Blog number 1196. ಪತ್ರಕರ್ತ ಹರತಾಳು ಹೆಚ್.ವಿ.ನಾರಾಯಣ ರಾವ್ ಕೊಲೆ 1970 ರ ದಶಕದಲ್ಲಿ ರಾಜ್ಯದಾದ್ಯಂತ ಸೆನ್ಸ್ ಸೇಷನಲ್ ಸರಣಿ ಲೇಖನಗಳ ಸುದ್ದಿ.

https://youtu.be/tPLY21R1V-c

#ಹೆಚ್_ವಿ_ಆರ್_ನೆನಪುಗಳು_ಭಾಗ_3

#ಹರತಾಳಿನ_ಪತ್ರಕರ್ತ_ನಾರಾಯಣ್_ರಾವ್_ಕೊಲೆ

#ಜಿಲ್ಲಾ_ಪತ್ರಿಕೆ_ಮಲೆನಾಡು_ವಾರ್ತಾ_ವರದಿಗಾರರು

#ಭೂಪಾಳಂ_ಚಂದ್ರಶೇಖರಯ್ಯ_ಸಂಪಾದಕತ್ವದಲ್ಲಿ

#ಸಾಕ್ಷಿ_ಕೊರತೆಯಿಂದ_ಕೇಸ್_ಖುಲಾಸೆ

#ಪ್ರಜಾವಾಣಿ_ಕನ್ನಡಪ್ರಭದಲ್ಲಿ_ಸರಣಿ_ಲೇಖನ

#ಹೆದರಿಸಲು_ಹೋಗಿ_ಕೊಲೆ_ಆರೋಪದಿಂದ_ಬಂದಿಸಲ್ಪಟ್ಟವರು.

#ಪಶ್ಚಾತ್ತಾಪದಿಂದಲೇ_ಇಹಲೋಕ_ತ್ಯಜಿಸಿದ_ಹತ್ಯಾ_ಆರೋಪಿ 

#ಬ್ರಾಹ್ಮಣ_ಹತ್ಯಾ_ದೋಷದಿಂದ_ಕುಷ್ಟ_ರೋಗ_ಬಂದಿತೆಂಬ_ಅವನ_ಸುಪ್ತಮನಸ್ಸಿನ_ಭಯ.

#ಹರತಾಳು_ಹಾಲಪ್ಪಗೌಡರ_ಕುಟುಂಬ_ವೈದ್ಯರು_ನಮ್ಮ_ತಂದೆ

 

 ಹೊಸನಗರ ತಾಲ್ಲೂಕಿನ ಹರತಾಳಿನ ಪತ್ರಕರ್ತ ಹೆಚ್.ವಿ. ನಾರಾಯಣ ರಾವ್ ಸಾಗರದ ಹಿರಿಯ ಪತ್ರಕರ್ತ ಸಾಗರ ಸಂದೇಶದ ಹೆಚ್.ವಿ. ಆರ್. ಅಣ್ಣ.

  1960-70 ರ ದಶಕದ ಶಿವಮೊಗ್ಗ ಜಿಲ್ಲೆಯ ಅತ್ಯಂತ ಹೆಚ್ಚು ಪ್ರಸರಣದ ಭೂಪಾಳಂ ಚ೦ದ್ರಶೇಖರಯ್ಯನವರ ಮಲೆನಾಡು ವಾರ್ತಾ ಪತ್ರಿಕೆ ವರದಿಗಾರರು.

   ಇವರ ಕೊಲೆ ಪ್ರಕರಣ ಆಗ ಇಡೀ ರಾಜ್ಯದಲ್ಲಿ ಸೆನ್ಸೆಷನಲ್ ನ್ಯೂಸ್ ಆಗಿತ್ತು, ಪ್ರಜಾವಾಣಿ ಮತ್ತು ಕನ್ನಡ ಪ್ರಭದಲ್ಲಿ ಸರಣಿ ಲೇಖನವಾಗಿತ್ತು.

  ಆಗ ಜಿಲ್ಲಾ ರಕ್ಷಣಾಧಿಕಾರಿಗಳು ಗರುಡಾಚಾರ್ ನಂತರ ಬೆಂಗಳೂರಿನ ದಾಖಲೆಯ ದೀರ್ಘ ಕಾಲಾವದಿಯ ಪೋಲಿಸ್ ಕಮಿಷನರ್ ಆಗಿದ್ದವರು, ಇವರ ಪುತ್ರ ಉದಯ ಗರುಡಾಚಾರ್ ಬೆಂಗಳೂರಿನ ಚಿಕ್ಕಪೇಟೆಯಿಂದ ಹಾಲಿ ಬಿಜೆಪಿ ಶಾಸಕರು.

  ಇವರ ಆಪ್ತರಾದ ಸಮಾಜವಾದಿ ಸಾಹಿತಿ ಕೋಣ೦ದೂರು ವೆಂಕಪ್ಪ ಗೌಡರ ಜೊತೆ ಬೆಂಗಳೂರಿನ ಜೆ ಪಿ ನಗರದ ಗರುಡಾಚಾರ್ ಮನೆಯಲ್ಲಿ ಅವರ ಬೇಟಿಯನ್ನು ಮಾಡಿದ್ದೆ, ಅವರು ಶಿವಮೊಗ್ಗ ಜಿಲ್ಲೆಯ ಚಂದ್ರಗುತ್ತಿ ಬಗ್ಗೆ ಬರೆದ ಪುಸ್ತಕದ ಬಗ್ಗೆ ತಿಳಿಸಿದ್ದರು.

