Skip to main content

Blog number 2134. ಜೇನು ತುಪ್ಪದ ಜಾಡಿಯಲ್ಲಿ ಸಂಸ್ಕರಿಸಿದ ಹಣ್ಣುಗಳು ವರ್ಷಗಟ್ಟಲೆ ತಮ್ಮ ತಾಜಾತನ ಕಾಪಾಡಿಕೊಳ್ಳುವ ಗುಣ ಹೊಂದಿದೆ ಇದು ಪ್ರಾಚೀನ ಕಾಲದಲ್ಲಿ ಆಚರಣೆ ಇದ್ದಿದ್ದ ಹಣ್ಣಿನ ಸಂಸ್ಕರಣೆ ಮತ್ತು ನೈಸರ್ಗಿಕ ಶೆಲ್ಫ್ ಲೈಪ್ ಹೆಚ್ಚಿಸುವ ದೇಶಿ ಆಹಾರ ತಂತ್ರಜ್ಞಾನ,

#ಜೇನು_ತುಪ್ಪದ_ವಿಶೇಷ_ಗುಣಗಳು.

#ಈ_ವರ್ಷದ_ಮಾವಿನಹಣ್ಣು_ಜಾಡಿಯಲ್ಲಿ_ಜೇನುತುಪ್ಪದಲ್ಲಿ_ಅದ್ದಿಟ್ಟರೆ

#ಮುಂದಿನ_ವರ್ಷದಲ್ಲಿ_ತೆಗೆದು_ತಿಂದರೆ_ಅದೇ_ತಾಜಾತನ_ಇರುತ್ತದಂತೆ.

#ಈ_ವರ್ಷ_ನಾನು_ಇದನ್ನು_ಪ್ರಯೋಗ_ಮಾಡಿ_ನೋಡಲಿದ್ದೇನೆ.

