Blog number 857, ಮೈದಾ ಹಿಟ್ಟು ಗೋದಿಯ ಒಳ ತಿರುಳಿನ ಹುಡಿ, ವಿಶ್ವದ ದೀರ್ಘ ಕಾಲ ವಾಣಿಜ್ಯ ಉದ್ದೇಶದ ಅಂಟಾಗಿ ಬಳಕೆ,ಬೇಕರಿಗಳಲ್ಲಿ ಬ್ರೆಡ್ ಮತ್ತು ಸಿಹಿ ಪದಾರ್ಥದಲ್ಲಿ ಹೆಚ್ಚು ಬಳಸುತ್ತಾರೆ,ಮೈದಾ ಅತಿ ಬಳಕೆಯಿಂದ ದುಷ್ಪರಿಣಾಮ ಜಾಸ್ತಿ.
#ಮೈದಾ_ಹಿಟ್ಟಿನ_ಅಂಟಿಗೆ_ಮೈಲುತುತ್ತಾ_ಬೆರೆಸುವುದು.
#ಮೈದಾ_ಹಿಟ್ಟು_ತಯಾರಿ_ಹೇಗೆ?
#ಮೈದಾಹಿಟ್ಟು_ಭಾರತಕ್ಕೆ_ಬಂದ_ಬಗೆ
#ಬಾಲ್ಯದ_ಹೀರೊ_ಡುಮಿ೦ಗಣ್ಣರಿಂದ_ಕಲಿತ_ಮೈದಾಹಿಟ್ಟಿನ_ಅಂಟು_ತಯಾರಿಕೆ_ವಿದಾನ,
ಡುಮಿಂಗಣ್ಣ ಅವರ ಅಂಟಿನ ಡಬ್ಬಕ್ಕೆ ಎರೆಡು ಭಾಗ ಮೈದಾ ಹಿಟ್ಟಿಗೆ ಮೂರು ಬಾಗ ನೀರು ಹಾಕಿ ಕಲಸಿ ಅದನ್ನು ಮೂರು ಸಣ್ಣ ಕಲ್ಲಿನ ಒಲೆ ಮಾಡಿ ಒಣಗಿದ ಎಲೆಕಡ್ಡಿಯಿಂದ ಬೆಂಕಿ ಮಾಡಿ ಬೇಯಿಸಿ ದಿಡೀರ್ ಅಂಟು ತಯಾರಿಸುವ ರಹಸ್ಯ ವಿದ್ಯೆ ನಾವೆಲ್ಲ ಕದ್ದು ನೋಡಿ ಕಲಿತುಕೊಂಡಿದ್ದೆ.
ನಂತರ ನಮ್ಮ ಜನಪರ ಹೋರಾಟ, ರಾಜಕೀಯದ ಪ್ರಾರಂಭದಲ್ಲಿ ಪೋಸ್ಟರ್ ಅಂಟಿಸಲು ಇದು ಸಹಾಯ ಆಯಿತು.
ಆಗಿನ ಪೋಸ್ಟ್ ಆಫೀಸುಗಳಲ್ಲಿ ಮೈದಾ ಹಿಟ್ಟಿನ ಅಂಟು ಇಟ್ಟಿರಲೇ ಬೇಕಿತ್ತು.
19 ನೇ ಶತಮಾನದಲ್ಲಿ ಅಂದರೆ 1890 ರಿಂದ 1970 ರ ವರೆಗೆ ವಾಣಿಜ್ಯ ಉದ್ದೇಶದ ಪ್ಯಾಕಿಂಗ್ ಉದ್ಯಮದಲ್ಲಿ ಹೆಚ್ಚು ಬಳಕೆಯಲ್ಲಿದ್ದ ಅಂಟು ಈ ಮೈದಾ ಅಂಟು ಕಾಲ ಕ್ರಮೇಣ ಕೃತಕ ಗೊಂದು - ಅಂಟುಗಳಿಂದ ಮತ್ತು ಪ್ಲಾಸ್ಟಿಕ್ ಗಮ್ ಟೇಪ್ ಗಳಿಂದ ಈಗ ಬದಲಾಗಿದೆ.
