Blog number 875, ಶಿವಮೊಗ್ಗದ ಕೋಟೆ ಆಂಜನೇಯ ದೇವಾಲಯದಲ್ಲಿ ಅಮೂರ್ತ ವೇಳೆಯಲ್ಲಿ ನನ್ನ ಮದುವೆ ಆಗಿ 33 ವರ್ಷ ಆಗಲಿದೆ, ಮದುವೆ ಮಾಡಿಸಿದವರು ಪ್ರದಾನ ಅರ್ಚಕರಾದ ವಿಶ್ವ ಹಿಂದೂ ಪರಿಷತ್ ಸಂತ ಸಮಾವೇಶದ ಸಂಚಾಲಕರಾದ ನರಸಿಂಹಮೂರ್ತಿ ಆಯ್ಯಂಗಾರರು

#ಶಿವಮೊಗ್ಗದ_ಕೋಟೆ_ಆಂಜನೇಯ_ದೇವಸ್ಥಾನ.

#ಕೆಳದಿ_ಅರಸರ_ಶಿವಮೊಗ್ಗ_ಕೋಟೆಯ_ಆಂಜನೇಯ

#ಇಲ್ಲಿನ_ಅರ್ಚಕರಾಗಿದ್ದ_ನರಸಿಂಹಮೂರ್ತಿ_ಅಯ್ಯಂಗಾರ್

#ನನ್ನ_ಮದುವೆ_ಮಾಡಿಸಿದವರು.

  1989 - ಆಗಸ್ಟ್ -23 ರಂದು ನನ್ನ ಮದುವೆ ಶಿವಮೊಗ್ಗದ ಕೋಟೆ ಆಂಜನೇಯ ದೇವಾಲಯಲ್ಲಿ ನಿಗದಿ ಆಗಿತ್ತು, ವಿವಾಹ ಆಹ್ವಾನ ಪತ್ರಿಕೆ ಇಲ್ಲ, ಕೆಲವೇ ಕೆಲವು ಆಪ್ತರ ಸಾಕ್ಷಿಯಾಗಿ ನನ್ನ ಮದುವೆ.

  ಇದಕ್ಕೂ ಒ0ದು ವರ್ಷ ಮೊದಲು ಶಿವಮೊಗ್ಗದ ಸಬ್ ರಿಜಿಸ್ಟ್ರಾರ್ ಕಛೇರಿಯಲ್ಲಿ ಮನೆಯಲ್ಲಿ ಯಾರಿಗೂ ತಿಳಿಸದೆ ವಿವಾಹ ನೊಂದಾವಣೆ ಮಾಡಿಸಿದ್ದೆ.

   ನನಗೆ ಗಾರ್ಡಿಯನ್ ಆಗಿ ಸಾಗರದ ತೀ.ನಾ. ಶ್ರೀನಿವಾಸ್ (ನಂತರರ ಸಾಗರ ಪುರಸಭೆ ಅಧ್ಯಕ್ಷರಾದರು - ಶಿವಮೊಗ್ಗ ಜಿಲ್ಲಾ ಕಾಂಗ್ರೇಸ್ ಅಧ್ಯಕ್ಷರಾಗಿದ್ದರು) ನನ್ನ ಪತ್ನಿಗೆ ಗಾರ್ಡಿಯನ್ ಆಗಿ ಅವಳ ಸಹೋದರಿಯ ಬಾಡಿಗೆ ಮನೆ ಮಾಲಿಕರಾದ ಶ್ರೀ ಮತಿ ಮುತ್ತು ಮೇರಿಯಮ್ಮ ಸಹಿ ಮಾಡಿದ್ದರು.

  ವಿವಾಹ ನೊಂದಾವಣೆ ಮಾಡಿದ್ದು ನನ್ನ ಪತ್ನಿಗೆ ಮುಂದೆ ಮದುವೆಗೆ ಏನಾದರೂ ಅಡೆತಡೆ ಬಂದರೂ ನಮ್ಮ ವಿವಾಹ ಖಾತ್ರಿ ಎಂದು ದೃಡೀಕರಿಸಲು ಮತ್ತು ಇದು ರಹಸ್ಯವಾಗಿಡಬೇಕೆಂಬುದು ನಮ್ಮ ಉದ್ದೇಶ ಆದರೆ ನಮ್ಮ ವಿವಾಹ ನೊಂದಾವಣಿಯನ್ನು ಆಕ್ಷೇಪಣೆ ಸಲ್ಲಿಸಲು ಅವಕಾಶ ನೀಡಿ ಸಾಗರದ ಸಬ್ ರಿಜಿಸ್ಟ್ರಾರ್ ಆಫೀಸಿನ ನೋಟೀಸ್ ಬೋರ್ಡಿಗೆ ಹಾಕುತ್ತಾರಂತ ಗೊತ್ತಿರಲಿಲ್ಲ.