https://youtube.com/shorts/r7wvbQDxlgs?feature=shared


   ಪೈನಾಪಲ್ / ಅನಾನಸ್ ಉತ್ತರ ಕನ್ನಡ ಜಿಲ್ಲೆಯ ಮುಖ್ಯ ಬೆಳೆ ಆದರೆ ಕೇಂದ್ರ ಸರ್ಕಾರ #ಶಿವಮೊಗ್ಗ ಜಿಲ್ಲೆಯನ್ನು #ಪೈನಾಪಲ್ ಮುಖ್ಯ ಬೆಳೆ ಎಂದು ಘೋಷಿಸಿದೆ ಇದರಿಂದ ಪೈನಾಪಲ್ ಬೆಳೆ ಮೌಲ್ಯವರ್ದನೆ ಎಷ್ಟಾಗಿದೆ ಗೊತ್ತಿಲ್ಲ.
  ಜೇನುತುಪ್ಪ ನೈಸರ್ಗಿಕ ಪ್ರಿಸರ್ವೇಟಿವ್ ಅದರಲ್ಲಿ ಯಾವುದೇ ಹಣ್ಣು ಹಾಕಿಟ್ಟರೆ ಆ ಹಣ್ಣು ವರ್ಷಾನುಗಟ್ಟಲೆ ತಾಜಾತನ ಉಳಿಸಿಕೊಳ್ಳುತ್ತದಂತೆ.
  ಹಿಂದಿನ ಕಾಲದಲ್ಲಿ ಅಪರೂಪದ ಹಣ್ಣುಗಳನ್ನು ಜೇನು ತುಪ್ಪದ ಜಾರುಗಳಲ್ಲಿ ಹಾಕಿಟ್ಟು ಬೇಕಾದಾಗ ಬಳಸುವ ಸಂಪ್ರದಾಯ ಇತ್ತು ಎನ್ನುತ್ತಾರೆ.
  ರಾಜರ ಆಸ್ಥಾನಗಳಲ್ಲಿ ಈ ಪದ್ದತಿ ಕಡ್ಡಾಯವಾಗಿ ರಾಜರ ಅಂತಃಪುರದ ಬಾಣಸಿಗರು ಪಾಲಿಸುತ್ತಿದ್ದರೆಂದು ಓದಿದ ನೆನಪು.
     ಬಾಲ್ಯದಲ್ಲಿ ಮಾವ ಹೇಳುತ್ತಿದ್ದ ಕಥೆಗಳಲ್ಲಿ ಕರಡಿ ಹಲಸಿನ ಹಣ್ಣಿನ ತೊಳೆ ಬಿಡಿಸಿ ಒಯ್ದು ರಹಸ್ಯವಾದ ಮರದ ಪೊಟರೆಯಲ್ಲಿ ಜೇನುಗೂಡಿನಿಂದ ಕಿತ್ತು ತಂದ ಜೇನುತುಪ್ಪದಲ್ಲಿ ಅದ್ದಿಡುತ್ತದೆ ಹಲಸಿನ ಹಣ್ಣಿನ ಕಾಲ ಮುಗಿದ ಮೇಲೆ ಕರಡಿ ತಾನೂ ತನ್ನ ಮರಿಗಳಿಗೆ ಒಂದೊಂದು  ಜೇನುತುಪ್ಪದ ಹಲಸಿನ ಹಣ್ಣು ತಿನ್ನಿಸುತ್ತದೆ ಎನ್ನುವ ಕಥೆ ನಮಗೆ ಅಪ್ಯಾಯಮಾನವಾಗಿರುತ್ತಿತ್ತು.