ಇದಕ್ಕೆ 3000 ಸಾವಿರ ವರ್ಷದ ಇತಿಹಾಸ ಇದೆ, ಇದು ಭಾರತಕ್ಕೆ ಮುಸ್ಲಿ೦ ವ್ಯಾಪಾರಿಗಳಿಂದ ಪರೋಟ ನಾನ್ ತಯಾರಿಗಾಗಿ ಬಂದಿತಂತೆ. ಎರಡನೆ ಮಹಾಯುದ್ಧ ಕಾಲದಲ್ಲಿ ಆಹಾರ ಕೊರತೆಯಿಂದ ಮೈದಾ ಹಿಟ್ಟಿನ ಬಳಕೆ ಹೆಚ್ಚಾಗಿದೆ ಮತ್ತು ಇದು ಜನಪ್ರಿಯ ಆಯಿತು.
ಮೈದಾ ಹಿಟ್ಟಿನ ಹೆಚ್ಚು ಬಳಕೆ ಪರೋಟ ನಾನ್ ಮತ್ತು ಬೇಕರಿ ಉದ್ಯಮದ ಕೇಕ್ ಮತ್ತು ಬ್ರೆಡ್ ನಲ್ಲಿ ಬಳಕೆ ಇದೆ, ಹೆಚ್ಚು ಮೈದಾ ಬಳಕೆಯಿಂದ ಮನುಷ್ಯ ದೇಹದ ಪ್ಯಾಂಕ್ರಿಯಾಸ್ ನ ಬೇಟಾ ಸೆಲ್ ಗಳು ಹಾಳಾಗುವುದರಿಂದ ಇನ್ಸುಲಿನ್ ಉತ್ಪಾದನೆ ಏರು ಪೇರು ಆಗಿ ಡಯಾಬಿಟೀಸ್ ಗೆ ಕಾರಣ ಆಗುತ್ತದೆಂಬ ಸಂಶೋಧನಾ ವರದಿಗಳಿದೆ.
ಯುರೋಪಿನಲ್ಲಿ ಲಿಕ್ಕರ್ ಮತ್ತು ನೈಟ್ ಕ್ಲಬ್ ಪ್ರಚಾರಕ್ಕಾಗಿ ಫೋಸ್ಟರ್ ಗಳನ್ನು ಅ೦ಟಿಸಲು ಮೈದಾ ಹಿಟ್ಟಿನ ಅಂಟಿನ ಬಳಕೆ ಮಾಡಿರುವುದು ಮೈದಾ ಹಿಟ್ಟಿನ ಅಂಟಿನ ಮೊದಲ ಬಳಕೆ ಆಗಿದೆ.
ನಂತರ ಸಿನಿಮಾ ರಾಜಕೀಯ ವಾಣಿಜ್ಯ ಪ್ರಚಾರಕ್ಕಾಗಿ, ಅಂಚೆ ಸ್ಟಾಂಪ್ ಗಳಲ್ಲಿ ವಿಶ್ವದಾದ್ಯಂತ ಮತ್ತು ಭಾರತದಲ್ಲಿ ಮೈದಾ ಹಿಟ್ಟಿನ ಅಂಟು ಬಳಕೆಯಲ್ಲಿತ್ತು.
ಆದ್ದರಿಂದಲೇ ವಿದೇಶದಲ್ಲಿ ಮೈದಾ ಹಿಟ್ಟಿಗೆ All Purpose Flour ಎಂಬ ಹೆಸರಿದೆ.
ಈಗ ರಾಸಾಯನಿಕ, ಬ್ಲೀಚಿಂಗ್ ಬಳಸಿ ತಯಾರಿಸುವ ಮೈದಾ ಹಿಟ್ಟು ಮತ್ತು ಕಲಬೆರಕೆಯ ಮೈದಾ ಹಿಟ್ಟುಗಳ ಬಳಕೆ ಹೆಚ್ಚಾಗಿದೆ ಇದರಿಂದ ಜನರ ಆರೋಗ್ಯದ ಅನಾಹುತಾ ಪರಿಣಾಮಗಳು ಕೂಡ.
Comments
Post a Comment