  ಪಕ್ಕದ ಟ್ರಜರಿಯಲ್ಲಿ ಉದ್ಯೋಗಿ ಆಗಿದ್ದ ನನ್ನಣ್ಣನ ಶಾಲಾ ಸಹಪಾಠಿ ಅಣ್ಣಪ್ಪನವರು ನನ್ನಣ್ಣನಿಗೆ ತಿಳಿಸಿದಾಗ, ನನ್ನಣ್ಣ ಅದನ್ನು ನೋಡಿ ಬಂದು ನಮ್ಮ ತಂದೆಗೆ ತಿಳಿಸಿದ ನಂತರ ನಮ್ಮ ರಹಸ್ಯ ವಿವಾಹ ನೊಂದಾವಣಿ ವಿಷಯ ಜಗಜ್ಜಾಹೀರ ಆಯಿತು.

  ಅದಾಗಿ ಒಂದು ವರ್ಷದ ನಂತರ ದೇವಾಲಯದಲ್ಲಿ ತಾಳಿ ಕಟ್ಟಿ ಮದುವೆ ಆಗಲು ನಮ್ಮ ತಂದೆ ಒಪ್ಪಿಗೆ ನೀಡಿದರು, ಅವರ ಗೆಳೆಯರ ಮಗಳೆ ಇವರ ಸೊಸೆ ಆದರೂ ನಮ್ಮ ತಂದೆಗೆ ಬ್ರಾಹ್ಮಣ ಶಾಪ ಒಳ್ಳೆಯದಲ್ಲ ಎಂಬ ಭಯದಿಂದ ವಿಳಂಬವಾಗಿ ಒಪ್ಪಿಗೆ ನೀಡಿದರು.

   ಶಿವಮೊಗ್ಗದ ಕೋಟೆ ಆಂಜನೇಯ ದೇವಾಲಯದ ಪ್ರದಾನ ಅಚ೯ಕರಾಗಿದ್ದ ನರಸಿಂಹಮೂರ್ತಿ ಅಯ್ಯಂಗಾರರು ಅವತ್ತು ಮಹೂರ್ತ ಇಟ್ಟುಕೊಟ್ಟ ಸಮಯ ಮೀರಿದ ಮೇಲೆ ನಮ್ಮ ದಿಬ್ಬಣ (ಕೆಲವೇ ಜನರದ್ದು) ದೇವಾಲಯ ತಲುಪಿತು,ಕಾರಣ ನಮ್ಮ ತಂದೆ ರಾತ್ರಿ ಬರಲು ಒಪ್ಪಿದವರು ಬೆಳಿಗ್ಗೆ ಬರುವುದಿಲ್ಲ ಎಂದು ಹಠ ಹಿಡಿದದ್ದು.ನಾನು ಮಾತ್ರ ನೀವು ಬರದಿದ್ದರೆ ನಾನು ಮದುವೆ ಆಗುವುದಿಲ್ಲ ಎಂಬ ಸೆಂಟಿಮೆಂಟಲ್ ಸೀನ್ ಎಲ್ಲಾ ಸುಖಾಂತ್ಯ ಆಗುವಾಗ ಭರಪೂರ ಮಳೆಯಿಂದ ಮಹೂರ್ತ ತಪ್ಪಿ ಹೋಯಿತು.

   ಶಿವಮೊಗ್ಗದಲ್ಲಿ ನನ್ನ ಪತ್ನಿ ಅವಳ ಸಹೋದರಿಯ ಮನೆಯಲ್ಲಿ ಮದುವೆ ಮಹೂರ್ತ ಕಳೆದರೂ ಬರದಿರುವುದು ನೋಡಿ (ಆ ಕಾಲದಲ್ಲಿ ಈಗಿನ ರೀತಿ ಸಂಪರ್ಕ ಪೋನು ಇರಲಿಲ್ಲ) ಅವಳು ಅವಳ ಸಹೋದರಿಯರು ಮತ್ತು ಮನೆ ಮಾಲಿಕರು ಏನೋ ಅನಾಹುತ ಅಂತ ಬಾವಿಸಿದ್ದರು.

 ವಿಳಂಬವಾಗಿ ದೇವಾಲಯ ತಲುಪಿದ ನಮಗೆ ಪ್ರದಾನ ಅರ್ಚಕರಾದ ನರಸಿಂಹ ಮೂರ್ತಿ ಅಯ್ಯಂಗಾರರು, ಮಹೂರ್ತ ಇಲ್ಲದ ಸಮಯದಲ್ಲಿ ವಿವಾಹ ಮಾಡಬಾರದಾಗಿ ಇದರಿಂದ ದಂಪತಿಗಳಿಗೆ ಒಳ್ಳೆಯದಾಗದೆಂದು  ತಿಳಿಸಿದರು. ಆಗ ನಾನು ವಿನಂತಿಸಿದೆ "ಏನಾದರೂ ನಾನು ಎದುರಿಸುತ್ತೇನೆ ಇವತ್ತು ಮದುವೆ ಆಗದಿದ್ದರೆ ಮುಂದಿನ ದಿನ ನಿಗದಿಗೆ ಅನೇಕ ವಿಘ್ನ ಖಂಡಿತಾ" ಅಂತ ವಿವರಿಸಿದೆ. ಆಮೇಲೆ ಅವರು ಎಲ್ಲದಕ್ಕೂ ಕೋಟೆ ಆಂಜನೇಯನೇ ನಿಮ್ಮನ್ನು ಕಾಪಾಡಲಿ ಎಂದು ಒಪ್ಪಿದರು.