  ಮಾವ.. ಮಾವಾ.. ಕರಡಿಗೆ ಜೇನು ಕಚ್ಚುವುದಿಲ್ಲವಾ ಅಂದರೆ ಮಾವ ಅದರ ದೇಹ ಉದ್ದ ಕೂದಲ ಕಂಬಳಿ ಇದ್ದಂತೆ, ಕಂಬಳಿ ಹೊದ್ದುಕೊಂಡರೆ ಜೇನು ಕಚ್ಚುತ್ತಾ? ಅಂತ ಮರು ಪ್ರಶ್ನೆ ಮಾಡುತ್ತಿದ್ದರು.
   ಮರುಬೆಳಿಗ್ಗೆ ನಗರದ ದೇವಗಂಗೆಯ ದೊಡ್ಡಮ್ಮನ ಮನೆಯ ಎತ್ತರದ ಜಗಲಿಯಲ್ಲಿ ಮಾವ ಹಲಸಿನ ಹಣ್ಣು ಕೊಯ್ಯುವಾಗ ನಾನು ಜೇನುತುಪ್ಪದ ಬೇಡಿಕೆ ಇಡುತ್ತಿದ್ದೆ ಆಗ ದೊಡ್ಡಮ್ಮ ನಗುತ್ತಾ ಜೇನುತುಪ್ಪ ಹಾಕಿದ ಸಣ್ಣ ಹಿತ್ತಾಳೆ ಬೋಗುಣಿಯಲ್ಲಿ ಹಲಸಿನ ಹಣ್ಣು ಸಣ್ಣದಾಗಿ ಕತ್ತರಿಸಿ ಚಮಚ ಹಾಕಿ ಕೊಡುತ್ತಿದ್ದರು ಅವರೂ ಕೂಡ ರಾತ್ರಿ ಮಾವ (ಅವರ ಅಣ್ಣ) ಹೇಳಿದ ಕಥೆ ಕೇಳಿರುತ್ತಿದ್ದರು.
  ನಾನಂತು ರಾತ್ರಿ ಕೇಳಿದ ಕಥೆಯ ಕರಡಿ ಆಗಿ ಜೇನಿನ ಪರಿಮಳ - ಸಿಹಿ ಮತ್ತು ಹಲಸಿನ ಪರಿಮಳ - ಸಿಹಿಯ ಹೊಸರುಚಿಯ ಸವಿಯುತ್ತಿದ್ದೆ.
  ಅಕಾಲದಲ್ಲೂ ನಮಗೆ ಅಪ್ಯಾಯಮಾನವಾದ ಹಣ್ಣು ಜೇನು ತುಪ್ಪದಲ್ಲಿ ಇಟ್ಟಿದ್ದನ್ನ ಸೇವಿಸುವ ನೈಸರ್ಗಿಕ ತಂತ್ರಜ್ಞಾನ ಮರೆಯುತ್ತಿದ್ದೇವೆ ಮಾತ್ರವಲ್ಲ ಮರೆತೇ ಬಿಟ್ಟಿದ್ದೇವೆ.
 ಆದ್ದರಿಂದ ಈ ವರ್ಷ ಮಾವಿನ ಹಣ್ಣು, ಹಲಸಿನ ಹಣ್ಣು ಮತ್ತು ಪೈನಾಪಲ್ ಹಣ್ಣುಗಳನ್ನು ಜೇನು ತುಪ್ಪದ ಜಾಡಿಗಳಲ್ಲಿ ಇಟ್ಟು ನೋಡುವ ಪ್ರಯೋಗ ಮಾಡಲಿಕ್ಕಾಗಿ ಸುಮಾರು 30 ಕಿಲೊ  ಜೇನುತುಪ್ಪ ತೆಗೆದಿರಿಸಿದ್ದೇನೆ.
Labels:

