Blog number 3560.ಮಲೆನಾಡಿನ ಅಪ್ಪೆ ಮಿಡಿ ಭಾಗ -1

#ಮಲೆನಾಡಿನ_ಅಪ್ಪೆ_ಮಾವಿನ_ಮಿಡಿ_ಭಾಗ_1

#ಅರಸಾಳಿನ_ಹೊಳೆಸಾಲಿನ_ಅಪ್ಪೆ_ಮಿಡಿ_ಬಂತು

#ಮಿಡಿ_ಉಪ್ಪಿಗೆ_ಹಾಕುವ_ನನ್ನ_ಕೆಲಸ_ನೋಡಿ

#ಈ_ಅಪ್ಪೆ_ಮಿಡಿ_ಉಪ್ಪಿನಕಾಯಿಗೆ_GI_Tag_ದೊರೆತಿದೆ.

#ಅಪ್ಪೆ_ಮಿಡಿ_ಸ್ವಾಂಪ್_ಬಿಡುಗಡೆ_ಆಗಿದೆ

#Tendermango #APPEMIDI #Mavinakayi #PickleLovers #pickles #mangopickle 

#arasalu 

         ಮಾವಿನ ಅಪ್ಪೆ ಮಿಡಿ ಉಪ್ಪಿನಕಾಯಿ ವಿಶಿಷ್ಟ ಮತ್ತು ವಿಶೇಷ ಇದು ಪಶ್ಚಿಮ ಘಟ್ಟ ಪ್ರದೇಶದ ಮಲೆನಾಡು ಭಾಗವಾದ ಕೆಲವೇ ತಾಲ್ಲೂಕಿನಲ್ಲಿ ಮಾತ್ರ ಬಳಕೆ ಮಾಡುತ್ತಾರೆ.

   ಈ ಪ್ರದೇಶದ ಜನ ವಿಶ್ವದ ಯಾವುದೇ ಮೂಲೆಗೆ ಹೋದರೂ ಈ ಮಾವಿನ ಮಿಡಿ ಉಪ್ಪಿನಕಾಯಿ ಮರೆಯುವುದಿಲ್ಲ.

       ಮಾವಿನ ಮರದಲ್ಲಿ ಮಾವಿನ ಹೂವು ಕಾಯಿಯಾಗಿ ಒಂದು ಹದಕ್ಕೆ ಬಂದಾಗ, ಚಿಗುರಾದ ಮತ್ತು ಮಾವಿನ ಮಿಡಿಯ ಒಳಗೆ ಬೀಜ ಎಳೆಯದಾಗಿರುವಾಗಲೇ ಹಾಗೂ ಅದರ ತೊಟ್ಟಿನಲ್ಲಿ ಮಾವಿನ ಕಾಯಿ ಸೊನೆ ಚಿಮ್ಮುವಾಗ ಕೊಯ್ಯುತ್ತಾರೆ.

    ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲೂಕಿನ #ಅರಸಾಳಿನ ಹೊಳೆಸಾಲಿನ ಮಾವಿನ ಅಪ್ಪೆ ಮಿಡಿ ಉತ್ಕೃಷ್ಟ ಎಂಬ ಬ್ರಾಂಡ್ ಆಗಿರುವುದರಿಂದ ಇದಕ್ಕೆ ಬೇಡಿಕೆ ಜಾಸ್ತಿ.

    ಮೊದಲೆಲ್ಲ ಮಾವಿನ ಮಿಡಿ ಎಣಿಸಿ ಸಾವಿರ ಮಿಡಿಗೆ ಇಷ್ಟು ದರ ಎಂದು ಮಾರಾಟಗಾರರು ಬೆಲೆ ನಿಗದಿ ಮಾಡುತ್ತಿದ್ದರು ಈಗ ಕಾಲ ಬದಲಾಗಿದ್ದು ಮಾವಿನ ಮಿಡಿ ಕಿಲೋ ಲೆಖ್ಬದಲಿ ತಕ್ಕಡಿಯಲ್ಲಿ ತೂಗಿ ಮಾರಾಟ ಮಾಡುತ್ತಾರೆ.

