Blog number 922. ಶಿವಮೊಗ್ಗ ಜಿಲ್ಲೆಯ ಮ್ಯಾಜಿಕ್ ವಿಸ್ಮಯ ಸಂಸ್ಥೆ ಪ್ರಖ್ಯಾತ ಜಾದುಗಾರರಾದ ಪ್ರಶಾಂತ ಹೆಗಡೆ ಜಾದುಗಾರರದ್ದು ಇದು ದೇಶ ವಿದೇಶಗಳಲ್ಲಿ ಸಾವಿರಕ್ಕೂ ಹೆಚ್ಚಿನ ಪ್ರದರ್ಶನ ನೀಡಿದ ದಾಖಲೆಯ ಶಿವಮೊಗ್ಗದ ಏಕೈಕ ಜಾದುಗಾರರ ಸಂಸ್ಥೆ.

#ಶಿವಮೊಗ್ಗ_ಜಿಲ್ಲೆಯ_ಪ್ರಶಾಂತಹೆಗಡೆ_ಜಾದೂಗಾರ್_ನನ್ನ_ಅತಿಥಿ

#ಇವರ_ಮ್ಯಾಜಿಕ್_ವಿಸ್ಮಯ_ತಂಡದ_ದೇಶ_ವಿದೇಶದಲ್ಲಿನಪ್ರದರ್ಶನ_ಸಾವಿರಕ್ಕೂ_ಮಿಕ್ಕಿದೆ.

#ಕಾಯ೯ಕ್ರಮ_ಆಯೋಜಿಸುವವರ_ಕೈಸುಡದಂತೆ_ಅವರ_ಬಜೆಟ್_ಅನುಗುಣವಾಗಿ_ಮ್ಯಾಜಿಕ್_ಮಾಡಿ_ತೋರಿಸುತ್ತಾರೆ.

#ಶಿವಮೊಗ್ಗ_ಜಿಲ್ಲೆಯ_ಮ್ಯಾಜಿಕ್_ಸಾಧನೆಗೈದ_ಏಕೈಕ_ತಂಡ.

#ಮ್ಯಾಜಿಷಿಯನ್_ಜೀವನದಲ್ಲಿ_ಛಲಗಾರನಾಗಿ_ಗುರಿಮುಟ್ಟಿದ_ಇವರ_ಜೀವನದ_ಕಥೆ.

#ಒಂದು_ಕಾಲದಲ್ಲಿ_ಶಿವಮೊಗ್ಗದಲ್ಲಿ_ಪ್ರಖ್ಯಾತ_ಬ್ಯಾನರ್_ಬರಹಗಾರರೂ_ಆಗಿದ್ದರು.

#ಇವರ_ಪ್ರದಶ೯ನದ_ಉದ್ಘಾಟನೆ_ಎಣ್ಣೆಯ_ಬದಲು_ನೀರು_ಸುರಿದು_ದೀಪ_ಬೆಳಗಿಸುತ್ತಾರೆ!!

 

 ಶಿವಮೊಗ್ಗದ ಪ್ರಶಾಂತ ಹೆಗಡೆ ಜಾದೂಗಾರ್ ನನ್ನ ಪೇಸ್ ಬುಕ್ ಗೆಳೆಯರಲ್ಲಿ ವಿಶೇಷ ಗೆಳೆಯರು ಕಾರಣ ಇವರು ಬಾಲ್ಯದಲ್ಲಿ ಬೇಸಿಗೆ ರಜೆ ಆನಂದಪುರಂನ ಆಗಿನ ಪ್ರಖ್ಯಾತ ಕೋಮಲ ವಿಲಾಸ್ ಕುಟುಂಬದಲ್ಲಿ ಕಳೆಯುತ್ತಿದ್ದರಂತೆ ಹಾಗಾಗಿ ಇವರಿಗೆ ಆನಂದಪುರಂ ಚಿರಪರಿಚಿತ.

  ಆನಂದಪುರಂನ ಕೋಮಲ ವಿಲಾಸ್ ನ ಜಯವೀರ ನಾಯಕರ ಪತ್ನಿ ಇವರ ತಾಯಿ ತಂಗಿ ಅಂದರೆ ಚಿಕ್ಕಮ್ಮ ಈಗ ಅವರಾರು ಆನಂದಪುರಂನಲ್ಲಿ ಇಲ್ಲ.