Comments

Post a Comment

Popular posts from this blog

# ಜುಟ್ಟು ಕಾಳಿಂಗ ಸಪ೯ದ ಆಸ್ತಿತ್ವದ ಮಲೆನಾಡಿನ ಮಿಥ್ಯೆ#

  # ಕಾಳಿ೦ಗ ಸಪ೯ದಲ್ಲಿ ಜುಟ್ಟು ಕಾಳಿಂಗ ಸಪ೯ ಅಂತ ಇದೇ ಅನ್ನುವ ಯಾರು ನೋಡದ ಸಪ೯ದ ಅಸ್ತಿತ್ವ#    ಮಲೆನಾಡಿನ ಹಳ್ಳಿಗಳಲ್ಲಿ, ಅದು ಕಾಳಿ೦ಗ ಸಪ೯ದ ವಾಸಸ್ಥಳದ ಪರಿಸರದಲ್ಲಿ ಜುಟ್ಟು ಕಾಳಿಂಗ ಸಪ೯ ಇದೆ ಅನ್ನುವ ಮಾತು ಆಗಾಗ್ಗೆ ಕೇಳುತ್ತಿರುತ್ತೇವೆ. ಆದರೆ ಆ ರೀತಿಯ ಹಾವು ಇಲ್ಲ ಎಂದು ಹಾವಿನ ಬಗ್ಗೆ ಸಂಶೋದನೆ ಮಾಡುವವರು, ಅರಣ್ಯ ಇಲಾಖೆಯವರು, ಹಾವು ಹಿಡಿಯುವವರು ಖಡಾಖಂಡಿತವಾಗಿ ಹೇಳುತ್ತಾರಾದರು, ಈ ವದಂತಿ ಹೇಗೆ ಹರಡಿದೆ?.    ಇದು ಒಂದು ಊರು ಹಳ್ಳಿಯಲ್ಲ ನಾನು ನೋಡಿದಂತೆ ಮಹಾರಾಷ್ಟ್ರದ ರತ್ನಗಿರಿಯಿ೦ದ ಕೇರಳದ ಕಾಸರಗೋಡಿನ ತನಕ ಜುಟ್ಟು ಕಾಳಿಂಗದ ಅನೇಕ ರೋಚಕ ಕಥೆ ಕೇಳಿದ್ದೇನೆ.   ಪ್ರತ್ಯಕ್ಷ ನೋಡಿದವರು ತಾವು ಎನ್ನುವ ಅನೇಕರಲ್ಲಿ ಮಾತಾಡಿದ್ದೇನೆ ಆದರೆ ಅದು ನಂಬಲಹ೯ ಮಾಹಿತಿ ಅನಿಸಲಿಲ್ಲ, ಒಂದು ರೀತಿ ಕಾಲ್ಪನಿಕ ತ್ರಿಲ್ಲರ್ ಕಥೆ ಅಷ್ಟೇ ಅನ್ನಬಹುದು.    ಜಡೆ ಕಾಳಿಂಗ ಸಪ೯ಕ್ಕೆ ರೋಷ ಜಾಸ್ತಿ, ಹೆಡೆ ಮೇಲೆ ಕೂದಲಿನ ಜುಟ್ಟು ಇರುತ್ತೆ, ಮನುಷ್ಯರನ್ನ ಕಂಡರೆ ಓಡಿಸಿಕೊಂಡು ಬರುತ್ತೆ, ಅದರಿಂದ ತಪ್ಪಿಸಿಕೊಳ್ಳಲು ಒಂದೇ ದಾರಿ ಅದೇನೆಂದರೆ ತಗ್ಗಿನ ಪ್ರದೇಶದಲ್ಲಿ ಓಡುವುದು.     ಯಾಕೆ೦ದರೆ ಓಡಿಸಿಕೊಂಡು ಬರುವ ಜುಟ್ಟು ಕಾಳಿಂಗದ ಜುಟ್ಟು, ಇಳಿಜಾರಿನಲ್ಲಿ ಅದರ ತಲೆಯಿ೦ದ ಇಳಿಜಾರಿಗೆ ಸರಿಯುವುದರಿಂದ  ಕಣ್ಣಿನ ಮೇಲೆ ಕೂದಲ ಜುಟ್ಟು ಮುಚ್ಚುವುದರಿಂದ ಕಣ್ಣು ಕಾಣುವುದಿಲ್ಲ, ಆಗಲೇ ತಪ್...
Post a Comment
Read more

