ಭಾಗ -35 ಆನಂದಪುರಂ ಇತಿಹಾಸ. ಆನಂದಪುರಂ ಸಮೀಪದ ಬಳ್ಳಿಬೈಲು ಗ್ರಾಮದ ಕೊಂಗನಾಸಳ್ಳಿ ಸುಬ್ಬರಾವ್ ವಿದ್ಯಾರ್ಥಿ ಜೀವನದಲ್ಲಿ ಆನಂದಪುರಂನ ಪಿಯುಸಿ ಪ್ರಪ್ರಥಮ ಬ್ಯಾಚ್ ನಲ್ಲಿ ಸೈನ್ಸ್ ವಿಭಾಗದಲ್ಲಿ ಉತ್ತೀರ್ಣ ಆದ ಮೊದಲ ಪ್ರತಿಭಾವಂತರು ನಂತರ ಸುಬ್ಬಣ್ಣ ನಾಯಕರ ರೈತ ಬಂದು ಎಂಬ ಬೃಹತ್ ಉದ್ಯಮದಲ್ಲಿ ಉದ್ಯೋಗಿ ಆಗಿ ನಂತರ ಇಡೀ ರೈತ ಬಂದು ಸಂಸ್ಥೆ ಖರೀದಿಸಿ ಅಭಿವೃದ್ದಿ ಮಾಡಿದ ಸಾದನೆ ಸಾಮಾನ್ಯವಲ್ಲ.

#ಭಾಗ_35.

#ಆನಂದಪುರಂ_ಇತಿಹಾಸ.

#ಸುಬ್ಬಣ್ಣನಾಯಕರ_ಶಿಷ್ಯನಾಗಿ_ಸುಬ್ಬಣ್ಣನಾಯಕರ_ಆಸ್ತಿ_ಖರೀದಿಸಿದ_ಸುಬ್ಬರಾವ್ .

#ಆನ೦ದಪುರಂ_ಸಮೀಪದ_ಬಳ್ಳಿಬೈಲ್_ಎಂಬ_ಹಳ್ಳಿಯವರು.

#ಬದರಿನಾರಾಯಣ್_ಅಯ್ಯಂಗಾರರು_ಮಂಜೂರು_ಮಾಡಿಸಿದ್ದ #ಪಿಯುಸಿ_ಮೊದಲ_ಬ್ಯಾಚಿನಲ್ಲಿ_ಸಯನ್ಸನಲ್ಲಿ_ಉತ್ತೀರ್ಣರಾದ_ಏಕೈಕ_ಪ್ರತಿಭಾವಂತ_ವಿದ್ಯಾರ್ಥಿ

#ರೈತಬಂದು_ಹೆಸರು_ಸಂತೋಷ್_ಎ೦ದು_ಬದಲಿಸಿ_ಯಶಸ್ವಿ_ಉದ್ದಿಮೆದಾರದವರು.

#ಉದ್ಯಮದಲ್ಲಿ_ಅನೇಕ_ಕನಸು_ನನಸಾಗುವ_ಮೊದಲೆ_ಇಹಲೋಕ_ತ್ಯಜಿಸಿದ್ದು_ವಿಷಾದನೀಯ.

 

  ದುಗ೯ಮ ಹಳ್ಳಿಯಲ್ಲಿ ಜನಿಸಿ ದೊಡ್ಡ ಉದ್ದಿಮೆದಾರರಾಗಿ ಆನಂದಪುರಂನ ಘನತೆ ಹೆಚ್ಚಿಸಿದ್ದ ಸುಬ್ರಾವ್ ಆನಂದಪುರಂನ ಸಂತೋಷ್ ರೈಸ್ ಇಂಡಸ್ಟ್ರಿಸ್ ಬೃಹತ್ ಅಕ್ಕಿ ಅವಲಕ್ಕಿ ಗಿರಣಿ ಮತ್ತು ಸಂತೋಷ್ ಆಗ್ರೋ ಎಂಬ ಬೃಹತ್ ಕೋಲ್ಡ್ ಸ್ಟೋರೇಜ್ ಗಳ ಮಾಲಿಕರಾದ ಶ್ರೀ ಸುಬ್ಬ ರಾವ್ ಇವತ್ತು ಇಲ್ಲ.