   ಪ್ರಶಾಂತ ಹೆಗಡೆ ಜಾದೂಗಾರರ ತಂಡದ ಹೆಸರು #ಮ್ಯಾಜಿಕ್_ವಿಸ್ಮಯ ಇದು ಸಾವಿರಕ್ಕೂ ಮಿಕ್ಕಿ ದೇಶ ವಿದೇಶಗಳಲ್ಲಿ ಪ್ರದರ್ಶನ ಮಾಡುವ ಮೂಲಕ ಶಿವಮೊಗ್ಗದ ಏಕೈಕ ಜಾದೂ ಸಂಸ್ಥೆ ಎಂಬ ಖ್ಯಾತಿಗಳಿಸಿದೆ.

  ಸ್ವತಃ ಕಲಾವಿದರಾದ ಪ್ರಶಾಂತ ಹೆಗಡೆ ಜಾದುಗಾರ್ ವೇದಿಕೆಯನ್ನು ಪ್ರದರ್ಶನದಲ್ಲಿ ತಮ್ಮ ಕೈಚಳಕ - ಆಕರ್ಷಕವಾದ ಮಾತಿನಿಂದ-ಹಾಡು ನೃತ್ಯದಿಂದ ಕಿನ್ನರ ಲೋಕ ಸೃಷ್ಟಿಸುತ್ತಾರೆ.

   ಅಷ್ಟೇ ಅಲ್ಲ ಅಲ್ಲಿ ಅನೇಕ ದೇವಮಾನವರ ಪವಾಡ ರಹಸ್ಯ, ಮೂಡನಂಬಿಕೆ ಬಯಲು ಮಾಡುತ್ತಾ ಮನೋರಂಜನೆ ಜೊತೆ ಸಮಾಜಕ್ಕೆ ನೀತಿ ಪಾಠವೂ ಬೋದಿಸುತ್ತಾರೆ.

  ಗ್ರಾಮೀಣ ಪ್ರದೇಶದಲ್ಲೂ ಜನರಿಗೆ ಇವರ ಪ್ರದರ್ಶನವನ್ನು ಸುಲಭವಾಗಿ ನೋಡಲಿಕ್ಕಾಗಿ ಕಾರ್ಯಕ್ರಮದ ಆಯೋಜಕರ ಜೊತೆ ಅವರ ಆರ್ಥಿಕ ಸಭಲತೆಗೆ ತಕ್ಕದಾಗಿ ಕಾರ್ಯಕ್ರಮ ನೆರವೇರಿಸಿ ಕೊಡುತ್ತಾರೆ.

 

ಇವರ ಜಾದು ಪ್ರದರ್ಶನದ ಉದ್ಘಾಟನೆ ದೀಪ ಹಚ್ಚುವ ಮೂಲಕ ಆದರೆ ಇಲ್ಲಿ ದೀಪಕ್ಕೆ ಎಣ್ಣೆ ಬದಲು ನೀರು ಬಳುಸುತ್ತಾರೆ!!! .... ನೀರಿನಲ್ಲಿ ದೀಪ ಉರಿಯುವುದೆಂತು?... ಜಾದುಗಾರರ ಈ ರಹಸ್ಯವನ್ನೂ ಪ್ರೇಕ್ಷಕರಿಗೆ ಬಿಚ್ಚಿ ತೋರಿಸುತ್ತಾರೆ.

   ಇವರ ತಂದೆಯ ತಂದೆ ಅಂದರೆ ಅಜ್ಜ ಮೂಲತ: ಕಾರ್ಕಳದಿಂದ ಶಿವಮೊಗ್ಗದಲ್ಲಿ ನೆಲೆಸಿ ನಂತರ ಮಹಾರಾಷ್ಟ್ರದ ಪಂಡರಾಪುರದಲ್ಲಿ ಪ್ರಸಿದ್ಧ ಹೋಟೆಲ್ ಮಾಲಿಕರಾಗಿ ಯಶಸ್ವೀ ಆಗಿದ್ದಾಗಲೇ ಅವರ ಮರಣದಿಂದಾಗಿ ಮತ್ತು ಅನೇಕರ ವಂಚನೆಗೀಡಾಗಿ ಅಲ್ಲಿಂದ    ಇಡೀ ಕುಟುಂಬ ಸೋಲಾಪುರಕ್ಕೆ ಬಂದು ಅಲ್ಲಿ ಹೋಟೆಲ್ ಉದ್ಯಮ ಪ್ರಾರಂಬಿಸುತ್ತಾರೆ ಭವಾನಿ ರೆಸ್ಟೋರಾಂಟ್ ಎಂಬ ಹೆಸರಲ್ಲಿ ಈಗಲೂ ಇವರ ಇಬ್ಬರು ಸಹೋದರರು ಅಲ್ಲೇ ಹೋಟೆಲ್ ಉದ್ಯಮ ಮುಂದುವರಿಸಿದ್ದಾರೆ.

