Blog 3567. ಜನವಾರ್ತೆ

#ಶಿವಮೊಗ_ಜಿಲ್ಲೆಯ_ಮೊದಲ_ಬ್ರಾಡ್_ಶೀಟ್_ದಿನಪತ್ರಿಕೆ

#ಜನವಾರ್ತೆ_ದಿನಪತ್ರಿಕೆ.

#ಜನವಾರ್ತೆ_ಸಂಪಾದಕ_ನಾಗರಾಜ್_ಅವರ_ಮೂರನೆ_ಪುಣ್ಯ_ಸ್ಮರಣೆ

#ಶಿವಮೊಗ್ಗದ_ಮೊದಲ_ಅಂತರ್_ಜಿಲ್ಲಾ_ನಾಲ್ಕು_ಪುಟಗಳ_ಬ್ರಾಡ್_ಶೀಟ್_ದಿನಪತ್ರಿಕೆ_ಪ್ರಾರಂಬಿಸಿದವರು.

#ಸ್ವಂತ_ಆಫ್_ಸೆಟ್_ಮುದ್ರಣ_ಯಂತ್ರ_ಹೊಂದಿದ್ದ_ಪತ್ರಿಕೆ_ಜನವಾರ್ತೆ

#ಕನಸುಗಾರ_ಉದ್ಯಮಿಯನ್ನು_ದಾರಿತಪ್ಪಿಸಿದ_ಜಿಲ್ಲೆಯ_ರಾಜಕಾರಣಿಗಳು

#ಆಶ್ರಯ_ಹಗರಣದಲ್ಲಿ_ಬಲಿಪಶು

#ಕೊನೆಯವರೆಗೂ_ಇವರೊಂದಿಗೆ_ಉಳಿದವರು_SPಶೇಷಾದ್ರಿ_ಮಾತ್ರ.

#ದುರಂತ_ಕಥಾ_ನಾಯಕ_ಜಿ_ಎಸ್_ನಾಗರಾಜ್

#ಯಶಸ್ಸಿಗೆ_ಹಲವು_ಅಪ್ಪಂದಿರು_ಇರುತ್ತಾರೆ_ಸೋಲು_ಅನಾಥ_ಎಂಬ_ಗಾದೆ_ಸುಳ್ಳಲ್ಲ.

#Janavarthe #GSNagaraj #Sheshadri #Shivamogga 

#Broadsheetdaily #Newspaper

   ಶಿವಮೊಗ್ಗ ಜಿಲ್ಲೆಯ ಮೊದಲ ಬ್ರಾಡ್ ಶೀಟ್ ದಿನ ಪತ್ರಿಕೆ #ಜನವಾರ್ತೆ ಇದು ಮೊದಲ ಅಂತರ್ ಜಿಲ್ಲಾ ಪತ್ರಿಕೆ ಕೂಡ ಆಗಿತ್ತು.

  ಇದನ್ನು ಪ್ರಾರಂಬಿಸಿದವರು ಶಿವಮೊಗ್ಗ ಜಿಲ್ಲೆಯ #ತೀರ್ಥಹಳ್ಳಿ ಮೂಲದ ಶಿವಮೊಗ್ಗದ ಉದ್ಯಮಿ #ಜಿ_ಎಸ್_ನಾಗರಾಜ್.

  ಇಂತಹ ಅಮೋಘ ದಾಖಲೆ ಮಾಡಿದ ಜಿ.ಎಸ್. ನಾಗರಾಜ್ ಒಬ್ಬ ಸಾಹಸಿ ಉದ್ದಿಮೆದಾರರು.

   ಕನ್ನಡದ ಮೊದಲ ಬ್ರಾಡ್‌ಶೀಟ್ ದಿನಪತ್ರಿಕೆ ಮತ್ತು ಮೊದಲ ಕನ್ನಡ ಪತ್ರಿಕೆ #ಮಂಗಳೂರು_ಸಮಾಚಾರ (Mangaluru Samachara).

  ಇದು ಜರ್ಮನಿಯ ಹರ್ಮನ್ ಮೋಗ್ಲಿಂಗ್ (Hermann Mögling) ಅವರಿಂದ 1843ರ ಜುಲೈ 1ರಂದು ಮಂಗಳೂರಿನಿಂದ ಪ್ರಕಟವಾಯಿತು. 