  ಇವರ ಜೀವನದ ಹಾದಿ ಅತ್ಯಂತ ದುಗ೯ಮ, ಸಾಗರ ತಾಲ್ಲೂಕಿನ ಆನ೦ದಪುರಂ ಹೋಬಳಿಯ ಬಳ್ಳಿ ಬೈಲು ಗ್ರಾಮದ ಕೊಂಗನಾಸಳ್ಳಿ ಎಂಬ ಹಳ್ಳಿಯ ಮಧ್ಯಮ ಹವ್ಯಕ ಬ್ರಾಹ್ಮಣ ಕುಟುಂಬದಲ್ಲಿ ಜನಿಸಿದ್ದ ಇವರು ಆನಂದಪುರಂನಲ್ಲಿ ವಿದ್ಯಾ ಮಂತ್ರಿ ಬದರಿನಾರಾಯಣ್ ಅಯ್ಯOಗಾರ್

ಕುಟುಂಬದವರು ಪ್ರಾರಂಬಿಸಿದ ಪಿಯುಸಿ ತರಗತಿಯ ಪ್ರಥಮ ಬ್ಯಾಚ್ ನಲ್ಲಿ ಸೈನ್ಸ್ ನಲ್ಲಿ ಉತ್ತಿಣ೯ರಾದ ಏಕೈಕ ವಿದ್ಯಾಥಿ೯ ಸುಬ್ಬ ರಾವ್.

   ಕೊಂಗನಾಸಳ್ಳಿಯಿ೦ದ ಆನಂದಪುರಕ್ಕೆ ರಸ್ತೆ ಇರಲಿಲ್ಲ, ದಟ್ಟ ಕಾಡು ಹಾಗಾಗಿ ಸುಬ್ಬರಾವ್ ಆನಂದಪುರದ ಅಗ್ರಹಾರದ ರಾಮ ಮಂದಿರ ಮತ್ತು ಅದರ ಸಮೀಪ ಬಾಡಿಗೆ ಕೊಠಡಿಯಲ್ಲಿ ವಿದ್ಯಾಭ್ಯಾಸ ಮಾಡಿದವರು.

  ಊರಿನ ಹಿರಿಯರಾದ ಅದ್ಯಾಪಕರಾದ ಶ್ರೀ ಬೋಜರಾಜ್ ಅಯ್ಯOಗಾರ್,

ಆನಂದಪುರದ ಅಭಿವೃದ್ಧಿಗೆ ಕಾರಣಕತ೯ರಾದ ಗಾಂಧಿವಾದಿ ಶಿಕ್ಷಕ  ಎಸ್.ಆರ್.ಕೃಷ್ಣಪ್ಪ ಇವರಿಗೆ ಅನೇಕ ರೀತಿ ಸಹಕಾರ ನೀಡಿದವರು.

ಪಿಯುಸಿ ಓದುವಾಗ ನಮ್ಮ ಅಣ್ಣ ಕೆ.ನಾಗರಾಜ್ ಇವರ ಕ್ಲಾಸ್ ಮೇಟ್ ಹಾಗಾಗಿ ಕೆಲ ಸಂಜೆ ನಮ್ಮ ಮನೆಗೆ  ಇವರು ಬರುತ್ತಿದ್ದರು.

  ನಂತರ ರೈತ ಬಂದು ಗ್ರಾಮೋದ್ಯೋಗದ ಸುಬ್ಬಣ್ಣನಾಯ್ಕರ

ಅಕ್ಕಿ ಗಿರಣಿಯಲ್ಲಿ ಗುಮಸ್ತರಾಗಿ ಕೆಲಸ ಪ್ರಾರಂಬಿಸಿ ನಂತರ ಅವರ ನಂಬಿಗೆಯ ಬ೦ಟರಾಗಿ ವ್ಯವಸ್ಥಾಪಕರಾಗಿ ಮುಂದೆ ಸುಬ್ಬಣ್ಣಾ ನಾಯ್ಕರು ಉದ್ಧಿಮೆಯಿಂದ ನಿವೃತ್ತಿ ಘೋಷಿಸಿದಾಗ ಆನಂದಪುರದ ಬೃಹತ್ ಅಕ್ಕಿ ಮತ್ತು ಅವಲಕ್ಕಿ ಗಿರಣಿಯನ್ನ ಸುಬ್ಬರಾವ್ ಗೆ ವಹಿಸಿ ನಂತರ ಸುಬ್ಬರಾವ್ ಗೆ ಮಾರಾಟ ಮಾಡುತ್ತಾರೆ ಮತ್ತು ಆನಂದಪುರದ ಕೆರೆ ಕೆಳಗಿನ ಸುಬ್ಬಣ್ಣ ನಾಯಕರ ಕೃಷಿ ಜಮೀನು ಕೂಡ ಇವರೇ ಖರೀದಿಸಿ ಅಡಿಕೆ ತೋಟ ಮಾಡಿದ್ದಾರೆ.

