ ಹೆಚ್ಚಿನ ಬಲ ಮತ್ತು ಆತ್ಮವಿಶ್ವಾಸ ಉಂಟು ಮಾಡಿತ್ತು.

  ಇದಕ್ಕಾಗಿ ಧನ್ಯವಾದ ಹೇಳಲು ರವಿ ಬೆಳೆಗೆರೆಗೆ ಪೋನ್ ಮಾಡಿದಾಗ "ಸ್ವತಃ ನೀವು ಬೆಂಗಳೂರಿನ ನನ್ನ ಆಪೀಸಿಗೆ ಬಂದು ಧನ್ಯವಾದ ಹೇಳಿ "  ಅಂದಿದ್ದರು.

 

  ಹಾಗಾಗಿ ಬೆಂಗಳೂರಿನ ಅವರ ಕಛೇರಿಗೆ ಹೋಗಿ ಬೇಟಿ ಮಾಡಿದ್ದೆ " ಏನ್ರಿ ಒಂದು ಒಳ್ಳೇ ಪೋಟೋ ಕೊಡೋಕೆ ಆಗಿಲ್ಲೇನ್ರಿ? ಕ್ರಿಮಿನಲ್ ಗಳೇ ಸೂಟು ಬೂಟು ಕೂಲಿಂಗ್ ಗ್ಲಾಸ್ ಹಾಕಿ ಪತ್ರಿಕೆಗೆ ಪೋಟೊ ಕೊಡುತ್ತಾರೆ" ...ಅಂತ ತಮಾಷೆ ಮಾಡಿದ್ದರು ಇದಕ್ಕೆ ಕಾರಣ ನನ್ನ ಬಗ್ಗೆ ವರದಿ ಮಾಡಿದ ಶೃಂಗೇಶರಿಗೆ ಅವತ್ತು ನನ್ನ ಪರಿಚಯ ಇರಲಿಲ್ಲ ಮತ್ತು ಸರಿಯಾದ ಪೋಟೊ ಅವರಿಗೆ ಸಿಕ್ಕಿರಲಿಲ್ಲ.

   ನಂತರ ನನ್ನ ಬಗ್ಗೆ ಅನೇಕ ಲೇಖನಗಳು ಹಾಯ್ ಬೆಂಗಳೂರಿನಲ್ಲಿ ಬಂದಿದೆ, ಬಹಿರಂಗ ಸಭೆಯಲ್ಲಿ ರವಿ ಬೆಳೆಗೆರೆ ನನ್ನ ಬಗ್ಗೆ ಮಾತಾಡಿದ್ದು ಎಲ್ಲಾ ಈಗ ನೆನಪು.

 ನಮ್ಮ ಮಲ್ಲಿಕಾ ವೆಜ್ ನ ಇಡ್ಲಿ ವಡಾ ಸಾಂಬಾರು ಮತ್ತು ಕೊಥಾಸ್ ಪಿಲ್ಟರ್ ಕಾಫಿ ಅವರಿಗೆ ತುಂಬಾ ಇಷ್ಟ,ಹಾಗೆಯೇ ನಮ್ಮ ಚಂಪಕಾ ಪ್ಯಾರಾಡೈಸ್ ನ ಮಡಿಕೆ ದಮ್ ಬಿರಿಯಾನಿಗೆ ಅವರು ಪಿದಾ ಆಗಿದ್ದರು ಅವರು ಅದನ್ನು ಪೇಸ್ ಬುಕ್ ನಲ್ಲೂ ಬರೆದಿದ್ದರು.

 

 ಅವರ ನನ್ನ ಕೊನೆಯ ಭೇಟಿ ಲಾಕ್ ಡೌನ್ ಗೆ ಕೆಲ ದಿನ ಮೊದಲು 21- ಜನವರಿ -2020ರಂದು ಈ ಮಾಗ೯ದಲ್ಲಿ ಬಂದಾಗ ಶೃಂಗೇಶ್ ಬೆಳಗಿನ ಉಪಹಾರಕ್ಕೆ ನಮ್ಮಲ್ಲಿ ಕರೆತಂದಿದ್ದರು ಇಂತಹ ಇಡ್ಲಿ ಸಾಂಬಾರು ಚಟ್ನಿ ಸ್ಟಾರ್ ಹೋಟಲ್ ಲ್ಲಿ ಸಿಗೋದಿಲ್ಲ ಅಂದಿದ್ದರು.

 ನನ್ನ ಗೆಳೆಯರು ಮತ್ತು ನನ್ನ ಸಿಬ್ಬಂದಿಗಳ ಜೊತೆ ಪೋಟೊ ತೆಗೆಸಿಕೊಂಡರು ಅವರನ್ನ ನನ್ನ ಗೆಳೆಯರು ಅವರ ಕ್ರೈಂಡೈರಿ ಬಗ್ಗೆ ನೆನಪಿಸಿದಾಗ ಅವರು ಆ ಬಗ್ಗೆ ಮಾತಾಡಿದ ವಿಡಿಯೋ ಮಾಡಿದ್ದೆ.

  ಅವತ್ತು ಅವರಿಗಾಗಿ 2 ಬಿರಿಯಾನಿ ಅವರ ಡ್ರೈವರ್ ಗೆ ಒ0ದು ಮೊಟ್ಟೆ ಬಿರಿಯಾನಿ ಕೇಳಿದ್ದರು ಅದನ್ನು ಸಾಗರಕ್ಕೆ ಅವರ ಕೋಟ್೯ ಕಲಾಪ ಮುಗಿಸುವ ಮೊದಲೇ ಅವರಿಗೆ ತಲುಪಿಸಿದ್ದೆ ಅಲ್ಲಿಂದ ಅವರು ಜೋಯಿಡಾ ಹೋದರು.    

     ಮುಂದಿನ ಸಾರಿ ಪುನಃ ಬರುವುದಾಗಿ ಹೋದವರು ರಾತ್ರಿ ಇಹಲೋಕ ತ್ಯಜಿಸಿ ಬಾರದ ಲೋಕಕ್ಕೆ ಹೋಗಿದ್ದು ವಿಷಾದನೀಯ.