   1995ರಲ್ಲಿ ಶಿವಮೊಗ್ಗದಿಂದ ಜಿ.ಎಸ್.ನಾಗರಾಜ್ ಸಂಪಾದಕತ್ವದಲ್ಲಿ ಪ್ರಾರಂಬಿಸಿದ #ಜನವಾರ್ತೆ ಪತ್ರಿಕೆ ಆ ಕಾಲದಲ್ಲಿ ಅನೇಕ ಪ್ರಥಮಗಳ ದಾಖಲೆ ಮಾಡಿತ್ತು.

  ಡೆಮ್ಮಿಸೈಜಿನ,ಬ್ರಾಡ್ ಶೀಟ್ ಗಾತ್ರದ ಪ್ರಜಾವಾಣಿ ಸೈಜಿನಲ್ಲಿ ನಾಲ್ಕು ಪುಟದ ಶಿವಮೊಗ್ಗ ಜಿಲ್ಲೆಯ ಮೊದಲ ದಿನ ಪತ್ರಿಕೆ ಜನವಾರ್ತೆ.

   ಸ್ವಂತದ್ದಾದ ಬೃಹತ್ ಆಫ್ ಸೆಟ್ ಮುದ್ರಣ ಯಂತ್ರ ಹೊಂದಿದ ಮೊದಲ ಸ್ಥಳಿಯ ದಿನ ಪತ್ರಿಕೆ ಅದು.

  ಶಿವಮೊಗ್ಗ - ದಾವಣಗೆರೆ (ಆಗ ಚಿತ್ರದುರ್ಗ ಜಿಲ್ಲೆಯಲ್ಲಿತ್ತು) - ಚಿಕ್ಕಮಗಳೂರು - ಹಾಸನ ಜಿಲ್ಲೆಗಳಿಗೆ ಪ್ರಸರಣಾ ಹೊಂದಿದ್ದ ಮೊದಲ ಅಂತರ್ ಜಿಲ್ಲಾ ಪತ್ರಿಕೆ.

   1995-2000 ಇಸವಿ ಅವಧಿಯಲ್ಲಿ ನಾನು ಶಿವಮೊಗ್ಗ ಜಿಲ್ಲಾ ಪಂಚಾಯತ್ ಸದಸ್ಯನಾಗಿದ್ದಾಗ  ಜನವಾರ್ತೆ ಪತ್ರಿಕೆ ನನ್ನ ಹೋರಾಟ, ಪತ್ರಿಕಾ ಹೇಳಿಕೆಗಳ ಪ್ರಕಟನೆ ಮುಖಾಂತರ ಹೆಚ್ಚಿನ ಸಹಾಯ ಮಾಡಲು ಜಿ.ಎಸ್.ನಾಗರಾಜ್ ಕಾರಣರಾಗಿದ್ದರು.

  ಆ ಕಾಲದಲ್ಲಿ ಸವಳಂಗ ರಸ್ತೆಯ ರೈಲ್ವೇ ಗೇಟ್ ದಾಟಿದ ನಂತರ ದೊಡ್ಡ ಬಯಲ ಮದ್ಯದಲ್ಲಿ ಬೃಹತ್ ಕಪ್ಪು ಗಾಜಿನ ಕಟ್ಟಡ ಒಂದು ಅಲ್ಲಿ ಸಂಚರಿಸುವವರ ಕಣ್ಣು ಕುಕ್ಕುತ್ತಿತ್ತು ಅದೇ ಜನವಾರ್ತೆ ದಿನಪತ್ರಿಕೆ ಕಛೇರಿ ಮತ್ತು ಮುದ್ರಣಾಲಯ.

    ಅಲ್ಲಿ ಮೊದಲ ಮಹಡಿ ಏರಿ ಹೋಗಿ ಎಡಕ್ಕೆ ಇರುವ ಬೃಹತ್ ಬಾಗಿಲ ಹಿಂದೆ ಹವಾ ನಿಯಂತ್ರಣ ಕೊಠಡಿಯ ವಿಶಾಲವಾದ ಟೇಬಲ್ ಹಿಂದೆ ಐಶಾರಾಮಿ ಖುಚಿ೯ಯಲ್ಲಿ ಗಡ್ಡದಾರಿ ಸುಂದರ ನಗುಮುಖದ ನಾಗರಾಜ್ ಕುಳಿತಿರುತ್ತಿದ್ದರು.