 

ಇವರ ತಾಯಿಯ ತಂದೆ ಆಗುಂಬೆ- ಹೆಬ್ರಿಗೆ ಆಗುಂಬೆ ಘಾಟಿಯಲ್ಲಿ ಎತ್ತಿನಗಾಡಿಯಲ್ಲಿ ಸರಕು ಸಾಗಾಣಿಕೆ ಮಾಡುತ್ತಾ ನಂತರ ಚಾಲಕ ವೃತ್ತಿ ಕಲಿತು CKMS ಬಸ್ ಡ್ರೈವರ್ ಆಗಿ ನಂತರ ಶಿವಮೊಗ್ಗದಲ್ಲಿ ನೆಲೆಸಿ MGTS ಎಂಬ ದೊಡ್ಡ ಸಾರಿಗೆ ಸಂಸ್ಥೆ ಕಟ್ಟುತ್ತಾರೆ ನಂತರ ಈ ಸಂಸ್ಥೆಯ ಪಾಲುದಾರರು ಬೇರೆ ಬೇರೆ ಆಗುತ್ತಾರೆ ಮತ್ತು ಅದರಿಂದ ಹೊರಬಂದ ಇವರ ಅಜ್ಜ ದಾಮೋದರ ಟ್ರಾನ್ಸ್ ಪೋರ್ಟ್ ಎಂಬ ಅನೇಕ ಲಾರಿ ಹೊಂದಿದ ಸಂಸ್ಥೆ ನಡೆಸಿದರೆ, ಇನ್ನೊಬ್ಬರು ಆನಂದ್ ಎ೦ಬ ಲಾರಿ ಸಂಸ್ಥೆ ಮತ್ತು ಜಯಪ್ರಕಾಶ್ ಶೆಣೈರ ತಂದೆ ವಿಜಯಾ ಮೋಟಾರ್ಸ್ ಎಂಬ ಬಸ್ಸಿನ ಸಾರಿಗೆ ಸಂಸ್ಥೆ ಸ್ಥಾಪಿಸುತ್ತಾರೆ.

   ಒಂದು ಹಂತದಲ್ಲಿ ಪ್ರಶಾಂತ ಹೆಗಡೆ ಜಾದುಗಾರರು ಶಿವಮೊಗ್ಗದಲ್ಲಿ ಬ್ಯಾನರ್ ಬರೆಯುತ್ತಿದ್ದರು, ಇವರ ಕಛೇರಿ ಶಿವಮೊಗ್ಗದ ಕರ್ನಾಟಕ ಸಂಘದ ಎದುರಿತ್ತು, ಕರ್ನಾಟಕ ಸಂಘದ ಕಾರಿಡಾರ್ ಗಳಲ್ಲಿ ಬ್ಯಾನರ್ ಬರೆಯುತ್ತಿದ್ದರು.

  ಮಗ ಇಂಜಿನಿಯರ್ ಆಗಿ ವರ್ಕ್ ಪ್ರ0 ಹೋಮ್, ಮಗಳು ಪದವಿ ಪೂರ್ವ ಕಾಲೇಜ್ ವ್ಯಾಸಂಗ ಮಾಡುತ್ತಿದ್ದಾರೆ.

