Blog number 950. ಸರ್ವರಿಗೂ 2022ರ ಗೌರಿ-ಗಣೇಶ ಚತುರ್ಥಿ ಹಬ್ಬದ ಶುಭಾಶಯಗಳು, ಜಾತಿ ಆಚರಣೆ ಮನೆಯ ಒಳಗಿರಲಿ ಪ್ರೀತಿ ಎಲ್ಲರ ಮೇಲಿರಲಿ, ದಯೆಯೇ ಧರ್ಮದ ಮೂಲ ಮತ್ತು ದೇವರು ಸನ್ಮಾರ್ಗ ತೋರಿಸುತ್ತಾರೆಂಬ ನಂಬಿಕೆ ನಮ್ಮೆಲ್ಲರದ್ದು ಆಗಿರಲಿ.

#ಗೌರಿ_ಗಣೇಶ_ಚತುರ್ಥಿ_ಶುಭಾಷಯಗಳು.

#ವರ_ಸಿದ್ದಿ_ಅನುಗ್ರಹಿಸು_ವರಸಿದ್ದಿ_ವಿನಾಯಕ

#ವಿಘ್ನಗಳ_ನಿವಾರಿಸು_ವಿನಾಯಕ.

#GOD_SHOWS_GOODWAYS.

   ಗೌರಿ ಗಣೇಶ ಹಬ್ಬದ ಶುಭಾಶಯಗಳು ಎಲ್ಲರಿಗೂ ಹಾರೈಸುತ್ತೇನೆ, ನನ್ನ ಪೂರ್ವಜರ ಪುಣ್ಯದಿಂದ 16 ವರ್ಷದ ಹಿಂದೆ ನಮ್ಮ ಊರಲ್ಲಿ ಶ್ರೀವರಸಿದ್ಧಿ ವಿನಾಯಕ ದೇವರ ದೇವಸ್ಥಾನ ನಿರ್ಮಿಸಿ ಊರಿಗೆ ಸಮರ್ಪಿಸುವ ಪುಣ್ಯದ ಕೆಲಸ ನನಗೆ ದೇವರೇ ದಯಪಾಲಿಸಿದ್ದು.

  ನಿಮಾ೯ಣದ ವಾಸ್ತು, ಕೃಷ್ಣ ಶಿಲಾ ವರಸಿದ್ಧಿವಿನಾಯಕ ದೇವರ ಶಿಲ್ಪ ಕೋಲಾರದ ಶಿವಾರಪಟ್ಟಣದ ರಾಷ್ಟ್ರ ಪ್ರಶಸ್ತಿ ವಿಜೇತ ಶಿಲ್ಪಿಯಿಂದ ಮಾಡಿಸಿ, ನಮ್ಮ ಹಳ್ಳಿಯಲ್ಲಿ ಪ್ರತಿಷ್ಟಾಪಿಸಿ, ದೇವಾಲಯದ ಉದ್ಘಾಟನ ದಿನ

ಕಾಗೋಡು ಹೋರಾಟದ ನೇತಾರ ಗಣಪತಿಯಪ್ಪ ದಂಪತಿ ಮತ್ತು ನಮ್ಮ ಊರ ಹಿರಿಯ

ಗನ್ನಿಸಾಹೇಬರಿಂದ ದೇವಾಲಯದ ಗೋಪುರದ ಕಲಶಕ್ಕೆ ಕಲಶಾಭಿಷೇಕ ಮಾಡಿಸಿ ಇವತ್ತಿನವರೆಗೆ ನಿರ್ವಿಘ್ನವಾಗಿ ಭಕ್ತಿಯಿಂದ ಭಕ್ತರು ಪೂಜಿಸುವಂತ ನಮ್ಮ ಹಳ್ಳಿಯ ಶ್ರೀವರ ಸಿದ್ಧಿ ವಿನಾಯಕ ದೇವಸ್ಥಾನದ ನೇತೃತ್ವವಹಿಸಿದ್ದ ಬೆಂಗಳೂರಿನ ವಿಜಯನಗರದ ಪ್ರಖ್ಯಾತ ಜೋತಿಷಿ ಡಾ.ಎನ್.ಎಸ್.ವಿಶ್ವಪತಿ ಶಾಸ್ತ್ರೀಗಳಿಗೆ ಯಾವತ್ತೂ ಸ್ಮರಿಸುತ್ತಾ ಅವರ ಆಶ್ರೀವಾದ ಬೇಡುತ್ತೇನೆ ಈಗ ಅಮೇರಿಕಾದಲ್ಲಿ ಪುತ್ರನ ಮನೆ ಗೃಹ ಪ್ರವೇಶಕ್ಕೆ ದಂಪತಿಗಳು ಹೋಗಿದ್ದಾರೆ.