   ಬಂದವರಿಗೆಲ್ಲ ತಣ್ಣನೆಯ ಕೋಕಾ ಕೋಲಾದ ಸ್ವಾಗತ ಪೇಯವೂ ಇರುತ್ತಿತ್ತು.

  ಅನೇಕ ಬಾರಿ ನಾನು ಮಾಜಿ ಮಂತ್ರಿಗಳಾಗಿದ್ದ ಮೈಸೂರಿನ ಹೆಚ್. ವಿಶ್ವನಾಥರನ್ನು ಇವರ ಚೇಂಬರ್ ನಲ್ಲೇ ಬೇಟಿ ಮಾಡಿದ್ದೆ.

   ಅಂತಹ ಒಂದು ಸಂದರ್ಭದಲ್ಲಿ ವಿಶ್ವನಾಥರನ್ನು ನಾನು ಕೇಳಿದ್ದೆ ಸಾಮೂಹಿಕ ಮದುವೆಯಲ್ಲಿ ಅವರ ಪುತ್ರಿ ವಿವಾಹ ಮಾಡಿದ ಬಗ್ಗೆ ಅದಕ್ಕೆ ಅವರು ನೀಡಿದ ಉತ್ತರದ ಕಾರಣ ನನಗೆ ಅವರ ಬಗ್ಗೆ ಹೆಚ್ಚಿನ ಸದಭಿಪ್ರಾಯ ಮೂಡಲು ಕಾರಣವಾಗಿತ್ತು.

   ಶಿವಮೊಗ್ಗದ ಸಂಪನ್ನ ರಾಜಕಾರಣಿಗಳಾಗಿರುವ #S_P_ಶೇಷಾದ್ರಿ ಅವತ್ತಿಂದ ಇವತ್ತಿನವರೆವಿಗೂ ಕೊನೆಯ ತನಕ ಇವರ ಜೊತೆ ಎಲ್ಲಾ ಕಷ್ಟದಲ್ಲಿ ಬಾಗಿಯಾಗಿ ಉಳಿದಿದ್ದ ಏಕೈಕ ಆಪದ್ಬಾಂದವರು.

  ಆಗೆಲ್ಲ ಇವರ ಜನವಾರ್ತೆ ಪತ್ರಿಕಾ ಕಛೇರಿಗೆ ಹೋದಾಗ ಅಲ್ಲಿ ಶೇಷಾದ್ರಿ ಮತ್ತು ಬಟ್ಟೆಮಲ್ಲಪ್ಪದ #ಕ್ರಷರ್_ರಾಜಶೇಖರಗೌಡರು ಸದಾ ನಾಗರಾಜ್ ಜೊತೆ ಇರುತ್ತಿದ್ದರು.

   1996 ರಲ್ಲಿ ಆನಂದಪುರಂನಲ್ಲಿ ನಡೆದ ಜಿಲ್ಲಾ ಮಟ್ಟದ ಯುವಜನ ಮೇಳವನ್ನು ಆಗಿನ ಶಿವಮೊಗ್ಗ ಲೋಕಸಭಾ ಸದಸ್ಯರಾಗಿದ್ದ ಮಾಜಿ ಮುಖ್ಯಮಂತ್ರಿ S.ಬಂಗಾರಪ್ಪರಿಂದ ಉದ್ಫಾಟಿಸುವ ಕಾರ್ಯಕ್ರಮ ನಿಗದಿ ಮಾಡಿದ್ದೆ.

   ಆ ಕಾರ್ಯಕ್ರಮದಲ್ಲಿ ಜನವಾರ್ತೆ ನಾಗರಾಜ್ ರನ್ನು ಮುಖ್ಯ ಅತಿಥಿಯಾಗಿ ಆಹ್ವಾನಿಸಿದ್ದೆ.

   ಸಂಜೆ ಉದ್ಘಾಟನಾ ಸಮಾರಂಭದ ನಂತರ ರಾತ್ರಿ ಊಟ ನಮ್ಮೂರ ಯಡೇಹಳ್ಳಿಯ ಪ್ರವಾಸಿ ಮಂದಿರದಲ್ಲಿ ವ್ಯವಸ್ಥೆ ಮಾಡಿದ್ದೆ.

   ಅಲ್ಲಿ ಎಸ್. ಬಂಗಾರಪ್ಪ ಮತ್ತು ನಾಗರಾಜ್ ಒಟ್ಟಿಗೆ ಬೋಜನ ಸ್ವೀಕರಿಸಿದ್ದರು.