  ನಂತರ ಸುಬ್ಬರಾವ್ ಇಡೀ ಅಕ್ಕಿ ಗಿರಣಿಯನ್ನ ಮಾದರಿ ಅಕ್ಕಿ ಗಿರಣಿಯಾಗಿ ಬದಲಿಸುತ್ತಾರೆ, ವೈಜ್ಞಾನಿಕವಾಗಿ ಆಧುನಿಕರಣ ಮಾಡಿ ದೊಡ್ಡ ಪ್ರಮಾಣದಲ್ಲಿ ಗುಣಮಟ್ಟದ ಅಕ್ಕಿ, ಅವಲಕ್ಕಿ ಉತ್ಪಾದನೆ ಮತ್ತು ಮಾರಾಟ ಮಾಡಿ ಅಂತರ್ ರಾಜ್ಯದಲ್ಲಿ ಹೆಸರಾಂತ ಉದ್ದಿಮೆದಾರರಾಗಿ ಹೆಸರು ಮಾಡುತ್ತಾರೆ.

  ಅಡಿಕೆ ಕೃಷಿಯಲ್ಲಿ ಕೂಡ ಯಶಸ್ವಿ ಆಗುತ್ತಾರೆ, ನಂತರ ಜಿಲ್ಲೆಯ ಮೊದಲ ಬೃಹತ್ ಕೋಲ್ಡ್ ಸ್ಟೋರೇಜ್ ನಿಮಿ೯ಸಿ ಈ ಭಾಗದ ಒಣ ಶುಂಠಿ ವ್ಯಾಪರಸ್ಥರಿಗೆ ಅನುಕೂಲ ಮಾಡಿದ್ದರಿಂದ ಆನಂದಪುರಂ ಶುಂಠಿ ಉದ್ಯಮದ ಹಬ್ ಆಗಲು ಕಾರಣಕತ೯ರಾದರು.

  ಇತ್ತೀಚಿಗೆ ಸಣ್ಣ ವಯಸ್ಸಲ್ಲೇ ಅನಾರೋಗ್ಯದಿಂದ ಉದ್ಯಮದಿಂದ ಕ್ರಮೇಣ ನಿವೃತ್ತರಾದರು ಇದರಿಂದ ಆನಂದಪುರದಲ್ಲಿ ಮುಂದಿನ ದಿನಗಳಲ್ಲಿ ಸ್ವಯಂ ಉದ್ಯೋಗ ಸೃಷ್ಟಿಸುವ ಇವರ ಅನೇಕ ಕನಸಿನ ಉದ್ದಿಮೆಗಳು ನಿಂತು ಹೋದವು.

  ಆನಂದಪುರದ ಹಳ್ಳಿಯ ಕೃಷಿ ಕುಟುಂಬದ ಬಡ ಯುವಕ ಈ ಎಲ್ಲಾ ಕೈಗಾರಿಕಾ ಕ್ರಾಂತಿ ಮಾಡಿ ಮುಂದಿನ ದಿನದಲ್ಲಿ ಈ ಮಾಗ೯ದಲ್ಲಿ ಭವಿಷ್ಯ ಹುಡುಕುವ ಭಾವಿ ಉದ್ದಿಮೆದಾರರಿಗೆ ರೋಲ್ ಮಾಡೆಲ್ ಆಗಿದ್ದಾರೆ.

   ಸಾವಿರಾರು ಎಕರೆ ಭೂ ಒಡೆಯರು, ಇನಾಂದಾರರು, ಕೊಡುಗೈ ದಾನಿಗಳು, ಆನಂದಪುರಂನಲ್ಲಿ ಆಸ್ಪತ್ರೆ, ಪಶು ಆಸ್ಪತ್ರೆ, ಶಾಲಾ ಕಾಲೇಜು ಸ್ಥಾಪಿಸಿದ್ದ ಜಮೀನ್ದಾರ್ ರಾಮಕೃಷ್ಣ ಅಯ್ಯಂಗಾರ್

ಪ್ರಾರಂಬಿಸಿದ್ದ "ರಾಮಕೃಷ್ಣ ಅಕ್ಕಿ ಗಿರಣಿ " ಶಿವಪುರದ ಸುಬ್ಬಣ್ಣ ನಾಯಕರು ಖರೀದಿಸಿ "ರೈತಬಂದು ಗ್ರಾಮೋದ್ಯೋಗ" ಎಂದು ಪ್ರಸಿದ್ಧಿ ಆಗಿದ್ದು ಒಂದು ಅಧ್ಯಾಯ ಆಗಿದ್ದರೆ

ಇದನ್ನು ಸ್ಥಳಿಯ ಸುಬ್ಬಣ್ಣ ನಾಯಕರ ಶಿಷ್ಯ ಸುಬ್ಬರಾವ್ ಖರೀದಿಸಿ " ಸಂತೋಷ್ ರೈಸ್ ಇಂಡಸ್ಟ್ರಿ ಸ್" ಎಂದು ಆನಂದಪುರ೦ ಅಕ್ಕಿ ಅವಲಕ್ಕಿ ಉದ್ಯಮವನ್ನು ಇನ್ನೊಂದು ಎತ್ತರಕ್ಕೆ ಒಯ್ದಿದ್ದು ಎರಡನೆ ಅದ್ಯಾಯ.

(ನಾಳೆ ಭಾಗ- 36)