   ಸಣ್ಣದಾದ ಬಿನ್ನಾಭಿಪ್ರಾಯ ಪ್ರಾರಂಭವಾಗಿದ್ದು ಸ್ಥಳಿಯ ಪತ್ರಿಕೆ ವರದಿಗಾರರ ವರದಿ, ಅದರ ಮರುದಿನ ನಡೆದ ಅಬಕಾರಿ ದಾಳಿಗಳು ಪತ್ರಕರ್ತರ ಕೊಲೆಗೆ ಕಾರಣ ಎಂಬುದು ಪೋಲಿಸರ ದೋಷಾರೋಪ.

   ಸಾಕ್ಷಿ ಕೊರತೆಯಿಂದ ಕೊಲೆ ಆರೋಪದಿಂದ ಖುಲಾಸೆ ಆಯಿತು ಆದರೆ ನಿಜವಾಗಿ ಕೊಲೆ ಮಾಡಿದವ ನನ್ನ ಶಿಷ್ಯನಾಗಿ ಅಂತಿಮ ಜೀವನ ಕಳೆದ, ಅವನಿಗೆ ಕುಷ್ಟರೋಗ ಆಯಿತು ಇದು ಬ್ರಾಹ್ಮಣ ಹತ್ಯೆಯ ಶಾಪ ಅನ್ನುವ ಅವನ ಪಾಪ ಪ್ರಜ್ಞೆ ಅವನ ಸುಪ್ತ ಮನಸ್ಸಿನಿಂದ ತೆಗೆಯಲು ನನ್ನ ಪ್ರಯತ್ನಗಳು ವಿಫಲ ಆಯಿತು.

   ಹರತಾಳು ಹಾಲಪ್ಪ ಗೌಡರನ್ನು ಹಳಿಯಲು ಆಗ ದೊಡ್ಡ ಮಟ್ಟದಲ್ಲಿ ಅನೇಕ ಪ್ರಯತ್ನಗಳು ನಡೆಯಿತು ಅವರನ್ನು ಬಂದಿಸಿದರು ಆದರೆ ಅವರು ಎಲ್ಲಾ ಆರೋಪದಿಂದ ಖುಲಾಸೆ ಆದರು.

   ಆಗ ನನಗೆ 5-6 ವರ್ಷದವನು ಹರತಾಳು ಹಾಲಪ್ಪ ಗೌಡರು ಜಾಮೀನು ಪಡೆದು ಮದ್ಯಾಹ್ನದ ಜಗದೀಶ್ವರ ಬಸ್ಸಿಗೆ ನಮ್ಮ ಮನೆ ಎದುರಿನ ಯಡೇಹಳ್ಳಿ ಸರ್ಕಲ್ ನಲ್ಲಿ ಬಂದು ಇಳಿಯುತ್ತಾರೆಂಬ ಸುದ್ದಿಯಿಂದ ನೂರಾರು ಜನ ಸೇರಿದ್ದರು ಗೌಡರನ್ನು ಕರೆದೊಯ್ಯಲು ಹರತಾಳಿನಿಂದ ಜೀಪು ಬಂದು ನಮ್ಮ ಮನೆ ಎದರು ನಿ೦ತಿತ್ತು.

   ಬಸ್ಸಿನಿಂದ ಇಳಿದ ಅಜಾನುಬಾಹು ಹಾಲಪ್ಪ ಗೌಡರು "ಕೃಷ್ಣಪ್ಪಾ" ಅಂತ ನನ್ನ ತಂದೆಯನ್ನು ಅಪ್ಪಿಕೊಂಡಾಗ ನಾನು ಭಯ ಪಟ್ಟಿದ್ದೆ ಆದರೆ ನಮ್ಮ ತಂದೆ ಅವರ ಕುಟುಂಬ ವೈದ್ಯರು.

  2017ರಲ್ಲಿ ಹರತಾಳು ಹಾಲಪ್ಪ ಗೌಡ ದಂಪತಿಗಳು ನನ್ನ ಆಫೀಸಿಗೆ ಬಂದಿದ್ದರು ಅವರ ಬಗ್ಗೆ ನನಗೆ ಈಗಲೂ ಅಭಿಮಾನ ಒಂದು ಕೆಟ್ಟ ಕ್ಷಣದಿಂದ ಆವೇಶದಿಂದ ನಿಯತ್ತಿನ ಕೆಲಸಗಾರರ ಬೌದ್ದಿಕ ಶಕ್ತಿಯ ಕೊರತೆ ಮತ್ತು ಅವರ ಹುಂಬ ಮಸಲ್ ಪವರ್ ಗಳ ವಿಜೃಂಬಣೆಯಿಂದ ಪತ್ರಕರ್ತ ಹೆಚ್.ವಿ.ನಾರಾಯಣ ರಾವ್ ಹತ್ಯಾ ಪ್ರಕರಣದ ಕಾರಣದಿಂದ ಅವರು ಆರೋಪಿ ಆಗಿದ್ದು ವಿಪರ್ಯಾಸ.

   ಇದು ಅವರ ಜೀವನ ಪಯ೯೦ತ ನೋವು ಪಶ್ಚಾತ್ತಾಪಕ್ಕೆ ಕಾರಣವಾಯಿತು, ನಿಜ ಕೊಲೆಗಾರ ನನ್ನ ಶಿಷ್ಯನಾಗಿದ್ದ ಮತ್ತು ಕೊಲೆಯಾದ ಹರತಾಳಿನ ಹೆಚ್.ವಿ.ನಾರಾಯಣ ರಾವ್ ಸಹೋದರ ಸಾಗರದ ಹಿರಿಯ ಪತ್ರಕರ್ತ ಹೆಚ್.ವಿ.ಆರ್. ಈ ಘಟನೆಯ 50 ವರ್ಷದ ನಂತರ ತಮ್ಮ ನೆನಪಿನ ಸರಣಿಯಲ್ಲಿ ವಿವರಿಸಿದ್ದಾರೆ.