    ನಾಗರಾಜ್ ಉದ್ಯಮ ಲೋಕದಲ್ಲಿ ದೊಡ್ಡ ಕನಸು ಕಂಡವರು ಅದಕ್ಕೆ ತಕ್ಕಂತೆ ಅವರ ಹತ್ತಿರ ಮೂಲ ಬಂಡವಾಳ ಇತ್ತು.

  ಶಿವಮೊಗ್ಗದ ಪ್ರೈಮ್ ಲೊಕೇಷನ್ ನಲ್ಲಿ ಜಮೀನುಗಳಿತ್ತು ಆದರೆ ಅವರ ಜೀವನದಲ್ಲಿನ ಅವರ ಕನಸಿನ ಉದ್ಯಮದ ಹಾದಿ ತಪ್ಪಿಸಿದವರು ನಮ್ಮ ಜಿಲ್ಲೆಯ ರಾಜಕಾರಣಿಗಳು.

    ಆಗ ನಡೆದದ್ದೇ ರಾಜ್ಯದ ದೊಡ್ಡ ಅವ್ಯವಹಾರದ ಆಶ್ರಯ ಹಗರಣ.

    ಸರ್ಕಾರದ ಆಶ್ರಯ ಯೋಜನೆ  ಹಣ ನಾಗರಾಜ್ ಸಂಸ್ಥೆ ಗುತ್ತಿಗೆ ಪಡೆದಿತ್ತು ಆ ಸಂದರ್ಭದಲ್ಲಿ ಅವರ ಸಂಸ್ಥೆಗೆ ಅಡ್ವಾನ್ಸ್ ಆಗಿ ಹಣ ಬಿಡುಗಡೆ  ಮಾಡಿಸಿ ಅದನ್ನು ರಾಜಕಾರಣಿಗಳು ತಮ್ಮ ಕನಸಿನ ವಿದ್ಯಾಸಂಸ್ಥೆಯ ಜಮೀನು ಖರೀದಿಗೆ ಬಳಸಿಕೊಂಡು ನಾಗರಾಜ್ ರನ್ನು ಬಲಿ ಪಶು ಮಾಡಿದರು.

   ನಂತರ ಇದೆಲ್ಲ ಸಮಸ್ಯೆಗಳಿಂದ ಹೊರಬಂದ ನಾಗರಾಜ್ ಶಿವಮೊಗ್ಗ ಜಿಲ್ಲೆಯಲ್ಲಿ ಮೊದಲ ಬಾರಿಗೆ ಬೃಹತ್ ಗೋದಾಮುಗಳ ಚೈನ್ ನಿರ್ಮಿಸಿದರು.

   ಅದನ್ನು ಆಹಾರ ಮತ್ತು ನಾಗರೀಕ ಸರಬರಾಜು ಇಲಾಖೆಗೆ ಬಾಡಿಗೆ ನೀಡಿದರು. 

    ಶಿವಮೊಗ್ಗ ಜಿಲ್ಲೆಯ ಮೆಕ್ಕೆಜೋಳವನ್ನು ಸರ್ಕಾರ ಬೆಂಬಲ ಬೆಲೆ ನೀಡಿ ಖರೀದಿಸಿ ಅದನ್ನು ಈ ಗೋದಾಮಿನಲ್ಲಿ ದಾಸ್ತಾನು ಮಾಡಲು ಇವರ ಗೋದಾಮುಗಳು ಬಾಡಿಗೆಗೆ ಪಡೆಯಿತು.

     ಈ ಮೆಕ್ಕೆಜೋಳ ಖರೀದಿ ಮಾಡಿದ ವಿದೇಶಿ ಕಂಪನಿಗಳ ಹಡುಗಿಗೆ  ಮಂಗಳೂರು ಬಂದರಿಗೆ ಟ್ರಾನ್ಸ್ ಪೋರ್ಟೆಶನ್ ಮಾಡಲು ನಾಗರಾಜ್ ಅವರು ನೂರಾರು ಲಾರಿ ತಂದರು.

     ಆಗ ಈ ದಾಸ್ತಾನು ಮತ್ತು ಟ್ರಾನ್ಸ್‌ಪೋರ್ಟಿಶನ್ ದಂದೆ ದೊಡ್ಡ ಮಟ್ಟದಲ್ಲಿ ನಡೆಯಿತು ಮತ್ತು ದೊಡ್ಡ ಮಟ್ಟದ ಉದ್ಯೋಗ ಜಿಲ್ಲೆಯಲ್ಲಿ ಸೃಷ್ಟಿ ಮಾಡಿತ್ತು.