Blog number 1037. ರಾಜಕುಮಾರಿ ಶಾಂತವ್ವ ಮತ್ತು ದಲಿತ ಯುವಕ ಸಿದ್ದೇಶ್ವರರ ಅಮರ ಪ್ರೇಮದ ಸ್ಮಾರಕ, ಅನ್ಯ ಜಾತಿ ವಿವಾಹವಾದ್ದರಿಂದ ರಾಜಕುಮಾರಿಗೆ ಸೂಳೆ ಪಟ್ಟ ನೀಡಿದ ಸಮಾಜ. ಸಮಾಜದ ಒಳಿತಿಗಾಗಿ ಶಾಂತವ್ವ ಕಟ್ಟಿಸಿದ ಬೃಹತ್ ಕೆರೆಗೆ ಜನ ಕರೆದದ್ದು ಸೂಳೆ ಕಟ್ಟಿಸಿದ ಕೆರೆ ಅದೇ ಸೂಳೆಕೆರೆ / ಶಾಂತಿ ಸಾಗರ

# ಸೂಳೆಕೆರೆ (ಶಾಂತಿ ಸಾಗರ) ಅಂತರ್ ಜಾತಿ ಪ್ರೇಮ ವಿವಾಹದ ದುರOತ ಕಥೆ. #ಅಕ್ಟೋಬರ್ 2019 ರಲ್ಲಿ ತುಂಬಿ ತುಳುಕಿತ್ತು.  ಚಿತ್ರದುಗ೯, ದಾವಣಗೆರೆ ಬಳ್ಳಾರಿ ಮುಂತಾದ ಮಳೆ ಕಡಿಮೆ ಆಗುತ್ತಿದ್ದ ಜಿಲ್ಲೆಗಳಲ್ಲಿ ಅದೂ ಅಕ್ಟೋಬರ್ ತಿಂಗಳ 2019 ರಲ್ಲಿ  ಬಂದಿದ್ದ ಬಾರಿ ಮಳೆ ಎಲ್ಲಾ ಕೆರೆ, ಹೊಂಡಗಳು ತುಂಬಿ ತುಳುಕಿದೆ, ಸಾಮಾಜಿಕ ಜಾಲ ತಾಣದಲ್ಲಿ 40 ವಷ೯ದಲ್ಲಿ ಇಂತ ಮಳೆ ಬಂದಿಲ್ಲ ಅಂತ ಸುದ್ದಿ ಹರಿದಾಡುತ್ತಿತ್ತು ಮತ್ತು  ಸೂಳೆಕೆರೆ ತುಂಬಿ ಕೋಡಿ ಬಿದ್ದಿದೆ ಅಂತೆಲ್ಲ Post ನೋಡಿ ಬೆಂಗಳೂರಿಂದ ಬರುವಾಗ ಚಿತ್ರದುಗ೯ ಮಾಗ೯ವಾಗಿ ಚನ್ನಗಿರಿ ತಲುಪಿ ಸೂಳೆಕೆರೆ ನೋಡಲು ಹೋಗಿದ್ದೆ.  11ನೇ ಶತಮಾನದಲ್ಲಿ (1128ರಲ್ಲಿ)ಕೇವಲ 3 ವಷ೯ದಲ್ಲಿ ಈ ಕೆರೆ ನಿಮಾ೯ಣ ಮಾಡಿಸಿದ್ದು ಶಾಂತವ್ವ ಎಂಬ ರಾಜ ಕುಮಾರಿ ಅವಳು ಸ್ವಣ೯ವತಿ ಪಟ್ಟಣದ ದೊರೆ ವಿಕ್ರಮ ರಾಜನ ಮಗಳು, ಸಿದ್ದೇಶ್ವರ ಎಂಬ ಅನ್ಯ ಜಾತಿಯ ಯುವಕನೊ೦ದಿಗೆ ಗಾಂದವ೯ ವಿವಾಹ ಆಗುತ್ತಾಳೆ ಇದನ್ನ ಸಹಿಸದ ಮತ್ತು ಒಪ್ಪದ ಜನತೆ ಸೂಳೆ ಎಂದು ಮೂದಲಿಸುತ್ತಾರOತೆ ಈ ರೀತಿ ತನಗೆ ಬಂದ ಕಳಂಕ ಕಳೆಯಲು ಈ ಬೃಹತ್ ಕೆರೆ ತನ್ನ ಪತಿ ಸಿದ್ದೇಶ್ವರನ ಜೊತೆ ಸೇರಿ ನಿಮಿ೯ಸಿ ಕೆರೆಗೆ ಹಾರವಾದಳೆoಬ ಇತಿಹಾಸ ಇದೆ ಇದರಿಂದ ನೊಂದ ಪತಿ ಸಿದ್ಧೇಶ್ವರ ಕೂಡ ಎದುರಿನ ಗುಡ್ಡದಲ್ಲಿ ಜೀವ ತ್ಯಾಗ ಮಾಡುತ್ತಾನೆ ಈಗ ಅಲ್ಲಿ ಸಿದ್ದೇಶ್ವರ ದೇವಸ್ಥಾನವಿದೆ.   ಈ ಕೆರೆ ಈಗಲೂ ಸೂ...
Post a Comment
Read more

ಶ್ರೀಧರ ಸ್ವಾಮಿ ವರದಳ್ಳಿ ಪವಾಡ ಪುರುಷರು.