   ಕುಮುಟಾದ ಪರ್ತಕಾಳಿ ಮಠದಲ್ಲಿ ಸ್ವಾಮೀಜಿಗಳ ಚಾತುಮಾ೯ಸದ ಅಂಗವಾಗಿ ಅಲ್ಲಿ ಇವರ ಮ್ಯಾಜಿಕ್ ವಿಸ್ಮಯ ಪ್ರದರ್ಶನ ನೀಡಲು ಹೋಗುವ ಮಾರ್ಗದಲ್ಲಿ ನನ್ನ ಬೇಟಿ ನಿಗದಿ ಆಗಿತ್ತು ನಮ್ಮ #ಮಲ್ಲಿಕಾ_ವೆಜ್ ನಲ್ಲಿ ಹಲಸಿನ ಎಲೆ ಕೊಟ್ಟೆ ಕಡಬು, ಗಿರ್ಮಿಟ್ ಮತ್ತು ಮಿರ್ಚಿ ಬೊಂಡಾ ಹಾಗೂ ಕೋಥಾಸ್ ಪಿಲ್ಟ್ ರ್ ಕಾಫಿ ಇವರ ಕುಟುಂಬಕ್ಕೆ ಇಷ್ಟ ಆಯಿತಂತೆ, ನಂತರ ನನ್ನ ಆಫೀಸಿನಲ್ಲಿ ಸುಮಾರು ಹೊತ್ತು ಅವರ ಆನಂದಪುರಂನ ಒಡನಾಟ, ಅವರ ವೃತ್ತಿ ಜೀವನದ ಕಲ್ಲು ಮುಳ್ಳಿನ ಹಾದಿಯ ಸಂಚಾರವೆಲ್ಲಾ ನೆನಪಿಸಿಕೊಂಡರು, ನನಗೆ ಪ್ರಶಾಂತ ಹೆಗಡೆ ಜಾದುಗಾರರ ಬೇಟಿ ಹರ್ಷ ನೀಡಿತು ಅವರ ವಿಸಿಟಿಂಗ್ ಕಾರ್ಡ್ ಪೋಟೋ ಲಗತ್ತಿಸಿದೆ.

 

ನಿಮ್ಮ ಊರಿನ, ನಿಮ್ಮ ಸಂಘ ಸಂಸ್ಥೆಯ ಗಣೇಶ ಉತ್ಸವ, ಜಾತ್ರೆ ವಾರ್ಷಿಕೋತ್ಸವದಲ್ಲಿ ಇವರ ಕಾರ್ಯಕ್ರಮ ಹಮ್ಮಿಕೊಳ್ಳಲು ಇವರ ಸಂಪರ್ಕ ಸಂಖ್ಯೆ984418344 ಗೆ ಸಂಪರ್ಕಿಸಬಹುದಾಗಿದೆ.

  ಇನ್ನೊಂದು ವಿಶೇಷ ಮರೆತಿದ್ದೆ... ಇವರ ಪ್ರದರ್ಶನದಲ್ಲಿ ಉದ್ಘಾಟನೆಗೆ ನೀರಿನಿಂದ (ಎಣ್ಣೆ ಬಳಸದೆ ) ಉರಿಸುವ ದೀಪದ ಬತ್ತಿಗೆ ಬೇಕಾದ ರಹಸ್ಯ ವಸ್ತು ನನ್ನಿಂದ ಕಳೆದ ಜನವರಿಯಲ್ಲಿ ಪಡೆದಿದ್ದರು ಅದೇನೆಂದು ಅವರ ಪ್ರದರ್ಶನದಲ್ಲಿ ಅವರೇ ಬಹಿರಂಗ ಪಡಿಸುತ್ತಾರೆ.

   ಮುಂದಿನ ದಿನದಲ್ಲಿ ನಮ್ಮ ಶಿವಮೊಗ್ಗ ಜಿಲ್ಲೆಯ ಪ್ರತಿಭಾವಂತ ಜಾದುಗಾರರಾದ ಪ್ರಶಾಂತ ಹೆಗಡೆ ಇನ್ನೂ ಹೆಚ್ಚಿನ ಯಶಸ್ಸು-ಆರೋಗ್ಯ-ಐಶ್ವಯ೯ ಪಡೆಯಲಿ ಎಂದು ಹಾರೈಸಿ ನನ್ನ ಸಣ್ಣ ಕಥಾ ಸಂಕಲನ #ಬಿಲಾಲಿ_ಬಿಲ್ಲಿ_ಅಭ್ಯಂಜನ ನೆನಪಿನ ಕಾಣಿಕೆ ಆಗಿ ನೀಡಿ ಬಿಳ್ಕೊಟ್ಟೆ.