  ನನ್ನಣ್ಣ ಹೋಗಿ ಹೆಣ್ಣಿನ ಕಡೆಯವರ ದಿಬ್ಬಣ ಕರೆತಂದ. ಮಹೂರ್ತ ಇಲ್ಲದ ಅಮೂರ್ತದಲ್ಲಿ ನಾನು ತಾಳಿ ಕಟ್ಟಿ ಮದುವೆ ಆದೆ, ಮುಂದಿನ ಆಗಸ್ಟ್ ಗೆ 33 ವರ್ಷ ಆಗಲಿದೆ.

  2019 ರ ನನ್ನ ಮಗಳ ಮದುವೆಯಲ್ಲಿ ನನ್ನ ವಿವಾಹದಲ್ಲಿ (1989) ಭಾಗವಹಿಸಿದವರಿಗೆಲ್ಲ ಉಡುಗರೆ ನೀಡಿ ಆಹ್ವಾನಿಸಿದ್ದೆ.

  ಮೊನ್ನೆ ಶಿವಮೊಗ್ಗ ವೈದ್ಯರ ಬಳಿ ಹೋದಾಗ ಸುಮಾರು 32 ವರ್ಷದ ನಂತರ ಕೋಟೆ ಆಂಜನೇಯ ದೇವರಿಗೆ ಕೈ ಮುಗಿಯುವಾಗ ಇದೆಲ್ಲ ನೆನಪಾಯಿತು.

  ಆಗ ಕೋಟೆ ಆಂಜನೇಯ ದೇವಸ್ಥಾನದ ಪ್ರದಾನ ಅರ್ಚಕರಾಗಿದ್ದ ನರಸಿಂಹ ಮೂರ್ತಿ ಅಯ್ಯಂಗಾರರು ವಿಶ್ವ ಹಿಂದೂ ಪರಿಷತ್ ನಲ್ಲಿ ಪ್ರಮುಖರಾಗಿ #ಸಂತರ_ಸಮಾವೇಶಗಳನ್ನು ನಡೆಸಿ ಪ್ರಖ್ಯಾತರಾಗಿದ್ದರು ಈಗ ಅವರಿಲ್ಲ.

  ಮೊನ್ನೆ ದೇವಾಲಯದಲ್ಲಿ ಅವರ ಪುತ್ರ ಅನಂತರಾಮ ಅಯ್ಯಂಗಾರರು ಸಿಕ್ಕಿದರು ಪರಿಚಯ ಮಾಡಿಕೊಂಡು ಅವರ ಪಾದಕ್ಕೆ ವಂದಿಸಿ ಆಶ್ರೀವಾದ ಪಡೆದೆವು.

  ದಾಂಪತ್ಯ ಜೀವನದ 33 ವರ್ಷ ಬೇವು -ಬೆಲ್ಲದಂತೆ ಕಳೆದು ಹೋಯಿತು ಅವತ್ತಿನ ದಿನದಲ್ಲಿ ನನ್ನ ಮದುವೆಗೆ ಸಾಕ್ಷೀ ಅದವರು ಅನೇಕರು ಈಗ ಇಲ್ಲ, ಅವರೆಲ್ಲರೂ ನೆನಪಾದರು.

  ಇನ್ನೊಂದು ವಿಷಯ ಅವತ್ತು ತಾಳಿ ಕಟ್ಟಿದ ನಂತರ ಶಿವಮೊಗ್ಗದ ಜ್ಯೂವೆಲ್ ರಾಕ್ ಹೋಟೆಲ್ ನಲ್ಲಿ ಸಸ್ಯಹಾರ ಮತ್ತು ಮಾ೦ಸಹಾರದ ಊಟ ನನ್ನ ಮದುವೆಗೆ ಬಂದವರಿಗೆ ಮಾಡಿಸಿದ್ದೆ.

  ಅವತ್ತು ಅಮೂಹರ್ತದಲ್ಲಿ  ಶಿವಮೊಗ್ಗದ ಕೋಟೆ ಆಂಜನೇಯನ ಎದುರು ತಾಳಿ ಕಟ್ಟಿದ ನಮಗೆ ಕೋಟೆ ಆಂಜನೇಯನೇ ಕಾಪಾಡೆಂದು ಪ್ರಾರ್ಥಿಸಿದ್ದ ನರಸಿಂಹಮೂರ್ತಿಯವರ ಪ್ರಾರ್ಥನೆಯಂತೆ ಕೋಟೆ ಆಂಜನೇಯ ಕಾಪಾಡಿದ್ದಾನೆ ಮುಂದಿನ ವೃದ್ಧಾಶ್ರಮ ಕೂಡ ಕಾಪಾಡದಿರಲಾರ ಎಂದು ಆಶಿಸುತ್ತೇನೆ.