   ಶಿವಮೊಗ್ಗ ಜಿಲ್ಲೆ ಸಾಗರ ತಾಲ್ಲೂಕಿನ ವರದಳ್ಳಿಯ ತಪಸ್ವಿ ಶ್ರೀಧರ ಸ್ವಾಮಿಗಳು.   ವರದಳ್ಳಿ ಶ್ರೀಧರ ಸ್ವಾಮಿಗಳ ಬಗ್ಗೆ ಕೇಳಿದ್ದು, ಓದಿದ್ದು ಮತ್ತು ಅವರ ಒಡನಾಡಿಗಳನ್ನ ಭೇಟಿ ಮಾಡಿದ್ದು ಬಿಟ್ಟರೆ ಅವರನ್ನ ಪ್ರತ್ಯಕ್ಷವಾಗಿ ನೋಡಿಲ್ಲ.     ನಾವು ಚಿಕ್ಕವರಿದ್ದಾಗ ಪ್ರಾಥಮಿಕ ಶಾಲೆಯಲ್ಲಿ ವ್ಯಾಸಂಗ ಮಾಡುವಾಗ ಆಗಿನ ಕಾಲದ ಖ್ಯಾತ ಚಲನಚಿತ್ರ ನಟ ಉದಯ ಕುಮಾರ್ ಅರಳಿ ಮರದ ಗ್ಯಾರೇಜ್ ಹತ್ತಿರ ಬಂದಿದ್ದಾರೆ ಅಂತ ಊರಿನ ಜನರೆಲ್ಲ ಗುಂಪು ಗುಂಪಾಗಿ ಓಡುತ್ತಿದ್ದರು, ನಾವು ಚಿಕ್ಕ ಮಕ್ಕಳೆಲ್ಲ ಅವರನ್ನ ಹಿಂಬಾಲಿಸಿದೆವು.       ಅಲ್ಲಿ ಒಂದು ಬಿಳಿ ಅಂಬಾಸಡರ್ ಕಾರು ನಿಂತಿದ್ದು ಅದರ ಅಡಿಯಲ್ಲಿ ಮಲಗಿ ಮೆಕ್ಯಾನಿಕ್ ದುರಸ್ತಿ ಮಾಡುತ್ತಿದ್ದರೆ ಎತ್ತರದ ಮಣ್ಣು ದಿಬ್ಬದ ಮೇಲೆ ನಮ್ಮ ನಟ ಉದಯ ಕುಮಾರ್ ಸಿಗರೇಟು ಸೇದಿ ಹೊಗೆ ಬಿಡುತ್ತಿದ್ದರು. ಯಾರೂ ಅವರ ಹತ್ತಿರ ಮಾತಾಡುವ ದೈಯ೯ ವಹಿಸಲಿಲ್ಲ ಆದರೆ ನೆರೆದ ಜನ ಮಾತಾಡಿಕೊಳ್ಳುತ್ತಿದ್ದ ಮಾತಿನ ಸಾರಾಂಶವೆಂದರೆ ವರದಳ್ಳಿಯಲ್ಲಿ ತಪಸ್ಸು ಮಾಡುತ್ತಿದ್ದ ಶ್ರೀಧರ ಸ್ವಾಮಿಗಳು ದೇಹತ್ಯಾಗ ಮಾಡಿದ್ದಾರೆ ಅದನ್ನ ಕೇಳಿ ಅವರ ಭಕ್ತ ಮತ್ತು ಶಿಷ್ಯರಾದ ಖ್ಯಾತ ಚಿತ್ರ ನಟ ಉದಯ ಕುಮಾರ್ ಬರುವಾಗ ಕಾರು ಹಾಳಾಗಿ ದುರಸ್ತಿಗಾಗಿ ನಿಂತಿದ್ದಾರೆ, ದುಃಖದಲ್ಲಿ ಇರೋದರಿಂದ ಆ ರೀತಿ ಸಿಗರೇಟು ಸೇದಿ ಬೂದಿ ಮಾಡುತ್ತಿದ್ದಾರೆ ಅವರ ಹತ್ತಿರ ಯಾರೂ ಮಾತಾಡ ಬೇಡಿ ಅಂತ ...
1 comment
Read more