   ದೇವಾಲಯದ ಕಲಶ ನೀಡಿದವರು ತ್ಯಾಗರ್ತಿಯ ಇನಾಂದಾರರಾಗಿದ್ದ ಗುರುಮೂರ್ತಿರಾಯರ ಪತ್ನಿ, ಶ್ರೀದರ ಸ್ವಾಮಿಗಳ ಭಕ್ತರು ಇವರುಗಳು.

   ಪ್ರತಿ ಸಂಕಷ್ಟಹರ ಚತುರ್ಥಿ ಮತ್ತು ಆ ದಿನ ಚಂದ್ರದರ್ಶನದ ನಂತರ ಅನ್ನ ಪ್ರಸಾದ, ಪ್ರತಿ ವರ್ಷ ಬ್ರಹ್ಮ ರಥೋತ್ಸವ ಜಾತ್ರೆಗಳು ಭಕ್ತಿ ಪೂರ್ವಕವಾಗಿ ನಡೆಯುತ್ತಿದೆ.

    ಇದು ಆನಂದಪುರಂ ಹೋಬಳಿಯಲ್ಲಿ ನಿರ್ಮಾಣವಾದ ಮೊದಲ ಗಣಪತಿ ದೇವಸ್ಥಾನ, ಕೋಟೆ ಇರುವಲ್ಲಿ ಆಂಜನೇಯ, ದೇವಿ ಮತ್ತು ಗಣಪತಿ ದೇವಸ್ಥಾನ ಇರಲೇ ಬೇಕಂತೆ ಆದರೆ ಕೆಳದಿ ಅರಸರ ಕೋಟೆ ಇರುವ ಆನಂದಪುರಂನಲ್ಲಿ ಗಣಪತಿ ದೇವಸ್ಥಾನ ಇರಲೇ ಇಲ್ಲ ಕಾರಣ ಅದು ಇದೇ ಸ್ಥಳದಲ್ಲಿ ಕಾರಣಾ೦ತರದಿಂದ ಅವಸಾನ ಹೊಂದಿತ್ತು ಎನ್ನುತ್ತಾರೆ.

  ಶ್ರೀವರ ಸಿದ್ಧಿ ವಿನಾಯಕ ನನಗೆ ಮತ್ತು ನನ್ನ ಕುಟುಂಬಕ್ಕೆ ಸದ್ಬುದ್ಧಿ - ಸಮೃದ್ದಿ - ಆರೋಗ್ಯ ಭರಪೂರವಾಗಿ ನೀಡಿದ್ದಾನೆ ಮುಂದಿನ ದಿನಗಳಲ್ಲೂ ಅನುಗ್ರಹಿಸಲಿ ಮತ್ತು ಸಿದ್ದಿ ವಿನಾಯಕನ ಆರಾದಿಸುವ ಎಲ್ಲರಿಗೂ ಅನುಗ್ರಹಿಸಲಿ ಎಂದು ಪ್ರಾರ್ಥಿಸುತ್ತೇನೆ.

  #ದೇವನೊಬ್ಬ_ನಾಮಹಲವು

  #ದಯೆಯೆ_ದರ್ಮದ_ಮೂಲ

  

  #ಜಾತಿ_ಮನೆಯ_ಒಳಗಿರಲಿ_ಪ್ರೀತಿ_ಎಲ್ಲರ_ಮೇಲಿರಲಿ

   #ದೇವರು_ಸನ್ಮಾರ್ಗ_ತೋರುತ್ತಾನೆ_ಎನ್ನುವ_ನಂಬಿಕೆ_ನಮ್ಮೆಲ್ಲರದ್ದೂ_ಆಗಿರಲಿ