     ಈ ವರ್ಷದ ಅರಸಾಳು ಹೊಳೆ ಸಾಲಿನ ಮಾವಿನ ಮಿಡಿ ಕಿಲೋಗೆ ರೂ 500 ರ ಹತ್ತಿರ ಇದೆ, ಇದರಲ್ಲಿ ಜೀರಿಗೆ ಮಿಡಿಗೆ ನೂರಿನ್ನೂರು ಇನ್ನೂ ಜಾಸ್ತಿ.

    ಅಪ್ಪೆ ಮಿಡಿ ಪ್ರಿಯರು ಬೆಲೆಗೆ ಯೋಚಿಸುತ್ತಾ ಕಡಿಮೆ ಬೆಲೆಗೆ ಖರೀದಿಸಲು ಕಾಯುತ್ತಾ ಇದ್ದರೆ ಮಾವಿನ ಮಿಡಿ ಕಾಲ ಮುಗಿದು ಮಾವಿನ ಹಣ್ಣಿನ ಸೀಸನ್ ಬರುತ್ತದೆ.

   ನಾನು ಖರೀದಿಸಿದ ಅರಸಾಳಿನ ಹೊಳೆಸಾಲಿನ ಈ ಅಪ್ಪೆ ಮಿಡಿಯಲ್ಲಿ ಆಪ್ತರಿಗೂ ಕಳಿಸಿ ನನ್ನ ಪಾಲು ಉಪ್ಪಿಗೆ ಹಾಕುವ ಕೆಲಸ ಮಾಡಿದೆ ಮತ್ತು ಜೀರಿಗೆ ಮಿಡಿಗಾಗಿ ಕಾದಿದ್ದೇನೆ.

   ನಂತರ ಅದನ್ನು ತೊಟ್ಟು ಸಮೇತ ಬಿಡಿಸಿ ಒಣ ಬಟ್ಟೆಯಿಂದ ಬರೆಸಿ ಕ್ಯಾನ್, ಪಿಂಗಾಣಿ ಅಥವ ಗಾಜಿನ ಭರಣಿಯಲ್ಲಿ ಪದರ ಪದರವಾಗಿ ಮಿಡಿ ಮತ್ತು ಉಪ್ಪು ಹರಡಿ ಮುಚುಳ ಬಿಗಿ ಮಾಡಬೇಕು.

    ಹರಳು ಉಪ್ಪು ಬಾಂಡಲಿಯಲ್ಲಿ ಚಟಪಟ ಎನ್ನುವ ತನಕ ಹುರಿದು ತಣಿಸಿಕೊಳ್ಳ ಬೇಕು.

     ಎರೆಡು ದಿನದ ನಂತರ ಈ ಕ್ಯಾನ್ ಗಳನ್ನ ಕುಲುಕ ಬೇಕು ಅಥವ ಉಪ್ಪಿನ ಕಾಯಿ ತಯಾರಿಕೆಗೆ ಇರುವ ಮರದ ಸೌಟಿನಿಂದ ಮಿಡಿಗಳಿಗೆ ಪೆಟ್ಟಾಗದಂತೆ ಉಪ್ಪು ಮಿಡಿ ಮಿಶ್ರ ಮಾಡಬೇಕು.

    ಒಂದು ವಾರದಲ್ಲಿ ಈ ಮಿಡಿಗಳು ಚಟ್ಟಾಗುತ್ತದೆ ನಂತರ ಅದನ್ನ ತೆಗೆದು ಉತ್ತಮವಾದ ಮಿಡಿ ಆರಿಸಿ ಅದಕ್ಕೆ ಕಾರ ಹಾಕುವುದು ಇನ್ನೊಂದು ಹಂತದ ಕೆಲಸ.