   ಆದರೆ ಇಲ್ಲೂ ಅವರ ಅದೃಷ್ಟ ಕೈಕೊಟ್ಟಿತು.

   ನಾಗರಾಜ್ ಅವರು ಇಹಲೋಕ ತ್ಯಜಿಸುವಾಗ ಅವರಿಗೆ #ಶಿವಮೊಗ್ಗ_ಡಿಸಿಸಿ ಬ್ಯಾಂಕಿನಲ್ಲಿ ಸಾಲ ಸುಮಾರು 40 ಕೋಟಿ ಅಷ್ಟಿತ್ತು.

 ಖಾಸಾಗಿಯಾಗಿಯೂ 7 ರಿಂದ 8 ಕೋಟಿ ಇರಬಹುದು ಆದರೆ ಅದರ ನಾಲ್ಕರಷ್ಟು ಮೌಲ್ಯದ ಅವರ ಆಸ್ತಿ ಇತ್ತು.

    ಅವರ ಕನಸಾಗಿದ್ದ ಸುರಕ್ಷಾ ವೇರ್ ಹೌಸ್ ಕಾರ್ಪೋರೇಷನ್ ಮಾಡಬೇಕೆಂಬ ಯೋಜನೆ ಹಾಗೆಯೇ ಉಳಿಯಿತು.

     ಮೂರು ವರ್ಷದ ಹಿಂದೆ ಬೆಂಗಳೂರಿಂದ ಅವರ ಇನ್ನೋವಾ ಕಾರಿನಲ್ಲಿ ಪತ್ನಿ ಜೊತೆ ಶಿವಮೊಗ್ಗಕ್ಕೆ ಬರುವಾಗ ಅರಸಿಕೆರೆಯಲ್ಲಿ ಡ್ರೈವರ್ ಅಚಾತುರ್ಯದಿಂದ ಬ್ಯಾರಿಕೇಡ್ ಗೆ ಆಕ್ಸಿಡೆಂಟ್ ಆಗಿ ನಾಗರಾಜ್ ಗೆ ತೀವ್ರ ಸ್ವರೂಪದ ಪೆಟ್ಟುಗಳಾಗಿತ್ತು.   

   

     ಬೆಂಗಳೂರಿನಲ್ಲಿ ಚಿಕಿತ್ಸೆಗೂ ಚೇತರಿಸಿಕೊಳ್ಳಲಿಲ್ಲ ಇಹಲೋಕ ತ್ಯಜಿಸಿದರು.

   ಅವರಲ್ಲಿನ ಮಹತ್ವಾಕಾಂಕ್ಷೆಗಳು ಅವರನ್ನ ದೊಡ್ಡ ಕಾಪೋ೯ರೇಟ್ ಉದ್ಯಮಿ ಮಾಡುತ್ತದೆಂಬ ನನ್ನ ನಿರೀಕ್ಷೆ ಹುಸಿ ಆಯಿತು.

     ಜನವಾರ್ತೆ ನಾಗರಾಜ್ ಅವರಿಂದ ನೇರವಾಗಿ ಲಾಭ ಪಡೆದವರೆಲ್ಲ ಅವರ ಹಿಂದಿನಿಂದ ಅ ಹೀಗಳೆಯುತ್ತಿದ್ದರು.

    ಶಿವಮೊಗ್ಗ ಜಿಲ್ಲೆಯ ತೀರ್ಥಹಳ್ಳಿ ಮೂಲದ G.S. ನಾಗರಾಜ್ ಅವರ ಮೂರನೇ ಪುಣ್ಯಸ್ಮರಣೆಯ ದಿನದ ಲ್ಲಿನ ನೆನಪುಗಳು ಇದು.

   ಯಶಸ್ಸಿಗೆ ಹಲವು ಅಪ್ಪ೦ದಿರು ಇರುತ್ತಾರೆ ಆದರೆ ಸೋಲು ಮಾತ್ರ ಅನಾಥ ಎಂಬ ಗಾದೆ ಜನ ವಾರ್ತೆ ನಾಗರಾಜ್ ಜೀವನದಲ್ಲಿ ಸುಳ್ಳಾಗಲಿಲ್ಲ.